رواية الإقامة الجبرية الفصل الثالث والعشرون 23 - بقلم الامبراطورة نور الشمس أماني فهمي

الإقامة الجبرية

الحلقة الثالثة و العشرون

في مصر

امتنع الشباب من الذهاب الي المستشفي للتفرغ للدراسة فقد اتت امتحانات نصف العالم و لابد أن يجتهدو فى الدراسة للحصول علي تقديرات عالية كما تعودو في السابق

كانت ميريت حبيسة غرفتها لا تخرج منها

محمود : امال فين ميريت بقالي كام يوم مش شايفها
ايمان : عندها مذاكرة كتير
محمود بدعاء : ربنا ينجحها
عبير : اه و نبي يا بابا ادعلها البت خست اوي و بطلت الاكل
قمر بسخرية : ربنا ينجحها يا رب تسقط
ايمان : حرام عليكي ديه يا عيني بقالها كام يوم حابسة نفسها في الأوضة
عاصم : و الله العظيم البت ديه مظلومة في الحكاية كلها
محمود : حكاية ايه
عاصم : حكاية الطار و الجواز البنت صغيرة و مش عوزة حاجة من الدنيا غير توصل لهدفها و بس بس للاسف دخلت في حكاية ملهاش لزمة
قمر : و الله العظيم هتطلع في الاخر صاحبة الليلة و هي اللي مخططه علشان تبقي حرم غيث الحديدي و تتنغنغ في العز
عاصم بسخرية : تنتغنغ شكل الحلوة مش شايفة هي بتدرس في جامعة شكلها ايه و لا العربية اللي ركباها و لا منظر اللبس و لا الفون و لا الاب توب و الله و اعلم حجم المجوهرات يا بنتي ديه ميريت الشيخ تفتكر ان بنت مهدي الشيخ هتبقي اقل من اي واحدة فيكم
محمود : عاصم بيتكلم صح بلاش كمان البنت من يوم موصلت هنا و عمرها مخدت جنية واحد مني حتي فلوس الجامعة
ايمان : انا هطلع للبنت اطمن عليها
عبير : مفيش داعي انا كنت لسه عندها و كانت مطحونة مذاكرة

عند ميريت

كانت تجلس و هي تذاكر فهي تذاكر اكثر من مادة حتي انتهت من أكثر من مادة و وقفت امام البلكونة تستنشق بعض الهواء النقي

ميريت : يا رب اكرمني و وفقني

عادت ميريت الي المكتب تكمل باقي دراستها

في استراليا

كان غيث و دانا يقفون فى السفارة المصرية لعقد قرانهم و بالفعل لحظات و كانت دانا زوجه غيث الحديدي

غيث بابتسامة : مبروك يا قلبي
دانا بسعادة : انا سعيدة جدا
غيث بابتسامة : ربنا يخليكي ليا يا قلبي انتي و البيبي العسل ده
دانا : انت فرحان بالبيبي
غيث بابتسامة : طبعا فرحان و سعيد و مش بس كده انا كمان هبلغ اهلي بالخبر و حالا

اتصل غيث على مصر على تليفون والده

محمود بابتسامة : اخير غيث باشا الحديدي قرر يكلمنا
غيث بضحك : حبيبي يابو غيث و حشني يا راجل
محمود بضحك : راجل و حبيبي لا كده في حاجة
غيث : افتح التليفون علشان عاوز اكلم الكل و قول الخبر العظيم اللي عندي للكل
محمود : ماشي لحظة واحدة

بالفعل فتح محمود الميكرفون و تحدث غيث

غيث بابتسامة : وحشتوني يا جماعة
ايمان : وحشتني اوي يا غيث مش ناوي ترجع
غيث : لا هرجع طبعا بس مش لوحدي
قمر بضحك : ايه يا برنس شكلك عملتها بجد
غيث بضحك : انتي الوحيدة اللي فهماني يا قردة
قمر بفرحة : حبيبي يابو غيث نقول مبروك
غيث : يا جماعة انا اتجوزت و مراتي حامل في شهرين
ايمان بصدمة : انت بتقول ايه
محمود بصدمة : انت مجنون
عاصم بغضب : انت مجنون انت ناسي مراتك اللي هنا
محمود بغضب : ليه يا بني كده ليه تكسر قلب البنت و هي لسه صغيرة منك لله يا غيث
ايمان بدموع : ليه يا غيث ليه تكسر قلبها بالشكل ده ليه يا بني
قمر بغضب : خلاص بقي غيث معملش حاجه غلط هو اتجوز و مراته حامل المفروض تفرحو بيه مش تزعلوه
عبير : ليه غيث البنت صغيرة
غيث بغضب : هو ايه اللي ليه انا اصلا مش عاوز اتجوزها و لا مربوط بيها اصلا و هي ملهاش لزمة في حياتي اصلا و لا عمري اعتبرتها مراتي و لا هعتبرها هي مرمية فى البيت
ايمان بدموع : تقبلها على اخواتك البنات تقبل عاصم و لا امجد يعملو كده فكرا في سارة لو مهدي جوزها عرف بخبر ذي ده هيبقي موقفة ايه مع اختك
غيث : محدش يقدر يعمل حاجه لاخواتي انتم ليه مش فاهمين انا لأول مرة في حياتي احب واحدة بجد و تجوزتها و حامل دلوقتي و كلها كام شهر و هبقي اب المفروض تفرحو ليا
محمود : و الغلبانة اللي مربوطة باسمك هتعمل معاها ايه
غيث : و لا حاجة هي موجودة معاكم و مفيش طلاق هي عارفة كويس اوي انها يوم مهتخرج من البيت هيبقي على قبرها غير كده لا

كان الجميع يتحدثون غافلين عن تلك الباكية التي تسمع كل شي و دموعها تنزل بغزارة

رفعت قمر نظرها وجدت ميريت تقف تبكي فانهت المكالمه مع غيث و توجهت إلى مكان ميريت

قمر بسخرية : ميريت منورة و الله مش تباركي لجوزك أصله اتجوز عليكي و مش بس كده لا مراتة حامل و انت ملكيش اي لزمة في حياتة يعني هتفضلي كده زوجة مع إيقاف التنفيذ و لا طايلة متجوزة و لا مطلقة و لا بنت و السنين هتمشي و عمرك مهطولي عيل
ايمان بغضب : قمر اخرسي
قمر : اخرس ليه مش بقولها الحقيقة ان ابوها باعها و رماها علي راجل مش عوزها و مش طيقها و هتفضل وحيدة طول حياتها و غير كده مهو مش جديد علي ابوها كان رميها طول حياتها فقال خد تاني يكمل الليلة
محمود بغضب : اخرسي يا حيوانة الظاهر معرفتش ابيكي انتي و الكلب اخوكي
قمر بغل : لا البت ديه لازم تعرف انها ملهاش لازمه في حيات الناس الكل مش عوزها و هي رامية نفسها عليهم
امجد : تعالي معايا كفاية
محمود : ميريت يا بنتي انا
ميريت بدموع غزيرة : ببببببعد اذذذذنك ااااانا ررررايحة المستشفي
ايمان بدموع : بلاش يا بنتي
ميريت بدموع : لازم

خرجت ميريت بسرعة و اخذت السيارة و خرج برا القصر و هي تبكي بشدة و تصرخ

اتصل الحرس المكلفين بمراقبة ميريت على ريان و اعلموه بأنها تسوق السيارة بسرعة عالية جدا فامرهم بالسير خلفها و حمايتها و ارسال المكان

في مكان فاضي

ركنت ميريت السيارة و نزلت منها بسرعة و رتمت على الارض تصرخ بشدة و تبكي بغزارة

لحظات و جاء ريان و توجه إلى مكان ميريت

كانت ميريت تجلس على الارض لا حول لها و لا قوة فقط دموعها تنزل بغزارة

جلس ريان أمامها و نظر لها و نكسر قلبه بسبب حزنها

ريان بهدوء : ميريت انتى كويسة
ميريت : لا رد
ريان : ميريت ردي عليا
ميريت : لا رد
ريان بحنان : حبيبتي قومي تعالي معايا

وقفت ميريت و هي دايخة و توجهت إلي السيارة حتي تركبها و لكن كان ريان اسرع منها و سحبها لحضنة فسقطت مغشي عليها

حملها ريان بين أحضانة و توجه إلى السيارة و امر احدي الحرس بمجي سيارة ميريت خلفة و توجه إلى المستشفي

في المستشفي

وصل ريان و نزل و هو يحمل ميريت و توجه الي غرفة الطواريء و كشف عليها و علم بأن ما أصابها انهيار عصبي حاد فامر بنقلها الي احدي الغرف الفاخمة و اخبار اشقائها

تم نقل ميريت الي احدي الغرف و لحظة و قتحم صقر و فارس الغرفة و اسرعو لها

صقر برعب : ميريت ميريت حبيبتي ردي عليا
فارس بخوف : ميريت يا قلبي مالك
صقر بدموع : كان قلبي حاسس بيكي ردي عليا يا تؤام روحي مالك
ريان : اهدو يا شباب ميريت كويسة بس مرهقة شوية من آخر فترة
فارس بخوف : بجد دكتور ريان يعني هي كويسة
ريان : اه هي هتفضل نايمة لغاية بالليل و هتصحي ذي الحصان
صقر : نامي يا قلبي و ستري
فارس برعب : جدو بيتصل
صقر برعب : يا لهوي يبقي حس بيها هنعمل ايه دلوقتي
فارس برعب : انا مش هرد عليه
صقر برعب : مش هيسكت
ريان : في ايه يا شباب حد يرد
فارس بخوف : نرد يبقي انت هتحضر عزانا بكرا
ريان بذهول : للدرجة ديه
صقر : انا هرد
فارس : ربنا يستر
صقر : السلامة عليكم و رحمة الله و بركاته
الشيخ مهدي : و عليكم السلام و رحمة الله و بركاته
صقر : كيفك يا جد و كيف صحتك
الشيخ مهدي : انا زين يا ولدي الحمد لله
صقر : اخبار البيت ايه
الشيخ مهدي : كله زين يا ولدي هي فين ميريت
صقر : ميريت في العمليات
الشيخ مهدي برعب : عمليات ايه بتي فيها ايه
صقر : اهدي يا جدي اقصد انها داخله مع دكتور ريان تحضر معاه عملية
الشيخ مهدي بتنهيدة : حرام عليك يا ولدي كنت جول كده من الاول
صقر : اسف يا جدي و الله العظيم مقصد
الشيخ مهدي : الحمد لله يا ولدي المهم اخر الاسبوع تكونو هنا كلكم علشان فرح اختك
صقر : امرك يا جدي
الشيخ مهدي : يالا يا ولدي هقفل و لما ميريت تخرج خليها تكلمني
صقر : حاضر يا جدي سلملي على الكل
الشيخ مهدي : يوصل يا ولدي
صقر : السلامة عليكم و رحمة الله و بركاته
الشيخ مهدي : و عليكم السلام و رحمة الله و بركاته

أغلق صقر مع جده و تنهد بصوت عالي كانه محبوس في بحر عميق

فارس : الحمد لله الموضوع عده على خير
صقر : عدي الحمد لله على كل حال
ريان : تمام يا شباب انا هروح مكتبي و انتم روحو علي شغلكم
صقر : اسف يا دكتور بس انا مش هسيب اختي
فارس : صح يا دكتور احنا مش هنسيب اختنا

خرج ريان و جلس الشباب بجوار ميريت

يتبع

الي لقاء جديد في الحلقة القادمة

توقعاتكم بالقادم

هل ستطلب ميريت الطلاق ؟

ماذا سيحدث في الأيام القادمة ؟