رواية أكابر و اقول فراقه عادي و انا في داخلي اصرخ تكفون جيبوه الفصل الثالث والعشرون 23 - بقلم HaboOoshy

بــعــد مــرور اســبــوع
بـــيــت ابــوفــواز
انطلقت الزغاريد بمناسبه ملكة ناصر ونور
وقفوا كلهم وصاروا يباركون لنور المستحيه بس بداخلها مبسوطه
قمر وهي تضمها بقوه:الف الف مبروك تستاهلون
نور بخجل:الله يبارك فيك ههه عقبالك
ابتسمت باألم:لا انا انتهيت من هالموضوع
ضاق خلق نور:لا تقولين كذا
ابتسمت قمر بقوة:المهم يامزه اليوم يومك انبسطي ولا تشغلين بالك باي احد
ابتسمت نور وهي تضغط على يد قمر بقوه وهزت راسها بايجاب
اميره وهي تتدخل:نور ناصر يبي يشوفك امشي
نور بقوه: لالا ماابي يمه
ام فواز:ههههه وشفيك يابنتي خلاص صار زوجك الحين لاتستحين
نور:لا يمه مابي
قمر:ههه وشفيك قومي اقول معي
منيره:يلا
وقفت وسط تعليقات البنات والضحك عليها

دخلت المجلس وهي منزله راسها بارتباك
تقدم فواز ومسك يدها وباس راسها:الف مبروك
نور بهمس:الله يبارك فيك
ناصر اللي وقف وهو يتاملها بدون أي كلمه
فواز وهو يبتسم:عاد مااوصيك على اختي اا
قاطعه ناصر وعيونه على نور:نور بعيوني وقلبي
فواز:هههه اوه طيب يعني اطلع؟
ابتسم ناصر وناظر فواز:ههه ياليت
فواز:هههه يلا(طلع وتركهم لحالهم)
تقدم ناصر ومسك يدها وجلسها قريب منه ماترك يدها: مدري وش اقول بس ابيك تعرفين اني احبك واني مستحيل اسمح لاي شخص يضرك وانا موجود وطول ماانا اتنفس راح احاول اسعدك قد ما اقدر
ابتسمت نور بغصه ودمعت عيونها:الله يخليك
انصدم ناصر وقرب لها ورفع ذقنها: نور وشفيك سويت شيء؟
هزت راسها نور بلا:لا بالعكس بس كان ودي يكون ابوي معي بهاليوم كان دوم يقول لي متى اشوفك عروس وادخلك لزوجك ااه(ضمت شفايفها بقوه)
تنهد وسحب راسها لصدره ولف يده حول ظهرها:ااه الله يرحمه ياروحي ومايبي منا الا الدعاء
هزت راسها بايه وبعدت عنه وبخجل:اسفه ههه بتقول وش هالكئيبه؟
ضحك ناصر وهو يمسك يدها:بالعكس (ناظرها بتامل) بحياتي ماتخيلت نفسي بااحب كنت دايم اقول لنفسي اني بتزوج زواج تقليدي بس من شفتك تغير كل شيء
نور بخجل ونعومه:جد؟
ناصر:ايه جد وانتي؟
نور وهي تناظره ورجعت تنزله وابتسمت بخفه:وشفيني؟
ناصر:ههه وش رايك فيني اول ماشفتيني؟
نور:بصراحه؟
ناصر:اكيد
نور:ههه حقدت عليك
ناصر:ههههه افا
نور:ههههه بس بعدين لا
ابتسم ناصر وبصوت يخق وهو يقرب راسه منها:حبيتيني؟
نور وهي تصد بخجل:ناصر
ناصر:لالا مااقدر توني ادري ان اسمي حلو كذا
نور:هههههه

الــصـــالـــه
ريناد قاعده ولا تحركت من مكانها ولا حركه
قمر:وشفيك انتي قومي معنا
ريناد بخجل:لا ماابي
قمر باستغراب: حمدلله والشكر وشفيك؟
ريناد وهي مرا متفشله من فواز انها جايه بيته بعد اللي صار:مافيه شيء روحي انتي
قمر:حمدلله والشكر (ومشت وخلتها)
تنهدت ريناد وهي تناظر بيتهم المتواضع مرا ونزلت راسها للارض بهدوء

بـــعـــد يــومــيــن
بــيــت ابــوســديــم
مــلــكــة ســديــم
كان الكل يركض ومحتاس بملكتها هذا يجهز وهذا يرتب
كانت قاعده سديم بفستان ناعم ومرتب مرا:اف ياربي
ساره:هههه وشفيك؟
سديم:خايفه
ساره: خايفه يلا بس عن الكذب بغيتي تموتين عشان تاخذينه
سديم بفشله:ههههههه على تبن
اميره وهي داخله:خوش عروس وتقول تبن ومدري ايش
سديم:هههه كله من ساره بعدوها عني
ريوف وهي تتدخل:سديم ابوي جاي ومعه الكتاب تجهزي
سديم: يمه
قمر:ههههه وش يمه اقول بس اعقلي
نور:ياربي منكم قسم شعور مخيف
اميره:ههه صح بس لاتنكرين انه حلو
نور وهي تبتسم:صح
تنحنح ابوسديم وتغطت نور ومنيره ودخل وهو يمد الكتاب لسديم ويبتسم:الف مبروك وقعي
سحبت القلم وهي تناظر ابوها و وقعت:الله يبارك فيك
صاروا البنات يزغرطون ويضحكون

بـــعــد ســاعـــه
كانت سديم بالمجلس مع حمد والبنات طلعوا للحديقه ماعدا منيره اللي كانت بالحمام ..

الــبــنــات
ريوف بسرعه: جت جت
قعدت منيره وسكتت باستغراب:وشفيكم؟
قمر وهي تسوي نفسها مرتبكه:هاه ؟؟لالا عادي مافيه شي
ناظرتهم منيره:الا فيه قولوا لي
نور: منيره مانبيك تزعلين
ريوف بكذبه: ايه منيره تكفين
منيره بضجر:تكلموا
ريناد: عبدالعزيز ااف قمر قولي لها
قمر:عبدالعزيزز اا
منيره بعصبيه:وشفيه تكلمن
ساره بسرعه:عبدالعزيز يبي يخطب
منيره بصدمه:يخطب من؟
قمر:اا مدري وحده
منيره وهي تسحب كوب العصير وبقوه مصطنعه:الله يوفقه
ناظروا لها بصصدمه وذهول
نور:منيره عبدالعزيز؟
منيره وهي ترفع حاجبها:واذا؟
ريناد بقهر:بتستسلمين؟
منيره باستسخفاف:استسلم من ايش؟حرب هي؟
ساره:بس منيره انتي
منيره بسرعه:احبه؟
ريوف:ايه
منيره وهي تصد:يمكن المهم غيروا الموضوع انا ماافكر باي رجل الحين لا عبدالعزيز ولا غيره
سكتوا بصدمه من منيره وان كذبتهم مافادت حتى ..

بــعــد اســبــوع
بـــيــت ابــوســديــــم
جـــنــاح ســاره
كانت منسدحه على السرير تبي تنام بس دق جوالها سحبته وهي تشوف رقم غريب ردت:الو
:وشلونك؟
ساره باستغراب:من؟
:افا نسيتيني؟
ساره وهي شكت بس قالت بقهر:ااف بتقول والا اصكه بوجهك؟
ضحك بقوه:هههه ماتتغيرين انتي لاتصكينه لانك لو صكيتيه انتي الخسرانه
ساره:مريض ؟
:انا فارس
ابلعت ريقها ساره:وش تبي ومن وين جبت رقمي؟
فارس:انا مو بس جبت رقمك انا جبت اهلك كلهم
انقهرت ساره:بتقول وش تبي والا اوريك شغلك؟
فارس:لا بقول
ساره:بسرعه
فارس:عندي اوراق توديكم انتوا يالراسي كلكم بسبعين داهيه
ساره باستغراب:نعم وش قصدك؟
فارس:عندي اوراق وهميه وعقود ابوك موقع عليها ولو اوديها للشرطه واشتكي بتروحون كلكم
ساره بصدمه:ايش؟
فارس:اللي سمعتيه
ساره:انت كذاب وانا مااصدق اشكالك
فارس:ماتصدقين طيب بكرا الصبح برسلك نسخ من الاوراق وبتشوفين
ساره:وش تبي ؟
فارس وهو يتبسم:يعجبوني اللي يفهمون ابيك
ساره بصدمه:ايش؟
فارس ببرود:ابيك بس ابيك بالحلال
توسعت عيونها ساره بصدمه:بالحلال؟
فارس:ايه بخطبك من ابوك وانتي بتوافقين والا اﻷوراق بتكون بالمحكمه بكرا
بلعت ريقها ساره الا اهلها ماتسمح لاي شخص يضرهم:فارس بعد عني انا ماضريتك بشيء
فارس وهو يبلع ريقه:ادري بس انا ابيك
تنهدت ساره وبحده:وش تبي تبي جسمي؟
قاطعها بقهر:لاتتكلمين كذا انا ابيك
ساره بصدمه:يعني وشلون؟
فارس:ابيك زوجتي
ساره بصدمه:زوجتك؟!

بــعــد اســبــوعــيــن
زواج امــيـــره
كانت قمر تزين
فستانها:خلاص حلو
اميره وهي تاخذ نفس:خايفه قمر
ابتسمت قمر:لاتخافين ولا شي هذا اللي كنتي تبينه
هزت راسها اميره وهي تبتسم:صادقه
انطق الباب وقالت قمر:تفضل
دخلت ازهار وهي تبتسم وسلمت على اميره:الف مبروك
اميره وهي تبتسم:الله يبارك فيك
ازهار:الله يوفقكم ويرزقكم قد نيتكم
اميره بابتسامه واسعه:تسلمين ياروحي ..

تــمــام الـــســ12:00ـــاعــه
الــفــنـــددق
سكر باب الجناح بحب وهو يتقدم لها وباس راسها:الف مبروك
ابتسمت بخجل:الله يبارك فيك
جلس جنبها ومسك يدها وصار يلعب باصابعها:ههه ماكنت اتوقع اننا بنتزوج ااه(ناظر عيونها) كنت فاقد الامل
اميره وهي تناظر له وابتسمت:حتى انا جت فتره فقدت الامل بس ههه شوفنا الحين
ابتسم بقوه وهو يبوس يدها:صح
اميره:بس انبسطت حيل لما شفت اهلك جاوني وسلموا علي
رامي :خلينا منهم .....

أن قلت أحبكـ قالها قبلي الناس..
ودي بكلمه تعجزالناس عنها.

بــعــد اســبـــوع
بـــيــت ابــوســديــم
حمد:عمي انا بصراحه مستعجل ليش مانخلي زواجنا مع زواج معاذ وريوف انا شاورت معاذ وهو موافق
ابوسديم:اذا سديم موافقه انا ماعندي مانع
ابتسم حمد:سديم موافقه
ابوسديم:ااه منكم يالشباب اجل ليش تشاورني دامكم وافقتوا وسويتوا كل شي؟
حمد بخجل: لا والله ياعمي بس قلت مااجيك الا وانا مجهز كل شيء
ابوسديم وهو يبتسم:ادري امزح معك خلاص صار اللي تبي..

زواج مــشــاري و فــهـــد
الــــســ7:00 المغرب ــاعـــــه
ابوفهد:ااف وين راح هذا؟
مشاري وهو يدق على جوال فهد:مايرد عمي
ابومشاري:الله يستر الله يستر ..

شـــقــه تــركــي و وســــن
دخلت وسن وهي مبتسمه
ناظرها تركي وابتسم بقوه:وشفيك؟
وسن وهي تضحك وتمسك يده:مستانسه
تركي:عشان ابوك رجع امك؟
هزت راسها وسن بقوه:ايه طبعا لما شفتهم والجوري معهم تذكرت ايامي قبل كانت حلوه مرا
حز بخاطره تركي حس وكانها تقول انت دمرت حياتي او ان حياتي الحين ماهي حلوه:اها ايوه
وسن اللي متحمسه:ايه هههه
ناظرها تركي:انا بدخل انام(دخل الغرفه وسكر الباب)
وسن وهي تعقد حواجبها وفجاه استوعبت اللي قالته قامت بسرعه وهي تتدخل الغرفه شافته منسدح قربت له وانسدحت وركت راسها على كتفه:تراني ماكنت اقصد انو حياتي ماهي حلوه الحين(ابتسمت) بالعكس كل يوم اقوم و اقول الحمدلله
لف شوي ودخل يده وضمها لصدره:انا اسف وسن اا
حطت يدها على فمه وابتسمت:انا مسامحتك بالعكس ههه انا بشكرك لانو لو ماسويت اللي سويته وتزوجتني ماحبينا بعض ماحس ابوي بقيمة امي ولا حسينا بقيمه العيله ولا عرف ابوي حقيقة عماني صح؟
ضحك وباس راسها:احبك يامجنونه
وسن وهي تحط راسها على صدره:ههه وانا بعد اموت فيك
شدها لصدره اكثر وهو يبتسم بقوة ..

الــســـ5:00 فجرا ــاعــــه
شــقــة مــشــاري و مــهــا
مشاري وهو يبتسم بقوة وقعد جنبها على السرير:ااه احبك
مها وهي تبتسم:وانا اكثر قسم
مشاري:مريت بفتره حاولت اكرهك بس ماقدرت
مها وهي تناظره:ااه اسفه ماعرفت قيمتك الا متاخره بس ههه بغيت انجن لما عرفت انك بتاخذ غيري
ضحك مشاري:هههه  مستحيل افكر بغيرك
ابتسمت بخجل وهي تلف وجهها ...

بـــعــدد مــرور اسـبــوعــيــن
بــيــت ابــوســديــم
جــنــاح ســاره
كانت لامه رجولها لصدرها ""وشفيني ابدي نفسي على اهلي اكيد بوافق ااه بس بخسر حياتي بس على الاقل هو يبيني بالحلال مو زي ثامر ااه كلهم نفس بعض لا فارس فيه شيء غير ااف"": خلاص اطلع من راسي
ريناد اللي توها تتدخل:بسم الله عليك من هذا اللي تبينه يطلع من راسك؟
ساره وهي تناظر ريناد:مااحد وش عندك؟
ريناد مااهتمت تسال لانها تعرف ساره مستحيل تقول:ابدا بس اشوف ريوف مسويه مناحه تصيح قلت يمكن تسكتينها
ساره باستغراب:ليش تصيح؟
ريناد:سخيفه تقول خايفه اتزوج
ساره:ايه ياحليلها هههه زواجهن بعد يومين
ريناد وهي تمد بوزها:بيتزوجن ويتركنا لحالنا بالبيت
ساره وهي تسحبها من رقبتها بقوة وتمشي فيها:هههه وحنا بنلحقهن
ريناد بدلع:اي رقبتي اتركيني
ساره ""موافقه يافارس بس مستحيل احرم خواتي من ضحكاتهم""

بــيــت خــالــد الــراســي
قمر وهي تضم اميره:اشتقت لك يادبا
اميره:ههه وانا اكثر قسم (سلمت على امها وابوها واخوانها)
قمر وهي تقعد:هاه بشري وشلون سويسرا حلوه؟
اميره:خيال مرا حلوه
ناصر وهو يبتسم:وشلون رامي؟
ابتسمت اميره:بخير ماعليه كان بينزل بس دق عليه ابوه قاله تعال ونزلني بيرجع
خالد:اهم شيء انكم رجعتوا بالسلامه
قمر : قسم فقدتك ماصفا لي الا هالعيال
عبدالعزيز:شوف هالناكره يوم تترجانا ناخذها معنا
ناصر:هههه ايه والله صدق ان كيدهن عظيم
قمر:ههههه امزح امزح
اميره وهي تبتسم:يالبى
اختي اصلا حنا يالبنات غير عنكم ياالعيال
نادر بتتطنز:ايه مرا واضح
اميره وقمر:هههههه
قمر:كانك تستهزي فينا؟
نادر وهو يبتسم بقوه:لا خطاك العيب
خالد وهو يبتسم بقوة ويتاملهم وناظر مرته وشد على يدها وبادلته هي الابتسامة بقوة

شـــركــة ابــوســديـــم
مــكــتــب ابـــوســديـــم
ابوسديم وهو يبتسم:ماشاء الله مع انك صغير بس متمكن بشغلك
ابتسم فارس:تسلم بس ماهي على السن هي (وابتسم ابتسامه واسعه) على الخبره
ابوسديم:ههه صادق
سكت فارس شوي وهو ينزل القلم:امم عمي
ابوسديم وهو يكتب بالارواق:امر
فارس:انا بصراحه ابي قربك
رفع راسه ابوسديم:ايش؟
فارس بثقه: ابي بنتك بكرا عرس بنتين من بناتك انا ابي الكبيره
ابتسم ابوسديم:والله لي الشرف اني اناسبك بس ساره مدري
عقد حواجبه فارس باستغراب:وشفيه؟
ابوسديم:لا مافيه شيء بس ساره عنيده وانت عنيد ههه اخاف ماتتوافقون
ابتسم فارس وبثقه كبيره: لاتخاف بنتوافق باذن الله
ابوسديم:خلاص ابشر انا اشاورها واذا وافقت صار خير
فارس:انا ماقلت لابوي لانه خفت ماتوافق ويتاثر بمشروعنا عشان كذا قلت تشوف بنتك ونجي رسمي
ابوسديم:ههه ماشاء الله حاسبها صح
ابتسم فارس:اعجبك ..

زواج مــعــاذ و ريــــوف
زواج حــمــد و ســديـــم
كانت ساره تركض وهي رافعه فستانها كان لونه وردي باهت كان شكلها مرا حلو: اف (دخلت غرفة خواتها) يلا تجهزوا بتبدا الزفه
سديم وهي توقف:ااه شكلي حلو؟
ساره وهي تبتسم:يخق (لفت لريوف) هههه وشفيك ؟
ريوف:خايفه
ساره:ياربي منك سؤال واحد بس تحبين معاذ؟
ريوف وهي تناظر ساره:ايه بس
ساره وهي تمسك يدها وتساعدها توقف:لا بس ولا شي ماتعبتي من التردد طول عمرك الظاهر لو تبين الحمام تترددين تتدخلين والا لا ؟
سديم وريوف:ههههه
ريوف:هههه مو هالدرجه
ابتسمت ساره:مدري عنك يلا امشوا
جت ريناد وساعدتهن يطلعن
وقفت ساره بااخر الممر وهي تناظر خواتها وهن يمشن بالزفه والحريم معجبين بهم تنهدت وهي تصفق ونزلت دمعه من عيونها ""مااظني بمشي زيكن وانا اضحك والفرحه مو سايعتني ااه شكله بالنهايه الحب هو اللي انتصر مو الزواج كنت مبسوطه اني ماتركت قلبي يلين لاي واحد بس هاه هذا انا بتزوج واحد حقير ونذل اااه""لفت وجهها ومشت للحمامات دخلت وهي تغسل عيونها على خفيف وطلعت (كانت القاعه عباره عن قسم الحريم وجنبه حمامات وبعدين صاله وسيعه وكبيرة وفيه باب يطلع على مدخل الرجال وفيه بينه وبين الجدار زوايه صغيره)
كان واقف شافها وهي تقرب سحبها من يدها بقوه ولاصقه فيه وابتسم:اهلين
بلعت ريقها وهي تحس بريحة عطره اللي تعدت انفاسها:فارس وش تبي اتركني بعد
ابتسم: اص لاتتكلمين بصوت عالي ويجون
ساره بقهر:وش تبي بعد عني؟
ناظرها """ياالله شكلها اليوم يجنن"": ابوك
ساره اللي وقفت عن الحركه:وشفيه؟
فارس:امم احسه مو مقتنع مرا
قاطعته ساره:ماالومه من يشوف وجهك اكيد ماراح يوافق
ابتسم وقرب شفايفه من شفايفها بمسافه بسيطه وبصوت يذبح: اتحداك ماتكونين اشتهيت هالشفايف (يقصد شفايفه)
بلعت ريقها ساره وهي تناظر شفايفه : ايه ماشتهيتها بعد(دفته بقوة)
تركها فارس وابتسم:اذا جاك ابوك وافقي وبتنقابل بعدين باي يامزه
ناظرته ساره بقهر ونرفزه ومشت ..

الــسـ3:00 فجرآـــاعــه
بــيــت ابــوســديــم
جــنــاح رريــنـاد
كانت قاعده على سريرها ومركيه ظهرها على وراء وضامه بيدينها وساده قلب وردي:مابقى الا حنا
ابتسمت ساره وهي تلعب بشعر رغد اللي نايمه على رجولها:ايه
ناظرت ريناد رغد:كنا دايم نجلس ونتابع فلم عندي ههه واقعد انا ازعجك انو ابي رومانس
ساره:ههههه وانا وسديم تنذل عليك ونجيب اكشن
ريناد:هههه وريوف تقعد تقرا ونهاوشها والا اذا تابعت معنا قامت تصحح اخطاء الفلم
ساره:ههههه صادقه
ريناد وهي تنسدح:خلينا ننام
هزت راسها ساره وهي تعدل راس رغد وناموا كلهم عند ريناد...

بـــيـــت خـالــد الــراســي
جــنــاح قــمــر
كانت تتامل صورهم ""هنت عليك لاتتدق ولا تسال خلاص عجبتك وحبيتها اخذت مكاني معقوله ماطريت ابدا ببالك كل شي صار لها"" شقهت بقوه:كلهم تزوجوا اللي يحبون الا انا يافهد تعال ااهه (نزلت جسمها للوساده وهي تبكي بقوة)

يــوم جــديـــد
بــيــت ابــوســديـــم
كانوا كلهم متجمعين حتى سديم وريوف ويسولفون ويعلقون
ريناد:اعترفوا وش سويتوا امس؟
سديم بخجل:ههههه صدق انك ماعندك سالفة يلا بس
ريوف بمزح:مانقول للاطفال
ريناد:عشتوا اقول بس قولوا لنا
ام ناصر وهي تبتسم:عساكن مبسوطات بس؟
سديم:ايه والله الحمدلله
اميره وهي تضحك وهي تتطق بجوالها
ساره:شوفي شوفي هذي قاعده عندنا وتراسل زوجها
ريناد: لا يااختي ماصفى الا انا وانتي
رغد بلقافه:وقمر بعد
لفوا كلهم لقمر اللي ساكته وباين انها سرحانه رفعت راسها:وشفيكم؟
ابتسموا كلهم وقالت ام ناصر:ولا شيء
سكتت قمر وهي تتاملهم يرجعون يسولفون ويضحكون ابتسمت باستهزاء لحالها ..

الــحــديــقــه
كانت جالسه على الكرسي ومركيه يدينها جنبها وسرحانه
جلست ساره وهي تبتسم سكتت شوي بعدين قالت:قمر
قمر وهي تتامل المسبح:هممم
ساره:مانسيتيه؟
قمر وهي تتنهد:انساه ياليت ياساره ياليت
ساره وهي تنزل راسها وناظرت قمر:هو كذا صعب؟
ناظرتها قمر باستغراب:من؟
ساره:الحب
ابتسمت قمر :ايه تتدرين وش ودي فيه؟
ساره:ايش؟
قمر:اني ارجع بالزمن ليوم عمري 15
ساره باستغراب:وش معنى؟
قمر وهي كانها تتذكر وسرحت:كنت راكبه سياره مع عبدالعزيز وفواز وكانوا مسرعين ويسوون حركات بالسياره وصار علينا حادث ااه كنت بموت بس نقلوا لي دم ودخلت العنايه لاسبوعين كاملات تتدرين ودي اني ماعشت ودي انهم مالقوا دم ينقلونه لي كان ماشفت موت امي وهروب عبدالعزيز وخيانة فهد كان مااحد تضرر لا انا ولا هم
تنهدت ساره وهي تحط يدها فوق يد قمر:يمكن بس هذا القضاء والقدر ولازم نصبر
هزت راسها قمر:الله يعين
ابتسمت ساره على خفيف:ويمكن خيره لك
نزلت راسها شوي بعدين رفعته وهي تتامل الحدايق والمسبح وسكتت ..

خــطــوبــة ســـاره
ابتسم ابوها بقوه:صدقيني انه بيعزك وهو رجال ماشاء الله عليه اخلاق مرا
ابتسمت باستهزاء:ايه مرا
حس وكانها تستهزي:فيه شيء؟
استوعبت اللي قالته وابتسمت:لالا مافيه شي عموما انا موافقه
ابوسديم:والله كبرتوا يابنات وتزوجتوا ااه بيصفى لنا البيت انا وامك (نزل راسه بضيقه)
حطت يدها فوق يد ابوها:لاتقول كذا يبه اول شئ ريناد ورغد موجودات ثاني شي سديم وريوف وانا كل يوم بنكون عندكم هههه لاتخاف بتتطردنا انت وبتقول ماعندكن بيت زوج تروحون له؟
ابوسديم:ههههههههه لا مستحيل اقولكن كذا (سحب راس ساره وضمها بقوه)
غمضت عيونها بضيق ""ياليتك يايبه تتدري باللي يدور داخلنا""

بـــيـــت مــنــيــره
ام منيره بضيقه:يابنتي ليش ماتوافقين على الولد تراه زين وموظف
منيره وهي تحس بالدموع بدت تنزل: يمه ماابيه
ام منيره وهي تتنهد:مانسيتيه؟
منيره وهي تصد:ولا راح اقدر انساه يمه
ام منيره بغضب:اجل ليش ترفضينه يوم جاء يخطبك؟
منيره وهي تصيح:ااه لانه اهانني يمه اهان انثوتي وكرامتي قلبي يبيه بس عقلي لا مايبيه ما اقدر اخذه ولا اقدر اخذ غيره ااه اه
تنهدت بضيق وضمت بنتها بقوه:بس ياقلبي بس هونيها وتهون هونيها وتهون ..

بـــيــت خـالــد الــراســي
جــنــاح قــمـــر
مسكت جوالها ودقت عليه خلاص ماعاد يهمها سوا خانها او لا تبيه بكل حالاته بس صدمها لما قال:الرقم الذي طلبته غير موجود بالخدمه (نزلت جوالها بصدمه ""غير موجود غير رقمه ههه نساك ياقمر خلاص انهاك من حياته بكل الطرق"" شهقت بقوة ""احبك والله احبك"" ضمت وسادتها بقوة وهي تغمض عيونها ..

زواج نــاصــر و نــور
وقفت نور بااول القصر وهي تتامل الناس بفستانها الابيض ومكياجها الصارخ اخذت نفس لفت وشافت قمر ومنيره يساعدونها عشان تنزل
قمر وهي تزين فستانها من تحت وقفت:يلا امشي
مشت نور وهي مبتسمه بس مرتبكه مرا رفعت راسها وهي تشوف ناصر مبتسم واقف باخر الممر وصلت ومسك يدها ومشوا للكوشه مع بعض وقعدوا وبدوا الناس يسلمون عليهم ويصورون
كانت تصفق قمر وهي تبتسم بكت بقوة بضعف
منيره وهي تشد على يدها:ااه هذا المكتوب قمور لاتبكين مااحد ياخذ الا نصيبه
مسحت دموعها بسرعه وهي تاخذ نفس:ايه(ابتسمت بقوه) الله كريم
ابتسمت منيره بهدوء وسكتت ..

بــعــد اســبــوعــيــن
بــيــت ابــوســديــم
ساره وهي توقف: يبه وشلون الملكه بعد بكرا؟ لالا ماابي
ابوسديم باستغراب:وشفيك عادي هي بس ملكه مو الزواج
تنهدت ساره وهي تناظر ابوها:طيب موافقه
ابتسم لبنته بقوه:الله يوفقك يارب
ساره بهمس:امين ..

بـــيــــت حـــمـــد
كانت واقفه سديم وهي تناظر نفسها بالمرايه
جاء من وراءها وضمها بقوة: احبك
ضحكت وهي تلف يدينها حول يدينه:وانا بعد
باس خدها وهو مغمض عيونه:لا انا اكثر
ضحكت وهي تلف نفسها لوجهه ويدينه لحد الحين ملتفه حولها:كل يوم لما اقوم واتاكد انك جنبي اقول الحمدلله ان الله رزقني وجمعنا مع بعض
ابتسم بقوه:الحمدلله بس المهم اننا الحين مع بعض
سديم:ايه هههه حمودي
حمد:ووه يالبيه يا روح حمودي؟
سدييم:هههه استحي ترا
حمد:ههههه امريني وش بغيتي؟
سديم:ليش ماتجيب مهند قسم مشتاقه له
حمد: لا ودي نقعد لحالنا شوي مايكفي اننا مأجلين سفرنا عشان زواج ساره؟
سديم:ههههه عادي بنسافر ان شاء الله بعد زواجها بس المهم جببه اليوم قسم مشتاقه له مرا
حمد وهو يرفع حاجب ويقربها له اكثر:شكلي ببدا اغار منه؟
سديم وهي تتدلع:لا انت غير (وباسته من خده)
حمد وهو يرفعها عن الارض:لالالا كذا مااقدر
سديم وهي تلف يدينها حول رقبته:ههههههه اصبر
نزلها وهو يضحك وحوطها بيدينه وهو يبتسم ..

بـــيــت مــعـــاذ
طلعت ريوف من الغرفه ""وين راح؟"": معاذ ( فتحت باب الصاله وفتحت فمها بصدمه وهي تشوف كيف مزينه كان محطوط طاوله بالوسط وعليها اكلات متنوعه وكوبين عصير والشموع والورد بكل مكان)
طلع من وراءها وهو يلف يده حول خصرها وباس خدها:وش رايك؟
ناظرته بحب:يجنن
مد لها ورده بيضاء: اخترت الابيض لانه يذكرني فيك دايما
ابتسمت بقوه وضمته بهدوء
ضحك وهو يضمها بقوه:احبك واعشقك
ريوف:وانا بعد
ابتسم ومسك يدها وقعدها وقعد قدامها وصاروا يسولفون ويضحكون ...

بــيــت نــاصــر و نــور
كانت واقفه بالمطبخ وتسوي قهوه
جاء من وراءها: ياربي وش تسوين؟
لفت له وهي تبتسم:اسوي قهوه
ناصر وهو يسحب يدها:بالله هالخدم مو مالين عيونك؟
ابتسمت نور بقوه:الا مالينها بس انا مااحب احد يسوي اكلك الا انااا
ابتسم ناصر بقوه:يالبى اللي يهتمون
نزلت نور راسها بخجل وهي تصد:خليني اكملها
ناصر وهو يتاملها:تتدرين اني احبك؟
نور وهي تضحك بنعومه:هههه ايه ادري
ناصر وهو يضمها بقوه ويلف يدينه حول ظهرها:ودي ادخلك بصدري وابعدك عن كل هالناس واخليك بس لي لحالي
ضحكت نور بحب:ههههه اناني
ضحك بقوه:ايه اناني بس فيك ..

بــيــت خـالــد الــراســي
مــكــتــب خــالــد
طقت الباب قمر وهي تسمع صوت ابوها دخلت:السلام عليكم
ابتسم خالد:وعليكم السلام هلا وغلا ببنتي ادخلي
دخلت وهي تبتسم بذبول قعدت وهي تلعب بيدينها بارتباك:اا ااه
خالد وهو يعقد حواجبه وقف وجلس على الكرسي اللي قبالها:وشفيك؟
رفعت عيونها وناظرت ابوها بتدقيق:ابي ادرس برا
سكت وهو يتاملها:برا يعني وين؟
تنهدت قمر:ابي اكمل الجامعه بباريس او امريكا (وقبل مايتكلم ابوها بضيق) يبه تكفى وافق انا تعبانة (نزلت راسها) تعبت ابي اطلع واغير الجو اللي هنا
تنهد بتفكير:طيب طيب انا موافق وببدا بالاجراءات
رفعت راسها وناظرت ابوها:صدق يبه؟
ابتسم خالد:اكيد صدق اهم شيء عندي راحتك
ابتسمت بقوه:بس خله بعد زواج ساره
خالد:خلاص صار جيبي لي شهادتك الثانويه
هزت راسها قمر وهي تسكت شوي بعدين كانها تذكرت الشهاده وين بس وقفت:طيب بجيبها
ناظر بنته وتنهد ""ااه ياليتني اقدر اسوي لك شي ياليت""

يـــوم جــديـــد
كانت قمر بالسياره فتحت الشباك وهي تتامل البقاله اللي عاشت فيها اجمل ايام عمرها تنهدت وهي تناظر العتبه اللي بدت فيها مغامراتها تنهدت وافتحت الباب ولفت للسواق:انتظرني هنا
السواق:حاضر
مشت بخطوات ثقيله وهي لافه الطرحه على راسها ولابسه نظارات شمسيه شدت على شنطتها بقوه وهي تتدخل لفت وهي تشوف مقعد الكاشير اللي ياما جلست عليه بس كان عليه عامل هندي صدت وهي تتامل البقاله ابتسمت وهي تناظر الثلاجه اللي كانوا يتراكضون حولها هي وفهد واللي سحب منها الثلج وحطه على جروحها ""ااه يافهد ياليت الثلح مو بس يبرد جروحنا الخارجيه ياليته يبرد جروح قلوبنا"
توسعت عيونه بصدمه:قمر؟
لفت براسها وهي تشوف مشاري ابتسمت بقوه:وشلونك؟
ناظرها بصدمه: بخير بخير وش جابك هنا؟
تنهدت وهي تناظره بتتدقيق بس قبل ماتتكلم
ابوفهد بصدمه:انتي وش جابك؟
قمر بهدوء وهي تبتسم:ماجيت عشان اضرك ياعمي بس جيت باخذ لي غرض كنت حاطته بالمخزن اذا تسمح لي ابي اخذه
سكت ابوفهد وصد بوجهه عنها:خوذيه
مشت للمخزن وفتحت الباب تنهدت ودمعت عيونها وهي تشوف كل شيء زي ماتركته بالضبط الفراش الكتب حتى الملابس تقدمت ودخلت يدها تحت الفراش وسحبت الملف نفضت الغبار عنه ومشت وقفت عند الباب وهي تشوف مشاري متراكي عليه ويبتسم
مشاري بهدوء:فهد مارضى نحرك أي شيء هنا
ناظرته بتدقيق:زين لسى يذكرني
مشاري بصدمه:قمر فهد اا
قاطعته قمر وهي تحط يدها قدام وجهها:خلاص يامشاري كل شيء انتهى للابد (طلعت وهي توقف قدام ابوفهد) عمي ابي اقولك شيء واحد بس
رفع عيونه وناظرها بصمت
قمر ودموعها بدت تنزل:كنت اول ابو اعيش معه احساس الابوه اه انا اسفه اني كذبت عليك بس صدقني ماكنت ابي اخسرك انت اول واحد مديت لي يدك وساعدتني بدون أي سبب عندك ساعدتني بس لانك رجال طيب وصدقني انا حبيت فهد من قلبي ااه ااه ماكنت ابي احبه بس ااه ااه هذا اللي صار ( مسحت دموعها بكفها وهي تبعد النظارات) انا مسافره ومدري متى ارجع ابي منك بس كلمه وحده قول انك مسامحني (ناظرته برجاء)
ناظرها وتنهد:روحي انا مسامحك
ابتسمت بقوه لفت لمشاري:مع السلامه
مشاري بهدوء:مع السلامه
مشت وهي تحس بتموت وقفت وهي تلف للبقاله هزت راسها بااسف ومشت للسياره صارت تبكي بقوه وهي تشاهق غطت وجهها بيدينها""ابيك ابيك ااه معقوله مااشتقت لي ااه""

بـــيـــت ابــوســديـــم
مــلــكــة ســاره

كانت تناظر الكتاب وخواتها والكل حولها ويضحكون ويشجعونها توقع رفعت راسها وهي تتاملهم واحد واحد دمعت عيونها ""لعيونكم بس بدمر مستقبلي"" تنهدت وبهمس:بسم الله (ووقعت)
البنات:كلوولوش
ابتسمت بالقوة وهي تتاملهم بحزن بس كبريائها ماخلاها تنزل دموعها قدامهم

شـــقـــة تـــركــي و وســــن
الــسـ2:00بعد منتصف الليل ــاعـه
دخلوا وهم يسولفون ويضحكون
صارت وسن تفصخ عبايتها:بتنام؟
تركي: بتروش اول بعدين مدري
هزت راسها:اوك
ابتسم لها ودخل الحمام بعد مااخذ ملابسه
اخذت نفس وقعدت على السرير تنتظره يطلع من الحمام
طلع وهو ينشف شعره ناظرها بصدمه:وسن؟
ابتسمت وهي توقف ومشبكه يدينها ببعضها
قرب لها وناظرها: انتي متاكده؟
قربت له اكثر لين لصقت فيه:ماراح اتاخر اكثر من كذا (ابتسمت بقوه) انا قويه وانت الشخص الوحيد اللي تستاهلني
ابتسم بقوه ولف يدينه حول خصرها وشدها له اكثر وضمها وبهمس:احبك ..

بـــيـــت ابــوســديـــم
جــنــاح ســاره
كانت واقفه قدام المرايه وتمسح مكياجها بهدوء
ريناد وهي قاعده على سرير ساره وحطت رجل على رجل:انا بصراحه مستغربه ليش ماطلب يشوفك؟
ساره"""جعله للموت"":مدري
ريناد:لا بجد غريبه كلنا انصدمنا توقعنا بيطلب تعالي لايكون شايفك قبل؟
ساره وهي تناظر ريناد بطرف عينها:وين يعني اقول طسي ابي انام
ريناد بصدمه: شوفوا هذي ولا كانا اليوم كانت ملكتها
ساره وهي تشوت ريناد برجلها اللي بغت تتطيح وسحبت الغطاء وهي تتدخل بالفراش:يعني مفروض اسهر كل الليل؟
ريناد وهي تحرك يدها على فخذها:حشى مو رجل اقول لاتتحمسين بكرا وتشوتين فارس كذا
ساره ""قسم لاوريه نجوم الظهر"":يوه ريناد اقول طسي بنام
ريناد:طيب طيب خلاص نومة اهل الكهف (مشت بعصبيه وهي تصفق باب الجناح)
ابتسمت ساره وهي تشد الغطاء لصدرها اكثر ""ااه ياريناد لو تعرفين وشو اللي قاعد يصير لي كان ماقلتي لي كذا""

يـــوم جــديــد
شـــقــة تــركــي و وســـــن
ابتسمت وهي تفتح عيونها بعدت راسها عن صدره تنهدت براحه""واخيراا شلت هاالهم""ناظرته وهو نايم بهدوء وبهمس:بيبي  حبيبي تركي يلا قوم شوف كم صارت الساعه يلا
فتح عيونها على خفيف وشدها له اكثر وبصوت كله نوم وهو يبوس راسها:اتركيني انام شوي
وسن بدلع:لا يلا قوم
فتح عيونه وهو يرفع حاجبه وبصوت نايم ويخق: اموت فيكي
وسن وهي تضحك بنعومه:ههههه لا خف علي
تركي:هههه (لف يدينها حولها بقوه وضمها) احبك واعشقك وابيك بكل لحظه بحياتي انتي معي
ابتسمت وسن : وانا بعد ابيك معي بكل لحظه بحياتي
ابتسم بقوه وباس راسها وهو يتنهد براحه :الله يخليك لي
وسن بهمس:ويخليك لي ..

بـــعـــد شـــهـــر
زواج ســـاره
الـــفـــنــــدق
كان قلبها يدق بقوة لدرجه انها تحسه بيطلع من مكانه حطت يدها على قلبها وكانها تبيه يهدى ""وشفيني خايفه كذا """ ناظرت يدها اللي ترجف بقوة غمضت عيونها بقوه""ماراح انسى اني ماسويت كذا الا عشانهم ياربي قوني يارب"" رفعت راسها وهي تحس بالباب ينفتح وقفت بسرعه
ابتسم وهو يناظرها بصراحه انبهر من روعتها نزل بشته الاسود على السرير وابتسم:الف مبروك ياعروسه
ناظرته ساره بحقد وماردت عليه
فارس:هههه اوه ليش كل هالحقد؟
ساره بنرف زه:اطلع برا
فارس:افا فيه عروس اول كلمه تقولها لزوجها اطلع برا؟
ساره وهي ترفع حاجب:ايه فيه انا
فارس:ههههه مااقولك تعجبيني
ناظرته ساره بصدمه:انت من ايش مخلوق؟
فارس باستهزاء فيها:مثل ماانتي مخلوقه
تنهدت ساره وهي تشد على قبضة يدها:انت رجال ماعندك كرامه(بصوت عالي) اصلا لو عندك كرامه ماتزوجت وحده ماتبيك (لفت وجهها بصدمه من الكف القوي اللي انطبع على خدها رفعت راسها وناظرته بصدمه وفهاوه)
ناظرها بصدمه ماتقل عن صدمتها بس هي نرفزته نزل يده وهو يشد عليها بقوه ماكان يبي هذا يصير بس هي طلعته عن طوره ناظرها ولف وجهه وطلع من الغرفه وهو يصفق الباب بقووه
نزلت راسها وهي تقعد على السرير: انضربتي ياساره انضربتي ( صرخت بقهر وقفت وهي تسحب مزهريه موجوده على الكومدينه ورمتها بالارض بكل قوتها سحبت الطرحه عن راسها وصارت تتدعسها بقوة سحبت السلسال عن رقبتها وصدمته بالجدار وسحبت الخاتم بكل قوتها ورمته بقوو والساعه وكل شيء رفعت الفستان وهي تتطلع من الغرفه ناظرته وهو واقف)
لف لها وناظرها بصدمه وهو يشوفها تقرب له
تقدمت له والشرار يطلع من عيونها صارت تضربه في صدره بقوة وبحقد
ناظرها بصدمه وهو يرجع من قوة ضربتها وصدم الجدار بس ماحرك أي ساكن وهو مصدوم منها
وطت رجلها بكل قوتها وهي تصارخ:من انت من انت عشان تمد يدك علي من انت عشان تذلني اكرهك
بس قبل ماتمد يدها على وجهه مسك يدينها بقوه:خلصتي؟
صارت تصرخ: اتركني لاتلمسني
انقهر منها ومن صراخها شد على سنونه:قصري سكوتك ماانتي ببيتك انتي بفندق
ساره بقهر وصوت اعلى:مالك دخل كيفي
قبل مايتكلم انصدم وهو يشوف دموعها امتلت بعيونها ووجهها صار احمر معقوله كل هذا قهر؟
صرخت بصوت اعلى:اقولك اتركني
دفها بقوه لوراء وهو يناظرها:ساره اهدي
صار صدرها يرتفع وينزل من قهرها وعصبيتها وهي عاضه على شفايفها تمنع دموعها تنزل
فارس بدون شعور من منظرها: انا اسف
شهقت بقوة وهي تركض للغرفه وصفقت الباب وهي تقفله وطاحت على السرير وهي تبكي بقوه وتشد البطانيه بيدينها بكل قوتها

بـــيـــت خـالــد الــراســـي
جــنـــاح قـــمـــر
انطق الباب لفت قمر:ادخل
دخلت ام ناصر وهي تبتسم:وش هالسالفه اللي سمعناها ؟
ابتسمت قمر:قصدك السفره؟
ام ناصر:ايه
قمر وهي تبتسم:ابي اكمل دراستي
قربت لها ام ناصر وهي تمسح على شعرها:انتي بخير صح؟
صارت قمر تتامل ام ناصر وابتسمت بقوه:ايه

يـــوم جـــديـــد
الــفــنـــدق
تنهد فارس وهو يقوم عن الكنبه ولا نام طول الليل تقدم للغرفه وطق الباب بهدوء: ساره افتحي الباب
كانت تسمعه وهي تلبس بجامه ناظرت الباب وتقدمت له وفتحته وهي تمشي وتخليه تبي تتدخل الحمام
فارس: ساره لحظه (تقدم لها)
لفت له وهي تكتف يدينها:نعم ؟
بحركه سريعه باس خدها اللي ضربها عليه:اسف
ناظرته بصدمه ودفته بقوه من صدره:لاعاد تعيدها فاهم؟
ابتسم بقوه:حاضر عمتي
ناظرته من فوق لتحت ودخلت الحمام وهي تقفل الباب تراكت على الباب وهي تبلع ريقها""حيوان""تقدمت للمغسله وهي تغسل وجهها بقوة وبنرفزه

بـــيـــت ابــوســديـــم
الــحــديــقـــه
كانت قاعده ريناد ولامه رجولها لصدرها ""ااف وش هالملل البيت مايسوى بعد خواتي اف ياربي"" دمعت عيونها وطلعت جوالها ودقت على قمر:الو
قمر:هلا والله
ريناد:قمور بموت من الطفش تعالي عندي وبقول لمنيره تجي بعد
قمر بتفكير: طيب خلاص
ابتسمت ريناد بقوه:يلا اجل بدق على منيره
قمر:اوك
سكرت ريناد ودقت على منيره:الو
منيره:هلا وغلا
ريناد:منوره تجين عندي قمر بعد بتجي؟
منيره:والله كانك تتدرين اني بموت من الزهق لحالي خلاص بقول لامي واجيك
ريناد ببتسامه:يلا انتظرك لاتتاخرين
منيره:اووك باي
ريناد:باي (سكرت سكتت شوي تفكر""خليني ادق على ساره"")الو؟

الــفـــنـــدق
ردت ساره بفرحه وهي توقف:هلا وغلا كيفك ياروحي؟
ريناد:ههههه الزواج خلاك بنت يعني الله يرحم ايام (تقلد صوت ساره)نعم وش تبين؟
ساره:ههههههه قسم اشتقتلك
ريناد:لالالا مااصدق هذي ساره؟؟
ساره:ههههه ياسخفك قسم صادقه
دخل فارس وهو يسمعها تكلم عصب ماعرف من تكلم تقدم لها وسحب السماعه وهو يسمع صوت ريناد
ريناد:ههههه اجل فارس خلاك بيوم نعومه؟
ساره بعصبيه وهي تسحب الجوال وحطت يدها عليه:خير وش تبي؟
تفشل فارس وناظرها من فوق لتحت وطلع
ريناد باستغراب:الو ساره
ساره وهي ترد بسرعه:هلا معك بس صوتك كان يقطع المهم اخبار امي وابوي ورغد؟
ريناد بهدوء:كلنا بخير سديم سافرت اليوم وريوف بكرا بتمشي
ساره بهدوء:الله يوفقهن
ريناد:ويوفقك بعد
ساره:امين
ريناد:يلا اجل مااطول عليك فشله اكيد زوجك يبي يقعد معك
ساره بسرعه:لالا عادي
ريناد:لالا مو عادي يلا انتبهي لنفسك ومتى بتسافرون؟
ساره بهدوء:ماابي اسافر
ريناد باستغراب:ليش؟
ساره: مدري كذا المهم انتبهي لنفسك ولاامي وابوي يلا مع السلامه
ريناد باستغراب:مع السلامه (سكرت وهي تتامل الجوال""اااه الكل تزوج واخذوا اللي يبون ياليتك تحس فيني يافواز ودي بس اعرف انت تحبني زي ماانا احبك اف"" وقفت وهي تبعد هالافكار عن راسها ""خليني اروح اتجهز"")

بـــيــت مــنـــيــره
منيره وهي تنزل وتتدخل المطبخ وتسكر عبايتها: يمه كلمتي ماجد عشان يوديني؟؟
ام منيره:كلمته وقال انه بالبر مع اصدقاءه
منيره بصدمه:يمه يعني توك تقولين لي بعد مالبست ياربي وفواز بالدوام ياربي
ام منيره:بس كلمت عبدالعزيز (دق جوالها) هاه هذا هو وصل اطلعي له
ناظرت منيره امها بصدمه:يمه وش تقولين تبيني اروح مع عبدالعزيز ولا بعد لحالي مستحيل
ام منيره:لا مايصير تفشليني مع الولد بعد ماجبته من بيتهم
منيره بعصبيه:يمه انا ماقلت لك كلميه خليه يولي انا مو راكبه معه
ام منيره:منيره يمه عيب(دق الجرس)هاه هذا هو اطلعي يلا
منيره بعصبيه:يمه وشلون تبيني اركب معه؟
ام منيره:عادي زي ماتركبين مع ماجد وفواز
منيره وهي تكتف يدينها:لا ماجد وفواز غير
ام منيره:الحين اطلعي وبعدين نتفاهم واذا وصلتي دقي علي
هزت منيره راسها بقهر ومشت بعصبيه لبرا البيت

الــفــنـــدق
كانت ساره قاعده على الكنبه ورافعه رجولها وماسكه بيدها الريموت وتناظر التلفزيون بس عقلها ماهو معه
انفتح باب الجناح ودخل وهو معه اكياس وقال بهدوء وهو يحط الاكل على الطاوله:تعالي كولي من امس مااكلتي شيء
ساره وهي تنزل رجولها على الارض:ماني مشتهيه (وعيونها مثبته على التلفزيون)
ناظرها بهدوء وفتح الاكياس وصار ياكل وطلع بيبسي وفتحه وهو يشرب
ناظرته بطرف عينها بقهر ""ووشلون يصير بارد كذا"" بعصبيه:انت ووشلون تقدر تصير بهالبرود؟
رفع عيونه لها وهو ينزل البيبسي من يده:ليه يعني مطلوب مني اعصب واصير مجنون مثلك ؟
ناظرته بغضب وهي توقف مدت يدها بتهديد له:لاتقول عني مجنونه فاهم لانه ما فيه احد مجنون ومريض بالغرفه الا انت فاهم؟
فارس بكل برود وهو يسحب البيبسي بيد والريموت بيده الثانيه:فاهم
فتحت فمها بصدمه وهي تهز راسها بلا: لالا انت مو صاحي اكيد شارب شي؟
رفع عيونه لها وابتسم بقوه:ايه (بعد الابتسامه عن وجهه ولف للتلفزيون)
ساره بذهول:ايه اكيد اكيد شارب والا فيه انسان ثلج مثلك؟
تنهد بهدوء وناظرها:يعني وش تبين اسوي؟
ساره بصراخ:كلمني قول لي ليش انا وش تبي مني ليش تزوجتني تكلم قول أي شيء
وقف وهو يقرب لها وبصوت قصير:تبيني اتكلم؟
ساره بصراخ وهي تحرك يدينها:ايه
قرب لها وصار جنبها يعني كتفه عند كتفها لف رقبته لها وبهمس وملامح بارده:احبك (ومشى)
وقفت بصدمه ولفت وهي تناظره يمشي للغرفه صارت ترمش بصدمه قعدت على الكنب ""ايش؟"" هزت راسها بالنفي وهي توقف اتجهت للغرفه بعصبيه وفتحت الباب بكل قوته بس شهقت بصدمه ولفت وجهها ..

كان فارس فاصخ بلوزته وبنطلونه وماعليه الا شورت قصير
ساره وهي تغطي وجهها:استر نفسك ياحقير
ابتسم باستخفاف عليها وهو يدخل بالفراش:اقول طفي النور معك
ساره وهي تفتح عيونها شوي شوي:قذر هيه اسمع لايكون على بالك انا لعبه تلعب فيها تقولي احبك واصدق لا فاهم؟
فارس وهو يعطيها ظهره:بس انا مالعبت عليك طفي النور
انصدمت من بروده بس حست بالصدق بصوته ""لالا لاتقصدقينه كذاب"" طلعت بدون ماتسكر النور
لف وهو يبتسم""ااه صدق عنيده""سكر عيونه ونام وهو يفكر بساره
بــرا الـغــرفـــه
وقفت ساره وهي تكتف يدينها بغضب وتفكر بكلامه ""لالا ياساره لاتصدقينه كذاب حقير""ضربت رجلها بالارض بكل قوتها بعصبيه وغضب وهي تصرخ على خفيف

ســيـــاره عــبــدالــعــزيــز
كانت منيره ساكته ومكتفه يدينها بغضب وصاده تناظر من الشباك
ناظرها عبدالعزيز ومد يده يشغل الإذاعه وانتشر صوت ماجد المهندس:
ناديت وينك
وانت قدام عيني

ابتسم عبدالعزيز وهو يناظر للطريق:بجد اناديك وانتي قدامي اشوفك بس مااقدر اطولك
لفت منيره وناظرته وهي تبلع ريقها
نزل عيونه عبدالعزيز بعدين لف وناظرها:انا احبك وادري انك تحبيني بس تكفين انسي الماضي
منيره وهي ترجع تناظر الشباك:لا ياعبدالعزيز انت ماحبيتني انت تشفق علي لاني حبيتك وانت ماتحبني
عبدالعزيز بصدمه:لا هذا الكلام مو صحيح
قاطعته منيره وهي تلف بجسمها له وبانفعال:الا صحيح او يمكن مالقيت لك احد تحبه قلت يلا هذي منيره تحبني خلني احبها
عبدالعزيز وهو يدخل البيت بالسياره ووقف وهز راسه بالنفي:لا مو كذا
منيره وهي تفتح الباب وتتامله:مدري مدري ياعبدالعزيز انت حيرتني سنين طويله (وسكرت الباب)

بـــيــت ابــوســديـــم
الــحــديــقــه
كانوا قاعدين ريناد وقمر ومنيره وفارشين فرشه وعليها انواع الحلويات والشبسات والعصيرات
ريناد:بصراحه قلت نقعد بالحديقه احسن نغير جو
منيره:ايه والله احسن من البيت وخاصة الجو حلو
قمر:ايه والله حلو الا وشلون ساره؟
ريناد بابتسامه:بخير ماعليها بس مدري مااحسها مرتاحه
منيره:عادي شي طبيعي شخص اول مره تشوفه وتقعد معه اكيد ماراح ترتاح بالبدايه
قمر وهي تبتسم:ايه صادقه منيره لاتحطين ببالك رنوده
ابتسمت ريناد:ايه صح بس بصراحه البيت مايسوى من دون خواتي قسم طقيت من الزهق
قمر:هههه كلنا زيك
منيره:ايه والله فقدت نور الدبا قسم لها وحشه اول كل يوم ياانا عندها ياهي تجيني
قمر بهدوء وهي تلعب باصابعها حول كوب العصير:بنات بقولكم شي بس امانه لاتقولون لااحد حتى البنات
منيره بخوف:وشفيه؟
ريناد:قولي
قمر وهي تتاملهن:انا قررت اسافر لباريس اكمل دراستي الجامعه
منيره بصدمه:تسافرين يعني ماراح نشوفك؟
ريناد:لمدة كم؟
قمر وهي ترجع بعيونها للعصير: 4 او 5 سنوات
منيره:لالالا انتي تكذبين صح قمور قولي الصدق
قمر وهي تناظر منيره:هذا الصدق منور
ريناد:طيب ليش تقدرين تكملين هنا
قمر:ادري بس انا ابي ابعد عن كل هالمكان لفتره
منيره بعصبيه:عشانه؟
قمر وهي تناظر منيره:ايه عشانه انا تعبت افكر فيه يمكن لو انشغل بدراستي وافكر اني انا بدوله وهو بدوله بقدر انساه
ريناد وهي تسكت شوي:بس قمر بنفقدك
قمر:اكيد بجي بالاجازات ماراح اغيب عنكم كثير بس هي فتره تقدرون تقولوت فترة نقاهه عن كل اللي صار لي
منيره وهي تمسك يد قمر بقوه:بنفقدك ثاني مره
ابتسمت قمر:اوعدك انها الاخيره
ريناد وهي تقوم وتضم قمر بقوه: ومتى السفره؟
قمر وهي تضحك:بعد 3 ايام
ريناد وهي تبعد عن قمر:وليش ماتبين احد يدري؟
قمر: ما احب لحظات الوداع ابي اروح كذا

بــعــد 3 ســاعــات
قمر وهي تلبس عبايتها:يلا انا طالعه
ريناد وهي تاقف:يوه تونا قسم
قمر وهي تبتسم:تاخرت والله يلا(ضمت ريناد بقوه) باي
ريناد وهي تضمها بنفس القوه:بنشتاقلك
قمر وهي تبتسم:وانا اكثر
وقفت منيره وهي تضم قمر بكل قوتها وماسكه دموعها وبصوت مبحوح:اوعديني ترجعين بااسرع وقت
قمر وهي تبتسم وتحاول ماتبكي:اوعدك (بعدت عنها وهي تلف الطرحه زين) يلا باي
ريناد ومنيره:باي
ريناد وهي تشد على يد منيره:قمر ماتستاهل اللي يصير لها الله يسامح الكل
منيره وهي تتنهد:مسكينه قمر كلنا مساكين
ريناد بدون شعور:نحب بس مانقدر نناصل للنحبهم
منيره وهي تناظر ريناد:ريناد انتي تحبين فواز؟
لفت ريناد بسرعه لمنيره وهي تبعد يدها وبارتباك:هاه لالا من قال؟
منيره وهي تبتسم:تحبينه؟
تنهدت ريناد وهي تقعد على الارض:حتى لو احبه ماراح اوصله ااه اكيد هو يكرهني والا اصلا مادرى عني او مااهتم حتى
منيره وهي تجلس:تبين اقيس نبضه عنك؟
ريناد وهي تناظرها باستغراب: وشلون؟
منيره وهي تبتسم:هذي خليها علي بس
ريناد بسرعه:بس ايش؟
منيره وهي تتنهد:لو طلع يحبك؟ وش بيصير لكم؟

ريناد وهي تصد وتتامل العشب اللي صار يتحرك مع الهواء القوي:قصدك اننا مختلفين؟
منيره:ايه يعني مااتوقع ابوك يوافق على فواز ولا اتوقع انك تتقدرين تعيشين بمستوانا
ريناد بانفعال:الا اقدر وابوي بيوافق هذا هو زوج سديم لحمد
منيره:بس حمد مو زي حالتنا ولا ماديتنا صح فواز راتبه حلو وزين بس لما يكون ينصرف على بيت كامل يكون قليل كيف لو تجي مرة جديده ريناد انتي بالذات صعب تعيشين زينا
ريناد بغضب:الا اقدر وليش مااقدر انتي بس شوفيه اذا يحبني انا راح اتمسك فيه للاخير واذا مايحبني (سكتت شوي بعدين قالت) راح انساه
منيره وهي تتنهد:خلاص ابشري(دق جوالها) هذا هو
ريناد:بترجعين معه؟
منيره:ايه(ردت)هلا فواز حاضر 5 دقايق واطلع باي (وقفت تلبس عبايتها)
ريناد وهي توقف معها:منور طمنيني اوك؟
ابتسمت منيره:اكيد يلا باي
ريناد:باي

ســيـــاره فــواز
منيره وهي تحاول تفتح الموضوع: والله ياحليلها ريناد جمعتنا انبسطنا معها مرا عسل هالبنت
فواز بهدوء:ايه زين
منيره ""ياربي عاد فواز يلا طلع اللي بقلبه"":ايه بس انا لاحظت شيء فيها
فواز اللي عقد حواجبه وانفعل مع السالفه:وشو؟
ابتسمت منيره لانها حست انه اندمج معها :مدري يعني هو مجرد احساس بس
فواز:ايه وشو؟
منيره:مدري بس احسها اذا جبنا طاريك تتحمس وتحسها كذا مدري وشلون؟ (وناظرته وكانها تبي تقرا علامات وجهه)
بلع ريقه فواز وابتسم على خفيف:جد؟
منيره""تحبها"":ايه جد  الا اقول وش رايك فيها؟
فواز بارتباك: وش وشلون يعني؟
منيره بهدوء:تحبها؟
كان واقف عند الاشاره الحمرا اشتغلت وهو ساكت
منيره بخوف:فواز امش الناس يضربون بوري علينا
ناظر الطريق ومشى:ايه
منيره:يعني تحبها؟
تنهد فواز وابتسم:حتى لو احبها انا وين وهي وين؟
منيره:عادي المستوى ماله دخل
فواز:الا له دخل يامنيره ولا كان مارفضتي عبدالعزيز بعد ماكنتي تتمنين تشوفينه
سكتت منيره وهي تناظر للشباك:انا وعبدالعزيز غير اسمع لاتتطير البنت من يدينك وش رايك تكلمها؟
انصدم فواز وهو يوقف قدام بيت منيره:اكلمها؟
منيره:ايه اعطيك رقمها وتكلمها بدال ماانتوا بعيدين عن بعض كذا
فواز وهو يرفع حاجب:هي طلبت منك؟
منيره بسرعه:لا والله بس انا اقول
سكت فواز:لالا مايصير بطيح من عينها
منيره:لالا ماراح تتطيح انا بتكلم معها واقنعها هاه وش رايك؟
سكت فواز شوي بعدين قال:موافق
ابتسمت منيره:يلا اجل مع السلامه
فواز:منيره؟
لفت له وهي ترجع للسياره:هلا
فواز:اقول اول ماترد عليك دقي علي وقولي لي
ابتسمت منيره:اكيد يلا باي
فواز وهو يبتسم:باي (ركى راسه على المرتبه ""معقوله بيوم بتكونين من نصيبي""حرك السياره لبيتهم اللي قبال بيت منيره)

لـيــلــة ســفــرة قـــمـــر
بـيـت خــالــد الـراسـي
كانوا الكل متجمع حتى البنات ﻻجعوا من السفر والكل مبسوط ويضحك
ريناد وهي تقعد جنب منيره بهمس:هاه وش صار؟
منيره وهي تبتسم وبنفس الهمس:اممم
ريناد بقهر:يوه منوره يلا قولي
منيره:ههه احمسك شوي
ريناد وهي تبتسم:محتمسه من اول ماطلعتي ذاك اليوم يلا عاد قولي
منيره:امم ايه
ريناد وهي تبلع ريقها:ايه ايه ايش؟
منيره:هههه يحبك يعني ايش؟
ريناد وهي تبتسم بفرحه:جد تكفين لاتكذبين منيره
منيره:هههه والله مااكذب  الا انا جتني فكره وقلت له بس هو تردد وقال انه خايف يطيح من عينك
ريناد بصدمه:يطيح من عيني مستحيل بس وشو الفكره؟
منيره بهمس:انا اقول تكلمون بعض
ناظرتها ريناد بصدمه وبنفس الهمس:قصدك بالجوال؟
منيره:ايه ياالغبيه
ريناد بخوف:لالالا يمه اخاف
منيره:يوه قسم انك غبيه يعني انتوا وين تشوفون بعض وغير كذا تقوى علاقتكم اكثر هو يدري انك اول واحد بتكلمينه وانتي تتدرين انك اول وحده بيكلمها صح؟
ريناد بتردد:صح بس اا
قاطعتها منيره:لا بس ولا شي طيعيني
ناظرتها ريناد بتردد وخوف
قاطعتهم سديم بصوت عالي:لا وصار فيه اسرار انتي وياها من جينا وانتن تتهامسن؟
منيره وهي تبتسم:لاوالله لا اسرار ولا شي بس(بمزح) حنا بنوتات مانكلم المتزوجات
ريوف:عشتوا ههههه
نور:ههه يعني انتي وياها
وسن:اصلا هم غيرانين منا ههههه
منيره:هههه من زينكن اصلا عشان نغار منكن طسن مناك بس
ساره وهي تبتسم بهدوء ""ريناد مو على بعضها"":صادقه منيره يغارون من ايش ياحسره؟
قمر وهي تتامل ساره ""صادقه ياريناد شكل ساره ماهي مرتاحه"":ليش؟
ريوف:صاير شي بينك وبين فارٍس؟
ساره بهدوء وبكذب:لا بالعكس عادي بس العزوبيه احلى
سديم وهي تبتسم بحب:لاوالله الزواج احلى
ريوف:الا تعالي ساره كل ماباسألك انسى ليش ماسافرتوا؟

ساره بارتباك: مدري الا بنسافر يقول هاليومين مدري عنه يقول مفاجاه ايه
سديم وهي تبتسم:زين حلو مفاجاه
ريوف:روحوا باريس مرا روعه
نور:لا والله روحوا سويسرا تخق يوم رحنا انا وناصر
قمر وهي تبتسم:انبسطتي؟
نور وهي تبتسم بقوه:حيل
قمر وهي تشد على يد نور:دوم يارب
نور وهي تشد على يد قمر:امين
سديم:قمور اميره ادق عليها ماترد متى بترجع من ماليزيا؟
قمر:امم اليوم كلمتها خالتي تقول انها بترجع هاليومين بس والله مدري متى بالضبط
ساره وهي تبتسم:لها فقده هالدبا
قمر وهي تبتسم:حيل
نور بحماس:قمور غني لنا
سديم:ايه ايه غني
وسن:ايه يلا
ابتسمت قمر:بس انا بختار اول اغنيه
البنات وهم يصفقون بحماس:يلا
تنهدت بهدوء وهي تاخذ نفس وطرى ببالها فهد فتحت فمها وهي تعلي بنبرات صوتها باحساس:

ودي اكون اي شخص ثاني
اي شخص عابر والتقاك
وبسالك وش منك جاني
وبالمقابل شاللي جاك
انت ما تذكر حناني
وكيف كنت اشري رضاك
كنت اشوف العمر فاني
واللي يبقالي هواك
كنت احسب الله عطاني
ما دريت انه عطاك
الله بشرك بلاني
وانت بالخير ابتلاك
كنت عايش بالاماني
وكنت اعدي لك خطاك
لي متى بمسك لساني
واكتم العبره معاك
كنت اعاند بك زماني
واتحداه بوفاك
انت رحت وهو بكاني
قال انا بوقف معاك
اكتشفت انك اناني
واني اكبر من خطاك
حظك اللي ما قواني
جابك و رد و خذاك

(ابتسمت على خفيف وهي تمسح دمعه خفيفه وتخفيها بضحكه) ههههههه
صفقوا البناات بحماس ومر الوقت بالضحك والسوالف عن الزواج والعزوبيه والاغاني وجاء الوقت اللي الكل بيروح لبيته
صاروا يسلمون على بعض عند الباب
قمر وهي تضم نور بقوه:تتدرين اني احبك وانك اختي
نور باستغراب وهي تضم قمر بقوه:وانا بعد اموت فيك بس وشفيك ههه قمور كانك بتسافرين؟
بعدت قمر عن نور وهي ماسكه يدها وتبتسم وتحاول ماتبين دموعها:اهم شي انتبهي لنفسك ولزوجك اوك؟
نور بخوف:قمور خوفتيني فيك شي؟
قمر:لالالا مافيني شي بس كذا هههه
ابتسمت نور وهي تضمها بقوه:يلا باي اشوفك بكرا ان شاء الله لاننا بنجي انا وناصر نتغدى معكم
ابتسمت قمر:ان شاء الله مع السلامه
بعدت نور وهي تتغطى:مع السلامه
تنهدت قمر وهي تتاملها وهي تتطلع ""سامحيني اني كذبت عليك""
ريناد وهي تمسك منيره بهمس:امم انا موافقه
ابتسمت منيره:خلاص اقوله يلا باي
ريناد:باي
منيره وهي تلف وتضم قمر بقوه:اول ماتوصلين طمنينا اوك؟
قمر وهي تضمها بنفس القوه:اكيد يلا مع السلامه
منيره وهي تبعد عنها:مع السلامه
وسلمت ريناد على قمر وطلعت

يـــوم جــديـــد
الــمــطــار
وقفت قمر عن نقطة التفتيش ولفت لابوها وهي تبتسم:مشكور
تنهد خالد وضمها:سامحيني على كل شي سويته لك
قمر وهي تبتسم وماسكه دموعها بالقوه:مسامحتك يبه
ابتسم بقوه وهو يبعد عنها بس مسك كتوفها:كل شي جاهز قدامك اول ماتوصلين بيكون فيه مرة اسمها جولي بتاخذك للشقه وعندك كل اللي تبين وبطاقتك البنك معك فيها فلوس وانا كل اسبوعين برسلك واذا احتجتي أي شي كلميني واول ماتوصلين كلميني من جوال جولي بعدين روحي اشتري شريحه على طول وو
قاطعته قمر وهي تضحك:ههههه يبه تراني مو صغيره فاهمه كل شي
ابتسم بقوه:ادري يلا مع السلامه (ضمها بقو وهو يبعد عنها) روحي
هزت راسها ومشت خطوه بعدين لفت له:لاتنسى تسلم لي على الكل وتقولهم ماكنت ابي اوعدهم مع السلامه
هز راسه خالد:ابشري مع السلامه
مشت وهي تاخذ نفس ومدت جوازها للموظف ولفت تناظر الشرقيه لااخر مره""بودعك واحفظي من عليك"" لفت وهي تتدخل القاعه الدوليه بخطوات ثقيله

يــوم جــديـــد
الكل انصدم يوم عرفوا بسفرة قمر المفاجاه طبعا ماعدا ريناد ومنيره
بــيــت نــاصــر و نـــور
نور اللي تبكي ومسويه مناحه
ناصر وهو يمسك يدها:ياحبيبتي خلاص بكي يكفي
نور وهي تشهق بقوه:ااه ااه ليش ماقالت لي انها بتسافر ااه ااه
ضمها ناصر بقوه وهو يبوسها:بس ياروحي اكيد عشان ماتسوين لها هالمناحه ولا تبي تضايقك
نور وهي تضم ناصر:اه ااه ايه بس ولو كان تقول اصلا امس حسيت انها بتروح بعيد عني
ناصر وهو يبتسم:وانا مااكفي؟
نور وهي تمسح دموعها وتضمه اكثر لها:الا تكفي بس قمر اختي
ناصر وهو يبتسم:هي مو ماراح ترجع للابد بترجع ان شاء الل ه(بعد عنها بس مسك يدها) مفروض تفرحين لها هي راحت تكمل دراستها وبترجع بكرا وهي دكتوره قد الدنيا
هزت راسها نور: صح هذا حلم قمر من الطفوله
ابتسم ناصر:شفتي يعني حنا مفروض نفرح لها ووعد مني بالاجازه اذا ماجت انا اوديك لها
ابتسمت نور بقوه: صدق حبيبي؟
ناصر:ههه اجل اكذب عليك؟
ابتسمت بقوه وهي تضمه:احبك
ناصر:هههه وانا اموت فيك

شــقــة فــارس و ســاره
فارس وهو يقعد:ان شاء الله اعجبتك الشقه؟
سكتت ساره وهي لامه رجولها لصدرها فوق الكنب:ايه حلوه
سكت فارس باستغراب قام وقعد جنبها: فيك شي؟
لفت وجهها وناظرته وهي معقده حواجبها ""ليش احسه مهتم"" لفت وجهها لقدام:قمر بنت عمي سافرت لباريس تتدرس
فارس باستغراب:واذا؟
ساره وهي تتنهد:ماقالت لنا راحت بدون مانودعها بس بفقدها
سكت فارس شوي:بترجع
هزت راسها ساره:ادري بس ولو بنفقدها كل ماتجمعنا
فارس:بتجيكم ان شاء الله وهي معها الشهاده
ابتسمت ساره:الله يوفقها
فارس:امين
سكتت ساره شوي:فارس
فارس:همم
ساره:بسالك بس ابيك تجاوبني بصراحه اوك (لفت ناظرته)
ناظر وجهها اللي قريب له هز راسه بايجاب
ساره:ليش تزوجتني؟
رمش بعيونه على خفيف وصد عنها وهز راسه بالنفي:ماراح تصدقيني
ساره:جربني
لف وجهه وناظرها:حبيتك انا (صد بعيونه عنها) يمكن مااعرف اعبر عن حبي يمكن اخترت الطريقه الخطا بس (رفع عيونه وناظرها) انا بجد احبك
بلعت ريقها ساره وهي تتنهد: وليش سويت فيني كذا انا كرهتك اكثر
فارس وهو يعض شفايفه السفليه:مدري (ضحك باستهزاء) هه لاني غبي مدري
سكتت ساره وهي تتامله وبلعت ريقها
لف وجهه وناظرها بتركيز وطالت النظرات بينهم
تنهد فارس وهو ينزل راسه بعدين رجع رفعه:ساره ابيك تعطيني فرصه ثانيه تخيلي اننا ماتقابلنا من قبل وانك اول مره تشوفيني فيها ااه اما(رفع راسه وناظرها) ما كنتي تبين تعطيني أي فرصه انا مستعد اتخلى عنك
سكتت ساره شوي بعدين ابتسمت:مستعد تتخلى عني بهذي السرعه افا ماتوقعتك ضعيف ولا قد موفقك
ابتسم بقوه بعدين ضحك:هههههه ماتتغيرين يعني (قرب وجهه من وجهه وبهمس وعيونه على شفايفها) افهم انه هذي فرصه ثانيه؟
ابتسمت ساره على خفيف وهزت راسها بهمس:ايه
مد يده ومسك يدها باابتسامه واسعه: اسمي فارس نائب مدير شركة ابوي احب البنات العنيدات مثلك
ساره بخجل:ههههه ايوه؟
فارس وهو يبتسم بقوه:احب انه تكون زوجتي تفهمني واتمنى انك ماتشوفين مني الا كل خير
ساره وهي تبتسم:امم اسمي ساره دون عمل
فارس:ههههه ايوه؟
ساره وهي تبتسم بقوه:احب الرجال القوي الشخصيه وابي زوجي يعرف وش فيني قبل حتى مااتكلم و ودي اجيب بنتين وولد بس وش رايك؟
فارس:ههههه موافق
ساره:هههههههههه ..

بـــعـــد مــرور اســبــوع
بــاريـــس
شـــقـــه قـــمـــر
قمر وهي تنزل كوب الكوفي وتزين حجابها:جولي انا طالعه
جولي:اوك
نزلت بسرعه من المبنى وهي تمشي للجامعه على رجولها لانها مو بعيده عن شقتها كانت ضامه ملف لصدرها وشنطتها على كتفها اخذت نفس من الهواء النقي وهي تبتسم على خفيف صارت تتامل الناس هذا شايب ماسك بيده جريده ويشرب عصير بالكافي وهذي مراه مع بنتها تزين لها شنطة المدرسه وهذا (وقفت وهي تتاملهم) حبيب معه حبيته يضمها بقوه ويبوس خدها و يودعها عشان يروح لشغله تنهدت وهي تشد على شنطتها وتمشي بسرعه ""مااظني بنساك يافهد""

بـــيـــت ابـوســديـــم
جــنــاح ريــنــاد
انسدحت على السرير وهي تبتسم بقوه:ايه هههههه حرام عليك
فواز وهو يعض على شفايفه:حرام علي؟
ريناد بدلع:ايه حرام
فواز:ووه بس تكفين شوي شوي على قلبي ترا اموت
ريناد وهي تشهق:بسم الله عليك فواز لاتقول كذا ترا قسم ازعل منك
فواز:هههه لالا كل شي الا زعلك ياروحي
ابتسمت ريناد:ايوه كمل
فواز:وش اكمل صوتك ودلعك نساني ام السالفه
ريناد:هههههه فواز
فواز:هههه عيوني

بــعــد مــرور شـهـريــــن
رامــي و أمــيــره
اميره حامل بالشهر الثالث ومبسوطين بحياتهم وكل شي ماشي

ســديــم و حــمــد
سديم حامل بالشهر الاول ومهتمه بمهند وبيتها حيل وكل يوم يزيد حبها هي وحمد اكثر
نـــاصــر و نـــور
مافيه أي جديد كل شي زي ماهو بالضبط مافيه أي تغير بحياتهم

مــعـــاذ و ريـــوف
ريوف حامل بالشهر الاول وصارت تهتم بشكلها اكثر تحاول تكون زي مايحب معاذ اما هو بعد يحاول يسوي كل شي تحبه وبدا يتثقف اكثر

فــواز و ريــنـــاد
كل يوم تزيد مكالماتهم لبعض وحبهم يزيد معه بس مايدرون هل بينتهي بسعاده لهم ام تعااسه؟

تــــركــي  و وســــن
وسن حامل بالشهر الرابع بس توها تدري ومبسوطين حيل هي تركي وخاصة انها عدت الازمه وحياتهم سعيدة

فـــارس و ســاره
بدت ساره تحب فارس اكثر وتتعلق فيه بس مافيه أي حمل وفارس زاد حبه لها وماشيه حياتهم ومتفاهمين مع بعض مرا

بـــيـــت مـــنـــيــره
ام منيره بهدوء:منيره
منيره وهي تتطق بالقنوات:همم
ام منيره:عبدالعزيز
بلعت ريقها منيره بس حاولت تسوي نفسها مو مهتمه:وشفيه؟
ام منيره:خطب
طاح الريموت من يدها:ايش؟
ام منيره وهي تتنهد:ياما قلت لك وافقي عليه بس انتي راكبه راسك ورافضاه  هذا الولد طار من يدينك  الله يهديك
بلعت ريقها بصدمه وقفت:بكيفه اصلا اصلا انا مو مهتمه (مشت لغرفتها وصفقت الباب بقهر وبدت تبكي بقوه"" يعني خلاص ماحاولت حتى ماكنت ابيك تروح من يديني بس كنت ابيك تحس بااللي ياما حسيت فيه ااه ااه"" اخذت نفس وهي تبلع ريقها ومسحت دموعها بكفوفها وسحبت جوالها ودقت عليه):الو
عبدالعزيز:هلا
سكتت منيره شوي بعدين قالت:مبروك
عبدالعزيز وهو يبتسم بس صوته هادي:الله يبارك فيك
سكتت منيره وبدت دموعها تمشي من جديد على خدودها
سكت عبدالعزيز وهو يبلع ريقه وحسها تبكي :اا منيره
منيره وهي تاخذ نفس:مع السلامه (سكرت السماعه وهي تتطيح على فراشها وتبكي بانفعال)

بـــيـــت خـالــد الــراســي
جــنـاح عــبــدالــعــزيــز
ناظر جواله بصدمه ورجع يدق عليها ويدق بس ماترد تنهد ""ااه خليني امشي على خطتي ااه لازم تعرف اني اموت فيها مو اشفق عليها""

بــــاريــــس
كانت بالحديقه اللي تعودت كل يوم من تتطلع من الجامعه تمرها وتقعد تتامل الناس وتعطي الحمام اكل ابتسمت وهي تجلس على الكرسي وتتامل الناس والاطفال هذي ام تركض وراء ولدها وهذا شاب يعزف وحاط قدامه علبه صغيره والناس يمرون ويرمون قروش فيها وهذي بنت تبيع بلونات وهذا رجال يضحك مع مرته وبحضنه بنته ""ااااه ليتي انسىى ياليت"" نزلت راسها تكتب بدفترها

كان يمشي ومدخل يدينه بجيوب بلوزته بهدوء وتعدى من عندها ولا انتبه لها
كانت منزله راسها وتكتب ولا حتى رفعت راسها

يمكن لو هي رفعت راسها كان شافته ويمكن هو لو لف وجهه شافها بس القدر وفقدان الامل هم السبب فبعض الاحيان نفقد الامل بان نرى شخص لدرجه حتى لو مر من قدامنا ماشفناه مو لاننا مانبي نشوفه لا بس عقلنا بنى فكره باننا مستحيل راح نشوفه

عقدت حواجبها ورفعت راسها كأن قلبها حس صارت تتلفت انتبهت لرجال يمشي ولابس بنطلون اسود وبالطو اسود بس هزت راسها بالنفي وهي تضحك على نفسها ""هههه مستحيل يجي هنا"""

بــيــت رامــي و امــيــره
اميره وهي تكلم قمر بالجوال:صدق بتجين بعد اسبوع؟
قمر:ههههه من اللي خرب المفاجاه اكيد ابوي
اميره:ههههه لا امي سالتها وقالت لي بعدين تذكرت هههه
قمر:هههه ياحليله ايه صدق المهم انتي وشلونك مع الحمل؟
ابتسمت اميره:الحمدلله بس احس نفسي ثقيله ههه
قمر:ههه شي طبيعي المهم سلمي على خالتي وابوي والكل اوك؟
اميره: يبلغ ياروحي انتبهي لنفسك
قمر:وانتي بعد يلا باي
اميره:باي

بـــعــد اســبـــوع
بـــيـــت خــالــد الــراســي
كان الكل متجمع عشان قمر جايه ومسويه بوفيه والكل يضحك ويسولف
وقفت قمر وهي تتطلع ابتسمت وهي تشوف عبدالعزيز قاعد على المرجيحه وساكت اتجهت له واقعدت على المرجحيه الثانيه جنبه:وشلونك؟
ابتسم عبدالعزيز وهو يشد الجاكيت عليه:بخير فقدتك
قمر وهي تبتسم:وانا بعد ههههههه
ناظرها عبدالعزيز باستغراب:وشفيه؟
قمر:اضحك علينا شوف الكل مبسوط واخذ اللي يبي وبيصيرون قريب امهات الا حنا يا خوي
ابتسم باستهزاء:ههه صادقه يلا تعودنا على الضيقه
هزت راسها قمر:صادق ااه اشتقت لامي
عبدالعزيز:وانا بعد (مد يده ومسك يدها بقوه وناظرها) بس حنا مع بعض صح؟
ابتسمت بقوه وهي تضغط على يده:صح

بــعــد يــومــيــن
بــيــت ابــوســــديـــــم
وقفت ريناد بصدمه من كلام ابوها:ايش؟
ابوسديم باستغراب:وشفيك واحد خطبك وهو ماشاء الله اخلاق وعز وكل اللي تتمنين وبعدين انا فرحت بكل خواتك وابي افرح فيك ورغد صغيره توها
بلعت ريقها وتجمعت الدموع بعيونها:يبه ماابي اتزوج تكفى
ناظرها باستغراب:وليش ريوف اصغر منك تزوجت وحامل وانتي ماتبين؟
ريناد وهي تقعد تبوس يد ابوها:تكفى يبه لو لي معزه عندك لا توافق
ناظرها باستغراب ومسح على شعرها:يابنتي انا ابي الخير لك انتي فكري وردي لي
ناظرت ابوها بخوف وركضت لجناحها وهي تبكي دخلت وتصفق الباب وراءها سحبت جوالها ودقت على فواز وبصوت باكي:الو
فواز بخوف:وشفيك؟
ريناد:ااه ااه انخطبت ااه انت لازم تجي بسرعه تخطبني
بلع ريقه وتنهد:اهدي حبيبتي اهدي عشاني اهدي
هزت راسها وامسحت دموعها:همم
بلع ريقه فواز وسكت شوي: وشلونه هو؟
ريناد بصدمه: من؟
فواز:اللي خطبك
ريناد بعصبيه:وش تبي بشلونه زفت خلاص
فواز:ريناد لاتعصبين  ابي اقولك شي بس مايصلح بالجوال
ريناد:يعني وشلون؟
فواز:اا مو بكرا نور عازمتكم ببيتها؟
ريناد:الا
فواز:خلاص انا بتفق مع منيره تتدبر لنا نشوف بعض ابي اقولك شي
ريناد وهي تشهق:وشو؟
فواز:بكرا اقولك (بضيق) بس تكفين وقفي بكي عشان خاطري
هزت راسها بدلع: تيب

يـــوم جــديـــد
بــيــت نــاصــر و نـــور
كانوا قاعدين كل البنات بالمجلس ويسولفون ويضحكون
منيره وهي تأشر لريناد وقفت وهي تتطلع شوي وطلعت وراءها ريناد
وقفوا قدام الحديقه الخلفيه
ريناد بخوف:خايفه منور
منيره:لاتخافين ولا شي (وهي تبتسم) ماراح ياكلك
ريناد وهي تاخذ نفس:شكلي زين؟
منيره بابتسامه:يهبل يلا روحي بسرعه قبل مااحد يحس انا بنتظرك هنا
هزت راسها ريناد وهي تمشي
فتح فمه وهو يشوفها مقبله عليه ابتسم بقوة :اهلين
كانت منزله راسها وقفت بمسافه بسيطه بهمس:هلابك
تنهد فواز وابتسم:قسم انك قمر
رفعت عيونها بدلع وصدت بخجل
اخذ نفس ومسك يدينها:ابي اقولك بس تكفين لاتزعلين
ناظرت يدينهم بصدمه وهزت راسها
فواز: تزوجي اللي خطبك
فتحت فمها بصدمه وتوسعت عيونها:ايش ؟
فواز: اسمعيني انا اموت فيك وترا الكلام هذا مو سهل علي بس انا وين وانتي وين
ريناد ودموعها بدت تمشي على خدودها هزت راسها بالنفي:لاتقول كذا لاتقول كذا لاتقول
فواز باألم:لاتبكين اسمعيني انتي ماراح تقدرين تعيشين معي انتي بالذات انا مااقدر اسكنك بيت لحالك ولا اقدر اجيب لك الخدم والحشم(تنهد) ولا اقدر كل ماطلبتي سوق او أي شي تبينه اجيبه ولا اقدر اسفرك لباريس ولندن وسويسرا (بانفعال) ريناد انا اعشقك بس لاني اعشقك ماابي اظلمك
شهقت بقوة وهزت راسها بالنفي وصوتها اختلط بدموعها:لالالا اقدر اعيش اقدر
فواز بانفعال:كم سنه سنتين 5 ماراح تستحملين ماابي(نزل راسه) يجي يوم تتطلبين شي ومااقدر انفذه ولا ابي(ناظرها) يجي يوم تقولين خلاص مااقدر اعيش معك الحب مو كل شي ياريناد مو كل شي
ريناد بانفعال وصراخ وهي تسحب يدينها من يدينه:الا الا كل شي كل شي تكفى لاتتركني ليش عودتني عليك بس تروح تكفى لاتخليني ..
بلع ريقه وتجمعت الدموع بعيونه سحبها بقوه وضمها بكل قوته وهو لاف يدينها حول كتوفها:بس ياروحي بس خلاص
ريناد وهي ضمته بقوه وتشاهق بصوت اعلى:لاتخليني
رفع راسه وهو يمسح على شعرها:سامحيني
بعد 10 دقايق
تركها وهو يبعدها عنه ومسك وجهها بيدينه:مابي اشوف دموعك تكفين خلاص روحي اكيد فقدوك
شهقت بقوه:بس لاتتركني
نزل راسه وهو ياخذ نفس رفع راسه وهزه وابتسم:طيب (باس راسها) روحي (تركها)
ناظرته وهي تمشي على وراء بعدين لفت وجهها ومشت وهي تمر من عند منيره وتبكي
انصدمت منيره وقربت لها ومسكتها:وشفيك وش صار؟
ريناد وهي تضم منيره:بيتركني يامنيره بيتركني
انصدمت منيره:ليش؟
ريناد وهي تبكي بقوه:يقول اني ما اقدر اعيش معه اني ماراح استحمل منيره قولي له اني بقدر استحمل تكفين
منيره وهي تبلع ريقها وتضمها بقوه:بس ياقلبي بس (تذكرت عبدالعزيز واللي سواه معها) بقوله بقوله بس اهدي اهدي ..

يـــوم جـــديـــد
بــيـــت مــنــيـــرة
دقت على فواز:الو
فواز بهدوء:اهلين
منيره بقهر:ليش سويت كذا مع ريناد؟
تنهد فواز:منيره اا
قاطعته بقهر:اذا ماكنت قد كلامك كان من البدايه ماعلقت المسكينه فيك وخليتها تحبك اكثر (ضحكت باستهزاء) ههه اصلا انا من قاعده اكلم صديق عبدالعزيز انتوا ايش على بالكم قلوبنا بكل سهوله ننسى وناخذ غيركم صدق ان قلوبكم حجر بس تتدري انا الغلطانه اللي قربتكم لبعض كنت على بالي انك غير عنهم كلهم بس طلعت زيهم بالضبط يافواز
فواز بصدمه:منيره اهدي انا بس سويت كذا عشانها هي ماراح تقدر
صرخت منيره بعصبيه:وانت وش دراك تعرف المستقبل الانسان اذا حب يسوي أي شي ويضحي بااي شي بعد يعني انت على بالك ان الفلوس والخدم والعز تحبهم اكثر منك لا واذا كنت تعتقد كذا فاانت ماعرفتها زين ولا عرفت حجم حبها ليش تحكم على مستقبل ماعشته؟
تنهد فواز:مدري مدري يامنيره
منيره:الا تتدري بس انت اصلا خايف ولا تبي تتقدم لها
انصدم فواز:لا مو كذا  خلاص بكرا بروح لابوها وبشوف وش يقول
منيره بفرحه: صدق؟
فواز:ايه صدق بس لاتقولين لها عشان اذا ماوافق مااكون خيبت املها
منيره:انت خيبته وخلاص بس ان شاء الله يوافق قول يارب
فواز:يارب بعدين تعالي وشفيه عبدالعزيز؟
منيره بهدوء:مافيه شي بس خطب
سكت فواز شوي بعدين قال:ومن قال انه خطب ؟
منيره بصدمه:امي ؟

فواز:لا ماخطب انا معه شكل امك لعبت عليك
انصدمت منيره:قل والله بس انا كلمته وباركت له وقال الله يبارك فيك
فواز:هههههه اجل لعبوا عليك يبونك تحسين منيره وافقي على عبدالعزيز تراه بجد يحبك وهو قالي انك قايله له انك شفقان علي لا تراه بجد يحبك ااه كلميه قبل ماتخسرينه صدق ويخطب غيرك
سكتت منيره شوي:رايك كذا؟
فواز:ايه رايي كذا يلا مع السلامه
منيره:مع السلامه (سكرت وهي تتامل الجوال ودقت عليه بارتباك) الو؟
عبدالعزيز بفرحه:اهلين
سكتت منيره شوي: انت لحد الحين تبيني؟
عبدالعزيز وهو يبتسم:اكيد
منيره وهي تبتسم على خفيف:انا موافقه
عبدالعزيز وهو يوقف بفرحه:قولي والله؟
منيره:ههههههه والله
عبدالعزيز بخجل:ههههههه اجل بكرا وانا عندكم
منيره بهمس:انتظرك باي
عبدالعزيز بحب:باي(سكره وهو يركض ويصارخ) قممممممممر
قمر وهي تركض:وشفيك ؟
ضمها عبدالعزيز بكل قوته وهو يرفعها عن الارض:احبك اموت عليك
قمر:ههههه وانا بعد
نادر وهو مصدوم:وشفيكم؟
عبدالعزيز وهو ينزل قمر:نادر احبك (ضم نادر بقوه وهو يرفعه ويدور فيه)
نادر بخجل:ياالدب نزلني تراني مو بزر نزلني
قمر:هههههههههه وشفيك مستانس كذا؟
عبدالعزيز:منيره وافقت  اااه واخيرا
قمر بفرحه:صدق الف الف مبروك
عبدالعزيز:هههه الله يبارك فيك (ابتسم) عقبالك
قمر والابتسامه اللي كانت على وجهها اختفت صدت بهدوء:ايه (بس رفعت راسها على وابتسمت ماتبي تخرب فرحة اخوها) بالمناسبه هذي اعزمنا انا ونادر على مطعم
عبدالعزيز:واحسن مطعم بكل الشرقيه يلا تجهزوا
قمر: هيه هههه يلا
وراحوا يتجهزون بسرعة ..

يـــوم جـــديـــد
الـمــغــرب
بــيــت ابــوسـديــم
ابتسم ابوسديم:حيا الله من جانا
فواز وهو يبتسم:الله يحيك
عبدالعزيز:عمي بصراحه فواز جاي طلب منك طلب وياليت ماترده
ابوسديم بسرعه:ماعاش من يردك اذا شي اقدر عليه ابشر
اخذ نفس فواز:ابي يد بنتك ريناد على سنة الله ورسوله قبل ماتقول أي شي عمي انا بس حبيت اقولك اني بحاول اسعدها قد مااقدر ادري اني ماراح اقدر اوفر لها زي عيشتها هذي بس بحاول
ابتسم ابوسديم:انا ياولدي مااشتري فلوس وعز لا انا اشتري رجال واخلاق وانت ماشاء الله ماعليك قصور اذا علي انا موافق اما البنت لازم اسالها وان شاء الله خير
انبسط فواز بقوه ماتوقع هذا رد ابوسديم:مشكور عمي

بـــعـــد اســبــوع
الــمــطــار
ابتسمت قمر وهي تضم عبدالعزيز:الف مبروك الملكه
ابتسم عبدالعزيز بقوه:الله يبارك فيك يلا عقبالك
ابتسمت بذبول:ايه (سمعت ينادون على رحلتها) هذي رحلتي يلا اشوفك بعد شهرين
عبدالعزيز بابتسامه واسعه:ان شاء الله انتبهي لنفسك
هزت راسها بقوه:وانت بعد يلا مع السلامه
عبدالعزيز:مع السلامه
ابتسمت وهي تمشي تنهدت وهي تشد يدينها لصدرها""الكل ياقمر راح وبقى انتي انتي بس اااه الله يسامحك يافهد""

" أقَدر آمنَع لسَآنيً لآ يقُوََل ..
وأقدَر آمنع عيُونيَ لآ ترىّ ..
...وَآقدر آمنع آذنيً عن سوآليُف الوَرّى "
لكِن !
كيف آقدر آمنعَ فكريً
لو خَيآليً " بَه " سَرى ؟

بــيــت ابــوســديــم
جــنــاح ريــنــاد
ريناد وهي تقعد على كرسي التسريحه:شفت قلت لك ابوي بيوافق
ابتسم فواز:بجد مو متخيل انك خلاص لي
ريناد بمزح بلهجة غرور:شفت كيف هههههه
فواز:ههههه يالبى الغرور والنعومه
ريناد بخجل:ههههه

((مرت الايام على ابطالي حلوه وبسيطه ماعدا بطلتي الاولى كانت ايامها مملله بلونين اسود وابيض فقط ))

لـــنـــدن
كان اخر يوم وبكرا بتسافر للشرقيه عشان زواج عبدالعزيز كانت الاجواء ممطره وعاصفه وضبابيه بقوة

كانت قمر تركض وضامه كتبها لصدرها ماكانت حاسبه ابدا انها بتمطر ولا جابت لها مظله صارت تركض فجأة صدمت بااحد ورجعت خطوه لوراء وطاحوا كتبها بالارض ماميزت اللي قدامها:اووه سوري (نزلت بسرعه لكتبها ونزل الشخص اللي صدمها يساعدها مسكت كتاب بس توسعت عيونها بصدمه وهي تشوف يده سلسالها بلعت ريقها ورفعت عيونها شوي شوي)بصدمه وهمس:فهد؟؟
كان يجمع كتب البنت بعجله بس من نطقت اسمه رفع راسه:قمر؟
وقفوا وهم يناظرون بعض بصدمه تحت المطر القوي والناس يركضون حولهم الا هم بقوا يناظرون بعض وكان الزمن وقف هنا
بلعت ريقها قمر وبدت دموعها تمشي على خدودها
تنهد وهو يتاملها ماقدر يرمش ولا ثانيه خاف يضيع ثانيه ولا يشوفها مد يده بدون شعور ومسح دمعتها
غمضت عيونها بقوة وكانه يده ثلج وجمدت خدها ودموعها الحاره هزت راسها بلا ومشت بسرعه وهي تضم كتبها بقوه لصدرها وتركض
شد على قبضة يده وهو منزل راسه لف وناظرها:قممممر قمممممر
بس هي ماردت عليه وصارت تركض اكثر واكثر يكفي انها تشوفه بعقلها بكل مكان الحين تشوفه هنا ""اكيد جاي مع زوجته اكيد""

الــمــطـــار
دخلت قمر المطار وهي تتلفت ابتسمت بالغصب وهي تشوف ناصر تقدمت له وضمته:وشلونك وشلون نور؟
ابتسم ناصر وهو يمسك يدها:كلنا بخير انتي وشلونك؟
قمر:بخير
ناصر:يلا امشي الكل محتاس بكرا زواج الدب
قمر:هههه ايه
ناصر:هاه شريتي فستان؟
قمر:ايه اكيد

زززووواج عــبــدالــعــزيــز
الــفــنـــدق

قمر وهي تبتسم وتزين بشته بدت تبكي:ااه اه
عبدالعزيز وهو يبتسم سحب راسها وضمه لصدره:بس ياروحي
قمر:ااه ااه كان ودي امي تكون معنا الحين
خالد بضيقه وهو يمسح على ظهر قمر:الله يرحمها ياقمر
قمر صارت تبكي بقوة مو بس عشانها تذكرت امها ولا عشانه تشوف عبدالعزيز عريس لا عشانها تذكرت فهد واللي صار امس وكانها ماصدقت تلقى صدر تبكي عليه هزت راسها وهي تبعد عن عبدالعزيز وتمسح دموعه:ايه هه يلا تجهز منيره تنتظرك
ابتسم بقوه وضغط على يدها:يلا
نزلت راسها وهي تشوفه ترك يدها ومشى بلعت ريقها وهي تشوفه يدخل على منيره
خالد وهو يمسك يدها:يلا نرجع للبيت
ابتسمت قمر وهي تهز راسها نزلوا للوبي بلعت ريقها وهي تشوف الكل مع زوجه ويضحكون حتى ريناد واقفه مع فواز بدت دموعها من جديد تنزل ""انا اول وحده حبيت بس اخر وحده انتهيت"" هزت راسها بالنفي ومشت

يجُوزَ آضحُكَ .؟
وآنـآ كليُ بقآيآ منُ آلمَ محفَورُ ..
قُنآعَ ألبسُه ,
حتُىَ مآ أزعُلَ نآسُ تغُليَنيّ ..

بــعــد ســنـــه
بــيــت خـالــد الــراســي
دخلت قمر وهي تبتسم لها اكثر من 10 شهور ماشافت اهلها ومسويه مفاجاه تركت شنطتها وهي تمشي ابتسمت بقوه وهي تشوف خالد وام ناصر قاعدين ونادر يتابع التلفزيون:مرحبا
صرخ نادر بقوة:قممممممممر
وقفوا كلهم وهم يضمونها ويسلمون عليها
خالد:ليش ماقلتي لي انك بتجين اليوم؟
قمر:هههه حبيت اخليها مفاجاه
ام ناصر:واحلى مفاجاه والله
لفوا كلهم لصوت الباب قالت قمر بسرعه:اميره؟
خالد:ايه اكيد
قمر وهي تركض وتتخبى وراء الباب
دخلت اميره وهي شايله بنتها روز:السلام
كلهم وهم ماسكين ضحكتهم:وعليكم السلام
قمر وهي تصرخ وراء اميره:امييييييييرررة
نزت اميره بخوف وهي تلف وتصرخ:قمممر؟ (ضمتها بقوة ) متي جيتي؟
قمر:هههه توني (بعدت وهي تشيل بنت اميره) لالا مااصدق هذي روز ياروحي هههههه
اميره:هههه شفتي احسن من الصور اللي ارسلتها لك
قمر وهي تبوسها:طبعا ياقلبي
خالد:اجلسي اجلسي
قعدت وهي حاطه روز بحضنها: وشلونكم وشلون البنات؟
اميره بابتسامه:كلهم بخير
دخل عبدالعزيز ووقف بصدمه:قمممممر ؟
ضحكت وهي تضمه بقوه:اشتقت لك يالدب
عبدالعزيز:يا روحي وانا اكثر
منيره:قمممر؟
ضحكت قمر وهي تبعد عن عبدالعزيز وتضم منيره:ههههه شنو هاي الكرشة
منيره:ههههه بالثامن بعد وش تبين تصير؟
قمر:ههههه
عبدالعزيز:ليش ماقلتي لنا انك بتجين؟
قمر:قلت مفاجاه احسن اخباركم؟
عبدالعزيز:بخير والله
منيره: بشوفتك انبسطت والله ياحياتي
قمر:هههه (سمعوا صوت فتحت الباب) اكيد ناصر ونور
دخلوا ناصر ونور شايله ولدها خالد:السلام قممممممممر ؟
ضحكت قمر وهي تضم نور بقوة: ياروحي
نور:قمور متى جيتي؟
قمر:هههه الحين (سلمت على ناصر) هاتي المزيون
نور وهي تضحك وتعطيها ولدها:ههه اخبارك؟
اميره بمزح:شوفوا شوفوا يوم جاء ولد نور نست بنتي ياروحي هي
ناصر وهو يضحك ويشيل روز:ياروح خالها انا اموت فيها
قعدوا كلهم وصاروا يسولفون ..

اميره: بدق عليهم كلهم وبقولهم قمر جات ( وقفت وهي تتطلع تكلم)
ساعه بس والكل صار موجود ومبسوطين
ابتسمت قمر بقوه وهي تشوف عيالهم صح صغار بس لهم جو ابتسمت بقوه وهي تشوف سديم حاطه بحضنها بنتها توكلها وتنادي مهند وهذي اميره تلبس بنتها ومنيره وريناد حوامل لسى اما ساره ولدها توه ماكمل شهرين تنهدت وهي تبتسم بقوه
وسن وهي تحط بنتها بحضنها:وكم بتقعدين؟
قمر: شهرين
وسن بفرحه:اشوا يعني بنشبع منك
قمر:هههه اكيد

مــر يـــومـيــن
الــمـــول
كانت قمر تمشي بملل طلعت للمول تحاول تنفه عن نفسها دق جوالها طلعته وانصدمت وهي تشوف اسم مشاري على الشاشه بلعت ريقها وردت:الو؟
مشاري:وشلونك قمر؟
قمر:بخير وانت؟
مشاري وهو يتنهد:بخير امم قمر ابي اشوفك ضروري
قمر باستغراب:فيه شي؟
مشاري:اذا شفتك قلت لك وين تبين اقابلك؟
اسكتت قمر شوي:انا بالمول الحين خلاص اجيك بنفس المكان اللي بالبحر؟
مشاري:خلاص انتظرك باي
قمر:باي (سكرته وهي تتامل الجوال تنهدت ""صوت مشاري جاد مرا الله يستر"" كلمت السواق وطلعت)

الـــبـــحــــر
بلعت ريقها قمر وهي تشد بيدها وهي تشوف مشاري واقف ومعطيها ظهره تقدمت لين صارت وراءه:مشاري؟
لف وناظرها ابتسم على خفيف:هلا
ابتسمت قمر:امرني
تنهد مشاري:قمر ابي اقولك شي انتي وفهد تستاهلون بعض اا
قاطعته قمر:مشاري انت مانسيت خلاص فهد تزوج وراح اا
قاطعها مشاري بصدمه:تزوج ليش انتي ماتتدرين ان فهد ماتزوج نجوى ؟
توسعت عيونها بصدمه:ايش؟

بــيــت خـاللــد الــراســي
دخلت وهي مصدومه وكلام مشاري يدور براسهل ""فهد ماجاء يوم زواجه وارسل ورقة طلاق نجوى وسافر للندن يدرس وبكرا بيرجع فكري زين ياقمر قبل ماتخسرين كل شي كل شي"" شهقت بقوة وهي تهز راسها بالنفي ""يعني يوم قابلته ذاك اليوم وهو يناديني كان جاي هناك يدرس يعني هرب مثلي ترك الكل عشاني ""اقعدت على السرير شهقت""وشلون كنت غبيه ولا وقفت وسمعته وش يبي يقول؟؟""

ماذبحني .. غير [ دمعه ] جت من عقب إبتسامه
ۈلا قهرني .. غير شي .. شفته عمره ماطرا لي !

يا هبايب ذعذعي صۈبي.. ۈغني ياحمامه
الندم " مافاد مخطي .. ۈ " البكا " مارد غالي

يـــوم جـــديـــد
بــيــت نــاصــر و نــور
قمر بضيقه:وبس
نور:وش ناويه تسوين؟
تنهدت قمر:مدري نور قولي لي
نور:قابليه بكرا وكلميه وخلاص تزوجوا يكفي العذاب اللي عشتوه سنتين الا كم شهر ياقمر ضيعتوها من عمركم بكرا قابليه
تنهدت وهي تهز راسها :صح كلامك

يتبع