رواية أكابر و اقول فراقه عادي و انا في داخلي اصرخ تكفون جيبوه الفصل الثامن عشر 18 - بقلم HaboOoshy

بـــــيـــت خـالــد الـراســي
جـــنـــاح عــبــدالــعــزيــز
دق جواله رد بسرعه بدون مايشوف الاسم لانه كان يشتغل على اللاب:الو
ابتسمت بخبث وقهر:كيفك؟
بلع ريقه بصدمه وبهمس:نوف
نوف:ايه نوف زين لسى باقيه ببالك على بالي انك بتنسى حتى صوتي
عبدالعزيز وهو يتنهد وقف: نوف انا انا اسف بس صدقيني ماكان بيدي شيء
قاطعته نوف بقهر:ابي اشوفك (ولما حست بتردد عبدالعزيز) اخر مرة ابي بس اقولك شيء
تنهد عبدالعزيز:طيب وين تبين نلتقي؟
نوف بابتسامه على جنب:عند الكرونيش
عبدالعزيز:بكرا؟
نوف:ايه بعد العصر
عبدالعزيز:اوك ابشري
نوف:مع السلامه
عبدالعزيز:مع السلامه (سكر وهو يتامل جواله""وش تبي ااه الله يستر"" نزل جواله ورجع يشتغل باللاب)

جــــنــــاح قــــمــــر
توها داخله جناحها دق جوالها ناظرته شافت رقم غريب عقدت حواجبها باستغراب وردت:الو
جاها صوت مراه:الو السلام عليكم
قمر باستغراب:وعليكم السلام من معي؟
المراه:قمر؟
قمر اللي زاد استغرابها:ايه قمر من انتي؟
ابتسمت المراه: ابي اقولك شيء مهم يخصك ويخص ابوك واهلك
حست قهر بخوف وقلق:ايش قولي
المراه:لا ماينقال ابدا بالجوال صدقيني السالفه فيها حياة وموت
بلعت ريقها قمر بخوف :طيب قولي عشان افهم
المراه:ماقدر اقولها لك هنا تقدرين بكرا تقابليني؟
قمر وهي تحس بخوف:لا اسفه ماقدر
المراه:بالكورنيش والعصر يعني قدام الناس كلهم لاتخافين صدقيني انه شيء مهم ويخصك
سكتت قمر بتوتر: مدري
المراه:انا ماعندي فرصه اطلع الا بكرا تعالي اشوفك هناك
قمر بسرعه:طيب وشلون اعرفك؟
المراه:لاتخافين انا اعرفك خلاص بكرا اكلمك اذا وصلت هناك
هزت راسها قمر بقلق:طيب (سكرت وهي تناظر الجوال بين يدينها""وش تبي هذي؟ وشي اللي حياه وموت؟ ااه اروح والا لا "" دق جوالها وناظرته ابتسمت وهي تشوف اسم فهد): اهلين
فهد بابتسامه:عندي لك بشاره
قمر باستغراب:ايش؟
فهد:مشاري خطب مها
قمر بفررحه:جد مبروك هههه واخيرا"
فهد باستغراب:وش قصدك بااخيرا؟
قمر بابتسامه:لانو مشاري يحب مها
فهد: اووه وانا اخر من يعلم؟
قمر:ههههه اكيد مستحي منك
فهد:اوريه (سكت شوي) وشفيه صوتك؟
بعلت ريقها بارتباك: ولا شيء الا اقول حبي
ابتسم بقووه:عيونه
قمر: بكرا يمكن اروح للكورنيش تجي؟
فهد باستغراب:وش عندك بالكورنيش؟
قمر وهي تمد بوزها:يعني ماتبي تشوفني؟
ضحك فهد:هههه الا يابعد هالخلق بس يعني استغربت
قمر بابتسامه ""ابي احس بالامان"": عادي بس كذا بقول لاميره ونروح
فهد:اوك متى تبين نروح؟
قمر:بعد العصر
فهد:اوك
سكتت قمر شوي بعدين قالت:فهد لو مت وش راح تسوي؟
انصدم فهد من سؤالها المفاجى: ليش تحسين بشيء يعورك شيء؟
قمر بسرعه:لالا(ابتسمت) بس كذا مجرد سؤال
تنهد فهد:لاتذكرين طاري الموت ابدا
قمر:بس الموت حق وكلنا ماشين على هذا الطريق
فهد:ادري بس ماتخيل اني افقدك ابدا
ابتسمت قمر وهي تتنهد:فهد ابيك توعدني بشي
فهد:ايش؟
قمر:اذا مت عش حياتك تزوج (وبضحكه) جب بنت وسمها قمر وايه صح لاتنساني ابدا
بلع غصته:لاتقولين كذا
انصدمت قمر وهي تحس بالضعف بصوت فهد:فهد؟
فهد:لو صار لك أي شيء يمكن مدري يمكن اموت على طول
قمر بسرعه:بسم الله عليك خلاص خلاص توبه اجيب طاري الموت
ضحك فهد بخفه:ايه خليك كذا قموري
قمر بدلع: هممم
فهد:احببببك
قمر:هههه وانا بعد (وقعدوا يسالفون بحب عميق وهم مايدرون وش بيصير بالمستقبل!!!!)

بـــيـــت ابــوســـديـــــم
نزلت سديم ودخلت غرفه الطعام وسحبت كرسي وجلست تاكل بهدوء
كلهم تاملوها ثواني وكلهم صدوا
ابوسديم:السلام لله
سكتت سديم وهي تاقف وطلعت لحقتها ساره وهي تمسكها من معصمها:سديم حبيبتي مو لازم تروحين للدوام اليوم
سكتت سديم ولفت بتكابر:وليش مااروح وشفيه؟
تنهدت ساره وهي تتامل اختها:سديم تكفين لاتروحين
لما حست سديم انها بتبكي لفت ومشت بااتجاه السيارة ..

شـــقـــه تـــركــي ووســـــن
فتح عيونه تركي على خفيف وناظر وسن اللي حاطه راسها ويدينها على صدره ونايمه بس باين انها متضايقه من نومتها
تنهد وصار يمسح على شعرها:متى تحسين فيني؟
فتحت عيونها على خفيف ولما التقت عيونها بعيونه فزت على طول وهي تحاول تستوعب فجاه تذكرت اللي صار امس تنهدت وهي ترجع خصلات شعرها لوراء
تعدل بجلسته تركي وهو يتاملها
لفت له وبصوت مليان نوم: يعورك شيء؟
تركي بهدوء:ايه
وسن بخوف:ايش؟
تركي وهو يحط يده على قلبه:هذا
بلعت ريقها وهزت راسها ولفت ودخلت الحمام وطلعت وهي متوجهه للصاله صلت ودخلت المطبخ وحطت المويه الحاره على النار وهي تنتظرها تفوح اول مافاحت حطتها بكوب وحطت فوقه كيس الليبتون اخذت رشفه بسيطه وهي تتنهد

وقف تركي من السرير وغسل وجهه وتوضى وصل ووقف وهو يناظر نفسه بالمرايه ومشى بثقه لين دخل المطبخ وشاف وسن معطته ظهرها تقدم لها ولفها بقوه من معصمها وباسها بقوة
توسعت عيونها بصدمه وركت يدينها على الرخام وراءها بذهول !!

شـــركــــه ابــوســديـــم
مـــكـــتـــب ســـديـــم
اخذ نفس عميق وهو يتامل هالباب ابتسم على جنب هنا عاش معها احلى ايام طق الباب بهدوء حس بارتباك وهو يسمع صوتها دخل وهو يمثل البرود والهدوء:السلام عليكم
شدت على القلم اللي بيدها بقوه وبهمس:وعليكم السلام
تقدم لها وحط ورقه على مكتبها
ناظرت الورقه اللي صارت تحت عيونها كانت ورقة نقل للفرع الثاني ناظرت تحت شافت توقيع ابوها ومابقى الا توقعيها بس توقيع بسيط بمنظورنا بس بمنظور سديم هذا التوقيع مو بس توقيع عادي لا هذا توقيع انهاء حمد من حياتها كامله اخذت نفس وحطت القلم على مكان التوقيع وهي تتامله صارت تنزل القلم على مكان التوقيع وترفعه بتردد رفعت راسها وطاحت عينها بعينه تعمقت فيها تبي تتاكد اللي صار امس واقع ولا حلم بس للاسف ماقدرت تفهم أي شيء تنهدت ونزلت راسها ووقعت ورمت الورقه بقوه عليه:اطلع
نزل راسه وسحب الورقه ومشى بس وقف بالنص ولف وناظرها وابتسم بالالم ..

هز راسه بقهر ومشى وسكر الباب
شهقت باالم وهي ترمي الاوراق بقوة على الارض وصدرها يرتفع وينزل بقهر

شـــقـــه تــركــي ووســــن
صوت الكوب اللي طاح على الارض وانكسر اللي صدمته يد وسن بدون قصد هو اللي خلى تركي يبعد عن وسن بلع ريقه وناظر عيون وسن:ووسـ ـ
ماكمل اسمها لانها عطته كف وصدرها يرتفع وينزل بصدمه وعيونها معقله فيه
مسك يدينها تركي:انا احبك انا اعشقك تكفين لاتسوين كذا فيني
قاطعته وسن وهي تضرب بقوة على صدره: بعد عني بعد
رجع لاخر المطبخ الصغير وهو يناظرها:وسن تكفين خلاص لين متى بنعيش حياتنا كذا انا اردي انك تحبيني خلاص انا احبك وانتي تحبيني ليش نسوي باانفسنا كذا؟
رفعت عيونها والدموع بدت تنزل على خدودها
انصدم وهو يشوف دموعها:وسن اسف لاني نزلت دموعك ماكنت اتوقع اني
قاطعته بقهر:المشكله مو انا احبك ولا انت تحبيني لا
تركي بقهر:اجل وش المشكله؟
صرخت وسن بقوة:لااني اخاف لما تقرب مني يصير قلبي يدق بقوة واحس اني مقدر اتنفس ويديني ترجف (رفعت عيونها وهي تناظر يدينها اللي ترجف بقوة)
ناظرها بصدمه وهو يشوف يدينها ترجف بقوة حس بقهر من نفسه حس نفسه ولا شيء:وسن
مسحت دموعها بكفها ومشت بسرعه للغرفه وسكرت الباب بقوة وطاحت ع السرير
اما هو ضرب بقبضته الرخام بقوة: اخ اااه

الــكـورنـيـش الـعــصــر

كانت قمر واميره يمشون ولا هم عارفين ايش اللي بيصير ولا حتى عبدالعزيز ولا حتى فهد اللي ماكان بالخطه ابدا

كانت واقفه نوف وهي تتامل قمر من بعيد:هذي هي؟
المراه:ايه اللي ماسكه شنطه بنيه
نوف:طيب روحي جهزي ولدك واذا عطيتك اشاره نفذي فهمتي؟
هزت راسها المراه:فهمت (وراحت)
اما نوف ابتسمت وهي تشوف عبدالعزيز قرب لين وقف قدامها:وشلونك؟
عبدالعزيز والارتباك واضح عليه:بخير وانتي؟
نوف بعدم اهتمام:بخير
عبدالعزيز: ايه وش عندك؟
سكتت نوف ولفت وهي تشوف قمر واقفه لفت لعبدالعزيز:ايه

عـــنـــد الــبـــنــات
قمر بابتسامه:هذاك هو
اميره بابتسامه:اجل بروح اقعد هناك
هزت راسها قمر وهي تتامل فهد اللي قاعد يمشي باتجاها ..

عـــنـــد عــبــدالــعــزيــز
نوف: عمرك حسيت بشعور انك تفقد احد وماتقدر تسوي أي شيء؟
عقد حواجبه عبدالعزيز باستغراب:ايش وش قصدك؟
ابتسمت واشرت للمراه:لف
لف عبدالعزيز بخوف وهو يشوف قمر واقفه بس لف للجهه الثانيه وشاف سياره مسرعه جايه باتجاهها صرخ:قمر
كانت مبتسمه لفت لاتجاه الصوت وانصدمت وهي تشوف عبدالعزيز بس ناظرت يده لفت توسعت عيونها بصدمه للسياره اللي جايه بااتجاهها صار صدرها يرتفع وينزل وصوت تنفسها واضح لفت وناظرت فهد اللي وقف لثواني وراح يركض لفت وناظرت عبدالعزيز اللي يركض حست بان الزمن وقف وكانه صار بطيء ماتحركت من مكانها لفت للسيارة اللي صدمتها وطارت مسافه بسيطه لين وصلت للارض تنهدت وهي تحس بجسمها ملاصق للارض شعور غريب فتحت عيونها على بسيط وناظرت عبدالعزيز وفهد اللي يركضون لها لفت وهي تشوف اميره اللي تصرخ بااسمها حستهم بعيدين مرا رمشت بخفه وهي تشوف امها واقفه بعيد مدت يدها بضعف ونزلت دمعه على خدها ""يمه جاء الوقت برحل من هالدنيا جاوبيني يمه بترك فهد وعبدالعزيز والكل ""
طاح فهد وهو يرفع راسها:قمر قمر(صار يطق خدها) ردي علي قمر
طاح عبدالعزيز على ركبه وهو يهزها:قمر قمر ردي
رمشت بخفه وبهمس:فهد لاتنسى وعدك
شهق بقوة:قمر
عبدالعزيز اللي وقف يبي يشوف وين راحت السياره بس كانت مختفيه ولف لمكان نوف بس بعد ماكانت فيه حس نفسه مشتت ضايع نزل لقمر بذهول وهو يمسك ذراعها وبهدوء ودموعه تنزل على خده:قمر قمر
فهد وهو يشيلها بين يدينه:سيارتي هناك (وقف وهو يناظر عبدالعزيز اللي ماتحرك من الارض صرخ) قوم
صحى عبدالعزيز وصار يركض وراء فهد اللي نزل قمر بالمرتبه الخلفيه وركب قدام وركب عبدالعزيز جنبه ومشى فهد بكل سرعته لاقرب مستشفى
اما اميره اللي لما استوعبت ركبت مع السواق ولحقتهم

بــــيـــت فـــواز
صار فواز يمشي مع ناصر للباب:ابشر ان شاء الله خير
ابتسم ناصر:اجل اعتمد؟
فواز بنفس الابتسامه:اكيد اعتمد
مد يده ناصر يصافحه:اجل مع السلامه وبيننا مكالمه
فواز وهو يصافحه:الله يسلمك اكيد

كانت نور واقفه عند الشباك وفاتحه شوي منه وتناظر لهم""وش قصده وش السالفه "" اول ماشافت فواز سكر الباب ركضت له : وش يبي هالمغرور؟
فواز وهو يرفع حاجبه:وش دراك انه مغرور؟
تورطت نور:هاه ايه قمر تقوله
فواز:اها ايه هذا اخو قمر عنده موضوع معي وانتي ليش ملقوفه كذا؟
نور:هاه لا ملقوفه ولا شيء عاد من زين السالفه (لفت وجهها ومشت وهي مقهوره ودها تعرف وش السالفه بس بينت انها مو مهتمه ابدا)

الـــمــســتــشــفـــى
فتحت عيونها والانوار تمر بسرعه قدامها وهي تحس نفسها طايره بالسماء بس ماكانت بالسماء كانت على سرير ومسرعين فيها نزلت دمعه """ياترى بموت يعني خلاص هذي نهاية حياتي اااه"" رجعت غمضت عيونها بس دقايق ورجعت فتحتها ثاني مره وهي تحس بصدرها المكشوف والجهاز اللي يشحنونه ويحطونه على صدرها كانت ترتفع بقوه وترجع تتطيح بنفس القوه لفت وجهها وشافت من القزاز المكشوف عبدالعزيز وفهد مدت يدها بضعف وبهمس:لاتتروكوني ( رفعت سبابتها واطلقت الشهادة بصوت خافت) وغمضت عيونها
طوووووووووووووط
صقع يدينه فهد بقوه على القزاز ودموعه تنزل:لاااااااااااااا
اما عبدالعزيز نزل على الارض وعيونه متوسعه بصدمه والدموع تنزل منها بذهول!!

بــــيـــت ابــوســـديــم
دخل ناصر ومعه معاذ واتجهوا لمجلس الرجال ثواني ودخل ابوسديم وصاروا يسالفون بموضوع صفقه كبيره ويتناقشون
وقف معاذ:عن اذنكم بروح للتواليت
ابوسديم وناصر:اذنك معك
طلع ووقف قدام المغاسل وهو يغسل يدينه ابتسم""هذا بيتك ياريوف ااه"" لف وجهه وكان المدخل مقابله دخلت ريوف وهي تقرا بروايه اجنبيه عقدت حواجبها لما حست بشخص يناظر لها لفت وجهها وفتحت فمها بفهاوه
ناظرها معاذ وابتسم وتنهد بدون شعور
بلعت ريقها ريوف بخوف وناظرته باستغراب وكملت مشيها بسرعه بعد ماحركت نظاراتها بيدها بارتباك
معاذ:هههه فديت هالنظارات وراعيتها وه بس (عض على شفايفه وضحك بخفه ورجع للمجلس)
كانت ريوف متراكيه على الجدار بحيث مايشوفها شدت الكتاب على صدرها بارتباك وهي تحس بنبضات قلبها تزيد""وشفيني ليش هو يقول كذا هذا يحبني لالا مستحيل وشلون بيحب وحده زيي ااه ليش قلبي يدق كذا معقوله هذا الحب ياريناد"""

بــــيـــت ابــوســلــمـان
جــناح ســلــمـان و حـــلا
ابتسم سلمان وهو يطلع من غرفه النوم بعد ماتعطر وضبط شعره ناظر لصدره المكشوف اللي ماهو مغطيه الا ببلوزه بيضاء خفيفه وفاتحها وبنطلون اسود عادي بس طالع شكله يخق
اول مادخل الصاله مشى للمطبخ المكشوف وكح بقصد عشان حلا تنتبه له
لفت حلا باستغراب:صحـيـ ـ( بلعت ريقها ولفت وجهها بسرعه بخجل ""هذا وشفيه لابس كذا"")
نزل كوب الماء ورمى نفسه بجنبها على الكنب
بعدت بسرعه حلا وهي تناظره بطرف عينها باستغراب ""وشفيه مو صاحي اليوم؟""
سلمان لف وجهه وناظرها:ليش تناظريني بطرف عينك؟
حلا اللي تفشلت انه انتبه: لا عادي ماناظرت  فيك شيء؟
سلمان بهدوء:ليش لما تكلميني تناظري قدام ناظريني
نزلت راسها بارتباك ورفعته شوي وناظرته طاحت عينها بعيونه الناعسه وهي يتاملها نزلت عيونها شوي
سلمان وهو يتنهد ويلف ويناظر التلفزيون:لا مافيني شيء حلا
حلا بهدوء:هلا
سلمان:وش رايك نروح للبحر؟
لفت وناظرته باستغراب والتغيير العجيب: اا ايه ايه اكيد
وقف:اجل جهزي نفسك انا بروح للسوبر ماركت وارجع اخذك
هزت راسها حلا:اوك انتظرك (صارت تتامله وهو يدخل غرفه النوم ثواني وطلع وهو مغير البلوزه وطلع برا الجناح كله وقفت ودخلت الغرفه طلعت لها بنطلون جينز سكني احمر وبلوزه بيضاء وعليها صوره قطار بالاسود ولبست حزام اسود ناعم ونعول فلات بيضاء طلع شكلها مرا ناعم وكيوت بخت من العطر وكثرته وهي تتنهد:يارب يسر الامور بيننا

الـــمــســتــشـــفـــى
هدوء خيم لحظات بغرفه العمليات بس صوت نبضات القلب اللي بدأت من جديد
طوووووووط
رجعت بعض الحركه بالغرفه تنهد الدكتور ورمى الكمام عن فمه وطلع
كان جالس على الارض وضام راسه بين يدينه ودموعه تنزل بقوة على خدوده بصدمه وعدم تصديق
اما عبدالعزيز جالس على ركبه وعيونه متجهه لقدام بذهول
وصلت اميره وهي تاقف وتناظر لهم بفهاوه:وشفيكم وين قمر؟
طلع الدكتور:الحمدلله قدرنا نسيطر على الحاله وهي بخير الحين بس عندها كسر بيدها اليمنى
وقفوا فهد وعبدالعزيز على طول
فهد وهي يبتسم بقوه:يعني يعني هي حيه؟
الدكتور:ايه
عبدالعزيز وهو يتنهد ويمسح وجهه بيدينه:الحمدلله الحمدلله
قعدت اميره على الكرسي براحه""ااااه الحمدلله""
الدكتور:الحين بنقلها بغرفه ويتفضل واحد منكم يعبي بياناتها عند الاستقبال
وقف عبدالعززيز للحظه ولف لفهد: اا انت؟
سكت فهد لحظات بعدين قال:فهد
عبدالعزيز بشويه عصبيه:وش جابك هنا والا وش جابك للكورنيش؟
ناظره فهد باستحقار وعدم اهتمام ولف وهو يشوف قمر يطالعونها تنهد ومشى
عبدالعزيز بصراخ:هيه انت هيه اكلمك (عصب ومشى بسرعه له وسحب فهد من ذراعه بقوة ) ووقف
لف له فهد وببرود:انتبه لقمر بس هذا اللي مفروض تعرفه
وقف عبدالعزيز بصدمه وهو يشوف فهد يمشي ويخليه ولما استوعب:هيه تعال مو انت اللي تعلمني
مسكت يده اميره:عبدالعزيز بسس اهم شيء ان قمر بخير بعدين لولاه ماكانت قمر حيه
تنهد عبدالعزيز بقهر وهو يبعد يد اميره:انا بروح اسوي بياناتها وانتي كلمي ابوي وقولي له وروحي عندها
هزت راسها اميره:طيب

بس هو مااقدر يطلع برا المستشفى وقف وهو يتراكى على الجدار""تخيلت اني فقدتك للابد وشلون كنت بعيش دونك ياليتني اقدر ادخل عندك وامسك يدك ياليتني حليل لك ااااخ بس ااااه متى  تصيرين لي واقدر امسك يدك قدام كل العالم واقول هذي زوجتي""ضرب بقبضه يده الجدار بقوة وطلع جواله:الو مشاري

الــــبـــحـــــر
فرش سلمان الفرشه على الرمل ونزل الاكياس والمنقد والفحم وجلس
قعدت حلا بهدوء وهي ساكته
سلمان وهو يبتسم ويتامل البحر:حلو الجو
حلا بابتسامه وهي تتامل البحر على الغروب:ايه الشتاء قرب
سلمان:ايه(لف لها) اكشفي مافيه احد حولنا
حلا:طيب (فصخت نقابها وطرحتها وتركت شعرها بهدوء على كتوفها)
سلمان وهو يتاملها:عيونك مرا حلوه
حست بخجل مو طبيعي لانه فااجاها وبدون أي مقدمات: ايه مشكور
سلمان:ههههه مشكور هذا الخجل يعني؟
ضحكت بخفه وهي تصد بوجهها عنه
سلمان بابتسامه:عطيني اللحم من الكيس خليني ابدا بالشوي
حلا:لا خلنا نتمشى شوي تونا على العشاء
ابتسم سلمان ووقف ومد يده لها
ابتسمت ومسكت يده تنهدت بارتباك وصاروا يمشون على طرف البحر وهي ماسكه طرف عبايتها بيدها الثانيه
كان الهدوء سيد الموقف والارتباك بينهم واضح
حلا وهي تمشي انتبهت لحشره غريبه بالارض صرخت وهي تنقز وبدون قصدت ووطت رجل سلمان اللي ماتوازن وطاحوا بالارض كلهم
سلمان: اي (تلاقت عيونهم وهم بالارض بلع ريقه وهو يتامل عيونها رمش بخفه من الهواء)
شدت على شفايفها من نظراته بس ماقدرت تشيل عيونها عن عيونه وظلوا كذا دقايق)

الـــمـــســـتــشــفـــى
غـــرفـــه قـــمـــر
بدت تفتح عيونها شوي شوي وهي معقده حواجبها تمنت اول عيون تشوفها هي عيون فهد ما ميزت الصوره قدامها زين بهمس:فـ ـ(بس لما ميزتها شافت ابوها وهو ماسك يدها)
وقف بسرعه وهو يبتسم:صحيتي حبيبتي تحسين بشيء تبين شيء؟
تنهدت وهي تتعدل بجلستها بتعب وساعدها هو بسرعه بعدته عنها بيدها وسكتت
قامت ام ناصر وهي تسلم عليها:بسم الله عليك يمه خفنا مرا يوم قالت لنا اميره بس الحمدلله انك بخير
هزت راسها بضيق وهي تصد عنهم
ضمتها اميره بقوه وبابتسامه:كان على بالي اني بفقدك
سكتت قمر شوي بعدين قالت:بس مافقدتيني
ضحكت اميره بخفه وهي تبعد:ترا كل البنات ووسن دقوا وكانوا يبون يجون بس قلت لهم انك اول ماتصحين بنطلع للبيت وهم يجون هناك
ابتسمت بتعب:الله يخليهم يارب
خالد بحب وخوف:انتي بخير الحين؟
سكتت شوي""كنتي بتموتين يا قمر وعلاقتك مع ابوك كذا لين متى ياقلبي ماتسامح اه""
خالد وهو يتنقل بعيونه بين ام ناصر واميره بخوف عليها
ام ناصر وهي تحط يدها فوق يد قمر:حبيبتي فيك شيء؟؟
رفعت عيونها قمر لام ناصر ""وهي استقبلتني على طول وحسستني انها امي وحبتني وتهتم فيني بس انا مااعطيها أي اهتمام ولا مره شكرتها لا هذي مو تربية امي لنا ماربتنا مانقدر الناس معقوله الحقد سوا فيني كذا ""ابتسمت بين دموعها وضمت ام ناصر بقوة:ايه ايه بخير مشكوره على كل شي سويته لي
انصدمت ام ناصر بس ابتسمت وهي تضم قمر:ماسويت شيء يابنتي
شهقت قمر وهي تضم ام ناصر محتاجه حضن دافي مثل حضن ام ناصر
اميره بمزح وهي تضمهم:وانا بعد معكم
ضحكوا قمر وام ناصر وضمتهم ام ناصر بحب كلهن
تنهد براحه وابتسم وهو يتاملهم""واخيرا ارتحت واخيراا"" نزل عيونه بعدين رفعها وهو يتاملهم

الـــبـــحــــر
تننحح سلمان وهو يتعدل بجلسته وحلا نفس الشيء
سلمان:احمم(وقف ومد يده لها)
ناظرته بعدين ناظرت يدها ومسكتها ووقفت بس هو مافك يدها وظلوا يمشون لفرشتهم وهم ماسكين يدين بعض
تنهدت حلا وصارت تناظر البحر بتتامل

" أقَدر آمنَع لسَآنيً لآ يقُوَ وَ وَ ل ..
وأقدَر آمنع عيُونيَ لآ ترىّ ..
...وَآقدر آمنع آذنيً عن سوآليُف الوَرّى "
لكِن !
كيف آقدر آمنعَ فكريً
لو خَيآليً " بَه " سَرى ؟

بــــيـــت خـــالــد الــراســي
جــنــاح قـــمـــر
كان الكل عندها ويسالفون ويضحكون اما هي مبتسمه بس وتتاملهم
ونادر جالس جنبها على السرير:قمر
قمر بهدوء: هلا
نادر بحب:يعورك شيء؟
بعثرت شعره بيدها اليسرى لان اليمنى مجبوره:لا
ضحك نادر بخفه وسكتت
تنهدت قمر وهي تتلفت بينهم:وين عبدالعزيز؟
نادر:مدري اليوم ماجاء البيت ابدا
انقهرت قمر ""حتى يوم بغيت اموت ياخوي ماتكون موجود؟ ااه"""

عـــبـــدالـــعــزيـــز
وهو يكلم بعصبيه:تتطلعها لي من تحت الارض فاهم وشلون ماهم ببيتهم يعني وينهم انا مالي دخل دورها تتطلعها لي فاهم؟؟
(سكر الجوال بعصبيه وهو يرميه على كرسي السياره جنبه مسك الدركسون بعصبيه وضربه بقوة""هذي ثاني مره قمر تتضرر بسببي سامحيني يااختي على اللي يصير لك بسببي بس والله لااطلعك يانوف من تحت الارض وين ماكنتي"""

بــــيـــت ابــوفـــهـــد
غـــرفـــه مـــهــآ
كانت حيل مبسوطه بااللي صار ماهي مصدقه ان مشاري صار لها خلاص ""اااه اعذرني يامشاري ماعرفت احبك زي ماحبيتني يمكن عشاني كنت واثقه ان قلبك مستحيل يروح لغيري ااه بس اشوا الحمدلله انك ماكرهتني لين الحين""ابتسمت بقوه للمستقبل
دخلوا البناات واللي تصفر واللي تصفق واللي تغني
نواره:ووه واخيرا مابغيتووا تحسون على بعض
ضحكت مها بخجل وضربت كتف نواره على خفيف
منى:ووه بس يازينكم هههه اعجبني مشاري قسم بروده خطير
وصاروا يتطنزون عليهم شوي ويضحكون عليهم شوي  

بــــيـــت ابــوفــهــد
كانوا متجمعين على الارض وياكلون الغداء
فهد وهو باله مشغول على قمر ناظر مها:قمر عطيني اللبـ ـ(بلع ريقه وسكت لما استوعب انه قال اسمها حرك لسانه داخل افمه وسكت)
الكل سكت ويناظرون بعض اما ابوفهد رمى المعلقه على السفره:اه اسمع انا سكت لك كثير وكل شوي اقول بيعقل بس شكلك مامنك فايده اسمع انا بخطب لك
تنهد فهد بهدوء ووقف وهو بيطلع برا المجلس
عصب ابوفهد:هيه انا اكلمك وقف
وقف فهد وهو معطي ابوه ظهره شد على قبضة يده بقوة ولا تكلم ولا كلمه
ابوفهد:وشلون تمشي وانا اكلمك يالكلب
ام فهد بخوف وهي تحط يدينها على كتوف زوجها:هد يا ابوفهد
ابوفهد وهو يدف يدين زوجته:بعدي قسم يافهد لو ماتتزوج اللي انا ابيها قسم انك ماتكون ولدي ولا اعرفك
الكل شهق بصدمه الجده بعصبيه:لاتقول كذا هذا ولدك
ابوفهد وهو ياقف بعصبيه:لا مو ولدي اللي يحب بنت شوارع مو ولدي
نزل راسه بقهر وهو ضام شفايفه لبعض مشى وطلع برا البيت
ابوفهد بعصبيه مخيفه:هاه شوفوه مااهتم حتى مشى وخلنا كله بسبتها غيرته علينا
صاروا يهدونه بخوف عليه من العصبيه بس خوفهم على فهد اكبر

ســــيـــاره فـــهـــد
كان شاد على الدركسون بكل يدينه ومعقد حواجبه""متى بيفهمون ياقمر حنا ايش متى بيفهمون حبنا متى بيفهمون اننا مانقدر نعيش دون بعض""ضرب الدركسون بقوة:متى (وقف على جنب الطريق بقوه وصدره يرتفع وينزل بقهر وتوتر وغضب)

بـــيـــت خــالـــد الـراســي
ابتسمت اميره وهي تشوف كل عايلتها متجمعه بجناح قمر هذا يضحك وهذا يسولف ابتسمت بقوه من زمان ماتجمعوا كذا كلهم حتى جدتها جايه تنهدت ""لو بوافق وشلون بتكون حياتي ااه (نزلت راسها بعدين رجعت رفعته) سامحني رامي انا مقدر ادمر حياة انسان(دمعت عيونها) قمر وعبدالعزيز تشتتوا عشان ابوي تركهم واخذ غير امهم (هزت راسها بالنفي) مقدر اكون سبب بدمعه احد بيوم سامحني (وقفت وهي تاخذ نفس ناظرت ابوها واشرت له يطلع معها برا وطلعت)""
طلع خالد ووقفوا عند باب الجناح:هاه حبيبتي وش عندك؟
تنهدت اميره ورفعت راسها وتاملت ابوها:ااا ااا ااه انا مااني موافقه على رامي

<< شعور صعب لما تتخلى عن اللي تحبه بكل ارداتك تتخلى عنه ببساطه مع ان روحك وقلبك كلها متعلقه فيه بس نتخلى وكل واحد بيكون عنده سبب مثلا سبب مثل اميره وسبب مثل حمد وسبب وسبب وتكثر الاسبااب بس ياترى بيجي يوم نندم؟

بـــــيـــت ابـــوفـــهـــد
غــرفـــه ابـوفـهـد و ام فــهــد
طقت الباب مها بهدوء ولما سمعت صوت ابوها دخلت: السلام عليكم
ابوفهد وهو يتنهد:وعليكم السلام تعالي حبيبتي
قربت مها وقعدت جنب ابوها على الكنب رفعت راسها شوي شوي لابوها وهي تاخذ نفس: انا موافقه
<<قصه تبتدي وقصه تنتهي ياترى هل شارفنا على النهاايه؟ ام ابتدينا الوضوح فقط هل سيفقد الامل رامي من اميره ام مشاري انتهاء الامل بالنسبه له من مها الى اين يذهبون ابطالي والى اين سيقفون لا نعلم لذلك دعونا نكمل للنهاايه<<

ســـيـــاره ســلــمــان
سلمان بابتسامه:انبسطنا اليوم صح؟
حلا بفرحه:ايه
سكت سلمان شوي بعدين قال:اا حلا
حلا وهي تلف له:هممم
ناظر عيونها كان بيعترف كان بيقولها انا ادري انك حلا نفسها حبيبتي بس:ههه لالا ولا شي ماعليك (تنهد ولف وصار يناظر الطريق قدامه)
عقدت حواجبها باستغراب بس ا
سكتت احترام له ولفت للشارع وهي تتامله""المهم انك جنبي""ابتسمت بقوة..

بـــيــت خـــالــد الــراســي
خالد:ااا بس ليش؟
سكتت وهي تحاول ان ابوها ماينتبه للدموع اللي بعيونها:اا كذا مارتحت (لفت وجهها واخذت نفس وادخلت جناح قمر ماتبي تبكي ماتبي تفكر فيه تبي تنشغل مع اهلها ويمكن يمكن تنساه)

بــــيــــت ابــوفــهـــد
ضم بنته بحب:الله يوفقكم ااه ويصلح فهد
سكتت مها بهدوء وماتكلمت
ابوفهد:خلاص انا ببلغ مشاري
مها بتردد: طيب يبه والناس اللي خطبتوا منهم؟
ابتسم ابوفهد:انا امس كلمتهم وتعذرت منهم
مها بمزح:اها يعني كنت وواثق اني بوافق؟
ابوفهد:هههه اكيد
ابتسمت لابوها بقوة ""الله يوفقنا يامشاري""

يـــــوم جــديــــد
سيكون جيد لبعض ابطالي وسيء لبعضهم الاخر وسيتجدد حب وسينتهي حب وستتصفى قلوب وتسود قلوب اخرى....

بــــيـــت خـــالــد الــراســـي
جـــنـــاح قـــمـــر
دخل خالد وهو يبتسم:قالوا لي انك تبيني؟
تنهدت قمر هزت راسها بهدوء واشرت له يجلس جلس على كرسي مقابل لسريرها اخذت نفس وسكتت جمعت يدينها ببعض وهي تناظر المفرش: لما كنت صغيره كنت اسال امي اه اقولها وين ابوي ليش نور عندها ابو وانا لا (ابتسمت ودموعها تغارقت بعيونها وبدا صوتها يوضح فيه البكي) كاا كانت تقول انا امك وابوك كانت تقول ابوك كان بطل ومات عشان يدافع عنا (ضحكت باستهزاء) اعجبت بالفكره مع انه فيه شيء داخلي كذب امي بس على الاقل لما يسالوني البنات بالمدرسه اقدر اجاوب مو اسكتت ااه مع الايام نسيتك ولا عاد ذكرتك كان يكفيني امي وعبدالعزيز يمكن (رفعت راسها وناظرته) يمكن لو انك جيت هذاك الوقت كان رميت نفسي بحضنك لااني لاني محقدت عليك ولا اهتميت مااحبك ولا اكرهك(نزلت راسها وهي تتامل يدينها) بس من ماتت امي وعبدالعزيز تخلى عني ربطتها فيك بطريقة قلت بنفسي لو هو ماتركنا كان ماصار كذا لو ماتركنا كان ماماتت امي لو ماتركنا كان عبدالعزيز مارحل اه (رفعت راسها ودموعها تمشي على خدودها) انت تعرف وش صار فيني لما دريت ان (وحركت يدينها بتضخيم) ابوي خالد الراسي من يكون؟ (ضمت شفايفها بشده)تعرف قد ايش كرهتك تمنيتك قدامي عشان اذبحك ايه اذبحك حقدت عليك من كل قلبي عرفت ليش امي ماكانت تقولي الصدق عرفت امي ليش كانت تسكتني لما اسالها ولا تكذب علي اااه انت(اشهقت بقوه)انت تتدري اني كنت الوم نفسي ايه كنت لما اشوف صورتكم انت وامي وعبدالعزيز اقول كانوا سعيدين قبل ماا اجي للدنيا ظليت اقول لنفسي انا نحس نحس(شقهت) عليهم
دمعت عيون خالد ووقف وضم قمر بقوه:لاتقولين كذا وانا ابوك انا السبب انا السبب انتي مالك ذنب مالك ذنب
شهقت بقوه وضمته بيد وحده لان يدها الثانيه مكسوره:ااه ااه لاتعذبني اكثر تكفى لاتعذبني اكثر
ضمها اقوى لصدره:ماراح اعذبك انا ماصدقت تجين عندي ادري اني لو قلت لك سامحيني مليون مره ماراح تسامحيني بس اوعدك اني مااخلي دموعك تنزل ثاني مره
قمر بهمس:لما صار الحادث قعدت افكر وشلون بموت وانا مدري ابوي راضي عني او لا؟؟ااه ااه
شدها لصدره اقوى:راضي وانا ابوك راضي بس انتي راضيه؟
شقهت بالالم وسكتت:ااه اه
سكت خالد بعدين قال:خوذي وقتك وانا بكون موجود اذا سامحتيني من كل قلبك
هزت راسها باايجااب وهي تبكي بحسره بس كان احساس غريب احساس راحه وكانها رمت عبء كان كبير على صدرها
واخيرا تصافت القلوب...

بــــيـــت ابـــو فــهـــد
مشاري بفرحه:صدق عمي مها وافقت؟
ابتسم ابوفهد بقوه:ايه صدق هاه متى تبي الملكه؟
مشاري بسرعه:بكرا
عمته حنان:هههههه اعصاابك مايصير لازم تعطينا وقت عشان نشتري للبنت فستان وانت تجيب المهر
تفشل مشاري من كلامه وحك شعره:ههههه خلاص انتوا قرروا
ام فهد:وش رايكم بعد اسبوعين والزواج بعد شهرين؟
صاروا يتناقشون وهو قاعد وساكت ابتسم""واخيرا صررنا لبعض""
ويوم جيد ...

بـــيـــت ابــوســديــــم
اخذت نفس وهي تغمض عيونها وترجع تفتحها طقت باب مكتب ابوها بهدوء ولما اسمعت صوته دخلت
ابوسديم:اهلين وش بغيتي؟
سكتت سديم شوي وهي تشوف صورة حمد تمر قدامها: انا اا انا(تنهدت وهي تنزل راسه بخيبة امل) موافقه على ثامر (شدت على يدها بقوة)
وانتهت قصه حب....

شـــقـــه رامـــي
نزل الجوال من اذنه بصدمه وضغط عليه بقوه""ليش يااميره ليش ااه ليش رفضتتي اخ""
ويوم سيء ...

بـــيـــت نــــجـــوى
شدت على شفايفها بغضب""والله لاخليك تركض وراءي يافهد اجل انا ترفضني عشان بنت هالشوارع ان ماخليتك تكرهها وتحبني(ابتسمت بخبث) مااكون نجوى""
واسودت قلوب.... 

يتبع