رواية أخطاء لايُمحيها الزمن الفصل التاسع 9 - بقلم أنثى 🪽 ملائكية

آنثى 💜 ملائكيه

أخطاء لايُمحيها الزمن..

الـــيزرع #حـــــزن

.........مـايحـصد #افـراح

....والشــابـع #قــهــر

صدگني #مـايـرتاح

ۦٰ

جوري ...رج البيت رج بصوته باوعته واني ارجف اخاف يكتلني ركضت صعدت فتحت كنتوري هو شبقى حتى ملابسي اخذوها الله لاينطيهم باقيلي كم هدمه اخذتهم بعلاكه ولبست عباتي لان لابسه تراكسود جسمي يوجعني وكلبي محروگ نزلت شافتني عمتي وتفر بيدها معاحبها حسبالي تگلي لاتطلعين ..

يسر ... درووووحي ...

جوري .. حيل استهضمت مجاوبتها شي طلعت من البيت عيالي وكت الظهريه وشمس تسطر وگفت بالحر ودموعي تجوي خدي احسهن تيزاب رفعت ايدي امسح دموعي مشيت بخطوات بطيئه واحس روحي مفرفحه ياربي شنو اكلهم لاهلي اكيد يوكفون ضدي مية هم شايله بگلبي ليش علي هلگد تكرهني حسبالك فرح من لگه زله وطردني دكيت الباب نفتحت طلعلي اخويه حسين فرحان بجيتي كوة حجيت احس غصه بلاعيمي ... هلا حبيبي شلونك..

حسين ..  هلا جوجو مشتاقلج..

جوري ... اني اكثر حبيبي وين ماما ..

حسين .. دصلي ..

جوري ..گوا اشوف احس ظلام مغطي اعيوني من ورا الشمس رحت غرفتها لكيتها صلي خلصت صلاة شافتني وفتحت اعيونها مصدومه من شكلي ..

ام جوري.. هلا يمه شنو شبيج ليش تبجين ...

جوري ..واني ابجي واشهگ .. ماما بعد مارجع هناك كالولي روحي اهلج تقبليها بهاي ظهريه يطردوني ...

ام جوري... ملخت خدها .. يا عزااا عزاني هاي تاليتج اكيد من وره عنادج وراسج اليابس..

اجتي بيبي شافتني ابجي

بيبي ... شبيج بنتي ليش متبهذله ...

جوري ..كعدت بالگاع حيلي مهدود وارجف .. هيج وهيج سالفه ..

بيبي ...كووومي امشي رجعي ماعدنا مره ترجع لهلها ابو المثل يكول نارك ولاجنة هلي تتحلمين هاهيه يضربج يتعارك وياج تجرين ويا عدل وسمعين كلامه حقى شنو لعد تخلين عمتج تشتغل وهو يطلع للشغل بدون ريوك ونوب يرجع يلكاج نايمه....

ابويه سمع بيبي تصيح وتتعارك ويايه اجه شافني وتفاجأ ...

خير بابا...

بيبي ... بنتك رجعوها الك هاي تاليتها ..

.. ليش وشكو وع شنو بابا

حجتله بيبي سالفه كلها...

.. شسويلهم مشكلتهم همه ميعرفون يتحمولها بعدها صغيره وهذا چلب شلون يمد ايده ع بنتي مترجعله بعد  كعدي بابا يمنه ولاترحين بعد ..

...بيبي ..عاطت... شنوو شدتحجي انته ماكو ترجع وغصباً عليها مو فخر تكعدها كبالك افتهمت..

جوري .. باوعتلي وخزرتني واني اباوعلها اريد تنصفني بس كالعادة بيبي امرها لمسيطر وتمشي بعقلها ...

بيبي.... وانتي امشي يله رجعي لعيالج واعتذري منهم ماعندج لسان تحجين وتاخذينهم بكلام الحلوو  ..

جوري ...باوعت لابوي مثل البزونه فاتحه عيوني ومدمعه جر حسرة ابويه سكتت مكدر يحجي شي بوجود امه ولان بيبي عصبيه وتريد تمشي كلمتها. وماما هم وكفت ضدي وتتعارك ويايه  ....

ام جوري... عضت اصبعها ..اخخخ صوجج لو بس تبطلين عنادج وصيرين شاطرة جان رتاحيت...

جوري ... مجاوبتها شي جريت حسرة اباوعلهم وابجي بيبي اصرت انو ارجعلهم طلعت من اهلي مكسوره احس محد يريدني لا اهلي لا عيالي اووف وين انطي وجهي بهل ضهاري ماريد ارجعلهم تعبت ياربي منهم لو اخدمهم بعيوني هم اطلع مقصرا  بقيت اشهگ وابجي دامشي واحس شمس ضربتني دوخه قويه انسندت ع حايط وغمضت عيوني لازمه راسي سمعت صوت واحد جفلت ..

.. جوري ...

جوري .. فتحت عيوني ونداريت شفته هذا حسام ابن جيرانه ارتبكت ..

حسام ..  شبيج خيتي محتاجه شي وليش طالعه بهذا الوقت ..

جوري .. باوعته ودموعي تنزل مسحتهم .. سلامتك خويه ..

حسام .. ليش تبجين صاير وياج شي...

جوري .. لا بس شوي حسيت بدوخه شكرا الك. لازم اروح هسه...

حسام .. ع راحتج ..

جوري ..كملت طريقي واحجي بداخلي هه الغريب يسألني ويهتم اكثر من اقرب الناس الي. اااخ يدنيا بعد شضامه الي وشنو راح اشوفه  وصلت لعيالي فتحت باب واخذت نفس بس بعدني مختنگه اول مدخلت صارت عمتي كبالي وعقدت حواجبها...

يسر ... شكو رجعتي مو كلنه ماكو رجعه ...

جوري ...اااخ الابنيه الماعدها اهل وتنذل لو اهلها بالوجود مايخلون الها كرامه عاد جان خلولي اعتبار الي سند طردوني بضهاري ورجعت الهم مذلوله غير بتفاهم تنحل الأمور واني صغيرا يحجون وياي مويتعاملون بأسلوب ضرب وطرد جريت نفس ودنگت دموعي تجري وگلبي احس راح يطگ من القهر وضربة شمس براسي .. اسسفه عمه بعد ماسويها ...طلعت مروه ..

مروة ...ياااا يمه مو كلتي بعد مترجع البومه اشو رجعت شنوو مانخلص منها.......

يسر....شنسوي يمه فاس وكع بلراس  ...

جوري ...حيل نقهرت من حجايتهم سحلت روحي صعدت لغرفتي فتحت باب لكيت علي كاعد ومشتري لابتوب اشوفه يضحك بس من دخلت باوعلي بخزره ورأسن عاط جفلت ..

علي ..شكو رجعتي...

جوري ...دنگت راسي ...  اسفه حبيبي والله ماعيدها من باجر اكعدلك وااشتغل.... محجه شي باوعت الغرفه هوسه بديت ارتب بيها بس عيني ع علي اشوفه مندمج بلابتوب خلصت الغرفه كعدت يمه ع فراش صارت شاشه لابتوب كبالي باوعت يدردش مدري ويامن. انتبه عليه دباوع ندار عليه خنزر بوجهي...

علي.... شكوو تباوعين شي ميخصج....

جوري .. ها اي بلعافيه على لابتوب..

علي ..  بس هاااا ديربالج تمدين ايدج عليه فاهمه...

جوري .. هزيتله راسي بمعنى اي. بس حيل ختنگت منه ونعصر گلبي  لشوكت هيج يضل يتعامل وياي تعبت منه ليش اني مو مرته وشنو الفرق مو يكولون المرأه والراجل واحد المفروض هسا واجبي اخدمه كزوجه غير يعاملني كزوجه اووف والله تعبت من عندا ضليت ادردم بداخلي حسيت نفسي مخنوكه تذكرت عندي دفتر اكتب بي من اضوج فتحت جرار طلعته اخذت قلم وصرت اكتب اجتي فكره بالي اكتب شعر ..

( تانيتك عالبحر وي الشمس الغروب وازرعت عالروح همسات وهواجس وصحت ابصوت من بحاته متعوووب! وعلى حالي بجيت حتى النوارس ) كتبته

كتبتها بدمعت عين. كتبت التاريخ جوه الشعر 2012\11\22 مصادف يوم الخميس بقلم جوري )...سديت الدفتر وتنهدت شفته يباوعلي ومعاجبه الوضع رافع تك حاجب ..

علي .. شكو كاعده وبس تعوين يمي لو تنزلين جوه يم اهلي احسن من دوخت راس ....

جوري....دنگت راسي وگمت .. ماشي رايحه اخذ راحتك... نزلت بس اريد احد اشكيله همي افتحله گلبي افتريت بلبيت لكيت محمد اخو كاعد ويدرس كلت اروح اكعد يمه صار زمان مامسولفله ويا  محمد من تزوجت لليوم ماله حس معاد مثل قبل يسولف وياي ماعرف شغيره. وصلت يمه شافني ..

محمد ... ها جوري رايده شي...

جوري ..لا سلامتك عادي اكعد يمك ضايجه ..

محمد .. اكعدي عادي..

جوري .. شلونك بلدراسه ..

محمد .. شوفت عينج كوه اقره ماكو اي واهس يمكن راح اتركها للدراسه....

جوري ...... لا حمودي حرمات والله تندم مثل مااني تندمت والله مشتاقه ارجع للمدرسه وصديقاتي هسا احس نفسي بسجن .. اخذت نفس عميق ياربي شكد حنيت ارجع اهلي وترجع ذيج جوري طفوليه الي مايهما شي ولاتفكر و تسولف وتضحك اي ياوكت شسويت بيه او اني شسويت بنفسي بس اذا علي او غيرا هذوله اهلي لازم نتزوج واحنه صغار غصبن علينه صافنه واحجي ويه روحي...

محمد ...هلووو نحن هنا وين صفتني..

جوري ..ههه  هيج... سد الكتاب ونفخ بتعب .. خاف زعجتك او لهيتك عن دراستك ..

محمد .. لا خلصت بس ضوجه شتكولين نلعب لعبة اوراق ..

جوري .. بحامس.. يلا علوا خلي نكسر الملل ضوجه فوول ... جابلنه الاوراق ودنلعب وجان تجي مريم وتتخوصر وتطگ بالعلج شافتني كاعده ويه محمد وحدنه نطت اعيونها  ...

مريم ... يا عزه شدتسوون وحدكم وانتي شعندج كاعده ويا شكد متستحين لعد متختله وي حماج ...

جوري .. فتحت اعيوني صدگ ليشوف ناس بعين طبعه ... شبيج مريم كاعدين نلعب ومحمد مثل اخويه واذا شمسوين يعني وشبيج متفاجئه اصلاً ...

مريم ... بصوت عالي ...شنوو وهيج كاعده بصفه لزگ موو عيب شگد صلفه ..

جوري ..شهگت ..ياااا وين بصفه عزه شتخربطين انتي هيوو احجي عدل...عافتني وراحت ..

محمد...يمعوداا عوفج منها تولي هاي ادبسزز دور مشكله ..

جوري .. بس الله يستر من هيج نماذج ...وضلينه نلعب بس حيل نغثيت لايمها لااتقرب منها ليش تكرهني وتسوي مشاكل وياي نزل
علي من الغرفه واسمع تحجي ويه وتوزا عليه ..

مريم ... علووش عيني روح شوف مرتك شلون كاعده يم اخوك لزك روح ادبها شوي...

  علي ..اباوعلها منفعله وتحجي مادرت بال الها لان أعرفها ام مشاكل واكيد خلت جوري بعقلها ... جوري وينج ...

جوري ..رحتله اركض.. ها حبيبي...

علي ... شدتسوين..

جوري .. ويه محمد نلعب اوراق...

علي .. امشي روحي سويلي اكل جوعان...

جوري .. ها شسويلك...

علي... سويلي دجاج حمس...

جوري ..بلعت ريكي وحجيت بكلبي عزه وهذا شلون يسونه نوب عمتي نايمه فززني من عاط بوجهي..

علي .. بصوت عالي .. بوجهي لاتصفنين ولي عااااد سووي زقنبوووت ع سررريع...

جوري ..بسااع جلفت من مكاني ورحت  للمطبخ سريع ضليت اروح منا وجي منا ياربي ماعرف اسوي شلون خلي اروح اسئل مروه بلكت الله يهديها تعلمني دكيت عليها باب واني متوترا جاوبت ادخل فتحتها لكيتها تدرس بغرفتها هيه كليه  ..

..فدوه مروه شلون تسوون دجاج الحمس علي يريد وحايرا بزماني ماعرف وتدرين باخوج كبريت بساع يگب ..

مروة ... وشبيج عيني متعرفين تسوي هي دجاجه خلي بالزيت تش تش ستوت ...

جوري .. لاء اهلي مايسو فلهذا ماعرفله بس نطيني طريقه ...

مروة .. باول تحمسين بصل وفلفل ونوب تسلكين دجاج حته تروح زفرته وبعدين تقطعي وتضيفي ع بصل وفلفل وتخلين اله بهارات وملح...

جوري ...شنوو هستوج تگليلي تش تش هاي هواي عقلي ميستوعب هالكميه ..

مروة ...احد گلج اني منال العالم ..

جوري ...ويع يعني اليوم تصير ريحة ايديه بصل ..

مروة .. اؤي عيني سندس تخاف ع ايديها لاوالله فلا يصير براسج خير امشي وياي للمطبخ..

جوري .. راحت طلعتلي دجاج من مجمده خلته بجدريه وماي علمود تروح زفرته ويموع ..

مروة .. هيوو شكو واكفه اخذي بصل ثرمي ناعم..

جوري .. اي ماشي.. اخذته بس صراحه لعبت نفسي منه اول مره اسوي نوب جابتلي دجاج ..

مروة ..لاتباوعين عليه كصصي انتي ..

جوري .. شلت قطعه بيدي ..شلون ..اخذت مني سحبت سجينه حيل وتخنزر بوجهي ..

مروة ... حتى هاي متعرفيها لعد شتعرفين حضرتج ..

جوري ..ضجت من تصرفها وياي حتى اختنكت واريد ابجي گصصت شوي ..

مروة .. يله دشوف كدامي گصصي انتي ..

جوري ..اووف اخذت سجينه نوب تزحلگ من ايدي ثرمته ناعم مدبرتها عاطت بيه وصارت عصبيه كعدت عمتي شافت مروه تتعارك وصوتها عالي...

يسر....  شكو شبيج بس تصيحين ...

مروه .. يمه تعاي يمها اني معليه خبلتني بربج دجاج متعرف تحمسه هاي وين عايشه بيا مله..

جوري .. راحت غرفتها وطبكت باب. اجتني نوب عمتي تكلب بعيونها معاجبها..

يسر...شنو هاي المن تسوين ..

جوري ..علي راد مني اسوي عشا ..شافت دجاج بيدي

يسر......شمسويه مو هيج يله ميخالف هلمره مصار مره ثانيه ضبطي...اخذت بصل والفلفل حمستهم
.. انتي كملي دجاج ثرمي ..

جوري ...بعدني داثرم بلدجاج ويزحلگ وجان اجرح اصبعي ودم يجري شاغت روحي صرخت عمتي  ..

يسر ...ولج غير على كيفج اامشي روحي خلي قطن وعقمي.

جوري ... رحت للغراض الي يخلون بيها ادويه وهنا علي يصير بوجهي باوعني وخنزر لو اعرف هاي خزرة من ولادته لو بس من يشوفني..

علي .. بنترا ...شنو بعدج ماخلصتي ..

جوري ..دنگت راسي ودمعه بعيني كوا حجيت مادري ليش ارتبك كدامه .. مو نجرحت وعمه تسوي ...

علي ... ولج شلون وياج انتي ليش امي تسوي شنو دورج لعد لو باقيه عند اهلج مو احسسن وليي عاد خمس دقايق والكه الاكل جاهز وله تعرفين شسوي بيج....

جوري ... هو يحجي احس سجاجين تصير بگلبي واگفه ودموعي تجري اكرهه لمن يصرخ عليه خليت قطن باصبعي وفوكا لاصق ورحت للمطبخ كملت وياها حمس دجاج وهيه دردم عليه ويزيد القهر اضعاف احس گلبي روم من وراهم كلشي مايعجبهم يردوني اصير بنگلادش وبس ما الي دور بالبيت بس نضفي طبخي نفخت بتعب احس اذني انطرشت من الاوامر...

يسر....اوووه مابيج خير اني زوجت ابني يرتاح لو حتى يتعذب...

علي ...جوري من زوجتها حيل تعبتي تصرفاتها طفوليه تزعل هواي دمعتها بعينها اني احب المراة عندها مسؤليه تعرف شأريد هواي اعلمها مايفيد بطيئه حيل وتتعاجز من اصخرها صح اشوف لهفه ولمعة بعيونها مايكفي حتى من ردت اكل من ايدها مادبرتها وجرحت اصبعها حيل تنرفزت من تصرفاتها الى متى تبقى هيح دخلت للمطبخ وگعدت على الميز اكل حجيت بهدوء...اني تركت الشغل..

يسر.... ليش يمه. ...

علي ... نسيبج بكلشي يدخل لان صديقي يوسف وياي يكلي شكو تمشي ويه هذا الساق....واني اعرف صاحبي كلش زين بس هو شكو يحشر نفسه بكلشي ولانوب يكلي اذا تبقى ويا تترك شغل وهاي اني تركت شغل علمود صاحبي آنعل آبو لآبو شـغلهہ.....

يسر..... اي يمه عوفه هذا زوج اختك فضولي وميحجي غير صفاته أن شالله تلكه احسن شغل.

مهند ...هلا شبيكم صاير ومادري ..

علي ...حجيت الصار ..

مهند ... تعال اشتغل وياي بل مولد عند ابو فلان...

علي ...  أي صدك شلون مافكرت بيها ...

مهند ... اي لان محتاج عامل ويانه ...

علي ... خوش من باجر اباشر بس ها اريد خفاره...

يسر ...وليش خفاره ومرتك وين تولي..

علي ...وووف وشعليه بيها دخلص منها تعبت من المشاكل البيت ...

مهند ...اكلك علاوي ترى خفاره 12ساعه تتحمل ...

علي ...  اي عادي طبعا ..

جوري ...لازمه الاكل بيدي احس شبعت بأول لگمه وحترگت معدتي حيل اختنكت من كلام علي يوم بعد يوم يصدمني انو هو مطايقني گمت من ع كرسي ولاكلت صعدت غرفتي ابجي متحملت الي سمعته ورى ساعه صعد وكل عادة وجها مايگصه الموس وينافخ ..

علي ... شوفي ولج من باجر تكعدين الصبح بل 10 ارجع من شغل الكه ريوك جاهز فاهمه...

جوري... ان شالله... .

علي ... وهسه اروح ساعه 10بليل..

جوري ..  ها وترجع 10صبح ..

علي . اي ...

جوري .. دنگت راسي مقهورا بس اذا ماسئله مارتاح .....واني علي شلون يطاوعك گلبك تعوفني اني مو مرتك ...

علي ....ايباااه و شبيج شراح يصيرلج صبح شوفيني وشبعي شوف اذا تردين روحي اهلج  ...

جوري.... مو هستوك تريد مني ريوك ...

علي ... شنو متعرفين ترجعين...

جوري ..گعدت ضايجه .. مادري لو اروح لو لا....

علي ...  كيفج يطبج طوب...

جوري .. اني تعلمت ع سلوبه الجاف وتعامله وياي كلت خلي اكله يشتري موبايل حتى اخابره من اشتاقله.....علاوي ...

علي ... شكو شرايده...

جوري ...ممكن طلب...

علي ...خير ...

جوري ... اريد موبايل نوعه سلايت حلو...

علي ...  وشسوين بي بلله ..

جوري ..اخابرك واخابر اهلي من اشتاقلكم. ...

علي ... ميحتاج تخابريهم اشو همه بصفج ترحين شوكت ميعجبج واني قابل وين رايح...

جوري ...رحت يمه وخليت راسي على صدرة رغم كرهت نفسي على تصرف استمع دگات گلبه وانفاسه تضرب شعري  ...حباب بس اني عاجبني....

علي ...سكتي لاتلحين كتلج ماكو ولصمي....

جوري .... عافني وراح للشغل اني بقيت ابجي ع حظي من كلشي حارمني هذا لا وهذا لا خليت ايدي على خدي وضايجه شوي وندك الباب رحت فتحتها .....ها مريم خير ...

مريم ...  تعاي نزلي جوه نامي ليش وحدج مو تخافين ....

جوري ... يله ماشي ...لبست شالي ونزلت لكيتها فارشه منادر بلكاع رحت يمها واسمع مروه تحجي وي عمتي ...

مروة ... اي يمه الحبايب ملتمات ...

يسر ... سكتي لاتحسديهن هسه يتكافشن الله يهديهن.

جوري ...درت وجهي واشوف مريم متحجي وياي مندمجه بل موبايل تسولف ويه رجلها. واني صافنه ماعندي شي التهي بي ويكسر الملل ...مريم ..

مريم .. ها كولي...

جوري .. مهند ابد لاتخسري متلكين مثله والله اتمنى لو علاوي مثله يعاملني يشاقيني يسمعني كلام حلو ابد. ونوب حارمني من كلشي حتى طلعه ممنوعه عليه.

مريم .. الله يساعدج بس هو ليش هيج وياج خاف لان يحب غيرج مثل متعرفين شمس بنت خالتي جان وياها علاقه....

جوري ... فدوه مريم سكتي لازيديها عليه اروح انام احسن ميفيد الحجي مددت وغمضت عيوني ودمعه بعيني اكرهه احد يكلي يحب غيرج ولا ينجاب طاري هاي تسمه شمس الله يحرگها ومرت الايام وعلي مثل ماهو واكثر صار حتى هاملني وكل وكته مكضي بلمولده يجي يمي ع كد نومه اكله ويطلع مامفتهمه منه شي....

يوم منهن العصر عمتي ومروه ديرحن للكاظم واني كاعده وضايجه رحت لعمتي ....عمه اجي وياجن صار هواي مزايره الامام مشتاقه ...

يسر ...زين غير تكليله علي ..

جوري ..بس ماعندي موبايل اتصل...

يسر ... ليش لهسا مجابلج ..

جوري ... ميقبل يشتريلي ..

يسر .. بعد احسن يولي ...

اجه عمو رحتله ... فدوه عمو خابر ع علاوي كله جوري تروح للكاظم ..

ابو علي .. ماشي عمو اخذي واحجي ويا براحتج ..

جوري .. اخذت موبايل اتصلت عليه جاوب.. الو..

علي..  ها شتردين...

جوري .. عادي اروح ازور للكاظم ويه عمه ومروه...

علي ..شعندج رايحه ماكو مترحين...

جوري .. ليش حباب بس هلمره ...نسحب مني الموبايل درت وجهي واشوف عمو ضايج ويحجي ويه  ...

ابو علي.... وليش ولك متخليها تروح وغصباً ماعليك تروح ..

جوري ...ضل يحجي ويه علي بعد محجه شي سده..

ابو علي...  عمو معليج روحي لبسي وطلعي قابل وين رايحه فدوه للامام ..

جوري ...شكرا عمو ربي يخليك.. صعدت كلي نشاط  لغرفتي بدلت وطلعت شال لونه رصاصي كعدت كدام مرايه اتفيك بي  مكيفه راح اطلع لبست عباتي ونزلت مروه شافتني فكت حلكها واعيونها ..

مروة ...  شكو مخليه كحله وحمره ولي مسحيهن مرايحين حفله ..

جوري ..شهكت ..اني شوكت مامخليه حمره هنه شفايفي ورديه والنبي ...

مروة ..  والكحله هم من الله...

جوري .. لا هاي مال بارحه مجاي تروح ...

يسر....بصياح ...مروة يالله امشن اتأخرنه ...

جوري ...اشوف مروه خنزرت عليه احسها تغار من عندي ركبنه تكسي كعدت اني بلنص واشو هذا وجهه لمرايه عليه ويباوعلي دنكت راسي لحد ماوصلنه دانمشي الجسر ويفوتون شله شباب شافوني وكامو يغنون انا وياج يام شامه واحد منهم غمز وثاني يهز جتف ويضحكلي ولخ يهز بحاجبه. عمتي ومروه تخبلن عمتي تعاركت وياهم..

يسر ...ياخاله لكم متستحون ماعندكم خوات...

جوري .. ونوب مروه  شبعتني تگرص...اخخ ولج اني اعلمج بالبيت ..

مروة .. تستاهلين لو مجايه احسن مو حقه علاوي ميخليج تطلعين....

جوري .. مجاوبتها بشي لان مراح اخلص من لسانها بس حيل اختنكت وصلنه لامام اول مدخلت ضريح كتله ياموسى بن جعفر دخيلك حنن كلبه عليه والله تعبت من عنده ومن سلوبه وياي بقيت اشهك وابجي كعدنه نصلي ونقره زياره بس اني داقره بعدني واجتي وحده تكلها عمتي ..

..هاي بنتج الحلوه تنطوها اريدها لـ ابني حسوني

طبعا مروه جكت حلكها وضحكت وصارت حمرا من الخجل وعمتي همين بين الفرح بعيونها...

يسر ..بس بنتي تدرس كليه وبعدين انتي متعرفين ماضيها شنو شبساع عجبتج واجيتي خطبتي...

...نصدمت المره ...عيوني بس بنتج مستحيل مابين عليها كليه طفله فدوه شلون تقره زياره تعرفين ضليت ارقبكم من بعيد من اول مدخلتو الامام ..

جوري ..اباوع مروه عقجت وجها عرفت تقصد عليه ضاجت حيل ..

مروة .. خاله هذي مرت اخويه شدتحجين...

..... هااا حررمات والله لو مامزوجه جان اخذتها ابني حيل عجبتني الله يسعدها...

جوري .. سديت الكتاب وباوعتهن يحجون اجتي يمي المره..

... صدك حبيبتي نتي مزوجه كتلها...

جوري ... اي خاله ..

.. اؤي فدوه بعدج صغيرونه..

جوري .. اسمع مروه تحجي ..

مروة .. يبو شبيها هاي لزكت شنو مصدكتنه وراحت الها ..

.. اترخصت من عدنا المره وراحت ومروه ضلت تباوعلي وتخنزر عليه. عمتي كالت يله نرجع لزمتني حيل من ايدي... ااخ مروه شبيح ..

مروة ... سمعي ولج اي واحد يفوت ويباوعلج تشوفيله الحلقه صار معلوم ...

جوري ..اي بس عوفيني شبيج ...

يسر....مروه بله هلسوالف وامشن عاد دنرجع للبيت مو شكول طلعه...

جوري .. طلعنه نوب امشي واتعثر بلعبايه ماعرف البسها ياساعه انجبح خرب غير تنعدل ساعه تنزل ساعه الف بيها وهاي مروه تمشي وتريد واحد يباوعلها محد يباوع الانظار بس عليه واحس هيج بودها تكتلني بسبب غيرتها. رجعنه للبيت اول مدخلنه صارت بوجهنا مريم....

مروة ... هاي وين جنتوو عيني متونسات بخت ليش متكللي اجي وياجن لو بس جوري تعرفن تكللها...

يسر... هوب هوب عيني عل كيفج استلمتينه حاصل فاصل. اول شي احنه منكلها هيه رادتت تجي وعلي مقبل بس خالج كلها روحي معليج وثاني شغله رحنه نزور ماريحين للونسه.

. مروه.... يمعوده ياريتها مجايه ماكو واحد متحرش بيها  ...

مريم ...يااا عزه صدك مروش يجي علي ونكله ..

يسر...  عاطت ...اسكتن بله لغوه زايده  ...

جوري ...اباوعلها مصدومه شكد خبيثه هاي شدتحجي شنو هيج تكول عليه ونوب صدگ خفت تكول علي وهذا مايعول يلزم عليه لزمه صعدت لغرفتي وبس ادهك وابجي اوف ع حظي حته طلعه ماتهنيت بيها وين ماولي قهر ....

...اجه علي من الشغل عنده شفتين نوب بنهار ونوب بليل. جا تعبان سبح ونام وحتى محجه شي وياي. اني هم رحت سبحت لان تعبت من رحت للكاظم طلعت مددت بلفراش لحد مشفت نفسي اله غافيه واشوف بلحلم تجي وحده ماشوف شكلها بس خيال جبير حسبالك ابنية تباوعلي واعيونها تجدح شرار الخوف تملكني وهي تلزم علي من ايدى وتاخذا مني وتروح كبل فزيت من نوم واني الهث وايدي على صدري خليت اديه على عيوني افركهن درت وجهي شفته نايم بصفي ملامحمه الهادئه وارموشه الكثيفه حسبالك رموش طاووس جريت ايدى خليت راسي برگبته حضنته ودموعي يجرن ريحت انفاسه وعطرا خلاني اهدا شوي اسمعت صوت موبايل بي اهتزاز كمت اباوع شفت موبايله يرن وبس رقم كلبي لعب حاسه اكو شي من وراي شوي وكعد اخذ موبايل نطا رفض كبل لبس وطلع بدون ميحجي وياي...

علي...طلعت للشغل وهناك وتصلت .. الو هلاو  حبي شلونج اسف جنت نايم وجهاز صامت جاوبتني وهي تتموع ..

.. هلا بيك علاوي لاعادي مصار شي هسه انته وين خاف مرتك تسمعنا...

علي ...  لا طلعت للشغل ودحجي وياج أحبج ...

.. اووف علوش لوو كايلها قبل لاتزوج جان هسه ني مرتك ...

علي ...كلشي ولاتضوجين يروحي مستعد هسه اطلكها واخذج ...

...ميفيد بعد علاوي انته ضعيعتني من ايدك دمرتني بزواجك ..

علي ..  لا مضيعتج اجيت اخطبج وابوج رفض ..بهل اثناء دخل صديقي سجاد.. يله حبي باي بعدين نسولف سديت الخط ...هلا بلضلع شلونك احوالك...

سجاد ...هلا بيك متعمر اركيله اليوم خفاره وياك...

  علي ...اي مو تدلل جبت اركيله وكعدنه نركل....

سجاد... اي سولفلي علاوي شبيك احسك ضايج...

علي ... فركت جبيني متوتر اريد احجي الي بگلبي احس نارتسعر ماعرف اشبيه ....مو بس هيج دايخ والله سجاد ليش احنه كل الي نريده منكدر نحصله بهاي الدنيا ليش أحلامنا بسيطه بس ماتتحقق ...

  سجاد ...اووه حالتك حاله ...

علي ...واكثر احس نفسي بين نارين عقلي يحجي شكل وگلبي يحجي شكل واكف بنص ماعرف اي حجي اخذا ....

سجاد ...والله ياخوي المكتوب على جبين تشوفه العين لابيدك ولابيدي احجيلي شنو سالفتك اسمعك....

علي ...جريت نفس من نرگليه وتلاشى دخان اتمنى هيج تتلاشه اهمومي وصرت أسولفله ع حبي من شمس وامي راحت خطبتلي بنت خالي واني اصلا مطايقها لان بالي يم غيرها. وهيه متعرف بيها شكد عنوديه بربك رجال يرجع من شغله يلكه مرته نايمه للضاهري هاي هم عيشه. تجبرني امد ايدي عليها واتعارك وياها. ويااخي الگلب ومايهوى حبيت بنت عمتي...

  سجاد ...عوفك من دراما والعشق المستحيل هسه اسالك مرتك تحبك ...

علي ... اي تحبني بس مشكلتها متفهمني متعرفني شنو الاحبه شنو الاكرهه...

سجاد ..اخذ نفس من الأرگيله .... شوف حبيبي مدام هيه تحبك ليش متعرف تسايسها لاتتعامل ع طول بهذا اسلوبك المتعجرف وبعدين ليش انته متفكر بلي جاي تسوي صح لو غلط كاعد وتخابر من وراها ليش وهذيج بعد راحت خليها بسبيل حالها وتشوف طريقها يااخي انته تزوجت واستقريت بعد ليش تزيدها عليك وجايب دوخه لراسك مرتي اكعد وياها احجي افهمها اعلمها انته راح تربيها ع ايدك بعدها صغيره ومداركه الحياة شمعرفها كاافي تفكر بس بروحك. علي بلله بريئك تسوي غلط يعني هسه اني خليت مكاني مكان مرتك طبعا تدري بيه اني حبي من طرف واحد. الي هيه بنت خالي سبق وحجيتلك. يعني اتمنى لو بس تحبني شكد حاولت وياها. وكلت اسوي المستحيل اروح واخطبها ومستعد انتظرها لاخر العمر....

علي ...ابتسمت صفح ...هه وكفت الدنيا عليها شنو كومه بنات غيرها ...

سجاد...ايباااخ مو توك تكلي الگلب ومايهوى

علي ..اخذت نفس نركيله ...هي اخر مره  طلبت مني موبايل ورفضت اجيبلها ماعرف بنفسي ليش هلكد قاسي وياها وحتى ماتقرب منها لو احجي وياها ...

سجاد ....صدك جذب علاوي لك هاي طفله هسه يعجبها تدللها تهتم بيها جان ع اقل تسمعها حجايه حلوه حتلو متجيبلها لشوكت تضل بس تفكر بروحك باجر مترجع للبيت والا رايح مشتري الها موبايل وفرحها لمسكينه شايفه منك بس الاهانه والضرب الله يساعدها...

علي ...حيل ضجت لان ذب الوم عليه هي جوري عنوديه فركت راسي من توتر ...بس عاد ااسكتت ماريد اسمع شي منك طلعت اني غلطان مو ...دفرت اركيله عليه وطلعت..

سجاد... عمري 25سنه تارك الدراسه بسبب ضروفي. صرت اشتغل عامل واخر شي لكيتلي شغلة ب مولده ويه ابو حسن. يوم منهن رحت للشغلي ولكيت عامل جديد ويانه تعرفت عليه اني من نوع اذب ميانه بسرعه ويه شخص واضحك واشاقه وخاصتن اذا ارتاحله وصار علي صديقي المقرب الي ومره من مرات خابروني اهلي وكالولي ع حبيبتي نخطيت احس الصاعقه ضربتني عقل مضل براسي رحت الهم نار كبرة وصلت لبيت خالي وخربت الخطبه سويته يوم اسود عليهم تعاركت وقاولتهم من بدايه سجى الي متصير لغيري وگفت بنص الديوان واحجي وياهم القريب أولى من الغريب خليتهم ينخرسون گدامي طلعت من بيت خالي زهكان وروحي بخشمي  كبل رحت للمولد لكيت علي موجود كعدت يمه بما انو هو صار صاحبي المقرب حجيتله سالفتي. وبعدين صرنه واحد يشكي للثاني همومه بس يوم منهن طلعت من وكت للشغل ولان عندي خفاره ومعندي شي رحت واسمع علي يسولف بلموبايل كلت اكيد ويه مرته سد الخط بس لمن حجالي فاجئني اني مستحيل اشوف شي غلط واكدر اسكت عليه فكرت انصحه واكله. ولو هو ماكو انسان ميغلط بس لازم اصحي. خطيه هاي مرته تحبه يعني هي هم انسانه وعندها مشاعر اووف بس علي راسه يابس ...

جوري ...اني  بغرفتي  وأكفه افتر واروح واجي والوب ع علي احس ضام شي عليه او عنده شي كلبي حاسس اني مداشك بس احساسي يكلي واني اعرف هو يحب بنت عمته شلون يربي المن احجي لزمت راسي راح ينفجر من تفكير المن اكول اهلي اكيد مراح يصدكوني. عيالي اكيد يوكفون ضدي اتمنه الكه شخص احجيله الي بيه ويسويلي حل اووف ياربي محتاجه مصباح علاء دين هساا اني شفكر تعبت من عنده نوب تذكرت الحلم صرت فد نوب كعدت ابجي رفعت ايدي وگلبي ملجوم  وندعيت من كل گلبي وكلت.... ياربي انته اعلم بحالي مالي سواك عاين حالي وساعدني اكسبه لزوجي واخلي يحبني جاي احترگ من نار الغيرة هواي احبه ياربي بلكن منا منا واحد يحجي ويا  ...مدري ليش بهلحظه اجه بالي صديقه يوسف كلت ماكو غيره يكدر يحجي ويا اشو هو ترك شغله علموده فكرت اتصل بخطيبته ريام واحجيلها وتكله اليوسف بلكت علي يحس بيه. بس لا شلون اكلها خاف تكول تشك اووف مادري شلون جااي افكر اريد شي يساعدني مثل الغرگان ويجلب بقشه اريد ولو شي صغير يساعدني ....

يتبع ..

آنثى 💜 ملائكيه

اخطاء لايمحيها الزمن

لآتنسـو آلتصـويت حبآيبي

تابعو البنوته وشتركو بكتابها زهرة الوتس

user53624460