الإقامة الجبرية الجزء الثاني
الحلقة الثالثة و العشرون
🌺🌺🌺🌺🌺🌺🌺🌺🌺
في صباح اليوم التالي
🌺🌺🌺🌺🌺🌺🌺
في المستشفي
🌺🌺🌺🌺🌺🌺
دخلت عائشة و هي مرعوبة علي صغيرتها و خلفها وفاء و هي تمسك يد اسر و معهم ليث و توجهو إلي مكان ميريت و وجدو حمزة و ساندي و سلمي و ريان يجلسون
عائشة بدموع : يعني بنتي تعبانة من امبارح و انتم عارفين و محدش يقولي
حمزة : يا طنط احنا محبناش نقلقك بس
عائشة بدموع : فين بنتي
سلمي : جوا
دخلت عائشة الي الداخل و خلفها وفاء وجدو صقر و فارس يجلسون على الكراسي و يضعون راسهم علي السرير
عائشة بدموع : صقر صقر اصحي
صقر بخضة : ميريت
فارس بخضة : ميريت حبيبتي انتي كويسة
و لكن وجدو ميريت تنام في امان
عائشة بدموع : لما اختكم تعبانة ليه محدش قالي
صقر بتنهيدة : هي مش تعبانة هي بس من قلة الاكل داخت شوية
وفاء : المفروض كنتم عرفتونا
فارس : معلش هو جدو وصل
عائشة : جدو مين تقصد مهدي
صقر : اه جدو مهدي هيجي النهاردة
عائشة : انا معرفش انا اتصلت علي تليفون ميريت مردتش اتصلت علي بيتر و قالي انها تعبانة
فارس : مين ده
اسر بنوم : فوفا عاوز انام
وفاء بحنان : تعالي حبيبي
حملتة و وضعته علي الكنبة و اخذت بطانية و وضعتها عليه و امنته من السقوط
فارس : مين ده
وفاء : ملكش دعوة
الباب انفتح و دخل الحاج مهدي الشيخ الذي يرتدي بدلة شيك باللون الازرق و اسفلها قميص باللون الابيض و عباية علي اكتافة و يحمل في يده العكاز و توجه إلى ميريت بسرعة فبعد صقر و فارس عن السرير
الحاج مهدي : هي هتصحي امتي
صقر : المفروض بعد شوية
الحاج مهدي بحنان : ميريت يا روحي اصحي يا قلب ابوكي و ضي عيونه
قبل الحاج مهدي خد و راس ميريت و ضمها لحضنة
خرجت وفاء و وجدت الكل يجلس
ليث : انا هاخد اسر
وفاء : ليه سيبه معايا انت عندك شغلك و هو هيروح يقعد لوحده سيبة معايا
ليث : بس الظروف
وفاء بابتسامة : قدام جدو مهدي وصل يبقي اطمن هنعيش حياتنا عادي أصله كان مزعل ميريت و جاي علشان يصلحها
ليث : هو جاي من مصر علشان يصالحها
وفاء بابتسامة : طبعا مش بنتة الصغيرة
ليث : لا معلش الراجل الكبير اللي لسه واصل والد ميريت ديه
وفاء : اه بنتة المهم ابقي خلي حد من الحرس يجيب هدوم لأسر علشان انا جبتة بهدوم النوم
ليث : حاضر اتفضلي ده رقم تليفوني لو عوزتي حاجة كلميني بس ممكن رقم تليفونك علشان اطمن علي اسر
وفاء : اه اكيد اتفضل اكتبة
كتب ليث رقم وفاء و غادر و دخلت مرة أخري وفاء للداخل و خلفها سلمي و ساندي
بعد فترة ابتدت تفوق ميريت وجدت والدها الحبيب يجلس أمامها و علي وجه ابتسامة جميلة فبتسمت ميريت و أغلقت عيونها و لكن فتحتهم بسرعة وجدت بالفعل والدها يجلس أمامها فرتمت في حضنة و فضلت تبكي و هو يملس علي شعرها بكل حنان و حب
الحاج مهدي بحنان : خلاص يا روحي قلبي كفاية عياط
ميريت بدموع غزيرة : لا انت زعلان مني
الحاج مهدي بحنان : هو انا اقدر ازعل من روحي و قلبي يالا بقي كفاية عياط دموعك غالية اوي اوي علي قلبي
ميريت و هي تمسح دموعها : لا خلاص مش هعيط تاني بس تسامحني
الحاج مهدي بحنان : مسامحك يا اغلي الناس و احبهم علي قلبي
اسر : عمو عمو عاوز ابوس الحلوة ديه
الحاج مهدي باستغراب : مين ده
وفاء بابتسامة : اسر حبيبي ده جدو مش عمو و ديه ميريت
اسر : جدو شيلني عاوز ابوس الحلوة ديه
صقر بغيظ : تبوس مين ياض مش كفاية ابوها عمال يحضن و يبوس و انا موجودة
الحاج مهدي و هو يقبل ميريت : هتموت انت بغيظك
صقر بغيظ : ارحم يا عم الحاج ديه ميريت مش عطر
الحاج مهدي بحنان : عطر و ميريت واحد حبايبي صح ميريتي
ميريت بفرحة : صح مهودي
صقر بغيظ : يعني اخرج منها انا صح ماشي يا بنت الشيخ
استمر الضحك و الهزار بين الجميع و بعد فترة غطت ميريت شعرها و دخل الشباب الثلاثة و كشف عليها ريان و طمأن عليها الجميع و غادرو المستشفي و عادو الي الفيلا
🌺🌺🌺🌺🌺🌺🌺🌺🌺
في فيلا الشيخ
🌺🌺🌺🌺🌺🌺
في غرفة ميريت
🌺🌺🌺🌺🌺🌺🌺
كانت تنام بين أحضان والدها الحبيب الذي يضمها لحضنة و يملس علي شعرها بكل حنان
الحاج مهدي بحنان : فاضل قد ايه على الرسالة
ميريت : مش كتير حبه صغننين
الحاج مهدي بحنان : عوزك تنجحي و تخلصي بسرعة
ميريت : حاضر هو حضرتك وصلت اذاي
الحاج مهدي بحنان : من يوم محكيتي ليا علي اللي الدكتور ******* عمله فيكي و انا قررت اجي اطمن عليكي و انا كده كده كنت هاجي النهاردة سواء تعبتي او لا
ميريت بدموع : و انا لو مكنتش تعبت مكنتش هتصالحني صح
الحاج مهدي بحنان : و انتي عارفة اني اقدر على زعلك انتي حبيبتي و روح قلبي و ضئ عيوني
ميريت بابتسامة : ربنا يخليك ليا يا حبيبي إنما ايه الشياكة كنت موز علشان كده مامي حبتك من زمان
الحاج مهدي بضحك : ههههههههههه و انا عشقتها من زمان اوي لما كانت لسه طفلة
ميريت بغمزة : حريفة مامي مهودي علقتك من زمان
الحاج مهدي بغمزة : و بنتها طالعة ذيها
ميريت باستغراب : مش فاهمة
الحاج مهدي بحنان : مش وقتة المهم هتروحي امتي لريان علشان الرسالة
ميريت بفلعة : يالهوي الاب توب كان معايا لما رحت المكتب ليه
الحاج مهدي بهدوء : اهدي يا حبيبتي و اتصلي عليه اساليه
ميريت : بس يعني
الحاج مهدي بحنان : اتصلي يا روحي اتصلي
اتصلت ميريت علي ريان
ميريت : السلامة عليكم و رحمة الله و بركاته
ريان بابتسامة : و عليكم السلام و رحمة الله و بركاته اذيك ميريت
ميريت : الحمد لله كويسة دكتور ريان كنت عاوز اسأل حضرتك علي حاجه ممكن
ريان بلهفة : من غير متسالي قولي علي طول
ميريت : بصراحة كده انا يوم مكنت عند حضرتك في الشركة كان معايا شنطة يد و شنطة لاب توب و بصراحة انا خايفة يكون الاب توب ضاع لاني حافظة الرسالة عليه
ريان : للأسف الشديد مش في الشركة
ميريت بخضة : انت بتتكلم بجد يعني ايه
ريان بحنان : اهدي الاب توب و شنطة اليد معايا في البيت
ميريت بفرحة : بجد شكرا اوي دكتور
ريان بابتسامة : طيب هتدفعي مقابل الحاجة ديه ايه
ميريت : مش فاهمة
ريان بابتسامة : مش مهم هو عمي مهدي لسه موجود صح
ميريت : اه بابي موجود جمبي
ريان بابتسامة : سلميلي عليا و هنتظرك بكرا في المستشفي الساعة ١٢ الظهر علشان نكمل الرسالة انتى متأخرة اوي
ميريت : حاضر هكون موجودة فى المعاد مع السلامة
ريان بابتسامة : مع السلامة
اغلقت ميريت مع ريان و وضعت رأسها علي صدر والدها الحبيب الذي ضمها لحضنة
🌺🌺🌺🌺🌺🌺🌺🌺🌺🌺🌺
يتبع
إلي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!