قبل الاخي،.....افلين قالت ... جميل جدا زيك انت كمان شكلك حلو قوى وقربت منه يحيى بعد
وقال ... ربنا يحفظك شكرا انا عن اذنك عشان خالتي ماتت وعايز اروح اعزي عمتي فيها اصلها كانت بتكرهها قوى وزمانها بتعيط عليها وجرى بسرعه فؤاد راح عند اوضت دره وحط ودنو على الباب سحر كانت
بتقول ... انا قلتلك من الاول مش هتريح قعدالى على قصاد المجنون ده وجايه تقعديني معها لوحدى دى مش خايفه دى حطت السلاح قدام عيني على الترابيزه بتهددنا
دره قالت ... لا يا ماما هي مش بتهدد هي بتقتل فعلا فخلي بالك منها تمام
سحر قالت ... ومالك بتقوليها كده ببساطه كانها بتكوي هدوم
دره قالت ... يعني هعمل ايه يا ماما اسيب جوزي وبيتي واسيبهملها وامشي اقوللها تعالي خديهم
سحر قالت ... ما تاخدهم يا اختي تاخدهم وتقعدي عايشه يا روح ما بعدك روح هجوزك سيد سيده ونجيبلك املاك ونجيبلك فلل ونجبلك كل اللي انت عايزاه بس تعالى معايا تغور الفلوس
دره قالت ... فلوس ايه بس يا ماما انا مش عايزه فلوس انا بحب فؤاد قوى
سحر قالت ... مش كفايه مطلق وقلتى بحبه وجوزناهولك وكمان طلق واحده من المافيا وقلنا معلش ان ما تيجي تقعدلك في البيت وتحطلنا السلاح كده في وشنا اهو ده اللي مش ممكن ابدا انا مش حاسه انك فى امان هنا دى ممكن تموتك روحي معايا
دره قالت ... وبعدين يا ماما قلتلك لا انا هفضل مع جوزي روحي انتى انا بعرف اتعامل معها يا روحى ماتشغليش بالك انتى
سحر قالت ... كده يا دره طب ابقي كلميني
دره قالت ... حاضر يا ماما كل شويه هكلمك وعد سحر مشيت ودره قعدت على السرير ودخل فؤاد وقعد جنبها وحط ايده على ايدها
وقال ... بحبك بس ما بحبش اشوفك زعلانه انا اسف كان نفسي نعيش اليومين دول بسعاده زى اى اتنين طبيعيين نعمل شهر عسل ونسافر واعيشك احلى ايام حياتك بس
دره ابتسمت وقالت.... عارف بيسموه شريك حياه ليه
فؤاد قال ... لا ليه
دره قالت .... علشان الواحد لما بيلاقي شريك حياته بيبقى شريك في كل حاجه في الوحش قبل الحلو وفي الحلو قبل الوحش انا شريكت حياتك كل حاجه في حياتك الحلو اللي فيها والوحش كمان انت كمان شريك حياتي وتشاركني في الحلو وفى الوحش انت مش بس شريك فى حياتي انت حياتي كلها
فؤاد قال ... تعرفي يا دره يحيى عجب افلين قوى خساره لو ما كانش متجوز كنا لبسناه فيها كان يمكن حلت عننا
دره قالت ... يا سلام كنت لبستها لاخوك
فؤاد قال ... اه هجوزها لاخويا تموتو اصل انا مش عايزه ابيع البيت عشان ذكرياتنا عشان اخويا وضحكو
ودره قالت .... خربطه قوي ومش عارفين هنعمل فيها ايه
فؤاد قال ... ان شاء الله تتحل
دره قالت ... ان شاء الله
فؤاد قال ... انا حاسس كده بقولك ايه عارفه انا عايز افطر معاكي نفطر هنا ولا ننزل نفطر تحت
دره قالت .. لا نفطر هنا
فؤاد قال .... خلاص تمام انا هنزل اعملك حاجه نفطر بيها انا ما اكلتش من امبارح
دره قالت ... ولا انا كمان خدني معاك هجهز معاك ونزلو على المطبخ وكانوا بيجهزوا الاكل سوا فؤاد شال دره وقعدها على رخامه المطبخ
وقال ... تعرفى يا دره احلى لحظات العمر بعيشها معاكي ببقى مش عايزها تخلص بتمنى لو اقدر اوقف الزمن عندها كنت اوقفه وانا معاكى ما يمشيش مش ببقى شايل هم ولا بفكر في حاجه ببقى بس عايز اعيش اللحظه بلحظتها تعرفي يوم الفرح لما مامتك خدتك حسيت كاني شايف قلبى على الجهاز بتاع القلب حسيت كان قلبي بيوقف كنت سامع صوت الاجهزه بينخفض ومعاها صوت دقات قلبي زى ما يكون واحد روحه بتطلع بالبطيء مش راضيه تطلع ومش عارفه ترجع حاجه متعلقه كده وخلاص
دره قالت ... انا كمان كنت بتحرق عشان اشوفك بس ما كنتش اقدر ازعل ماما ولا اوقف في وشها كنت عايزه اشوفك كنت خايفه عليك بس ماما قالت لو رحتي لا انتى بنتي ولا اعرفك كنت عايزه اهدى الوضع ساعتها قعدت اشرحلها لحد ما هديت شويه بس انا والله كنت ههديها واجي انا اصلا ما اقدرش ابعد ما اقدرش اسيبك انا صح مشيت مع ماما بس قلبي وروحي فضله هنا معاك انا بحس ان قلبي بقى مربوط بقلبك يعني بحس بيك يعني انت لازم تكون معايا عشان اكون عايشه عشان الدقات تبقى واحده ولما سمعت الكلام اللي قالته اللي اسمها فازلين بتاعتك دي
فؤاد ضحك وقال ... فازلين ايه بس اسمها افلين
دره قالت ... مش مهم مش هتفرق غيرت قوي عليك وقتها شفته قبلك ومش عارفه ايه بنت تافهه على فكره
فؤاد قال ... اه ما انا عرفت عرفت انها تافهه عرفت انها ممله عرفت انها وحشه كمان
دره قالت ... ايه وحشه دي وحشه
فؤاد قال ... اه وحشه انا بشوف كل البنات دول وحشين مش بشوف غيرك انت اللي حلوه عيونك حلوه كل حاجه فيك حلوه بس دخلت افلين
وقالت ...... وكتر الحلو بيجيب امراض الدكاتره بيقولوا كده ما تكترش فيها اوقات لازم تاكل حاجه مالحه عشان الضغط
دره قالت لفؤاد بصوت واطي .... نفسي قوى اضربها واجيبها من شعرها هموت واعملها خايفه شعرها يطلع باروكه يطلع في ايدي واتخض اصل الجماعه دول نفخ وشد وشفط دبوس بس ما تلاقيش فيها حاجه
فؤاد ضحك وقال ... اسكتي بقى دي بتاكل
دره قالت ... تاكل ايه
فؤاد قال .... تاكلك انتى شخصيا عادي جدا على فكره
دره حطت اديها على كتف فؤاد وقالت بدلال .... نزلني يا فؤاد احسن مش عارف انزل لوحدي فؤاد حاوط وسطها باديها ونزلها
وافلين قالت ... طبعا مش هتعرفي تنزلي لوحدك قصيره قوي صح قولى ايه اللى عجبك فيها يا فؤاد هو انت مش كنت بتحب البنات الطويله وكنت تقول القصيره مش عارفه ايه لو كانت من ذهب اه عار باين دره ضربت فؤاد فى صدره
وفؤاد قال .... لا لا يا روحي ده مش انا اللى قولت دول هم هم كانو يقولوا كده القصر عار لو كان من ذهب والطول فخر لو كان من خشب بس احنا غيرناه على فكره بقى خد القصيره وضمها وسيب الطويله لامها
دره قالت ... المثال التاني احلى على فكره
فؤاد قال .... ايوه طبعا دول شبهه الطول بالخشب وشبهه القصر بالذهب يعني ايه بقى هم بيغيرو براحتهم كده تلاقي واحده طويله اللي قالته
دره قالت ... ماشي يا فؤاد هبلعو
فؤاد قال ... يا رب تتبلع
افلين قالت ... ناكل سوا ولا انتم عايزين تاكلوا لوحدكم اللي ياكل لوحده يزور
دره قالت بغضب .... ايه ده القصر عار واللي ياكل لوحده يزور ايه البنت دي اجنبيه من الدقي
فؤاد قال ... خلاص بقى عديها معلش وبص لافلين
وقال ... لا معلش يا افلين احنا حبينا نفطر لوحدنا انتى عارفه عرسان بقى وكده لو مش واخده بالك عشان مقعدناش سوا البركه فيكى
دره قالت ... اه ما خليتكوش قعدتوا سوا امبارح سوري بس جيه يحيى
وقال .. يلا يا فؤاد تعال عشان المحامى جيه علشان نقسم الفلوس
الفصل الخامس من هنا