البارت التاسع و العشرون
،،،،،،،،،،،،،
راحت عذاري لفاطمه
دقت الجرس طلعت لهاا خدامه دخلتها كذا شوي الا وتجي بنت شابه في نص العيشرينات ع الكرسي المتحرك
البنت :انتي عذاري ؟
عذاري:اييه
البنت:اييه ما الوم وليدوه يوم انه فضلك علي
عذاري:عفوا؟
البنت:اييه الجسم والوجه والبشره والعيون والصوت العمر اكييد بيخق علييك انتي اكثر مني
عذاري:ممكن توضحين لي ؟
جت فاطمه :نيرمين ادخلي جوا
نيرمين وهي تطالع عذاري:اوكي(ودخلت
عذاري:كيفك عمه؟
فاطمه:تمام انا ناديتك هنا عشان اقلك خلي الوليد يطلقك
تفاجأت عذاري وما نطقت با أي كلمه ولا حرف حتى ولا صوووت
فاطمه تكمل:ايوه عشان كذا دقي علييه وقوليله يطلقك
عذاري:انا ادري انك تكرهيني ومنتي طايقتني بس مو لدرجه انك تخربي بيتي
فاطمه:هههههه أي بيت تتكلمين عنه ترا الكل هنا يعاملك شفقه جابوك عندنا شفقه محد يبي وحده يتيمه ابوها مطرود من عيلته مين يبغاها
عذاري:لو ما كان يبغوني ما كان ضربوا مشوار وجابوني لو كانو ما يبغوني ما كانو عاملوني انا وسعود كعيالهم لو كان الولد ما يبغاني ما كان خطبني من البدايه
فاطمه:مو انا اقلك شفقه بيتزوجك وشويتين كذا ياخذ حلاتك ويشبع منك ويرميك رميه الزباله لا عم ولا عمه ولا اخو بيوقف معك حتى اخوك بيعمونه عليك
عذاري:وش قصدك؟
فاطمه :ما تلاحظي انو اخوك ما يدري عنك كثير صار ع اعمامه وعيالهم هم كذا جابوكم هنا عشان ياخذون منك سعود بعد ما ياخذون الا يبونه يرمونك هم فايدتهم ب الولد انتي مجرد حمل زايد وبيرمونك
عذاري بتشوش:خلااص خلااص انا اخذت كفايتي من ذي العيله مشاكل ب مشاكل خلاااص(وخرجت برا البيت
بمكان ثاني ف الجوال
كانو الاخوان والاخوات غير فاطمه يتكلمون مكالمه جماعيه
ابو عبدالله:اشفيك ي ابراهيم وش صاير
ابو راكان :ترا عندي اجتماع بعد ربع ساعه اخلص وش تبي
ابو خليل:منتو مصديقين وش لقييت صدمه
ام نايف:وش ي ابراهيم لا تفجعنا
ابو خليل:امي لطيفه
هديل :الله يرحمها
ابو ريم:وشفيها
ابو خليل:حيه
ابو عبد الله:ككيييف
ام نايف:مين قالك
هديل:من وين لك ذا الخبر
ابو ريم:كييف حيهه واهلها قالولنا انها ماتت بعد ما طردها ابوي ب شهر وعليها
ابو خليل:مدري بس انا متأكد انو هي امي لطيفه ما غيرها
هديل:وين لقيتها؟
ابو خليل:كنت ف دار المسنين اتبرع بمبلغ ب الصدفه شفت ورقه مكتوب عليها لطيفه بنت مخلد بن محمد ال*** يجماعه مو ذا اسمها الكامل ولا كييف؟
ام نايف:امكن تشابه اسماء
ابو خليل :شفت صورتها كييف يعني انا ما اعرف صورتها
ابو عبد الله:اشبك ساكت ي محمد ف وش تفكر؟
ابو راكان:لا بس افكر لو انها جت عندنا وش بنسوي ؟
هديل:اييه صح وبدت تطالب بورثها بما انو ابوي ماتو هي ع ذمته
ابو راكان:الورث ماهي مشكله باطلعلها انا ورثها باعطيها بس المصيبه لو طالبت بعيال احمد هنا المشكله
ابو عبد الله :وش عرفها بعيال احمد؟
ابو ريم :فاطمه بتسوي أي شي عشان تفتك من عيال احمد
ابو راكان:طيب الحين لازم اروح عشان معي اجتماع من سافر وليدوه وانا ماسك كل الاجتماعت الله يعطيه العافيه كان هو ماسك الاجتماعات والحين ما حد يمسكها غيري
ابو خليل :وين راكان وخالد
ابو راكان:ما يمسكو اجتماعات يخبصون فيها يلا مع السلامه
الاخوان :مع السلامه
رجعت البيت وتحديدا غرفتها وهي تبكي غرقانه دمووع
دخلت عليها ريحانه
ريحانه:عداري انتا ليش فيه ابكي ؟(انتي ليش تبكين؟
عذاري وهي غرقانه ف بحر دموعها:ريحانه تكفيين اخرجي حدي متضايقه
ريحانه:انا اعرف هادي ماما فاتمه هي يقولك شي وانتا يجين هنا تبكيين انا اعلم الوليد (عارفه ذي ماما فاطمه قات لك شي يضايقك وانتي تبكين انا باقول ل الوليد
عذاري :لا ريحانه لا تعلميه اذا علمتي ما راح اكلمك طول حياتي افهمه
ريحانه بيأس:طيب
خرجت ريحانه ومسكت عذاري الجوال ودقت ع الوليد بعد ما تمالكت نفسها
الوليد:هلا هلا هلا ب قلبي الا اول مره تدق علي
عذاري:الوليد
الوليد:لبييه
عذاري:طلقني
الوليد:كاني سمعتك تقولي طلقني لالالا اكييد يتخيلي
عذار:لا من جد طلقني
الوليد:عذاري مزحك ذا تراه ينرفزني
عذاري:انا ما امزح طلقني ما ابغى اصير زوجتك
الولييد شوي ويعصب:وش الا صار فيه احد كلمك فيه احد قالك شي وش صارك عذاري والي يرحم امك جاوبيني
عذاري:وليد خلاص ما ابغى افسرلك بعدين لما ترجع راح تفهم
الوليد:عذاري الله يخليك لا تختبري صبري ي عذاري لا تجننيني
عذاري: طيب مدام انك مصر مين هي نيرمين ؟
الوليد متفاجئ:وش عرفك بنيرمين ؟
عذاري والدموع بعينها:الوليد طلقني وبس(وقفلت الخط
الوليد:ذي وش عرفها ب نيرمين؟
السكرتير:سيد لو وان رئيس شركه ****بالمكتب ينتظرونك
الوليد:انا ذاهب اووه وايضا احجز لي اقرب تذكره للسعوديه
السكرتير:ماذا لاكن عملك لم ينتهي هنا ي سيد لوو
الوليد بعصبيه:افعل ما امرتك به
السكرتير :حاضر
توجهت عذاري لغرفه اخوها سعود الا كان هو وفهد جالسين مع بعض
فهد :ولد
سعود:هلا
فهد:اسمع وش رايك الساعه 9 نخرج نفرفر ف المولات ونرجع اخر الليل
سعود:عادي ماعندي شي انا
دخلت عليهم عذاري فجأء وكان واضح ع وجهها التعب والدموع طارفه
قام سعود مفزوع:وشبك عذاري؟
فهد:عذاري لا تخرعينا قولي وشبك
طالعت عذاري فهد:فهد اخرج برا ابي اكلم اخوي
فهد:طيب قوليلي وشبك لا تخرعي....0
قاطعته صراخ عذاري المبالغ فيه:اقولك اخرج ابي اكلم اخوي
فهد:وش التفرقه الحين مو احنا كلنا اخوان والا رجعتي ب كلامك
عذاري:ايه رجعت حتى ولو اعتبرتك اخوي ب الحقيقه انت مو اخوي
انصدم فهد من كلام عذاري وقالها بهدوء:طيب وصلني كلامك
عذاري:اخرج برا
خرج فهد وقفل الباب وراه
سعود:عذاري اشبك ذي مش انتي وشبك وش الا قلبك ؟
عذاري:سعود تكفى خلينا نرجع الشرقيه
سعود:عذاري وشبك وش صارلك فيه احد اذاك
عذاري وهي تبكي :سعود الله يخليك لا تسألني بس بلييز خلينا نرجع الشرقيه
سعود:ليش وش صارلك سمعتي كلام احد ضايقك
عذاري:ماني قادره انسجم مع ذي العيله
سعود:والسنتين الا طافو وش تسمينها
عذاري:كنت احاول بس ما قدرت ماقدرت انسجم معهم صعبه علي
سعود:فيه احد سوالك شي اذالك وقسما ان احد مسك بأذا اني لاعفس عيشته
عذاري:محد بس خلينا نرجع الشرقيه بسرعه
سعود:بس عذاري لا تنسين انك مملكه او الاصح متزوجه
عذاري:بيطلقني
سعود بتفاعل:عذاري وش صار لمخك وش صارلك يبنت ؟
عذاري:سعود تكفى يخوي تكفى لا تكسري خلينا نرجع الشرقيه تكفى اذا اانت تحبني وتغليني
سعود:طيب وين بنسكن لا رحنا هناك بيتنا وبعناه ويين بنسكن؟
عذاري:يحلها الحلال وقتها بس الحين خلينا نمشي
سعود :طيب خليني احجز
كان مصدوم فهد الا كان يسمعهم من ورا الباب وراح يدق ع ابوه معطييه مشغول لانه ب الجتماع دق ع خالد ورد
خالد :الوو
فهد:وينك؟
خالد :برا ف السوق
فهد :اوووف طيب وين راكان؟
خالد:ب الشركه وش فيه
فهد:بعدين اعلمك يلا باي(وقفل الخط
دق ع راكان المره الاولى ما رد المره الثانيه ما رد المره الثالثه رد
راكان:اشبك فهد؟
فهد:ابوي وين؟
راكان:باجتماع وما يقدر يخرج منه
فهد:لازم يخرج منه
راكان:ايش فهد وش قصدك وش صاير ب البيت؟
فهد:اعطي ابوي الجوال ضروري
راكان:اقلك ب اجتماع م يقدر يخرج
فهد :السالفه تخص عذاري وسعود
راكان::اووه طيب
بعد ما نادا السكرتير ابو راكان:ان شاء الله يكون سببك مقنع ي راكان
اعطى راكان ابوه الجوال
ابو راكان:ايش فيه؟
فهد:يبا
ابو راكان:ايشفيك فهد
فهد:عذاري وسعود بيرجعون الشرقيه
ابو راكان:وش لييش؟
فهد:مدري بس شكلو عذاري معها مشاكل
ابو راكان:طيب الحين اكون ف البيت(قفل الجوال:راكان
راكان:لبيه
ابو راكان:أجّل الاجتماع(وراح لبيته
ف بيت ابو راكان حوالي الساعه 10 وعشر لما كانت عذاري ترتب ملابسها ب شنطتها دخل عليها سعود وهو ماسك جوال
سعود:عذاري
عذاري:هلا؟
سعود :لقيت حجز للساعه 1 ونص و الاقلاع الساعه 2و55دقيق الفجر كويس؟
عذاري:مافي اقرب؟
سعود:لا ذا اقرب شي
عذاري:اوكي حلو
دخل ابو راكان البيت واتجه ع طووول لغرفه عذاري
ابو راكان:وش ذا الخبر الا وصلني صحيح انك بترجعين الشرقيه؟
عذاري:ايه
ابو راكان:لييش وكذا من وراي ولا تقوليلي شي
عذاري:تعبت تعبت ي عمي تعبت
ابو راكان:من وش تعبتي
عذاري:من كل شي احاول الاقي مكاني بينكم بس ماني قادره الاقيه
ابوراكان:مكانك موجود من قبل لا تجين ومكانك موجود
عذاري :طيب انا ماني قادر الاقييه حاولت خلال ذي السنتين الماضييه بس ما لقيت
ابو راكان:وزوجك؟
عذاري:بأتطلق منه
انصدم ابو راكان لدرجه انه ما تكلم ولا بحرف وهو يمششي متوجه للباب :سوي الا تبينه والا يريحك ب ابغاك تعرفي مهما صار انتي وحده منا ومكانك موجود
عذاري:شكرا
الساعه12ونص اليل مشت عذاري للمطار جلس بو راكان وفهد ف الصاله بعدها ب10 دقايق دخل الوليد وهو يلهث
الوليد:وينها؟
ابو راكان اكتفا انه بس يطالع لولده
فهد:راحت المطار قبل ربع ساعه تقريبا
وراح الوليد للمطار وصل للنداء الاخير لرحله الشرقيه وشاف عذاري هي واخوها داخلين من البوابه راح بسرعه وتوه بيدخل مسكوه الامن بداء يفكر كيف بيخرجها من الطياره وهي ما تسمع كلامه الين خطرتله فكره والا هي*******************0
يتبع((((((
وش بتسوي عذاري ومين هي نيرمين ووش قصه الجده لطيفه ووش بيسوي الوليد ورجوني توقعاتكم
ووش رايك بذا البارت
وباخذ رائيكم بشي
كم تبوني اسوي بارت اعطوني البارت الا تبوني اوصل اياه بس ما يكون اقل من اربعين
وراجاء قدرو تعبي بتصويت ونشر واشتراك واحب اقراء تعليقاتكم واجاوب ع اسألتكم
تشاااو(*&*)
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!