الإقامة الجبرية الجزء الثاني الفصل الثامن والعشرون 28 - بقلم الامبراطورة نور الشمس أماني فهمي

الإقامة الجبرية الجزء الثاني

الحلقة السابعة و العشرون
🌺🌺🌺🌺🌺🌺🌺🌺🌺

في ألمانيا
🌺🌺🌺🌺

في منزل ميريت
🌺🌺🌺🌺🌺🌺🌺

كانت تنام ميريت من جهة و صقر من جهة و كانت عائشة تنام في المنتصف و تضهم لحضنهم و تقرأ علي رأسهم آيات الذكر الحكيم لعلهم يطمان قلبهم

صقر بخوف : ماما انا خايف
ميريت بخوف : و انا كمان ماما
عائشة بحنان : مالكم يا حبايبي هي اول مرة
ميريت بخوف : اه اول مرة
عائشة بحنان : لا حبيبتي مش اول مرة ده امتحان عادي مش طول عمركم بتمتحنو قدام الأساتذة و الدكاترا هو ده كمان امتحان هتمتحنوه و هتنجحو فيه يبقي خلاص نهدي كده و نقوم نصلي و نقرأ وردنا و نراجع و خلاص و نسلمها لربنا انتم كنتم بتوصلو الليل بالنهار شغل و مذاكرة مكنتوش بترحمو نفسكم ليل و نهار مذاكرة و اكيد ربنا مش هيضيع تعبكم علب الارض صح و لا غلط
صقر بتنهيدة : صح ماما
ميريت : بس
عائشة بجدية : من غير بسبسة يالا كل واحد يقوم يتوضأ و يصلي و يقعد يراجع اللي وراه يالا يالاااااااااااا

انتفض صقر و ميريت و خرجو يجرو خلف بعضهم و توجهو إلى غرفهم

ضحكت عائشة عليهم فهي متعودة على ذلك اليوم قبل بداية الامتحانات

مر الوقت سريعا و حضر ريان و اسمر و حمزة و البنات جلسو في الجنينة

جلس ريان امام ميريت و كان يتناقش معها في الرسالة و هي تجاوب بكل سهولة

اما اسمر فكان يتناقش مع صقر في الرسالة و هو يجاوب بكل سهولة

ريان : تمام شباب كده تمام و اي مراجعة تاني أو ضغط علي مخكم هتنسو كل حاجة يبقي دلوقتي كل واحد يعمل ريسترت لمخة و يطلع يجهز هدومة و ينام
ميريت بخوف : بس انا خايفة
ريان بحنان : من ايه انتي اي سؤال كنت بسالة كنتي بتجاوبي عليه يبقي خايفة من ايه
ميريت بحزن : عوزة بابي انا متعودة من صغري ان بابي يبقي معايا وقت الامتحانات
ريان بحنان : ميريت حبيبتي انا موجود جمبك و الباقي كمان موجود كمان بابا اكيد هيكلمك و يطمن عليكي و وعد مني هنقل كل الرسالة ليه علي النت انا متفق معاه علي كده ماشي
ميريت : ماشي
ريان بضحك : هو البرنس مش وراه امتحانات بعد اسبوع
فارس بضحك : ههههههههههه و الله يا كوتش لسه وقت رعبي مجاش كمان انا مجتهد مش ذي العيال ديه دول عيال فافي مش ذي
اسمر بضحك : ههههههههههه يا خوفي منك
فارس بضحك : ههههههههههه اطمن امتياااااااز
اسر بفرحة : قطة هو انا هاجي معاكم اشوفك و انتى بتسمعي الدرس للمستر
ليث : لا حبيبي انا و انت هنروح الشركة
ميريت : لا طبعا حبيبي انت هتيجي معايا
اسر بحزن : بس بابي
وفاء بابتسامة : يالا اسوري نجهز الهدوم اللي هنروح بيها مع ميمو و صقوره
اسر بفرحة : ماشي يالا بسرعة

اخذت وفاء اسر و توجهو إلي منزله لاختيار ملابس له

صقر : اعمل حسابك هتكون موجود الساعة ٩ الصبح علشان توصلنا
ليث بغيظ : ليه هو انا السواق بتاعكم
صقر : لا طبعا انت السواق بتاعي انا و بس
ليث بغيظ : عارف هضربك في يوم
صقر بحزن مصطنع : ربنا يسامحك عاوز تضربني و انا غلبان شكرا يا ليث شكرا
ليث بغيظ : انا همشي احسن ممكن اقتلك عادي تصبحو علي خير

غادر ليث بسرعة و توجه إلى الفيلا و صعد الي الأعلي

🌺🌺🌺🌺🌺🌺🌺🌺🌺

في جناح اسر
🌺🌺🌺🌺🌺

كانت وفاء تختار ملابس اسر الذي اثر علي ارتداء بدلة باللون الاسود مع قميص باللون الابيض و جرفت باللون الازرق

وفاء بحنان : يالا بقي حبيبي نام علشان تصحي الصبح
اسر و هو يقبل خدها : تصبحي على خير فوفا
وفاء بحنان : تصبح على خير حبيبي

خرجت وفاء و لكن اتخضت عندما وجدت ليث يقف أمامها

وفاء بخضة : ليث حرام عليك خضتني
ليث بحنان : سلامة قلبك يا قلبي من الخضة
وفاء : بعد اذنك
ليث : وفاء انتي ليه بتهربي مني
وفاء : مش فاهمة احنا كنا لسه قاعدين مع بعض كلنا
ليث : لا انتي فاهمة انا اقصد ايه وفاء انا بحبك
وفاء بحزن : مش هينفع صدقني
ليث بغضب : ليه ليه كل مرة اقولك بحبك تقوليلي مش هينفع ليه
وفاء بخوف و دموع : علشان انا مطلقة و مش عاوزة اظلمك معايا انا مدمرة الحيوان اللي كنت متجوازة كان بيضربني و يعذبني هو و أمه و آخر اليوم المفروض اكون قاعدة جاهزة و مستنياه علشان ينهش في جسمي و فى الاخر مش بعجبة و لا بملي مزاجة و يفضل يكسرني بكلامة و لولا ميريت كان زماني لسه علي زمته او ميتة فكر يا ليث في واحدة تقدر تسعدك و تحبك

مشيت وفاء و هي تبكي و لكن في لحظة واحدة كان ليث يمسك اديها و يشدها لحضنة و ينحني يقبل شفايفها بكل نعومة و عشق و بعد فترة بعد عنها

ليث بعشق : اعرفي انك ملكي ملك ليث و عمري مهسيبك مفهوم
وفاء : لا رد
ليث بحنان و هو يلعب في خدها : مفهوم حبيبتي

نظرت له وفاء بصدمة و خرجت تجري فيتسم ليث و توجه الي جناحة

اما وفاء فاسرعت الي خارج الفيلا و توجهت إلى مكان الجميع و لكن وجدت ان ريان و اسمر و حمزة و البنات غادرو و صقر و فارس و عائشة عادو الي الفيلا و ميريت تتحدث مع والدها فجلست مكانها المعتاد

أغلقت ميريت مع والدها الحبيب و توجهت إلي مكان وفاء و جلست بجوارها

ميريت بحنان : سيبي قلبك يحركك بلاش تكسري قلبك بالبعد و تعذبي نفسك و تعذبي الباقي
وفاء بحزن : مينفعش مينفعش انا بخاف ابص علي جسمي من الضرب
ميريت بجدية : وفاء بلاش تضيعي نفسك و عرفي انك غلط اللي حصل حصل انتى و لا اول واحدة تطلق و لا اخر واحد تطلق عيشي حياتك و انسي الماضي كمان انتى مطلقة و هو أرمل يعني مفيش حد احسن من حد كمان نحمد ربنا انك مخرجتيش من الجوازة الشوم ديه بعيل
وفاء بدموع : خايفة احبه محدش يقبل فى البلد بيه
ميريت : نعم انتى هبلة يا بت محدش يقبل ليه ان شاء الله واحد محترم و رجل أعمال عوزين ايه تاني
وفاء بدموع : معرفش معرفش يالا نقوم ننام علشان الجامعة الصبح
ميريت : ماشي وفاء يالا

صعدت البنات الي غرفهم و نامو

🌺🌺🌺🌺🌺🌺🌺🌺🌺

في الصباح
🌺🌺🌺🌺

صحيت عائشة كعادتها و نزلت جهزت الفطار و صعدت الي الأعلي و خبطت علي صقر و فارس و وفاء و ميريت و صحتهم و تركت لهم الحرية في اللبس و اخذ دش

ارتدت وفاء بنطلون جينز باللون الازرق مع بدي باللون الابيض و بليزر باللون الازرق و هاف بوط باللون الابيض و طرحة باللون الابيض و اللون الأزرق و عملت مكياج هادي و كحل عربي باللون الازرق برز عسلية عيونها و حملت الشنطة و نزلت الي الاسفل

اما ميريت فارتدت بدلة نسائية باللون النبيتي مع قميص باللون الابيض و طرحة باللون النبيتي و اللون الأبيض و و اكتفت بكحل عربي باللون الاسود برز زرقاء عيونها و حملت الشنطة و نزلت الي الاسفل

تجمع الشباب في الاسفل و لحظات و أعلن الباب عن قدوم الجميع فتوجه فارس و فتح الباب و جدته اسر و ليث الذي ابتسم لهم

جبرت عائشة الجميع علي تناول الفطار و بعد ذلك توجهو إلي الجامعة

🌺🌺🌺🌺🌺🌺🌺🌺🌺🌺

في الجامعة
🌺🌺🌺🌺🌺

كان ريان امر بتجهيز شاشة عرض كبيرة لنقل مناقشة الرسالة اللي الصعيد و جلسو في انتظار قدوم الجميع

وصلت سيارات عائلة مايكل جاكسون و خلفهم سيارات جورف و معه يوسف و ادم و اخيرا وصلت سيارات الشباب

نزلت الشباب من السيارات و توجو الي الداخل وجدو الجميع

فرحت ميريت بقدوم جوزف و خالها يوسف و والدها الثاني ادم

علمت ميريت و صقر بنقل مناقشة الرسالة الي الصعيد
و فرحو بشدة

مر الوقت سريعا و دخل مجموعة من الأطباء و جلسو في اماكنهم و بتدا مناقشة الرسالة الخاصة بصقر

وقف صقر يجاوب علي جميع الأسئلة بكفاءة و خبرة بدون خوف

كانت ميريت تجلس و هي مرعوبة و لكن وجدت ريان يمسك اديها و يطمانها و بالفعل كأنه دواء و استطاع ان يهدي روعها

انهي صقر من الاجابة علي جميع الأسئلة و جلس الأطباء يتناقشون في منحة الدكتوراه و بالفعل أعلن رئيس الأطباء عن منح الدكتور صقر الشيخ الدكتوراة بتقدير امتياز مع مرتبة الشرف و السماح له لمزاولة المهنة

اسرعت ميريت الي صقر و حضنتة بشدة و ايضا وفاء و بارك له الجميع

🌺🌺🌺🌺🌺🌺🌺🌺🌺🌺

اما في الصعيد
🌺🌺🌺🌺🌺🌺

كان الجميع يجلسون يشاهدون ما يحدث في الجامعة لدي الشباب و عندما وجدو ميريت تسرع الي صقر و هي تضحك علمو بأنه نجح فهلل الجميع

و كان الحاج مهدي يجلس على اعصابة خوفا علي صغيرتة و ندم أشد الندم علي تركها في مثل هذا اليوم بمفردها

في الجامعة
🌺🌺🌺🌺🌺

دخل الأطباء الخاصين لمناقشة الرسالة الخاصة بميريت و التى وقفت و توجهت إلى مكان صقر و حيت الأطباء

كان الأطباء يتناقشون في مضمون الرسالة و شرحت لهم بالكلام و الصور ما المطلوب و بعد أسئلة كثيرة من داخل مضمون الرسالة و خارجها أعلن الأطباء عن منح الدكتورة ميريت الشيخ الدكتوراة بتقدير امتياز مع مرتبة الشرف و السماح لها لمزاولة المهنة

اسرع صقر و فارس و جوزف لها و ضموها لحضنهم بشدة و قبلو رأسها و بعد ذلك حضنت وفاء و عائشة و البنات و حضنت خالها يوسف الذي كان يجلس بفخر كأنه يشاهد عطر أمامه و ادم الذي ضمها لحضنة بكل حنان و قبل رأسها و سلمت ميريت علي الجميع براسها دون لمس ايديهم

و اخذت الهاتف و خرجت تجري تتحدث مع والدها الحبيب

الحاج مهدي بفرحة و دموع : مبروك مبروك مبروك يا ضي عيوني
ميريت بدموع : بابي انا حققت حلمي انا بقيت دكتورة قلب و اوعية دموية و معايا شهادة معتمدة من أكبر كلية في العالم
الحاج مهدي بحنان : الحمد لله انا فرحان اوي حقك عليا كان نفسي اكون معاكي بس السن
ميريت بابتسامة : ربنا يخليك ليا يا مهودي
الحاج مهدي بخبث : بس بصراحة ربنا يخليه ريان نقل مناقشة الرسالة كلها صوت و صورة بصراحة كريم و حلو و دكتور و مشهور و اهم من ده كله محترم و عارف ربنا ربنا يجعله من نصيب بنت الحلال انا لو كان عندي بنت كنت جوزته ليها و انتى ماجلة الجواز دلوقتي
ميريت بحزن : ربنا يكرمه يا رب
الحاج مهدي بضحك : ههههههههههه بس ايه يا موزة الحلاوة ديه قمر ١٤
ميريت بضحكة رنانة : هههههههههه هههههههههه مهدي يا شيخ انا ميريت الشيخ مش عطر الوكيل
الحاج مهدي بضحك : ههههههههههه و انتي تعرفي تبقي عطر الوكيل ديه نبض قلبي و عقلي و روحي و كياني
صقر بضحك : ههههههههههه الله الله يا بن الشيخ بتقول شعر
فارس بضحك : ههههههههههه طول عمره شاعر هو لو كان كمل كان زمان شعره بيدرس
الحاج مهدي بضحك : ههههههههههه ماشي يا ولاد الكلب منك ليه لما ترجعو بس
صقر بضحك : ههههههههههه علي فكرة انت بتشتم عيالك مش بتشتمنا
ميريت بغيظ : بس يا حيوان منك ليه محدش يزعل بابي

مر الوقت و توجهو إلي احدي المطاعم الفخمة و التي كانت و تم حجزها من قبل جورف حتي يحتفل بصغيرتة

🌺🌺🌺🌺🌺🌺🌺🌺🌺

يتبع

الي لقاء جديد في الحلقة القادمة

توقعاتكم بالقادم