رواية احلام موجله الفصل الثامن 8 - بقلم الحساب مغلق

تريكنا وكملنا صبيت جاي من طيتيا اتلامست ايدينا رجفت وحسيته رجف صعدت فوك وعفت الجهال بقيت ابجي على حبنا شكد جنت ارتاح من يلزم ايدي احس هو سندي ليش خذلتني ربع ساعه ونزلت الجهال يبجون لملمت وانضفت واخذت الجهال وصعدت لبيتي رجعت اقره خليت التلفون يم خالتي خاله اي شي تردين خابري ارد عليج انزلج ركض وصعدت وره شوي باب الشقه الداخلي اندك لبست الحجاب ماكو غيره صعد فتحت الباب تفضل سرمد محتاج شي سرمد- ضل مراد يبجي واني معرفت شسويله يريد يجي فوك اخذت مراد مني ومباوعت بعيني وانتيهت على عينها صايره حمره من البجي

سرمد/غسق ممكن احاجيج

غسق- ماكو شي بعد نحجي بي
سرمد- اكو هواي امور متعرفين بيها لازم اسولفلج عليها
غسق-رفعت عيني بعينه  وكتله اليوم وره الغده هسه اريد انضف وابدل للجهال واحضر غده
سرمد- لتحضرين حجيب من بره اليوم جمعه
غسق- براحتك وترخصت ونزل هو سديت الباب شيريد بعد اني ماريده شيريد كملت كل شغلي ونزلنا للغده وكملت الغده وتنضيف الهوسه مال غده دا اصعد صاحني وين اريد احجي وياج همس خاف تسمع خالتي 
غسق- بس انيمهم وانزل نحجي بالصاله جنت ميته اريد اعرف شيريد يحجي
سرمد- لتضربيني بوري
غسق- يايوم ضاربتك تشوف نفسك تشوف العالمًم مثلك نضرلي نضره توسل ودمعت عينه ونصه نضره  وراح صعدت نيمتهم  ونزلت خليت شوي كحله من توفى فرقد لحد هسه ممخلبتها ردت اجدب انتباه سرمد ماعرف ارضي غروري المهم نزلت جوه ودخلت للصاله جان كاعد ويكلب بجهازه الموبايل شافني عدل كعدته
سرمد- تعاي تفضلي
غسق- احجي دا اصعد يمهم خاف يكعدون ونزلت عيني
سرمد- اني بس ردت ابررلج ليش متصلت بعد غسق- ماريد اعرف موضوع انتهى قبل اربع سنين ليش ترجع تفتحه اني هسه عدي اهم شي جهالي ودراستي رجاءا لتدخل بحياتي
سرمد- اني هم هيج انتي هسه مرت اخويه ومستحيل انضرلج غير نضره بس اني عايش وياج تحت سقف واحد اطفالنا ديربون سوه لازم نشيل الحقد خلينا اصدقاء اسمعيني للاخير واسكتي
غسق- اومات موافقه
سرمد- اني منسيتج بس صادقت شباب زينه وموزينه وسهرات وطبات وطلعات وجانوًويانه بنات هم هو هناك هيج عدهم عادي بيوم من الايام واحد من الشباب شافني ضايج سالني شبيك كتله راسي ياذيني نطاني حبايه كلي هسه تطيب بلعتها ومحسيت بنفسي الا وبنيه انكليزيه نايمه بصفي وكلشي مللبسه انهزمت رطلعت من الغرفه صافن اريد اتذكر شي ماكدرحتى بيومها خابرتج جنت كل اسبوع اخابرج كتيلي ليش ضايج كتلج مشتاقلج تذكرين
غسق- اي اتذكر
سرمد- اي هو بيومها تاذيت ردت ارجع بس خفت من فرقد راني توني 3سنين عفت الشباب الموزينه رجعت البنيه وره شهر كلتلي تره اني حامل وجانت عذراء من جيت يمها وهي هم محاسه ونطوها الحبايه وضلت تبجي واني انصدمت مصدكت بيها عذراء اخذتها للدكتور فحصها وهي وافقت وطلعت صدك جانت عذراء واني اخذتها وسويت تحليل دي ان اي طلعت حامل كلتلي اذا انزله اموت واني ماحبك ماريد اتزوجك بس اهلي شكولهم فقررنا نتزوج ومن تولد اخذ الطفل ونتطلك وتزوجنا وكملت دراستي وولدت مراد وتطلكنا وره شهرين وهي شافت حياتها واني كملت دراستي وخليت مراد مربيه ومن سمعت فرقد استشهد تخبلت وضل بالي على امي واني صرت رابه اكدر اسوي انتساب فرجعت احاجيها ومنزل عيني ودموعي تنزل واني ماريدها تحس بيه لان مدتريدني بعد ومترهم نرجع سوه مرت اخوي رفعت عيني لكيتها تبجي بخنكه غسق- اختنكت من حجالي ضاعت احلامنا بسبب حبايه بجيت محسيت على نفسي تخبل من شافني ابجي سرمد- لتبجين فدوه ماتحمل مو كافي الاذيه الاذيتها الج ابريلي الذمه ارد ارتاح
غسق- مبري الذمه
سرمد- هسه يله ارتاحيت باوعت بعينها وضل عيوننا تحجي وتتعاتب شون كدرتي تاخذين غيري شون
غسق-حسيت بعينه يعاتبني واني بس الله يدري شون عشتها وي اخوه وشكد تعذبت نصيت نضري ترخصت وطلعت سحبني من ايدي جريت ايدي قوي غسق- لتلزمني ميصير
سرمد- شوكت امتحانج
غسق- عكب باجر تبدي
سرمد- منو يوديج
غسق- اني اروح
سرمد- لا اني اوصلج

يتبع...