رواية اخفيت انوثتي بثوب وشماغ الفصل السابع 7 - بقلم غير معروف

البارت السابع …♠
،،،
نعرفكم سريع بهتان بطلنا الجديد 
هتان عمره 22 طوله 180 عسكري موظف بالمول عيونه لوزيه حلوين لونهم اسود انفه صغير عنده سكسوكه وحالق عوارضه طويل ومعضل بشرته لونها اسمر خفيف حبيب وطيب مره ورومنسي هع 
،،،
وصلت دانه مع هتان مكان الكوفي 
هتان: سطام وينك
سطام وهو يشتغل: ثواني بس « حط بعلبة دونات شوكولاته وجنبها كوفي عربيه وعطاها للزبون لف علئ هتان: ارحب ارحب شعنده هتوني 
هتان: هتوني بعينك « حط يده علئ كتف دانه: موظف جديد يجي بعدك علمه بشغلك وكذا 
سطام بغرور ناظره: اما ذا بكون بعدي شسمك ؟!
دانه بقهر من اسلوبه: بدر 
سطام: حياك تعال تعلم من عمك
دانه بقلبها: وش هالقرف كلهم مغرورين اوف
هتان ضرب كتف دانه: لا وصيك يالذيب عالشغل الكفو
دانه بابتسامه: ابشر « ودخلت عند سطام 
سطام بقرف ناظر دانه: ليه ما غيرت لبسك ؟!
دانه ودها تذبحه: لمن تعلمني وينتهي دوامك بغير
سطام ناظر بعيونها وفجاءه ابتسم: عيونك رصاصي 
دانه بلمت فيه: ايه 
سطام: ياحليلك كنك بنت مع ذالفيس البريئ 
دانه ودها تعطيه كف: اقول عن الهرجه بس 
سطام بخبث: ورني عضلاتك 
دانه تنهدت: شوف ماني جاي استعرض عضلاتي جاي اشتغل واكد لحياتي اليتيمه لا اكثر 
سطام: يمه كليتني بقشوري 
بدا سطام يعلم دانه علئ الاشياء الاساسيه والاشياء الثانويه « باختصار كل شي 
دانه ناظرت الساعه 6 الا ربع: اتوقع خلص دوامك بروح اغير واجي مكانك 
سطام: طيب « طلعوا وكل واحد راح لجهه 
بعد عشر دقايق رجعت دانه وشافت فلبيني ثاني: انت هنا تشتغل بالوقت ذا ؟!
الفبيني: ياس بابا انت بدر
دانه: ايه شسمك انت ؟!
الفلبيني: اياس 
دانه: حلو اسمك الزبده يله نشتغل « متحمسه 
نروح لمكان ثاني بنفس المول 
"": الله يحييك سطومي
سطام : سطومي بعينك 
"": اجل لا تقولي هتوني عشان ما قولك سطومي 
سطام ضحك: هههه يله سلاموو هتوني اشوفك بكره
سمع صوت من وراه: هتان 
هتان لف: هلا راكان ارحبوا 
راكان: هلا بك سمعت ان فيه موظف جديد 
هتان بادله الابتسامه: ايه اسمه بدر يشتغل بعد سطام
راكان: وع مالقئ غير عند سطام يشتغل 
هتان: ما عليه الا انت للحين مارحت لشغلك 
راكان بنص عين: الله الي يسمعك يقول شغلي صعب ترا راس ماله لف بالمول وأشرف ع الموظفين واي شباب مالهم احد هنا اطلعهم نقطه اخر السطر
هتان غير السالفه: طيب رح لبدر شوفه 
راكان ضحك ضحكه خفيقه: طيب بنقلع لا تدف 
هتان: هههههه 
تعريف في بطلنا الجديد وهو بطل روايتي
راكان عمره 23 موظف مثل ماقال قبل شوي .. طوله 183 مجسم وعنده سكس باكس عيونه ناعسه وكبار لونهم غريب على حسب اللبس يتغير اللون انفه حاد حد السيف شفايفه توتيات كبار لون بشرته حنطي عنده سكسوكه وعوارض وعنده غمازه محفوره بخده اليمين
رومنسي بشكل كبير وحنون ومحبوب ودلخ شوي 
امه روسيه بس ابوه مطلقها وتزوج سوريه وجابت له عمر 15 سنه وفرح 13 سنه ،،
راح راكان عند دانه بصوت رجولي : السلام عليكم 
دانه ناظرته وبلمت فيه ببالها: يالبيه وش هالمزااهه
راكان تنحنح: قلنا السلام ترئ 
دانه رمشت مرتين: وعليكم السلام 
راكان: انت بدر الموظف الجديد ؟!
دانه ابتسمت بخجل: ايه طال عمرك 
راكان: منور الشغل ههههه انا راكان 
دانه ذابت مع ضحكته: عاشت الاسامي 
راكان : اتمنئ لك السعاده والراحه مع هالوظيفه
دانه: مشكور انت تشتغل هنا ؟!
رفع راكان بطاقته: ايوه مشرف موظفين 
دانه: حلو بالتوفيق
راكان: عطوك بدل سكن ولا عند اهلك ؟!
دانه :لا اهلي توفوا وراعي البيت طردني وجيت هنا اشتغل عشان اجمع كم فلس يأمن لي شقه 
راكان بأسف: الله يرحم اهلك لا تقلق عالسكن حنا بنعطيك شقه تقعد فيها ،، يله بدر الحين استئذنك 
دانه: الله معك 
مشى راكان وعيون دانه تلاحقه: ابوك يالمزااهه « 🙇
نروح لدار الايتام نشوف وش يسوون 
اميره منسدحه عالجوال وجود تلعب بالاب اما مشاعل سرحانه « وهذي حالهم من طلعت دانه 
جود بملل: بروح لم نوره والبنات العب معهم
ماحد رد عليها شالت نفسها وراحت لغرفة نوره وشلتها
اميره تكلم ياسر الي صاروا من فتره لفتره يسولفون مع بعض اميره: صدق والله عاد لو بيدي طلعت معك
ياسر: عادي تعالي ونروح اي مول مع بعض 
اميره: افكر واقولك واشوف وضعي 
مشاعل قامت وناظرت اميره: ميري شتسويين ؟! 
اميره: اسولف مع البنات 
مشاعل: بروح البقاله الي تحت واجي تبين شي ؟! 
اميره: لا بس كيف بتطلعين بدون ماحد يدري 
مشاعل: ع زق الي يسوون يسونه « لبست عبايتها وطلعت ،، اميره ببالها: لو اسوي زيها واطلع مع ياسر
دخلت مشاعل البقاله شرت كم غرض وبعضهم حطتهم في جيبها ودخلت الدار وعالغرفه 
تسدحت عالسرير ورمت كيس بطاطس بحضن اميره 
نرجع لدانه الي كانت تكتب الطلبات وتعطيهم لاياس 
جت بنت بمياعه وكانت خاقه على عيون وغمازات دانه: لو سمحت ابي دونات شوكلت وميلك شيك 
دانه كتبت الطلبات وناظرت بعيون البنت: ثواني بس
البنت طالت شي من شنطتها وحطته قدام دانه: كلمني
دانه استحقرتها بس قالت اعطيها على جوها وغمزت لها: من عيوني 
البنت خقت معها: كم عمرك ؟!
دانه: 18 
البنت: انت حلو بس لو تربي سكسوكه وعوارض تطلع خقه اكثر 
دانه ببالها: شف ذي 😑: انا مايطلع لي من الله يعني « ابوك يالرد والله انها سخيفه ذي 
اياس جا ومعه الاغراض: تفدلي مادام « تفضلي 
البنت اخذت الاغراض واشرت لدانه « يعني كلمني
قعدت دانه وهي تسحب نفس سمعت واحد يناديها: بدر
قامت ولف مكان الصوت: هلا هتان ؟!
هتان بابتسامه: جيت اخذ من عندك كوفي اصحصح
دانه ابتسمت: شكلك ما نمت من الصبح 
هتان يتمطمط: ااهه بس زين ان كوفي حقك قريب من البوابه الي اقعد عندها 
دانه: كيف جيت وماحد عندها الحين ؟!
هتان: لا فيه خويي مشاري بعرفك عليه اخر الدوام 
دانه: اهاا 
اياس عطا هتان الكوفي قالت دانه: صحتين 
هتان ابتسم لها وراح قال اياس: انا يبغا يروح حمام
دانه: طيب 
طلع اياس من عنده وقعدت تناظر بالناس 
شلة شباب مروا من عندها وشافوها 
الاول: وااو شالعيون هذي يا فلبينو 
دانه بنص عين: فلبيني بعينك تراي سعودي 
الاول بفشله: اوما سعودي اكيد فيك عرق سوري مدري فلسطيني 
الثاني: انت شف شكله تقل خكري حلو
دانه ضحكت على كلامهم 
الثالث: اوووهه غمازاات يالبييه ياخي يجنن
دانه حست بخجل من كلامهم لفت وجهها وراحت 
الشباب: ههههههههههههههه
الثاني: يستححححييي ههههاااييي 
الثالث: شسمك طيب يالحلو ؟!
دانه بطفش: بدر 
الاول رمش ببغباء: زي اسمي وااه ليه احلئ مني 
الثاني: اقول يا بدر بما ان اسمك زي اسم خوينا شرايك تعزمنا من عندك 
دانه تناظرهم: اقول تلايطوا من هنا ماشتغل عشان اعطيكم فلوسي 
الثالث: يالبخل 15 ريال مارح تخسرك شي 
دانه تنرفزت منهم: ياخي خذ اخوياك وانقلعوا 
الاول يبي يرفع ضغطه: بقول للاداره عن اسلوبك الزفت خلهم يفصلوك 
دانه خافت يسويها قالت تبين قوتها: ع تبن رح رح بس
الاول: حرام فيك اسمي ياحيوان 
راحوا الشباب منقهرين وبنفس الوقت يتغزلون فيه شكله
دانه ناظرت ساعتها 8: اووهه ياربيه وش هالملل 
سمع واحد يقول: توك ما شفت شي 
لفت وانصدمت منه: سطام وش جابك هنا ؟!
نهاية البارت السابع ^*^

توقعاتكم :)

ارجوا التفاعل 

استغفر الله واتوب اليه :)