مساء الخير
قصه اكرهة وغصبوني عليه
لذكرى المندلاوي
علاوي
ابني لتطلع بلشارع
اي يمة بس اشتري موطا دزوني خواتي الكبار
خوش بسرعة تعال ليجي ابوك
صار يمه مااتأخر
الام
ها يمة اجة اخوك
لا بعده مجاي
الام
يمة اسم الله ابني وين صار صاراله ساعة دروحي جيبي عباتي خل ا روح وراه للدكان
وراحت ايمان وره ابنه
هاي شنو هل الهوسة اللة يستر
يمه ابني حمودي مشفت ابني عﻻوي
خالهههه
شبيك اوليدي شكو احجيلي
خالة يكولون سحكته مرة هسة بلسيارة ودوو للمستشفى
وبعده ممكمل اتخربطت اوكعت بلكاع
ودو ليلى للشرطة (ليلى طالبة كلية سنه ثانية طب مدللة اهله ووحيدتهم بس هي بنية مؤدبة ومحببة عند كل من يشوفهة خاصة صديقاتهة
صادف هي وابوهة ديروحن بلسيا رة هي لكليته وهو لموقع عملهة رجل من اغنى اغنياء العوائل العراقية يحب بنته
كلش هواية وهو يخاف عليهة لذلك هو يوصله لكليته يومية
لكن اﻻب كان تعبان كلش وعند السكر وبذاك اليوم وهو بازمة من ازمات السكر ديسوق رغم الحاح ليلى انو يتركلهة
االقيادة لكنه رفض خوفا عليهة
وصادف
عﻻوي الولد الوحيد ﻻبن محمد اجه علة اربع بنات بعد ما يئس
من زوجته اجيبلة الولد
محمد ابن عشيرة ال٠٠٠٠ معروفه واله كلمتهة طبعا ميضيع حقه للموت
اتزوج وهو عمره 17من بنت عمه ايمان وجابتله ايمان
اربع بنات هدى ولمى وعطاف ومنى ولد واحد عﻻوي يعني ولد على اربع بنات مدلل اهله
سمع محمد بلحادثة وهو جن جنانه وساعات او
التمت العشيرة كله بالمستشفى
توكف زلم ﻻبن عمهم محمد بهل المصيبة
خوية محمد معرفت ياهو الصدمة منين وين هلة
الكل يسال ومحمد ميجاوب احد بيهم وكاعد ميعرف صبح لو ليل الدنيا كلهةظلمت عليه
ابنه المدلل والوحيد وسندة والشايل اسمة بين الحياة والموت
اخو محمد حسين
شوف ابن عمي احنة عرفناهم وراح انروح اندكهم هليلة وماكو اي عطوة
ابن اخوية شيخ ابن شيوخ ينسحك ابنة هلسحكة ونتركهم
والله لنفلش بيوتهم عليهم
والتمت العشيرة بانواع اﻻسلحة الي شايل كلوك
ورشاش كﻻشنكوف الخ
وراحت ودكت بيت اهل ليلى وهي بعدهة بلمركز للتحقيق
بلحادث وامه وخاﻻتها اتخربطن من الخوف وخابروا
على موسى ابو ليلى
فدوة موسى الحكلنة هذولة جونة
واجه موسى وية الشرطة لبيت ليلى
وبعد الحاح والتوسل من قبل اهل ليلىوالشرطة للعشيرة اخيرا قبلوا ينطوهم عطوة
بس كالولهم اذا الولد يصحة ومابي شي راح نعوفكم لكن اذا ابنة ﻻ سامح الله صار بي شي وكته ما كو اي عطوة.والنه غير حجي وياكم
لكن محمد حجايته غير حجاية العشيرة
لكن ياعيني عﻻوي وحيد اهلة وحيد محمد وايمان
راح متحمل ﻻن جسمة ضعيف وهو بعد صغير عمرة خمس سنوات
طار عقل محمد وصار مثل المخبل عليه
والناس تجي تريد تعزي وهو
بغرفة ابنة عازل روحه عن العالم
مكاعد بلجادر
عل هل الحال اسبوع لمن كضت الفاتحة
التمت العشيرة يمة بلبيت
ابو عﻻوي
الي سوة الحادث احنة انطينا عطوة
صاح حسين اخو محمد عم الولد
احنة انروح اندكهم ماكو بعد اي عطوة
وكبت مابين الي يريد يروح يفلش بيتهم ومابين الي يريد
يفصلهم
بس ابو محمد شيخ معروف وكلمته وحدة صاح بولدة ﻻ كل واحد من يمة يحجي خل نصفة علة راي واحد
بس محمد
وكف الكل وهو معروف متمكن بلحجي
رغم انو ممكمل دراسة للخامس ادبي بس هو جبير اخوته
والتزم بامور العشيرة
بعد ما ابو اتمرض وتركلة مسؤولية كل شي
انتو عشيرتي واهلي وحجايتكم علة راسي بس الضيم ضيمي
والمصيبة مصيبتي
واني معروف عني مااعوف حق اي واحد بيكم ولو جان علة كص ركبتي
واني حقي اخذه بيدي
بس ا ريدكم انتوا اهلي وعشيرتي تتكاتفون وياية وشكول عليه لتردوني
وكام وصاح خالد يابوية انت شدكول انت ابن عمنة ورئيس
العشيرة والدكولة ماشي عند الكل ولو عل كص ركابنة
وصاحت وراه الكل
اي والله والنعم
ودزوا خبر لهل ليلى
وكعدت الوادم كلهة
واجه وكت الحجي ومحمد ساكت منتضر اﻻشارة منهم تطلع
وبدة ابو ليلى يحجي
انتو كلكم على راسي
والتردونة اني حاضر حطوا المبلغ الي تطلبونه
وهنا قاطع محمد الي مشلوع كلبه على ابنه وكال
انت لعبالك اني جاي افصلك بفلوس دم ابني عﻻوي فلوس الدنيا متعوضه
انصدم موسى من حجي محمد
ابني شتريد اني حاضر وهاي عشيرتي واهل بيتي
هم جاهزين وياي على نفس الحجايه شتردون احنه حاضرين
ردو عشيرة ابوليلى (وهي عشيرة صغيرة عددها قليل ﻻن الكل مابين المسافر خارج العراق وترك اهله وعاش هناك ومابين المسافر لغرض السياحة والعمل)وابو ليلى رجال مثل ماكلت مريض لكن الموجود ولد اخته الي هم وسام وسرمد
ولؤي
وسام هو خطيب ليلى وهمة يحبون بعض واثنيناتهم بنفس الكلية
والي حاضر ين قليلين
مو مثل عشيرة محمد
ومن كال ابو ليلى شتريد اني حاضر
رد عليه محمد الي كان مصر على كلامه وكأنما مقرر
ومابي رجعه
اني اريد كتال ابني
وهنا انصدم ابو ليلى والبقية مجانوا يعرفون يطلب هيجي طلب
المفروض يفصلهم
بس وسكت ابو ليلى معرف شيكول ﻻن كتال ابنه هو يعني يطالب بدمة
وعشيرة محمد هم اتفاجئت مثله
ومكدر ابو ليلى يتحمل الصدمة واختنك واتخربط
وبهل اﻻثناء
دخلت شابه بنهايه العشرينات بيضه متوسطه الطول
جميله شعرها الحد خصرهة دخلت للمضيف وهي تركض وباين عليهة خايفه كلش ومهامه الي كدامهة دفعت ولد خالتهة الي جانوا ملتمين على ابوهة
توجهت التنظار عليهة حرمه ابين الزلم وين صايره وهي مفرعه
كانت ﻻبسة بنطلون جينز وحذاء رياضي ابيض وقميص خفيف سمائي
هذا هو لبسهم ﻻنهم جانوا ناس منفتحين جدا مثل مايكولون
وهي مدللة اهله
دفعتهم وبسرعة وهي تجيك نسبة السكر
اما محمد
داير وجهة معجبه الوضع ومشمئز منهم وبودهة يجر المسدس ويرميهم كلهم الحقد جان مليان كلبه
محد يعرف بلي
ضامة من انتقام لهذي العائلة كلش جبير ﻻن
الي بكلبة حركة محد حاس بيهة غيره ومحد يطيبة ويبردة اله هو وبأيده بس الي مجان لا على باله ولا عل الخاطر الي صار بعدهة
وعى ابو ليلى على روحه وكال
البنته باباتي انتي روحي يم امج
مابي شي لتخافين
صاحت ليلى شلون مابيك شي والسكر عندك مرتفع
ورد محمد عليهة بغضب
احنه انريدة يرتفع حتة نخلص منه بليه ما اندنس ايدينه بقتله وناخذ ثارنه
ليلى انصدمت من كلامه اوو
راحت تركض عليه وتكول
انتو شنو من بشر خاف الله
هذا مريض وبكد ابوك
بعدين شنو ثارنه انت مسلم واﻻعمار بيد الله
صاح محمد بوجهة
لكل موت سبب وسبب موت ابني ابوج واني اريد روحة وااطلع اذا ماأخذ روحه
اصفر وجه ليلى وخافت كلش على ابوهة
ﻻن الظاهر هذا الرجال الي كدامهة مجرم والكتل عنده حالة طبيعية ويشرب الدم مثل ما يشرب الماي وما كو اي حل الا شي واحد وهي تكذب
ليلى وكفت كباله وبكل ثقه كالت
الي كتل ابنك مو هو اني
وهو ابوية يصير اني الي جنت اسوق السيارة وابويه ماله علاقه راد يطلعني منهة ورط روحه
ابنك طلع كبالي بسرعة
واني دا اخابر مشفته وصار الحادث
وهسة شتريد اتريد كتال ابنك هل اني كدامك
و اذا انت رجال صير بكد كلمتك
تريد تكتل كتال ابنك روحي كدامك اخذهة
بهل اﻻثناء
سحبهة وسام من ايدهة وجرهة عليه
وصاح
ماعاش الي ياخذ روحج رجعي روحي يم امج احنه نتفاهم وياه
اهنا
طلعت خباﻻته المحمد وضرب وسام بوكس دفعة على ابو ليلى
وصاحت ليلى حبيبي وسام انت معليك هاذي مشكلتي واني احلهة
وسام راد على محمد وعمامه مخلوه
ابو ليلى
ابني اتر جاك اكعد خلي نحلهة بلمراضه
ماعندي اي كعده وياكم كتلكم انطوني كتال ابني
واليوم اله اهجمه فوك روسكم
صاحت ليلى
اني كتاله هل اني كدامك
وسام
طبي جوه معليج انتي كتلج
وهنا وكفهم ابو محمد
بعد ما وصلت العشيرتين بسحب اسلحتهم
الى حل زمن بعد كلام ابو محمد ماكو بعد احد يعترض اتصير عيبه بحقه
ابو ليلى
واني راضي(ابو ليلى راد اي حل ينهي المشكله لان وصلت المكان مسدود ولابد من حل )
كال ابو محمد
نفصل ليلى بنتك ﻻبني محمد ولحد ما تجيبلة وليد وبهذا نخلص من دية ابنة وهو بكيفه يريد تبقه يربد يطلكه وراهة
يتبع
هاي طبعا قصه ثانيه بنفس العنوان
قصه لذكرى المندلاوي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!