رواية الإنكسار الفصل الثاني عشر 12 - بقلم شمس شمس

البارت الثاني عشر
#الإنكسار
#بقلمي_شمس

لازالٙ عطركٙ عالقاً بي ..وكأنه يعلنُ للجميع بكل غرور وثقة بأني لكٙ وحدك فقط ⁦❤️⁩.. #شمس

گعدت من الصبح وكولي نشاط .. اتباوعت لگيت سمرا ماكو يمي .. وشفت نونه هم ماكو ..
اخذت ملابسي ودخلت للحمام ..

سمرا .. گعدت من الصبح .. حظرت الريوك نونه گعدت سلگتلها بيضه ونطيتها حليب بالگلاص . وبدلتلها وخليتها بكرسيها ..
دخلت سبحت وطلعت بسرعه لبست دشداشه ربع ردن وقصيره وشلت شعري .. #شمس

حسيت بأمير گعد .. اوووف شلون حتباوع بوجهه بعد الي صار البارحه استحيت ..
سويت نفسي دا اجهز بالريوگ شويه اجه حظني من ورى وسحب القراصه ونزل شعري واخذه ع جهه وباسني برگبتي صباح الخير حبيبتي ..

اني ذبت بين ايديها .. گوتله امير اني بحلم لو بحقيقه..
امير .. درت وجهها الي وگلتلها مدام انتي الي وتحبني اخلي حياتنا كولها احلام .. #شمس

نونه گامت تعيط علينا .. حتى ننتبه الها .. اجه امير شالهه وباسها .. تعالي ياوجه الخير ع ابوج . وحظنها .. استغربت حسب ماسمعت هاملها وميتقربلها .. اجيت يمهم وگوتله .. امير اريدك تنطي حنانك كوله النونه .. مثل بابا كان الي كولشي ..
امير .. ان شاء الله .. بس عيونج بيهن كلام طلعيهن سمرا .. #شمس
سمرا .. اريدك توعدني امير .. لاتكسرني بيوم وتجرحني .. لان اني عشت انكسارات بحياتي معايشتها اي وحده غيري ..
حظني وگلي . صار ياعمري .. #شمس

عشت احلى ايام وي امير .. دلال وحب .. وحسيت الله عوضني .. حتى اهله ممصدگين بتغيره .. ضحكته حلوه .. اخذ اجازه كم يوم ورحنا تونسنا بيها بالشمال .. نونه اتعودت علينا ..
جهز الغرفه الثانيه الماما لو خالتي ام احمد يجون يباتون يمي بيوم امير خفاره .. #شمس

حياتي حلوه وبوجود امير وبنتي صارت احلى ..
امير .. راح العمامي وهددهم ينطوني حقي من بابا .  وعمامي يخافون من امير لان ملازم واله معارف ..
سلمونياه من غير ولا كلمه واني فرحانه .. لان حسيت الي سند يخاف عليه ويحميني .. #شمس

مرت اشهر واحنه اسعد مايكون .. وامير وكح كولش لليل يودي بنته الاهله .. ويجي .. والصبح يرجعها ..
حتى استحي منهم شنو يگولون عليه ..
اعوف الطفله عندهم حتى اتونس .. ولازم كل ليله سهر مايشبع . #شمس
واني مخبلته بلبسي وحركاتي وسوالفي خليته ميشوف دربه 😂😂 حتى گام بالليل يقشمر جماعته بالدوام ويفلت ويجيني .. بحجه بنتي مريضه لو اي حجه . 
نسى كولشي راح .. واني هم نسيت .  حتى ماما تعتب عليه وتگولي نسيتيني من تزوجتي . 
نونه كبرت .. وسوالفهه حلوه .. والسانها شطوله صاير ومتنام اله بنصنه .. وامير يغار منه وهي تدفع بي ومتخلي ..
ويگولهه انتي مو وجه نعمه .. اوديج البيت جدج احسن وخطيه هي متقبل تريدني ..
واني هم مااقبل بعد يوديها .. عيب .. گمنا نخليها تنام .. ياله نگعد .. ومرات نروح الذيج الغرفه من وراهه لتگعد 😂

طبعا كل هذي الفتره كنت ممفكره بالطفل .. ومرت ست اشهر ع زواجنا .. بس خالتي وماما اصروا اروح للدكتوره واسوي طفل .. #شمس
وخطيه امير مردت امير ينحرم بعد الي عاشه .. رحت وعالجت نفسي طلع عندي التهابات .. وگلتلي الدكتوره لازم ميتقربلج زوجج عشر ايام .. ونطتني منشطات ..

هههههه لو تشوفون وجه امير من گوتله الدكتوره تگول ميصير تتقرب ..
اتهم الدكتوره متفتهم .. ومو خوش دكتوره .. ولاتسمعين كلامها .. تريد تفرقنا. هههههه  ساعات احسه طفلي مو زوجي .. رغم ماهو اكبر مني بهواي بس بحظني يكون طفل الي محتاج حنان ..
بعد فتره والدوامات قربت . طلبت من امير .  ارجع للدراسه وهو لانه واثق بيه وافق بس شرط انتقل الجامعه ميوسه حتى نروح ونرجع سويه واترك نونه عند اهله .. #شمس
وفعلا قدمت اوراقي .. وهو عنده واسطه ورجعني للدوام ..
وفرحت لان حكمل واخيرا راح احقق طموحي ..

بدت الدوامات .. وامير ياخذنا يوم واحمد يوم .. لان ميأمن بغير شخص .. بعده شكاك اووووف
رافد اتخرج وعلاقته صارت قويه وي ميوسه ..  وحبهم حلو وقرر يخطبها ..
وفعلا خطبها .. وارتاح امير لان كان يغار عليه من رافد ..
وبيوم خطبه ميوسه .. رحت وياهه للصالون ولبست فستان اسود طويل وبي شذر ولبست عليه ستره قصيره .. #شمس
وسويت شعري وخليت ميك اب قوي بعيوني وحمره خفيفه بحيث برزت لون عيوني . 
طلعت اخبل فديتني ..
وميوسه هم مقاصره .. تخبل طلعت .. ولبست نونه بدله حلوه وخليتلها حمره تريد حمه ههههه فديتها البنتي . 

دخل رافد يلبسها بعد ماعقد السيد .. واتذكرت اني شلون دخل امير وعيونه تجدح هههه ومكشر ..
التفت لگيته واگف ويباوعلي من المطبخ .. خليت نور يم خالتي ورحت اله .  #شمس
گلي حبيبتي طالعه تخبلين .. حظنته وحظني قوي وماحسيت الا دخت وجسمي مااگدر اشيله ردت اوگع بين ايده شالني وگعدني ع الكرسي  .. حبيبتي شبيج وراح جابلي مي ..
سمرا .. حبيبي لتخاف يمكن من التعب .. ومااكلت شي من الريوگ صار عندي هبوط ..
خالتي حست علينا اجت .. گالت هايمه شبيج ..
امير .. يمه رادت توگع همزين لزمتها . 
سمرا . لتخافين عليه خاله .. يمكن هبوط ..
خالتي .. اخاف حامل يمه هم حاسبه الروحج ..
خطيه كل شعر تتأمل .. اكون حامل ..
امير .. ابتسم .. هههه واخيرا حيجي سيوفي ..
سمرا .. هههه امير شبيك گوتلك هبوط شبسرعه خليتله اسم ..
امير .. دگومي بدلي الحفله وحتخلص خلينا نسوي تحليل ونتأكد ..
سمرا .. ههههههه اوك گايمه لان ادري بيك متتركني الا تتأكد .. وهالمره حاسه اكو حمل لان من حسبت افتهمت .. #بقلمي_شمس
يتبع… .