رواية اقسمت على حبكِ عند الأمير الفصل الحادي وثلاثون 31 - بقلم ضوء القمر

#اقسمت على حبكِ عندالأمير
للكاتبة ضوء القمر

تطلبني ابطلب لو الك عتبه وياي
اشمرك توح اديه وترد متحامي
اريد اشطب وجودك من سجل دنياي
وكفر بالصحايب وكسر اقلامي
غلطت عمر لاكن كلفتني هواي
مثل الدفع ديه وهوه مورامي

شهاب من يوم ما رجعت للعراق واني حاس بفراغ مااعرف شنو بس هاي اول مرة من ارجع احس هيج من كعدت وحاجيت عمي عرفت انو الفراغ هذا كلبي الي ضيعته هنا فعلا من يوم انرفضت واني حاس نفسي مخنوك هناك جنت لاهي نفسي بالشغل والدوام وكعداتي ويه الطلاب وناسي حبي بس لازم ابني حياتي وقراري مااتراجع عنه بس منو ممكن اتزوج لازم اختار بهدوئ
..اووف صعب وين الكه الي توالمني اشلون سالفة

احمد :خير يخوي اشبيك
شهاب :اااه يخوي تعبان اهواي وحاير بزماني
احمد :هاا صدك تحجي مصار اسبوع من رجعت شنو الي متعبك شهاب ليش اتعب روحك على خالي بلاش تره اهواي مكبر الموضوع
شهاب :تصدك اذا كتلك اي اني مكبر الموضوع لان الحب شي حلو بس منحس من يأذينه الا من منكدر نحصل على الي نريده مثل الوردة اشكد حلوة من تشمها ترتاح بس بيها اشواك وتأذي ايي الحمدلله
احمد :زين انت هسه قررت تزوج منو حاط ببالك بله
شهاب :مااعرف
احمد :صدك تحجي يعني مقرر والعروس ماكو ههه والله ضحكتني
شهاب : خاب انجي لعد شتريد هاا قابل ليل ونهار مصادق بنات
احمد :هههه لا عمي هو هيج وحظك مصخم مو عاد بنات وكذا لا صدك احجي اشلون تتختار
شهاب :لك بابا شختار غير زواج تقليدي اشبيك خلس اشوف امي منين تجيب
احمد :تريد نصيحتي يخوي لا تاخذ من كرايبنه اخذ غريبة احسن
شهاب :هوهم هيج مااخذ كرايب بس منو ماادري
احمد :ليش متاخذ من اهل العلوية منسا
شهاب :اخذ علوية صدك تحجي
احمد :اي والله اشبيك اكيد مرت عمي عدهم اهواي بنات
شهاب :ماادري خليها وره امي وذلك الوكت اختار
حجيت ويه امي وبس كتلها طارت من الفرحه ممصدكة واخيرا قررت اتزوج مشت الايام وعمي فتح الشركة هي نفسها الي جانت بدبي حولها هنا صح بالبدايه تعب والشغل قليل خاصه اني كل فلوسي وشغلي صرفته على الشركة باعتبار صحتي وعمي ساعدني وذبيت كل جهدي علمود تنجح والحمدلله شهر وره شهر بدت الشركة معروفه بالسوگ واقبال الناس عليها والشغل حلو وصار كل وكتي هو الشركة والشغل اهواي استفاديت من خبرتي الي كسبتها هناك والمهندسين الي وياي هن مو قليلين اما سالفة زواجي امي كلما تخبرني عن وحدة بس اشوف صورتها ارفض يمكن عشرين مرة ولاوحدة عجبتني ماحسيت اي وحدة توالمني اذكر قبل شهر قبل حفل تخرج احمد كاعدين بعد العشة وامي فتحت الموضوع

ام شهاب :يمه شهاب
شهاب جنت العب ويه احمد بلي التفت عليها :امري يالغالية
ام شهاب :مايأمر عليك ظالم شو عوف اللعب خلي احجي وياك
شهاب خسرت احمد وعفت اليده :حيييل كم جيب البقلاوة اي يوم كومي خير
احمد :خااب شنو هاي ليش خسرتني لا وفوكاها يريد بقلاوة امشيي
ام شهاب :هسه غير يسكت ولك اشلون انت دكتور متكلي اشوكت تعقل
احمد :واذا دكتور شنو يعني اصلا اني سبورتي كلش يووم ولعيونج الحلوة احلى بقلاوة بس اشوكت تفتحين موضوعي
ام شهاب :اوويلي على گلبي لك ابني امشي وموضوعك اصلا كامل هو انت مخلصها بعد شكو بس خلي افض سالفة اخوك
احمد :هههه اغسل ايدي لعد اروح احسن
ام شهاب :اووف يمه ربالي گلب ثاني اخوك اشوكت يعقل ماادري
شهاب :هههههه ولا يعقل يتزوج ويخلف ولا يعقل خلي يوم الطب يحتاج هيج هسه عوفنه شنو الموضوع
ام شهاب :اي يمه اليوم واني ين بيت مرت خالك ام مشتاق شفت حمات بنتها مشاءالله حلوة وموظفه ومناقصها شي شرايك وناس خالك يعرفهم شكلت
شهاب من كالت مرت خالك ام مشتاق هه عرفتها هاي وحده لزكه وشايفه روحها هي بت خالي اشلونها مو عاد حماتها :لا يوم مااريدها ولا حتى تحجيلي عنها ولا تحجين بطايرها
ام شهاب :وللك صدك تحجي اي ليش يايمه ولك هاي عشرين بنيه ترفض اي لعد منو رايد ماخليت جيرانه كرايبنه اصدقائنه وانت مااريد مو هاي ماعاجبتني بس اريد اعرف شكو كلت اريد اتزوج وانت كل بنيه اگلك عنها ترفض
شهاب :اي ليش معصبة واذا عشرين بنيه شنو يعني ماعجبني لعد تردين اي وحدة اجيب اشلون حجي يوم وبعدين انت كايله لاحدة منهن اريدج لابني
ام شهاب :لا واشلون احجي بدون مااعرف جوابك خما نحجي وانت مقابل نلعب على الناس
شهاب وكفت وخليت اديه بجيوبي :خلاص يوم أجلي الموضوع هسه هي تجي وحدها من الله اني مامستعجل
ام شهاب بصياح :شنو ماامستعجل ولك شوف الي بعمرك عدهم اثنين وثلاثة وانت لساتك ممتزوج وكل هذا وتريدني أجل لا والله بعد اصلا ولا اشوفلك تريد تزوج روح بنفسك اختار خلي نشوف حضرتك منو تجيب
شهاب هه الست الوالدة عصبت بستها من راسها وكعدت يم رجليها :حگج عليه بس شسوي ولا وحدة عجبتني خما اختار هيج على الماشي لا يوم اني راح اعيش وياها عمر لا سنه ولا سنتين عشؤة عمر وجهال بينه وهم خما اجيب وحدة تفرقني عنكم وبعدين اذا الله قاسملي بنت الحلال تجي وحدها والله يسهل بدون مانتعب وهي اصلا ذيج هي تگلج اني الكم بس اصبري
ام شهاب :يمه اني شريد غير اشوفكم مرتاحين انتو زوحاتكم مالين علينه البيت اريد افرح بيكم واشيل جهالكم اني وابوكم كبرنه ونريد احفاد ابوك الجبير ولحد هسه مصار جد وثلاث زلم عنده يمكن لو الله رازقني ببنيه جان اني هسه مزوجتها وجايبتلي الحفيد بس بعد الحمدلله على كل حال بس لو تفرحونه

احمد جبت بقلادة وحاطها واكل غير طيبة وجديدة دخلت وسمعت كلام امي فعلا خطية لحد هسه ابوي مصار جد خطية اني عن نفسي الدراسه والا اني من زمان مقرر على الزواج والحمدلله علاقتي ببيان قوية ومبدئيا عدنه موافقة اما شهاب اااخ يشهاب الافندي يتشرط خلي نشوف من هاي ترضه بيك :عاشت ايدك دكتور احمد اشلون بقلاوة

شهاب كلام امي صحيح اهواي مقصرين بحقهم :انجب لك جيبها خررب ولك ليش مااكلها هيي حيوان غير جائزتي
احمد :امشي عمي يريد ياكلها وحده روح عمو من ماما اطلب هي تجيبلك
شهاب ضربته على علباته :لا ياعار مو طفل كدامك دجييب اشكد لوتي
احمد :خااب ليش تضرب ولك اني دكتور شنو مو بعينك وبعدين ذني النه ذيج مالتك بالمطيخ يمطي
شهاب :خاب دكتور على نفسك وعلى مرضاك مو عليه وهمزين جبت جان سگطك وعلي

انتبهت على صوت العامل جايبلي جاي صفنت العمر يمشي وابوب وامي مصغار لا كبرو والي مثلهم هسه احفادهم سبعة اكثر المهم بعد حفل تخرج احمد او بيومها جان الحفل حلو وهم تعرفت على بيان
.. اكلج منار هذا وين لكاها
منار : خاب اسكت هالزمال اسبوعين اركض وراه علمود يكلي اشلون تعرف عليها شفت بله ماحجه وانوب المشكلة الاكبر حاضرني من كل البرامج عاد هنا اجيت هنا ورزلته ذيج الزرالة المعدلة لا وسويتله عركة زينه وخليتها هي تحجيلي اشلون تعرفو
شهاب : هههههه ادري بيج مو هينه بس كليلي اشلون بلسانج هذا ويه رجلج وعيالج
منار :اشبيهم اصلا متخبلين عليه
شهاب :لا عاد هنا وحدج حتى بالغلط
منار :خاب اسكت لا بسمع اصلا مااغلط ولساني من وحده عاقل يمهم بس اصنف اقصف اي بس غلط لا غلاي هاي بس الكم انتو وحد
شهاب :خررب بحظي اشبينه وحد عنهم لو الله مسطلج علينه
منار :ههه حييل لان انتو مو خوش اسمع وعلي ان مااجيت بيوم تخرجي تدري شسوي اشلع سنونك واحد واحد سامع
شهاب : لا عمي صدك جذب اهم شي سنوني صار تدللين اجي بموعد
بعدها سافرت لاربيل بشغل وبقيت هناك اسبوع وهم لازم ارجع شيخلصني من منار اذا ماحضرت حفل تخرجها وهم عزمنه سيد رضا على عرسه بعد عيب نرفض اجلت روحتي الثانية الحفل كان حلو ذكرني بيوم تخرجي اهلي ماكدرو يجون لان الجوة مكان يسمح وهم جدي الله يرحمه كان تعيان كلش صح استمتعت بس مو مثل فرحت الاهل يمك
بيوم العرس طبعا رحنه وياهم بالزفة من اخذنه العروس اجاني اتصال وبقيت مشغول بي توني كملت الاتصال وشفت وحدة واكفه شفتها تسولف ويه منار ليش لسه مراحت تفاجأت سمعتها تحجي وحتى دمعتها بطرف عينها

هاجر اليوم عرس ابن عمتي اجيت ويه كرار ومنار وبالرجعه ارجع ويه اهلي امي كالت ترحين ويانه المهم دخلنه وبقينه اشويه وقبل منطلع انكب عصير على تنورتي انوب لونها اوف وايت عصب يطلع رحت اغسله وتاخرت وجهازي بالجنطة طلعت لكيتهم طالعين عايفيني تخبلت هاي اشلون هسه ويامن ارجع خابرت ماما ودمعتي بطرف عيني
.. ماما اشلون ترحون وتعوفوني هاا
.. هسه اشلون منو يرجعلي
.. لا ماابقى اشلون ابقى عفيه ماما
.. اوو يله لعد راح اخابر كرار بلكي يرجعلي بله هاي سالفة
اني منا اتخبل ولا تبقى بمكان مااعرف احد بي مو عاد ناس غربة حتى وان كانو كرايب بس واحد يكلي اشبيج ابجي سفطت سيارة يم ونزلت الجامة

شهاب :بلا زحمه مو جنتي ويه سيد كرار
هاجر خفت اجاوبه بس شفته من اجينه ومنار كانت تسولف وياه يعني عرف :بلي
شهاب :لعد ليش واكفه بس لا عوفوج
هاجر :موو انكب عليه العصير وتاخرت وماادري بيهم من راحو هسه اخابر سيد كرار
شهاب خطية الا اشويه تبجي خابرت سيد كرار
..الوو ابو مجتبى وينكم يابه
كرار :هلا شهاب خير احنه اشويه ونوصل السيطرة ليش
شهاب :يابه انتو ماناسين شخص
كرار :شخص لا ليش
شهاب :لا على بختك سيد والبنيه الي واكفة هنا شسالفة
كرار :يابنيه شهاب
شهاب :سيد الي جانت صاعدة وياكم
كرار :هاجر مو رجعت ويه اهلها
شهاب :يابه هاي الوين واكفه اهلها ماكو
كرار :اشلوون صدك تحجي اهلها وين
شهاب :مااعرف اذا تقبل اجيبها الكم
كرار :اي والله تسوي فضل اخيك
شهاب :تدلل من عيوني بس خاف متقبل احجي وياها
كرار :اوك

هاجر اسمعه يسولف واشويه وانطاني التلفون جان كرار
..الوو
كرار :اكلج مو عساس ترحين ويه اهلج ليش لساج هناك هاا
هاجر عززا يحجي بعصبية :مو انكب العصير عليه وهم اهلي مرت امين عدها ولادة وراكضين بيها واني عبالي بعدكم
كرار :استغفرالله يله مصار شي اركبي ويه شهاب يوصلج النه
هاجر :اشلون اركب وياه عيب
كرار :اركبي وياه امان ومنه وبينه ابن اخوه للشيخ رجل منسا اصعدي وانتي مأمنه
هاجر :امم اوك
رجعتله التلفون وركبت ليوره بس شنو طول الطريق اني متوترة اشكد عيب ومعصبة كلش على اهلي بس خلي اوصل واني اعلهم

شهاب بعد ماصعدت حسيتها خجلانه كلش راسها مرفعته وهادئة مبين عليها جنت مشغل شعر شعبي من ركبت سديته وصلنه الهم وكرار تشكر مني على لا شي واجبي هذا المهم العرس تم على خير بعد العرس اني كان عندي سفرة قبل للسفرة بليل امي فتحت سالفة العرايس مرة ثانية والصدمة هالمرة العروس هي نفسها الي ركبت وياي طلعت علوية بنت خالها لمرت عمي ونبع الحنان تحمد وترجع للوره على اخلاقها ورزانتها وجمالها بصراحة البنيه الله يستر عليها مناقصها شي وهم مبين من وجها البراءة ومنار مناك هم تخابر وتسولف بيها وخاصة منار عرفت كلشي عنها طالبة مرحلة اخيرة هندسة نفط من اهالي النجف بالكوفة وحتى احمد شجعتي وعمي هم وابوي يعني الكل قابل وعاجبتع اما اني كتلهم اسافر وانطيكم الخبر

احمد الايام الاخيرة بهاي السنه تمشي بسرعة خمس سنوات عشانها بفرح وحزن ولمه حلوة وتعب ودراسة واهواي مواقف جمعتنه والتقينه بناس تعلمنه منهم وتعلمو منه صرنه عائلة وحدة ٢٧٠ طالب وطالبة جمعتنه اهواي اشياء ومواقف ان كانت حلوة ولو لا سفراتنه وكعداتنه وزعلنه ومشاكلنه ولعبنه وضحكنه كلها ايام وتخلص بس تبقى ببالنه وعمرنه ماننساها عمري متوقعت راح احب هالقسم او ابدع بي وخاصه كان حلمي التمثيل بس يبقى حلم ويجي يوم واحققه بس هسه اني دكتور وظيفتي اساعد الناس واقدم كل الي اكدر عليه اما حياتي الخاصة اجمل شي صار هو تعرفي على الانسانة الي عمري متوقعت راح التقي بزوجتي ورفيقت دربي بهالطريقة كنت اتوقع زواج تقليدي بس الي صار زواج حب ماجنت اعترف بالحب وهالسوالف وخاصه من شفت عذاب شهاب واشلون تعذب وتعب وكلشي محصل غير كسران الگلب بس الحمدلله حظي كان احسن وبيان انسانة راقية وهم مثلي صح مبين عليها الهدوئ ههههه بس نصي الثاني مو اقل مني بالنصنيف والشقة صح مو قوية مثلي بس اهم شي نتوالم وهالشي مخبل امي تكلي هو واحد كوة متحملته انوب مرته هم مثله خوش دكاتره ربحنه ههه
يوم تخرجي كان اجمل يوم اهلي واخواني وعمامي والاجواء ولا اروع شي بديع اليوم التخرج هو اجمل يوم بس اكيد بعد يوم زواجي صح بعد نهاية الحفل واستلام الشهايد المل يبجي لان سنين عشانها بكل حالاتها تباوع الطلاب كلها تنجي اشكد ماجانت الصبح تضحك وتسولف وترگص هسه تبجي ياهو تباوعله عيونه حمر والبنات الي حالهن مو اقل خو بيان شبع بجي كلما اسكتها ترجع اباوع على منار هم تبجي
.. بربج احنه اليوم اخر يوم انتي اشبيج تنوحين
منار :انجب احنه هم مابقى اهواي هي كلها اسبوع ماادري اشلون نتحمل والله صعبة
احمد :اوويلي عليج هسه تنسن انتن بسرعة تكونن صداقات قابل مثلنه منكدر
منار :بباع هذا لك بابا هو ياهو الاجه صار صديق بابا الصداقة ثقة حب اخلاص ووفاء اخوه تحس نفسك عندك اخوه مو حي الله
احمد :اي والله فعلا هاي بعد شنسوي هي نهايتنه هيج لو بس اعرف هالزمال ويه وله
منار :يازمال
احمد :هسه اني صديقي واكله زمال انتي ليش تكليله زمال هاا
منار :ووجعا لان انت هم زمال واكفه وتعبانه من حمال وحضرتك بالجذب ماعزمتني
احمد :على عرسي اعزمج هسه مو فارغلج
منار :ههههه هو اني اجي بدون عزيمه شوف لا تكول مو فارغ هاي مشكلتك
احمد :ههه عود بعدين عفتها ورحت ادور على صاحبي لكيته كاعد وحده المسكين حاله تقهر جان يحب وحده ومتفقين عالزواج بس الي صار اهله مقبلو واهلها من عرفو هم رفضو اشكد حاولو بس ماكو فايدة جان منتظر هاليوم وهو وياها كان مفترض هسه متزوجين وفعلا البنيه تزوجت جبر واجتي بس مابقى وصاحبي ذلك هو ميت بعدها لا راضي ينسه ولا راضي يكمل حياته

..اكرم
اكرم :هاا
احمد :ووجعا صار ساعه ادور عليك شتسوي هنا
اكرم :احمد رحمه لجدك عوفني مالي خلك كلش
احمد اخدت نفس وباوعت عليه وحجيت بهدوى :شفتها
اكرم سحبت نفس قوي بلكي اخر نفس :ااااااخ ايي شفتها ووياها رجلها گايدها وباسها واخذ وياها صورة ويعدل بسترتها وميرضه يهد ايدها حرگ گلبي وتمنيت مين ولا شايف كل ذني ولك شفت ذني ومحترگ لو اشوف اكثر لو اتخيل الي صار بليلة عوسها لك احمد راح اموت ليش هيج ماعندي حضر ويه بهالدنيه ليش هااا مو جاان لازمم انني الي اليوم امششي واكول اخذتها وعلى خشم كل واحد ولكك مو لازم اني اليوم اقدمها الورد هاا حااجيني وكلي كل هذا حلمم احممد انت مو صاحبي كلي هذا جذب

احمد اكرم انهار كلش وحالته فد مرة صارت حقه وما الومه همزين كاعدين بمكان معزول جان انفضحنه حرت اشلون اواسي حالته تكسر الگلب اااخ حضنته حيل واهدي بي :اكرم صدك جذب انت رجال شنو هالحجي قوي گلبك يخوي وللك ليش هيج حالك ليش تنطي فرصة للشامت يشمت بيك هاا كاافي انسها وعيش حياتك اهوواي مثلك ادري كلامي يجرحك بس هذا واقع وانت لازم تتعود عليه اكرررم محد يستاهل هيج تسوووي بنفسك كاافي شو باوعلي وين اكرم الي الكل تهابه وين اكرم الي يفرض نفسه بكل مكان معقولة تهزك مرة والله ياحيف على الزلم اذا هيج تسوي بينه ادري مجروح گلبك بس ربك يجر بالخواطر ماتدري الله شضاملك بس كول يالله هي لو الك جان محد وكف بوجهك كافي يخوي وامسحي خشمك دمرت ملابسي خرب بيك

اكرم :لا ياساقط ايي الحمدلله اسف ضوجتك
احمد :خاب انجب ضوجتني يله كم غسل خلي نرگص اشويه
اكرم :خاب انجب ترگص رگصت عليك الشياطين
احمد :ههه
الحمدلله كدرت اطلعه اشويه مو الحالة الي بي ولو شي بسيط بس احسن بعد الحفلة بيومين رحنه خطبنه بيان واهلها كالو اسبوع ونرجع الموافقة رحت لحفلة منار هناك اجواهم هم حلوة ومنار مكيفة هي وبطها

..ولج بس لا تجييبن علينه هسه
منار :هههه متضحك تره بعدني يالله توني بالخامس
احمد :اممم خير ان شاءالله
منار :اشو اليوم عاقل خيرك
احمد :من الله مو مني
منار :موو اكول اكيد نازل عليك الوحي
احمد :اي الحمدلله بس ديري بالج لا انگلب عليج
منار :ههه ولي عني مااعزم هسه لو تموت فااهم
احمد :هههه خررب عبالها اني مثلها يابه غيراموت اخاف منج عمي
منار :خااب طير اعزمه غير اذا صدك اسويها تدري ويه بالصين وبمطعم اكله كله صراصر وابو بريص وخافيش وافاعي علمود هي موته وحدة هاا اشلوني بالعزايم
احمد :يمه روحي العزيزة اشرد احسن خرب بيج لعبتي نفسي اووع عود هاي انتي دكتور اسنان خرب بالحظ
منار :ههههه حيل

احمد بعد عرس سيد رضا امي فتحت سالفة العرايس على كولته شهاب ههه وشايفه بنت خالها لمرت عمي العلوية منسا اني من ناحتي مرتاح لهالزواج واشوفها راح تناسبنه لشهاب بس كون يقبل ردولنه الموافقة والحمدلله اتفقنه على كلشي وشهاب هم ان شاءالله عن قريب طبعا كال اسافر وارجع وانطيكم الخبر المهم اني هم جهزت كل سوالف الخطبة والمهر والعرس ماكو داعي نطول هيج احسن وانتظر الشفيه يرجع من السفر

منار الحياة تمشي واحنه بالعمر كلما يمشي ياخذ من عمرنه ونكبر والمسؤولية تكبر وحلمنه هو نبقى صغار شي من المستحيل هذا هو نظام الحياة عيش حياتك بكل ايامها وسنينها وظروفها فرحها وحزنها بجيها وضحكها بلمتها ويه الاهل والاحبة وتعلم من ايامك واياك تخطأ مرتين محد يخسر غير والمؤمن لا يلدغ من حجره مرتين هاي حكمة دوم ببالي ودوم الاهل يكولوها اياك بيوم تخطأ وتحاول تكوم بنفس الطريقة لا غيرها يمكن اذا بقيت على نفس تصرفاتك تخسر الحرب وتطلع مهزوم والدنيه هي الربحانه حياتي الحمدلله مرتاحه بيها وانتظر يشرفون المشعوذين الي صارو بدون تخطيط ههه اهواي منتظرتهم الله يتتم عليه كرار اهواي مريحني طول هالسنوات مافد يوم ضوجني او قهرني بس اكيد نختلف بالرأي عادي نتعارك على اشياء تافه عادي ملح الحياة وماكو حياة مثالية لابد من وجود مشاكل بس اكيد عادية حبي اله يزيد يوم بعد يوم وهو فدوه لعينه يعشقني ومتخبل عليه وخاصه هالحمل اهواي محليني طبعا سيد رضا بعد تخرجي عرسه سويت عركة وياه يله قبل نإجلها

منار :عفيه سيد بس تكمل حفلتي سوي العرس
رضا :لا والله واني اظل انتظر عمي مجهز كلشي شسالفة ام مجتبى
منار :خلي اكلك شوف اذا سويت العرس هسه احسب الخطار طاب طالع وهم عمتي وحدها واني مابقى تخرجي اشلون راح اكدر اجهز نفسي تعب عليه وعلى عمتي بس هالاسبوع وثاني عرسو
كرار :اشبيك يخوي تره كلامها صحيح وبعدين شكو مستعجل هااا كل اسبوع بس
رضا :استغفرالله عمي اني اكدر احجي بعد عو انتو ختمتو السالفة هذا هو الاسبوع الي بعد تخرجج بس هااا من هسه كيكت عرسي عليج
كرار :عمي الكيكة عليه ثلاث طوابق بعد بس اقبل مو شلعت گلبي
منار :اشلون حبيبي ماسمعت
كرار ههه :هاا حبيبتي لا اقصد انتي گلبج انشلع
رضا :هههههه انتو فلم الله يسعدكم

منار واكفة بداخل القاعة وكرار يمي وابني بايد ابوه گمرهاشم يمي واكف جاسم ومهدي وشهاي واحمد ومرتضى ورضا وسيد مصطفى ومنسا واحبابي يمي اليوم حفل تخرجي ماشايلتني الگاع من الفرح الحمدلله بعد تعب وسنين اليوم اختمها بالتخرج وافتح عيادتي وصلت لهنا بفضل ابوي وتاج راسي شيخ العرب ابوي الغالي الشيخ اسماعيل اولا واخوي وابوي الثاني وسندي وشايل همي شيخ الشباب وشيخ الشيوخ هاشم اخوي الغالي فدوة لطوله الي بس دخل الكل سلمت عليه وناس اهواي تعرفه رافع راسه بيه اليوم وجه منور هو دوم منور بس اليوم مفتخر بيه واخواني الي طايرين بيه الله يحفظهم الي وزوجي وسيد قلبي الي سندني كل هالسنوات وتحملني بكل حالاتي رجلي وحبيبي وابو بيتي وابو جهالي وعشقي كرار وكل الموجودين اليوم وياي ربي يحفظهم الي ولا يحرمني منهم لحظات اجمل من الجميل بعد تعب وشگه سنين اليوم اتخرج وارتاح اليوم اوكف بوجه كل واحد كال المراة ضعيفة لا بل هي نص المجتمع لا بل هي كله
چطجوعنه سالت عالخد معلنه حزننا مو سهل تعيش ويه اشخاص خمس سنوات وبعدها بكل سهولة وبلحظات قليلة تودعه عشنه ايام حلوه بكل معنى للكلمة يمكن البعض يكول الحياة اتطورت واكو مواقع وكذا بس لا مو مثل كل يوم تشوفه وتكعد وتسولف وتضحك بس هاي هي الحياة عبارة عن محطات نلتقي باشخاص ونعيش وياهم احلى الايام وبعدها كلمن يركب المحطة الي مخصصة اله
بجيت على فراق زميلاتي جنت اول مرة اكون صداقات صح كم وحدة يمي هنا بس راح افترق عن اعز وحده عندي ودعتها بألم وكوة صبرت روحي بعد هذا الأسبوع تقرر عرس رضا وجهزنه كلشي والحمدلله تم العرس على خير وهم لكينه عروس لشهاب بس الافندي كال اسافر وانطيكم خبر بس هو مقتنع واني متاكدة قابل بس هو محتاج يكعد ويه نفسه البنيه تخبلنه عليها هاجر حلوة ومناقصها شي وهم بسيطة وهادئة وراح توالم شهاب مرت الايام ورجع شهاب وخطب احمد والكل فرحان بي واحنه نضحك عليه

..ولك اني اول مره اشوف الصغير يتزوج قبل الجيبر
احمد :ليش يابه هاي بس انتي مشايفه المهم هسه شفتي والحمدلله
منار :ههههه ولكم اليوم متونس ميريد احد يغثه حتى جوابه على كد السؤال ههه لك شهاب فضها وطلعها للدرة
شهاب : خيرشكو توكم رديتو من الخطبة اشبيكم
منار : نريد نفرح غير

گمرهاشم :كلام عمتك صح بشرنه حمامة غراب
شهاب :علوية اني هسه كل همي اسمع منج انتي شتكولين
منسا :اني عن نفسي انت ماكو مثلك وتساهل كل خير وهنيال هاجر بيك كافي طالع على الشيخ وهم هاجر خوش بنيه مو لان بنت خالي لا الله شاهد بس احجيها الكم والك بذات شهاب انت مريت بتجربة حب وخسرت بيها وهاجر عمرها مامرت بهيج شي وهم تخاف كلما يجيها احد وانت اذا مستعد تكون سند الها وتحافظ عليها وتكون الفارس الي تحلم بي توكل على الله وهاجر راح تكون نعم الزوجة الك

شهاب :ان شاءالله اكون عند حسن ظنكم واني موافق ونتوكل على الله

منسا وفعلا تمت الخطوبة اني حجيت ويه هاجر بطلب من شهاب عن سالفة حبه ويه روان وبقى ماضي والحمدلله تم كلشي بسرعة وكله تسهيل من الله وهاي اليوم سافرو واحمد وبيان هم تزوجو الشباب وان شاءالله حياتهم حلوة والدنيه تجارب واخذ وعطه ومحد ياخذ غير نصيبه وشهاب كان نصيبة ويه هاجر الصدفة او القدر كلهامن الله حسيت وشفت الفرح بوجه شهاب الي كان فعلا فرحان بهاجر هاجر انسانه هادئة طيوبة صح اشويه دلوعه بس اكيد مو كلش وهم تعرف اشلون تتصرف

شهاب الحمدلله تمت الخطوبة والزواج هم بسرعة وكله تسهيل من الله هاي اول مرة احس نفسي متخذ القرار الصحيح هاجر انسانه الي عوضتني عن الي فقدتها او الي ماجانت قدري والحلو بيها تعرف تتصرف ومتحكم عالامور بسرعة الحمدلله ليلة عرسي كانت من اجمل الليالي الي يمكن عشها سوالف وضحك وصار زوجتي شرعا وقانونا وبعد اسبوع سافرنه احنه واحمد ومرته نقضي شهر عسل هناك

گمرهاشم اليوم بعد مرور سنوات على استلامي للمشخيه واكف بحفل تخرج ابن اخوي مرتضى الي هو فخر النه كلنه تخرج من الكلية الجوية اشوف الفرحة الي رسمها على وجوهنه كلنه فرحتي بيهم ماتوصف وانتظر اليوم الي افتخر بابني حيدره الي هو نسخه عن الوالد الله يرحمه صح شكله عليه بس تصرفات الشيخ الحياة اشكد تكسر تجبر وكل ظالم ياخذ جزائه وغسان اخذ جزاته واكثر يمكن كان اجمل خبر سمعته او جنت سنين انتظره العار مات وهو نجس وابشع موته هيج بشر الحرگ قفط دواهم
بليل كاعدين كلنه اخواني واخواتي واحبابي والكل يمي هم الفرحة صارت اثنين برجعت العرسان الي اشوف الفرح بوجوهم واكثر شخص خايف عليه هو شهاب بس هسه من شفته لا ارتاحيت كاعدة يمي منسا وجاي نسولف ونختار اسامي للتوم
..حبيبتي
منسا :عيونها ونبضها
گمرهاشم :بويه انتي مو كد هالكلام خليني عاقل تراني حدي مشتاگ وگلبي يرجف عليج واخاف عليج.
منسا :ههه سلامة گلبك ياشيخ گلبي امر
گمرهاشم :لا بويه هاي اهواي عليه ههه خلي تفض الوادم وافصلج مربع
منسا :هههه ويهون عليك تفصلني نربع
گمرهاشم :اووويلي ولج اني كوة مصبر روحي بويه ستري على روحج
يگلج
: أرد أجيلج وأشتكيلج
من هذا كلبي الخابصني بيج !!

منسا :ههه سلامتك ياقلبي

گمرهاشم
قال .. لـٍهآ احّ ـّـٌٍ❣ـٍّبّكَ بعدد المشتاقين لزياره الامام الحسين ع
. وقالت ڵـهٍ احّ ـّـٌٍ❣ـٍّبّكَ بعدد المنتضرين لصاحب الزمان . عج
.

محمد :يله حبايب خلي ناخذ صورة جماعية
وكف الكل واخذو اجمل صورة جمعت كل الاحبة

..
الى هنا انتهت حكايتي الى هنا ختم محمد اجمل ختام لحياة ابطال وكان حاضرا دوما لالتقاط مثل هذه الصور والذكريات صورة وقف فيها الصغير قبل الكبير وصورة حوت الحب الصادق والقلب الي انجبر بعد كسره والقلوب التي تنال على كد ماسعت وقلوب تدعو بالخير دومها اجل هكذا صورت عدسة كامره محمد

.. الى تم انزال الستار عن قصة # اقسمت على حبكِ عند الأمير الحب الذي ولد بحب علي وفاطمة واقسم عند الأمير على صدقه القلب يحتاج دوما الى اشخاص يغذوه بالحب الصادق
ايام عشناها مع ابطالنه ايام حزن وفرح وضحك وسوالف وايام غدر وخيانه وطعن وايام كلها فخر وشجاعة ايام مليئه بالحب والاخلاص تعلمنه اهواي دروس والحياة في كل يوم درس وحياتنا عبارة عن محطات كل محطة لها دروسها وعبرها اتمنى كدرت اوصل كل المشاعر والاحاسيس الي عاشوها ابطالنه واتمنى اكون كدرت من تقديم كل ماهو لائق بما يعنيه الحب الصادق
تقبلو تحياتي لكم وتحياتي ابطال القصة الي عشتو وياهم كل ايامهم واتمنى وفقت بسرد القصة بالشكل الجميل الي يرضي الجميع
اي سؤال حابين تسألون اني جاهزة للجواب بعد مااوصيكم بالتصويت للقصة والتعليق هم وطبعا شكري الكم ولدعمكم الي بأكمال القصة
احبكم 😍

هاي صور للبنات بس منسا مالكيت الي توصفها

هذا سيد مجتبى