تحميل رواية الاسد الذي احتل قلبي بقلم منال كريم pdf

قبل رمضان بيوم

و الكل بيستعد للشهر الكريم ، و الشوراع مليانة بالزينة و كل بيت عليه فانوس و الكل مبسوطة و سعيد ،سمعت صبا الخبر اللي نكد عليها.

صرخت صبا و هي بتقول : نعم التكليف في مستشفى الصعيد ، يعني المفروض اني اسافر الصعيد و اعيش هناك ،لا كده الموضوع صعب انا مش هقدر اتحمل،انا لازم اشوف حل

الدكتور : اتكلمي بالراحه يا بنتي واهدي شويه ومفيش حل دي الاوامر نفذي من غير كلام كثير او قدمي استقالتك و ريحينا منك

نفخت بضيق وقالت: لو سمحت يا دكتور مفيش حل أنا عايشه طول عمري في القاهره،ازاي اروح أعيش في الصعيد و اكيد الناس هناك مختلفة.

الدكتور: يا بنتي سيبك من المسلسلات والافلام الصعيد زيها زي اي محافظه في مصر وده اخر كلام عندي و اطلعي بره علشان دماغي صدعتك منك.

كتمت صبا غيظها و خرجت

////////

رجعت البيت وقعدت مع اهلها على السفره وقالت بحزن: على فكره أنا التكليف في الصعيد والمفروض أسافر في اقرب وقت.

ابو صبا: انتي زعلانه ليه

بصت بغضب وقالت :ايه يا بابا هو أنت مش زعلان أن بنتك حبيبتك ،تبعد عنكم

أبو صبا: طبعا زعلان بس ده شغلك و طالما نويتي تشتغلي يبقى لازم تكوني قد المسؤوليه .

بصيت على امها اللي بتاكل وقالت ::ايه يا ماما شايفه أنك مش متأثرة، فين الدموع و العياط و قولي لا يا بنتي لا يمكن اسيبك ابدا تروحي هناك و تبعدي عن حضني،فين اوفرت الأمهات.

ام صبا: بهدوء ‘:ليه هو أنا مجنونه زي الناس دي لا يا حبيبتي روحي شوفي مستقبلك

بصيت على ابوها وامها وقالت: في المواقف اللي زي دي المفروض انكم تتمسكوا بيا وتقولي لي لا سيبك من الشغل ونشوف لكي عريس وتتجوزي وتخلفي، بس أنا حاسه انكم بيعنا بسهولة.

ابو صبا: بقوللك ايه يا صبا كفايه بقى دماغي صدعتك منك.

صبا بعصبية: ليه الكل بيقول ان بجيب لكم صداع محدش عارف قيمتي.

اخيرا اتكلمت حلا اخت صبا اللي كانت تاكل بصمت وقالت :بصي يا صبا من غير كلام كثير القرار قرارك شوفي أنتي عايزه تسافري ولا لا خليك عارفه انك لو رفضتي ده هيضرك طبعا.

صبا بابتسامه ::العاقلة اللي فينا القمر اللي فينا كده كده حلا احلى الحلوين

رسمت ابتسامه على وشها بصعوبه وكانها مش واخده على الابتسامه،و قالت : من غير كلام صبا اجمل صبية.

//////////////////////////////

بعد أسبوع

سفرت صبا الصعيد و مكنش قدمهم حل تاني.

بعد مشوار سفر طويل في القطر وصلت المحطة و كان في حد مستنية و ماسكة ورقة مكتوبة عليها أسمها(الدكتورة صبا محمد)

قربت صبا منه و قال بهدوء: حضرتك أنا الدكتورة صبا محمد

الغفير: يا مرحبا يا دكتورة ،اتفضلي اركبي العربية

صبا: مين حضرتك

هريدي: أنا هريدي غفير كبير البلد ضرغام القناوي

صبا: و شغال ايه ضرغام القناوي في المستشفى

هريدي: باه باه، ضرغام بيه هو كبير البلد كلته ، يلا بينا يا دكتورة دلوقتي.

ركبت صبا معه و بعد شوية وصلت قصر كبير ،سالت : مش المفروض كنا نروح المستشفى

هريدي: الدنيا ليل و المستشفى قفلت، ارتاحي النهاردة من السفر و بكرة من النجمة هوصلك المستشفى.

صبا: و البيت الكبير ده بتاع مين

نزل هريدي من العربية و فتح لها و قال: ضرغام بيه القناوي ،اتفضلي يا دكتورة

نزلت صبا و مشيت وراء هريدي، لحد ما وصلت جوة القصر

قعدت في المندرة الكبيرة و قال هريدي:: هابلغك الباشا حالا.

هزت راسها بنعم و بقت تبص على البيت بانبهار.

و شوية و ظهر ضرغام القناوي، قال بهدوء :: السلام عليكم ورحمه الله وبركاته ، نورتي البلد يا دكتورة

قامت وافقت و قالت : و عليكم السلام ورحمه الله وبركاته بنورك يا فندم.

ضرغام: اتفضلي يا دكتورة

قعدت تاني و قالت: شكرا لحضرتك

ضرغام: أنا عارف أن ممكن تكوني قلقانة من قعدتك هنا، بس خليني اقولك متخافيش و أن شاء الله تكون إقامة سعيدة و نحاول نوفر ليكي كل سبل الراحة

صبا: شكرا يا فندم.

ضرغام: العفو ده الواجب، في استراحة قريبة من القصر ، دي هتكون محل إقامتك علشان تكون قريبة مننا و تحت عيوننا

سالت بفزع: هو ممكن يحصل لي حاجة وحشة

ابتسم و قال: البلد هنا أمن و امان بلاش تخافي ، أنا بس بقول واجب علينا خدمتك، انتي ضيفة

ابتسمت و قالت: مره كمان شكرا لحضرتك بكلامك خففت كثير من التوتر ولو سمحت ممكن اعرف فين مكان اقامتي لاني عايزه ارتاح من السفر.

قام ضرغام من مكانه و قال: هريدي

جه هريدي جري و قال: نعم جنابنك

ضرغام: وصل الدكتوره للاستراحه وخد معاك نعيمه اللي هتخدمها وخذ السحور جاهز من هنا

صبا باعتراض: شكرا لحضرتك انا مش عايزه حد يخدمني كمان مش عايزه اكل

ضرغام: ده واجب علينا يا دكتوره نورتي وشرفت البلد

ابتسمت صبا وقالت :شكرا

مشيت صبا مع هريدي،وخرجت نسمه اخت ضرغام وهي بتقول: واه يا اخوي،البنيه حلوه قوي

ابتسم ضرغام وقال: مش عيب تقفي تسمعي كلامنا

نسمة : مش لازم اشوف الدكتورة الجديده يا اخويا

ضرغام: وشفتي يا نسمة

نسمة: حلوة قوي.

ضرغام: مش هبتطلي طريقتك.

نسمه : نفسي افرح بيك يا اخويا انا مش راضيه اتجوز ومخليه محمود يخلل جنبي علشان عايزة اطمن عليك قبل ما اتجوز.

قبل ما ضرغام يرد،جت ام ضرغام و قالت: لا اتجوزي انتي ومالكيش دعوه انا هنا معه

ضحك ضرغام بصوت عالي وقال: كاني عيل صغير وقت لما احب اتجوز هتجوز طلعوا الموضوع من دماغكم.

قالت صبرية أم ضرغام : لو مش عايز تجوز علشانك اتجوز علشان نجمة

ضرغام: مالها نجمه ياما عايشه معايا ومعاكي ومع نسمه والكل مخلي باله منها

صبرية ::انت مش فاضي وطول النهار بره و نسمة النهارده او بكره او بعد سنه هتروح بيت جوزها وأنا رجلي و القبر

ضرغام بعصبية: استغفر الله العظيم يا رب بطلي الاسطوانة دي، جواز ومش هتجوز ويا ريت كفايه كلام بقى.

وسابهم ضرغام ومشي.

نسمة : و بعدين

صبرية: أنا مش عارفة نعمل ايه معه، رأسه ناشفة

نسمة: بس عارفه يا امي هو عنده حق برضو ،خايف يجيب واحدة تطلع مش كويسة

صبرية : ضرغام ابن حلال ربنا يبعتله واحدة شبه.

////////(((

كانت وصلت صبا مع هريدي الاستراحه اللي هتقعد فيها اتفرجت عليها بسعاده وقالت: ما شاء الله المكان جميل قوي بجد شكرا على ذوقكم مكنتش متوقعة الاستقبال ده منكم.

نعيمة : الصعيد نورت بيكي يا بنت البندر

بصت صبا عليها و قالت: هو في حد لسه في الزمن ده بيقول بنت البندر بنت البندر أو بنت الصعيد كلنا في الاول وفي الاخر مصريين وكل مكان في مصر جميل باهلها.

نعيمة: كلامك حلو يا دكتوره يلا يا بنتي ادخلي غيري هدومك و تعالي كلي

صبا: حاضر

/////////

بعد شوية

كانت صبا قاعده على الاكل وقالت: الاكل جميل قوي يا طنط نعيمه تسلم ايدك

نعيمة: الله يسلمك من كل شر يا بنتي، والله أنا شايفه أن انتي طيبه وقلبك طيب، ربنا يجعل شفاء اي حد مريض على ايدك.

صبا : اللهم امين دعواتك حلوه يا طنط

نعيمة: لا بقى بلاش طنط دي قولي يا خالتي

ضحكت صبا وقالت :حاضر يا خالتي

وبعد يوم طويل دخلت صبا علشان تنام وتروح المستشفى الصبح.

////////////

ثاني يوم الصبح خرجت من الاستراحه لقيت عربية مستنياها وهريدي قدام العربيه قالت بابتسامه :صباح الخير يا عم هريدي

هريدي: صباح النور يا دكتوره اتفضلي

صبا :هو حضرتك هتوصلني كل يوم أنا مش عايزه اتعبك

هريدي: تعبك راحه يا دكتوره ده واجب عليا اتفضلي

ركبت صبا العربية. و كلمت نفسها :طب ما هم الصعايده حلوين ،انا شايفه انهم مظلومين في الدراما.

بعد شويه وصلت المستشفى واللي كان في انتظارها قدام الباب مدير المستشفى و معه ضرغام كبير البلد

قالت بابتسامة: صباح الخير

ردوا عليها: صباح النور

مدير المستشفى: نورتي يا دكتوره

صبا :شكرا لحضرتك المستشفى والبلد منوره بالناس اللي فيها

بصت على ضرغام وقالت : وشكرا لحضرتك يا استاذ على الاستقبال،بجد اللي بتعمله ده كتير قوي.

ضرغام: ده واجبك يا دكتوره نورتي البلد اتفضلي هنفرجك على المستشفى.

ودخلت معاهم واتفرجت على المستشفى ولقيت فيها احدث الاجهزه ومش زي ما كانت رسمه في دماغها أن المستشفى تكون ناقصها حاجات كتير.

//////(///

وعدت الايام و صبا اثبتت أنها دكتوره مجتهده، و هريدي بقى السواق الخاص بها و نعيمة الست المسؤولة عن البيت.

و قضت اول عيد ليها في الصعيد اللي كان مختلف وجميل

/////////((

في الاستراحه

كانت صبا تكلم اهلها في التليفون: الحمد لله يا بابا، طبعا مبسوطه جدا ناقصني بس انكم وحشيني اوي

ابو صبا: الصداع هرب من البيت من وقت ما مشيتي.

فتحت بقها بصدمة وقالت :قصدك ايه يا بابا انا سبب الصداع

ابو صبا :طبعا يا بنتي دي حاجه اكيده انت لسه بتسالي

صبا: اخص عليك يا بابا زعلت منك ومش هتكلم معاك تاني، اديني ماما لو سمحت اسلم عليها

ام صبا: عامله ايه يا حبيبتي البيت ضلمه من غيرك

صبا: امي حبيبتي وحشتيني انا الحمد لله بخير ،انتي عامله ايه

ام صبا: بخير يا قلب أمك ،خدي حلا هتتكلم معاكي

صبا: كده كده حلا احلى الحلوين

حلا بابتسامة: من غير كلام صبا اجمل صبية

صبا: القمر عامل ايه

حلا: الحمد لله بخير ،عاملة يا صبا

صبا: بخير و مبسوطة اوي ،عارفو الجو هنا حلو جدا ، ايه رايك تجيوا تقضوا هنا كام يوم

خد التلفيون ابو صبا و قال: يا ريت انا نفسي ازور الصعيد بس مش المفروض تسالي صاحب الاستراحه الاول.

صبا :خلاص يا بابا هساله وارد عليكم

////////////////////

طلبت صبا من هريدي مقابلة ضرغام

ضرغام: منورة يا دكتورة

صبا: شكرا لحضرتك

ضرغام: هريدي بلغني أنك عايزني ،خير أن شاء الله.

صبا بهدوء: كنت بستأذن حضرتك، علشان أهلي عايزين يجوا زيارة هنا، و بسالك لو ينفع يقعدوا في الاستراحه

ضرغام بصوت عالي : و الله عيب كده يا دكتورة

خافت من صوته، و قالت بتوتر: أنا عملت ايه حضرتك.

ضرغام بعتاب: يا دكتورة البيت بيتك و اهلك نشليهم على الرأس و نحطهم في نن العين.

ابتسمت صبا و قالت: أنا اتخضيت من طريقتك، بس على العموم شكرا لحضرتك..

ضرغام: انتي بتحبي كلمة شكرا

ضحكت و قالت: اه و اكتر جملة بحبها هي دماغي صدعت منك.

ضحكت بصوت عالي و قال: دمك خفيف يا دكتورة

ابتسمت و قالت: شكرا لحضرتك

ضرغام: برضو

///(///////

بعد أسبوع

في محطة القطر كانت صبا و معها ضرغام اللي صمم يستقبل أهلها

كانت لسه صبا هتكلم ، قاطع كلامها و قال: مش عايزه اسمع منك كلمه شكرا

ابتسمت صبا وقالت :طيب المفروض اقول ايه حتى كلمه شكرا قليله جدا انا متشكره لحضرتك على كل حاجه

اخذ نفس وقال :العفو يا دكتوره

وصل اهل صبا جريت عليهم سلمت على ابوها وبعدين امها وبعدين حلا وهي بتقول جملتها الشهيره: كده كده على احلى الحلوين

حلا بابتسامة: من غير كلام صبا اجمل صبية.

و كملت حلا : وحشتني اوي يا صبا

صبا : انتي و كمان.

بعدت صبا عن حلا و قالت: بابا ده ضرغام القناوي كبير البلد

مد ضرغام أيده و قال: البلد نورت

ابو صبا: بنورك يا ابني مكنش لازم تعبت نفسك

ضرغام: تعب راحة ،اتفضلوا معي..

////////////

بعد شوية في الاستراحة

أم صبا: بس اللي اسمه ضرغام ده شكله محترم و كريم

صبا: فعلا يا ماما هو كريم و محترم جدا، أنا الفكرة اللي عندي عن الصعيد اتغيرت من وقت ما جيت هنا.

حلا : الاستراحة كويسة و مريحة للأعصاب

خبط الباب ، صبا قامت تفتح و كان هريدي و معه صنية مليان أكل

صبا: ايه ده يا عمي هريدي.

هريدي: كرم الضيافة من ضرغام بيه.

صبا: اشكر ضرغام بيه

هريدي : حاضر

و مشي هريدي و ضحكت صبا لما تخيلت شكله لما يسمع كلمة شكرا

/////////

في قصر ضرغام

هريدي: الدكتورة بتقول لحضرتك شكرا

ضحك ضرغام و قال: الدكتورة بتحب كلمة شكرا قوي..

جت نسمة و قالت: في ايه يا اخوي.

ضرغام: مفيش حاجه يا نسمة.

و سابها و مشي

جت صبرية و قالت: نفسي قلبي يرتاح على اخوكي.

نسمة: أنا عندي فكرة يا امه

صبرية: قولي يا نسمة

نسمة: أنا شايفة أن ضرغام مايل للدكتورة و يفرح لما سيرتها تجي، ايه رايك بقي نروح تعمل زيارة في الاستراحة لأهلها.

قعدت صبرية و سألت : و احنا نستفيد ايه من كده و مين قالك أن الدكتورة تنفع ل اخوكي.

قعدت نسمة جنبها و قالت: ناخد فكرة عنها و عن أهلها ، و نشوف هي مخطوبه أو في حد متكلم عليه.

صبرية: بت يا نسمة ،هي الدكتورة حلوة.

نسمة : قوي قوي يا امه.

صبرية بحزن: احنا مش عايزين اللي شكلها حلو ،المهم يكون قلبها حلو و ترعي ظروف اخوكي و بنته.

نسمة: يارب يرزقك ببنت الحلال يا ضرغام

///////////(((((((((((((((

في اوضة في القصر

بنت صغيرة عمرها ٨ سنين قاعدة على كرسي متحرك.

دخل ضرغام و معه العاب كتير و قال: حبيبتي عاملة ايه النهاردة؟

ابتسمت نجمة و قالت:الحمد لله بخير يا بابا، المهم أنت عامل ايه ؟

في اوضة في القصر

بنت صغيرة عمرها ٨ سنين قاعدة على كرسي متحرك.

دخل ضرغام و معه العاب كتير و قال: حبيبتي عاملة ايه النهاردة؟

ابتسمت نجمة و قالت:الحمد لله بخير يا بابا، المهم أنت عامل ايه ؟

قعد ضرغام قدمها على الأرض و باس أيدها و قال بحب: أنا الحمد لله بخير طول ما نجمة حياتي بخير.

نجمة بابتسامة: أنا بخير يا حبيبي.

ضرغام: انتي عارفة يا نجمة أنك اغلي شيء في حياتي.

///////////////////////////////////

تاني يوم في الاستراحة

صبا : منورة يا طنط

صبرية: طنط ،قولي خالتي.

صبا::حاضر يا خالتي

صبرية: منورة يام صبا

أم صبا: بنورك يا ست صبرية.

نسمة: مين فيكم الكبيرة بقي

حلا: أنا الكبيرة

نسمة: ما شاء الله عليكي مش بيان عليكي خالص.

صبا بابتسامه: كده كده حلا احلى الحلوين

حلا بابتسامة: من غير كلام صبا اجمل صبية

نسمة : تعرفوا كان نفسي يكون لي أخت بنت.

صبا :احنا فيها اعتبرني اختك يا نسمة.

نسمة: ده يوم السعد يا صبا.

صبرية:بنتي نسمة مخطوبة و أن شاء الله تتجوز قريب.

أم صبا: ربنا يتم بخير و يفرحك بيها.

صبرية: يارب، و حلا و صبا مخطوبين.

أم صبا: لسة النصيب مجاش

صبرية: ربنا يكتب لهم الخير

أم صبا: يارب

حلا: عن اذنكم

و دخلت اوضتها و بيان عليها الحزن، صبرية: أنا خائفة ليكون كلامي زعل حلا في حاجة.

أم صبا بحزن: لا يا اختي مفيش حاجه في كلامك تزعل.

صبرية: طمنتني قلبي.

و بعد شوية مشيت صبرية و نسمة

////////////

دخلت صبا وراء حلا و قالت بهدوء: الحلو عامل ايه

حلا مسحت دموعها و قالت: الحمد لله بخير.

قعدت صبا جنبها و قالت: مش كفاية حزن يا حلا

نزلت دموعها و قالت : هو بمزاجي ،أنا مش قادرة انسي الماضي

طبطت علي كتفها و قالت : يا حبيبتي لازم تحاولي تنسي.

حلا بحزن: قلبي مش قادر ينسي

صبا بحزن: ربنا يهون عليكي.

/////////////

تاني يوم الصبح

صبا خدت حلا عشان يتمشوا شويه

وهم ماشيين وسط الخضره،قالت صبا: مبسوطة يا حلا

حلا بابتسامة: مبسوطة جدا، الجو هنا جميل

صبا: كل حاجة هنا جميلة ،الجو و الناس طيبة، كل حاجة هنا حلوة

وهم ماشيين قرب منها دكتور زميل صبا، و قال: ازيك يا دكتورة

صبا: الحمد لله يا دكتور لقمان

لقمان: مش هتعرفينا، هي حضرتها دكتورة معنا

صبا: لا دي حلا اختي ،هي هنا في زيارة

لقمان: و أنا أقول الصعيد منورة ليه، يا مرحبا يا ست حلا

حلا: شكرا لحضرتك،عن اذنك

مشيت حلا مع صبا

و لقمان بص عليها و قال: ما شاء الله حلا و هي حلا

جاه عليه ضرغام و قال: أنت خلاص أتجننت بتكلم نفسك .

لقمان:مفيش حاجه ، بقولك كنت عايز اكلمك في موضوع.

ضرغام :لو نفس الموضوع مش عايز أسمع كلام مش هتبقي أنت وامي وأختي عليا.

لقمان: اللي بيتكلم عشان مصلحتك ماينفعش كده لازم تتجوز عشان بنتك.

ضرغام: وبنتي مش ناقصه حاجه و أنا بعمل المستحيل علشان ميكونش ناقصه حاجة ،مش هقدر اتجوز بعد المرحوم امها كانت ونعمة الزوجة

لقمان: بلاش تنشيف دماغ ،حاول تفكر، لازم تبدا حياه جديده وربنا يرحم ام نجمه

ضرغام: ربنا يرحمها و يرحم اموات المسلمين ،اقفل على الموضوع يا صاحبي ، و خلينك فيك انت ، هتجوز أنت.

أبتسم لقمان و قال:كنت مستني بنت الحلال بس شكلها ظهرت.

ضحك ضرغام و سأل : و مين بقي اللي وقعتك في حبها .

لقمان : هو مش حب اوي، تقدر تقول اعجاب ،بس ايه قمر.

ضرغام: مين دي

لقمان: حلا اخت الدكتورة صبا

ضرغام: و أنت شوفتهم فين

لقمان: كانوا بيتمشوا هنا.

كتم غيظه و قال : ماشي

ضرغام اتضايق أن صبا خرجت من البيت

/////(((((((

نفس اليوم بالليل رجع اهل صبا على القاهره وهي رجعت وحيده من تاني.

اما ضرغام كان لسه متضايق علشان صبا خرجت من غير ما يعرف كان واقف في البلكونه بيكلم نفسه:

أنت ليه زعلان كده يا ضرغام ،طب ايه اللي يزعلك في الموضوع و مفيش حاجه تزعل ، وكمان هي المفروض انها تستأذن منك مثلا قبل ما تخرج، أنت مين اصل بالنسبة لها، غير انك كبير البلد و خلاص

قعد على الكرسي وقال: أنا ليه بقيت افكر في الدكتوره الايام دي كتير

خبط الباب رد وهو قاعد مكانه: اتفضل

دخلت اخته نسمه المتطفله عليه دايما وقالت ابتسامه،: كيفك يا اسد، ايه اللي شاغل تفكيرك الأيام دي.

ضحك و قال : طالما قولتي اسد يبقى أنتي عايزه حاجه خير يا خيتي.

نسمه قعدت قصاده وقالت :رد على السؤال الاول اللي شغال تفكير ضرغام الاسد

ضرغام : بطلي كلام كتير وشغل المحققين يا نسمه مفيش حاجه عايزه حاجه

نسمة : يعني مفيش حب كده ولا كده

ضرغام : لا

نسمة : طمني على اخبار الدكتوره صبا ان شاء الله تكون بخير هي و اهلها

ضرغام بنفاذ صبر: الدكتوره صبا بخير واهلها كمان ورجعوا النهارده القاهره عايزه حاجه منهم

نسمه : لا ابدا اطمن عليهم بس اصل الدكتوره بسم الله ما شاء الله جمال و تعليم

ضرغام: طبعا كل المواصفات دي تنفع تكون مراتي صح اعمل ايه علشان تبطلوا كلام في الموضوع ده انا مش هتجوز تاني وسيبوني في حالي بقى فكري في نفسك عشان قعدت مع خطيبك كفاية خطوبة لحد كده و نحدد معاد الفرح

نزلت دموع نسمه وقالت: انا كل اللي بعمله عشان خايفه عليك يا اخويا نفسي اطمن عليك أنا او ماما عايزين نطمن قلبنا عليك انت ونجمه

ضرغام :متعيطش يا نسمة أنا عارف ان ده من خوفكم عليا بس انا كويس ومش ناقصني حاجه ونجمه كمان كويسه ،بلاش تفكري كتير

نسمة: يارب دائما و معلش لو زعلتك، عن اذنك

قامت نسمه وكمان ضرغام قرب عليها باس جيبنها وقال: تصبح على خير يا حبيبتي و أنا مش زعلان منك

نسمة بابتسامه : وأنت من اهله يا اخويا.

خرجت نسمة على اوضتها وقعد ضرغام مكانه تاني وقال ::مش هكذب على نفسي أنا معجب بالدكتوره صبا، بس هي واحده لسه مدخلتش دنيا ،ممكن ترضي تتجوزني و أنا معي بنت و كمان بظروف نجمة.

///////////////

مرت أيام واسابيع وصبا بتثبت نفسها في المستشفى وقليل لو قبلت ضرغام بالصدفه، هو اتاكد أنه حبها و هي كمان بتفكر في احيانا وبدأت تحبه

////////////////

الساعه 1:00 بالليل قامت نجمة على خبط الباب،جريت تفتح وهي بتقول: استر يا رب ،خير اللهم اجعله خير.

فتحت و كان هريدي، سألت بخوف :: في ايه يا عمي هريدي ايه اللي حصل

هريدي بخوف: تعالي معايا بسرعه يا دكتوره الست نجمه تعبانه قوي

من غير ما تسال مين نجمه او فين المكان لبست الاسدال و خرجت معه ، مشوا ناحيه قصر ضرغام، سالت؛: هي الحالة ساكنة هنا.

هريدي : أيوة يا دكتورة

دخلت صبا مع هريدي القصر و كان في انتظارها نسمه اللي قالت :معلش يا دكتوره ازعجناك نص الليل

رددت صبا عليها : مفيش ازعاج ولا حاجه يا نسمه بس في ايه مين اللي تعبان.

نسمة بخوف: نجمه

و طلعت نسمة جري على السلم و بتقول : يلا بسرعة يا دكتورة

طلعت صبا وراها وهي بتسال نفسها يا ترى مين نجمه اللي باين أن الكل بيحبها كده.

وصلت نسمه ومعها صبا لاوضه نجمه، دخلت صبا لقيت طفله جميله نايمه على السرير وجنبها ضرغام ومن الناحيه الثانيه صبرية،قالت بهدوء :

السلام عليكم ورحمه الله وبركاته

رد ضرغام بخوف: و عليكم السلام ورحمه الله وبركاته تعالي يا دكتوره لو سمحتي شوفوا نجمة مالها.

مشيت ناحية السرير وقالب بهدوء: خير ان شاء الله هي بتشتكي من ايه

صبرية بدموع: سخنه مولعه.

صبا: أن شاء الله خير ، بس ممكن اعرف لو عندها مشاكل صحية

قالتها صبرية علي حالتها…

ضرغام قام من مكانه وقعدت صبا وبدات تكشف على البنت،وديتها حقنه خافض للحراره وقالت : خير يا جماعه ان شاء الله بلاش القلق ده انا اديتها حقنه و هتابع معها.

نسمة: يعني هتمشي وتيجي كمان شويه

صبا: لا طبعا هقعد معاها الليله عشان اتابع الحراره

و. قالت بهزار علشان تفك الجو شوية : لو مفيش ازعاج أني أقعد معكم هنا

صبرية بابتسامه: يا بنتي اما شالتكيش الارض نشيلك فوق راسنا بس خلي بالك منها دي هي نجمه البيت.

بصت صبا على نجمه وقالت: ما شاء الله نجمه اسم على مسمى جميله قوي

و سألت بفضول: هو مش فضول قوي بس عايزه اعرف هي دي اختك يا نسمه.

قبل ما نسمة ترد رد ضرغام : لا دي بنتي.

بلعت ريقها بتوتر وكانها عجزت عن الرد بصعوبه ابتسمت وقالت :ربنا يباركلك فيها.

محدش فيهما لاحظ غير نسمة أن صبا ظهر عليها الحزن لما عرفت أن نجمة بنت ضرغام و كلمت نفسها: هي الدكتوره زعلت ليه لما عرفت ان نجمه بنت ضرغام تكون هي كمان قلبها اتعلق بيه زي ما اخويا قلبه اتعلق بيها وهو رافض يصدق نظرتي ما تخيبش ابدا الاثنين دول عاشقين بعض ولازم اعمل حاجه علشان اجمعهم مع بعض.

صبرية: نسمه هاتي للدكتورة حاجه تشربها

صبا: شكرا يا طنط انا مش عايزه حاجه يعني لو حضرتكم تتفضلوا ترتاحوا و أنا أكون جنبها.

ضرغام: انا مش هسيب بنتي

اتضايقت لما سمعت صوته وبقيت نظرتها له انه خاين مع انه معملش حاجه و قالت بعصبية:

اتضايقت صبا من فكرة أن ضرغام متجوز و عنده بنت ، حست بالغضب لما سمعت صوته وبقيت نظرتها له انه خاين مع انه معملش حاجه وكلمت نفسها بحزن:

انتي عبيطه يا صبا: هو مطلوب منه أني يعرفك تاريخ حياته ويقول لكي هو متجوز او لا ،هو في حاجه بينكم اصلا كل الحكايه الراجل بيعمل بالأصول و يكرم الطيف وانتي اللي علقتي قلبك بحبال دايبه

صبرية : بقوللك يا حبيبي طالما الدكتوره هتكون جنبها عشان تراقب الحاله أخرج أنت عشان تكون براحتها.

بص ضرغام على صبا وقال: أنا اسف يا دكتوره بس مش هقدر اخرج واسيب بنتي

صبا: مفيش مشكلة ، بس نسمة تفضل معانا

اتعصب ضرغام وقال بصوت عالي: انتي مجنونه اياك، خائفة مني أنا هاكلك.

ردت بعصبية اكتر منه : وطي صوتك يا بني ادم، أنا لا بخاف منك و لا من غيرك، بس مينفعش ، نقعد أنا وأنت في اوضة لوحدنا بصفة ايه، فلازم تكون اختك معنا

ضرغام: و البعيدة عامية مش شايفة نجمة اللي معانا في نفس الاوضة

صبا بغضب: احترام نفسك، أنا مش عامية انتي اللي غبي، و نجمة طفلة صغيرة و كمان نايمة، و أنا هكون كده مرتاحة زعلان ليه.

ضرغام بغضب اكبر: لا عاش و لا كان اللي يزعلني

صبرية:كفاية اللي حصل لكل ده، عيب كده يا ولدي و الدكتورة معها حق، أنا آسفة يا بنتي

صبا بهدوء: حصل خير يا طنط.

صبرية: تسلمي يا بنتي و استاذنك أنا علشان تعبانة و محتاجة ارتاح و نسمة معاكي لو احتاجتي حاجة.

صبا: الف سلامة على حضرتك، و تصبحي على خير

خرجت صبرية و قعد ضرغام مكانها و كده الاتنين قاعدين على السرير و نجمة وسطهم، نسمة اللي كانت وافقة قدم السرير كانت شايفة المشهد أنهم لايقين على بعض و علشان تحل المشكلة ،قالت : معلش يا دكتوره متزعليش أن ضرغام اتعصب عليكي ، هو بس بيحب نجمة بزيادة و العصبية من خوفه عليها ، انتي عارفة بقي صعب ان الأب يقوم بدور الاب و الام.

بصت صبا بانتباه اول احتمال في دماغها أن ضرغام مطلق بس نسمة نهت الاحتمال ده لما قالت:ام نجمة ماتت و هي بتولدها ،ربنا يرحمها ويغفر لها.

بسمة صغيرة ارتسمت على وشها و قالت: ربنا يرحمها.

كل ده و ضرغام عيونه على نجمة بس سماع كلامهم و في نفسه قال: عافركم عليكي يا نسمة أنك قولتي كده، احسن تظن اني متجوز ، أو حتي مطلق خليها تعرف الحقيقة ، أنا حبتها قوي و نفسي تكون شريكة حياتي بس خايف ترفض علشان سبق ليا الجواز و كمان عندي بنت.

أما صبا قالت لنفسها بسعادة: الحمد لله انه مش متجوز ،قلبي اترعب ليكون متجوز و يضيع الامل أنه يكون ليا ، بس نفس المشكلة ، هو شكله رافض الجواز بعد مراته اللي يرحمها، أو ممكن يكون خايف اني ارفض الجواز منه، ايه الهبل ده يا صبا شكلك مش في دماغه و لا على باله اصلا.

خرج الاتنين من الحيرة و حوار العقل على صوت نسمة اللي قالت: شكل السهرة طويلة، أنزل أعمل سندوتشات و شاي و اطلع

قام ضرغام من مكانه و قال: لا خليكي علشان الدكتورة و انزل أنا أعمل

ضحكت نسمة و قالت: ضرغام الاسد بنفسه يدخل المطبخ ايه اللي حصل في الدنيا و بعدين هو أنت تعرف تعمل حاجة اصل.

ضرغام : هحاول

قامت صبا و قالت : أنا هحل المشكلة و انزل معاكي المطبخ لو ينفع يعني.

نسمة بابتسامة:المطبخ يزيد نور يا دكتورة

ابتسمت صبا و قالت: شكرا

ضرغام بندم: أنا آسف يا دكتورة اني اتعصبت عليكي

صبا: حصل خير أنا فاهمة موقفك.

و نزلت صبا مع نسمة

//////////

في المطبخ

صبا بتعمل السندوشات و نسمة الشاي

صبا بكسوف: آسفة على التطفل يا نسمة ،ممكن أسأل سؤال

نسمة: اتفضلي طبعا

صبا: فوق قولتي لاخوكي ضرغام الاسد ،ده اسم العيلة

نسمة : لا ده اسم طلع على ضرغام، علشان قوي و شجاع و ديما يوجه اي مشكلة و مش بيخاف من حد.

صبا : تمام.

نسمة بذكاء: عارفة أنا و أمي نفسنا في حاجة واحدة، ربنا يكرم ضرغام بواحدة بنت حلال ترعي ربنا في البت الغلبانة و ظروفها دي

صبا بحزن:صحيح هي حالة نجمة دي بسبب حادثة

نسمة : لا مولدة كده

صبا: قادر ربنا يشفيها

نسمة: اللهم امين

//////////////

و طلعوا البنات طول الليل التلاتة كانوا صاحين جنب نجمة اللي الحراءة تنزل و تطلع لحد النهار

بصت نجمة حوليها و قالت : بابا.

دمعة نزلت من عينه و قال: قلب بابا من جوة يا نجمة.

نسمة بسعادة: حمد لله على السلامه يا نجمة

نجمة : الله يسلمك ، اومال مين دي

قبل ما حد يرد ،قالت صبا بطريقة كوميدية: مرحبا أنا صبا و انتي نجمة ،لو جمعنا صبا مع نجمة يبقي نجمة صبا حلوة صح

نجمة: مش فاهمة حاجة بس أسمك حلوة

صبا: أسمك احلي

///////////////

بعد أسبوع سافرت صبا القاهرة

والاسبوع ده هو اللي اثبت لصبا و ضرغام انهم حب بعض وميقدروش يبعدوا عن بعض وعلشان كده قرر ضرغام اول ما ترجع يفتح معها الموضوع

و على جانب تاني ،لقمان ديما يفكر حلا.

//////////////////////////

في بيت صبا في القاهرة

صبا: مش ناوية تطلعي من الحزن بقي، اللي حصل ده نصيب

حلا بدموع: أنا عارفة أنه نصيب بس مش قادرة انسي أن جوزي يموت قبل الفرح بيوم ، تخيلي أننا كتبين الكتاب و كل حاجة جاهزة ،و قبل الفرح بيوم يموت فجأة

صبا: ربنا يرحمه ويغفر له ويسكنه فسيح جناته، هو كان انسان كويس و ده نصيب، عارفة يا حلا رغم اني حزينة على اللي حصل معاكي، بس وقته كنت بفكر في حاجة واحدة

حلا: ايه

صبا: انتي كتبتي الكتاب قبل الفرح بشهرين ،و كان التعامل بينكم كأنكم لسه مخطوبين، فتخيلي كده لو حصل زي ما كتير بقي شايف أنه العادي يبقي التعامل زي المتجوزين و يحصل لحد زي ما حصل معاكي كان ايه الحل وقتها.

حلا: طبعا مشكلة كبيرة، علشان ممكن محدش يصدق ، أن حصل في فترة كتب الكتاب و مشاكل كتير البنات في غينه عنها ،ربنا يهدي و يحفظ كل بنت

صبا: اللهم امين ، المهم أنا مسافرة بكرة ، و أول يوم رمضان أكون لوحدي ايه رايك تعالي معي

حلا: ماشي

////////////////////

اول يوم رمضان

وصلت صبا و حلا محطة القطر ،و كان في الانتظار ضرغام.

قلوبهم دقت اول ما شافوا بعض، أبتسم و قال: الصعيد نورت يا دكتورة

ضحكت و قالت: شكرا لحضرتك

ضرغام: منورة يا ست حلا

حلا: شكرا يا فندم

ضرغام: ام ضرغام أصدرت قرار من هنا على القصر عندنا

صبا :شكرا ليكم ،احنا عاملين حسابنا و معنا فطار النهاردة

ضرغام: روحي قولي كده لام ضرغام

بصت صبا على حلا اللي قالت: خلاص يا صبا احنا مش قد زعل ام ضرغام.

//////////

في القصر

كان الكل مستني اذان المغرب

رن تلفون ضرغام رد وقال: ألو

لقمان بعصبية : أنا مش صاحبك و ابن عمك

ضرغام: أيوة بس ليه

لقمان: أنا عزم نفسي على الفطار عندكم

ضرغام : أنت عرفت أنها هنا.

لقمان: أيوة عرفت من هريدي.

ضرغام: طيب تعال يا اخوي.

/////////

على الفطار أتجمع الكل , وكل واحد دماغه مشغوله بحاجه وقرر يريح باله و يتكلم فيها بعد الفطار قالت صبرية: كل سنه وانتم طيبين يا اولاد يا رب كل واحد يحقق اللي نفسه فيه

الدعوه فرحت قلب الكل رد ضرغام : و انتي طيبه يا امي ويسمع من بقك ربنا

قال محمود خطيب نسمه: بمناسبه الدعوه دي حماتي أنا عايزه الفرح ان شاء الله بعد العيد يعني معانا شهر اهو يا نسمه ونتوكل على الله

نسمه : أنت عارف يا محمود مش هتجوز الا بعد

وقبل ما تكمل كلامها قاطعها ضرغام وقال: أن شاء الله يا محمود جهز نفسك على كده فرحك أنت ونسمه بعد العيد

صبريه: الف مبروك يا نسمه ،عايزين نفرح بيكي

صبا وحلا باركوا لنسمة

ضرغام بص على صبا وقال: لو سمحتي يا دكتوره بعد الفطار أن شاء الله عايزه اتكلم معاكي في موضوع

توترت صبا وسالت خير ان شاء الله

ضرغام : خير

و لقمان قرر يعمل زي ضرغام و قال: انسه حلا انا كمان عايزك في موضوع مهم بعد الفطار

استغربت حلا وسالت :موضوع ايه حضرتك

لقمان: موضوع مهم

حلا: اصل مفيش بينا مواضيع مهمه أو مش مهمه،فانا بعتذر لحضرتك

لقمان برجاء: لو سمحتي اسمعني خمس دقائق بس

حلا: يا فندم أنا معرفكش بأي صفة اسمع حضرتك، أنا آسفة

و قامت من على السفرة و قالت: شكرا لحضرتك يا طنط صبرية

و بصت على صبا و قالت: أنا هاسبق على الاستراحة لما تخلصي تعالي.

صبا: هاجي معاكي

حلا : خليكي شوفي الاستاذ ضرغام عايزك في ايه

و اتحركت عشان تمشي ،لقمان قام وقف و قال بصوت عالي: آنسة حلا الموضوع اللي كنت عايزك فيه هو أنا بطلب ايدك للجواز.

الصدمه سيطرت على الكل ،الطريقه كانت غريبه وقامت صبا من مكانها ومشيت ناحيه حلا اللي اتسمرت مكانها، وقالت : حلا انتي كويسه

سؤال صبا خلى الكل يستغرب

صبا: يلا نمشي

نزلت دموع حلا و مشيت بصمت و الكل مستغربة حالتها.

لقمان بعدم فهم: أنا مش فاهم حاجه هو سؤالي في حاجه غلط

ضرغام: صحيح الطريقة توتر و مش صح ،بس حالة الدكتورة و اختها تقلق

نسمة:ليه كده يا لقمان

لقمان بحزن: مكنتش اعرف ان ده هيحصل يا بنت عمي.

محمود: حصل خير

قامت صبرية من مكانها وقالت :تعالي معايا نسمة

ضرغام : على فين يا امه

صبرية :نروح وراهم نشوف مالهم

لقمان: زين ما عملتي يا مرات عمي، و اعتذري لها بالنيابة عني و قولها اني عشقتها من المرة الوحيدة اللي شوفتها فيها، وبتمنى انها تكوني مراته وعندي استعداد استنى طول العمر

صبرية: حاضر يا ولادي

////////////

في الاستراحة

وصلت صبرية و نسمة و قعدوا مع صبا و حلا و حكت صبا عن أزمة حلا

صبرية بحكمة: ربنا يهون عليكي يا بنتي بس أنتي اللي على الحال ده بالك سنه والحزن بيقصر العمر لازم تحاولي تنسي وتبصي لقدام انتي لساتك شابه صغيرة وحلوه

مسحت دموعها و قالت: حاولت و مش قادرة

صبرية: لا يا بنتي انتي ما حاولتيش انتي عاجبك دور الحزن اللي عايشة فيه، اللي حصلك صعب بس في ناس اصعب منه ، وهي دي الحياه ولازم نقاوم ونستمر فيها.

صبا : كلام حضرتك صح

صبرية: حلا لقمان بعت معايا رساله بيقوللك انه اسف ،و المرة الوحيده اللي شافك فيها عشقك ويتمنى أنك تكوني مراته وعنده استعداد يستنى طول العمر

ابتسمت حلا ابتسامه بسيطه و كملت صبريه: لقمان يبقى ابن عم ولادي و أنا اللي مربيه بعد ما ابوه و امه ماتوا، و بطلب ايدك للقمان ابني قولي امين ونسافر على مصر ونطلب ايدك من اهلك

صبا : يشرفنا نسبكم ،هي هتفكر و أن شاء الله هنبلغكم.

و مشيت صبرية و نسمة اللي كانوا نفسهم يطلبوا ايد صبا ل ضرغام كمان

///////////

تاني اليوم في المستشفى

صبا: خير

ضرغام: جاي اقولك على اللي كنت عايز أقوله امبارح

صبا: اتفضل

ضرغام: أنا كنت متجوز بنت عمي اللي يرحمه و ماتت و هي بتولد نجمة و من وقتها خوفت على بنتي اتجوز و اجيب لها مرات اب، لحد ما شفتك انتي مش عارف ليه بقيت مبسوط لما بتكلم معاكي ولما بشوفك وكلمه شكرا اللي بتقوليها ديما، ورغم ده كله كنت مرعوب انك ترفضي الارتباط بيا لاني كنت متجوز قبلك وعندي بنت ،بس لما قلبي تعلق بك اكثر قلت هطلب منك و اي كان قرارك انا هحترمه وموافق عليه.

ردت صبا بجديه وقالت :حضرتك عارف شؤون العمالين في المستشفى صح

استغرب و افتكر أن عندها مشكله وقال:

ايوه ,قوليلي حد مزعلك و أنا اقطع رقبته.

رددت بنفس الجديه :هتروح شؤون العاملين و تسأل على عنوان الدكتوره صبا محمد، تركب أول قطر رايح القاهره، و اطلب ايدي من بابا لو هو وافق أنا موافقة.

و مشيت من قدمه و هو همس لنفسه: بحبك يا صبا..

/////////////

عدى شهر رمضان بسرعة، هو ضيف خفيف ومر العيد بسعاده وبعد العيد باسبوع في الصعيد في قصر القناوي فرح ثلاثي

ضرغام وصبا

لقمان وحلا

محمود و نسمه

و قالت صبا: لو كنت اعرف ان بسبب التكليف اللي في الصعيد هيخلي حلا واخيرا تتخطى الماضي كنت جيت من زمان

ضرغام: ده السبب بس و أنا

صبا: أنت الأسد الذي أحتل قلبي…

و عاشوا الكل في تبات ونبات و خلفوا صبيان وبنات