رواية الإنكسار الفصل السابع عشر بقلم شمس شمس

البارت السابع عشر والاخير
#الإنكسار
#بقلمي_شمس

⁯لما أنت هكذا…
اكرهك واعشق هذا الكره ومتيمة بك ويرهقني هذا الحب
أولد في عينيك وتقتلني ابتسامه منك وآآه ياانا كم اهوى الأنتحار دون ذاكرة

أتوه ان غبت عني ويمزقني ذاك الغياب اشلاء تتبعثر في كل وخزة حنين اليك

وبهمسة فقط من صوتك الدافئ أجد نفسي تعود إلي

يامن ملكتني وطوقتني وجعلتني أحلم بك ليل نهار

يارجلا" اشعرني بأنوثتي ونصبني ملكة على عرش النساء

تمنيت.. رجلا" قالوا لي لن تجديه وأنك تتوهمين
فوجدتك ولكنك خذلتني وعرفت حينها لايوجد رجلا كاملا كما تمنيت .. #شمس

إحلمي ياحواء وانتظري ... ودعي تصاريف امرك لله فإنه لا ينسى امنياتنا إنما يؤجلها الى حين .. #شمس

امير اكيد عرف انه اني بيه توأم ولد .. لان بيومها ماسكت موبايلي .. ولا لحظه من المسجات والاتصالات ..
اقرأ برسائله وابجي .. رغم حقدي عليه بس اشتاقيتله ..
ليش احنه النساء لما نعشق .. نعشق من الصميم .. كلما احاول اكرهه مااگدر ..
افكر بأولادي الي حيجون .. شلون مصيرهم من يجون هاي صارلنا شهرين ومايقبل يطلق ..
ومتمسك بيه اذا يحبني ليش خاني وضيع كولشي .. فوضت امري لله هو الي يدليني ع الطريق .. لان تعبت عقلي يگولي شكل وگلبي يگولي شكل وضغوطات الناس واهل امير .. كولهه تراكمت .. وتعبت مابيه افكر او اقرر .
لان مااريد اضعف بلحظه من اللحظات .. لو شخص عادي وخان كان سامحته .. بس هو شخص عانى من الخيانه لمده سنتين وتالي يخون هذا الي استصعبته ع نفسي كأنه يعاقبني ع غلطه زوجته السابقه .. #شمس

مرت هذي الاشهر باصعب حالاتي واني گاعده بالبيت وادرس وميوسه مرات تجي تشوفني وتوصلي سلام امير .. وتوصفلي حالته وتگولي مراح البيتكم من يوم التركتيه گاعد عدنا ..
واني ولا كأني اسمع وطلبت من ميس متحجي بهيج مواضيع من تجيني ..
وهي خطيه دا تجهز الزواجها لان بالعطله يتزوجون ..
وهي گاعده يمي اجه مصطفى وعرفته ع ميوسه وخطيه مشتريلي ملابس مال اطفال حلوات ..
ميس بس صافنه عليه .. ومصطفى من النوع الي يحب يتمازح .. ويحاول يطلعني بكل الطرق من جو الحزن . الي اني بي .. #شمس
حسيت بأهتمام مصطفى الي وبصوره خاصه .. وميس هم حست عليه وگالت هذا حاط عينه عليج ..
بس اني غلطتها .. وگلتلها هو يهتم بيه كأخت لاغير ..
واني اتصرف وياه من هذي الناحيه ودايما اگوله انت اخويه حتى ميبقى عنده امل .. مع انه الولد لليوم مصارحني او لمح بشي اتجاهي ..

دخلت بالشعر السابع بحملي .. وحسيت نفسي احسن وكنت ضايجه واجو بيت خالو يمنا ..
وگلولي گومي نروح المول المنصور نغير جو وهم تجهزين الاطفالج مبقالج شي ..
وكنت اني محتاجه اطلع ..
بهذي الاثناء اتصلت عليه ميوسه .. گالت حجي يمج .. گولتلها احنا حنطلع للمول تعالي انتي ورافد ..

رحنا للمول وافترينا وجهزت الاولادي فديتهم .. والنونه هم اشترتلها ثوب حلو .. وكان مصطفى يمي ودايختارلي ونضحك ونسولف هيج وكنت مرتاحه بيومها ..

رفعت راسي شفت امير گبالي .. عرفت ميس مخبرته حتى يشوفني لان صارله هوايه يلح ع شوفتي ..
بداخلي فرحت . بس ماردت اشوفه واضعف اجه اتجه الي .. وبين يبتسم الي وبين يباوع المصطفى وضايج ..

گوتله امير روح منا .. مااريد اشوفك واحنا بمكان عام لتفضحنا ..
ردت اروح لزمني وقربتي اله وحظني حسيت بأنفاسه ودگاته گلبه .. مااتحملت ودفعته ..
بقى لازمني . گال احبج وربي لحظه ماارتاحيت بدونج مو كافي عاقبتيني هوايه .. صار كم شهر وانتي ماكو ..
گوتله كوله بسببك انت الي وصلتنا الهيج مرحله گوتلك طلگني مستحيل اعيش وياك بعد ..
تركته ومشيت اجه ورايه ..
لزمه مصطفى .. وگله متريدك ليش تفرض نفسك عليها يااخي ماعندك كرامه طلگها متريدك .
امير متحمل كلام مصطفى .. ضربه ع وجهه وگله انت ليش تتدخل وبكيفك اطلگها لازم حاط عينك عليها ..
مصطفى ..اي حاط عيني عليها .. واريدها ومستعد اسعدها بس انت الي واگف بيناتنا شنو ماعندك احساس ..
امير من يعصب بعد ميشوف بعينه .. ومصطفى استفزه .. الناس التمت علينا واجوا الامن مال مول واني وماما وخالو نريد نبعدهم ماكو هذا يضرب وهذا يضرب ومعرفنا السالفه شنو ..
واني اعيط وابجي وامير يدفع بيه ويگولي روحي لتتأذين ومااحس الا شي يوگع مني .. والالم موتني ..
گمت ابجي واعيط وعبالهم اعيط عليهم .

تالي گولتلها ماما الحگي حموت الم قوي .. ماما گامت تعيط عليهم وگلتلهم الله لينطيكم بنتي حتموت ..

اني بنص المول والناس تباوعلي متت مستحه .. اجه امير راد يشيلني دفعته گوتله متلمسني .. وساعدني خالو وماما وگمت بالگوه ..
وصلت للسياره واني ميته وجع .. وصلنا للمستشفى وامير ورانا وبعدين اجو اهله خبرهم ..
دخلوني فحصتني الدكتوره گالت الدكتوره الاطفال تعبانين وظغطها مرتفع ..
وحالتها مو زينه .. ماما تبجي ..وگالت الا عمليه بس لازم تجيبون هذي الابره حتى ننزل الضغط ..
اني من الالم بعد مااحس برجلي ومخليلي مغذي . اسمع امير يعيط ع الدكتوره ويگولها سوي كولشي حتى تنقذيها مااريد الاطفال اريدها هي ..

گلتله خلص وقع ع مسؤليتك لحتى انسويلها عمليه ..
طلعوني من صاله الولاده الصاله العمليات .. صار امير بوجهي وگف الممرضه .. ودنگ عليه يبوس بيه وبأيدي وگلي سامحيني قبل لتدخلين سموره اموت بلاج مااريد لا طفل ولا شي بس انتي سامحيني اوعدج ماسوي شي يجرحج. ولايضوجج بس لتركيني ..
اني بس ابجي .. خليت ايدي ع خده خفت اموت واني مالامسته .. وگوتله امير اذا صار شي عليه دير بالك ع اولادي ونونه ..
امير ..وهو يبجي لا حبي لتگولين هيج انتي بس گومي بالسلامه ونعيش سويه بسعاده ..
بس انتي ارجعيلي اذا تحبيني ارجعلي سالمه ..
سمرا .. كولشي بيد الله امير .. بس ردت اگولك اني حبيتك اكثر من روحي .. وماكرهتك ابد . بس انت الي…… ..وقاطعني اششششش بوسني وگلي ترجعيلي بالسلامه ان شاء الله اني واولادج ننتظرج .

دخلت للعمليات وطلعت .. لگيت امير فوگ راسي ويبوس بيه .. #شمس
گوتله واني بعد البنگ بيه .. اولادي زينين ..
امير .. حبيبتي الحمدا لله ع سلامتج .. اجانا سيوفي ..
سمرا . والطفل الثاني ..
امير .. العوض بسلامتج حبيبتي وبسيوفي ..
صحيح ضجت بس حمدت الله وشكرته ..

طلعت من المستشفى بعد ماحسيت هذي نهايتي وسيوفي يخبل بس ضعيف لان تعبت بحملي حيل ..

رحت عند ماما .. خلصت فتره النفاس .وبعدين اجو اهل امير وامير ونونه ..
واتوسل بيه حتى ارجعله .. وخليت شروطي ووافق ع كولشي ردته ..
لتگولون ضعيفه او متساهله بس ماردت ابني يعيش بلا اب لان اني عشت بيتم وماردت ابني مثلي واني عاقبته بما فيه الكفايه ثلاث اشهر اني تاركته ومخليته يشوفني.. #شمس

رجعنا اني وامير واولادي وامتحنت ونجحت .. وحياتنا تغيرت .. صار امير يساعدني بالاولاد والبيت وعشنا بسعاده .. ولو بعده طبعه يغار عليه وحتى على بنته 😂.
صحيح الخيانه مالها عذر لكن اذا اكو اولاد بالوسط يختلف الوضع .. واذا المرأه حافظت ع كرامتها وماسكتت عن حقها مستحيل يگدر يخون مره لخ ..
هذي نهايه قصتنا حبايب وياليت استفاديتوا منها .. واتمنى عجبتكم .. #الكاتبه_شمس