الإقامة الجبرية الجزء الثاني
الحلقة الثانية
🌟🌟🌟🌟🌟
في فيلا ميريت
🌟🌟🌟🌟🌟
وصل اسمر الي الفيلا و حاول يهدي نفسه و خبط
توجهت عائشة إلي الباب و فتحت الباب
عائشة بابتسامة جميلة : تعالي يا حبيبي نورت
اسمر بابتسامة : ده نورك يا طنط
عائشة بحنان : قولي يا ماما انا ذي امك و لا مش عاوز
اسمر بسرعة : لا طبعا عاوز و شي يشرفني
عائشة : قهوتك ايه
اسمر : بلاش تتعبي نفسك
عائشة بحنان : تعبك راحة يا حبيبي
اسمر : يبقي قهوة مظبوطة
عائشة بحنان : ماشي حبيبي هروح اعملها و لا اقولك تعالي معايا
اسمر بابتسامة : ماشي يا امي
توجه الاتنين الي المطبخ و وقفت عائشة تصنع القهوة و وضعتها أمامه
اسمر : تسلم ايدك يا ست الكل
عائشة بحنان : بالف هنا و شفا على قلبك يا حبيبي
اسمر : بعد تسلم ايدك القهوة تحفة
عائشة بحنان : بالف هنا
تناول الاثنين القهوة في صمت تام و لكن قطع اسمر الصمت و تكلم
اسمر بحزن : انا اتخنقت مع سلمي من غيرتي عليها انا عارف ان هي بتعامل صقر و فارس ذي يوسف اخوها بس اعمل ايه انا بعشقها و بغير عليها
عائشة بحنان : فهماك يا حبيبي قولي هو انا مش من ساعة موصلت و انا بقولك يا حبيبي يعني كده انا بحبك
اسمر : طبعا بتحبيني علشان انا ذي صقر و فارس و ميريت و سلمي و يوسف
عائشة بابتسامة : صح انا ابقي عمت ميريت و سلمي و جده صقر و فارس و بردو ميريت تبقي بنت عم سلمي و عمت صقر و خالة فارس و بردو سلمي تبقي بنت عم ميريت و عمت صقر و فارس و كمان اختهم في الرضاعة لان ام سلمي كانت تعبانة بعد الولادة مروة رضعت سلمي و مع كامل
اسمر بعدم استيعاب : لا براحة حده علشان انا مش فاهم حاجة و كل حاجة دخلت في بعضها
عائشة بضحك : افهم سلمي تبقي اخت صقر و فارس و عمتهم في نفس الوقت ذي ميريت مهي اخت صقر و فارس و عمتهم في نفس الوقت
اسمر : ايه العيلة ديه انا تهت منكم يعني سلمي و فارس و صقر اخوات صح
عائشة بضحك : صح
اسمر بفرحة : يعني لما تهزر معاهم مفيش غيره و لا الكلام الفاضي ده صح
عائشة بضحك : صح
اسمر بفرحة : يا حيا العدل هاتي بقي سولي حبيبتي
عائشة بجدية : انسي خالص بنتي هتفضل معانا هنا لغاية متتربي و تعرف ان بنات الناس مش لعبة و مش كل واحدة وقفت اتكلمت مع راجل يبقي هي خاينة احنا ربينا بناتنا على القوة و الصلابة و اي واحد يفكر ياذيهم يقتلوه
اسمر : علشان خاطري خليها تيجي معايا
عائشة : لا
اسمر : مش انا ابنك تردي امشي زعلان
عائشة : احمد ربنا اني بتكلم دلوقتي بهدوء و عقل علشان لو فكرت تعملها تاني متلومش غير نفسك
اسمر : حاضر
عائشة بحنان : اسمر اسمعني كويس اوعي تخلي مراتك فى يوم تنام زعلانة او مقهورة او معيطة منك علشان وقتها لو حصل ليها حاجة هتبقي انت السبب و عمرك مهتسامح نفسك لاخر عمرك هتفضل فاكر انك كنت سبب تعبها و دموعها لو بتحبها او بتعشقها بجد حافظ عليها خلي صدرك هو المخده اللي تنام عليه خلي درعاتك البطانية اللي تدفيها افضل واقف وراها دايما احميها من كل حاجة حتى نفسها الست لما تلاقي اهتمام الراجل اللي متجوزاه بيها بالشكل ده بتبقي عوزة تعمل المستحيل علشان تسعده صدقني انا مش بقولك الكلام ده علشان هي بنتي لا انا بقولك الكلام ده للزمن المفروض كان ابوك هو اللي يقوله بس الله يرحمه مخلف راجل كامل و عاقل و هيعمل الصح حافظ على بيتك و حياتك بلاش تخلي المشاكل تخرج برا اوضة نومك و مع نهاية كل ليلة لازم قبل متحط دماغك علي المخده تكون حليت المشكلة و انت بسم الله ما شاء الله عليك عاقل و راسي و هي هبلة عارف لو جبت ليها شكولاتة و لا وردة هتفضل تتنطط ذي الهبلة و هتحبك اكتر أملي عين مراتك و قلبها و عقلها
اسمر بابتسامة : حاضر يا امي
و برجاء : ينفع اطلع اصالحها طيب علشان ماتنمش معيطة
عائشة بحنان : اطلع يا بني صالح مراتك و نام جمبها
اسمر بفرحة و هو يقبل اديها : ربنا يخليكي لينا يا امي
عائشة بحنان : يالا يا حبيبي اطلع هي فى الأوضة اللي جمب جناح ميريت اكيد عارفة
اسمر بابتسامة : ربنا يخليكي يا ست الكل
صعد اسمر الي الأعلي و توجه إلى غرفة سلمي و فتح و دخل وجدتها تنام على السرير و جسدها يهتز نتيجة بكائها فاسرع لها وضمها لحضنه تحت اعتراضها و لكل بعد فترة استكانت بين أحضانة
اسمر و هو يقبل شفايفها بكل عشق
اسمر بعشق : اسف حبيبتي اسف و الله العظيم انا غرت عليكي من عشقي ليكي اسف
سلمي بدموع : انت وجعت دراعي اوي خلتني اخاف منك عينك كانت مرعبة و دراعي وجعني اوي
اسمر بحزن : حقك عليا انا اسف سولي
مسك اسمر دراعها تحت اعتراضها و جد مكان ايده ازرق فحزن بشدة و متلئت عيونة بالدموع
وضع اسمر قبلة علي ذراعها و نزلت دموعه
اسمر بدموع و حزن : اسف حبيبتي اسف و الله العظيم مكنتش اقصد اذيكي اسف حبيبتي
سلمي بدموع : اسمر حبيبي انت بتعيط
اسمر بدموع : دموعي منزلتش غير لاغلي الناس علي قلبي
سلمي بابتسامة : يعني انا غالية
اسمر بابتسامة وسط دموعه : مش غالية و بس انتي روحي
سلمي بفرحة : انا بعشقك سومي
اسمر بعشق : و انا بعشقك عصفورتي
ضمها اسمر لحضنة بشدة كأنه يخاف ان تهرب منه
سلمي بعشق : بحبك حبيبي
اسمر بعشق : بعشقك يا نور عيوني
انحني اسمر و قبل شفايفها بكل عشق و اخذها في عالمهم بكل عشق
🌟🌟🌟🌟🌟🌟🌟🌟🌟🌟🌟
في صباح اليوم التالي
🌟🌟🌟🌟🌟🌟🌟
صحيت ميريت و اتصلت علي والدها تطمن عليه
ميريت بابتسامة : صباح العسل و القشطة يا مهودي
الحاج مهدي بحنان : يسعد صباحك يا قلبي
ميريت : فطرت
الحاج مهدي بحنان : فطرت و اخد العلاج و مش هشرب قهوة غير بعد العصر واحد و بس
ميريت بابتسامة حانية : شطور يا قلبي كده صح
الحاج مهدي بحنان : قوليلي هتعملي ايه النهاردة
ميريت بابتسامة : دلوقتي انا لسه صاحيه من النوم هاخد دش و هصلي و هلبس و هروح الجامعة اشوف الدنيا فيها ايه كمان هقابل الدكاترا اللي كانو بيتابعو معايا في الرسايل و بعد كده هنزل المستشفي و هرجع
الحاج مهدي بحنان : ماشي يا قلبي
ميريت بابتسامة : بابي حصل حاجة امبارح و مش عارفة اعمل ايه
الحاج مهدي بتركيز : قولي يا روحي
ميريت : امبارح انا حكيت قدام الدكتور ريان و أستاذ حمزة و ابيه اسمر اني بعمل رسايل الماجستير و الدكتور ريان قالي انه ممكن يمسك هو رسالة الماجستير بتاعة القلب و الأوعية الدمويه مش عارفه اعمل ايه أوافق و لا أرفض
الحاج مهدي بجدية : انا مينفعش اقولك اسمعي كلامه و خليه هو لان الدكتور بتاعك معملش حاجه و كمان ساعدك يبقي حرام نضيع مجهودة علي الارض بس لو عمل حاجة تسبية فورا
ميريت : حاجة أكيدة متقلقش
الحاج مهدي بحنان : ماشي يا روحي جبتي عربية
ميريت : لسه هشوف الشباب و نرتب وقت و نروح مع بعض
الحاج مهدي بحنان : ماشي يا قلبي يالا روحي شوفي وراكي ايه
ميريت : ماشي حبيبي هقفل دلوقتي و هكلمك تاني
الحاج مهدي بحنان : طريق السلامة يا قلبي خلي بالك من نفسك و اخواتك
ميريت بحب : حاضر يا قلبي يالا سلام
الحاج مهدي بحنان : سلام يا مجنونة قلبي
اغلقت ميريت مع والدها و توجهت إلى الحمام و اخذت دش و تؤضات و صلت فروضها و قامت باختيار ملابس اختارت بلوزة باللون الاوف وايت و بنطلون باللون الازرق و بوط طويل باللون الجملي و شنطة باللون الجملي و طرحة باللون الازرق و نزلت الي الاسفل
🌟🌟🌟🌟🌟🌟🌟🌟🌟🌟
في الاسفل
🌟🌟🌟🌟
كانت عائشة جهزت الفطار و تجلس و اسمر و سلمي و صقر يجلسون في انتظار نزول فارس و ميريت
ميريت بابتسامة : صباح الخير
الكل : صباح النور
ميريت : فين فارس
فارس بضحك : صباحو شباب
سلمي بضحك : اقعد يا مجنون
عائشة بجدية : جدولكم ايه النهاردة
صقر : عندي مقابلة مع الدكتور المناقش للرسالة بعد كده هروح المستشفي
فارس : انا عندي اكيد محاضرات لسه هجيب الجدول
ميريت : انا ذي صقر بس ٣ مقابلات
سلمي : عربيتكم هتوصل امتي
ميريت بغيظ : مفيش عربيات احنا هنشتري جديد
سلمي بغيظ : يا سلام جبتم عربيات خدت سنة و هتجيبو جديد ده ظلم
ميريت بضحك : و الله يا سولي البرنس مهدي الشيخ هو اللي قال لازم ميريت قلبة تركب عربية جديدة أحدث موديل
صقر بضحك : و انا يا اختي الحاج محمد الشيخ اقسم ميت يمين لازم الدكتور صقر يركب عربية جديدة
فارس بضحك : و انا يا سوسو الكنج عبد الله الشيخ فضل يتحايل عليا علشان اجيب عربية
سلمي بغيظ : رخمين علي فكرة
اسمر بضحك : و لا يهمك يا قلبي احلي عربية ليكي
ميريت بغيظ : بس احنا عربيتنا احلي و اغلي
سلمي بغل : هركب بوش
صقر بضحك : قديمة اوي اختي الحلوة
فارس : بفكر اركب Jeep
صقر : و انا بفكر اركب اسبور
ميريت بغمزة : انا بقي هركب Hmar
سلمي بغل : و الله يا ولاد الشيخ لركبكم عربيات أوبرا
ضحك الشباب عليها و شاركهم اسمر و عائشة الضحك
اسمر بضحك : بصراحة انتم مجانين
صقر بغمزة : اي خدمة يا برنس
فارس بضحك : مع شباب الشيخ مش هتقدر تغمض عينيك
ميريت بضحك : احنا خدمة ٧٢ ساعة فى ٢٤ ساعة
اسمر بضحك : و لا كانكم دكاترا
صقر بضحك : دكاتره ايه يا برنس واحد مصاحب اشرف بلاعة و سنية سوستة و فتكات لمبة عاوزة يطلع ايه
فارس بضحك : اكيد طبال
ميريت بضحك : او رقاص
اسمر بضحك : لااااااا انا مش قادر يالا سلام
وقف اسمر و توجه إلى عائشة و قبل رأسها و اديها
عائشة بحنان : مع السلامة يا حبيبي طريق السلامة
اسمر بحنان : عوزة حاجه مني يا امي
عائشة بحنان : عوزة سلامتك يا ابني
اسمر بحب : حبيبتي محتاجة حاجة مني
سلمي بابتسامة : محتاجة سلامتك هروح الجامعة و هرجع علي البيت هستناك متتاخرش
اسمر بحب : حاضر يا قلبي
وضع اسمر قبلة علي خدها و سلم على الشباب و غادر الي الشركة
ميريت بابتسامة : انا هروح الجامعة علشان منتاخرش يالا
صقر : يالا
ودع الجميع عائشة و غادرو الفيلا و توجهو إلي الجامعة
🌟🌟🌟🌟🌟🌟🌟🌟🌟
يتبع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!