رواية الإقامة الجبرية الفصل السابع 7 - بقلم الامبراطورة نور الشمس أماني فهمي

الإقامة الجبرية

الحلقة السابعة
🦋🦋🦋🦋🦋

في الجونة
🦋🦋🦋🦋

وصلت سيارة عائلة الشيخ الي القرية و نزلو منها و دخلو

كان الجميع ينظر لمهدي الشيخ لمنظر لبسه فهو يرتدي ملابس صعيدية عبارة عن جلابية و عباية و شال و علي راسه عمه

اما عائشة فكانت ترتدي عباية باللون الاسود فخمة و جميلة و ترتدي طرحة تداري بها شعرها

اما فارس و صقر فكانو يرتدون ملابس شبابية و عصرية

اما ميريت فكانت ترتدي فستان صيفي باللون الابيض و تزين شعرها بطرحة باللون الأحمر

نظر العاملين في القرية لهم باستغراب و ضحكات مكتومة

مهدي : السلامة عليكم و رحمة الله و بركاته
موظف الاستقبال : و عليكم السلام و رحمة الله و بركاته تحت امرك
ميريت : في حجز لينا
موظف الاستقبال : باسم مين يا فندم
صقر : حجزين ٣ غرف باسم صقر الشيخ و فارس الشيخ
موظف الاستقبال : معلش يا فندم هو الحاج و الهانم معاكم فى الحجز
فارس : ايوة جدو و جدتي ليه في حاجه
موظف الاستقبال : بعتذر يا فندم بس القرية بتستقبل مواصفات معينة من النزلاء يعني طريقة لبسهم مش ماشية مع شروط القرية
صقر بسخرية : يعني هما مش عجبينك
موظف الاستقبال : يا فندم انا مليش ذنب انا بنفذ الاوامر و بس
فارس بسخرية : خلاص ايه رايك البسه شورت و فلنة
صقر بسخرية : لا و تيتة نلبسها بكيني و الله العظيم هتبقي تحفة
مهدي : في ايه يا ولاد
صقر بجدية :و لا حاجة يا جدي
عائشة : يالا يا صقر عوزة اقعد يا بني
فارس بجدية : مفتاح الأوض
صقر بغضب : عاوز مفاتيح ٣ اوض دلوقتي
موظف الاستقبال : يا فندم مينفعش
صقر بغضب : فين مدير القرية عوزة حالا
ميريت : خلاص صقر يالا بينا نشوف اي مكان تاني
صقر بغضب : لا هننزل هنا انا بنزل بفلوسي قولت مدير الفندق

جاء مدير القرية بسرعة و وقف أمامهم

مدير القرية : تحت امرك
صقر بغضب : تحت أمري انا حاجز ٣ غرف و الموظف مش قابل يدخل جدتي و جدي
مدير القرية : يا فندم الاوامر كده
فارس : يعني واحد عنده ٧٠ سنة عوزة يلبس ايه شورت و فلنة
ميريت : خلاص صقر فارس انتهي الكلام
صقر : يعني ايه
ميريت : من فضلك عوزة احجز شالية خاص
موظف الاستقبال : تحت امرك يا فندم بس اللي بيحجز لازم يبقي اجنبي مش مصري
ميريت و هي تخرج البسبور : انا فرنسية و ده جواز سفري و عوزة احجز شالية
مدير القرية : اكيد يا فندم احجز ليهم شالية منفصل

لحظات و كان موظف الاستقبال يعطي لميريت المفتاح و يتجهو الي الشالية

مهدي : هو في ايه يا بنتي و ليه مكنوش عوزين يحجزو
ميريت : و لا حاجة حبيبي
صقر بضحك : بس عسل انت جدو لما تلبس شورت و تيشرت هتبقي موز الموزز
عائشة بضحك : طول عمره مدوب قلوب البنات
فارس بضحك : مفيش حد من عيلة الشيخ وحش بس في الاحلي
صقر بغمزة : طبعا في الاحلي تقفيل فرنسي يا بني موزة من كل حاجة شكلها و جمالها
فارس بضحك : و لا اسمها ميريت الملكة الفرعونية
مهدي و هو يضمها لحضنة : بس يا كلاب بتعاكسو بنتي قدامي
صقر و هو يقبل خد ميريت : خلاص سبها و مشي
ميريت بابتسامة : بس بقي يا صقر
عائشة : احلي حاجة عملتيها يا ميمو انها اجرت شالية مش اوضة
فارس : انا عاوز اوضة لوحدي
صقر : ليه الامير وليم
فارس بتكبر : لا فارس الشيخ
ميريت بابتسامة : خلاص هو في ٤ اوض فارس اوضة و صقر اوضة و ماما اوضة و انا و بابي اوضة
صقر بسرعة : لاااااااا
فارس بسرعة : لااااااا
صقر : علي جثتي تنامي معاه
مهدي بضحك : تعالي يا وردتي ندخل نريح شوية
ميريت بابتسامة : تعالي حبيبي

اختارت ميريت اكبر غرفة و وضعت ملابسها في دولاب و ملابس والدها في دولاب

صقر بغيظ : بردو خدها مني
فارس بضحك : و الله العظيم احنا هنشوف ايام عنب
عائشة بضحك : انا داخله اريح شوية

بدل الشباب ملابسهم و خرجو يلعبون في البحر و جماله

مر الوقت و طلب صقر الطعام للجميع و جاء الليل و نام الجميع

خرجت ميريت بعد ان تأكدت من نوم والدها و جلست على الشاطئ و تأكدت من خلوه من الناس و قامت بالنزول الي البحر تستمتع بالبحر و الهواء فكان منظرها تحت ضوء القمر جميل جدا و بعد فترة خرجت ميريت من البحر و نامت على الرمال و كان من يراها يعتقد بأنها حورية من البحر

لحظة و نتفضت ميريت بسرعة بخضة و رفعت اديها على شعرها و لكن هدئت عندما وجدت صقر و فارس يجلسون بجوارها

ميريت بخضة : حرام عليكم اتخضيت
صقر بحنان : سلمتك يا عمري
فارس بحنان : متخفيش يا قلبي ده احنا
صقر : ليه نزلتي البحر من غيري
ميريت : كنت نايم محبتش اصحيك
صقر : نمنا كتير حتى لو منمناش انتى الأهم
فارس بابتسامة : ايه رايكم ننزل نلعب شوية
ميريت بفرحة : يالا بسرعة

اسرع الثلاثة الي البحر و فضلو يلعبو مع بعضهم حتي الفجر و بعد ذلك توجهو إلي الشالية غائبين عن تلك العيون التي تشاهدهم او تشاهدها منذو اللحظة الاولي

🦋🦋🦋🦋🦋🦋🦋🦋

في غرفة ميريت
🦋🦋🦋🦋🦋🦋

اخذت دش منعش و تؤضات و خرجت تصحي والدها الحبيب

ميريت بابتسامة : بابي بابي حبيبي
مهدي بابتسامة : حبيبتي عاوزة حاجة
ميريت بابتسامة : اصحي بقي علشان الفجر هيرتفع
مهدي بحنان : خلصتي لعب فى البحر
ميريت بفرحة : اه لعبت كتير اوي و صقورتي و فروستي كمان لعبو معايا
مهدي : ماشي يا حبيبتي انا هقوم اتؤضا

توجه مهدي الي الحمام حتي يتوضأ

ارتفع اذان الفجر و وقف مهدي امام و خلفة يقف فارس و صقر و خلفهم عائشة و ميريت

انهي الجميع الصلاة و اسرع الشباب الي السرير حتي ينامو و توجهت عائشة إلي الغرفة حتي تكمل نومها و ايضا ميريت و لكن لم ينام مهدي و جلس بجوار ميريت و اخذها بين أحضانة و تذكر حوريتة الجميلة التي كانت و مازال يعشقها

فلاش باك

مر ثلاثة شهور على زواج مهدي و عطر و كانت عطر تجلس فى جناحها لا تخرج بعد ما حدث معها بعد مجيئها الي هنا فهي أرادت ان تختلط بأهل القصر و لكن وجدت ان النساء يغضبون بشدة عليها فرفضت المشاكل و لكن لم تهتم باي احد منهم و لكن ما احزنها ان مهدي خلف بوعده معها و لم يذهب معاها الي الدكتور للحمل

دخل مهدي الي الجناح و جد عطره و حبيبتة تجلس و هي وحيدة و حزينة

مهدي بعشق : حبيبتي مالك
عطر بابتسامة : مفيش حبيبي
مهدي : ممكن حبيبتي تقوم تلبس علشان نخرج
عطر : هنروح فين
مهدي : كذا مشوار
عطر : ايه هما
مهدي : اباااااي عليكي يا عطري متقومي بقي و تفرتي دورك
عطر بضحكة رنانة : انا مش فهمت حاجه انت قولت ايه
مهدي بعشق و هو يقبل شفايفها : ربنا ميحرمني من الضحكة الحلوة ديه يالا بقي البسي بسرعة
عطر بدلع : حاضر حبيبي

جريت عطر و ارتدت ملابسها التي كانت عبارة عن فستان باللون الروز أسفل الركبة و رفعة شعرها الي الأعلي بكل فخامة و وضعت القليل من المكياج و رشت عطرها و اكتفت بخاتم الجواز

عطر بابتسامة : انا جاهزة حبيبي
مهدي بعشق : يااااااا بوي على لهطة القشطة و جمالها
عطر بدلع : و انت اوسم راجل انا شفتة في حياتي
مهدي بعشق : بقولك ايه خلي المشاوير لبكرا
عطر بزعل : لا علشان خاطري انا بقالي ٣ شهور مخرجتش و كمان عائشة سافرت من زمان كفاية كده
مهدي و هو يضمها لحضنة : يالا يا عطري

مسك مهدي يد عطر و نزلو الي الاسفل

كانت عديلة تنظر لهم بغل و حقد من تلك العطر و ملابسها و جمالها و رائحتها التي ملت المكان

محمد : انت خارج يا بوي
مهدي : اه عاوز حاجة
محمود : و هي مرات ابويا هتخرج بالمنظر ده
عطر برقة : مالو منظري محمود هو فيا حاجه وحشة
عديلة بغل : بقي مرت مهدي الشيخ كبير الناحية و كبير العيلة تبقي بالمنظر ده و الله عيب
مهدي ببرود : ملكيش دعوة يا عديلة مرتي دكتورة  كبيرة و معروفة بشياكتها و جمالها
عطر بحزن : انا هطلع جناحي مهدي
مهدي بابتسامة دافئة : يالا يا نبض قلبي نشوف مشورنا

سحبها مهدي و خرج للذهاب الي مشويرهم فهم يعلم جيدا بأنها لا تعلم كيد النسا فهي بريئة و نقية و لا تفقة شي

عطر بحزن : اسفة حبيبي
مهدي و هو يقبل اديها : اسفة على ايه يا نبض قلبي
عطر باسف : على المشاكل اللي حصلت
مهدي : ممكن يا نبضي تنسي كل حاجة
عطر : حاضر حبيبي هو احنا هنروح فين
مهدي بضحكة رجولية : هنروح مشوار يا نبضي

وقفت السيارة امام المستشفي و نزلو

عطر بخضة : مهدي انت كويس فيك ايه
مهدي : اهدي يا نبضي انا كويس
عطر بدموع غزيرة و هي تحتضن وجه : لا فيك حاجة امال احنا هنا ليه
مهدي بحنان : احنا هنا علشان انتي يا بنضي
عطر بدموع : علشاني انا ليه
مهدي بعشق : عاوز عطر صغيرة عندك مانع
عطر بابتسامة وسط دموعها : بجد مهدي
مهدي بابتسامة : بجد يا نبض قلب مهدي يالا امسحي دموعك غالية عليا
عطر بابتسامة : ماشي يا سيدي يالا

عادت عطر الي السيارة و مسحت دموعها و و عدلت مكياجها و نزلت

توجه مهدي الي الاستقبال و سأل على دكتورة نسا و توليد و لكن لم يجد و وجد دكتور

مهدي : خلاص خلينا يوم تاني
عطر بحزن : تمام حبيبي
مهدي بتنهيدة : احجزي عنده يا ولدي الله يخليك خلينا نكشف عليها
الموظف : امرك يا فندم الدور الرابع

صعد مهدي و عطر الي الدور الرابع و سألو على غرفة الدكتور و دخلو وجدة دكتور كبير في العمر يتسم بالوقار و الهيبة

مهدي : السلامة عليكم و رحمة الله و بركاته
الدكتور : و عليكم السلام و رحمة الله و بركاته اهلا و سهلا اتفضلو
مهدي و هو يجلس : تسلم يا دكتور في الحقيقة كنا عوزين نكشف على مرتي
الدكتور : المدام
مهدي بجدية : ايوة المدام
الدكتور : تمام ممكن يا مدام أسألك شوية أسألة
عطر : اكيد
الدكتور : اسم حضرتك و سنك و تاريخ مرضك
عطر : اسمي عطر و عندي ٣٦ سنة مش عندي اي مرض بس من كام سنة حصل حادثة في فرنسا و بعدها الدكتور قالي مش هينفع اخلف تاني بس كنت باخد علاج و وقفته من حوالي ٦ شهور
الدكتور بعملية : تمام مدام عطر ممكن تتفضلي مع الممرضة علشان تجهزي
عطر : حاضر

توجهت عطر مع الممرضة و فضل مهدي و الدكتور

مهدي : لو لقدر الله مينفعش حمل طبيعي انا مستعد لأي نوع تاني انا سامع ان ممكن الست تخلف بردو عن طريق اساليب تانية
الدكتور : هو حضرتك مخلف
مهدي : و عندي احفاد كمان بس نفسي في عيال منها
الدكتور بابتسامة : قول يا رب
مهدي : يا رب
الممرضة : اتفضل يا دكتور المريضة جاهزة
الدكتور : اتفضل يا حاج

توجه مهدي و الدكتور الي عطر و وضع الجيل حتي يكشف عليها و لكن صدم

الدكتور : للأسف الشديد يا جماعة مدام عطر

يتبع

الي لقاء جديد في الحلقة القادمة

توقعاتكم بالقادم

ماذا قال الدكتور ؟

كيف ستكون الحياة القادمة ؟

هل سيتم محاولة قتل ميريت ؟