الا ليت القدر الفصل الحادي وخمسون 51 - بقلم Mscprincess

مآ خلف الكواليس ...

"راح تكون مساحه حره لي اتكلم عن كثير شي اشياء آبي اقولها للكل وأوضحها "

في البدآيه بتكلم عن الروآيه ...

روايتي آلا ليت القدر ... كلها من وصف الخيال ووحيه لا احداثها ولا ابطالها واقعين ..

بس الشي الوحيد اللي يربطها بواقعنا يمكن هو نفس التجارب اللي مروا فيها ابطالنا ..بس انا ما نسختها نفسها من واقعها وحطيتها بالروايه ...يعني اقدر اقول انها مزيج من الخيال متداخل مع الواقع ..

مهما عليت بتفكيري وخيالي راح ابقى محصورة واقعي ..

اسآس روايتي في الحقيقه او الفكره الآصل ... كانت عن سطام او بالاخص سالفة "الحمو الموت " سالفته موجود مثلها كثير للاسف .. انا مو قاعده اصيغ واقعنا بصوره سيئه لكن عرضت لكم قصه من قصص واقعنا الكثيره والمخيفه ..

سالفة الحمو الموت والقصه اللي سمعتها وكانت مو بعيده عن واقعي شخصيا ..صح ما تشابه قصة سطام لكنها طيرت النوم من عيني وشجعتني اكتب من جديد ..

وكمان سالفة اشواق "البويه " اشواق في الاصل ما فكرت فيها كشخصيه تحمل هذا الطابع بس مثل ما يقولون تعيش اكثر تشوف اكثر ...والتقيت بوحده اقدر اقول انها كانت نسخة اشواق بالشكل ولكن القصه تختلف لاني حورت فيها كثير واخفيت الاكثر عنها ... لان حدود الروايه اكيد تنمعني اتعمق اكثر واخوض بأحداث ممكن تسئ لي ولروآيتي .. بس اللي طرحته يعتبر جزء من لاشي في عالم النوع هذا ...

ضاري .. الشخصيه اللي اعتذر منها .. ما ادري ليه كنت متنفسي الوحيد .. وكنت اللي يطلعني من حزني وكآبتي .. وكأني اذا شفتك وشفت حياتك لوعتك فيها تهوّن علي مصاعب حياتي ومشاكلها ..

مدى الشخصيه اللي كثير قالوا تشبه لي .. وانا ما انكر الشي هذا .. لكن مو مره ..

الانسانه هذي وانا اكتب عنها ..ما اقدر اسوي شي ضدها .. احوب كل الامور تمشي بصفها ..صوح هذا تحيز بس احبها .. واحب حتى اسمها ..

سطام كان مثل للولد اللي ربته الغربه ... وما رجع منها الا بعاداتهم وافكارهم اللي تخالفنا بكل شي ... مثال لانعدام الاخوه ... وساعات لانعدام الضمير.. وكثير اللي مثله..مستعد يبيع اهله عشان يحقق كل رغباته ولا يهمه احد بالكون ...

باقي الشخصيات كانو نجومي .. وكنت احوبهم واعيشهم بجد ..حتى ريماس موضي ..وترى حتى سطام ما حاولت اطلعه بصوره سيئه مره لاني حبيته ..

************************************************** **********

اكثر شي اضحكني ..اللي قالوا ان روايتي تشبه مسلسل او تشابه روايه ثانيه ..

ولكن انا للاسف ماشفت المسلسل اللي قالوا اسمه ... ولاقريت الروايه اللي تكلموا عنها .. لان اغلب قرائاتي كانت اجنبه اكثر منها عربيه ..وعلاقتي بالتي في مره سيئه ^^

اكثر شي آثر فيني ... انو كنتوا يا اغلى الناس كل جمعه تدعون لآبوي جعلني فدآه .. وربي يشفيه .. وربي كنت كل مره اشوفكم تدعون له بالشفاء.. تخنقني العبره .. والكلام ما كان يطلع معاي عشان اوفيكم حقكم من الشكر ...

اكثر شي اعجبني حماسكم اللي بفقده .. وروح كل شخص منكم الحلوه.. تعليقاتكم .. كلمات الدعم اللي كانت تجي منكم .. وآرائكم كلها وربي كانت تسعدني وتفرحني ..وهي سبب تقدمي دايما ..

كل شخص فيكم له مكان في قلبي .. وذكرى حلوه راح تبقى بذاكرتي ..حبيتكم من كل قلبي .. وادعي ربي ان يجمعنا بجنات الخلد .. هذي الدعوه اللي كلنا محتاجين لها .. وهي الاصدق من كل الكلآم..ونابعه من اعمآق قلبي ..

اشكر كل من دعمني معنويا .. وكل من مرني بين صفحاتي .. وكل من حب شتو ..

وربي كلمات الشكر وتوقف عاجزه قدامكم يا الغوالي ..واعتذر من كل شخص اخطيت عليه بقصد او من غير قصد .. وكل شخص ما اوفيته حقه بالرد .. او قصرت معاه بشي ..وكمان اعتذر عن وعودي اللي ظروفي حدتني اخلفها.. كثير مواقف انحرجت فيها منكم... يا ليت تسامحوني عليها ^^

بأشتاق لكم.. وبأشتاق لسوالفكم ولكلامكم.. لكل شي فيكم ... بحن لآحلى ايام عشتها معاكم ... راح اذكركم في كل لحظه .. ما راح انساكم ابد .. قضيت معاكم احلى اوقاتي بجد.. من 21-3-2009...الى اليوم 21-1-2010...عشنا فيها مع بعض.. وكل شخص فينا مر بأحداث كثيره وتشاركنا في بعضها ... بأقولكم كل شي صار بيبقى محفور بداخلي ومستحيل اقدر انساه...احبكم..

اشكر بالآخص صديقاتي اللي مآ راح يغيبون عن بالي .. وما راح انساهم طول ما حييت .. حسايف دمعي هليته .. فيانكا .. الشـامخـAـSـkـه .. Я Ǿ N A

هم بجد وقفوا معاي في اصعب المواقف اللي مرت علي .. كانوا صديقات بكل ما تحمله الكلمه من معنى .. ولولا الله ثم هم ..يمكن ما قدرت اكمل كتابه ..ومع اني وقفت لمرات كثيره... بس هم وانتوا كنتوا اكبر دافع لي

الله لا يحرمني منكم يارب ... ونبقى دايم احباب واصحاب يالغوآلي ..

استوعدكم الذي لا تضيع ودائعه ..على ان يجمعنا على خير ..واذا كتب لي رب القدر .. اني ارجع لكم من جديد ... بأرجع لكم بروآيه اسمها ..

" حـــــديث الــــــورد"

وبالنهايه لما يجف الكلام .. وتغرق عيني من الدموع.. ما اقدر الا اني اودعكم ..وآصعب لحظه علي الوداع.. لكن اؤومن اننا راح نلتقي ..

كونوا بخير وبسعاده دايمه .. الى ما نلقتي بأذن الله .....

بقايا شتات ....,

شتــــــــــــــــو..