بسم الله
**
**
**
بارت 4
صحيت بنشاط غير طبيعي وهي متشوقه للطلعه
غسلت وجهها ولبست بسرعه قبل ما تغير جدتها
رأيها !!
توجهت للمطبخ بابتسامة ورفعت حاجب باستغراب جدتها مو موجوده بالمطبخ!!
وبسرعه ركضت لغرفة جدتها وهي راسمه البسمه على محياها
طرقت الباب ودخلت وسرعان ما عفست ملامحها
وهي تشوفها نايمه!!
تقدمت منها وجلست عند فراشها وابتسمت وهي تهزها على الخفيف : يمه يمه
زفرت بضجر : يمه الحين رح نتأخر على الطلعه!
رجعت هزتها بأقوى : يمه يمه
استغربت ليه ما ترد عليها
مدت بوزها بطفوله ضحكت عليها الجده وما تبغى تأخذها للطلعه
حاست بوزها اكيد عيشه صارت طالعه!!
رجعت ناظرت جدتها نائمه بسلام : يمه يمه
تأخرنا !!
مسكت يدها الباردة ودب الرعب بقلبها : يمه ردي علي !!
زعلانه علي ؟!
خلاص توبه ما رح اقول لك اروح مع عيشه !!
بس قومي!
هزت يدها بقوه والدموع تلمع بعيونها : يمه وش فيك نايمه ؟!
طلعت من الغرفه باتجاه الباب ما تدري وش تعمل؟!
قررت تطلع للشارع تقول لعائشة
طلعت للشارع وشافت جارتهم بالشارع تبغى تطلع بالسياره ساره بصوت مخنوق : خالتي !
طالعتها الجاره قبل ما تركب : نعم ؟!
ساره بصوت مخنوق : جدتي ما ترد علي نائمه
مو قابله تصحى !!
ناظرت زوجها بشك :-اشوفها وما رح أتأخر،؟
هز رأسه بالموافقة بعد ما ناظر ساعته
**
**
**
ساره بعد ما دخلت الحرمه اشرت لجدتها : شوفيها ما ترد ؟!
اقتربت الجاره بخوف وقلبها يدق بقوه مسكت يد ام سعيد
وتركتها بسرعه وناظرت ساره بعيون دامعه
ساره ناظرت جارتهم : قولي لها تقوم
وعدتني نطلع اليوم ؟!
الجاره بصوت مخنوق : تعالي معي يا ساره !!
**
**
**
**
جالس مع أخوه مستانس ويتكلم عن الطلاب ونهفاتهم
قاطعه رنين جواله طالع رقم جارهم واستغرب هالاتصال رد بهدوء : السلام عليكم .....الحمد لله بخير.....لا والله مو بالبيت !! ........انا لله وانا إليه راجعون .....متى ......اليوم الصبح ......الله يرحمها .....وساره وين الحين ؟...... خلاص إن شاء الله رح اتصل فيه وأخبره .....مع السلامه ...
**
**
**
**
عائشه طول الطريق تعيد نفس السؤال : كيف ماتت يعني ؟!
ام سعود بضيق : خلاص يا عائشه ترى رفعتي ضغطي !
عائشه : يعني خلاص ما ترجع ؟!
نهى بضجر: وبعدين معك قلنا لك ما ترجع يحطونها بالقبر وما ترجع خلاص !
عائشه بحزن : ويدخل التراب بعيونها ؟!
ابو سعود بصوت متأثر : لا حول ولا قوة الا بالله
عائشه تكلم نفسها : وساره تعيش لوحدها ؟!
وناظرت امها بحماس : ماما خلاص انا رح اروح اعيش مع ساره مع بعضنا
قاطعها ابو سعود ما له نفس يسمع حرف : تقدرين يا عائشه تسكتين شوي ؟!
عائشه هزت رأسها وناظرت من الشباك تفكر بساره
وش تعمل الحين ؟!
**
**
**
**
ساره طالعت عائشة وابتسمت بحزن : قالوا لي ان شاء جدتي راحت الجنه !
وقالوا لي ما ابكي لأنها تزعل مني !!
وبغصه تابعت : بس انا ابغى جدتي ما اعرف اعيش بدونها !
عائشه بحماس: أحسن راحت علشان اجي اعيش عندك
واصير أمك
ساره عفست ملامحها : بس أمك قالت لي رح اروح مع
عائشه ناظرت حقيبه كبيره : ليه هذي الحقيبه؟!
قاطعهم ابو سعود وهو يدخل ويحمل الحقيبه :،يلا يا ساره
عائشه وكأنها مقروصه : وين رايحه ؟!
ابو سعود : عند اهلها !
عجلي يا ساره
هزت رأسها بطاعه ومشت بخطوه وقفت
لما حضنتها عائشة وهي تبكي : لا تروحين!
رح اصير امك انا واعطيك فلوس !
ابو سعود بضجر من عائشه :الحين وقت افلامك ؟!
يلا يا ساره !!
عائشه تركتها وهي تمسح دموعها : أحبك يا حياتي !
ابو سعود بدهشه : يا حبيبي !!
ساره ابتسمت والدموع بعيونها : رح ازورك
كل يوم
ابو سعود بسخريه : الظاهر كل يوم رح تبلط عندنا !
وبضجر يلا يا ساره !!
هزت رأسها وركضت باتجاه ابو سعود
عائشه بقهر من ابوها : كل شيء تتحكم فيه !!
هي حره ما تبغى تروح ؟!
ابو سعود طنشها وطلع مع ساره
وتوجه للسيارة للي تنتظرهم
وقفت ساره لما شافت رجال نزل من السياره
وسلم على ابو سعود
بعد ما حط الحقيبه بالسياره أشر لساره تيجي
تقدمت بابتسامه خجوله
ابو سعود بهدوء: سلمي
ساره بنفس النظرات الخجوله مدت يدها وسلمت
بهدوء
ناظرها وهو قرفان حاله بس سلم مجامله لابو سعود
**
**
**
من اول ما طلعت ما كلمها ولا كلمه ملامحه عابسه
قلبها انقبض منه وزادت دقات قلبها
لما صار يصرخ بالجوال : لاااا اعتبرني منسحب وما رح ابيع !
مثل ما اتفقت معك 10 رؤوس من الغنم ....
ناظرته وهو معصب ويصرخ بلعت ريقها
قفل الخط وبدأ يشتم ومعصب وحالته حاله
نزلت عيونها للارض بسرعه لما سمعت صرخته : علامك تناظرين ؟!
وما انتظر منها إجابه طلع جواله يكمل اتصالاته
تحس رأسها صار يوجعها من صراخه
لفت وجهها للشباك تناظر بصمت ...
**
**
**
ام عزام وهي تناظر أسيل : راح خالك خلف يجيبها !
اسيل ابتسمت : اليوم اتصلت بخوله تبغى تيجي وتشوفها !
ام عزام : الله يستر وما تصير مشاكل !!
اسيل : هي تدري عن وجودها يعني مو فجأة عرفت بوجودها !
قولي الحمد لله يومين ورح تسافر عند خالي محمد
ام عزام بقلة حيلة : الله يجيب للي فيه خير !
وابتسمت بتذكر : حتى عزام اليوم يبغى يطنش كم محاضره ويرجع بكير ويشوفها !
بس انا حلفت عليه ما يطنش محاضراته !
اسيل بملامح هاديه: الكل متشوق يشوفها
بابا وش قال عنها؟!
ام عزام : مو مهتم للموضوع كله !!
متنكد من البارحه بسبب الحرمه للي تبيعه جبنه
اسيل ابتسمت وما علقت
**
**
**
**
وقف باب البيت ونزل من السياره ونزل الحقيبه
واشر لها : ادخلي من هنا
ورجع للسياره وحرك وغادر المكان
ناظرته وهو طالع باستغراب كيف تركها لوحدها
بمكان ما تعرفه !!
تركت الحقيبه وتوجهت مكان ما اشر لها
وقفت عند الباب مدت رأسها بطفوله وناظرت للداخل
رجعلت للخلف خطوه وتذكرت كلام جدتها لازم تستأذن قبل ما تدخل اي مكان
طرقت على الباب بخفه وعقدت حواجبها باستغراب ما احد يرد عليها !
رجعت للخلف وهي تسمع صوت لعب بالبيت للي جنبه وبدون تفكير
توجهت له بسرعه
وقفت لما شافت حرمتين جالسات وحولهم بزران يلعبون
رسمت ابتسامه خجوله كالعاده : السلام عليكم
تسلطت النظرات كلها عليها
انحرجت من النظرات ونزلت نظرها للارض لثواني
رفعت نظرها على الحرمه للي ردت السلام : وعليكم السلام
وسألت الحرمه للي جالسه معها : معك فلوس نعطيها ؟!
هزت الحرمه رأسها بالرفض : مو حامله معي
قاطعتهم ساره بابتسامة : انا نزلني واحد هنا
وقال لي ادخل لذاك البيت بس ما فيه احد !!،
وقفت على حيلها بقهر : انت ساره ؟!
توسعت ابتسامتها ساره : ايه انا ساره !!
تقربت منها الحرمه الصغيره بتحقيق : وين خلف ؟!
ناظرتها ساره باستغراب ما تعرف احد بهذا الاسم ؟!
عدلت سؤالها : قصدي للي نزلك هنا ؟!
ساره : نزلني وراح !!
وبابتسامه :وين ألقى اهل البيت هذاك ؟!
وقفت الحرمه الكبيره بغضب وغادرت المكان !!
ساره ناظرت الحرمه الثانيه بضيق : اسفه ما قصدت ازعلها !!
ابتسمت الحرمه الثانيه ما عليك رح ترضى بعدين !هذي للي دخلت زوجة ابوك
فتحت ساره عيونها بصدمه هذي زوجة ابوها ؟!!!
ما تقدر توصفها !!
وبسؤال طفولي ما قدرت تكتمه : هذي عجوز كيف زوجة ابوي ؟!
ابتسمت الحرمه : لا تسمعك الحين !!
اعرفك بنفسي انا زوجة اخوك خلف للي وصلك الحين !
ساره همست بدهشه : اخوي !
ناظرت الاطفال للي حولها كانت تتخيل اخوانها بنفس عمرها او اكبر شوي !!
مو مقتنعه انه خلف أخوها ؟!!،
ناظرت زوجة خلف وهي تبتسم بسخريه للصغار وتنادي عليهم : تعالوا سلموا على عمتكم !!
عمار اقترب وناظرها بتقييم : تخسى تكون عمتي انا اكبر منها !!
ساره ابتسمت ببراءة : خلاص انت عمي لأنك اكبر!
جودي ناظرت ساره : انت غبيه ؟!
كيف يعني عمار يصير اخو بابا وانت اختنا ؟!
ليان ضحكت : شكلها غبيه
ام عمار ناظرت ساره : إلعبي مع العيال
وتركتهم وتوجهت للبيت
ساره بابتسامة خجوله : انا اسمي ساره !
عمار بكشره : وش نعمل لك؟!
نرقص ؟!
ساره بطفوله : لا لا ترقص علشاني
ليان : مو مصدق هذي عمتنا !
حنا اكبر منها !!
جودي بتحقيق: اي صف انت ؟!
ساره : بالصف الثاني
عمار : روحي إلعبي لوحدك ما نلعب مع بزران !
ليان : خليها تلعب معنا حرام
جودي بحماس : يلا نكمل لعب
وساره رح تكون الخدامه
عمار هز راسه : ايه يناسبها الدور
ابتسمت ساره بسعاده انهم سمحوا لها تلعب معهم !!
**
**
**
**
دخل البيت متحمس ينادي على امه : يمه يمه
طلعت ام عزام باستغراب: وش فيه ؟!
عزام : رحتي عند خالي خلف ؟!
ام عزام ابتسمت : لا والله
انتظر اختك خولة تيجي ونروح مع بعض
عزام بحماس : جدتي وش قالت لما شافتها ؟!
ام عزام ابتسمت : تقول ام عمار انها تركت المكان وهي معصبه !!
عزام ابتسم : تذكرت خيانة زوجها ههههه
خزته أم عزام : عيب استحي على وجهك
ابتسم وتوجه لغرفته
**
**
**
**
جالسه على الكنبه وماده البوز
جلس جنبها ابو سعود بعد ما قرص خدها : وش فيها الملسونه ساكته اليوم !!
نهى وهي تتمسخر على عائشه : كل هذا علشان سوسو ام القمل !
عائشه ناظرتها بنظرات معصبه : انت لا تتدخلين !!
ابو سعود ابتسم : لا الأمور متأزمه !!
عائشه بقهر من ابوها : ليه تخليهم يأخذونها ؟!
ابو سعود يسايرها : طيب لو خليتها وين تعيش ؟!
عائشه بتفكير طفولي : نجلس في بيتهم
وانا أصير أمها !
ابو سعود بابتسامة : من وين تجيبين فلوس ؟!!
عائشه : نشتغل انا وساره !
واعمل جبنه ولبنه وابيع حليب ويصير معي فلوس كثير
واشتري لساره فساتين وأكل كثير !!
نهى قرصتها : اصحي يا هبله تراك مجنونه
ابو سعود تمدد على الكنبه : اخخخخ الله يعيني عليك يا عش عش
عائشه وقفت بزعل : الله يعيني عليك شغل دخان
ركضت لما سمعت صرخته : بنت!!
**
**
**
عمار بفوقيه جالس على الكرسي: يا بطيخه يا بطيخه
ساره بابتسامه تقدمت منه : نعم سيدي!
عمار : انقلعي بسرعه جيبي لي قهوه !
ساره ببراءة : عيب الصغار يشربوا قهوه!
عمار بعصبيه : انقلعي بسرعه بلا قرقره
ليان وهي تحط رجل فوق رجل :انا ابغى عصير برتقال
جودي : انا ابغى نسكافيه وشوفي العيال اذا نايمين !
ليان تناظر ساره : وشوفي ولدي وش يعمل!!
بسرعه تحركي !
ساره بابتسامة : حاضر
ليان باعتراض:- لا بتقولي حاضر سيدتي
ساره بنفس الابتسامه : حاضر سيدتي
وبعدت كم خطوه وهي تمثل انها تجهز
بعدها توجهت لهم وهي تمد يدها وكأنها حامله صينيه : تفضلوا
سرعان ما قفزوا وهم يركضون باتجاه البيت
ناظرتهم ساره باستغراب ليه يركضون كذا ؟!
وش فيه؟!
ركضت خلفهم ولما وصلوا باب البيت
قبل ما يدخلون قاطعتهم صرخه مرعبه : تعالوا هنا ؟!
ناظروا خلفهم برعب وجههم مخطوف
تقدم بملامح معصبه : ليه ركضتم ؟ !
عمار بصوت يرتجف : ماما نادتنا !
رفع حاجب بعدم تصديق بس سلك له وبتذكر تقدم من جودي ومسكها من اذنها : كسرتي اليوم صحن !
رفعت رأسها تتدافع عن نفسها بس سرعان ما سكتت لما استقر كف ابوها على خدها وبصوت مرعب : وقسم بالله اكسر راسك المره الجايه !!
وبصوت عالي : انقلعوا للداخل اشوف
وخلال ثواني اختفوا من امامه
دخلوا غرفه جودي وليان لانها الاقرب
وتنهدوا براحه
وفجأه انسدح عمار وليان على الارض من الضحك
وساره واقفه تناظرهم باستغراب
جودي انقهرت منهم : تضحكوا بلا اسنان !
عمار وهو يضحك : لو شفتي شكلك تحفه ههههه
جودي جلست على السرير بقهر والدموع بعيونها : ترى البارحه طقك يا ليانووووو
وانت يا غبي الاسبوع الماضي طقك طق
سكتوا فجأة وناظروا ساره واقفه تناظر فيهم
عمار بعصبيه : جايه تتشمتين يا حيوانه !
ساره ابتسمت ببراءة : شفتكم تركضون وركضت معكم !!
جودي والدموع تنزل : انقلعوا براااا
ليان رمت نفسها على السرير : هذي غرفتي
مو طالعه
عمار تربع عالارض : وهذا بيت ابوي أجلس وين ما أبغى
جودي بقهر : جلس قرد على رأسك يا زفته
حرك حواجبه وهو يجاكرها .....
**
**
**
دخلت ام عمار الغرفه وناظرتهم : الحين يسمعكم ابوكم ويرجع يطقكم مره ثانيه
جودي مدت بوزها بزعل : شوفيهم يجاكرون فيني لانه بابا طقني !
ام عمار تكتفت : انا حذرتكم !
وبعدها ناظرت ساره : تعالي انزلي علشان تسلمين على أم عزام
ساره بطاعه : إن شاء الله
ليان مطت شفتها بسخريه : يقال إنها مهمه !!
جودي فكت شعرها الطويل تربطه من جديد : قال
وصرخت بوجع لما عمار شد شعرها : ماما شفيه !!!
أم عمار خزته: متى تترك حركاتك هذي ؟!
عمار بدون مبالاه : كيفي !!
جودي ناظرته بغيض : حيوان
ام عمار طلعت من الغرفه وهي تتكلم :،يلا يا ساره !
ابتسمت ساره وركضت خلفها ...
**
**
**
أم عزام ابتسمت على شكل خلف : نفسي اشوفك مروق ومبسوط !!
خلف وهو ينفث من الدخان : ما في شيء يخليك
مروق !
وهذي العله للي نشبت بحلقي !
أم عزام بعتاب: ما يصير تتكلم كذا ! هذي اختك !!
خلف اعتدل بجلسته : أبوي راح يجدد شبابه
هذا للي استفدنا منه !
وإلا رجال كبير وش يبغى بالزواج !!
وسبحان الله كانت القاضيه ما جلس شهرين إلا فارق الحياه ...
ام عزام ما عجبها كلامه : استحي على وجهك
هذا أبوك !!
خلف بقرف :،يا اختي قولي لي شيء واحد استفدته من زواج ابوي !!
إلا قولي مصروف زايد !
ووريثه تقاسم على الورثه !
غير منظرها للي يسد النفس!
وأشر على ساره وهي داخله
ابتسمت ساره بطفوله للموجودين واعتلت وجنتيها حمره : السلام عليكم
خلف باستهزاء : شرفت الأخت المنتظره !!
أم عزام ناظرت ساره بتأمل بشعر قصير كثير
وجهها نحيف يميل للبياض ملامحها حلوه
اول ما تناظرها تظنها ولد بسبب شعرها
لابسه فستان على طولها ما تعرف لونه الحقيقي
باهت من كثر الغسيل !!
ساره تقدمت منها بابتسامه بريئه ومدت يدها تسلم : كيفك خالتي !
للحين ام عزام مصدومه مدت يدها لها
ساره قربت وقبلت رأسها
وابتسمت لأم عزام : أنا ساره !
خلف وهو حاط يده تحت خده بسخريه : الحمد لله للي عرفتينا على اسمك !!
وحنا طول هالسنين وحنا نحاول نعرف اسمك
ساره ناظرته بابتسامتها البريئه : ليه ما سألتني كان خبرتك انه اسمي ساره !
ضحكت اسيل بصوت عالي على أسلوب خلف وعلى جواب ساره !
أم عزام أعطتها نظره لأنها تعرف أخوها ما يحب الضحك كذا
بلعت اسيل ضحكتها وهي تشوف نظرات خلف الناريه
ساره تقدمت من اسيل ومدت يدها : كيف حالك
سلمت اسيل برؤوس اصابعها قربت ساره تبوسها
بس منعتها يد اسيل : دخيلك كله ولا هالبوسه !
خلاص سلامك وصل !!
ساره ابتسمت لها وتوجهت لخلود وسلمت عليها
وقبلت رأسها
خلود وهي تناظرها بفوقيه كلمت خالها : من وين جبتوها هذي ؟!
خلف بدون نفس : جايه تسأليني كان سألتي ابوي
من اي مزبله لقاهم !
ساره ابتسمت لهم بهدوء وحبت تجلس جنب اسيل
وقبل ما تجلس قاطعتها اسيل : لا لا لا
روحي اجلسي بعيد عني !!
ناظرتها ساره باستغراب : والله قصيت شعري ما فيه قمل شوفي راح !!
اسيل عفست ملامحها بقرف : وقمل كمان !
يا حبيبي !!
يستر على عرضك ابعدي عني !!
خلود اشرت لها : اجلسي هناك
هزت رأسها بطاعه وجلست بهدوء وهي تناظرهم وتوزع ابتسامات
ام عزام تضايقت من تصرف بناتها وناظرت ام عمار : ترى عزام جاي !
ام عمار بابتسامه : البيت بيته يدخل
خلف ماسك جواله يطقطق عليه ومتحمس لشغله
بعد لحظات استأذن عزام ودخل وكله فضول يشوف الكائن للي دخل هالعائله بقوه !
دخل بابتسامه وسلم على خاله خلف
وقفت ساره بسعاده وهي تشوف عزام
تقدمت منه : كيف حالك ؟!
ناظرها وكأنه مو مستوعب فرك عيونه
ورجع ناظرها : انت ؟!
ابتسمت له : ايه انا ساره !
نسيتني ؟!
عزام بقرف : من وين انسى هالقمر المخسوف !
ابتسمت على كلامه بدون فهم المغزى : جدتي دوم كانت تقول لي اني احلى من القمر !
ام عزام باستغراب : من وين تعرفها ؟!
عزام وهو عافس ملامحه : تتذكرين لما كان ابوي يرسلني اشتري جبنه و لبن !
جدتها كانت تبيع
ام عزام عفست ملامحها بقرف : حسبي الله
وابو عزام يقول لي انهم ناس نظيفين !!
عزام ابتسم بشماته : كنت ابغى اقول لك بس خفت ابوي يزعل !
اسيل عفست ملامحها بقرف : حسبي الله عليك
ما لقيت الا ذول تشترون منهم !
كان قلت لي بالسر وانا مثل المشفوحه نازله اكل فيها
خوله ابتسمت : الحمد لله ما أكلت
خلف بشماته : خلي ابو عزام ينفعك !
حضرته مو عاجبه شغلنا !
ويروح يشتري من هالزباله
واشر بعيونه على ساره
ناظرتهم بهدوء وهم يتكلمون: جدتي الكل يحب شغلها كثير
وابتسمت بتذكر ما سلمت على عزام مدت يدها : نسيت أسلم عليك
دفها من طريقه وجلس : ترى مو ناقصني قرف
حلي عني
ام عزام ما عجبها تصرف عزام : تعالي يا ساره اجلسي عندي !!
ساره بفرح انها عبرتها وجلست جنبها
دخل سلمان وهو يركض : ماما ماما
ام عزام ابتسمت له : وش فيك ؟!
سلمان قبل ما يتكلم وقع نظره على ساره عفس ملامحه بغيره وهو يشوفها جالسه جنب امه : انت هنا ؟!
ام عزام : وش بغيت ؟!
سلمان رجع ناظر امه : ابغى اروح مع صديقي لل
قاطعه عزام بحزم : اذا عدت رجلك البوابه اكسرها !
اقعد وانطق مكانك احسن لك !!
سلمان بتمرد : كيفي !
وقف عزام على حيله وهو ناوي عليه
سرعان ما هرب سلمان للخارج وهو يتذمر ....
ام عزام ناظرت ساره : روحي إلعبي مع البنات
ساره بطاعه : ان شاء الله خالتي
طلعت ساره وهي تركض وتشعر بالسعاده
ام عزام : أمي بعدها معصبه ؟!
خلف بأسلوبه الجاف : وش دخلني انا ؟!
تزعل على ابوي الله يرحمه !
عزام : بعين الله
ام عمار : هذي اختك ولازم تتحملها !
خلف بضجر : حسستوني وكأني اخوها الوحيد !
لو انها اختك كان تغير كلامك !
ام عزام : الحمد لله انها مو اختي كان رميتها علي !! وبعدين ما في احد موجود هنا غيرك !
خلف بتفكير : افكر ارسلها لاميره!
ام عمار : اميره زوجت عيالها علشان تصفي راسها
مو ناقصها بزران !
خلف ابتسم بمكر : ما عليك انا أرتب الامور
وما رح اسكت مو اختي لوحدي !
اسيل باقتراح: طيب سفرها عند خالي محمد !
خلف بقهر: محمد تارك كل شيء فوق رأسي ومريح رأسه !
وقف عزام بخيبه كان متشوق يشوف البنت الجديده بس خاب ظنه لما شاف ساره: انا استأذن !
ام عمار : اجلس
عزام : عندي دراسه لفوق رأسي مره ثانيه
استأذن وطلع ...
**
**
**
**
ساره بفرح :نلعب مدرسه ؟!
سلمان اشر على نفسه : انا المدير !
عمار : انا السكرتير!
جودي :انا المعلمه!
ليان ابتسمت : انا المرشده !
ساره ابتسمت : انا
قاطعها سلمان بفوقيه : انت الفراشه تنظفين المدرسه !
ساره باعتراض : بس
عمار : مو عاجبك انقلعي
ساره ابتسمت حتى ما يطردوها : خلاص موافقه
سلمان وهو يجلس على الكرسي : غصب عنك
ويلا بسرعه اعملي شاهي للمعلمين !
ساره هزت رأسها : ان شاء الله
واقف بعيد شوي يناظرهم وهم يلعبون
وكيف يلعبون معها بفوقيه
وهي غبيه تلعب وتضحك معهم ومبسوطه !
عفس ملامحه بقرف وتوجه للبيت يكمل دراسه !!
**
**
**
في اليوم الثاني عائشه عامله اضراب: مو رايحه !
ام سعود وهي ماسكه نفسها : اقولك بسرعه ما بقى وقت الحين تتأخرين على المدرسه!
عائشه برفض : ما ابغى
كيف اروح للمدرسه وما اشوف ساره هناك !
ام سعود : كل يوم تطلعين حجه علشان تعطلين واليوم طالعه بسالفه ساره !
عائشه : ما رح اروح اذا ما داومت ساره
ام سعود عصبت ومسكتها من شعرها : خلصيني ترى الحين بالعصا !
عائشه وهي تبعد امها : خلاص خلاص توبه
تركتها ام سعود وهي تناظرها بعصبيه: بسرعه اشوف!
عائشه بضجر : خلاص رح انقلع للزفته !
الله يقطع الدوام والمعلمات والمعلمين كلهم !
ام سعود ابتسمت بداخلها : تدعين على ابوك !
عائشه بعصبية: ماما !!
**
**
**
**
ام عمار وهي تفكر : اخوك خلف طلع للبر من الفجر
وما رح يرجع من اسبوع !
ساره بهدوء : كيف اروح للمدرسه !!
ام عمار عقدت حواجبها : وش اسم مدرستك قلتي لي ؟!
ساره : مدرسه .....
ام عمار هزت راسها : خلاص تعالي افطري
وانا ادبرك !
نزلت ساره معها وشافت عيال اخوها متجمعين عند الطاوله تقدمت منهم بابتسامه وسحبت كرسي
ووقفت لما سمعت صرخة عمار : لا انقلعي اقعدي بعيد عني !
جود وليان بصوت واحد : اقعدي هناك
ناظرتهم بهدوء وابتسمت لهم بالرغم انها حزت بخاطرها
جلست بالجهة المقابله
دخلت ام عمار وجلست بهدوء تتناول الفطور
ساره ناظرت الفطور بفرح : اول مره اجلس على
فطور كذا
ام عمار رفعت حاجب : وش تفطرين؟!
ساره بضحكه قصيره : دائما جبنه او لبنه !
جودي رفعت حاجب : مو عاجبك جبنه ؟!!
ليان ناظرتها بإستصغار : غبيه يا ليت كل يوم
افطر جبنه
وغمضت عيونها : اموت عليها الجبنة
ساره بابتسامة بارده : لو كل يوم رح تكرهينه
عمار بصوت مرتفع يثبت وجوده : اقول انطمي انت وإياها بلا قرقره !
جودي : وش دخلك ؟!
ام عمار بتهديد : وقسم بالله الحين اتصل بأبوكم وخله يتفاهم معكم !
ومسكت الجوال بتهديد
جودي مطت شفتها : خلاص
نزلت نظرها للاكل وبدأت تأكل مثل المشفوحه
وكأنها من سنين ما أكلت !
كالعاده تخاف يطير الاكل او يختفي وهي ما شبعت منه !
ناظروها بانتقاد بس ام عمار اشرت بعيونها يطنشوها .....
**
**
**
**
واقف ينتظر ويهز رجله بعصبيه هذا للي ينقصه تركب ساره بسيارته!
لولا عمته ام عمار والا لو تموت ما ركبت سيارته
زفر بعصبيه مستعجل وينها ما طلعت للحين !!
صار يضرب هرن بشكل متواصل حتى تطلع بسرعه
شافها تركض له مستعجله فتحت الباب الامامي : اسف
قاطعها بصرخه : انقلعي للخلفي واركبي!
ابتسمت باحراج وقفلت الباب بهدوء
ورجعت ركبت من الخلفي بهدوء اخذت نفس وابتسمت وهي تناظره : اسفه على التأخير !
حرك السياره : ترى رأسي مصدع انكتمي !
ساره بابتسامة : ان شاء الله
ناظرته معصب والتفتت تناظر من الشباك
وتلوم نفسها تأخرت عليه وزعل
ما كان قصدها تتأخر !!
كيف تنزل وهو وزعلان عليها رجعت ناظرته بندم وأسف : والله ما كان قصدي أتأخر عليك !
عزام بقرف : بالله تسكتين ترى واصله هنا
واشر على انفه
وقف السياره والتفت عليها : هذي مدرستك !
ناظرت من الشباك وابتسمت بغباء : ايه
وبسرعه فتحت الباب وهي تنادي لما شافت عائشه عند باب المدرسه: عيشه عيشه
وتوجهت للمدرسه بدون ما تقفل الباب
ولع من حركتها ونزل من السياره : وقسم بالله لتندمين يا زفته
**
**
**
عائشة وهي ماسكه بيد ساره وتتكلم بطفوله : ماما غصب عني ارسلتني من المدرسه
قلت لها كيف اروح للمدرسه وساره مو موجوده
بس ماما ما تفهم !!
ساره بابتسامة : عيب تقولين عنها كذا ؟!،
عائشة فتحت عيونها بفرح للفكره للي خطرت ببالها !!
**
**
**
ضجر وهو ينتظر مسك الجوال واتصل واول ما انفتح الخط تكلم بنفاذ صبر: ما في احد !!،
ام عمار بقلق : تأكد يمكن تنتظرك وانت ما شفتها !!
عزام وهو ماسك نفسه : يا عمتي صار لي قريب نص ساعه والمدرسه تقريبا فاضيه !!
ام عمار بخوف : وين طست هالبنت ؟!
عزام بغضب : انا فاضي لها ؟!
والا سواق عندها !
ام عمار تهديه : يا عزام طول بالك بعدها صغيره
ارجع دور مره ثانية الله يوفقك !
عزام بدون نفس : ان شاء الله
قفل الخط وهو يفكر وين طست !!
ناظر ساعته ما عنده وقت ما بقى وقت عن المحاضره وتبدأ !
وما استفاد من البريك لا اكل ولا شرب وهو يدور على صنوايت
زفر بضجر يبغى يفقع وين رح يلاقيها
/؟!!،
**
**
**
نزلت ساره وهي ماسكه يد عائشه : أخاف أمك تزعل !
عائشة هزت رأسها بالرفض : لا تخافين ما رح تقول شيء !
وبعدين انت ضيفه !
وختمت كلامها بابتسامة
مدت يدها تفتح الباب استغربت انه مقفل
ساره عقدت حواجبها : أمك مو بالبيت ؟!
عائشه ضربت جبهتها : نسيت قالت لي الصبح إذا ما لقيتها اروح لبيت صبحيه وأشرت على بيت صبحيه
تعالي نروح !
ساره هزت رأسها بالرفض : لا ما أبغى ننتظرها هنا !!
عائشه بموافقة : خلاص تعالي نلعب طوف هنا !
تلعب مندمجه باللعب ومبسوطه على سوالف عائشه
قاطعهم مرور السياره ووقفت قريب منهم
عائشه بغضب : ما في غير ذي الطريق !،
قطع علينا اللعب !
نزل من السياره وهو مفول من العصبيه مثل ما توقع رايحه مع هالزفته
عائشة فتحت عيونها : شوفي من جاء ؟!
عزام أشر لساره بغضب : تعالي !
وقفت عائشه بالنص و هي تتخصر بطفوله : لا والله !
ساره ما رح تروح معك !
وناظرت ساره تشجعها : قولي له إني صرت أمك !
علشان يروح !،
عزام واصله معه العصبيه : انقلعي من وجهي اشوف !
وانت تعالي خلصيني !
ساره منحرجه من عائشه كيف تتركها تكلمت بهدوء مع عزام : بس عيشه عزمتني على الغداء !
ناظرها بسخريه وهو رافع حاجب : والله !!
صايره مهمه يا ام القمل ؟!
عائشه رفعت أصبعها بتهديد : لا تغلط عليها !
ساره ناظرت عائشه تدافع عن عزام : ما يدري إنه القمل راح
وناظرت عزام وابتسمت : رأسي ما فيه شوف !
قاطعها وهو يسحبها بقوه نحو السياره
فتح الباب الخلفي ورماها وقفل الباب بعصبيه ونفض يدينه بقرف
وقبل ما يركب وقفته يد صغيره : رجعها يا
قبل ما تكمل دفها بقوه على الارض
وركب السياره وحركها بسرعه
ناظرت من الشباك عائشه على الارض
لامت نفسها كله بسببها
حطت يدها على جنبها لما دفها بالسياره
تحس تبغى تبكي من الالم
تحاملت على نفسها وناظرته والدموع تلمع بعيونها وصوت مخنوق : اضربني بس لا تضرب
عيشه حرام
رميتها على الارض!
زمت شفايفها تمنع تساقط الدموع : اخاف انكسرت يدها !
امها مو بالبيت !،
حرام!
وبصوت مبحوح : اضربني بس لا تضربها
وقف السياره والتفت لها : لا تستعجلي على رزقك !،
نزلت نظرها وبصوت مخنوق : آسفه
نزل من السياره مطنشها وحاس بالندم لأنه دف عائشه خاف يكون صار لها شيء !
دخل المحل وهو يجول بنظره على شيء مناسب
**
**
**
بعد ما نزل من السياره شدت مكان الالم
ونزلت دموعها غصب عنها
خافت ييجي بأي لحظه ويشوفها تبكي ويظنها بزر بعدها تبكي
صارت تمسح دموعها
شافت علبة مويه اخذتها وغسلت وجهها
ونشفته بمريولها بسرعه
اخذت نفس وهي تحس بوخز مكان الضربه
شافته جاء ومعه كيس
ركب السياره وحرك بهدوء ورجع من نفس الطريق
وقف باب بيت عائشه وشافها جالسه باب بيتهم
ناظر ساره بحزم: اذا نزلتي اكسر رجلك فاهمه !
هزت راسها بطاعه بدون اي كلمه
أخذ الكيس ونزل من السياره
جالسه باب بيتهم وكأنها متسوله وتكلم نفسها وتتوعد وتهدد!!
لما شافت السياره وقفت بغضب وهي تناظر عزام : وين ساره يا حرامي !
تقدم منها وابتسم : أنا آسف ما كان قصدي ادفعك بس كنت معصب !،
عائشه بعصبية وهي تشبر بيدينها : بسببك ما اقدر اقوم واجلس
ابتسم وهو يشوفها واقفه : كيف وقفتي لما شفتيني يا الكذابه ؟!،
عائشه تغير الموضوع : وين ساره ؟!
عزام ابتسم لأنه السياره مظلله ما تشوفها : رجعتها للبيت
ومره ثانيه ما تتكرر هذي الحركه !،
أهلها قلقوا عليها وهم يدورون عليها !،
كنا رح نبلغ الشرطه !
بلعت عائشة ريقها بخوف
ابتسم على ملامحها الخايفه : أنا آسف وهذي
هديه اعتذار
أخذت الهديه وفتحتها بسرعه
وابتسمت بفرح لما شافت لعبه كبيره !
وبعدها تحولت ملامحها للكشره : ما ابغاها !
تركها بدون اي كلمه وتوجه للسيارة ..
**
**
**
تناظرهم من الشباك وهو يكلم عائشه
كانت خايفه يضرب عائشة مره ثانيه
بس ابتسمت بألم لما شافت اللعبه للي أعطاها لعائشه !
ليه ما جاب لها مثلها !!
حز بخاطرها !!
هزت رأسها بالرفض أهم شيء عندها عائشه
مبسوطه بالهديه وما رح تقاطعها عائشه علشان عزام !
عفست ملامحها بألم وهي تحس بالوجع رجع مره ثانيه !!!
ركب السياره وحرك بدون اي كلمه !
غمضت عيونها لثواني من الالم واخذت نفس
ورفعت رأسها وناظرته بعيون لامعه وصوت مبحوح : أنا آسفه
لا تزعل مني !
عزام ناظرها من المرايه بعصبيه: انكتمي ولا تكلميني !
ساره ابتسمت بحزن ونزلت رأسها : ان شاء الله
ولفت وجهها من جهة الشباك وهي ماسكه نفسها لتنفجر من البكاء
ما تحب احد يصرخ عليها او يزعل منها وفوق هذا
جنبها يوجعها !!
**
**
**
**
ام عمار بقلق عزام ما رد لها خبر وتخاف تتصل فيه ويثور بوجهها تعرفه لما يعصب !
وما تبغى السالفه توصل لخلف لأنها تعرفه
مجنون وما رح يرحمها
وبنظرها ساره بعدها طفله صغيره بريئة !!،
سمعت صوت السياره بالكراج
طلعت بسرعه
وشافت عزام نزل ساره و الظاهر إنه معصب !
عزام مسك ساره من اذنها وبصراخ : والله لو تعيدين هالحركه إلا أكسر رأسك !
الدنيا سايبه عندك !
تقدمت أم عمار بضيق : اتركها !
عزام شد اقوى وهو يناظر ساره : انا وش قلت ؟!
رفعت ساره رأسها وابتسمت بألم وعيون منكسره: ما رح اكررها !،
أم عمار سحبتها من عزام بقهر : قطعت إذنها ؟!
عزام بغضب : تستاهل هالحيوانه !
بسببها راحت علي المحاضره !
ام عمار عفست ملامحها : اعوذ بالله القسوه عندكم وراثه!!
ومسكت يد ساره بحنيه : تعالي معي !!
دخلوا البيت ام عمار ناظرتها : وين كنت ؟!
ساره وهي تحس بالغصه : عزمتني عائشة صديقتي ورحت معها !
ام عمار بتفهم : هذي جارتكم ؟!
ساره هزت رأسها بدون كلام
ام عمار : ما يصير تروحين بدون ما تعطينا خبر !!
ساره بصوت مخنوق : آسفه ما رح اكررها !!
وابتسمت والدموع تلمع بعيونها !
ناظرتها أم عمار وقلبها تقطع عليها وهي تشوف إذنها حمراء : روحي بدلي ملابسك علشان الغداء !!
حمدت ربها ام عمار انه عيالها مو هنا لو عرفوا كان خبروا أبوهم
وهي تعرف خلف وعصبيته !!
**
**
**
**
دخل البيت معصب ومقهور من ساره وبدون نفس : السلام
ام عزام باستغراب لما شافته: وعليكم السلام .... غريبه راجع الحين !
عزام بنرفزه :يعني ارجع ؟!!
ام عزام ابتسمت :-لا مو قصدي بس انت عندك محاضره
قاطعها وهو يجلس وبغضب: بفضل ساره الزفته
راحت علي المحاضرة !
ابو عزام : وش دخل ساره ؟!
عزام بقهر : ابنة عمك المصون رايحه لبيت جيرانهم قال عازميتها جارتهم !!
ابتسمت ام عزام :يا حليلها صاحبة واجب
عزام بغضب : مبسوطة على حركتها ؟!!
ابو عزام : لازم إخوانها يشدون عليها وما يتركونها كذا ؟!
عزام بطفش : هالإخوان كل واحد بجهة هاج !
والشاطر يرميها على الثاني،!
ابو عزام : اذا مو قادرين على تربيتها أنا مستعد اربيها ونأخذ أجر هاليتيمه !!
قاطعه عزام: هذا الناقص تعيش عندنا!
ارجوك يبه خلي افكارك لوحدك انا اخواني قرفانهم !!
ابو عزام هز رأسه : الله يعيني عليك
!!
**
**
**
**
ماسكه اللعبه وتلعب فيها بعد ما خبرت أمها بالسالفه
بس ما جابت سيره ساره !!
اسماء لمست اللعبه صرخت عائشه وخبتها خلف ظهرها : انقلعي !!
اسماء بقهر : خايفه نأكلها ؟!!
نهى قلبها تقطع وهي تشوف اللعبه تجنن تبغى تحملها : من حلاتها هاللعبه ؟!
تقرف!!
وناظرت اسماء : اتركيها بابا رح يشتري لنا احلى منها !
عائشة بسخريه :بالمشمش يجيب لكم !
وبشماته : نسيت ذيك المره لما كنا بالسوق واشتريت انا لعبه وكنت تبغين وحده مثلها
وش قال لك بابا ؟!
وحركت حواجبها تقهرها !.
زمت نهى شفايفها بقهر وهي تتذكر كيف مسح فيها الارض إنها كبيره وتبغى لعبه !
اسماء بغيره: يا رب تخرب ! ،
**
**
**
**
كملت غداء وهي مبسوطه على الاكل أشكال وأنواع !!
ام عمار بأمر : يلا يا جودي نظفي الطاوله انت وليان !
وتركت المكان وتوجهت للمطبخ
لحقتها ساره بابتسامة : خالتي !
ام عمار ناظرتها : نعم !
ساره بابتسامة طفوليه : ممكن أساعدك ؟!
ام عمار ابتسمت : يا عمري !
تبغين تساعديني،!
هزت رأسها بحماس: كنت عند جدتي كل يوم أجلي وانظف المطبخ !
ام عمار ما حبت تكسر بخاطرها وهزت رأسها بموافقة
**
**
**
**
في اليوم الثاني كملت فطور بسرعه خايفه تتأخر عليه
وقبل ما تطلع من الباب لحقتها ام عمار بتنبيه: لا تروحين اي مكان فاهمه !
ابتسمت وهي تهز رأسها: إن شاء الله
وركضت باتجاه البوابة تنتظر عزام
متحمسه للمدرسه
توجهت لسياره عزام بابتسامة جميله فتحت الباب
ودخلت السياره بابتسامة: السلام عليكم
ناظرها بالمرايه وهو مكشر وحرك بدون اي كلمه!
سكتت وهي تشوف ملامحه من المرايه
نزلت رأسها بحزن ليه يعاملها كذا ؟!
أكيد زعلان منها !
بس هي ما كان قصدها تزعله !
بعد وقت وقف وبجلافه : انزلي بسرعه !
رفعت رأسها وابتسمت له : ان شاء الله
نزلت بهدوء وقفلت باب السياره وركضت باتجاه بوابة المدرسه .....
**
**
**
**
ليان كملت فطور وبرجاء: يا ماما خليني اعطل !
جودي تخصرت : اذا ليان بتعطل انا كمان ما رح اداوم !
عمار يثبت وجوده وكلمته تمشي : أقول كل وحده تنقلع قدامي أحسن ما اقوم بالعقال!
جودي رفعت اصبعها :انت ما لك دخل !
انا اكلم ماما !
ام عمار جالسه تطقطق بالجوال تكلمت : رح اعد للثلاثه واذا شفت رقعة واحد فيكم يا ويلكم
عمار بقهر كان ناوي يطلع اخواته ويعطل : وبعدين مع هالدوام للي ما يخلص !!
جودي سحبته من ثوبه باتجاه الباب : امشي لو تجلس فوق رأسها ألف سنه ما اقتنعت !
ليان بقهر : افففففف من الحياه!
وطلعت خلف إخوانها
سلمان واقف ينتظر عمار : ليه تأخرت ؟!
جودي تكلمت قبله : فكر يقنع ماما ونعطل !
سلمان عفس ملامحه بقهر : أمك مثل عزام ممنوع العطل !
يتحكمون بحياتنا !!
عمار بتوعد : إذا ما عطلت باكر ما اكون عمار!
ابتسم سلمان بسخريه : امشي امشي !
وناظر جودي وابتسم : أخوك بس حكي !
هزت رأسها : حكي ويفرض عضلاته علينا !!
**
**
**
**
توجهت لسياره عزام بعد ما انتهى الدوام فتحت الباب بابتسامة : السلام عليكم
حرك السياره بدون ما يرد تضايقت ما تحب
أحد يزعل منها
تذكرت عائشه ناظرته : عائشة تقول لك شكرا على اللعبه
عزام ابتسم وناظرها بالمرايه :عجبتها ؟!
ساره ابتسمت وعيونها تشكي الحرمان : عجبتها حيل !
جابتها اليوم على المدرسه والمعلمه هددتها اذا جابتها رح تأخذها منها !
وابتسمت بألم تكمل : بالفسحه قلت لها ألعب فيها بس
قاطعها : لا تقولين لعبتي فيها؟!
اكيد وسختيها بيدينك ؟!
رفعت يدينها الصغيره والغصه بحلقها : شوف يدي نظيفه !
وكملت وهي تتظاهر بالابتسامه وطلعت اللعبه من حقيبة المدرسه : أعطتني لعبتها القديمة !
وقالت أخذها لي !!
عزام وهو يناظرها حامله لعبة قديمه بحضنها :يعني ما لعبتي باللعبه الجديده ؟!
ردت بغصه : لا
وابتسمت بألم : حلوه هذي اللعبه ؟!
عزام بسخريه : تشبهك !!!
ساره ناظرته باستغراب : كيف تشبهني ولون عيونها ازرق ؟!
ضحك بصوت عالي : فعلا إنك خبله !!!
عزام وهو يناظرها حامله لعبة قديمه بحضنها :يعني ما لعبتي باللعبه الجديده ؟!
ردت بغصه : لا
وابتسمت بألم : حلوه هذي اللعبه ؟!
عزام بسخريه : تشبهك !!!
ساره ناظرته باستغراب : كيف تشبهني ولون عيونها ازرق ؟!
ضحك بصوت عالي : فعلا إنك خبله !!!
أقول انقلعي للداخل بسرعه !
طالعته وهي تمشي للداخل لوحت بيدها بابتسامتها المعتاده : مع السلامة
مط شفته بسخرية من تصرفاتها يحس عقلها ناقص !!
**
**
**
**
اجتمعو على الغداء عمار باعتراض : وش هالأكل؟!
جودي تكتفت : ما رح نتغدى من هذا الاكل !!
ناظرت ساره الأكل وبدأت تأكل بهدوء بدون اعتراض
أم عمار : شوفوا ساره تأكل عادي أشطر منكم !
ليان مطت شفتها بجعرفه : تسخين ؟!
ليه ما طبختي اليوم !!
أم عمار بلامبالاه وهي تتغدى: هذا الأكل موجود للي مو عاجبه يبلط البحر !!
هذا الموجود !
ساره ناظرتهم باستغراب ليه مو عاجبهم كانت تتمنى هالأكل عند جدتها !
بعد وقت رجع عمار وأخواته للأكل لما شافوا ما في فائده من اعتراضهم
جودي بقهر تهمس لإخوانها : مو فاضيه تطبخ 24 ساعة على الجوال !
رفعت حاجب ام عمار وهي تخزها : وش قلتي يا جودي ؟!
عمار بقهر : انا للي اقول من الصبح قرف المدرسه
ولما نرجع ما نلاقي أكل مثل العالم والناس ؟!
ساره ناظرته : لازم تقول الحمد لله
وصرخت من قوة الضربه على رأسها
وبصراخ وقف بعصبية : اخرسي !
لا تتدخلين فاهمه !
نزلت على الارض وهي ضاغطه على جبهتها من الألم
ام عمار جلست على مستواها بخوف : أشوف مكان الضربه !
ساره وهي كاتمه الألم والدمعه بعيونها رفعت يدها وهي تناظر الارض
ام عمار شافت مكان الملعقه حست فيه انتفاخ بسيط وجرح صغير : يوجعك ؟!
ساره هزت رأسها بالرفض
رفعت رأسها بمكابره وابتسمت رغم الوجع وصوت مخنوق : لا
ام عمار وقفت بعصبيه تدور على عمار بس ما شافته
هرب وبصوت عالي متوعد : والله إلا تتعاقب وتشوف !
جودي بفتنه : ماما قولي لبابا عنه علشان يضربه !
ليان : تبغين بابا يضربه علشان هذي ؟!
جودي : لا علشان نقهره لما يضربه بابا ونتمسخر
عليه !
ام عمار بنظره قويه : بسرعه رتبوا مكان الأكل
وبعصبيه
بسرعه !
ورجعت لساره ناظرتها : تعالي احط لك عليها ثلج
هزت رأسها بالرفض بس ام عمار ما خلت لها فرصه
أخذتها للمطبخ !!
**
**
**
**
ام سعود بضجر : خلاص يا عائشة اعطيني الجوال !!
عائشة وهي تناظر امها : يا ماما هذي اخر سالفه ا أقولها لبابا
ام سعود وهي تصك على اسنانها : اخر سالفه !
هزت رأسها وابتسمت : ما قلت لك يا بابا ؟!
أبو سعود بملل لها ساعه ماسكيته من سالفه لسالفه : لا ما قلتي ؟!
عائشة بفرح : ماما قالت تبغى تزوجني !!
ابو سعود بملل : والله ؟!
عائشه بفرح طفولي : ايه
علشان كذا اتصلت فيك علشان أعزمك للعرس
يا بابا !
ابو سعود : والله فيك خير عزمتيني !
عائشة ابتسمت: لازم تيجي علشان تسلم على العريس !
حرام يكون لحاله واقف !
ابو سعود : ان شاء الله بس متى العرس ؟!
عائشة سكتت لثواني تفكر : امممم
ما ادري !
خلاص يوم العرس اقول لك !
ومن الحين ابغى تشتري لي فستان أبيض كبير لي ولساره !
أبو سعود بضجر : خلاص اعطيني أمك !
صدعتي رأسي !
عائشة بقهر : انا ادري ما رح تشتري لي فستان !
والبنات يتمسخرون علي !
خلاص ما ابغى اتزوج !
ام سعود وصلت حدها منها سحبت الجوال بقوه: عمرك ما تزوجتي انقلعي من وجهي !
عائشة وهي تتخصر : والله لأتزوج غصب عنك وعن زوجك !
ضحك ابو سعود وهو يسمع كلامها !
ام سعود : ايه اضحك بدال ما تكسر رأسها على هالكلام !
ابو سعود : بعدها صغيره !!
**
**
**
**
ام عمار وهي ماسكه عمار ناظرت ساره : اضربيه بالملعقه مثل ما ضربك !
ساره ناظرت عمار بشفقه : لا حرام !
ام عمار بعصبيه : اقول لك اضربيه بسرعه !
ساره تقدمت بتردد ومسحت على يد عمار بالملعقه وناظرت ام عمار : خلاص حرام !
ام عمار انقهرت من هبلها: الحين ساحبه عمار وحالتي حاله ؟!
وهذا للي طلع معك !
عمار يتمسخر : اخخخخ وجعتني !!
ام عمار شدته من إذنه بقوه : انقلع يا ثقل دم !
عمار ركض باتجاه الباب وهو يضحك : اشوفك في بيت جدي !!
ام عمار : ناظرت جودي : جهزي حالك انت وليان !
وناظرت ساره بحيره وش تلبسها
وبعدها التفتت لجودي : اسمعي في خزانتك فستان صغير أعطيه لساره تلبسه وتعالي عند دار جدك فاهمه !
ساره بتساؤل : بيت جدي ؟!
جودي : لا يا غبيه !
ذول بيت جدي انا اما انت لا !
ام عمار : بيت عمك يا ساره
انت ابنة عمي !!
جودي بسخريه مثل ما تسمع من الاكبر منها : جدي خلفك على كبر !!
ام عمار : خذي ساره وإلحقيني على بيت جدك
بسرعه
جودي بفرح : ان شاء الله
ام عمار بتأكيد : لا تنسين ساره !
سحبت جودي معها ساره بسرعه وهي طايره من الفرح!
**
**
**
ام عزام بعد ما لبست عبايتها وصلت عند الباب وقفت لما دخل عزام : سلام !
ام عزام ابتسمت: وعليكم السلام....
عزام : وين ؟!
ام عزام تعدل بالشاله : وين يعني لبيت جدك !
اتفقت مع عمتك ام عمار نروح نجلس هناك !
عزام فتح لها الطريق : سلمي
ام عزام : تعال اجلس !
عزام : عندي بحث مو فاضي !
**
**
**
جالسه عند اهلها ومستانسه قاطعهم
دخول ساره وهي تبتسم بخجل : السلام عليكم
وقدمت على الجد ابو راكان وقبلت رأسه وسلمت عليه : كيف حالك يا عمي !
ابو راكان ناظرها وناظر ام عمار وهي متفشله من ساره : هذي ابنة اخوي ؟!
ام عزام ابتسمت :،ايه يا عمي هذي هي !!
ام راكان لوت بوزها : وش هالمخسره ؟!!
ساره تقدمت من ام راكان وسلمت عليها بنفس الطريقه : عساك طيبه يا
قاطعتها ام عمار : وين جودي ؟!
قبل ما ترد ساره دخلت جودي وهي ماده البوز
ام عمار بحده : مو قلت لك ساره تبدل ملابسها ؟!
جودي جلست بضجر : رفضت تلبسه تقول قصير
لو شافتها جدتها رح تزعل منها !
ساره بتبرير : جدتي تضربني وتزعل مني اذا لبست كذا ؟!
وقربت من ام عزام وسلمت عليها بنفس الطريقه : كيف حالك يا خالتي ؟!!
ام عزام ابتسمت لها: بخير الله يوفقك !
ام عمار ناظرت ساره : تعالي هنا اجلسي !
ابتسمت ساره لها وجلست جنبها
وناظرت الموجودين بابتسامة بريئه وبعدها همست لام عمار : ذول امك وابوك ؟!
ام عمار ابتسمت لها : ايه امي وابوي !
ساره ابتسمت بحزن : انا ما اعرف امي وابوي
ولا مره شفتهم !
مسحت ام عمار على رأسها بحزن طفله يتيمه
تبغى بس احد يحتويها !
زفرت ام عمار بضيق على حال هالطفله اليتيمه
لا أم لا أب وما أحد مهتم لها
ناظرت جودي :اطلعي إلعبي وخلي ساره تروح معك !
جودي وقفت بدون نفس : تعالي !
طلعت ساره تركض بفرح وهي حاضنه اللعبه للي حصلت عليها من عائشه !
ام راكان : وليه تستقبلينها ؟!
ليه ما تروح عند إخوانها او أخواتها !
مو ملزومه فيها !!
ام عمار : يا يمه مو مضايقه علي حالها من حال
عيالي!!
ام عزام : ابو عزام يفكر يربيها عندنا !
ام راكان بانفعال : خله يربيها ومن بعدها لا هو ولدي ولا اعرفه !
الجد ابو راكان : اقول لا تتدخلين بأمور ما تخصك !،
**
**
**
**
ساره حاضنه اللعبه وتبتسم تبغى تلعب معهم
فجأة انخطفت اللعبه من حضنها
ناظرت سلمان وهو حاملها ويضحك بصوت عالي
ركضت خلفه وبصوتها الرقيق : اعطيني سوزي !
سلمان وهو رافع اللعبه بيده : احلى واسمها سوزي !!
واشر لعمار وغمز له وبعدها طالع ساره ومد يده باللعبه : خذي
وقبل ما تمسكها رفعت نظرها وهي تشوفها بالهواء طايره
التفتت للخلف بسرعه شافت عمار ماسكها
ركضت له برجاء طفولي : اعطيني إياها !
عمار بسخريه : خذي
ورماها على سلمان !
ناظرت سلمان وركضت له : اعطيني إياها
ابتسم سلمان لما شاف ماجد اشر له وبسرعه
رماها باتجاه ماجد
ركضت خلف اللعبه وبصوت راجي : اعطيني لعبتي !
ماجد ناظر البنات واقفات يناظرن الموقف وبابتسامة مكر وهو يسأل البنات : اعطيها ؟!
ليان مبسوطه صرخت : لا لا لا
ناظرها بابتسامه: وش اعمل لك ؟!
ورماها على عمار
تحس بالتعب وهي تركض من جهة لجهة
وما حصلت اللعبه !
ليه يعملون فيها كذا ؟!
جلست على الارض بتعب وتلهث بصعوبه
كيف ترجع لعبتها ؟!
ماجد بسخريه : علامك تعبتي ؟!
ما تبغين اللعبه ؟!
ناظرته وهي ماسكه دموعها هزت رأسها بالموافقة
ماجد : خلاص تعالي خذيها حزنتيني !!
ساره ابتسمت بفرح رغم قهرها ووقفت بتعب
وتوجهت له بخطوات
سرعان ما تعثرت على الارض ووقعت لما شافته رجع يرميها !!
قبل ما يدخل عزام بيت جده شافهم وهم يرمون اللعبه
وهي مثل الغبيه تركض من جهة لجهة
مط شفته بسخريه على حالها ودخل بيت جده
عمار وهو يلوح بها بقوه : تعالي خذيها
سلمان : يلا روحي خذيها قومي !
رفعت رأسها وناظرتهم والدموع تلمع بعيونها
وقفت بهدوء ومشت بخطوات هاديه بعيد عنهم وجلست على الارض واعطتهم ظهرها
وتكورت على نفسها
بدأت دموعها تنزل غصب عنها قهروها !
لعبتها الوحيدة أخذوها منها !!
باكر إذا سألتها عائشه عن اللعبه وش تقول لها !
بعد وقت رفعت رأسها لما حست بيد على كتفها
ساره مسحت دموعها وابتسمت !
سألها باستغراب : وش فيك تبكين ؟!
ساره ابتسمت وبصوت مبحوح : ما أبكي !
ابو عزام باستغراب : وش تعملين وحدك هنا ؟!
كل البزران دخلوا داخل!
وقفت على حيلها وركضت لما شافت اللعبه
على الارض
والظاهر انهم هربوا لما شافوا ابو عزام
حملتها وهي تحس بالقهر بداخلها لما شافت اللعبة
معفوسه
ابو عزام من خلفها : وش فيك ؟!
كتمتها بقلبها وابتسمت له : ولا شيء !
ابو عزام مسك يدها : تعالي ندخل للداخل ؟!!
هزت راسها بالموافقة وابتسمت وهي تتخيل ابو عزام يكون ابوها !
***
**
**
**
دخلت وهي توزع ابتسامات يحسها فعلا خبله
هبله عديمه احساس
دوم تبتسم !
ساره أول ما شافته ركضت بفرح له : عزام !
عزام لوى بوزه بقرف وطنشها !
ام عمار لما شافت تصرفه نادت ساره : تعالي عندي يا ساره
هزت رأسها بطاعة و توجهت بهدوء جلست
شافت البزران يتهامسون ويضحكون عليها
ناظرت لعبتها وحضنتها بقوه
رفعت رأسها لما دخلت حرمه ومعها طفله عمرها بحدود 3 سنوات
ابتسمت ساره للطفله تحب الأطفال وتموت عليهم
ام عمار بصوت منخفض لساره : هذي زوجة اخوي ام تالا
ابتسمت ساره وتوجهت لها وسلمت عليها : كيف حالك ؟!
ابتسمت لها : هذي اخت خلف ؟!
ام عمار هزت رأسها : ايه اخت خلف !
ابو عزام هز رأسه بالخفيف وهو يناظر ساره بشفقه: الله يسامحك يا عمي !
الجد ابو راكان : كل شيء قسمه ونصيب !
ابو عزام : بس يبه
قاطعه الجد ابو راكان : خلاص يا ابو عزام
لا تفتح صفحات انطوت !!
ساره رجعت جلست عند ام عمار
للي طلبت منها تروح عند العيال تلعب
بس رفضت وجلست بهدوء
تقدمت تالا منها وحاولت تسحب اللعبة من ساره
شدت ساره على اللعبه
شغلت تالا صفارات الانذار : ماما
عزام بضجر : أعطيها اللعبة وفكينا من صوتها !
بطبيعتها المطيعه هزت رأسها وابتسمت بالغصب
ومدتها لتالا
وقلبها يتقطع على لعبتها الوحيده ما تبغى تفرط
فيها !
وعدت لعبتها سوزي اليوم تنام عندها !
عينها على تالا تراقبها تخاف على لعبتها
للي شبه خربت بسبب العيال !
وقفت على حيلها بسرعه وتوجهت لتالا تحاول تسحب اللعبه لما شافتها تحاول تقطعها
اخذتها منها بس وقفت لما بدت تالا تبكي على
اللعبه
ام تالا بانزعاج : يا الله وبعدين معك تالا عندك
ألعاب أحلى من هاللعبه المقرفه !
تالا تهز رأسها وتبكي : ماما ماما
ام تالا سحبت من ساره اللعبه : خلاص علشان تسكت
ولما ترجعين أعطيك إياها !
ساره منحرجه من ام تالا هذي لعبتها
ما تبغى تعطيها لأحد
عزام بحده : وبعدين معك حاطه رأسك برأس
هالطفله ؟!
أبو عزام : لعبتها وهي أحق فيها !
عزام بنرفزه : عاجبك صوت صياحها ؟!
وناظر ساره روحي اجلسي !
ام عمار : عادي يا ساره بعدها صغيره وما تفهم ! تكلمت بصوت مخنوق : عادي
وجلست والدموع تلمع بعيونها
ام عمار بحنيه : روحي إلعبي مع البنات !
هزت رأسها وراحت عند البنات
جودي وهي تتخصر : ليه جيتي ؟!
ما نبغى معنا صغار باللعبه !
اجلسي هنا وناظرينا فاهمه
هزت رأسها وجلست تناظرهم يلعبون
وعقلها عند اللعبة !
بعد وقت وقفت ام عمار : يلا يا جودي !
لينا !
وقفت ساره وبسرعه توجهت لتالا تبغى لعبتها
انصعقت لما شافتها مقطعه !!
بهتت ملامحها بحزن وجلست على الارض تلم
القطع !
لعبتها الوحيده خربت !
جمعت القطع وناظرت ام تالا بصوت مخنوق: قطعتها !!
ام تالا بعدم اهتمام : لعبتك خربانه من أول
ورجعت تكمل سالفتها
زمت شفتها تمنع نزول الدموع
ناظرت ابو عزام منشغل مع الجد بالسوالف
نزلت رأسها وطلعت خلف أم عمار وهي ماسكه دموعها ......
**
**
يوم الخميس
حاولت بكل جهدها تصلح اللعبة وترجعها مثل ما كانت
زفرت بضيق وهي متربعه على الارض وتكلم اللعبه بطفوله : انا اسفه
لاني ما حافظت عليك من تالا الشريره !
رح اخليك بالغرفه حتى ما أحد يأخذك غصب
عني !
أخاف عيشه تزعل مني إذا شافتك كذا ؟!
حضنت اللعبة بقوه : أنا أحبك يا سوزي !
مسحت على شعر اللعبه وبنبره حزينه : تتذكرين لما اشترتك
عيشه من السوق !
أول ما شفتك حبيتك وتمنيت تكونين عندي ! ورجعت لجدتي وطلبت منها تشتري لي لعبة تشبهك !
رفضت تشتري لي ما معها فلوس !
وبصوت خنقته العبره : مشتاقه لجدتي !
ابغى اشوفها !
راحت وتركتني هنا !
سوزي يقولون جدتي خلاص ما رح ترجع مثل ماما وبابا !
وقفت وهي تمسح دموعها
حطت اللعبه على الفراش وابتسمت والدموع تلمع بعيونها : ما رح أتأخر !
وتركت اللعبه وطلعت من الغرفه وتوجهت للخارج بهدوء
جلست بالحديقه و حطت يدها تحت خدها
شافت عمار دخل من البوابه وهو يركض لها
استغربت لما مد لها علبة البوظه : خذي!
ناظرته باستغراب وابتسمت مو مصدقة : لي انا ؟!
عمار ابتسم بمكر وتكلم بسرعه : هذا اعتذار عن ضربي لك بالملعقه
وعن اللعبه
وتركها وتوجه للداخل بسرعه !
ناظرته وهو داخل تحس بالسعاده عمار قلبه
طيب !
مو مثل ما توقعت !
ناظرت العلبه وبلعت ريقها دوم كانت تتمنى
هذي الاشياء !
رفعت نظرها للسياره الداخله ابتسمت
لما شافت أخوها خلف تقدمت منه بابتسامة لما نزل من السياره
مدت يدها تسلم وبيدها الثانيه العلبه : السلام عليكم
تفاجأت بالكف على خدها ناظرته بصدمه ما عملت شيء !!
ليه ضربها ؟!
خلف بعصبيه : كم مره قلت ممنوع البوظه بالبيت ؟!!
انتم ما تفهمون ؟!.
وسحب منها العلبه بقوه ورماها بالزباله : انا فاضي تمرضون وابتلش فيكم ؟!
وبتوعد :وقسم بالله إذا شفتك مشتريه هالزفت إلا اكسر رأسك !
وتركها وتوجه للداخل وهو عافس ملامحه
ناظرت زوله وهو داخل تبغى تصرخ بصوت عالي وتقول مو هي للي اشترت !
ما تدري عن شيء !
ليه يضربها لو قال لها بالطيب ما رح تعانده !
مسحت دمعه خانتها نزلت على خدها
وتوجهت للداخل بهدوء
**
**
**
دخل الغرفه وهو يلهث : فاتكم !!
جودي رفعت رأسها وهي جالسه على السرير : وش فيه ؟!
عمار وهو يأخذ نفس : اشتريت بوظه !
ليان رفعت حاجب : وليه ما اشتريت لنا ؟!
عمار اخذ نفس : اسكتي اقول !
طلعت من البقاله وأشوف سياره أبوي جايه من بعيد
وبسرعه ركضت للبيت ؟!
ليان حطت يدها على خدها : يمكن شافك ؟!
عمار بثقه : لا ما شافني !
وتابع كلامه بعد ضحكه قصيره: دخلت البيت وشفت ساره بوجهي وأعطيتها
العلبه!
وجيتكم ركض !
جودي كشت عليه: يا غبي لو جبتها هنا نآكلها بدون علم بابا !
عمار ضرب جبهته : صحيح لو جبتها هنا!
أنا تعمدت أعطيها علشان تحصل كم طراق يسنعها
جودي تحمست : معقول ضربها ؟!
ليان عفست ملامحها : صوت بابا تحت !
جودي وقفت بدون نفس : يلا ننزل نسلم قبل ما يعصب !
عمار تآفف ونزل مع اخواته !
**
**
**
**
جودي سلمت على خلف : كيف حالك بابا ؟!
خلف بجفاف : بخير
وسلمت عليه ليان بنفس الطريقه
اقترب عمار بابتسامة بعد ما لمح ساره واقفه تناظرهم
مد يده يسلم تفاجئ بالكف على خده : كم مره قلت لك لا تشتري الزفت ؟!
تفكرني غبي ما شفتك وانت تركض !
عمار حط يده على خده يبرر : انا ما
قاطعه وهو يشده من أذنه : ولا كلمه !
الحق على امكم للي ما معها خبركم !
وبصوت عالي : انت تعالي علي !
ساره بلعت ريقها وتقدمت بخطوات هاديه: نعم !
خلف بعصبيه وقفهم قدامهم الأربعة : إذا سمعت أحد منكم مشتري هالزفت إلا ادفنه مكانه فاهمين ؟!
هزوا رؤوسهم بخوف بدون اعتراض
ام عمار دخلت ومطت شفتها على جنب مو عاجبها تصرفاته
خلف ناظرها : تعالي شوفي تربيتك يا مدام ؟!
ام عمار تعرف كيف تصرفه : اخوي ابو عزام اتصل فيني ويبغاك ضروري
فتح فمه : متى هالكلام ؟!
ام عمار حاست بوزها : قبل دقائق!
ويقولك الرجال عنده وينتظر منك الخبر !!
مسك شماغه وطلع من البيت مستعجل
تنفس الجميع براحه !
ام عمار : تعال يا عمار خذ هالصحن لبيت خالك ابو عزام !
عمار بضجر : مالي دخل !
ييجي سلمان ويأخذه !
ساره بحماس : أروح انا ؟!
ام عمار هزت رأسها : تعالي بس لا تتأخرين!
**
**
**
متمدده على الكنبه بملل : اففففف ملل !
ام عزام : قومي اشغلي نفسك بشيء،مفيد !
أسيل وهي تثاوب: نعسانه!
عزام طالعها بطفش : قسم بالله تجيبين الإكتئاب!!
افكر اقابل كتبي أحسن من وجهك !
أسيل مطت شفتها : يا أخي على وش شايف حالك ؟!
قاطعهم دخول ساره تناظرهم وتبتسم : السلام عليكم !
عزام لوى بوزه : انت ؟!
اسيل جلست وناظرتها وابتسمت
ام عزام بابتسامة : يا هلا
ساره حطت الصحن قدامهم : هذا من خالتي ام عمار
عزام ناظرها بحده : كيف تدخلين بدون استئذان ؟!
ساره بتبرير : طقيت على الباب بس ما احد رد !
ام عزام ناظرته بلوم
اعطتهم ظهرها وهمت بالخروج
ام عزام : وين ؟!
ساره ناظرتها وابتسمت : اطق الباب مره ثانيه
ضحكت أسيل بصوت عالي
نهرها عزام بعصبية : عله ان شاء الله !
وش هالضحكه البايخة؟!!،
اسيل كتمت ضحكتها : متخلفة هالبنت ؟!!
ام عزام ما عجبها تصرف اسيل : وبعدين معك يا أسيل ؟!
وناظرت ساره : لا تهتمي لأحد
وقت للي تبغينه ادخلي بدون استئذان !
عزام لوى شفته بقرف : عشتو
دخل سلمان ولوى بوزه بقرف : انت ؟!
التفتت له ساره بابتسامة : ايه انا
جبت لكم صحن فيه ورق عنب
سلمان طلع لسانه بقرف : يع يع
ام عزام بحده: سلمان !
عفس ملامحه : وش فيك ؟!
ومر من جنب ساره ودفها عن طريقه بقرف
وجلس عند أسيل !
طنشت ساره تصرفه وابتسمت : تعال إلعب عندنا !
عزام رفع يده بضجر : خلاص الصحن وجبتيه
فارقي !!
طالعته بطريقه غبيه هز رأسه بأسف : انقلعي على البيت !،
تأففت ام عزام من اسلوب عيالها وبحنيه : اخوي خلف جاء ؟!
عفست ملامحها لما تذكرت الكف وبعدها ابتسمت بتطنيش : ايه جاء وطلع
أسيل بتذكر وقفت: صحيح تذكرت خوله أرسلت
ملابس بناتها ما تبغاهن !،
تعالي يا ساره خذيهن لك !
ساره بفرح : ملابس لي !
وسرعان ما انطفت فرحتها لما تذكرت جدتها
كانت تضربها إذا أخذت شيء من احد ردت بخيبه :،شكرا ما أبغى عندي ملابس !
لوحت يدها للمغادره ورسمت ابتسامة مزيفه : سلااااام
وطلعت تركض من البيت
بعد خطوات مشت بهدوء وخيم عليها الحزن
كان نفسها تشوف الملابس وتلبس مثل باقي البنات !
بس جدتها تزعل منها !
زفرت بضيق وكملت طريقها وهي تتخيل
الفساتين !!
**
**
**
**
ابو سعود تنرفز : خلاص ترى اقرفتيني بذي اللعبه !!
فتحت عيونها عائشه بصدمه : هذا للي طلع معك ؟!
ابو سعود اختنق منها : ايه هذا للي طلع معي !
اعوذ بالله من لسانك ما يسكت !!
نهى ابتسمت على شكل عائشه : بابا راجع من الدوام تعبان يبغى يرتاح !
عائشه بقهر : مقطع الهجر !!
وبترييقه : يبغى يرتاح !
انا الغبيه للي مضيعه وقتي معك !
وحملت لعبتها وهي عافسه ملامحها بزعل
وتركتهم
ابو سعود زفر براحه : انقلعي !
صجت رأسي دودودودودودودودودودودودو
ما تسكت !!
نهى تعمل لها مقعد عند ابوها : دوم نقول لها
لما ييجي بابا تسكت لانك تعبان !
اسماء تكمل : بس ما تسمع الكلام
تقول انك تمثل التعب !
خزهن بعيونه : اقول روحي شوفي الأكل انت واختك ترى ميت جوع !!
عائشه وقفت عند الباب تسمع كلامهم تخصرت : أستاذ تربيه إسلامية وتكذب ؟!
الميت ما يتحرك وما يتكلم وإنت ما سكتت من لما دخلت البيت !
ابو سعود بضجر : يا هالتخصص ذلتنا فيه !
وبعصبيه : انت مين مسلطك علي ؟!
اعوذ بالله !!
فعلا انك ترفعين الضغط وتجيبين السكر !
فتحت عيونها باستنكار : والله ما جبت السكر
انت اشتريته من البقاله الاسبوع الماضي!
ابو سعود حضن راسه بين يدينه : يا رب تعطيني الصبر !!
**
**
**
**
خلف بعصبيه : انا ناقصني مصاريف !!
ام عمار بقهر : تجمع بالفلوس ما ادري وش تبغى فيهن ؟!
خفضت صوتها لعله يلين : يعني البنت بحاجه لملابس !
خلف بلامبالاه : لما يرسل لي محمد فلوس وقتها تروح تشتري !
انا اخذتها تسكن عندي وشرطت ما ادفع فلس واحد !
انقهرت منه : حتى عيالك يبغون ملابس و
قاطعها بعصبية : وبعدين معك ؟!
وش رأيك اصرف الفلوس وأجلس أشحد
علشان حضرتك تتفشخرين !!
وبسخريه : خلي عمي ابو راكان يعطيك فلوس !
ام عمار بقهر : والله أبوي وش دخله يصرف على عيالك !
خلف طنشها وطلع وتكلم وهو طالع : لو أجلس دقيقه الا تفلسيني !!
**
**
**
** يوم الخميس
حاولت بكل جهدها تصلح اللعبة وترجعها مثل ما كانت
زفرت بضيق وهي متربعه على الارض وتكلم اللعبه بطفوله : انا اسفه
لاني ما حافظت عليك من تالا الشريره !
رح اخليك بالغرفه حتى ما أحد يأخذك غصب
عني !
أخاف عيشه تزعل مني إذا شافتك كذا ؟!
حضنت اللعبة بقوه : أنا أحبك يا سوزي !
مسحت على شعر اللعبه وبنبره حزينه : تتذكرين لما اشترتك
عيشه من السوق !
أول ما شفتك حبيتك وتمنيت تكونين عندي ! ورجعت لجدتي وطلبت منها تشتري لي لعبة تشبهك !
رفضت تشتري لي ما معها فلوس !
وبصوت خنقته العبره : مشتاقه لجدتي !
ابغى اشوفها !
راحت وتركتني هنا !
سوزي يقولون جدتي خلاص ما رح ترجع مثل ماما وبابا !
وقفت وهي تمسح دموعها
حطت اللعبه على الفراش وابتسمت والدموع تلمع بعيونها : ما رح أتأخر !
وتركت اللعبه وطلعت من الغرفه وتوجهت للخارج بهدوء
جلست بالحديقه و حطت يدها تحت خدها
شافت عمار دخل من البوابه وهو يركض لها
استغربت لما مد لها علبة البوظه : خذي!
ناظرته باستغراب وابتسمت مو مصدقة : لي انا ؟!
عمار ابتسم بمكر وتكلم بسرعه : هذا اعتذار عن ضربي لك بالملعقه
وعن اللعبه
وتركها وتوجه للداخل بسرعه !
ناظرته وهو داخل تحس بالسعاده عمار قلبه
طيب !
مو مثل ما توقعت !
ناظرت العلبه وبلعت ريقها دوم كانت تتمنى
هذي الاشياء !
رفعت نظرها للسياره الداخله ابتسمت
لما شافت أخوها خلف تقدمت منه بابتسامة لما نزل من السياره
مدت يدها تسلم وبيدها الثانيه العلبه : السلام عليكم
تفاجأت بالكف على خدها ناظرته بصدمه ما عملت شيء !!
ليه ضربها ؟!
خلف بعصبيه : كم مره قلت ممنوع البوظه بالبيت ؟!!
انتم ما تفهمون ؟!.
وسحب منها العلبه بقوه ورماها بالزباله : انا فاضي تمرضون وابتلش فيكم ؟!
وبتوعد :وقسم بالله إذا شفتك مشتريه هالزفت إلا اكسر رأسك !
وتركها وتوجه للداخل وهو عافس ملامحه
ناظرت زوله وهو داخل تبغى تصرخ بصوت عالي وتقول مو هي للي اشترت !
ما تدري عن شيء !
ليه يضربها لو قال لها بالطيب ما رح تعانده !
مسحت دمعه خانتها نزلت على خدها
وتوجهت للداخل بهدوء
**
**
**
دخل الغرفه وهو يلهث : فاتكم !!
جودي رفعت رأسها وهي جالسه على السرير : وش فيه ؟!
عمار وهو يأخذ نفس : اشتريت بوظه !
ليان رفعت حاجب : وليه ما اشتريت لنا ؟!
عمار اخذ نفس : اسكتي اقول !
طلعت من البقاله وأشوف سياره أبوي جايه من بعيد
وبسرعه ركضت للبيت ؟!
ليان حطت يدها على خدها : يمكن شافك ؟!
عمار بثقه : لا ما شافني !
وتابع كلامه بعد ضحكه قصيره: دخلت البيت وشفت ساره بوجهي وأعطيتها
العلبه!
وجيتكم ركض !
جودي كشت عليه: يا غبي لو جبتها هنا نآكلها بدون علم بابا !
عمار ضرب جبهته : صحيح لو جبتها هنا!
أنا تعمدت أعطيها علشان تحصل كم طراق يسنعها
جودي تحمست : معقول ضربها ؟!
ليان عفست ملامحها : صوت بابا تحت !
جودي وقفت بدون نفس : يلا ننزل نسلم قبل ما يعصب !
عمار تآفف ونزل مع اخواته !
**
**
**
**
جودي سلمت على خلف : كيف حالك بابا ؟!
خلف بجفاف : بخير
وسلمت عليه ليان بنفس الطريقه
اقترب عمار بابتسامة بعد ما لمح ساره واقفه تناظرهم
مد يده يسلم تفاجئ بالكف على خده : كم مره قلت لك لا تشتري الزفت ؟!
تفكرني غبي ما شفتك وانت تركض !
عمار حط يده على خده يبرر : انا ما
قاطعه وهو يشده من أذنه : ولا كلمه !
الحق على امكم للي ما معها خبركم !
وبصوت عالي : انت تعالي علي !
ساره بلعت ريقها وتقدمت بخطوات هاديه: نعم !
خلف بعصبيه وقفهم قدامهم الأربعة : إذا سمعت أحد منكم مشتري هالزفت إلا ادفنه مكانه فاهمين ؟!
هزوا رؤوسهم بخوف بدون اعتراض
ام عمار دخلت ومطت شفتها على جنب مو عاجبها تصرفاته
خلف ناظرها : تعالي شوفي تربيتك يا مدام ؟!
ام عمار تعرف كيف تصرفه : اخوي ابو عزام اتصل فيني ويبغاك ضروري
فتح فمه : متى هالكلام ؟!
ام عمار حاست بوزها : قبل دقائق!
ويقولك الرجال عنده وينتظر منك الخبر !!
مسك شماغه وطلع من البيت مستعجل
تنفس الجميع براحه !
ام عمار : تعال يا عمار خذ هالصحن لبيت خالك ابو عزام !
عمار بضجر : مالي دخل !
ييجي سلمان ويأخذه !
ساره بحماس : أروح انا ؟!
ام عمار هزت رأسها : تعالي بس لا تتأخرين!
**
**
**
متمدده على الكنبه بملل : اففففف ملل !
ام عزام : قومي اشغلي نفسك بشيء،مفيد !
أسيل وهي تثاوب: نعسانه!
عزام طالعها بطفش : قسم بالله تجيبين الإكتئاب!!
افكر اقابل كتبي أحسن من وجهك !
أسيل مطت شفتها : يا أخي على وش شايف حالك ؟!
قاطعهم دخول ساره تناظرهم وتبتسم : السلام عليكم !
عزام لوى بوزه : انت ؟!
اسيل جلست وناظرتها وابتسمت
ام عزام بابتسامة : يا هلا
ساره حطت الصحن قدامهم : هذا من خالتي ام عمار
عزام ناظرها بحده : كيف تدخلين بدون استئذان ؟!
ساره بتبرير : طقيت على الباب بس ما احد رد !
ام عزام ناظرته بلوم
اعطتهم ظهرها وهمت بالخروج
ام عزام : وين ؟!
ساره ناظرتها وابتسمت : اطق الباب مره ثانيه
ضحكت أسيل بصوت عالي
نهرها عزام بعصبية : عله ان شاء الله !
وش هالضحكه البايخة؟!!،
اسيل كتمت ضحكتها : متخلفة هالبنت ؟!!
ام عزام ما عجبها تصرف اسيل : وبعدين معك يا أسيل ؟!
وناظرت ساره : لا تهتمي لأحد
وقت للي تبغينه ادخلي بدون استئذان !
عزام لوى شفته بقرف : عشتو
دخل سلمان ولوى بوزه بقرف : انت ؟!
التفتت له ساره بابتسامة : ايه انا
جبت لكم صحن فيه ورق عنب
سلمان طلع لسانه بقرف : يع يع
ام عزام بحده: سلمان !
عفس ملامحه : وش فيك ؟!
ومر من جنب ساره ودفها عن طريقه بقرف
وجلس عند أسيل !
طنشت ساره تصرفه وابتسمت : تعال إلعب عندنا !
عزام رفع يده بضجر : خلاص الصحن وجبتيه
فارقي !!
طالعته بطريقه غبيه هز رأسه بأسف : انقلعي على البيت !،
تأففت ام عزام من اسلوب عيالها وبحنيه : اخوي خلف جاء ؟!
عفست ملامحها لما تذكرت الكف وبعدها ابتسمت بتطنيش : ايه جاء وطلع
أسيل بتذكر وقفت: صحيح تذكرت خوله أرسلت
ملابس بناتها ما تبغاهن !،
تعالي يا ساره خذيهن لك !
ساره بفرح : ملابس لي !
وسرعان ما انطفت فرحتها لما تذكرت جدتها
كانت تضربها إذا أخذت شيء من احد ردت بخيبه :،شكرا ما أبغى عندي ملابس !
لوحت يدها للمغادره ورسمت ابتسامة مزيفه : سلااااام
وطلعت تركض من البيت
بعد خطوات مشت بهدوء وخيم عليها الحزن
كان نفسها تشوف الملابس وتلبس مثل باقي البنات !
بس جدتها تزعل منها !
زفرت بضيق وكملت طريقها وهي تتخيل
الفساتين !!
**
**
**
**
ابو سعود تنرفز : خلاص ترى اقرفتيني بذي اللعبه !!
فتحت عيونها عائشه بصدمه : هذا للي طلع معك ؟!
ابو سعود اختنق منها : ايه هذا للي طلع معي !
اعوذ بالله من لسانك ما يسكت !!
نهى ابتسمت على شكل عائشه : بابا راجع من الدوام تعبان يبغى يرتاح !
عائشه بقهر : مقطع الهجر !!
وبترييقه : يبغى يرتاح !
انا الغبيه للي مضيعه وقتي معك !
وحملت لعبتها وهي عافسه ملامحها بزعل
وتركتهم
ابو سعود زفر براحه : انقلعي !
صجت رأسي دودودودودودودودودودودودو
ما تسكت !!
نهى تعمل لها مقعد عند ابوها : دوم نقول لها
لما ييجي بابا تسكت لانك تعبان !
اسماء تكمل : بس ما تسمع الكلام
تقول انك تمثل التعب !
خزهن بعيونه : اقول روحي شوفي الأكل انت واختك ترى ميت جوع !!
عائشه وقفت عند الباب تسمع كلامهم تخصرت : أستاذ تربيه إسلامية وتكذب ؟!
الميت ما يتحرك وما يتكلم وإنت ما سكتت من لما دخلت البيت !
ابو سعود بضجر : يا هالتخصص ذلتنا فيه !
وبعصبيه : انت مين مسلطك علي ؟!
اعوذ بالله !!
فعلا انك ترفعين الضغط وتجيبين السكر !
فتحت عيونها باستنكار : والله ما جبت السكر
انت اشتريته من البقاله الاسبوع الماضي!
ابو سعود حضن راسه بين يدينه : يا رب تعطيني الصبر !!
**
**
**
**
خلف بعصبيه : انا ناقصني مصاريف !!
ام عمار بقهر : تجمع بالفلوس ما ادري وش تبغى فيهن ؟!
خفضت صوتها لعله يلين : يعني البنت بحاجه لملابس !
خلف بلامبالاه : لما يرسل لي محمد فلوس وقتها تروح تشتري !
انا اخذتها تسكن عندي وشرطت ما ادفع فلس واحد !
انقهرت منه : حتى عيالك يبغون ملابس و
قاطعها بعصبية : وبعدين معك ؟!
وش رأيك اصرف الفلوس وأجلس أشحد
علشان حضرتك تتفشخرين !!
وبسخريه : خلي عمي ابو راكان يعطيك فلوس !
ام عمار بقهر : والله أبوي وش دخله يصرف على عيالك !
خلف طنشها وطلع وتكلم وهو طالع : لو أجلس دقيقه الا تفلسيني !!
**
**
**
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!