رواية اخذوني فصليه الفصل السادس 6 - بقلم Lamar Ali

عاد حسام ومحمد لبيت حسام حتى يبشر براء
محمد: براء بروو بابا كال نعقد بالمحكمه وباجر علا اجهزنه كلشي
حسام : اكو مفاجئه محضرها الج بيوم العقد  اني ومحمد
براء : شنو المفاجئه
حسام : يله روحو للبيت عندي شغل باجر يله من غير مطرود
محمد: رايحين شبيك على الاقل كول ابقو للعشه بمناسبه راح تصير عم
حسام: من تعقدون اعزمكم على العشه هسه عدنه شغل اني ولاء نريد نخاوي ملوكه
ولاء: حسام شنو هالحجي عيب
حسام : ليش عيب مرتي واني حر بيج وثاني شي غرت من اخوية
محمد: يله روح جيبو اخو لملوكه احنه طالعين
براء: يله مع السلامه

طلعو ورجعو للبيت اول مادخلت براء
ابو حسام: براء تعالي عمو
براء : نعم عمو
ابو حسام : مبروك بنتي ان شالله تكومين بالسلامه
براء : باست راس عمها ...بوجودك عمو
ام حسام: بالخير بنتي من الصدمه ماباركتلكم
محمد: يمه فدوة لكلبج اني ادري بيج فرحتي بس خفتي على براء
ام حسام : هااا هااا ... اااي ااي اني خفت عليها
براء: من رخصتكم اني راح اروح انام

في اليوم التالي
علا: محمد حضرت كلشي باجر المهر المحكمه وحسام ماعرف شصار من شغلته
محمد: عاشت ايدج اختي
ابو حسام: باجر براء تنزع الاسود اريدها تروح للمحكمه عروس
ام حسام : بس
ابو حسام : ام حسام بدون بس الكلته يتنفذ
علا: عاشت ايدك بابا كامت باست ابوها وباوعت على امها الضايجه ... وراحت باستها وكالت فديتها امي ام كلب الجبير اكيد من كلتي بس علمود الملابس مو ماما
ام حسام: ااي هو اني قصدي الملابس ماعدها غير احد يشتريلها بس ابوج الله يسلمه بس يريد يفشلني كدامكم
ابو حسام: ماعاش اليفشلج وكام باس راسها
علا: محمد ماكو وكت اروح اشتريلها
محمد : لا انتي لاترحين اني اروح لان انتي تفرين السوك كله ومايعجبج شي
علا: لعد شتريد اشتري شلون ماجان
محمد: خل اروح هم يله الحك اشتريلها
براء: انتو بكيفكم تحجون عمو اني مانزع الاسود حالي من حالكم ابقه لابسته
ومايحتاج تشترولي
ام حسام: لايمه لازم تنزعي مايصلح عليج هم حامل وهم عروس وعيب كدام العالم
محمد: يله رايح

بعد اقل من ساعه رجع محمد
علا: شنو هاي محمد بعدك ماريح
محمد: وين اروح
علا: تشتري لبراء ملابس
محمد: رحت واشتريت وبالسياره مخلي هسه انزله
علا: بهالسرعه عزززة هسه يطلع يلعب النفس
براء: لا علا اكيد ذوقه حلو محمد شنو من ايده البسه حتى لو كونيه
علا: اذبح وليد اذا يشتريلي بكيفه
براء : صدك وليد مختفي
علا: مسافر صارله شهر بعد يومين يرجع
براء: يرجع بالسلامه
محمد: هاج براء قيسي
الملابس عبارة عن بنطرون وسترة لونهم شكري وقميص وردي وحجاب وردي وحذاء كعب وردي
علا: واووو لك شنو هالتنسيق يخبل وهي تباوع لمحمد وتعقد حواجبها لاتقنعني هذا ذوقك
محمد: تردين الصدك القاط ذوقي بس القميص اختيارة صاحبه المحل وهي اقترحت عليه لون الحجاب والحذاء والجنطه يعني الشغله بيها مساعده
براء : عاشت ايدك  راح اروح انام علا عود انتي علكي
محمد: لج ساعه 8 ونص وكت نوم والنوب شوكت ماجي الكاج نايمه
ام حسام: نساوة مرتك بالنوم
محمد: يله روحي نامي

في صباح اليوم التالي
براء : علا ماحاجه تخليلي مكياج
علا: انجبي ماريد حجي وتسمعين كلامي افتهمتي
براء: بنفاذ صبر اااي صار
علا: يله كومي كملت ااوي لج شنو هاي طلعتي كمر ياربي لا لا لازم اخويه يضمج بكارتونة من الناس وعيونهم
ام حسام: هااا بنات خلصتو محمد منتظركم بره ماشاء الله تبارك الخالق عين النبي عليج يمه تعالي خل اقره عليج ايات من الحسد لاتصيبج عين
علا: يله اتأخرنه حسام منتظرنه بالمحكمه
محمد: صار ساعه منتظركم شعدكم من شاف براء انصدم طالعه كمر
براء: خجلت يله عاد محمد اتأخرنه لاتضل صافن عليه
ابو حسام : شاف محمد من صفن على براء وماصعد بالسيارة صاح على محمد
محمد ترى اذا اضل هيج واكف الغي سالفه مهر المحكمه
محمد: هااا لا بابا رايحين
علا: امشي وكت صفنه
محمد: علا تتبادلين اليوم بالليل بالغرف 
علا: امممممم شكد تدفع
محمد: لج ماعندي فلوس سويها شغله انسانيه
علا: منا لليل افكر
براء: هاي شبيك استحي
محمد: لج شنو استحي شيصبرني لليل اه لكيتها
براء: شنو الي لكيتها
محمد: وهو يغمزلها بعدين تعرفين
وصلو للمحكمه جان حسام واكف بالباب منتظرهم
محمد: هاا حسام الجماعه جوة
حسام: اي صارلهم 10 دقايق
محمد: حجيت وياهم
حسام: لا جاي وياهم سيدكاظم واني حجيت ويا
محمد : علا روحي جهزي حتى نخلص بسرعه ماريد اشوفهم
براء: شكو شبيكم تحجون على كيف
حسام : مو كتلج محضرلج مفاجئه تعالي خل اراويج المفاجئه
براء : وين المفاجئه تباوع وهي مستغربه
حسام : باعي كدامج
براء: اااااااه ماما بابا وراحت تركض وحضنت امها وابوها وكامت تبجي
محمد: لك هاي الثوله شلون ركضت
حسام : شبيك اهلها صارلها 6 اشهر مشايفتهم
علا: ودموعها تنزل على الموقف راح اروح اجهز كلشي

براء: ماما متغيرة وضعفانه وبابا انت هم شصاير بيكم
ام براء : يمه صايرة تخبلين مشتاقتلج فراكج صعب مامتحملينه
ابو براء: بنتي سامحيني اني السبب بكل العذاب النتي بي
براء: لا همه خوش ناس حبابين مايأذوني
ام براء: خو مايشربج محمد
براء: محمد حباب وعلا تشتريلي ملابس كله من الغالي كلهم زينين ويحبوني
ام براء: فدوووة هاي شطالعه بالله كومي
ابو براء: وهو منزعج هاي شلابسه ليش لابسه بنطرون
براء : بخوف بابا هذا محمد اشتراليا وكالي البسه اليوم
ام براء: ابو براء البنيه بعد بيد زوجها شيكللها تنفذ بس صدك بنتي شعجب جاي يعقدولج بالمحكمه
براء: بخجل وهي مدنكه راسها مو اني حامل
ام براء: صلوات ع النبي يارب يحسبه من نصيبج راح اصير بيبيه
ابو براء : بحزن بالخير بنتي
براء: ماما علي وين مشتاقتله
ام براء: علي بالعمارة مايقبل يرجع لبغداد
براء : ماما سلميلي عليه كوليله براء زينه ولاتخاف عليها
علا: يله براء صيحي اهلج خل يدخلون للقاضي يوقعون
ابو براء: يله امشي

دخلو للقاضي وقعلهم وكملت الاجراءات بس علا كالتلهم بعدهي ماخلصت حتى تبقى براء اكثر وقت وية اهلها

محمد: علا شبقه ترى طفرت روحي راح اخذها واروح
علا : لا لا كلنه نروح سوة خلصت بس اجيبهن واصيح براء
براء: الظاهر راح اروح علا جايه علينه
علا: مساء الخير
الجميع: مساء النور
علا: يله برو راح اروح للبيت
ام براء: خاله ديربالج عليها
علا : خلت ايدها على كتف ام براء ... نامي وراسج بارد عيوني اني لبراء
ام براء: الله يسلم عيونج
براء: يله مع السلامه باست امها وابوها
محمد: حتى مبروك ماكتج كابلتي اهلج وكعدتي
براء: هههههههههه شبيك تغار  يله مبروووك
محمد : وهو يبوس براء من خدها كدام امها وابوها لزمها من ايدها واخذها
حسام: يله اروح للبيت ابوية خابر
محمد : انطيني مفاتيح بيتك وانت روح يم اهلي
حسام : لا والله ابوية يريدكم انتو هم
محمد: اهوووو شلون سالفه
عند وصولهم للبيت
ابو حسام : مبروك شايفين كل الخير
ام حسام : مبروك 
ابو حسام: ابني بعد ماحاجه براء تنام بغرفه علا تكدر تاخذ مرتك بغرفتكم
محمد: صدك بابا وهو يبوس ايد وارس ابو الله يخليك النه
بعد ان ذهب محمد ليبلغ براء وعلا بقرار والده

ام حسام: ابو حسام تدري محمد يحب براء
ابو حسام: اعرف يحبها
ام حسام: وموضوع بت عمه شلون
ابو حسام : وهو يقوم راح يزوجها شهر الجاي ماكدر افشل اخويه وهو انطاني بنته
ام حسام : الله كريم

محمد: وهو يضرب علا على راسها ... ها خبله شجاي تسوي
علا: منيه الخبله ترى حتى الانسانيه اكطعها
محمد: اكطعيها ماريدها منج بعد
علا : هاااا هيج الحجي شنو التغير لازم خلصت المصلحه رحت تتلوك لحسام
محمد: لا انتي ولا حسام برووو يله لمي هدومج صارت غرفتج فوك يمي الله لايعوزني عليهم
براء: شلووون واهلك
محمد:ابويه وافق تبقين يمي بالغرفه
براء: صدك تحجي
محمد: لج هسه وكت سوالف علا وين كنتور براء
علا: وهي تأشر عليه هذا
محمد: فتح الكنتور كلها ملابس سود ....اممممم عوفيهن العصر نطلع اني وياج وعلا نشتري ملابس الج
علا: اااي بس مو تتأفف
محمد؛ اي بس مو تضلون بالمحل الواحد 3 ساعات
علا: نلعب قابل غير نختار هدوم حلوة
براء: كافي تتعاركون مانتأخر لاتخاف

بعد ان ذهبو للمول لشراء ملابس رجعو  الساعه 10 ونص بالليل
محمد: ااااخ رجليه التوبة اطلع ويه نسوان بعد يشترن هدوم
براء : هههههههههههه يله اني نعسانه راح اروح انام وهي متوجهه لغرفه علا
محمد: تعالي وين رايحه غرفتج فوك بعد حتى هدومج الجديده كلها فوك
براء: محمد استحي ترى
محمد: منين تستحين لج غير زوجج اني لو احسن بالبوكه
براء : اوووي يله جايه وياك

بعد دخلت للغرفه رادت تبدل ملابسها
براء : اطلع من الغرفه خل ابدل
محمد: وين اطلع بدلي كدامي قابل شكو  مااطلع
براء : محمد اطلع كتلك لو اني اطلع
محمد: كام محمد وقفل باب الغرفه وكللها يله بدلي لو تحبين اني اساعدج
براء: اووووف منك ....اخذت برمودة حتى تلبسها فتحت باب الكنتور ووقفت وراه حتى لايشوفها محمد
محمد: بررراء هاي شنو انتي صدك ماعندج احساس
براء: شكو شكو اريد ابدل
محمد : جيبي البرموده وهاج هذا لبسي
براء: باوعت علي ثوب نوم لونه زهري يوصل للافخاذ مفتوح الزهر يغطي الصدر الدانتيل الشفاف فقط.... انت تريدني البس هذاااااااا
محمد: وهو يغمزلها ااااي حلو مو شفتي ذوقي
براء: واني اكول وين غطيت وعفتنه
محمد: بلا حجي ولبسي
براء: مالبسه استحي
محمد: حبيبتي لخاطري
براء: ابتسمت لكلمه حبيبتي لانها لاول مرة تسمعها منه.... البسه بس بشرط
محمد: اي شرط اني حاضر
براء: طفي الضوه لازم
محمد: شلون اشوفج لعد
براء : معليه شوفلك حل
محمد: راح اطفي زين والبسي وتعالي على الجربايه تغطي وبعدين اشعل الضوة
براء : اومئت بالموافقد
طفه الضوة ولبست الثوب واجت نامت بالفراش غطت حتى وجهه من المستحه
شعل الضوة محمد وجر الغطه منها
براء؛ لك شكد جذاب انت ليش تشيل الغطه
محمد: اجه يتقرب من براء راد يبوسها لكن براء دفعته
براء: وخر محمد اوووف لعبت نفسي صايرة تلعب نفسي من ريحتك
محمد: لج هستوني سابح
براء: مادري كل ماتتقرب مني استفرغ
محمد: اووووف شنو هالحظ ماصدكت ابوية يخليج يمي النوب استاذ ابني يبعدنه
براء: هههههههههههه شسويلك يله هاك مخدتك وكوم نام بالكاع
محمد: وان شالله هاي السالفه لحد مايشرف
براء: لا سئلت ولاء كالت يخلص الوحام من تخلصين شهر الرابع يعني بعد شهرين
محمد : شهرين لا هاي هي استفاد
براء: يله تصبح على خير

في الصباح كعد محمد من النوم حتى يروح لمحله وعاف براء نايمه شال فراشه ورجعه مكانه
محمد: صباح الخير بابا وماما
ابو حسام: صباح النور
ام حسام: صباح الخيرات يمه براء كعدت
محمد: لا بعدهي نايمه
ام حسام: هاي وحامهم بس نوم راح اكعدها تساعدني علا راحت للكليه وبيت عمك جايين اليوم ع الغده
محمد: خليج يمه اني راح اكعدها
صعد محمد للغرفه
محمد: براء يله اكعدي امي تريدج
براء: اااي صار هسه ابدل وانزل

بعد استيقظت وانهت تنظيف المنزل جاءو بيت ابو جاسم وياهم بتهم تماضر ام حلك الجريه