رواية الإقامة الجبرية الفصل الثاني 2 - بقلم الامبراطورة نور الشمس أماني فهمي

الإقامة الجبرية

الحلقة الثانية
🦋🦋🦋🦋🦋

وصل صقر و ميريت الى السوبر ماركت و دخول

ميريت : صقر عوزة شكولاتة
صقر بحنان : حاضر يا قلبي
ميريت بفرحة : طيب يالا بسرعة بس متقولش لماما عائشة
صقر بضحك :  ماشي بس هي عارفة انك عايشه اصلا عليها
ميريت : اعمل ايه طيب
صقر : تحاولي تاكلي اكل بني ادمين
ميريت بضحك : امال انا مش بني ادمين
صقر بضحك : لا يا ميرو انتى من بني شكولاتين ملكيش علاقة اصلا بينا
ميريت : مش هرد عليك يالا علشان زمان ماما قلقانة علينا
صقر : إنتي اللي عمالة ترغي و معطلاني
بائع : دكتور صقر اذي حضرتك
صقر : الحمد لله
بائع : الحاجة كانت هنا الصبح و خدت خضار و فاكهة
صقر : تمام شكرا

اخذ صقر يد ميريت و توجهو و اخذو الشكولاتة و البسكويت و حاسب صقر و صعدو الي شقتهم

🦋🦋🦋🦋🦋🦋🦋🦋

في قصر الحديدي
🦋🦋🦋🦋🦋🦋🦋

كانت ايمان تأمر الخدم بتجهيز افخم انواع المأكولات لقدوم ابنها الكبير من السفر بعد مرور شهرين

قمر : يا ماما اهدي انتي عارفة ابية غيث مش اكيل يعني
ايمان : لازم يدخل يلاقي كل أصناف الاكل على السفرة
عبير : بقولك ايه يا ماما زودي الاكل شوية علشان انا جعانة
ايمان : حاضر الاكل كتير و كلي لغاية متشبعي
قمر بسخرية : على اساس بترحم
محمود بضحك : و الله العظيم يا حبيبتي انتى تاعبة نفسك ابنك اصلا مش بياكل اهتمي ب بيبو احسن
ايمان بابتسامة : بس لازم اهتم بالكل
قمر بضحك : اصلا البت ديه طفسة 

ضحكت ايمان على جنان بناتها و لحظات و اعلنت الخادمة عن وصول عربيات غيث

وصل غيث بقوتة و طولة و عرضة وحلاوتة { موز من الاخر }

ايمان بفرحة : غيث يا حبيبي
غيث بابتسامة : وحشتيني يا ست الكل
ايمان : حمد لله على السلامة يا حبيبي
غيث : الله يسلمك يا امي اخبار صحتك ايه
ايمان : الحمد لله يا حبيبي
غيث : اذيك يا بابا
محمود بابتسامة : حمدلله على السلامه يا حبيبي
غيث : الله يسلمك
ايمان : يالا اطلع خد شاور بعد كده انزل علشان ناكل مع بعض
غيث بابتسامة : تمام بعد اذنك
قمر : مالك يا عم غيث واخد امك هو احنا ملناش نفس نسلم و لا ايه
غيث بابتسامة : الشنطة الحمرا الكبيرة بتاعتك خديها و اطلعي من دماغي
قمر بضحك : تسلم ايدك يا برنس هو ده الكلام الحلو
عبير بضحك : مادية حقيرة
قمر : يالا يا ماما من هنا بدل ماكل ابنك
عبير برعب : ابني لا حلاص براحتك
إيمان : يالا على المطبخ و انت حبيبي اطلع بدل هدومك
غيث : تمام امي

صعد غيث الي الاعلي و توجهت ايمان و عبير الي المطبخ اما قمر فتوجهت الي غرفتها و اخذت الشنطة معها

مر الوقت و تجمعت العائلة على الطعام بعد حضور زوج عبير

محمود : غيث بعد الاكل عوزك
غيث : تحت امرك يا بابا في ايه
إيمان : بعد الغدا
غيث : جدي عبد العزيز عاوز ايه
عاصم : اكيد علشان الصلح
غيث : الصلح مهما كل شوية بيقعدو و بيتكلمو و بعدها بيتخنقو
ايمان بخوف : المرة ديه الأرواح وصلت ليكي و للدكتور مهدي
غيث بغضب : ليا هما اتجننو انا غيث الحديدي محدش يقدر يقف ادامي يفكرو يقتلوني
عاصم : اهدي غيث
امجد : ده الحل الصح غيث خلينا بقي نستريح من الهم ده و الارف ده
غيث بسخرية : انتم عبط و لا بتستعبطو عارفين نهاية الصلح ده ايه و لا مش عارفين نهايتة الجواز
ايمان : جواز جواز بنات الشيخ يحلو من على حبل المشنقة ادب و جاه و مال و سمعة
عاصم : فعلا
عبير : عندهم ٣ احفاد نور و ديه فى نفس سني يعني ٢٥ سنة و متعلمة و اسماء عندها ٢٠ سنة و ملك عندها ٢٠ سنة
ايمان : و الله يا غيث البنات حلوة و جمال
غيث : انا عاوز يوم متجوز تبقي وجه ليا مش تتكلم صعيدي و لبسها مش عارف ايه
قمر : خلاص لو الجواز هو الحل خليها فى البيت و انت عندك حق غيث الحديدي مش اي راجل و لما تلاقي واحدة مناسبة اتجوزها و محدش هيقدر يمنعك ده شرع ربنا
محمود بسخرية : شرع خلاص يا أمجد اتجوز انت كمان مهو الشرع محلل ليك ٤ مش واحدة بس
ايمان بسخرية : و لما يكسر قلب بنتهم مش ابنهم هيكسر قلب اختك و ممكن يعمل فيها كده
امجد : قمر بتتكلم صح غيث و الله يا عمي انا يستحيل افكر اتجوز واحدة غير قمري
عاصم : حرام عليكم عوزين تكسرو قلب بنت و لو دعت عليكم علشان ظلمتوها هى هتتجوز علشان تفرح و لا علشان تحزنوها اكتر
ايمان : قولهم ربنا يهديهم و انتي يا حلوة مش خايفة لامجد يعمل كده فيكي
قمر : شريف بيحبني و بيخاف عليا كمان انا مش اي حد انا بدرس في افخم جامعات مصر و غير كده انا اخويا غيث الحديدي محدش يقدر يقف قدامه صح امجد
امجد : طبعا انا عمري معرف اجرحها لانى بكل بساطة بحبها و بعشقها كمان قمر انا اللي مختار اسمها و ده حبيبتي و بس
عبير : بس الصراحة تتقال يا غيث بنات الشيخ جمال جدا و هما فى نفس جمالنا و حلاوتنا
غيث : انا هكلم جدي و هنشوف
عاصم : يمكن مفيش حاجه تحصل من كل الكلام ده
غيث : حتى لو حصل انا هرميها في البيت و هشوف حياتي هي ملهاش حق عندي
ايمان : طيب و اختك اللي هتدخل بيتهم
غيث بسخرية : اختي و الله يا امي انتي طيبة اختي شكلها هي صاحبة الليلة ديه كلها بنتك بتحب ابن الشيخ
إيمان : كده الخوف زيادة لان هو مش هيقبل ان واحدة من اخواته البنات تتهان بالشكل ده
غيث : و مين قالك ان فى حد هيعرف
عبير : تقصد ايه غيث
غيث : يعني بكل بساطه انا ههددها بخواتها
محمود بغضب : لاااااااا انت جايب الجبروت ده منين يا شيخ اتقي الله كما تدين تدان
ايمان بغضب : لااااااا كده كتير و الله حرام
عبير : حرام غيث بجد حرام
غيث ببرود : محدش يسبق الأحداث

اكمل الجميع باقي طعامه و هم يفكرون فى القادم

🦋🦋🦋🦋🦋🦋🦋🦋🦋

فى غرفة المكتب
🦋🦋🦋🦋🦋🦋

دخل غيث و خلفة عاصم و امجد

عاصم : احنا كده تمام
غيث : لا مش تمام لسه عاوز انشاء فرع أستراليا
امجد بضحك : جوزني قمر و نخلع علي هناك
غيث : لا طبعا انا مش هرمي اختي بالساعات لوحدها و ممكن بالشهور
عاصم : انا مش هسافر عبير حامل و ممكن تولد في اي وقت
غيث : اصلا انا اللي هسافر
امجد : طول عمرك لعيب يا برنس

قطع كلامهم صوت رنين هاتف غيث و كان الجد

رفع غيث الهاتف و شاف الجميع اسم الجد

غيث : اهلا و سهلا يا جدي
الجد : اهلا بيك يا ولدي حمد لله على السلامة
غيث : الله يسلمك يا جدي خير
الجد : بكرا الصبح تكون عندي في البلد
غيث ببرود : ليه
الجد ببرود : ابدا اصل الدور عليك فى القتل فأنا قولت انك تيجي هنا و تتقتل بلاش يا ولدي حد يشحطط وراك
غيث : و الله طيب كويس الواحد يجي بقي
الجد : توصل بالسلامة يا ولدي

أغلق الجد مع غيث

غيث بسخرية : و الله جدكم ده طيب عوزني اتقتل و بلاش حد يتشحطط ورايا
عاصم : بقولكم ايه انا هخلع مراتي وحشتني و اصلا انا مش قابل الحوار اصلا
امجد بتصفير : الله يساهله يا عم
عاصم : بطل فقر يا زفت

صعد عاصم و فضل امجد و غيث مع بعض

امجد : طيب هتعمل ايه
غيث : في ايه
امجد : فى موضوع الجواز
غيث : لو صمم هوافق و هي تيجي هنا خدامة و خلاص
امجد : طيب و الحاجات التانية
غيث بارف : عمري مهلمسها كفاية انها هتبقي زوجة غيث الحديدي
امجد : بصراحة خايف
غيث و هو يقف : متخفش يالا هطلع انام علشان مشوار الصبح

صعد غيث الي الأعلي و بدل ملابسه و نام

🦋🦋🦋🦋🦋🦋🦋🦋🦋

في جناح محمود و ايمان
🦋🦋🦋🦋🦋🦋🦋🦋

محمود بحزن : انا خايف يا ايمان
ايمان بحزن : و انا كمان خايفة البنت اللي غيث هيتجوزها هيظلمها اوي
محمود : ابنك عمره مهيسمح ليها تقرب منه و لا هيديها حقوقها الشرعية
ايمان بخضة : انت بتقول ايه يا محمود
محمود بحزن : بقول الحقيقة منها لله البت اللي حبها من ساعة مشافها مع واحد في السرير و هو مبقاش يفرق بين الحلال و الحرام ابنك مسمينو كازانوفا من كتر مبيغير فى الستات
ايمان بدموع : منها لله رب ينتقم منها ابني كان محترم و مؤدب
محمود بحزن : لله الأمر من قبل و من بعد بس لو فعلا موضوع الجواز ده تم تعاملي البنت ذي بنتك
ايمان : طبعا من غير متقول هتبقي ذي عبير و سارة و قمر بس تفتكر هتبقي مين من احفاد الشيخ
محمود بتفكير : الله و اعلم ابويا بيخطط لايه ربنا يستر
ايمان : انت تعرف انا مش اعرفها
محمود بابتسامة : و من امتي انا بخبي عنك حاجة انتي مش بس ام ولادي لا انتي حبيتي و عشقتي و روحي
ايمان بابتسامة : ربنا يخليك ليا يا حودة
محمود بابتسامة : تعالي يا روحي علشان ننام بكرا هنسافر الصعيد
ايمان : حاضر

نامت ايمان بين أحضان زوجها و هي تدعي لابنها براحة البال

🦋🦋🦋🦋🦋🦋🦋🦋🦋🦋

يتبع

الي لقاء جديد في الحلقة القادمة

توقعاتكم بالقادم

من هي العروس ؟

كيف سيعامل غيث العروس ؟