رواية اكرهة وغصبوني عليه عنوان ل قصتين باللهجه العراقيه الفصل التاسع 9 - بقلم ذكرى المندﻻوي

مساء الخير
قصه لذكرى المندلاوي
اكرهة وغصبوني عليه
البارت التاسع

سعد بعد ماسمع امل تركهة وبدل وطلع من البيت

كانما مسمع شي وهو كان حاس  بمشاعرهة وبكلماتها وعرف امل بدت
تتغير تجاهة
لكن يرجع  يتذكر حجاياتهة وهي دكولة
ماا ريدك لو تبقى اخر رجال
بلعشيرة
ميكدر يمحي هذي الكلمات من راسة وشلون ولد عمه وعمامة سمعوا هذاالحجي
وراد يطيهة درس متنساه طول عمرهة

بس مهان عليه اللي ديصير بيهة وحركت كلبه اكثر من استنجدت بي وهي تتالم من الوجع
وصورتهة وهي تبجي متروح كدام عينه
سعد اتذكر شلون بدة يحبهة من اول يوم جتي للبيت
وهي تبجي علة امه وابوهة
وراح اشترالهة لعابة علمود تسكت والدموع تنزل مثل المطر
من عيونهة
هذا اليوم يشبه ذاك اليوم
وراد يروح يراضيهة بس كرامتة متسمحلة

امل تعجبت علة جراءتهة وية سعد شلون لسانهة كدر ينطق
بهذي الكلمات
بس عرفت انوا بدت تحب سعد.
وصدك هو كدر ينزل خشمهة مثل ما كال

بس شنوا الحل سعد ميتفاهم وهو يكرهني ويومية وي وحدة
وبدة فضولهة ياكلهة

وفد يوم سعد بلحمام ديسبح عاف تليفونة عل الشحن
اخذت التليفون تفتحة
هاي شنو حاط للتليفون رمز
زين اني شلون راح اعرف الرمز
وجان يدك وباوعت بي لكت مكتوب ام محمد
هاي منية ام محمد هنوب
خل اشيلة واعرف
الو نعم (امل)
منوا عيني هذا رقم سعد
اي نعم واني زوجتهة
زوجتهة ؟ لعد بعدين اخابرة
ليش احجي شتردين منة هو ميضم علية شي وبعدة ممكملة
لن ايد سعد من ورة شال التليفون منهة
ورد علة المرة.
اي تفضلي شلونج
وراح يكمل حجي وياهة بلغرفة وسد الباب
وامل تاكل بنفسة اكل

دفعت الباب وطبت للغرفة وكفت كبالة وهي تكول
طلكني اني مو فصلية علمود اتعاملني هل المعاملة اني
ماا استحق هذا التصرف منك
شوفي طﻻك ماكو هذا واحد(وهو ياشر باصبعة كانما يحسبلهة)
واني عايفج علة حريتج ممقيدج معززة مكرمة بيت عمج
مثل ماجنتي واكثر
واحترمي انتي نفسج ترة هواي مصختيهة

اني محترمة نفسي بس انت مخليتلي اي احترام منو هاي ام محمد يومية وحدة شكل.
يعني ﻻزم اقدملج تقرير من كل وحدة تحاجيني

ليش ﻻ اني مو مرتك
باوع عليهة واتمعن بعينهة وعيونه كلهة حجي

وهي فهمت قصدة وفهمت عيونة شتريد اتكول واتمنت الكاع
نتشك وتبلعه
وظل هو يباوع بعيونهة
دنكت راسه وطلعت من الغرفة
وبعد مرور ايام صعبه على امل وهيه تشوف سعد
والامبالاه من جهته

واليوم
جان الكل كاعد وابو وامة كاعدين بلحديقة
سعد فتح موضوع السفر
يابة اني طلعلي ايفاد للسويد وﻻزم اروح بعد يومين

خير ابني انشاء الله تروح وتجي بلسﻻمة
ردت امة وهاي وين صايرة بعيدة

اي يمة بس احنة نروحلهة بلطيارة
دير بالك مو تشوفلك ابنية سويدية وتاخذك من عدنة وتنسيك اهلك
رد اﻻب هسة البنات قابل واكفين سرة ﻻبنج (خاف ﻻمل تحزن والحجاية مقصودة من مرتة خلود)ردت

ليش ﻻ ابني شاب اسمر واﻻجنبيات يحبون اﻻسمر
انتي شدراج
ﻻن كل الزلم البلخارج شكر وشبعانات من اﻻشكر

وامل تاكل بنفسهة خطية تريد تكوملة وتكفشهة من شعرهة
لو مو عيب مرة جبيرة
وعمهة ورجلة كاعدين وهيه اتغيرت مو ذيج الطفله الي تخاف منهة وتسكتلهة مثل قبل خصوصا عمهة صار يلين وياهة

وكت العشه كامت تحضر العشة وهي منفوخة وكالبه شكله  ضايجة واي واحد يحاجيهة تكمز بوجهة يعني صايره بارود من حجي خلود وتصرفات رجلهة الي ممعبرهة بغلس وراح يسافر
حس بيهة عمهة  ورد علة مرتة يحاجيهة
ولج انتي يامرة متستحين متكولين البنية مرتة كاعدة وتسمع شنو معناه هل الحجي اني اعرفج متبطلين اله تسويهة دمايه يالله
خلود معجبهة الحجي
فرت وجهة  باشارة يعني ميهمني خل تسمع

وصبوا العشة والكل تعشة وراح سعد يتمدد ويرتاح راحت وراه
وكفت كباله متحملت تسأله
شنو موضوع السفر هذا اشكم يوم
وانتي بشنو هامج
اي انت  روح اتونس والمكموعة تنظف وتمسح (امل متريد سعد يسافر ﻻن متتحمل غيابه)
اني راح ا روح بعد يومين وبهل اليومين راح اطلعج
ﻻي مكان
انتي تردي فأختاري براحتج بعد شتردين راح اعوضج حته لتدعين عليه وتنغصين عليه السفره
فكري براحتج ومن تقررين كوليلي اني طالع يمكن
اتاخر يم جماعه صدقاني
امل ويه روحه
لااالء هاي هواي مصختهة ياسعد لهنا وبس
***
ملاحظه
يجماعه وقت امتحان وبنتي مجلبتلي اله اقريه وهيه مرحله صعبه فصبرولي من يصير عندي فراغ
اني اكمل وانشر
اعتذر
واليوم انشاء الله انشر انتضروني