رواية البنت الي امها تزوجت عمها — الفصل 1 — بقلم مروان فرج
تزوجت امي من راجل حالته المادية كويسة بس ربي ما رزقهمش بصغار و العلة كانت في الراجل ومع هدا اختارت امي انها تقعد معاه و رضت بنصيبها في الدنيا ولأن راجلها كان إنسان كويس و يحبها ومدللها وعاشت معاه عشرة سنوات وفي ليلة كان راجلها مسافر بسيارة لمدينة تانية دار حاد.ث و توفاه في نفس الليلة 💔
بعد تم العزاء و قضت امي عدتها في حوشها قالها خالي روحي خلاص ما عندك شن شادك هنا 🙂
لكن امي رفضت وقاتله هدا رزق راجلي و رزقي مسحيل نطلع منه جو خوته و بدو يسالو ع الورث وكيف بيتوزع و يبو يبيعو الحياش و المزرعة و كانت الصدمة لما عرفو ان خوهم كان كاتب كل شي لامي 🤍
لانها ضحت وقعدت معاه ورضت كان يبي يكافئها ف كتبلها كل ما يملك باسمها
طبعا خوته ما أعجبهمش ودارو مشاكل لكن كل شي قنوني وما قدرو يديرو شي
خوالي حتى هما ما رضوش ان أختهم تقعد بروحها في الرزق هدا بروحها و هما مستحيل يعيشو في رزق نسيبهم لكن امي سكرت راسها وقعدت في حوشها معاها امها وما طلعتش منه وكان عندها سلف يسكن 🔥
جنبهم مش بعيد عليهم وكان الوحيد الي يجيها و يعول عليها هي حناي و يقضيلهم وبعد فترة تقدم لامي مع انه متزوج وعنده ولاد و بنات كبار لكن امي وافقت وقبلت بيه و تزوجو عيلة الراجل زادو كرهو امي ومعاش حد من العيلة يحكي معاها ولا يواصل فيها ..😑
وبعد فترة من زواجهم حملت امي بيا و جابتني وفرحت ليا كنت فرحة عمرها و لكن فرحتها هده ما كملتش لانها بعدها بثلاثة سنوات مرضت امي بسر.طان عفانا الله و اياكم و بعد معاناة طويلة مع المرض تو.فت امي كان وقتها عمري أربع سنوات بس 🤍
بعد وفاة امي بوي خدي كل املاك امي و انتقل هوا وعيلته للحوش و عشت حياتي مع مرت بوي و خوتي وخواتي كانو يكرهوني بشكل مش طبيعي خاصة مرت بوي لكن بوي كان ليهم بالمرصاد وكان يحبني و يدلل فيا و اغلب الوقت كنت نقعد معاه وكانّه خايف عليا منهم
وبعد طقيت 17 السنة مرض بوي فجاءة كان هوا كبير شوي في السن بس مرضته كانت غريبة و بدي حاله كل يوم أسوء من يوم لين طاح رسمي ومعاش يقدر يوصل حتى ف الحمام
مرته و صغاره هملوه لا يعالجو فيه و يوكلو فيه ولا يهتمو بيه ملوحينه في دار كنت أنا الوحيدة الي نعنى بيه نغيرله و نوكل فيه و نشرب فيه و لما يتعب نمشي لخوتي نترجل فيهم يرفعوه يعاينوه كانو يعيطو عليا ويقولولي خلاص شيباني وعمره تم 😑
كنت نبكي لما نشوفه يتالم و أنا ما نقدر نديرله شي
وبعدها بفترة مش طويلة توفى بابا و خلاني حتى هوا
ما.ت أقوى سند ليا في الحياة هده …
بعد وفاته ب اسبوع بس جتني مرت بوي و ضحكة الشما.ته ع وجهها و قاتلي …
