رواية اخذوني فصليه الفصل الثامن 8 - بقلم Lamar Ali

بعد ان ذهب براء مع امها للبيتهم بقيت عند اهلها 10 ايام ورجعها محمد
محمد: مشتاقلج حبيبتي ومشتاق لهذا القزوم ابني
براء: حبيبي اني اكثر شلونهم عمي وخالتي
محمد: زينين منتظرين طروقه بفارع الصبر

وصلو للبيت
استقبلوهم وشالو الطفل جانت العائله كلش فرحان بطارق الصغير 

بعد عده ايام كانت الذكرى السنويه لوفاة طارق البيت كله مشغول يجهز
ام حسام : يمه حسام انت روح جيب اللحم  محمد هاك هاي القائمه روح للسوك جيبها
علا: ماما اني شسوي عندج شي ثاني جهزت كلشي باجر السنه مال طارق لازم كلشي جاهز
علا: انتي وولاء روحو جيبو الفواكه
نزلت براء من غرفتها وبيدها طارق
ام حسام: يمه ابني الحلووو نور البيت
ولاء : بس مو احلى من ملوكه عيني
ام حسام: يمه تفداهم روحي كل واحد منهم عين ملوكه وطروقه
ابو حسام: ام حسام جيبي الجهال يمي اريد اللعب وياهم ترى مايصير كله الج احتكار ملوكه ممنوع بس انتي تشيليها وهسه هم طارق
ام حسام: اوووي شكد تغار جهالي مانطيهم

براء تضحكت بحزن لانها تعلم ان موعد زواج تماضر ومحمد اقترب

اليوم التالي :
براء؛ محمد شيل ابنك عندي شغل اريد اكمل طبخ قبل الناس مايجون عيب
محمد: براء انتي كاعده من 4 الفجر وعايفته عليه
براء؛ محمد اليسمعك يكول جان كاعد شحال لو ما نايم الطفل وقبل نص ساعه كعد
ام حسام: محمد لاتلح روح اخذ ابنك واطلع يم حسام بيته هم شايله بنته
محمد : صار يمه

في بيت حسام:
محمد: حسام ترى هاي مو وضعيه
حسام:  شبيك تلطم
محمد: احنه صوجنه ازوجنه هيج نسوان اشو نسوان كبل يشتغلن ويطبخن والرجال مايدري بالطفل
حسام: ااي والله ياخوية والنوب هسه شحده اليفتح حلكه ويكللها شلي ابنج
محمد : اااي والله لازم نسوي ثورة عليهن

ام حسام: ولاء اخذي براء وجيبو المواعين العندج اخاف هذني مايكفن
ولاء: صار خاله يله براء امشي
دخلت براء وولاء للبيت وسمعو الرياجيل يحجون عليهن وهنه بعد هجمن ههههه
ولاء: اااااي استاذ محمد انت وحسام ياااثورة تريدون تسووها هاااا
حسام: حبيبتي انتي سمعتي بأذنج منو حجه مو اني  ترى مالي علاقه بحجية
براء: والله يالله النهار كله نكرب ونشتغل وشايلين الجهال وسهر بالليل  ويردون يسون ثورة .... باوعت على ولاء اسمعي ولاء ترى هذوله مو مال عيني واخاتي اليوم احنه كله عدنه شغل وبالليل تعبانين اليوم نخلي الجهال يمهمواني وياج انام وحدنه
ولاء: اااي بروو خوش فكرة  يله خل ناخذ المواعين

بعد انتهاء من الطبخ بده الناس جيران واقارب بيت ابو حسام
كانت علا شايله طارق الصغير  براء سمعت الناس تكول هذا ابن الفصليه
براء: ااااخ يابني راح يبقى هذا لقبك ابن الفصليه

بعد مرور 4 اشهر
طبعا كل هاي الفترة جان محمد يتهرب من زواج تماضر

ابو جاسم: ابو حسام شنو السالفه البنيه تضل معلكه هيج طلعت السنه مال مرحوم وعلا ازوجت وسافرت ويه زوجها للسويد ومحمد مخليها سكته
ابو حسام: لا خوية شنو سكته مو هذا الخميس الي بعدها ان شالله عرسهم
ابو جاسم: بفرحه هااا بعد اسبوعين اااي حتى تلحك تحضر نفسها
ابو حسام : وهاي خويه 5 ملايين تشتري ذهب
ابو جاسم: لاخوية بنتي اني اجهزها اني انطيتها هديه لك
ابو حسام: تماضر بنتي ترى ولازم تجهز احسن جهاز
ابو جاسم: ان شالله اني اترخص اروح ابلغهم

في بيت ابو جاسم
ابو جاسم : ام جاسم تماضر تعالو عندي الكم خبر 
ام جاسم: خير ان شالله اشوفك فرحان
ابو جاسم : واخيراااا تحدد موعد عرس تماضر ومحمد وهاي 5 ملايين تشتري بيهن الذهب واخيرا فلوس اخوية راح تصير لبتي
تماضر ؛ صدك بابا واخيرا راح اشتري ذهب باجر ورى كم يوم كلهم ماكفن الفلوس
ام جاسم: ااااي خل نسحب منهم فد كم مليون هذوله اغنياء
ابو جاسم : اااي مكومهن على كلبه

في بيت ابو حسام:
ابو حسام: براء بنتي تعالي عندي حجي وياح
براء: كول عمي اني بخدمتك
ابو حسام : خادمه ربج اكو شي لازم تعرفي حددنه موعد زواج محمد وتماضر
الخميس يعني بعد اسبوعين
براء: بدءت دموعها تسقط مثل الشلال ... عمي التأمر بي
ابو حسام: بنتي لاتبجين دموعج تقهرني
براء؛ لا عمي ماعاش اليقهرك
ابو حسام : هاج بنتي هذا مهرج 5 ملايين اشتري بيهن ذهب
براء: والله ياعمي اني حياتي وياكم هي الذهب حبكم الي مهري مامحتاجه شي بس سلامتكم .. بعد تحتاج مني شي عمو
ابو حسام : لا سلامتج

اجه من محمد من شغله وكام يصيح
محمد : جيبلي طارق اشتاقيتله وفات للهول... شلونك بابا
ابو حسام : هلا ابني عندي حجي وياك حددنه موعد عرسك انت وتماضر
محمد: ياااعرس بابا خل توالي اني ازوج هاي  وثاني شي اني مزوج
ابو حسام: البنيه صارلها سنه ونص مخطوبه لك هسه تحجي هذا الحجي تريد تفشلني وية عمج انتهى النقاش

اليوم التالي يوم الجمعه
حسام: محمد المرجعيه علنت على الجهاد اني راح اطوع
محمد : اني هم راح اطوع نروح سوة باجر
ابو حسام: عفيه بولدي السباع الله يحفظكم
ام حسام : متوزاين اكو غيركم يروح انتو عدكم جهال وانت حسام مرتك حامل
حسام ؛ يمه اذا اني معليه وذاك معليه محد راح يطلع والي راح يطوعون كلهم عدهم عوائل ترى
محمد: يمه احنه راح نطوع علمود جهالنه مانريد هذولة القذرين يأذوهم بعد
ام حسام: الله يوفقكم

براء:محمد شلون تعوفني اني وطارق ماكدر على فراكك
محمد : حبيبتي اني هم بس الواجب والدين لازم اطوع علمودج انتي وطارق حتى اكدر احميكم
براء: يارب ينصركم ويرجعكم سالمين غانمين

والتحق حسام ومحمد للجبهه وبقو هناك 10 ايام
ابو حسام : الو حسام شوكت اجازتكم
حسام : بابا ان شالله لو باجر لو عكبه
ابو حسام: يعني نزلتكم راح تصير الاربعاء الصبح
حسام : ااي بابا
ابو حسام : زين بابا بيوم الحنه تنزلون اني جهزت كلشي حتى الملابس براء راحت اشترلتله قاط العرس
حسام: راح انطي خبر

محمد: هااا حسام لازم الوالد اكد على موعد العرس
حسام: اااي وكلشي جاهز
محمد: ان شالله يزفوني للكبر
حسام : اسم الله عليك لاتكول هيج الله يحفظك اليه اخوية حزام ظهري

واجه يوم الاربعاء موعد نزلت محمد وحسام وهمه دا يجهزون غراضهم اتصل والدهم
ابو حسام : هاااا ولدي جايين ان شالله
حسام : اااي بابا هسة راح نطلع نصعد بالسيارة
ابو حسام : بابا ديربالك على نفسك وعلى اخوك محمد كلبي مامرتاح
حسام: ههههههه احتمال جبير محمد ينهزم بس لاتخاف اجيبه لك مربوط يله مع السلامه
واثناء مجاي يطلعون  صار هجوم على الوحده مالتهم

محمد: حسام هاك سلاحك روح من هاي الجهه واني منه
وبدء اطلاق النار استمر لمده 3 ساعات
حسام: محمد خلصت طلقات اشمرلي مخزن
محمد : هاك محمد اثناء مجاي ينطي اخو مخزن الرصاص شاف واحد نن داعش جاي يريد يرمي حسام محمد ركض عليه ونام فوك حسام

واحد من جنود الحشد المقدس بدء يرمي عليهم وصعدت الاتربه وصار هدوء
حسام ابعد محمد عنه شاف اخو سابح بالدم
حسام : محمد لك محمد لاتعوفني خويه ولك حزاااام ظهري
محمد: بانفاس متقطعه وكلام غير مفهوم ب ر ا ء و  ط ار ق امانه عندك والتقط انفاسه الخيرة وصعدت روحه للباري مع الشهداء والصديقين
حسام: لا خوية لا كسرت ظهري خوية لاتروح ولك شلون تعوفني ياااهو اليه
بدء ابوحسام يتصل على ولده  وتلفون مغلق

ام حسام: ظل البالي على الولد كلبي مقبوض
ابو حسام: وهو بداخله قلق جدا.... تلكين محمد انهزم وحسام جاي يقنع بي
ام حسام : بأبتسامه حزينه : ان شالله خير

براء وولاء بالمطبخ
براء: هاج ولاء قدمي للناس اني ماريد احد يشوفني يسمعوني حجي واني ماناقصني
ولاء: اااي حقج جيبي
براء: ولاء ماخابرتي حسام كلبي مقبوض ضل بالي المفروض من الظهر همه هنا
ولاء: انطيني صينيه الكيك ولاتظلين توهوسين
اثناء حديث ولاء دخل حسام وهو مدنك راسه والدموع بعينه
طلعت امه وابو وبراء ولاء
ابو حسام: ابني ليش اتاخرتو اخوك وين
حسام : هذا اخوية ورايه وهو يشير الى التابوت الي شايلينه جماعته
ام حسام : ااااااااااااااه يمه وليدي يمه طفت عيني الثانيه يمه زفوك يمه
ولاشعورين بدت امه طش الجكليت
ام حسام : كلووووووش كلوووووش اليوم عرس ابني وهي تطش الجليتعليه
براء: محمد وهي ادك ع التابوت اكعد منتظرتك اني ترجعلي كتلي راح ارجع
اريد ازفك لعروسك اليوم مو للكبر محمد وبدء تصرررررخ

وهي ترفع راسها لسماء
ربي ماكسرت خاطرك اني ربي ليش تكسرني مو اني ماعندي احد بالدنيا بعد بس هو . اذا اني ماكسرت خاطرك وهي ترفع ابنها هذا الطفل ماكسر خاطرك تيتمه وهو مالحك يتهنه بأبوو ربي ليش هيج تكسرني ورجعت للتابوت وخلت ابنها عليه ولك محمد اكعد هذا ابنك يريدك تشيله كوووووووم لاتشلع كلبي كوم بعدك لاظلت ايد اليه ولارجل
بدء النساء بالصراخ والبكاء  وشيعو الشهيد

اخذو الجنازة وطلعهو من البيت
براء: محمد اووووووكف لاتروح لاتروح شلون تعوفني وحدي اخذني وياك
اغمي على براء
شالوها اخذوها للمستشفى وهناك عرفو انو براء حامل ب 5 اسابيع

بعد مرور 20سنه
براء صارت كملت دراسه وصارت محاميه ورجعت علاقتها بأهلها
طارق صار عمر 20 سنه دخل كليه الطب و فاطمه عمرها 19سنه دخلت كليه صيدله
براء كافحت وجاهدت من اجل اولادها وصارت من اشهر المحامين بالعراق

النهايه
الكاتبه
Lamar Ali