تحميل رواية «الاسطي غزال ( حصريا» PDF

هتفضلي لحد امته في لبس الولد دا الناس في المنطقه من كتر من شايفينك باللبس دا من صغرك وبدوا يصدقوا أنك ولد ومحوا شخصيه البنت اي يابنتي دا شعرك مشفتوش مفروض من قرن ولا حواجبك اللي بقت عامله زي الرجاله ووشك اللي اسود من الشحم والقرف بتاع العربيات فين الانوثه في لبس البنات فين كل دا فين الحاجات اللي بيتمناها اي زوج في زوجته

ردت بكل برود..... دا اللي عندي انا لازم اعمل كده علشان اني واخويا يعيشوا واخويا يتعلم لابس الولاد اللي مش عاجبك دا هو اللي بيجبلي الاكل ليا ولخويا وامي الشحم والقرف اللي بتتريق عليه دا اللي أعرفه وشغلتي اللي باكل منها من غيرها مش هعيش

رد عليها..... قولتلك انا هتكفل بمصارفهم

ردت عليه قائله..... لا لما تتجوزني تتكفل بيا انا امي واخويا مسؤولين مني انا مش منك

رد قائلا..... والحال دا ميعجبنيش

ردت بكل برود..... دبلتك جوه خدها وانت ماشي عن اذنك عندي شغل ونزلت الوارشه في الحاره

غزال..... واد ياحوده

حوده.... نعم يامعلمه.

غزال...... افتح الورشه علشان ورانا شغل واكل عيش

حوده..... اوامر يامعلمه

الجزار...... اي ياقمر مش ناويه تحني ولا اي

غزال بقرف..... احن لاي يامعلم لمؤخذه دا انا ارجل منك بمنظرك دا

الجزار..... متلمي نفسك يابت..... اااااه

لم يقدر علي التكمله كانت غزال ضربته بأله حاده في وجهه

غزال...... بص ياراجل ياعايب ياشايب لو جيت نحيه الورشه دي تاااني هجيبك نصين ساامعين ياحاره مجبتش راااجل عدل فيكوا ورشه المعلمه غزال اللي هيهوب نحيتها يبقا بنا بحور دم

اخلص ياحوده شوف الزبون محتاج اي

في الناحيه التانيه في شقه فاخمه تدل علي الرقي والغني الفاحش

يخرج كريم من المرحاض ويوجد منشفه حول خصره

ومنشفه صغيره علي خصلات شعره ينشف قطرات الماء التي تتساقط منه

ووقف امام خزانه الملابس يضع انامله علي فمه يتحير ماذا يرتدي

وارتدي بنطال لونه اسود وقميص اسود وشوز ابيض

ووقف امام المراه يصفف شعره واخذ نظارته الشمسيه ومفاتيح سيارته

وهبط الي الاسفل

كريم في سيارته يشغل احد الاغاني الشعبيه ويغني قائلا ..... واخد خطوه إجباري عامل نفسي مش داري

رن هاتفه لكن لم يستمع اليه واكمل الاغنيه

وصل الي الشركه ودلف فهو شخصيه مرحه

صعد لمكتبه وكان في انتظاره ابنه عمه

كريم..... اهلا

اروي..... اي ياكريم مش هترجع

كريم بضيق..... فكك مني بقا انا مش راجع القصر تاني علشان اكون تحت رحمه جدي

اروي..... وهو علشان عاوزك تتجوز يبقا تحت رحمته

كريم بضيق..... اتجوز بنت حكمه هانم اللي مناخرها في السماء ياشيخه قولي غير كده

اروي..... يعني مش هترجع وتبطل سرمحه

كريم...... يارورو ياحبيتي انا لسه ملقتش اللي تلمني

اروي.... يارب يرزقك بوحده تطلع عليك القديم والجديد يابن

كريم بتحزير..... يابن اي

اروي.....يابن طنط كامليا انا ماشيه واخدت شنطتها ومشيت

كريم بسخريه..... بقا انا كريم تهامي اتجوز بنت حكمه وتفضل تقولي البطيخ بيتاكل بالشوكه والسكينة

دق الباب دخل صديقه

زين..... انهارده هنعمل إعلان للناس اللي هتشتغل في المصنع

كريم.... تمام بس أهم حاجه بتوع شغل مش اول ما يدخلوا المصنع يقلبوا قطط ويقولوا الشغل كتير

زين..... حاضر في بنات

قاطعه كريم.... بنات اي هو الرجاله قادره علي الشغل لما البنات تشتغل.

زين.... يعني اعمل إلغاء البنات ولا اى

كريم بلا مبالاه..... دا لو حد قدم

في الحاره الشعبيه كانت غزال في منزلها

غزال..... خدتي الدوا ياست الكل

والدتها.... خدته يابنتي

غزال جلست امامها.... خدتيه ازاي وهو خلصان امبارح وانا لسه مجبتش منه

والدتها.... مهو

غزال..... ليه ياامي هو انا قصرت في حاجه

آمال..... الحمل كبير عليكي يا غزال

غزال..... مشتكتش ياامي

آمال...... حسه بيكي يابنتي والله حسه بيكي وبتعبك ليه فسختي خطبتك

غزال..... دا اللي لازم يحصل هو عاوز ست لبيته وانا مش هسيب الشغل ومش هردي انه يصرف عليكوا وانا قعده حطه رجل علي رجل والله يام غزال الحياه دي هيا حياتي وهعشها كده اما نصيب الجواز دا بقا خليه لما ربنا ياذن عن اذنك اجيب الدوا

دلف اخاها وهو في الصف الثالث الثانوي وهو يدعي (تامر)

تامر.... اهلا اهلا

غزال..... مش هطبطل لعب بقا وتركز

تامر.... يا غزال لسه الدروس هتبدا كمان اسبوعين وانا قولت اشتغل...

قاطعته غزال بصرامه.... قولت مفيش شغل لما انام خالص ابقا اشتغل وبعدين انا قصرت في حاجه

تامر.... ماصرتيش بس واجب الشغل عليا

غزال..... لما تخلص تعليم انزل اشتغل براحتك واتفصل دول 1000 شوف بقيت الفلوس اللي نقصها حجز والكتب واسبوعين ويوصلك زيهم

تامر.... كتير دول انا محتاج 700

غزال....والباقي خليه في جيبك مينفعش راجل ماشي من غيؤ فلوس

وخرجت متجهه الي الصيدليه

الصيدلي.... اؤمري ياغزال

غزال..... دوا كل مره يادكتور

الصيدلي.... حد يصدق غزال الاوله كل سنه متكملش دراسه

تنهدت قائله..... كل واحد ونصيبه يادكتره وبعدين مالها الاسطي الغرال

الصيدلي.... احسن وحده في المنطقه

غزال..... الدواء بقا وحياه ابوك

جاب الدواء

غزال.... وادي ال100جنيه

الصيدلي..... وادي العشره جنيه

غزال.... رضا من ربنا ياعم

وخرجت من الصيدليه وتنظر الي العشره جنيه وان دي اخر فلوس معاها

وعادت مره ثانيه الي المنزل

ودخلت المطبخ جهزت الغدا وطلعت بصنيه الاكل

تامر..... ايوه ياغزال ياجامد طابخه اي

غزال بمرح.....فضله خيرك بتنجان مخلل بتنجان مقلي وملوخيه ولحمه

تامر..... اي كميه البتنجان دي

آمال.... تسلم ايدك

غزال.... الدوا ياست الكل

وعدا اليوم في سلام علي الجميع

بعد مرور اسبوع وغزال تبحث عن شغل اخر بجانب الورشه حتي توفر المال

الصيدلي (طارق)..... غزال لقتلك شغل

غزال بلهفه..... الحقني بيه

طارق......تشتغلي في مصنع السيارات تبع كريم تهامي

غزال...... التقديم أمته

طارق...... بدا انهارده

غزال..... هروح وربنا يقدم اللي فيه الخير

وبالفعل دخلت غزال منزلها ودخلت المرحاض لتغتسل وخرجت ارتدت بنطال جينز وتيشرت اسود وشعرها علي هيئه كعكه

آمال..... غريبه راحه فين

غزال علي استعجال.... مشوار علي السريع كده وخرجت سربعا متجه الي الشركه

وصلت الي الشركه نظرت إليها بناء عالي ضخم علي مساحه كبيره ملفت الانظار في مكان راقي وسوال يتردد في عقلها هل سوف تقبل في العمل ام سوف ارفض؟

دخلت الشركه واتجه الي الاستقبال

الاستقبال..... اتفضلي

غزال بجديه..... انا شوفت اعلان انكوا عاوزين صنايعيه للمصنع

الاستقبال باستغراب.... ايوه يافندم بس مين هيقدم

غزال بسخريه ..... شفافه مثلا

الاستقبال.... حضرتك جايه تهزري صح دا شغل في مصنع اتفضلي مرفوده

غزال بصوت عالي...... ننننعمم ياحنين اترفد قبل ما اقدم اصلا ولا اي ولا مبتخدوش غير الرجاله كنتوا كتبتوا في الزفت رجاله فقط مع ان انا اقدر اعمل اللي الراجل بيعمله اكتر من مره انا الاسطي غزال

دخل كريم بعصبيه..... انتي اتهبلتي ولا اي

غزال..... انتوا اللي شركه هبله

رفع كريم يجه لكي يصفعها لكن.......

رفع كريم يداه لكي يصفعها لكن تعلقت يده

في الهواء من قبضتها علي يده..... متخلقش اللي يمد ايده عليا والله الغني عن شغل عندك

وغادرت المكان كان الجميع ينظر إليهم خوفًا علي الفتاه التي تتحدث هكذا مع كريم تهامي نعم هو مرح لكن وقت الجد يكون عصبي للغايه.

كريم بحده..... اي فرجه ولا في حلقه سمك كل واحد علي مكتبه زين تعال ورايا دلف الي مكتبه وأغلق الباب بقوة جلس علي كرسيه واطاح الأوراق ارض بعصبيه فمن هذه الفتاه التي تصيح بانفعال امامه.

دق الباب ودلف صديقه زين....... دا cv بتاع البنت

كريم....... هات كدا

واخذ الملف وبدأ يقرا واعجبه كثيراً

زين بعلميه...... انا شايف ان البنت بتعمل شغل ميعملوش راجل

وانها هتنفعنا كتير

كريم...... برده ماينفعش اللي حصل

زين....... الاستقبال مش مطلوب منه يقولها مرفوضه هيا هتشتغلي عندي ولا عنده يتخصم منه اسبوع

كريم...... انا اللي قولتله اي بنت يمشيها

زين.....هتعمل اي

كريم...... بكره رن عليها وقول انها قبلت

في الورشه بعد ساعتين

غزال...... ايوة فين فلوسي

الراجل.... اهم 2000جنيه

غزال بانفعال..... الفين عفريت يركبوك العربيه دي انا شغاله فيها يومين وفي الاخر الفين احنا متفقين علي 3ونص

الراجل...... هو انتي عملتي اي يعني

غزال جائت باله حاده..... ارجعهالك زي ما كانت وبعدين اقولك عملت هتجيب الباقي ولا تخدها خورده ياباشا

الراجل بخوف علي سيارته..... خدي

غزال..... كان من الاول

نظرت وجدت اخاها علي اول الطريق نادت عليه جاي اليها سريعا

غزال...... ابسط ياعم بقيت الفلوس اهي

تامر..... انتي جبتي فلوس منين

غزال بسخريه.... معلش بابي لسه باعت علي البنك منين يعني اي شايفني قاعده اعمل ضوافري خد الف وملكش عندي حاجه لكن اخر الشهر بقا علشان كده فاضل الف جمعية والفونص اللي باقيين يبقي للبيت محدش عارف الظروف

تامر..... طب ما تيجي نخرج مخرجناش من زمان ياغزال

غزال..... حاضر اخلص شغل الورشه واطلع اغير ونخرج سوا

اتجه تامر الي المنزل لكن استمع شباب يتحدثون علي اخته

تامر...... طب ما تلم لسانك انت وهو

رد احد الشباب ضاحكا بسخريه..... شوفوا مين بيتكلم تامر العيل اللي بياخد مصروف من اخته

تامر بغضب...... بقولك اي لم لسانك بدل ما لمك

الشاب.... لا وريني هتعمل اي

اقترب تامر ولكمه بشده في فكيه

مسح الشاب الدم واقتربوا عليه وظلوا يضربوا فيه ولم يقترب احد تحت صراخ تامر

حوده...... غزال الحقي تامر

غزال بخوف وقلق.....انطق ماله تامر

حوده وهو يلتقط نفسه..... العيال علي اول الشارع نزلين فيه ضرب

ركضت غزال سريعا خوفا علي شقيقها

وصلت كان تامر ملقي علي الارض وفي وجهه الكثير من الكدمات

جلست علي الارض بجانه ترفعه من علي الارض الي حضنها

غزال بخوف..... تامر... تامر

تامر قبل ان يفقد الوعي.... غزال... انا.. انا كويس

غزال...... اسعااااااف بسرعه

بعد مرور وقت وصلت الاسعاف ونقلوا تامر الي المستشفى

خرج الدكتور من عند تامر

غزال بقلق..... خير يادكتور

الدكتور..... خير ان شاء الله شويه كدمات في وشه وكسر في دراعه انسه لازم نعمل محضر

غزال..... لا مفيش داعي دا خناقه عاديه مش حاب اعمل مشاكل عن اذنك ادفع الحساب علشان نقدر نمشي

الدكتور........ اتفضلي

نزلت عند الاستقبال

غزال.... حساب غرفه 7

الاستقبال..... اتفضلي يافندم

دفعت غزال الحساب واخذت اخاها وعادت الي المنزل

في منزل غزال

غزال..... من امته واحنا بلطجيه

تامر بوجع.... غزال انا اللي انضربت

غزال..... حصل اي علشان تنضرب

تامر.... حصل اللي حصل

غزال بعصبيه..... حصل اي ياتامر

آمال..... يابنتي مش كده

غزال بعصبيه وحده..... لا كده وزص يا امي اخويا مش بلطجي علشان يتخانق

تامر بنرفزه..... عاوزاني اسكت وهما بيقولوا اني عيل باخد المصروف من اختي عاوزاني اسكت وهما بيجيبوا في سرتك قولتلك اشتغل عاوز اساعد

غزال..... قوللك بعد الجامعه

تامر.....غزال بس انا هشتغل ودا اخر كلام

غزال عقدت حاجبها.... بتلوي دراعي ولا اي تشتغل يبقا تنزل الوارشه وتلبس توب ابوك غير كده تقعد جمب امك

تامر..... الورشه

ردت ساخره..... مالها الورشه

تامر.... معرفش في شغل الوارشه

غزال..... حوده يعلمك وتبدأ من الصفر ليك شغل 6ساعات في اليوم لحد الدراسه ما تبدأ ساعه ما تبدأ مشوف خلقتك في الورشه ودا اخر كلام هنزل اجيب الدوا واكل علشان تاكل وتاخد الدوا واكملت ساخره بعدين جنابك دراعك مكسور هتشتغل ازاي اصبر ياتامر لما تفك الجبس يحلها ربنا.

دلفت الي الصيدليه

طارق..... رجلك خدت علي الصيدليه

غزال بسخريه..... لا وانت الصادق دا القر اللي في حياتي

طارق...... عملتي اي في الشغل

غزال بتعب.... اتخانقت مع المدير

طارق بدهشه..... ياقدره من اولها

غزال..... اللي يجي علي غزال ميسلمش ياطروقه

طارق..... وبعدين

غزال بتعب..... ربك يدبرها عن اذنك

واخدت الدواء وعادت الي المنزل مره اخري اعطت الدواء لاخاها ودلفت الي غرفتها رمت نفسها علي الفراش بتعب

غزال في نفسها..... ليه يادنيا تيجي عليا كده انا محتاجه اي غير شغل اسد بيه احتياج البيت ليه يابابا تسبني بدري سبت حمل كبير بس غزال قدها

في صباح اليوم التالي، استيقظ كريم من نومه علي رنه هاتفه

التقط الهاتف وهو يهتف بانزعاج..... اي

زين.... انا هكلم غزال

كريم بنعاس.... غزال مين

زين..... غزال بتاعت امبارح

كريم..... اه تمام باي

واغلق الخط في وجهه دون سماع رده وغفي مره ثانيه

في الورشه رن هاتف غزال التقطت هاتفها عقدت حاجبها بغرابه رقم غريب فكرت ان يكون زبونًا يريد شيئا فتحت

غزال..... الوو

زين.... انسه غزال معايا

غزال..... ايوه

زين..... حضرتك قبلتي في شركه كريم

شردت قليلاً ترفض لأجل كرامتها وكبريائها، ام تقبل لأنها تريد المال، لكن هل سترجع لذالك سليط اللسان.

زين..... حضرتك معايا

غزال..... معاك تمام هبدا من امته

زين..... من انهارده

غزال..... تمام

واغلقت الخط، وظلت تفكر لكن في الآخر اخبرت صبيان الورشه واتجهت إلى منزلها بدلت ثيابها واتجهت إلى الشركه

دلفت واستقبلها زين

زين...... اهلا بيكي

هتفت بجفاف.... اهلا ممكن اشتغل بقا

زين..... تمام اتفضلي

دخلوا الي المصنع وفي الجهه التانية من الشركه نظرت غزال الي الي مكان فهي تعشق الشغل في السيارات.

زين..... محتاجه حاجه تانية

غزال..... كده تمام ممكن ابدا

بدات غزال الشغل وكان زين يتابعها من بعيد بدهشه فهي تعمل كل شيء ولا احد يساعدها جاء كريم وجده ينظر بصدمه

نظر الي مكان ما ينظر إليه وين وجد غزال تشتغل بهمه ونشاط

رجعا الي مكتبهم

زين...... اي رايك

كريم ببرود..... كويس يارب تفلح مش يومين وتخلع

زين هز راسه برفض...... لا لا مش من النوع دا غزال من النوع اللي عاوز شغل واي حاجه تطلع فيها طاقه عاليه علشان تحس انها قويه

كريم..... هنشوف هنشوف

بدا كريم ينظر الي ملف صفقه السيارات الجديده والتي سوف تاتي من خارج البلد

لكن فتح باب المكتب سريعا ويقول احد العاملين..... كريم باشا المكينه وقعت علي العمال

كريم...... غزاااال

لكن فتح باب المكتب سريعًا ويقول أحد العاملين..... كريم باشا المكينه وقعت علي العمال

كريم...... غزاااال

خرجا كريم وزين متجهان إلى الاسفل سريعًا دلفا الي المصنع وكانت المكينه علي الارض وغزال تنظر إليها بصدمه هي وباقي العمال

كريم براحه..... اي اللي حصل

تحدث احد العاملين..... كريم باشا إحنا كنا بنشتغل والأنسه الجديده بتشتغل في الأله دي لكن وقفت دقيقه تجيب حاجه من الأدوات وفي نفس الوقت وقعت لقدر الله كان ممكن انسه غزال تكون تحتها بس ربنا ستر

نظروا الى غزال التي شحب وجهها وتنظر اليهم بتيه اقترب منها زين قائلًا..... انتي كويسه

بلعت ريقها بصعوبه قائله.... انا..... تمام تمام

كريم..... تعالي دقيقه آنسه غزال

وخرجوا، ثم دلفوا الي المكتب طلب لها كريم ليمون حتي تهدا

كريم..... أنتِ كويسه

هزت راسها فقط

زين باعتذار....... أنا معرفش إزاي وقعت بجد واي اللي حصل

هتفت غزال..... انا كنت علي السلم بظبط فيها ونزلت أجيب حاجه لكن فجأه لقتها وقعت بعد ما عديت من تحتها

تمتم كريم..... حصل خير أنا هشوف من المسأول ولازم يتعاقب

غزال..... ليه محدش عارف ظروف الناس هتخصم منه أسبوع او اتنين بيته اولي بيهم وعدت علي خير عن ازنكوا اكمل شغلي

زين...... واللمون

ابتسمت غزال قائله..... مره تانيه مش مستهله عن ازنكوا

وعادت إلى عمليها مع آخري وأرسل كريم بعض العمال ليرفعوا الميكنه مره ثانية

بعد الانتهاء من العمل رن هاتف كريم وكان جدهه عاصم

كريم بإحترام...... السلام عليكم ياجدي

عاصم بجديه..... هتفضل كده لحد أمته ياكريم

كريم..... لحد ما تصرفوا نظر عن الجوازه انا مش بنت علشان يتفرض عليا

عاصم...... طب أرجع

كريم..... حاضر ياجدي هفكر

هتف عاصم بحده.... اي ياكريم هو انا علشان ساكت هتسوق فيها ولا اي تكون موجود علي العشا فاكر المعاد ولا نسيته

تنهد بهدوء قائلًا..... فاكر ياجدي فااكر

واغلق الجد اولًا

زين...... ما تروح وبعدين مالها بنت حكمه هانم

كريم ببعض من الغيظ..... دي بتقولي اللب ليه اكل معين دي ادخل الحمام بوقت معين ولا اي ياعم خلينا نشوف شغلنا انا عاوز وحده كده تلمني

زين...... يارب يوعدك

*****

بعد مرور ساعتين كان انتهي العمل

وغادرت غزال الشركه لكن في الطريق كانت توجد فتاه تقف تريد المساعده

غزال..... محتاجه حاجه

أروي..... للأسف العربيه عطلت وانا جايه لصحبتي ومعرفش حج هنا

غزال..... اشوفلك العربيه انا

اروي بغرابه..... أنتي

غزال.... اه انا الاسطي غزال ميكانيكي سيارات

اروي بصدمه..... أنتي

غزال.... علقتي ولا اي اشوف العربية ولا امشي

أمسكت بها اروي قائله سريعًا..... لا لا تعالي

بدأت غزال تنظر إلى السياره بدقه ثم اجرت اتصالًا..... الووو حوده أنا علي اول الطريق من بره خالص تعال شد العربيه دي بالعربيه اللي عندك

حوده...... حاضر ياغزال مسافه الطريق

التفتت غزال إلى أروي قائله...... مسافه الطريق بس هيا البطريه نامت فا متقلقيش

أروي بشكر.... مش عارفه أقولك اي بجد تسلمي

غزال..... تحت أمرك ممكن اللي شغال عندي يوصلك وترجي تخدي عربيتك مفيش مشكله حابه انا اجبها بنفسي مفيش مشكله حابه تفضلي برده مفيش مشكله الا يريحك

أروي.... مش عارفه بس هشوف

رن هاتف أروي

أروي.... الووو كريم

كريم.... فينك ياأروي

أروي.... شويه وهرجع علي القصر

كريم.... في السريع لاني جاي علي القصر

هتفت اروي بسعاده..... مسافه الطريق حالاً

واغلقت الهاتف وقالت لغزال..... انا بعتذر جدا بس لازم اروح

هتفت غزال بابتسامه هادئه..... ولا يهمك حوده وصل

حوده.... أوامر

غزال..... وصل الانسه لحد ما هيا عاوزه وتعرف العنوان وتيجي علشان تاخد العربية نعملها ونرجعها نفس المكان فهمت

حوده.... تمام اتفضلي ياهانم

واخذ أروي ليوصلها إلي منزلها، ثم رجع إلى غزال مره ثانيه

في قصر التهامي

كان يجلس الجد علي مقعده في مقدمه الطاوله وعلي يمينه مهاب ابنه الاصغر وعلي شماله محمد والد كريم وابن عاصم الاكبر وكاميلها زوجه محمد، حكمت عمه كريم وابنت عاصم ولديها ابنه تسمي ماجده لكن يقولوا لها ماجي، وحنان زوجه مهاب وام أروي

دلف كريم وهو يقول....... في معادي ياعاصم باشا

دلفت خلفه أروي راكضه وهي تقول...... اتاخرت

كريم..... اهدي اهدي

أروي همست ..... كنت هتاخر واسمع مرشح

عاصم..... اتفضلوا فاضل دقيقه علي معاد العشا

جلسا كل من كريم وأروي

عاصم بصرامه ..... نخلص العشا ونتكلم علشان مفيش كلام علي العشا

اؤماوا له جميعًا وشرعوا في الطعام

بعد انتهاء الطعام جسلوا سويًا، كانوا في صمت تام

عاصم...... لحد أمته

كريم..... لحد أمته اي ياجدي

عاصم.... هتفضل بره البيت مش ناوي ترجع وتتجوز ماجي

كريم..... ماجي اي هي فراخ اسمها ماجده هنلف وندور

ماجده..... كريم اسمي مااااجي مش ماجده يععع

كريم بسخريه..... افتحي البطاقه ياختي هتلاقي ماجده

عاصم..... اي خلاص هتتخانقوا قدامي

حكمت..... شكل قعدتك مع العمال والمكانيكي بقيت بيئه

كريم..... يارب ياعمتي

حكمت.... اسمي طنط

كريم..... جدي انا مش موافق علي الجواز دي واظن ان مفيش جواز غصب ما تتكلم يابابا

محمد..... مفيش كلمه بعد كلمه ابويا

كريم..... هو انا ابنك ولا ابن جدي خلفتوا ليه بدل ما الحمل كله لجدي

عاصم بعصبيه....... ولد اتكلم باسلوب كويس

كريم..... انا مش ولد ياجدي انا رااااجل انا 27 سنه عارف يعني اي 27سنه يعني راجل ليا كلمه

أروي..... جدي ممكن اقول كلمه

عاصم..... اتفضلي

أروي..... جدي كريم كبير مينفعش نفرض عليه حاجه هو بيدير شركات ومصانع التهامي إزاي هتغصب عليه جوازه ولو اتجوزه هل حضرتك شايف ان دا شيء كويس يعني ولما لقدر الله مافقوش ويطلقوا هيكون شيء كويس لما حفدتك تكون واخده لقت مطلقه زيي طبعا مبسوط بقعدتي جمبكوا وأنا واخده لقب مطلقه بسبب جوازه برده حضرتك اللي غصبتني عليها اسفه لو ادخلت

جاء عاصم ليرد لكن قاطعهم صوت احد الخادمات تقول....مدام اروي في حد جايب العربية بتاعت حضرتك علي البوابه

أروي..... خلي الحرس يفتحوا البوابات وتدخل وانا هستقبلها

اؤمات لها الخادمه وخرجت

أروي.... عن اذنكوا اشوف اللي جاب العربيه وتتعرفوا عليها بنت بميه راجل

وخرجت

أروي..... أذيك

غزال.... الحمد لله العربية اهي

أروي ...... بجد تسلمي يا...

غزال..... اسمي غزال

أروي..... اسمك حلو اوي تعالي اعرفك علي بابا وماما

غزال بتوتر..... اي

اروي امسكتها من يداها قائله..... تعالي بس وادخلتها الي القصر

أروي..... اقدم ليكوا الاسطي غزال ميكانيكي سيارات وهيا اللي صلحت عربيتي

التفت كريم قائلًا...... غزااااال

حكمت باشمئزاز..... تعرفها

جائت فكره في عقل كريم قائلًا..... جدي أنا مش هينفع اتجوز ماجده علشان

عاصم..... علشان اي

كريم.... علشان انا وغزال بنحب بعض

الجميع...... اييييه

كريم.... علشان أنا وغزال بنحب بعض

الجميع...... اييييه

اقترب كريم من غزال التي عقد لسانها من الصدمة قائلًا بهمس.... الله يخليكى ياغزال مشي الدور لحد ما نخرج

غزال بعصبيه..... أنت

كريم وضع يده علي خصرها قائلًا..... اي ياروحي خلاص انا عرفتهم وبكده أنا مقدرش اتجوز ماجي

عاصم بعصبيه.... أنت اتجننت ياكريم ولا اى

كريم..... اتجننت من اي ياجدي حبيت

عاصم..... رايح تحب مكانيكي انت مش شايف لبسها عامل ازاي ولا وشها دا

غزال بعصبيه..... عندك انت راجل كبير مش عاوزه اغلط بس سيرتي تيجى بالغلط لا يا باشا ماله شكلي ولبسي ما جمبك وحده لبسه حته قماش لو جت تحت رجلي ملبسهاش متخدش بالمظاهر انسه اروي ولا مدام انا حسابي **** عنوان الورشه ميتوهش ولو توهتي انا شغالة في المصنع عندكوا بس استقالتي هقدمها قريب.

وغادرت غزال

كريم..... غزال.... غزال

وقفت غزال ورفعت ابهامها في وجهه قائله..... بيقولك لو عاوز تهزق راجل هاتله واحده ست بلاش اكون أنا الست دي أخفي من وشي بدل ورب الكعبه اساوي كرامتك بالأسفلت بقا أنا غزال حد يقل مني

وغادرت قبل ان يلحقها، دلف إلى القصر ويضع يداه علي خصلات شعره بغضب مما فعله، هل هو اناني هكذا.

عاصم بعصبيه..... اي اللي حصل هنا دا

كان يصمت وينظر إلى الارض لان حرجها لم يتعود علي هذا

هتفت حكمت..... بلدي اوي من امته وانتوا تعرفوا الناس دي

كريم بغضب..... عمتي كلمه كمان وهنسي انك عمتي ومالها غزال وهتجوزها غصب عن الكل ساااامين

صفعه والده بقوة لاول مره

محمد..... انت اتجننت ولا علشان كبرت هتعلي صوتك في وجودي ووجود جدك

وضعت كاميليها يداها علي فاها من الصدمه لأول مره محمد يضرب ابنه

كريم...... اسف ليكوا كلكوا فرحي على غزال كمان اسبوعين حابين تحضروا اهلا وسهلا

وغادر.

غزال في المواصلات تعاود إلي المنزل، تفكر فيما قاله كريم

عادت الي المنزل وجدت اخاها ما زال منتظرها

تامر..... مالك ياغزال

هتفت بتيه..... انا كويسة يا تامر أنت منمتش ليه

تامر...... قولت استناكي ماما نامت بعد ما اخدت الدوا وانا قولت استناكي

غزال..... طب تعال اسند عليا بقا علشان ادخلك الاوضة تنام

وبالفعل اخدت تامر ودلفا إلى غرفته، ثم خرجت متوجهه لغرفتها.

*****

رن جرس المنزل فا لساعه الثانيه عشر

أمسك زين مقبض الباب وهو ينظر بغرابه من ياتي في هذه الساعه،فتح الباب كان كريم هتف بغرابه..... اي اللي جابك الساعه 12

كريم..... هو دا واجب الضيافة

زين..... كريم مجيك هنا بياكد ان فى مصيبه

رد كريم ساخرًا.... كويس انك عارف كويتين شاي من إيدك الحلوه وتعال بقا

زين ببعض من الغيظ..... كريم عاوز أنام

كريم........اخلص علشان اقول اللي عندي

دلف زين إلى المطبخ لعمل كأسين من الشاي وخرج وهو يقول.... وادي الشاي اتفضل وقول اللي عندك عاوز انام

كريم..... صلي علي النبي

زين...... عليه افضل الصلاة والسلام على رسول الله

كريم....... زيد النبي صلاه

زين....... عليه افضل الصلاة والسلام على رسول الله ولخص علشان جبت اخري

كريم..... انهاردة روحت أقابل جدي في القصر زي ما انت عارف والمصيبه فتح حوار ماجي تاني وانا مش عارف اخلص ازاي واي بقا لقيت مين داخله من باب القصر غزال

كان زين يشرب الماء و لكن عند سماع عبارته توقفت المياه في حلقه ثم سعل باصقة ما إرتشفه

زين ضُبغ وجهه بالاحمر عندما سعل قائلًا...... أنت بتهزر وغزال بتعمل اي

كريم..... جايلك فى الكلام اتاري عربيه أروي عطلت ووقعت في أيد ست الحسن غزال وغزال جابت العربية لحد القصر واصرت بنت عمي المصونه ان غزال تدخل تسلم ودخلت وانا مش عارف اطلع من الموقف بس عملت حاجه

هتف زين بتوجس.... عملت اي

كريم بتوتر وتردد..... وقفت وقولت ان انا وغزال بنحب بعض وهنتجوز

هتف زين بعدم تصديق..... ايوه قولي عملت اي

كريم..... زي ما بقولك

زين...... انت بتهزر صح إزاي تورط البت معاك كده وهي عملت اي

كريم..... كانت لسه هتزعق بس انا قولتلها لمي الموضوع وهفهمك لكن للاسف مسلمتش من لسان جدي

نظر إليه زين بنصف عين قائلًا.... جرحها

كريم بأسف..... للأسف اه

زين بعتاب.... ليه ياكريم ليه تدخلها في الموضوع دا

كريم..... اللي حصل بقا

زين.... هيا عملت اي

كريم.... قالتلي لو عاوز تهزق راجل جبله ست وبلاش اكون انا الست

زين صفق بشده..... جدعه وبميه راجل وانت تستاهل التهزيق ياكريم

كريم بجديه.... اله ما تعدل يازين

زين.... اديني سبب واحد مقنع انك قربت علي 27 ولسه متجوزتش

رد كريم ساخرًا..... اديني انت سبب ما انت في نفس السن

زين بحرج.... ما انت عارف

كريم..... لسه بتفكر فيها حتي بعد ما اطلقت

زين..... ملوش لازمه الكلام دا ياكريم

كريم..... لا ليه لزمه انت اللي فرط في حبك بسهوله

زين..... عاوزني اعمل اي يعني اتقدمت مره واتنين وتلاته وفي الاخر جدك جوزها علشان صفقه مع ابو العريس واي رجعت بعد اربع شهور معاها لقب مطلقه عارف يعني اي حب عمري البنت اللي بحبها حد يلمسها غيري حد حضنها غيري و....

اغلق عينه بشده

كريم..... انا اسف

زين..... عادي ياكريم اهم حاجه هتعمل اي مع غزال

كريم.... بكره هشوف واد يا زين اي رايك ابات معاك

زين باشمئزاز.... تبات فين انت جاي تجرني للرزيله لا ياعم الراجل محلتوش غير سمعته

كريم بنظره مقذذه..... رزيله اي يالا ما تسترجل كده

زين..... ادخل خد بجامه ونام واوعاك تعمل صوت عاوز انام

كريم..... داخل

******

في صباح اليوم التالي، استيفظت غزال وهي تشعر بالم في رأسها وقفت عن الفراش، ثم دلفت إلى المرحاض وخرجت بعد خمسه عشر دقيقه، وقفت أمام خزانه الثياب وأخذت بنطال اسود وكنزه بيضاء.

خرجت كانت والدتها قد أحضرت الإفطار

غزال..... ليه تعبتي نفسك كنت هعمله انا

آمال...... حاجه خفيفه غير كده افطري علشان شغلك

غزال..... فين تامر

آمال..... قال عاوز ينام شوية سبته

بدأ في الإفطار وانهت غزال فطورها سريعاً لتخرج

لتخرج متجه إلى صيدلية طارق

غزال..... حبايه صداع يادكتور

طارق..... تاني

غزال..... معلش دماغي هتتفرتك

أعطي لها طارق قرص لكي يخفف الالم، وخرجت متجهه إلي شركه التهامي

******

كاميليا..... مكنش يصح اللي حصل

محمد..... عاوزاني اعمل اي وهو بيعلي صوتة عليا

كاميليا..... اي يامحمد انت فاكر ان ابني صغير ولا اي دا 27 سنه اللي قده عنده عيال وفاتح بيت

محمد.... انتي قولتي اللي قده متجوزش ليه بقا

كاميليا..... هو حر يختار شريكه حياته علشان يكمل معاها حياتة مش نغصبه في عصر اي علشان نغصبه مش كفاية الغلبانه اللي اطلقت بعد اربع شهور ولا البت اللي باباك حرجها هو انتوا ليه كده ليه مقفلنها ما تخليكوا ناس عاديه بدل ما انتوا ماشيين بالمسطره 28سنه واحنا ماشيين بالمسطره حرمتوا ابني من طفولته علشان اي حفيد عاصم التهامى اسمع يامحمد كله الا ابني عارف البنت اللي جت امبارح استلطفتها اكتر من ماجي على الاقل مبتستعرش من شغلها وشغاله حاجه شريفه

******

استيقظ كريم من نومه ووقف عن الفراش، ثم دلف إلى المرحاض ليغتسل، خرج بعد مرور دقائق ثم بدا يرتدي ثيابه ووقف أمام المرأه ليربط رابطه عنقه

خرج من الغرفه ليجد زين يحضر اكلات سريعه

كريم..... ست بيت شاطره

زين..... الحق عليا قولت اعملك حاجه تفطر بيها علشان غزال هتنفخك

كريم.... هيا تقدر

زين..... غزال تقريبا غير جنس حواء ياكريم غير اللي تعرفهم بلاش تعمل عليها زكي وانها تحت رجلك لا هي مش كده

كريم...... اما نشوف يالا نفطر

******

في الشركه دلفت غزال وعلي وجهها ترسم علامات الجمود والجفاف متجهه إلى المصنع لتعمل.

أحد العمال..... انسه غزال

غزال..... نعم

العامل..... كريم بيه عاوز حضرتم في مكتبه

غزال تمتمت في نفسها دون ان تحرك شفتيها.... جه لقضاء

وخرجت متجه إلى مكتبه دقت الباب وسمح لها بالدخول

غزال......نعم يافندم

زين بلع ريقه من هيئتها قائلًا..... اتفضلي ياانسه غزال

دلفت غزال وجلست علي المقعد

كريم.... اولا انا بعتذر عن اللى حصل امبارح بس الحكايه وما فيها

قاطعتخ غزال وهي ترفع سبابتها في وجهه قائلًا..... اولا اسبابك متخصتيش ثانيا انا مش في حياتكوا ليه تدخلني فيها حل مشاكلك بعيد ثالثا عاصم بيه غلط ولولا انه راجل كبير انا كنت زعلت الكل علشان مش انا اللي يتقلي كده رابعا مفيش كلام بنا

كريم.... أنا سمعتك اسمعيني بقا تتجوزيني لمده شهرين بس

جاءت لتقاطعه لكن اكمل..... شهرين بس وتخدي نص مليون جنيه انا مش عاوز اتجوز بنت عمتي ونتجوز بس شهرين متخافيش انتي مش نوعي المفضل وتخدي الفلوس تعالجي امك تجددي الورشه تعملي اللي أنتِ عاوزاه رايك

غزال........

هتفت ببرود... خلصت

اعدل جلسته على المقعد وهو يثق انها سوف توافق هل أحد يرفض عرض كريم التهامي، نساء مصر يتمنوا منه نظره، وهي تتزوجه بالتاكيد سوف تقبل

تمتم بثقه.... اه

وقفت بشموخ وكبرياء وعزه نفس..... طلبك مرفوض يا كريم بيه عن اذنك عندي شغل

واتجهت ناحيه الباب وامسكت المقبض وفتحت، ثم اغلقت الباب بقوه مما افزعهم

زين بصدمه..... اي اللى حصل

كريم..... دي رفصت تتجوزني

زين..... ليه محسسني انها هتتجوز توم كروز

تمتم بشموخ.... انا كريم التهامي

زين..... واهي رفضتك شوف هتعمل اي

كريم..... هحاول تاني ادينا بنتسلي

زين بتحذير..... بلاش تلعب مع دي بالذات ياكريم، انا راجع شغلي

وخرج زين من المكتب وهو يدعي ان صديقه لا يقع في الخطا

Nada Elsharkawy

كانت غزال تعمل بجد وعصبيه وهي تقول دون ان تحرك شفتيها..... فاكر نفسه مين علشان يشتريني ان شاء الله أما وريتك يا كريم ووضعت كل شيء واخذت اشياءها وغادرت وهي غاضبه

في الحاره

كانت تعمل غزال بهمه وتخرج طاقتها السلبيه في العمل

جاء خطيبها الأول

ادم..... لسه مش هترجعي عن اللي في دماغك انا شاريكي

غزال..... وانا مش آمينه ياسي سيد انا هشتغل لحد ما اموت ياادم

ادم بعصبيه..... وهي دي شغلانه دي شغلانه اي اللي بتقلق القيمه

غزال بغضب...... فين قله القيمه بطلع فلوس ولا اجدها شغل حكومي

ادم... ياغزال

قاطعته وهي تقول..... وقتك خلص معايا عاوزه اكمل شغل وربنا معاك ويوفقك

وقفت سياره كبيره فاخره أمام الورشه وهبطت سيده في غايه الجمال رغم كبر سنها لكن تحتفظ بجمالها الرائع

غزال..... اؤمري

كاميليا.... مش فاكراني

غزال.... لا ازاي من قصر عاصم باشا التهامي خير حضرتك جايه تكملي تهزيق ولا تحكيلي تاريخ العيله المشرف بس هنا أنتِ في منطقتي يعني بلاش قله قيمه

هتفت كامليا بهدوء..... طب ليه كل دا أنتِ حكمتي قبل ما اتكلم ممكن نقعد نتكلم

ادم..... مين دي ياغزال

غزال.... انت لسه واقف اللي بنا انتها بح ي ادم روح خلي ماما تختار عروسه علي زوقك تحطلك احمر واخضر وتسجلك قلبي ودقاته

غادر ادم

غزال...... اؤمري

كاميليا..... هنتكلم هنا

غزال..... وفيها اي

كاميليا.....بس في دوشه وشغل عاوزه نتكلم في مكان هادي

غزال..... اتفضلي على البيت

اتجها إلى المنزل، ثم دلفا

آمال..... جيتي بدري

غزال..... معايا ضيفه ياأمي

آمال..... تنور وتشرف اتفضلي

دلفا إلى الداخل ورحبت آمال بكاميليا

آمال..... هدخل جوه وخدي راحتك

دلفت آمال الى الداخل همت كاميليا بالكلام

كاميليا..... اولآ عارفه ان مفيش اي علاقه تربطتك أنتِ وابني وانه عمل كده علشان يطفش من جوازه ماجي بس عاوزه افهمك حاجه كريم عمره ما لعب مع طفل ولا خرج زي باقي الاطفال ولا راح نادي ولا حته عنده صحاب غير زين ودا علي كبر يعني وهو عنده 20 سنه يعني من 7 سنين صدقيني كريم شخص كويس بس لما كبر حس انه اتخنق فا خرج عن طوع جده وابوه وهو اللي بيدير شركات التهامي بتلاقيه بيهزر مع الموظفين ولو شاف عيل يقف يهزر معاه لانه افتقد دا كان على طول بيتعامل علي انه حفيد عيله التهامي والوريث لانه الولد الوحيد اللي هيورث الإمبراطورية دي كلها فا لازم يكون ملفه نضيف لحد ما هو زهق وقرر يشيل القيود ويمشي من القصر من سنه تقريبا ومن ساعتها وهما عاوزين يجوزوه ماجي علشان الثروه مضعش ويكون كلهم في العيله فهمتي ياغزال

غزال..... فهمت بس انا اي مصلحتي

كاميليا بتوتر...... اتجوزي كريم

غزال.... افندم

كاميليا..... هضمنلك حياه كويسه والله

غزال بعصبيه..... هو ليه انتي وابنك محسسني اني قاعده في الشارع انا دا بيتي وعندي ورشه باكل منها عيش لولا خبرتي في السيارات مكنتش اشتغلت في شركات التهامي اكبر شركه في الشرق الأوسط في تصنيع السيارات ولا اي

كاميليا..... صح بس انا محتجالك

غزال....... اشمعنا انا عندك بنات كتير يتمنوا نظره من كريم التهامي

كاميليا...... علشان كلهم عاوزين الثروه وبس اما أنتِ عينك مليانه مش فارغه هتقدري ترجعي كريم تاني وتغيري حياته

غزال شردت بتفكيرها قائله...... مش عارفه اقول اي

ردت مسرعه..... قولي موافقه

غزال..... ولو وافقت هقول لأمي اي

كاميليا..... عادي هنيجي نتقدم زي اي ناس

ردت ساخره..... عاوزه تفهميني ان عاصم بيه هيجي الحاره

كاميليا...... هاجي انا وكريم حتى لو فيها طلاقي لازم ابني يتبسط كفايه اللي راح منه كل دا علشان فلوس

غزال..... الخميس الجاي كويس

كاميليا...... كويس

اخرجت غزال هاتفها واخذت رقم كريم من والدته وهاتفته

غزال..... موافقه اتجوزك يوم الخميس تكون موجود

واغلقت الخط

في الشركه خرج كريم من مكتبه متوجه إلى مكتب زين فتح الباب بقوة قائلًا..... غزال وافقت

زين...... ازاي

كريم...... معرفش رنت قالت موافقه اتجوزك يوم الخميس تكون موجود وقفلت

زين بتفكير..... الحكاية فيها حاجه

NADA ELSHARKAWY

كريم..... منين ترفض ومنين توافق

زين..... اهم حاجه ازاي عاصم باشا هيروح الحاره

كريم بزكاء..... مين قالك انه هيروح

زين..... امال

كريم..... انا اللي هروح مع امي وهعمل دعوات الفرح وابعت لكل رجال الأعمال وبكده لو محضروش خلي الجرايد تسجل بقا

زين..... يالعيب

بعد مرور 3ايام

كامت تقف كاميليا أمام المراه ترتدي بعض المجوهرات الرقيقه فاليوم خطبه ابنها، مزيفه لكن فرحه للغايه من اجله

كان يراقبها محمد من بعيد بعيون كالصقر فهي ترتدي ملابس مناسبه هامه وتضع المجوهرات المفضله لديها فهذا الطقم كريم من جلبه لها لذلك عزيز عليها

محمد..... راحه فين

كاميليا بتوتر..... خارجه

محمد وهو يشير لها بسبابته ....كده

كاميليا..... اه اصل هروح انا وكريم نقابل ناس وكده

محمد..... كريم اممم

كاميليا..... امم هتعوز حاجه

محمد..... لا تمام.

وخرجت كاميليا وهي تشكر ربها ان هذا الموقف عدا علي خير

وخرجت بره القصر كان يوجد كريم وزين منتظرنها في السياره

صعجت معهم وتوجهوا إلى منزل غزال

كاميليا بتلاعب..... شكلك ولا كانك عريس

هتف كريم بتردد وتوتر.... امال انا اي ياماما

كاميليا ...... تكدب علي العالم كله الا انا ياكريم انا عارفه كل حاجه وانت فاكر ان غزال غيرت رايها كده

زين..... يعني حضرتك اللى كلمتيها

كاميليا..... طبعا

كريم..... امممم

سمع رنت هاتفه التقطه وتحدث.... الو ياأروي

أروي..... انا بتحرك من عند صحبتي اهو

كريم..... اهم حاجه محدش حس بحاجه

كان زين يسمع صوتها الكي اشتاق اليه يريد لو يضمها لحضنه يستنشق عبيرها.

أروي..... خالص انا ظبط كل حاجه مسافه الطريق وهستناك علي اول الطريق

NADA ELSHARKAWY

في منزل غزال كانت ترتدي ملابسها وارتدت بنطال من خامه الجينز وكنزه لونها اسود واسعه وخصلاتها كما تكون علي هيئه كعكه



آمال بصدمه..... يامصبتي أنتِ هتطلعي للناس كده

غزال بغرابه...... ماله لبسي يعني

آمال..... هو ماتش كوره دا خطوبه طب حطي حاجه في وشك حتي

غزال..... مبحبش اكون عروسه مولد مالها بشرتي ليه اعدل فيها دا اللي عندي

...... والله معرف عاجبه فيكي اي

غزال..... عاجبه سواد عيوني

تامر ساخرا..... بلا نيله دا انتِ حوله

في القصر

عاصم.... مراتك فين.

محمد..... مع كريم

حكمت..... وبعدين يعني مش هيتجوز ماجي

عاصم..... هيتجوزها من امته وحد ليه راي غيري في البيت دا

مهاب.... عن اذنكوا انا خارج شويه مع حنان

وغادروا

كان محمد يشك في شئ لذلك امر بتتبع سياره كريم

عند منزل غزال

وقف جيس من السيارات أمام منزلهم وكان الناس ينظرون إليهم بغرابه من هؤلاء

هبط كريم وفي يداه باقه زهور حمراء، هبطت روان من سيارتها وهي ترتدي رداء اسود اللون باكمام واسعه ضيق من عند الخصر حتي ركبتها يوجد فتحه من الجنب اليمين تعطيه شكل رائع وحقيبه رائعه بسيطه



مهاب..... ربنا يستر

كريم..... اي ياعمي دا انت عرفت منين ونظر إلى أروي التي تتخبئ خلف والدتها

كريم بتوجس..... كله منك ياشبر ونص أنتِ إللي قولتي

أروي..... جزاتي ان عاوزه نكون لمه معاك

كاميليا.... اي القمر دا امال العروسة هتلبس اي

كريم بهمس.... هتلبس اي بلا نيله هتتفاجؤ

كان زين ينظر إليها بانبهار وصمت كان يريد ان يضع يداه على خصرها ليقول انها ملكه ملك الزين

دلفوا دق كريم الباب وفتح تامر

تامر..... طبعا استغربتوا معلش انا اخوها اما اي اللي كسرني كده هبقا اقولكوا اتفضلوا

قهقهوا علي حديثه المرح ودلفوا الي الصالون جلسوا وخرجت آمال ترحب بهم

حنان..... عروستنا فين

خرجت غزال..... السلام عليكم

الجميع..... عليكم السلام

أروي..... اي دا

غزال..... اي

أروي.... في الدريس اللي بعته

غزال..... مجاش مقاسي وبعدين مبحبش الدريسات

وجلست

كريم..... اتكلم

مهاب بهمس.... اقول اي

كريم..... انت اكبر واحد

مهاب...... احم طيب ياست آمال احنا جايين نطلب ايد الانسه غزال للبشمهندس كريم التهامي

........ ومااااله وماله

الجميع...... بابا.... عمي.... محمد

مهاب...... احم طيب ياست آمال أحنا جايين نطلب أيد الأنسه غزال للبشمهندس كريم التهامي

........ ومااااله وماله

الجميع...... بابا.... عمي.... محمد

محمد بغضب...... دي أخرتها بتخطب من ورا أبوك ليه موت ولا اتبريت مني

كريم..... يابابا

غضب محمد بشده أن ولده لم يعمل له اعتبار وجاء لخطبه فتاه لم تناسب مجتمعهم ولا مكانتهم

محمد..... الجوازه دي مش هتم

كريم..... وأنا عاوزها اي حتي دي هتتحكموا فيها البنت اللي هتجوزها عاوزين تختروها انتوا اي ناقص تحددوا هخلف كام طفل سبوني أعيش على مزاجي أنا، مينفعش اعمل اي حاجه ليه علشان حفيد عاصم التهامي في اي بقا انا هتجوزها وهعمل فرح وعليه التهامي عاوزة تيجي أهلا وسهلا يشرفوا واقولكوا أنا هكتب الكتاب دلوقتي

غزاله بدهشه..... نعممم

كريم رفع سبابته..... أنا هنا اللي اتكلم

غزال بعصبيه...... لا أنت هتعملهم عليا ولا اي

كاميليا..... ياجماعه استهدوا بالله

إيهاب..... يامحمد اقعد بس

محمد بصرامه.....أنا مش هقعد والجوازه دي أنا رافضها مبقاش غير بنت الحاره اللي تتجوز..

لكن قاطعته غزال بحده...... عندك بنت الحواري اللي بتتكلم عنها دي أنت كلفت نفسك ودخلت بيتها بنت الحاره دي إبنك عامل الظيطه دي قلها علشان يجي يتقدم يعني كل اللي هنا جاي بمزاجه مش غصب عنه يعني حضرتك وبتكلم بأدب لأن ابويا عرفني الاصول أن مهما يكون حد في بيتي اعامله كويس

هتف محمد باشمئزاز..... مفكره الخرابه دي بيت

اتجهت غزال إلى الباب وامسكت مقبض الباب وفتحت قائله..... حضرتك مش مرغوب بيك هنا و بيتي وأنا حره

آمال..... ياغزال مينفعش

غزال بحده..... أمي اللي حابب يقعد هنا اشيله فوق راسي لكن كلمه اهانه دي متلزمنيش وكتب كتاب دلوقتي وابعتوا هاتوا الماذون

نظر اليهم محمد بغضب ثم غادر المكان كان في هذا الوقت يطلب كريم من احد الحراس ان ياتي بمأذون في أسرع وقت

بعد مرور ساعتين في قصر التهامي

ضرب بعصا الارض بغصب قائلًا..... يعني اي كتب كتابه

محمد..... اللي حصل أنا هتبري منه ليوم الدين

عاصم بغضب.... لا اوعي أنت عاوز تقوم الصحافه علينا ولا اي هنحضر وهنعمل فرح اسطوري لحفيد التهامي

حكمت...... يعني اي هتجيب حته بنت بلدي تقعد في قصر التهامي

عاصم..... اي كل واحد فيكوا طالع بكلمه ما تسكتوا امام نشوف ولا اي رايك ياماجي

ماجي ببرود..... جدو كريم بزنس يعني ميفرقش معايا بس انا اللي اسيبه مش هو علشان كده لازم ارجعه ليا ويكون خاتم في صباعي

بعد مرور الوقت عُقد القرآن وقال المأذون عبارته الشهيرة

(بارك الله لكما وبارك عليكما وجمع بينكما في خير *بارك الله لكما وبارك عليكما وجمع بينكما في خير)

تعالت الزغاريد على أثر هذه العباره ليمتلأ المنزل بالسعاده

آمال..... مبروك مبروك يابنتي

شردت غزال بتفكيرها..... مبروك على اي يا أمي دي مجرد جوازه علشان ارجع ابنهم لحياه طبيعيه

كاميليا..... مبروك ياغزال

ابتسمت غزال بمجامله..... الله يبارك في حضرتك

بدا الجميع يهنئ غزال وكريم وخرجوا إلى الخارج لكي يبشروا اهل المنطقه

بلغوهم وبدا الجميع في التهنئ

جاء آدم..... اتجوزتي ياغزال

هتف كريم بعدم فهم..... مين دا

آدم...... أنا خطبها الأول اللي ضحكت عليه بقا ماشيه معاه ومخطوبه ليا ولا فسختي الخطوبه علشان عنده فلوس

صفعته بقوه علي أحد وجنته..... عندك ولا كلمه

آدم..... بتمدي ايدك عليا يابت ***

وجاء لضربها لكن حلقت يده في الهواء لأن كريم أمسك يداه بقوه..... مش غيب لما تمد ايدك على وحده ست وبعدين امشي بإحترامك بدل ما اقل منك

آدم...... هتعمل اي يعني دي وحده رخي*صه

أصبحت الدماء تغلي وكأنها بركام ثائر ثم هدر بعصبيه وحده... أنت كده غلط وعاوز تتربي

وامسكه من تلابيب ثيابه ولكمه عدة لكمات دون توقف حتي وقع آدم أرضًا ورجال المنطقه يريُ بخوف

كان يجلس فوقه ويكمل الضرب لكن ركصت غزال ونزلت لمستواه وامسكت يداه قائله..... كفايه ياكريم كفايه

وقف كريم ونظر إليه باشمئزاز ثم هتف لرجاله ان يأخذوا

غزال..... بلاش ياكريم

كريم..... يعني اي بلاش

غزال..... كفايه اللي حصل شايف المنطقه بتبص ازاي كفايه اللي حصل لو سمحت

أمر رجاله ان يلقوه وحيدا حتي ركضت والدته اليه وهي تقول.... حرام عليكي ياغزال كانت خطوبه الشوم والندامه حسبي الله ونعم الوكيل

دلفوا إلى الداخل

كريم بعصبيه..... الزبا*له دا كان خطيبك

غزال ببرود.....اه

كريم..... وفسختي الخطوبه ليه

غزال..... اي حاجه زمان متخصكش

امسكها من يدها قائلًا..... يخصني وتلت تربع كمان أنتي ناسيه إنك دلوقتي مراتي يعني على اسمي وشايله اسم التهامي

غزال...... التهامي التهامي قرفتي باسم العيلة انا هعمل اللي انا عاوزاه اللي اضمنه ليك اني اصون اسمك وشرفك غير كده ملكش حاجه

حنان..... استهدوا بالله ياجماعه

الجميع..... لا اله الا الله

تامر..... اهدوا كده

دلف طارق بعد ان فتحت امال له..... اي ياجماعه كده ياغزال

كريم بسخريه...... انت مين انت التاني

طارق..... أنا دكتور طارق وزميل غزال

غزال...... أذيك ياطارق

طارق بمزاح..... كده ياسطا تكتبي الكتاب من غيري طب قولي كنت كبت تورته عليها مفتاح صليبه

غزال..... لا والنبي

كاميليا..... طب نستأذن احنا بقا.

زين..... يادوب

أروي.... هتعوزي حاجه ياغزال

غزال..... تسلمي ياأروي

وصافحوا بعضهم وهموا بالخروج

خرج الجميع وكان كريم في الاخر

كريم..... جايه بكره

غزال..... اكيد

كريم..... طب هاتي ايدك

غزال بغرابه..... نعم

كريم...... غرضي شريف هلبسك الخاتم

غزال..... ملوش لزوم انا مبلبسش خواتم علشان بشتغل كتير

كريم.... بوظيه ونجيب غيره امسك يدها والبسها الخاتم الذي كان ايه في الجمال ولمعانه الرائع

قبل يدها برقه كانت كلمسات الفراشه، كانت لاول مره غزال تعيش الاحساس دا اغلقت عيناها عندما شعرت بكهرباء سائره في جسد*ها

كريم..... هنفطر بكره سوا غزال انا عارف ان الموضوع بسرعه وانا غلط في الكلام معاكي بس حتي خلينا صحاب لو سمحت وأنا بجد هتغير في التعامل ممكن

ابتسمت قائله..... تيجي بكره تخدني اي رايك

هتف بسعاده..... يعني مش زعلانه ولا هتدايقي

غزال..... لا

اؤما لها وغادر

دلفت إلى الداخل وهيا تفكر فيما حدث تنظر إلى الخاتم بسعاده لكن بغرابه لما في قلبها سعاده وينبض بقوة فهي كانت مرتبطه ولم تشعر بهذا الاحساس من قبل.

دلفت إلى غرفتها، بدلت ثيابها وغفت في نوم عميق من التعب.

دلف زين وكريم وهم يدندنوا بعض من الكلمات الاغاني الشعبيه

كريم...... هتجوز.... هتجوز

زين..... هتجوز وابطل ابص علي البنات

كريم بتلقائيه....... لا هبص عادي

زين ببعض من الغيظ...... هتجبلي جلطه ادخل اتخمد

في قصر التهامي دلفوا جميعآ وهو يقهقوه على ما حدث

عاصم...... الله الله اتبسطوا عصيت أبوك وروحت

إيهاب..... أنا روحت افرح ابن اخويا اللي كسرتوا فرحته

عاصم..... وانتي يامرات ابني عصيتي كلمه جوزك

كاميليا..... أنا روحت كتب كتاب ابني الوحيد اللي نفسي افرح بيه مروحتش عملت حاجه غلط

أروي...... اليوم كان تحفه يا ماجي كان ناقصك تشوفي كريم بيلبس غزال الخاتم بتاع الخطوبه

كاميليا.... ولسه الخاتم الملكي بتاع العيله

ماجي بصدمه..... What

كاميليا...... امال هخلل الخاتم الخاتم دا لمرات كريم وابنه من بعده

عن اذنكوا وصعدت إلى غرفتها

في صباح يوم جديد

استيقظ كريم بنشاط وهمه، ودلف إلى المرحاض، ثم خرج وراتدا بمطال اسود وقميص لونه ابيض وساعه واخذ نظارته الشمسيه وإلتقط مفاتيح سيارته واخبر زين انه سوف يذهب إلى غزال في الاول ثم يتوجها إلى الشركه

في الورشه كانت غزال تعمل قبل مجئ كريم

غزال..... مفتاح من عنده ياحوده

كان يقف كريم في المقدمه قائلًا..... طب مينفعش ياكريم

نظرت اليه وجدته يقف وفي يده باقه زهور حمراء

تقدم منها وهو يقول.... قولت اجي اصبح واشوف الورشه

ثم انحني وقبلها بخفه من وجنتها

إزاحته غزال قائله.....انت بتعمل اي وبعدين انا كلي شحم

كريم..... وماله الشحم شكلك حلو

اعطي لها الزهور واخرج محرمه ورقيه وكوب وجهها بيده يده وبدا في تنظيف وجهها وهي تنظر إليه

في الماضي

آدم..... برده شحم وقرف

غزال..... اعمل اي اكل العيش

ولمسته بالخطا هتف بصياح......ايدك والشحم لسه واخد دش

غزال..... حصل اي لكل دا

في الحاضر احبت ان تكرر الموقف لتعرف ماذا سوف يحدث

وقعت يدها على كف كريم كانها لم تقصد وهتفت.... اي دا معلش

كريم بضحك......اي في اي محصلش حاجه واخرج محرما اخره ليمسح يده

كريم..... مش يالا بقا

غزال...... حاضر بس دقيقه ادخل عند طارق

استغرب كريم لماذا تدلف لطارق هل صجيقته لهذا الحد؟

سار خلفها ووقف بالقرب

طارق..... عاوزه اي

عقجت حاجبها وهي تقول..... اله ما أنت عارف

طارق..... غزال الدوا معاكي مينفعش هتكوني مدمنه من المهدء والمسكن

دلف كريم وهو يقول..... مالك ياغزال

غزال بصدمه..... كريم

طارق..... غزال الدوا معاكي مينفعش هتكوني مدمنه من المهدء والمسكن

دلف كريم وهو يقول..... مالك ياغزال

غزال بصدمه..... كريم

اقترب كريم وهو يقول...... دواء اي اللي هيخليكي مدمنه

ظهر علي وجهها علامات التوتر والتردد

غزال ..... لا لا دا طارق بياڤور بس بس الحكايه إني مصدعه مش اكتر وباخد مهدء ومسكن

كريم..... متأكده

غزال..... اه صح يا طارق

نظر إليها طارق بغضب ثم هتف..... صح

كريم..... طب يالا علشان الشركه ولا اي

غزال..... يالا يادوب اغير

خرجا، ثم توجها إلى المنزل دلفت غزال يليها كريم، بعد أن اخبرها ان تدلف في المقدمه لتخبر والدتها.

آمال..... اتفضل يابني

كريم..... تسلمي ياأمي

غزال..... أنا هدخل البس

آمال.... والفطار

غزال نظرت إلى كريم فهي لا ترد أن تحرجه لذلك قالت..... مش مشكله هنفطر في الشركه

تامر.... ودا من امته ياختي

كريم..... طب ما نفطر هنا

غزال .... بجد

تامر..... طب يالا روحي هاتي الفطار أنتي عارفه الوضع

غزال ساخره...... عارفه عارفه وعلى فكره أنا لسه معملتش حاجه

بلع ريقه بصعوبه..... هتعملي اي

غزال..... هعالجهم في نفس المستشفي هروح أجيب فطار

رد كريم سريعًا..... هاجي معاكي

غزال... تعال

خرجا من المنزل وتوجها إلى السوق

غزال..... ليه قولت نفطر هنا

كريم... عادي حبيت كده

غزال.... بس اكلنا مش هيعجبك

اوقفها كريم وامسك يداها قائلًا.... ليه ياغزال ليه بتعامليني على اني من كوكب تاني

غزال بصراحه.... علشان انت فعلا من كوكب تاني ياكريم

كريم..... وأنا حابب اكون معاكوا وبعدين في خاتمك للدرجه مش عاوزاه

غزال..... لما اروح هقولك الخاتم فين ممكن نجيب فطار انا جعانه وبعيد وقفتنا دي مش حلوه

أكملا السير وقفت امام احد المطاعم الشعبيه

عم محمد..... اي ياغزال آمال مفين حوده

غزال..... معلش بقا ياعم محمد قولت اجبه أنا انهارده

عم محمد..... دا جوزك صح

هتفت غزال..... هو

عم محمد..... نورت المنطقه يابني

كريم.... نورك

غزال..... طعميه بقا وفول ومتنساش البتنجان والنبي عقبال ما اروح اجيب العيش

عم محمد.... من عنيا

غزال..... يالا نجيب العيش زمان عم طارق عمله

كان كريم ينظر إليها بفرحه لأول مره يعيش في هذه الاجواء دون تحكم او سيطره

غزال.... سرحت في اي

كريم بانتباه..... ولا حاجه يالا

انتهوا من شراء كل ما يلزمهم، ورجعا إلى المنزل

غزال..... ياخرابي أخيرا

تامر.... يالا بقا قومي جهزي

غزال ببعض من الغيظ..... من حقك تتدلع فك الجبس وأنا هفرمك اهدي عليا الصبر حلو

آمال..... انا هقوم اجهز

غزال..... خليكي يأمي انا هعمل دا هجيب طباق واقطع الطماطم والخيار

دلفت إلى المطبخ بعد أن اخدتك كل ما يلمزمها

كان كريم يراقب من بعيد بداخله احساس انه يريد ان يذهب خلفها لكن كيف فاوالدتها واخاها جالسان، لم يعلم كيف يفكر فها وهو يعرفها من فتره قصيره، فهو كان امامه الكثير من الفتيات، التي كانت كثيره الجمال، وكثيره الثرياء ذات مجتمع راقي، لكن هي حاله خاصه خصلاتها التي يريد أن يعرف كم طولها، ويوجد سوال في راسه هل الخاتم لم يعجبها!؟

قاطع هذا الصمت آمال وهي تقول..... ما تقوم ياكريم شوف غزال بتعمل اي

كريم بحرج..... لا ياأمي عادي براحتها

آمال....قوم يابني أنت مش غريب

وقف كريم عن الاريكه وتوجه إلى المطبخ وجدها تمسك حبه من البندوره تقوم بتقطيعها.

كريم.... طماطم بتقطع طماطم

غزال..... ظريف

كريم بتلاعب... فين الخاتم بقا

وضعت السكين واخرجت سلسله من رقبتها توجد فيها الخاتم

غزال..... الخاتم اهو علشان تستريح بص ياكريم أنت اكتر واحد عارف الشغل دا يعني انت لو في المصنع وبتعمل حاجه بيدك هل هتكون لابس الساعه او الخاتم دا

كريم..... لا طبعا

غزال..... طيب انا شغلي كله كده يبقا اكيد مش هشتغل بالخاتم

كريم بتوجس.... يعني انتي عاوزه تفهميني أن خطوبتك الاوله ملبستيش الدبله

غزال.... هتصدقني لو قولتلك اني لبسها يوم الخطوبه بس

تحرك كريم ووقف خلفها ووضع يداه على خصرها

كريم..... طب اي

هتفت بتوتر..... اي ابعد كده

كريم.... دا انا حتي جوزك

غزال رفعت السكين.... ابعد ياكريم

رفع يداه باستسلام.... خلاص اي ياعم إبراهيم حقك عليا فين الاكل

غزال..... الصنيه اهي شيل

ردغامزًا..... طب اشيلك انتي والصنيه

غزال..... اخرج يالا

كريم..... يالا دي اخرتها ماشي كلها كام شهر والمك

غزال.... يالا يالا

خرجا إلى الصالون وجلسوا ليشرعوا في الافطار، وبعد خمس عشر دقايق كانوا قد انتهوا ودلفت غزال لتبدل ثيابها وارتدك ملابسها، وخرجا متوجهين إلى الشركه.

أروي كانت تنظر الى بعض الصور ابتي كانت تلتقطها هي وزين

في الماضي

زين..... انا اترفضت لتالت مره ياأروي لييييه فلوس وعندي شركة وعندي عاوزين اي تاني

أروي بتوسل.... معلش حاول تاني

زين.... كفايه قله قيمه ياأروي أنا مش هتقدم تاني

أروي بصدمه..... يعني اي هتتخلي عني يازين

زين بدهشه..... انا اتخلي عنك ليه بتقولي كده انا عملت المستحيل دا كله علشان تكوني علي زمتي لدرجه اني قولت مهرك اكتبلك املاكي يروح عاصم باشا يقولي هو انت فاكر أملاكك حاجه عن عيله التهامي انا اسف

أروي هبطت عبراتها من اخر كلمه.... يعني اي

اقترب قبل جبينها بعمق شديد حتي شعرت بدموع ساخنه لمستها شعرت بانها ليست دموع ولكن شئ حااار يؤلمها

زين..... هتفضلي حب عمري وحياتي كلها

اقترب اكثر والثم ثغرها باشتياق ووداع كانت قبله حزينه عبراتهم تهبط وقلبهم ينبض بقوه

ابتعد عنها عندما شعر انها تريد أن تتنفس وضع جبينه علي جبينها قائلًا..... امشي يااروي

نظرت إليه وهي تهز راسها برفض

هتف مره اخري...... امشي يااروي

هتفت مقترحه....... يالا نبعد عنهم ونتجوز

هتف برفض تام..... مينفعش مينفعش اخون العيله اللي كلت معاهم عيش وملح كفايه لحد كده

نظىت إليه بصدمة ثم أمسكت بحقيبتها قائله..... فعلا عندك حق

وغادرت

عوده الحاضر

اخدت محرمه ورقيه تزيل عبراتها وتحاول ان تهدئ نفسها

في الشركه

هبطا من السياره، امسك بيدها ثم دلفا إلى الشركه كان الموظفين ينظروا إليهم بغرابه من قربهم فكريم كان قريب منها يرد ان يقول انها زوجته اي من ممتلكاته لا أحد يقترب منها

صعدا في المصعد صعدا إلى اخر طابق نظرت إليه بغرابه فهي تعمل في اول طابق.

دلفا إلى المكتب كان ينتظرهم زين

زين.......دا كله تأخير

كريم..... مفطرش يعني

زين..... ما انت فطرت هنا

كريم.... لا فطرنا في البيت عند غزال

غزال..... انا طلعا هنا ليه بقا انا شغلي تحت

كريم..... لا هتشتغلي معايا في الاداره

غزال برفض..... لا انا شغلي في المصنع وبس

كريم.... لا

غزال بعناد..... أنا هشتغل في المصنع غير كده لا ياكريم الحياه الخاصه حاجه والشغل حاجه

زين.. ... رايئ من راي غزال مينفعش تتنقل النقله دي من المصنع للاداره كل الموظفين هيتكلموا

كريم..... عادي

زين..... كريم ممكن تفكر لو سمحت

غزال..... انا نازلة

واتجهت إلى الباب وخرجت متوجهه إلى المصنع لتكمل عملها

ومر اليوم دون احداث مهمه.

بعد مرور ثلاث اسابيع كان باقي علي زفاف كريم وغزال اسبوع، كان اقترب كريم من غزال حتي اصبحوا أصدقاء للغايه، وما زالت غزال تاخذ اقراص المسكن حتي نصحها طارق بعمل تحليل

غزال..... ايوة وبعدين

كريم..... عاوزه اي يابه

عقدت حاجبها قائله..... به خدت عليا كتير ورجلك اخدت علي الحتره وصاحبت الحاره كلها دا عم طارق بتاع العيش بيسال عليك اكتر مني

كريم بغرور..... عادي قدرات وبعدين انتي وعدتيني بذره مشوي

غزال..... ياكريم احنا كل يوم بنخرج منعملش حاجه غير ناكل

كريم.... عادي عادي

ثم وقف ليدخل المرحاض

جاء اتصال لغزال

غزال..... الووو ياطارق

جائها الرد..... غزال النتيجه طلعت

غزال ضاحكه..... طل ارهاق صح انت مصدقتش

طارق باسف..... للأسف انتي عندك مرض خبيث وهتتري تخدي جلسات كيماوي

وقع الهاتف من يدها

غزال........

رايكوا في البارت؟

هل غزال هتنتصر علي المرض ولا المرض اللي هينتصر؟

رد فعل كريم ؟

طارق باسف..... للأسف أنتِ عندك مرض خبيث وهتتري تخدي جلسات كيماوي

وقع الهاتف من يدها

غزال.............

غزااال.... غزال

كانت تقف في صدمه كبيره، كأن دلو من الماء سكب عليها، ايعقل انها سوف تفارق الحياه فوالدها كان مريض بهذا المرض الخبيث. تسندت على أقرب مقعد بجانبها لتجلس عليه كان قدميها لم يستطيعوا السير او التحرك جلست وهي تلتقط الهاتف اغلقت الاتصال

خرج كريم من المرحاض نظر إليها بغرابه من شرودها المفاجاه ولون وجهها الذي يؤكد أنها تعرضت لصدمه، اقترب منها سريعًا

ونزلت لمستواها يجلس على ركبته ليقوم وجهه مقابل لها.

رفع يداه ليرجع خصلاتها للخلف ليقول بقلق..... مالك

رفعت وجهها تنظر إليه لا تردي ماذا تقول هل تقول له أنها مريصه بمرض خبيث؟ ام تخفي الخبر عنه وتحاول أن يكررها حتي لا يشعر بالحزن عند وفاتها، يوجد في راسها أكثر من شئ. هل تنبدات بالمستقبل لتري أنها سوف تغادر الحياه.

هتفت بتيه.... أنا.... أنا كويسه

كريم بتوجس..... مش باين خالص اي اللي حصل احكيلي

هتفت بتلقائيله..... احضني ياكريم

نظر إليها بدهشه لأول مره تريد منه الأقتراب وضع يداه اسفل ساقيها واليد الاخري أسفل ظهرها ليحملها، ثم يسير ليجلس على الأريكه التي تتواجد في المكتب

واجلسها في حضنه تكوبت في حضنه كأنها طفلة تغشي من فقدان والدها، كان ينظر إليها بغرابه من أفعالها

دق الباب ودلف زين وهم بالحديث لكن أشار له كريم بأن ينصرف دون إزعاج.

رتب على ظهرها بحنو ثم همس بصوت هادئ..... مالك

تمتمت بجمله واحده.... مش عاوزه اتكلم لو سمحت

هز رأسه وضمها أكثر كأنه يريد أن يخفيها عن العالم بأكمله

في النادي.

أروي..... ايوه وبعدين يعني

هند صديقتها المقربه..... ولا قابلين فاكره الشاب اللى أنا قولتلك معجبه فيه شوفته من فترة

أروي..... ماله

هند بسعاده..... أنا عرفت مشارك مين

أروي بغرابه.... مين

هند...... مشارك ابن عمك

هتفت بعدم فهم..... قصدك مين

هند..... زين ياأروي

وقع الكأس من يدها على الأرض من الخبر الذي صدمها

هند...... مالك

نظرت إليها بتوتر وتردد صديقتها تحب حبيبها؟ يبدوا أننا سنظل في الفراق لباقي العمر يازيني

ابتسمت بخفه حتي صديقتها لا تشك في الأمر

أروي.... لا لا مفيش

هند..... يعني هتساعديني اقرب منه صح

أؤمات لها براسها، عانقتها صديقتها بحب

أروي...... أنا همشي بقا

هند.... لسه بدري

أروي.... لا مصدعه خالص يادوب اروح

غادرت أروي وتمتمت هند دون أن تحرك شفتيها..... ولسه يا أروي هاخد منك كل حاجه فلوس واملاك حتى اللي مالك قلبك هخده.

بعد مرور ساعتين

كانت غزال نائمه في حضن كريم، وأمر كريم أنه لا يريد أحد أن يزعجه، كان يداوده الفضول ليعرف طول خصلاتها لذلك قام بخلع ما كانت تجمع فبهي خصلاتها، لبدا في فك هذه الرابطه لينسدل شعرها حتي يصل إلى الأرض صدم من طوله الرائع وملمسه كانه يلمس الحرير

لكن اقتحمت المكتب ماجده ابنه عمه وهي تقول..... الله الله

اتنفضت غزال ووقفت سريعًا لكن أمسك بها كريم ويجلسها كما كانت ويقول بجفاف..... أنتِ إزاي تدخلي من غير ما تخبطي ولا متعلمتيش كده في كورس الاتيكيت

ماجي..... اي المسخرة دي في الشركه

كريم..... هو اي اللي في الشركه دي مراتى واطلعي بره

ماجي بصدمه...... أنت بتطردني

كريم..... اه يالا اطلعي وخدي الباب في ايدك

خرجت ماجي وعي في قمه غضبها، امسك كريم ما كانت تجمع بها غزال خصلاتها وبدا في لم شعرها

هتفت بخوف..... مين اللي فك شعري

دفن وجهه في عنقها ليقول.....أنا اللي فكيته كان عندي فضول اشوفه اوي بس طلع جميل اوي

هتفت ساخره....بس ولا بريحه الياسمين ولا الافندر ولا الورد زي بقيت البنات

كريم...... لا دا حاجه تانيه حاجه تخص كريم وبس يعني محدش هيشم الريحه دي غيري وأنا بس اللي اقدر اقولك ريحته اي

ثم استطرد..... حصل اي بقا علشان التغير دا كله

غزال...... مفيش

كريم..... ليه بتكدبي ما تخليكي صريحه ياغزال

غزال...... مفيش ياكريم في اي

كريم..... مهو أنتِ مبطقيش قربي ازاي تقوليلي احضنك وساكته في حضني لاكتر من ساعتين

غزال وضعت يداها على راسها من شده الصداع..... أنا عاوزه امشي

كريم بعصبيه..... تمشي فين وبتتكلمي بالالغاز ليه ما تنطقي

غزال بعصبيه مماثله...... أنت بتكلمني كده ليه فاكر نفسك مين علشان تكلمني كده احنا شغل وبس ومراتك على الورق يعني ملكش لي حق تتكلم أو تتدخل

كريم..... تمام ياغزال اطلعي بره علشان عندي شغل ومش فاضيلك

خرجت غزال من مكتب كريم وهبطت في المصعد ثم اتجهت إلى باب الشركه واوقفت سياره لتوصلها إلى المنزل

..... اذيك ياأروي

أروي..... زين الحمد

زين..... جايه لكريم

أروي بتوتر.... اه

زين..... طب هو في اجتماع تعالي المكتب لحد ما يخلص

أروي..... تمام

توجهه إلى مكتبه ودلفا، جلست أروي وهي تفكر في حديث صديقتها وأنها تعشق زين

جلس زين. وهو يقول..... عامله اي في الشغل

أروى بتردد وتوتر..... الحمد لله

زين..... طنط وعمي عاملين اي

أروي.... كويسين

زين بأشتياق...... وحشتيني ياقلب الزين

أروي بتوتر وخجل..... زين أنا

وقف عن مقعدة وجلس على المقعد المقابل لها، امسك يدها قبلها بشوق، ثم طبع قلبه عميقه في باطن يدها.

زين.... وحشتيتي ياأروي أوي معنتش قادر ابعد اكتر من كده، زمان سبتك تتجوزي غيري مع أنه ظلم أنا حبيتك آكتر أنا عشقتك وجوزوكي غصب بس دلوقتي لا يا أروي مش هينفع ابعد تاني أنا محتجلك أوي محتاج حد معايا حاسس إني همو*ت من الوحده

هتفت سريعًا.... بعد الشر عنك

زين..... المو*ت علينا حق، كنت غبي لما سبتك ومتجوزتكيش غصب عن الكل وعن عاصم التهامى نفسه ب ح ب ك يا روح زين

ردت ببكاء..... وأنا بكرهك يازين

زين.....

زين..... المو*ت علينا حق، كنت غبي لما سبتك ومتجوزتكيش غصب عن الكل وعن عاصم التهامى نفسه ب ح ب ك يا روح زين

ردت ببكاء..... وأنا بكرهك يازين

زين..... يعني اي

أروي..... يعني بكرهك مش عاوزاك

زين بجنون..... انتٍ اتجننتي ولا اي أنا زييين زينك انتٍ

أروي.... أنا عاوزة امشي

زين بعصبيه..... لا مش هتمشي

أروي..... يعني اي هتمنعني

وأخذت حقيبتها واتجهت ناحيه الباب وامسكت بالمقبض لكن وضع زين يداه على المقبض بقوه

زين..... مش هتمشي غير لما تقولي في اي

أروي بعصبيه...... همشي يعني همشي

زين بتوعد..... طيب

وفتح الباب وامسكها من يدها بقوة وخرج

كريم..... أنت ماسكها كده ليه

زين بعصبيه..... ابعد من وشي ياكريم

كريم..... أنت هتستعبط ولا اي سيب البت

زين... مش هسبها غير لما اعرف في اي وسحب أروي خلفه وهو يقول..... متخافش عليها دي معايا

لم يسير خلفه كريم لأنه يعلم أن زين من المستحيل أن يأذي أروي.

أخذها وخرج من الشركه متوجهًا إلى السياره وصعدا. وادار السياره متوجه إلى منزله

وصل إلى المنزل وهبط من السياره ثم فتح لها باب اسياره وامسكها باحكام ودلفا إلى العماره ثم صعدا في المصعد وتوجه إلى شقته فتح الباب ودفعها للداخل

أروي بخوف..... أنت جايبني هنا ليه

نزع سترته ثم شمر ساعديه ليقول ساخرًا...... هنرقص dansياروح امك

أروي..... خاليني أمشي يازين

زين..... لا لسه الليل طويل مش بتكرهيني صح اي رايك اخليكي تكرهيني اكتر

كل كلمه كان يقترب منها خطوه لكن ببطئ مما جعلها تشعر بالخوف، بدا في فك زراير قميصه واحد تلو الآخر

زين كان يشير لنفسه وهو يضرب على صدره..... أنا استاهل منك كده فكراني لعبه بين ايدك تشكلي فيها لا انتي مش هتخرجي من هنا غير لما اعرف في اي وليه كده

اختل توازنها ووقعت أرضًا، وضمت قدميها إليها ووجهها بين يديها وتبكي في صمت وصوت شهقتها عاليه

ضرب يده في الحائط من شده غضبه وصرخ بقوة كانه يريد ان يخرج كل ما بداخله من حزن والألم صبغ وجهه بالاحمر من شده غضبه وسخونته

صرخت عندها ضرب الحائط، نزل لمستواها وامسكها باحكام رافعها عن الأرض

زين بحزن..... ليه يا أروي

أروي بصراخ..... علشااااان مينفعش، مينفعش يازين صحبتى بتحكيلي عن شاب جميل أعجبت بيه يعني حبته واول ما تعرف هو مين تقولي ويطلع حبيبي عااااارف يعني اي حبيبي

اشار لمكان قلبه وهو يقول..... ودا دا دق ليكي ولا ليها انطقي ليه بتعاقبيني على حاجه أنا معملتهاش ليييييه حرااام عليكي أنا قبلت اللي راجل ميقبلوش على نفسه قبلت انك تتجوزي غيري علشان مخونش ثقه اخويا اللي هو ابن عمك قلبت أن راااجل غيري يلمسك قبلت أن راجل غيري هو اللي يشوفك نايمه جمبه بس المفروض أناااااا أنا اللي اكون بداله أنا مش هو ليه كل مره العقاب يكون صعب

هتفت كلمه واحده..... أنا اللي اسفه

جلس على أقرب مقعد ووضع يده على راسه قائلا بإرهاق وتعب... عاوزة تمشي يا أروي أمشي مش همسكتت

جلست على ركبتها قائله ببكاء..... مش همشي يازين

فعها ليجلسها في حضنه ويدفن وجهه في عنقها ليستنشق رائحتها التي اشتاق إليه، كالمسافر الذي اشتاق لوطنه وبعد مده رجع لمسكنه.

في الشركه

كان كريم يفكر في حديثه مع غزال وانه كان يحدثها بغضب لذلك يجب أن يصالحها.

أخذ سترته وهبط، متوجه إلى أفخم بائع لزهور النادره، وخرج إلى بائع الشوكولاته لا يعلم اي نوع سوف يعجبها لكن اختار شوكولاته بالبندق، وتوجه إلى منزل غزال

بعد مرور خمسه وأربعين دقيقه

كانت تجلس في غرفتها تنظر إلى الأعلى لا تعلم ماذا سوف تفعل هل تقول لكريم ام تخفي الخبر.

دق جرس المنزل.

تخرج غزال لتفتح الباب لأن والدتها لم تكون في المنزل هي واخاها.

فتحت الباب كان يقف كريم وفي يده باقه الزهور والشوكولاته ويبتسم ابتسامه جذابه ليقول بمرح...... أزعل اوي لو حد غيرك اللي فتح

نظرت إليه ولم تتفوه بشئ ودلف وهو ماذال يقف أمام الباب، دلف وأغلق الباب بقدميه

دخل خلفها الغرفه وجدها تجلس على الفراش وتعطي له ظهرها

وضع الزهور والشوكولاته وتقدم قائلًا...... اسف إني اتعصبت بس أنتٍ اللي عصبتيتي

غزال بجفاف..... حصل خير

كريم..... بس

غزال.... اه

كريم.... يعني مفيش بوسه حضن من بتاع الصبح اي حاجه أنا جايب ورد وشوكولاته

غزال ساخره..... حد يجيب الحاجات دي لاسطي غزال دي تروح لبنت عادية

كريم..... أمال أنتٍ اي أنتٍ أحلي بنوته في الدنيا كلها

غزال..... ادم كان بيقولي واجيب ليه من الحاجات دي دي حاجات بنات مش صبيان

ضم يده بقوه قبل أن يغضب ليرفع يده يضعها على وجنتها قائلًا..... هو في أحلي من الأسطي غزال ولا ارق منك طب دي أحلي حاجه أنك مع الناس حاجه وأنا حاجه وأنتٍ معايا هتكوني بنوتي الصغيره أدللها براحتي في راجل يطفي الست وراجل ينورها تاني بس أنتٍ منوره لوحدك اي حاجه عاوزاها اعمليها معايا أنا...... أنا هتقبل اي حاجه منك

غزال..... طب ممكن طلب

كريم......أومري

غزال...... مش عاوزه فرح

كريم بغرابه..... ليه

غزال..... كده هيا حفله صغيره وخلاص

كريم.... براحتك خالص

غزال..... تعال نقعد بره

كريم بخبث ..... ليه القاعده هنا عجباني

غزال...... لا هنطلع بره

كريم.... امري لله

وخرجوا للصالون

في مكان مجهول كان يوجد مجموعه من الشباب ليقول احدهم.... عاوز دم*ه يتصفي قدامي

ليقول شاب آخر.... دا كريم التهامي

الشاب..... ميهمنيش عاوز يتصفي سامع ومش بطلق بسكي*نه

الشاب..... حارقك أوي

الشاب الأول...... هعرف أخد حقي كويس

في قصر التهامى

ماجي.......بقا أنا يطردني من الشركه علشان الجربوعه دي

عاصم...... اهدي ياماجي

ماجي بنرفزه..... ياجدو دا قالب الشركه أوضه نوم ادخل القيه منيمها في حضنه

كاميليا.... متأكده أنها في حضنه

ماجي..... وقاعده على رجله

كاميليا وحنان...... ربنا يفرحه كمان وكمان

حكمت.... نعم

كاميليا..... اي بجعي لابني ربنا يذيد فرحته ويرزقه بالخلف الصالح قولوا امين

إيهاب وحنان.... آمين

عاصم....... بس اسكتوا خلاص

عند زين وأروى

زين...... أروي

تمتمت بهمس.... همم

زين وهو يلعب في خصلاتها..... يالا نتجوز

وقفت قائله..... أنت بتتكلم جد

زين..... أروي انتي 24سنه يعني عاقله بما فيه الكفاية وناضجه

أروي..... يعني هنتجوز من ورا اهلي

رد سريعا...... هنعرف غزال وكريم ومامتك وباباكي لحد ما نكتب الكتاب وبعدين نقول

أروي بتفكير..... بس

زين..... مفيش بس عاجبك واحنا قاعدين زي المراهقين خايفين حد يخبط

رن جرس المنزل هتفت أروي بخوف..... مين جاي

زين..... ياحسره هتلاقي بتاع الدليفري

في منزل غزال

كانت تجلس تأكل الشوكولاتة بتمتع وينظر إليها كريم ببعض من الغيظ

غزال..... عينك فيها

كريم..... هتفضلي قاعده مع الشوكولاتة وانا لا

غزال..... هخلص واقعد معاك

كريم..... ياغزال دي سابع وحده تفتحيها حرام عليكي

غزال..... خلاص أنت عاددهم

قفلت الشوكلاته وظلوا يتحدثوا سويا

في اخر الليل رجع والدتها واخاها ورحبوا بكريم الذي كان محرج للغايه لانه دهل دون إذنهم لكن اخبرته والدتها أنه زوجها وياتي في اي وقت

خرج من المنزل لكن حاوطوه مجموعه من الشباب

كريم..... خير

الشاب.... مصلحه وهنمشي

اقترب منه أحد ليلكمه لكن صد الضر*به بقوه وانشغل بضرب شابين ولم يلاحظ الشاب الذي جاء من الخلف ويضربه بقوة بسكين في أحد جنبيه ليصرخ بقوة.... اااااه

اقترب منه أحد ليلكمه لكن صد الضر*به بقوه وانشغل بضرب شابين ولم يلاحظ الشاب الذي جاء من الخلف ويطعنه بقوة بسك*ين في أحد جنبيه ليصرخ بقوة.... اااااه

هربوا فارين عند سماع صراخه، وقع على الارض وهو يمسك جنبه بتألم ويصرخ، خرجت غزال مسرعه على صوته وجدته ملقي على الأرض والدماء يسيل منه

جلست على الارض وهي تحاول أن ترفعه

غزال..... كريم.... كريم

كان يحاول فتح عيناه لكن لم يقدر ووقعت يده التي كانت تمسكها غزال وأغلق عينه

غزال..... كررررريم

فتح عيناه وجد نفسه على فراش في المشفى يرتجي رداء المرضي وفي يده المحلول وهي تضع راسها على يده

هتف بألم.... غزال

غزال ابتعدت سريعًا لتقول..... انت فوقت... كويس صح.... حاجه بتوجعك

كريم.... اهدي اديني فرصه ارد عليكي

كانت ستتحدث لكن قاطعها دخول عائله التهامي دفعه واحده لتعج الغرفه بهم..

كاميليا..... كريم حبيبي أنت كويس

كريم...... كويس ياأمي عرفتوا منين

عاصم ساخرًا..... الجرايد والمجلات كريم التهامي يصاب بسلا*ح أبيض

ماجي ....كله من الجربوعه دي

غزال..... اللهم ما اغزيك ياشطان بقولك اي يامرقه دجاج أنتِ ورب الكعبه لو مقاعدتي بسكاتك لافرج عليكي المستشفي ولو نطقتي كلمه ڤالچر ولا يع دي هحجزلك سرير هنا

حاول كريم عدم الضحك حتي لا يتألم..... كفايه ياغزال

غزال بتوعد..... حاضر

جلست بجانبه على الفراش تحاول أن تستفز ماجي لذلك بدات في العب في خصلاته التي كانت هبطت على عيناه، وهو ينظر إليها فقط كانا الاثنين يتحدثات بلغه العيون وليس بالفم، والجميع ينظر اليهم

دلفا زين وأروي

زين.... أنت كويس

أروي .... كريم

كريم بمسكنه..... كده يازين تسيب صاحبك وتلعب مع القطه

غزال بغرابه.....قطه

كريم..... اه قطه

زين بتوعد.....لما تقوم بالسلامة بس، عن اذنكوا أنا اطمنت عليك هاجي تاني

عاصم..... كنتي فين أروي

أروي..... كنت عند هند وقابلت زين وأنا طالعه

عاصم..... ما تخليك يازين

زين بجمود فهو يكره عاصم التهامى لأنه من فرقه عن حبيبته.... شكرا ياعاصم بيه هاجي وقت تاني بالاذن وغادر

حكمت..... اي اللي حصل ياكريم

كريم.... خناقه بسيطه ياعمتي

حكمت ساخره.....من أمته ليك في الخناقات

كريم..... بقا ليا

محمد.... حمد الله على السلامة وكمل ساخرا شكلها مش آخر مره

كريم بمزاح ..... مالها المغامرات دا عسل سكر موز باللبن

كان يتحدث وهو ينظر إلى غزال

حنان..... حتي وانت تعبان بتهزر

كريم.... اي ياجدعان مكنتش كام غرزه يعني اهم حاجه مش في وشي علشان اعرف اعاكس براحتي

ضربته غزال على كتفه ليصرخ قائلا.... في اي

غزال..... بطمن بس أنك بخير

كريم..... لا بخير متقلقيش

بعد مرور اسبوع

كان خرج كريم من المستشفى، وقد علم بما يخطط له زين ووافق عليه فهو عاشق مثله فيعلم كم يكون وجعه وحبيبته بعيده عنه، لم يعطي خبرًا لغزال واتجه إلى الورشه

غزال..... أنت طلعت أزاي

كريم.... قولتلهم عاوز اطلع وطلعوني

غزال في اديها المفك..... كريم أنت بتستهبل

كريم.... اهدي السلاح يطول

غزال.... ليه متهمتش حد

كريم.... سين وجيم بقا وانا عارف ان خطيبك الأول اللي عمل كده وأنا مش عاوز سيرتك تيجي في الموضوع ولو بحرف تعالي معايا

غزال..... اجي فين عندي شغل

كريم.... عندي مشوار مهم وعاوزك معايا

غزال..... شغل

كريم.... لا مش شغل وعاوزك معايا فيها اي يعني راجل وعاوز مراته

غزال..... كريم مش ملاحظ انك مصدق اوي دور راجل ومراته

كريم بحده.... يعني اي ياغزال هو انتي لي مصممه ان احنا في لعبة

غزال.... أمال احنا في اي

كريم.... غزال أنا ماشي واسف اني جتلك حاجه تاني

قبل أن يغادر امسكت يده

غزال.... متقفش كده هاجي معاك

كريم ببرود.... براحتك

غزال.... ياجدع

كريم..... يالا

غزال.... طب اغير

كريم..... كل حاجه موجوده يالا

وصلا إلى عماره فاخره

غزال.... هنعمل اي

كريم.... دي شقتي هنطلع اغير وانتي تغيري علشان نلحق

غزال.... ليه

كريم..... لو خايفه مني منطلعش

غزال.... اخاف منك ليه ان شاء الله

كريم..... طب مش خايفه

غزال ببرود..... أخاف من ربنا غير كده مفيش

كريم..... طب يالا

في مركز التجميل

كانت تقف أروي أمام زين الذي ينظر إليها بانبهار كانت ترتدي فستان لونه أبيض ضيق يصل لبعد ركبتها يزينه حزام ذهبي عند الخصر بأكمام شفافه، وتاركه خصلاتها على ظهرها وتلبس اكسسوار بسيط.

وهو يرتدي بنطال لونه أسود وقميص أبيض يفتح أول زرائر لتعطيه هيئه رائعه.

زين..... أخيرا هتطلي بالابيض

أروي بتوتر.... زين أنا خايفه أوي

زين..... أوعي تخافي أنتٍ معايا

أروي..... متأكد بابا وماما وافقوا

زين.... والله وافقوا وعند المأذون وكمان كريم وغزال هيجوا متخافيش أوي كده

أروي.... تمام

في منزل كريم

كان يقف أمام الخزانه بحيره لا يدري ماذا يرتدي فاراد أن يستشير غزال

كريم..... تعالي شوفي البس اي

غزال بحرج..... مبعرفش اختار أوي

كريم..... تعالي بس

وقفت غزال أمام الخزانه واخرجت بنطال جملي وقميص ابيض

كريم.... حلوين اوي

غزال..... برده مقولتش هنروح فين

كريم..... هقولك لما تلبسي

واخرج لها بنطال اسود وكنزه ضيقه بحمالات رفيعه وفوقته كنزه لونها بني مع حقيبه صغيره لونها اسود واكسسوار ذهبي مع حذاء اسود ذو كعب عالي.



كريم..... عارف إنك مبتحبيش الفساتين ومردتش اجيبه علشان متكونيش محرجه وتلبسيه غصب فا قولت اجيب دا بين البنين ويارب يعجبك بقا

غزال أعجبت بكلامه وأنه مفرضش حاجه عليها وسايبها بحريتها وليس مقيده

غزال..... جميل اوي وتسلم ايدك زوقك حلو هجهز عقبال ما تجهز بس قولي انهي أوضه

كريم..... اجهزي أنتي هنا انا هجهز في الاوضه التانيه

غزال.... لا دي اوضتك

كريم.... مفيش فرق بنا وبعدين أنا هلبس على السريع

يالا وخرج وبدات في الاستعداد، وكريم هكذا

بعد 20دقيقه قد انتهوا وخرجت غزال وهي لا تعلم كيف ستعمل شعرها كان يقف ينتظرها

كريم..... واووو شكلك حلو اوي

غزال..... شكرا ليك وأنت جميل

كريم..... مش عارفه تعملي شعرك

غزال..... مش عارفه اعمله ازاي

كريم..... أنا عندي فكره لو عملناه كعكه هيكون مش اوي ولو ديل حصان هيبان طوله الكبيره بصي فكرتي هتحطي توكه كانه ديل حصان وتلفي نص شعرك علي التوكه وكده هيكون تحبه هاتي اعمله أنا

بدا يمشط خصلاتها ويفنن في عمل الفكره وأخرج عُلبه يوجد بها الكثير من الميكب وبدا يضع لها أحمر شفاه خفيف ويضع الماسكرا على رموشها وهي تنظر له فقط فالاول مره أحد يدللها هكذا وتضع ميكب مثل باقي الفتيات

وانهي سريعا وهبطا إلى الاسفل

كريم..... الووو

زين..... أنت فين يابني ادم أنت

كريم..... جاي اهو في الطريق

زين.... اخلص

واغلق الخط

غزال..... على فين

كريم..... هنكتب كتاب زين وأروي وقبل ما تنصدمي اه من غير علم العيله زينا زين وأروي بيحبزا بعض من وهما صغيرين واتقدم اكتر من مرتين لكن كل مره يترفض لدرجه انه قال هكتب ليها ثروته كلها وللأسف جدي جوزها لواحد تاني علشان ثفقه شغل بنهم

واتطلقت بعدها ب3شهور تقريبا وزين مقدرش يستحمل اكتر من كده وهيتجوزها غصب عن الكل بس عمي ومراته عارفين يالا علشان نلحق بقا

غزال.... اي الجبروت دا

كريم..... جدي قعد يعمل في الثروه دي سنين فا كل حياه بيفكر في الفلوس للاسف

غزال.... فهمت

واكملوا طريقهم إلى الماذون

وصلوا إلى الماذون وكان الجميع متواجد

إيهاب لأروي.... سامحيني على أني موفقتش من الأول بس ابويا

أروي.... مسامحاك يابابا بس خلاص أنا مع زين أخيراً

كريم..... اي الناس اللي بتتجوز في الدرا دي

زين ساخرا..... شوف مين بيتكلم

غزال..... الف مبروك

أروي..... واو اي الجمال دا

غزال..... نعمل اي بقا في استاذ كريم

كريم.... بس اي رايك

غزال..... لا عاجبني التغيير

زين..... نكتب الكتاب بقا الله يخليكوا 27 سنه عازب نفسي اسمع كلمه بارك الله لكما وبارك عليكما وجمع بينكما في خير

دلفا إلى الداخل ووضع إيهاب يده في يد زين وتم عقد قرآن زين وأروي وهتف الماذون جملته الشهيره.... بارك الله لكما وبارك عليكما وجمع بينكما في خير.

باركوا لهم وأمسك زين يد أروي وسحبها يركض بها إلى السيارة وهو يقول..... أسبوع عسل سلااااموز

وادار السياره وغادر

كريم.... نهارك مش فايت هنقول لجدي اي

إيهاب..... نقول عند هند

حنان..... مضمنش هند بربع جنيه

غزال..... هنقول قاعده معايا بنظبط لتجهيزات الحفله بتاعت الفرح

كريم..... يسلم دماغك ياعسل يالت بينا

اخد كريم غزال وإيهاب اخد حنان.

أخد كريم غزال وتوجه إلى النيل كما اخبرته غزال

كريم..... يالا نقعد

غزال..... كريم هات حمص الشام

كريم..... اقول الكلمتين الأول

غزال.... قول

كريم بتوتر.... أنا بحبك ياغزال

غزال بجمود.... وأنا لا أحنا جواز أتفاق

كريم.......