الإقامة الجبرية
الحلقة الخامسة عشر
سافر الدكتور مهدي و سارة الي انجلترا
سافر غيث الحديدي الي استراليا
وصل صقر و فارس الي قصر الحديدي و اعطي للخدم حقائب ملابس ميريت و غادرو
في قصر الحديدي
في غرفة ميريت
كانت ميريت تنام على السرير و هي تبكي بشدة على كل شي يحدث معاها
ميريت بدموع غزيرة : يا رب انا تعبت ليه بيحصل فيا كل ده انا مليش ذنب مامي حبت بابي و تجوزو مليش ذنب مش كفاية طول عمري بعيدة عن حضن بابي و كنت بفرح بيه شهر واحد بس دلوقتي اتحرمت منه للابد يا رب رحمتك
استمعت ميريت لصوت خبط على الباب فمسحت دموعها و توجهت إلى الباب و قامت بفتحة
ميريت بصوت خافض : تحت امرك يا فندم
سعاد بحزن : شنطك يا بنتي
ميريت : شكرا
سحبت ميريت الشنط و ادخلتها في الغرفة و أغلقت مرة أخري الباب
في جناح محمود و ايمان
محمود : ايمان ابقي شوفي البنت بلاش تسبيها كده لوحدها كفاية ابنك و اللي عمله
ايمان : و انا اعمل ايه هحاول أقرب منها
محمود : خلي بنتك قمر ترحم البنت كفاية تكبر و سخرية منها
ايمان : قمر ذي غيث الغرور واخدها
محمود : على العموم الدراسة هتبدا بعد يومين و البنت هتتشغل فى الدراسة
ايمان : هي صحيح بتدرس ايه
محمود : و الله معرف بس هنشوف
الباب خبط و فتحت ايمان كانت سعاد
ايمان : في حاجة يا سعاد
سعاد : احضر العشا يا هانم
ايمان : احنا مش هنقدر ننزل هاتي الاكل هنا و سألي الباقي
سعاد : ماشي
سألت سعاد قمر التي امرتها باحضار الطعام الي غرفتها و رفض عاصم الاكل فكانت عبير تنام منذو فترة
سعاد : طيب الغلبانة ديه مش هتاكل اروح اسألها
توجهت سعاد الي غرفة ميريت و فضلت تخبط و لكن لم تصل لها إجابة فعلمت بأنها نامت فتركتها و نزلت تجهز العشاء لايمان و قمر
مر الوقت سريعا
في صباح اليوم التالي
صحي الجميع و تجهزو للنزول الي الاسفل لتناول الفطار
محمود : ايمان فين ميريت
ايمان : معرفش اكيد لسه نايمة
محمود : من فضلك اهتمي بيها البنت صغيرة و وحيدة و ابنك عمل معاها الواجب و زيادة
ايمان : تمام
قمر بسخرية : متخفش يا بابي مش هيحصل حاجة
عبير : كفاية يا قمر
عاصم : الدراسة هتبدا من بكرا هي هتروح
محمود : طبعا هتروح
قمر بسخرية : يا ترا بقي دبلوم تجارة و لا صنايع
ايمان : قمر ملكيش دعوة
سعاد : ست ايمان
ايمان : نعم
سعاد : انا جهزت الفطار و طلعته للعروسة اللي فوق بس مش فتحت و البنت من امبارح مش كلت
محمود : اطلعي يا ايمان اطمني على البنت و خليها تنزل تقعد معانا
قمر : انا هطلع ليها
ايمان : لا انا هطلع
قمر : خليها تنزل معاكي تجهز الغدا احنا مش خدمين عندها
عبير : يا بنتي اهمدي اكيد مش بتعرف تعمل حاجة انتي شفتي اهل امها يا لهوي عليهم دول تقسيمة واحدة نفس البياض و الشعر و العيون
عاصم : عندك حق و الله
محمود : بس انا سمعت عن جوزف المالكي رجل أعمال كبير
عاصم بسخرية : ده قتل مافيا بحالها و الكل بيخاف منه
قمر بخضة : يعني ايه
عاصم : يعني اخوها بيكون زعيم مافيا بعد ابوه
محمود بابتسامة خبث : يعني المفروض الكل يحترمها و بلاش مشاكل علشان هو لو عرف ان اخته عندها مشاكل مش هيرحم حد
قمر : و لا يهمني
عبير : عارفة انتي هتفرقعي من كتر الغرور
قمر : ملكيش دعوة
عند ايمان
صعدت ايمان الي الأعلي و هي تحمل صنية الطعام و خبطت على غرفة ميريت مرة و مرة و مرة
ايمان : ميريت افتحي
كانت ميريت تنام كما هي بفستانها الابيض و فاقت على صوت خبط على الباب
ميريت بنوم : ايوة ايوة لحظة
اسرعت ميريت و ارتدت الطرحة و فتحت الباب و جدت ايمان أمامها
ايمان بذهول : انتي كنتي نايمة بالفستان
ميريت : اسفة يا انطي بس نمت محستش بالوقت
ايمان بحزن : انا عارفة انك زعلانة بس انتي و غيث اتفرض عليكم الوضع ده و لازم تستحملوة
ميريت بهدوء : تمام يا انطي
ايمان بابتسامة : يالا يا حبيبتي خدي الاكل و عملي حسابك الغذا هيبقي تحت مع الكل
ميريت : معلش يا انطي ممكن منزلش
ايمان بحنان : يا روحي هتفضلي حابسة نفسك هنا ليه لازم تنزلي و تعيشي حياتك كمان عمك محمود عوزك
ميريت : حاضر هنزل بس ممكن تعرفيني الساعة كام
ايمان بابتسامة : هبعتلك سعاد ماشي
ميريت : حاضر يا انطي
ايمان : هسيبك انا بقي
خرجت ايمان و قامت ميريت بإغلاق الباب بالمفتاح و نظرت لنفسها و جدت آثار الدموع واضح بشدة على خدودها و عيونها
ميريت بتنهيدة : يا رب قويني و رحمني برحمتك
قامت بالتوجه الي الحمام و جهزته و احضرت ملابس لها و اخذت دش و تؤضات و خرجت تصلي فروضها و جلست تقرأ وردها اليومي
نظرت ميريت الي الطعام و تناولت فقط كأس العصير و قطعة توست مع جبنة
رتبت ميريت ملابسها في الدولاب و بتسمت بسخرية للملابس النوم التي احضرتها عائشة لها حتى ترتديها امام زوجها
ميريت بسخرية : طيبة انتي يا ماما انا عريسي زمان فى حضن واحدة تانية ده بيسخر مني و محتقرني بس يالا الحمد لله
اتصلت ميريت علي والدها و فضلت تتحدث معه و عندنا سأل علي غيث اخبرته بسفرة و كأنها لا تهتم لامره
الحاج مهدي : يعني انتي زينة يا بتي
ميريت بابتسامة : اه يا حبيبي
الحاج مهدي : هتروحي الجامعة بكرا
ميريت : اه هكلم صقر يجي يخدني
الحاج مهدي : اشتري عربية ليكي المسافة بعيدة على صقر يا بنتي
ميريت : ماشي بس العربية اللي نفسي فيها غالية
الحاج مهدي : فداكي فلوس الدنيا كلها
ميريت بفرحة : يعني هجيب ٣ عربيات
الحاج مهدي بضحك : اه ناوية تبيعيني هدومي
ميريت بدلع : الله بقي علشان خاطري
الحاج مهدي بحنان : خاطرك غالي عليا يا نن العين هاتي اللي عوزاه بس فارس لسه صغير
ميريت : اللي تشوفه
الحاج مهدي : هي العربية بكام يعني
ميريت بدلع : مش غالية اوي مهودي ٧٥٠ الف بس
الحاج مهدي بصدمة : وه وه وه وه وه يعني ٢ مليون جنية و ربع كمان كتير
ميريت : لا يا حبيبي انا عربيتي بس ٧٥٠ الف و صقر العربية اللي عجباه ٥٠٠ الف و فارس العربية اللي عجباه ٣٥٠ الف يعني الكل ب مليون و ٦٠٠ الف بس
الحاج مهدي بحنان : ماشي يا حبيبتي هاتي اللي عوزاه بكرا الصبح هحط الفلوس فى حسابك
ميريت بفرحة : شكرا حبيبي شكرا بكرا بعد الجامعة هنروح المعرض و نتفق عليهم
الحاج مهدي بحنان : اهم حاجة تكوني مبسوطة
ميريت بابتسامة : الحمد لله يا حبيبي
الحاج مهدي بحنان : طيب يا قلبي انا هقفل دلوقتي عوزة حاجة
ميريت بابتسامة : لا حبيبي عوزة سلمتك
أغلقت ميريت مع والدها و اتصلت على عائشة و طمنت عليها و كلمت الشباب
جلست ميريت و مسكت كتاب تقرأ بيه حتي تستعد للدراسة غدا فهي قررت ان ترمي كلام الجميع خلف ظهرها و تهتم بنفسها و دراستها
مر الوقت سريعا و فاقت على صوت خبط على الباب فتوجهت و سألت من الطارق و علمت بأنها واحدة اسمها عبير ففتحت
عبير بابتسامة : صباح العسل
ميريت بابتسامة : صباح النور
عبير : امممممم هنفضل واقفين كده كتير
ميريت : مش فاهمة معلش
عبير بضحك : مش هدخليني اوضتك
ميريت باسف : اسفة اتفضلي
دخلت عبير و أغلقت ميريت الباب و دخلت
عبير بابتسامة : قوليلي بقي بتعملي ايه
ميريت : مفيش كنت بذاكر
عبير : لسه الدراسة مش بدأت ليه بتذاكري من دلوقتي
ميريت : علشان اقدر اجمع اكبر قدر من المعلومات و قدر افهم الشرح
عبير : انتي عارفة انا مين
ميريت : ايوة حضرتك ابلة عبير
عبير بابتسامة : مفيش ابلة انا عبير و بس
ميريت بابتسامة : حاضر
عبير : قوليلي بقي انتي في سنة كام
ميريت : اخر سنة دراسة و بعدها سنة تكليف
عبير : تكليف ايه
ميريت : تكليف في المستشفي و بعدها اقدر اعمل اللي انا عوزاه
عبير : انتي فى معهد تمريض
ميريت بابتسامة : تمريض ايه انا نهائي طب
عبير : بجد طب ايه
ميريت : يعني ايه ايه
عبير : هتدرسي ايه
ميريت : باطنة و قلب و اوعية دموية و أورام
عبير : هو مش المفروض حاجة واحدة
ميريت : هو صح المفروض تخصص بس انا اخترت كذا تخصص
عبير : كويس اوي علشان لما نحتاج دكتورة يبقي عندنا
ميريت بابتسامة : تمام
عبير : اه صح يالا علشان ننزل نتغدا و بابا عوزك
ميريت : حاضر لحظة واحدة بس ابدل هدومي
عبير : ماشي هستناكي تحت
ميريت : لا من فضلك انا بس ٥ دقايق و هجهز
عبير بحنان : ماشي متزعليش
اخذت ميريت فستان باللون الروز و طرحة باللون الابيض و الروز و توجهت إلي الحمام
بدلت ملابسها و خرجت
ميريت : انا جاهزة
عبير بابتسامة : قمر يا ميريت
نزلت البنات الي الاسفل
في الاسفل
نزلت ميريت و عبير و توجهو إلي الصالون
محمود بابتسامة : اهلا اهلا بالقمر اللي نور البيت
ميريت بأدب : اهلا بحضرتك
محمود بحنان : اقعدي يا بنتي
جلست ميريت و كان الجميع يجلسون أمامها
عاصم بابتسامة : انا عاصم ابن اخو عمي محمود و جوز عبير
ميريت بأدب : اهلا و سهلا
امجد : انا اخو عاصم و خطيب قمر
ميريت بأدب : اهلا و سهلا
محمود : بكرا اول يوم دراسة جاهزة
ميريت : ايوة
قمر بسخرية : انتي فى دبلوم تجارة و لا صنايع و لا تمريض
ميريت : لا انا في
عبير : ميريت دكتورة و اخر سنة كمان
إيمان : بجد كلية ايه بقي
ميريت : اه يا انطي انا بدرس فى الجامعة البريطانية
عاصم : تخصص ايه
عبير : باطنة و قلب و اوعية دموية و أورام
عاصم بذهول : الله اكبر
محمود : اللهم صلي على سيدنا محمد
ايمان بضحك : كويس علشان عمك محمود ركبه بتوجعه
ميريت بابتسامة : الف سلامة عليك بس ده تخصص صقر
عاصم : هو صقر تخصص ايه
ميريت : صقر تخصص مخ و أعصاب و فارس بإذن الله تخصص تجميل
محمود : ما شاء الله يعني انتم الثلاثة طب
ميريت بابتسامة : ايوة
سعاد : الغدا جاهز يا هانم
ايمان : يالا يا شباب
توجه الجميع إلى السفرة و جلسون و جلست ميريت مكان غيث
قمر بعنف : انتي قومي من هنا ده مكان غيث
ميريت : انطي ايمان هي اللي قالت اقعد هنا
محمود : قمر اخرسي و انتي ميريت اقعدي مكانك
ميريت : معلش عمو انا هقعد فى اي مكان تاني
محمود باعتراض : لا
ميريت : ارجوك مش عاوزة مشاكل
توجهت ميريت إلى كرسي اخر و جلست و تناولت كمية قليلة جدا من الطعام و فضلت تلعب بالأكل
استأذنت ميريت و صعدت الي غرفتها و أغلقت عليها الباب
ميريت : شكل الايام الجايه فل اقوم اشوف اللي ورايا
مر باقي اليوم على خير و في انتظار لصباح يوم جديد
يتبع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!