رواية اخويا سرق ورثنا يوم عزا ابويا الفصل الثاني 2 - بقلم هويدا زغلول

منال

اخس عليك انت عايز مراتك تعمل كده قدام اخواتك ازاي يعني

عماد

والله ده اللي عندي موافقه هتطلعي شقتك معززه مكرمه مش عايزه الباب يا حبيبتي يفوت جمل

منال

موافقه يا عماد بس اعمل حسابك ان

ربنا المعز المذل والله عملته ده بكره هيترد

فيك والله

عماد

بكره يحلها حلال يلا بينا وبعدها نزلنا

وفتحت فاتن

فاتن

ال يا قاعدين يكفيكوا شر الجاين خير يا

عماد جاي بمراتك ليه يا اخويا وانتي ياختي

اي اللي جابك سمعنا أن عندك حاله وفاه

ومش المفروض تكوني هناك

عماد

فين امك اللي عامله تقول إن بسمع

كلام مراتي في كل حاجه وبعدها

خرجت حماتي

الحما

خير يابني ومن أمتي الغندوره بتنزل عندنا

عماد

نازله علشان تقول وبعدها بصلي علشان

اتكلم ها ما تقولي انتي نازله ليه ولا المفروض

أنا اللي هتكلم ولا اي

منال

انا نازله علشان اعتزر ل عماد قدامكم علي

اي حاجه عملتها فيه وجايه اقولك ليكم

حقكم عليا

فاتن

ده حلم يا ماما ولا حقيقه معقول منال

اللي شيفاه نفسها علينا بتتكلم كده

قربت حماتي من ابنها وقالت

الحما

انت عملت العمل فين يا واد علشان

مراتك تسمع كلامك كده قول قول خليني

اعمل عمل لأختك علشان تتجوز

عماد

اصبرو بقي يا جماعه وبعدها راح اقعد

ها يا منال مش ناويه تكلمي اللي قولتي

عليه ولا اي

وفي الوقت ده كنت بفكر الف مره ان

اخد بعضي وامشي بس كنت عامله افكر هروح

فين وانا خلاص مبقاش ليا مكان

وقربت منه وبوست رجله وبعدها

طلعت شقتي من غير ما اتكلم ولا كلمه

فاتن

معقول يا عماد اللي حصل ده انا مش قادره

اصدق والله

عماد

ومن هنا ورايح ياما مش عايزك تمدي ايدك في الشقه خالص واي حاجه عايزه تعمليها نادي عليها هي تعملهالك

الام

لا مش للدرجه دي يا عماد

حرام يابني البت شكلها يقطع القلب اوي

فاتن

بقولك اي اسكتي انتي ولو انتي مش عايزه تعلميها الادب احنا موجودين

هنعلمها الادب

عماد

حبيبتي يا اختي شكلها كانت ناسيه هي كانت .

بتتعامل معانا ازاي زمان وبعدها طلع شقته

عماد

ادخلي الاوضه واقلعي الاسود

ده انا مش السواد في البيت

منال

هو انت ليه بتتعامل معايا بالطريقه دي مع ان انا عمري ما اتعملت معاك كده حرام عليك على فكره

عماد

من هنا ورايح كلمتي اللي هتتنفذ انتي سامعه ولا لا ولو مش عاجبك كل واحد يروح لحاله عادي يعني

منال

انت فاكر يعني ان بعد ما ابويا ما اروح انا خلاص اتكسرت انا عمري ما هتكسر يا عماد

عماد

لا يا حبيبتي انت اتكسرتي دلوقتي ولو الكلام ده حقيقي اتفضلي ردي عليا وشوفي انا هعمل فيكي ايه قومي اعملي محشي لأن

عازم أمي واختي عندي وزي ما قولتك

هتدخلي الاوضه حالا وهتقلعي الاسود اللي انت لابساه ده وفعلا عملت كده وانا كنت عامله

اعيط

وفي شقه هشام

هشام

تعالي يا حماتي اتفضلي يا وفاء ادخلي مالك مكسوفه ليه كده يا حماتي ادخلي

الحما

والله يا هشام انا مش عارفه اقولك ايه على اللي انت عملته ده

هشام

بتقولي ايه يا حماتي ده انت كنت شايياني فتره دي كلها مش هاجي اشيلك اليومين دول

وفاء

مش واجب كنت قولت لماما الاول يا هشام قبل ما نيجي عليها فجاه كده وبعدها خرجت

ام هشام وقالت

الام

طب انت بنت برويه ومبتحبيش تيجي تزوريني وانا مش هقولك حاجه وبعدين يا حبيبتي هو في حد يستاذن قبل ما يجي بيته طيب ازيك

يا ام مصطفي عامله اي يا حبيبتي وحشاني

حقك عليا اني مجتلكيش يا حبيبتي الصبح بس والله كنت حاطه في دماغي ان هاجي العزاء لولا هشام كلمني وقالي لا

الحما

طول عمرك بنت اصول بس ما تقوليليش يا ام مصطفى ثاني انا اسمي ام منال

هشام

مش وقته يا ماما الكلام ده ادخلي يلا يا حماتي ارتاحي في الاوضه جوه وانتي وفاء ادخلي على المطبخ يلا اعمليلنا حاجه ناكلها

الحما

حقك عليا يا حبيبتي انا جيت وزنقت الدنيا عليك وانا عارفه ان كل شقتك اوضه واحده

الام

اخص عليكي والله ده لو مشالتيش الارض اشيلك فوق راسي وبعدين الصاله عندي واسعه وانا قفلتها بستاره معلش بقى انما انا وانتي في الصاله ونسيب الاوضه للعيال

الحما

كتر خيرك يا حبيبتي وبعدها اخدت ام هشام

ماما ودخلت بيها

وفاء

بجد مش عارفه اقولك ايه يا هشام على اللي انت عملته معانا ده لولاك كنا زماننا نايمين في الشارع دلوقتي

هشام

اخص عليكي والله ده البيت بيتك ازاي تقولي حاجه زي كده مامتك شالتني العمر ده كله فاشلها اليومين دول بس متزعليش مني والله العظيم انا ما هسيب اخوكي

في اللي عمله ده

وفاء

ولا انا والله ولازم نرفع عليه قضيه بسبب اللي عمله ده هي اختك اسماء كده هتبات فين

وبجد انا مش عارفه هتعامل معاها ازاي انا عارفه ان هي عمرها ما حبتني ده انا كنت بخاف اجي عند مامتك بسببها

هشام

اسمعي الكلام اللي انا هقولك عليه البيت ده بيت جوزك يعني بيتك ومش عايزك تزعلي من اي حاجه ممكن اسماء تعملها وكمان عايزك

لو زعلتك تردي عليها

وفاء

ارد عليها في بيتها ازاي يعني

هشام

سيبك دلوقتي من الموضوع ده وتعالي

ننزل نجيب اكل انتي عارفه ماما

مكنتش تعرف أننا جاين واكيد عامله

اكل علي القد وبعدها نزلوا ورجعت اسماء من

برا

اسماء

اي ده هي امي عامله الستاره كده ليه المهم

لما ادخل اشوف فيه اكل اي وبعدها

دخلت تجيب اكل وشغلت التلفزيون بصوت

عالي علي اغاني وخرجت الام

الام

يخرب بيت سنينك انا قولت برده اكيد انتي اللي عامله كده وطي التلفزيون شويه هو انتي مش عارفه ان احنا عندنا حاله وفاه ولا ايه

اسماء

حاله وفاه مين يا ماما ده حيلا حمى ابنك واحنا مالنا اساسا

الام

اخوكي جاب حماته ومراته هنا يا بنتي خليها عندك دم وطي الصوت ده شويه وفي الوقت ده

اسماء قامت وقفت وقالت

اسماء

هو شايف الفيلا واسعه قوي علشان عمال يضايف ناس فيها

الام

اخرسي قطع لسانك اياك تتكلمي كده علي

اخوكي انتي فاهمه ولا لا الست في ظرف

ومينفعش أننا نسبها خالص لازم نقف

جنبها

اسماء

واحنا مالنا يا حبيبتي نشيل شيله مش بتاعتنا

ليه

الام

والله العظيم يا اسماء لو ما احترمتي نفسك صوتك ما تعرفي انا ممكن اعمل فيكي ايه النهارده

اسماء

ما هو انت دايما كده لازم بتيجي عليا انا علشان خاطر ابنك ومراته

الام

وهي كانت مراته عملت اي فيكي انتي

اللي وحشه من جواكي احمدي ربنا انها رجل اخوك من غير اي حاجه والعفش ولا اي حاجه واتجوزت في بيت امها وأبوها

اسماء

وده يا حبيبتي ملفتش نظرك في حاجه من امتى واحده بتوافق على الكلام ده ده انا اللي بتقولوا عليا فاتني قطر الجواز مش هرده بواحد ياخدني كده

الام

قصدك ايه يعني بالكلام ده انا مش فاهمه منك حاجه

اسماء

يعني يا حبيبتي عمري ما واحده هتوافق بالكلام اللي انتي بتقولي عليه ده الا لما يكون حد عمل فيها حاجه وابنك بسم الله ما شاء الله دلدول مراته يعني ممكن يكون اتجوزها وهو عارف ان في حد ثاني دخل عليها قبله

الام

اخرسي قطع لسانك قسما بالله ليلتك النهارده ما هتعدي على خير وبعدها خرجت ماما وقالت

الحما

لا استني بقى انا ساكته من بدري ومش راضي يدخل اتكلم وقولت هتفضفض بكلمتين انما تيجي لحد شرف بنتي وتقفي وتلزمي حدودك انا ماشي مافيش زيهم

الام

حقك عليا والله يا ام منال دي عيله طايشه مش فاهمه هي بتقول ايه

الحما

هي مش طايشه هي مش متربيه بس اسمها يا حبيبتي انا لو وافقت باخوكي علشان لقيته انسان ملتزم ومحترم وافقت ان هما يعيشوا معانا في الشقه رغم ان كان عندنا شقه تانيه فاضيه واخوكي كان ممكن يروح يعيش فيها بس اخوك قال لا هعيش فتره لحد ظروفي ما تتحسن

وبعدها اخوك فاضل كل شويه يبقى من شغل لشغل علشان خاطر انتي شايفه حل البلد بقى عامل ازاي بس احنا عشنا معاه وعرفنا قد ايه هو كويس ومحترم بس للاسف ليه اخت زيك

اسماء

انا مكنتش اقصد حاجه ولا انتي عايزه تعمليها مشكله والسلامه علشان خاطر تقلبي هشام عليا

الحما

بقولك اي أنا مش عايزه اتكلم معاكي في

اي حاجه رني علي هشام علشان يمشيني من هنا

الام

والله العظيم لا رجلي تكون على رجلي ولو هتنامي في الشارع هنام معاكي والنبي سامحيني انا حقك عليا وبعدها فضلت تعيط

الحما

استغفر الله العظيم انا مش عايزه اعمل

مشاكل بين الاخوات والله

الام

مافيش مشاكل بالله عليكي تدخلي الاوضه

وبلاش كلام في اي حاجه دلوقتي انتي

قسما بالله لو ما لزمتي حدودك ما هتعرفي

اي اللي هيحصل ليكي

وبعدها ماما دخلت الاوضه وفي فيلا مصطفي

نزلت نانسي

نانسي

علشان لما اقول كلمه تاني تنفذها ابنك مش راضي يرد على التليفون انا قولت بلاش سفر ليه وانت مسمعتش كلامي

مصطفي

بطلي بقى تبقي قلقانه بالمنظر ده هيحصله ايه يعني ابنك مش صغير على فكره

نانسي

لا صغير يا مصطفى ما ينفعش اللي انت بتعمله ده هو انت ايه مبتخافش عليه خالص كده

مصطفي

بخاف عليه طبعا بس مش بالطريقتك دي هو بيعرف يتصرف كويس قوي وهتلاقي التليفون سايبه في الفيلا ولا حاجه هناك وخارج مع اصحابه يعني

نانسي

انا عارفه ان انت عمرك ما هتتحرك من مكان انا هلبس واروحله دلوقتي

مصطفي

يا بنتي اصبري بقى طيب خليكي لبكره وهنسافر انا وانتي انا ورايا شغل كثير قوي النهارده

نانسي

والله عمري ما هيجيلي قلب انام الليله

دي من قبل ما اروح واطمن عليه

وفي الوقت ده دخل السواق

مصطفي

علشان تهدي بقى اهو سواق رجع يبقى ابنك كمان معايا انتم ايه مكنتوش بتردوا على تليفوناتكم ليه

السواق

والله يا استاذ مصطفى انا مش عارف الخبر اللي هقوله لحضرتك ده هقوله ازاي البقاء لله ربنا يصبرك

مصطفي

البقاء لله وحده يا سيدي ما انا عارف ان ابويا راح من كام يوم وانت جاي دلوقتي تفتكر يعني

السواق

لا انا اقصد في ابنك واصاحبه كلهم راحوا

في الفيلا وانت لازم تسافر دلوقتي

نانسي

اي ابني وبعدها اغم عليها ، وفي الوقت ده مصطفى قام وقف وقال

مصطفي

ازاي هو واصحابه يعني في حد دخل وعمل فيهم حاجه

السواق

لا رجعه زياده واكيد حضرتك فاهم يعني

وبعدها حصل

يتبع