رواية احلام موجله الفصل الثامن عشر 18 - بقلم الحساب مغلق

مراد -ممنون منك صديقتها حلوه واضحكتها حلوه تنعجن بالكلب مع العلم كلشي محجت غسق -جنت طايره ومدخلت اي محاضره سولفتله عن حياتي من عافني لحد مارجع وحجيتله على سرمد هم كلشي مراد -غسق بس ميصير تبقين ببيتهم بعد خاف تنجرفين غسق -حبيب اختك انته لا عمري اختك بميه رجال وشي ثاني بيتي كامل فوك مفصول عنهم تماما تعال فد يوم بات يمنا مراد -هو اسويلج مره اشوف الوضعيه اي دعسوقه دخلتي بايو مووو والله عمي سبعه طموحج وصلتيله غسق

-وخياطه هم صرت وعدي توام مراد -هاي ادري بيها واموت واشوفهم يله اخر محاضره هاي ادخليها واني ادخل اعرف نفسي وراها نطلع غسق -ماشي ماشي  دخلت محاضراتي عادي وكملنا ومن دنريد نطلع شفت سرمد سرمد -عفيه غسق لترجعين وي مراد ابقي رجعي ويايه غسق -ليش خليني ارجع ويا خاف ينقهر سرمد -لا ابقي ويايه وهو يجي للبيت نعزمه على غده ماشي غسق -استغربت منه بس قبلت اي اوكي ميخالف سرمد -مو بعدين تكلبين وتحرجيني غسق

-من كتلك اي يعني اي انتهت سرمد -ابتسمتلها خوش طلع اخوها من الاداره صاحها مراد -يله دعسوقه غسق -حبيبي حطلع وي سرمد وانته الحكنا بالسياره اليوم معزوم على غده مراد -شحتغدوني غسق -والله الصبح سويت مي لحم وتمن باكللا مراد -اويلي يابه جاي جاي اطلعو كدامي تره جوعان سرمد

_تنهدت همزين قنع وما اخذها ويا بس اني حالتي غريبه داغار عليها حته من اخوها طلعنا ورحنا للبيت تعرف مراد على امي وشاف الجهال استغرب ابني اسمع مراد صدفه غريبه مراد

-مسمي اسم ابنه على اسمي لعد شكد يحبها لغسق لزمت جهال اختي ماعرف شسويلهم ردت اكلهم خو البنوته عينن غسق عيونها والولد اشكراني اروح صدقه بعد ماعوفهم روحي صارت بيهم اكلنا والاكل يخبل دعسوقه صايره ام بيت بعدين صعدنا فوك ببيت غسق شعدها عطلات سويتهن وهي تتفرج عليه حبيبتي غسق -حبيبي تعبناك اليوم اكعد عاد خل نسولف شسويت مسويت بحياتك كلب محب مراد

-علاقات اي صار عدي بس حب لا دراسه بس هسه لازم اتزوج استقر اريد اشتري بيت صغير يم امي وارتاح غسق -مو تدلل جنك على عروس ناخذ اخت بتول حلوه ونادره مراد -شمكمله غسق -ممكمله دراسه ثالث ومبطله مراد -اني اريد مكمله واليوم صديقتج رفقه جذبتني غسق

-ايا ملعون يا لوتي تبصبص عالبنيه ضليت اشاقه ويا واضرب بي اندكت الباب دخل سرمد قطب حاجبه على شقانه هو يضحك واني اضرب بي حضني لج لا والله بس اني اساسا دا فكر اتزوج شفت صديقتج عجبتني ضل يضحك واني اصيح واكمز واضرب بي شقه سرمد -شفتها تضرب بيه وهو يحضن بيها ويضحكون اشتعلت نيران بكلبي غسق

-مدري شبي سرمد بس مدلغم وضايج المهم كعد فوك وي مراد سولفو بينما نيمت الجهال وضليت اسولف وياهم ونضحك بس سرمد مو منطلق متضايق مدري شبي لازم اساله ضل بالي  المهم وره السوالف مراد -غسق تفرشيلي هنا اتمدد شونعست وضلوعي كامت توجعني غسق

-اي بعيني فرشتله واجه تمددعلى بطنه تذكرت قبل جنت افركله ضهره من يرجع من الشغل لان ابويه يشتغل نجار جان فالخشب ثقيل ومراد يشيله فيجي تعبان ويكلي فركيلي ضهري المهم تمدد مراد واني بديت افرك ضهره هو ضحك صوت عالي بعدج تتذكرين وكام يسوي لج اي اويلي خرب اي والله ارتاحيت عاشت ايدج غطيته وسرمد يتفرج ومعاجبه الوضع يهز برجله شوي وراح نزل وترخص من مراد اني هم عفت مراد نزلت اغسل مواعين الغده والملم البيت واشوف خالتي سولفت شوي وياها على مراد بس بالي يم سرمد ماعرف شبي رحت لغرفته دكيت الباب سرمد

-تعاي دخلي غسق -اكدر احاجيك سرمد -بدون ماباوع بوجهه شكو شتريدين غسق -سديت الباب وكعدت عالقنفه كباله انت شبيك شو مو على بعضك ضل بالي عبالك مخنوك سرمد -كلشي مبيه شبيه قابل غسق -سرمد قابل اني ماعرفك انت ضايج من شي ومتضايق شنو بامور الشغل لو شنو احجي سرمد -كتلج مااااكو شي غسق -زين اوكي لتصيح براحتك  حطلع سرمد من رادت تطلع تخبلت صيحت عليها وهي ضال بالها يمي كمزت تعاي لتروحين غسق

-من دا اطلع صاحني بقيت لازمه يده الباب ودايره وجهي عنه ضجت اقل شي يصيح عليه تقرب مني سحبني من ايدي شمرت ايده وخر عني شبيك بس تصيح داحاجيك عدل حاجيني عدل متريد احاجيك ملازم سحبني قوي وكلي تعاي كتله شتريد سرمد -اغارر ما اتحمل حضنه الج وكلسا يبوس ويضحك وانتي تفركيله ضهره اغغغغغااارً حتى من اخوج غسق -انت صدك تحجي هذا اخويه سرمد -تصرفاتكم صبيانيه مو مال مره ورجال غسق -هو احنا هيج المطلوب شنو سرمد

-لتبوسي ولا تحضني ومن يسويهن ادفعي اتخبل تره وما اتحمل غسق -واذا مسويت التريده شسوي توديني لاهلي وتاخذ جهالي نضرتله بحقد اذكره بتهديده قبل وهسه حسيت عدي سند كمت احجي بزودي سرمد -فتحت عيني على كلامها جاوبت هاي شبيج بهمس غسق ما اتحمل احد يلزمج باوعت بعينها ذبت بيهن غسق -سرمد انت شتريد بس فهمني انت مو كتلي احنا اخوان وميجمعنا زواج ليش تتحكم بي اني مره واعرف حدي زين ومتربايه تره سرمد

-ادري والله بس تعاي حضنتها قوي وشميتها حسيتها ذابت بايدي واني هم ذبت شوفي همست اللي احسه بحضنج وتحسي بحضني نفس التحسي بحضن اخوج ويحسه هو غسق -لا مو نفسه سرمد -لعد احنا مو اخوان خليت وجهها بين ايدي غسق احبج تدرين كلش زين بس فرقد بيناتنا غسق -همست والحل شنوسرمد -ماعرف والله ماعرف ورجعت حضنتها قوي حبابه لتخلي يحضنج اموت غسق/ قابل اكوله وخر اخويه لتحضني سرمد -لا شوي شوي بعدي غسق -اوكي سرمد

-فدوه للتسمع كلام احبج  غسق/ سرمد كافي تره حتعلم على حضنك سرمد -تعلمي ميخالف قبلتها من راسها وصعدت فوك واني نمت مرتاح غسق -صعدت لكيت العينتين مكعد الجهال وديلعب وياهم وهم مكيفين عليه خرب ببليسك ليش كعدتهم اريد ارتاحلي فد ساعه مراد -معليج نامي اني يمهم عسق -لا شبنيمني بعد صار العصر يله امشي نشرب جاي جوه يم خالتي مراد -يله اجيب الجهال انتي شيلي بتج منريد بنات بس شباب كش منا يله غسق

-ها شبيهم البنات ولك بسيطه نزلنا صبيت جاي اله ولخالتي شوي واجه سرمد كمزت صبيتله جاي