رواية الابواب الخمس الفصل الرابع عشر 14 - بقلم ريام هادي

هام جداً ❌❌❌❌❌
مساء الـ🥀ـورد والهنا

دائماً يسألوني قصصي عبرت الملايين شلون محد لهسه عرف ابطالها واني ابتسم واسكت والسبب لان مااحب ادخلون بدوامه مشاكل القصص وانزع منكم روح الحماس والتشويق والمتابعه واحاول احلها بدون ماازعجكم

اعطيكم مثل بقصه ابي والغزلان وبأوج انتشارها اكو ناس مااكدر اكول غير ناس حشريه مأذيه من خلال قراءه القصه تعرفو على شخصيه بدون ذكر اسماء ومبلغيها تره قصه فلان ناشريها وهذه الشخصيه طبعاً هي بنت مو ولد واجت تهدد بنات الحجي بأن تكول لسجاد وصارت عركه كبيره ٣ ايام نوم اني منايمه يشهد الله وارجف مو خوفاً على نفسي اصلاً ميكدرون يحقوني بشئ لكن خوفي على بنات الحجي وحتى ادمنيه الكروب السابق كانو معي خطوه بخطوه
لحد مفضت اني انتهيت لان مااحب يتأذون البنات من كثر مااحبهم وكل هذا صار بسبب شنوو ؟

بسبب الناس الحشريه انتم تقرون قصه للعبره والاستمتاع ماله داعي ادورون وره ابطالها يعني فوك مانشكرهم لان شوفونا عجائب حياتهم وشاركونا حزنهم وفرحهم نأذيهم حتى اكو صديقه الي مجرد اسمها مشابهه لاسم وحده من البطلات داخلين على اخوها وكايلين انت منو منهم حسين لو سجاد تره بتكم تنشر قصتكم والولد لازم اخته ولاعب بيها طوبه وخطيه خلته يقرا القصه يله تأكد مو قصتهم زين شنوو الاستفاده من هاي الحركه شراح تستفادين من تإذين غيرج

واليوم انعادت الحاله اكو ناس تبحث خلف ناي واختها حتى تأذيهم فوك ما الدنيا أذتهم يعني لهاي الدرجه اكو ناس مؤذيه
وناس تحب الخباثه

اترجاكم اقروا القصص للعبره والتسليه واتركو الابطال سواء بقصتي او قصه اي كاتبه

وبلنسبه لقصه الابواب الخمس سابقاً نوهت بلمقدمه وكتبت راح تكولون معقوله اكو هيج ناس والمحور الاول والاخير لهذه القصه (ان كيدهن عظيم)

اعرف القصه مؤلمه وكلها قهر بقهر لهذا اختاريتها لان العبره فيها جميله جداً وان عداله السماء تظهر ولو بعد حين

ولتنسون نقطه مهمه يخلق من ظهر الفاسد عالم ورجاءاً ليش سالفه السحر الكل مستغرب منها لعد الحالات بالالاف النسمع عنها وينها شو طارت الكل محسسني ماكو سحر بس بيت عمشه

واني سامعه حالات وحتى شايفه بعيني اقوى من سحر صالحه وساهره بالالاف عدا القصص الي توصلي بلخااص تخليني اصفن ويقشعر بدني  احس ساهره وصالحه ملائكه من كثر الاسحار المخيفه الي مع الاسف اكو ناس متخاف الله تسويها
ليش حاستكم اول مره تعرفون بشى اسمه سحر يعني اذا مصار بيج السحر لاسامح الله اكيد بقريب بصديق بجيران او على الاقل سامعه من ناس يعني والله حسيت بس بيت عمشه بيه السحر والعراق  الْحٍمَدٍ للـّہ خالي تماماً من هاي الامور

الله يبعدهم عني وعنكم ويكفينا شرهم واذا مامره بحياتج ولا سامعه اسجدي لله كل ساعه على النعمه الي انتي بيها

القصه حقيقيه ومااكدر اغير بأحداثها ابد لان كل حدث وان كان بسيط اله تأثير رهيب بلمستقبل

المطلوب منكم استمتعو واخذو العبره واتركو التوتر القصه بعدها بأولها وماكو حزن يدوم يجي يوم ورب العالمين ينصر عبده واني مااختار قصه اله تكون بيها عبره مميزه والحزن موجود لان مامعقوله احد يريد ينشر قصته وهي كلها فرح وسعاده اقلها يخاف من العين 😊 ولتنسون احنا بلعراق العظيم المشهور بلحزن والالم
كل القصص تجيني تحمل طابع الحزن والمصائب لهذا اختارها
لتحكمون على القصه وهي بأولها

اسفة للاطاله لكن هذا الموضوع حيل وترني من تكلمت مع ناي وكالت اكو ناس بدت تشك وتعرف اهلي ارجع واكرر لاتبحثون عن الابطال الحقيقين وتتسببون بأذيتهم
ان شاء الله تخلص القصه على خير وبدون مشاكل
تحياتي لًلًـّــ💎ــجٌٓمٍَُٓيِّعَْٓ