رواية اكرهة وغصبوني عليه عنوان ل قصتين باللهجه العراقيه الفصل الخامس 5 - بقلم ذكرى المندﻻوي

مساء الخير
قصه لذكرى المندلاوي
صاحت امل مااريده لو يبقى اخر واحد بلعشيرة  وسعد يسمع
وشيوخ وشباب  العشيرة تسمع
ركض يطلعهة من الغرفة وهو  بيديه يسد حلكهة
واﻻهل والنسوان تتفرج
وهي ظلت تصرخ
مااررريده اكتل نفسي اذا زوجتوني غصب

جرهة  سعد من ايدهه وسحبهه للغرفه  ودفرهة
وسد الباب٠٠٠٠

واجاهة يركض  وجه محومر
مد اصبعه وهو يهدد

شوفي وفهميني زين
لو تبقين بس انتي مرة مااحبج وﻻ اريدج حرمه الي
لكن٠٠٠٠٠
على حجايتج هاي وتصرفاتج كدام اعمامي ولد هم  اﻻ اخذج وغصب عنج واﻻ انزل خشمج هذا العالي الي مدري عليمن شايلته وعليمن شايفه روحج
استغرك ربي
اتنهد بقوه
سكت
رجع كال بهمس

ولج ٠٠٠٠ اني لو رايدج جان من زمان اخذتج
وانتي صغيرة اعرف بيج حرمتي وماتگربتلچ
۰۰۰۰۰
ردتج تكبرين واهلي يغيرون رايهم بس انتي اليوم
مخليتيلي كرامة وسويتيني اصغير بعين الكل
ولهنا وبسسس
رد صاح
ولج انتي ﻻشئ بعيني بقندره مااشتريج 
اﻻ احطج مثل هاي  الطابوكه حالج حالهه
مدفونه  بلبيت خليج تذكرين هذا اليوم زين
عافهة وسد الباب بقوه
وراح ﻻبو ولعمامة وكللهم باجر راح يصير عرسي عليهة 
والكل معزوم
٠٠٠٠٠٠٠
ظلت امل
بغرفة سعد محبوسة وتبجي و تصيح

الة اكتل روحي واخلص منكم
هذا زواج باطل

وبقت لحد ما راحوا الكل وهي بهل الحال
ﻻتكل وﻻ تمل
الكل مل اله هيه

خلود
هاي اللبنية مو خالية وراهه سالفه مو راحه

شلون تتجرأ ومتقبل  بأبني  وهو ياهو الي يرفضه
هل  تتمنى كل بنات العشيرة

الحجاية خشت وظلت ٠٠٠٠
تفتر براس سعد وهو يذكر امير اللي جان يوصلهة الباب البيت
وهنا كبت عندة الغيرة وحلف الة ينتقم منة ومنهة

يوم الزفة

جني بنات العشيرة او شبابهه وشيوخه  وتحضرت الكل للزفة
وامل بس تبجي عيونه مورمات الليل  كلة منايمه
ويعدلون بلمكياج وينمسح من كثر الدموع
والعريس وي ولد عمة وصدقانة وهمة يباركولة ويهوسولة
ويرمون
ذبحوا الذبايح وتحضروا
بعد صلاة المغرب الكل تعشه وبارك وكلمن راح البيته
بعد ساعات
٠٠٠٠٠

امل ظاله  بمكانهة وهي تبجي
حته متهنت بثوب عرسه الي بلگوه رضت تلبسه
ابو سعد
وينه ابنج سعد شو ماشفته
ام سعد
والله علمي علمك
استغرب الاب
ولكم وين اخوكم ؟؟؟
؟؟؟؟؟
فاجئهم  وهو جاي بدشداشته  البيضة
تقدم الامل الي جانت حاطه ايدهه على خدهه
دفرهه برجلة وصاح

كومي سويلي عشة٠٠٠٠شو صافنه؟؟
الزفة وخلصت اشتنتضرين انشاءالله عبالج ازفج مثل باقي البنات؟؟؟
خل اريحج
راح يصير كلشي على مرامج  امل  خانم٠٠٠
كومي نزعيلي هل المﻻبس٠٠٠٠ مو لعبتيهه الروحي
هم حاسبة نفسج عروس
ولبسي دشداشتج مال البيت ترة ابوج اسمطه

امل
تباوع عليه ومصدومة

سعد بصراخ
يالله  اني جوعان بسرررعة 
امل
اي اي هسه كايمه
جتي وحطت الصينيه كدامه
وهو اخذهه منهه
وكال
بسم الله
وكع على الاكل ولا چن اليوم عرسه

وكفت كباله وهي ممصدكه تصرفه الي تحول ١٨٠ درجه
ياترى الشنو ناويلهه هلمره
سعد افندي
فززهه من صاح
ويننن المييي

يتبع