رواية الضابط المستبد والخرساء الفصل الحادي وأربعون 41 - بقلم tolaalaskari95

مرحبا يانبضات قلبي انتم😍
طبعا اشكركم جزيل الشكر على التصويت والتعليقات الحلوه
هذا من ذوقكم المميز اكيد
واعتذر منكم على التقصير بتنزيل البارت بس والله مشغوله اعذروني

اليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة اشريك
مو انت الكلت بالروح تشريني
روح وداعت الله بس اكلك ها
الي رب ٍ كريم الصبر ينطيني

الكاتبه تولا العسكري
حمزه :يله بنت الكلب احجي لا اطشر راسج بطلقه ومحمد
رفل :اي والله راح احجي بس فدوه لاتسويلي شي كل الي سويته بس لان ردتك وحبيتك
حمزه: يله جاي اسمع لاتاكلين تبن
رفل: اول شي اني اكره افراح وردت بس طريقه تخلصني منها وماكو طريقه تخليك اطلكها بس شغله وحده هي شغلة الشرف لهذا اني رحت على هذا المجال رحت خليت حبوب منوم بالترمز مال الماي واني ادري بيها راح تشرب علاجها الصبح فراح تاخذ ماي من المطبخ خليت 5 حبايات بالترمز كلت بس اتأكد منها شربت اروح افرغ الماي واخلي ماي غيره بعدين اجت شربت علاجها وضلت تشتغل شويه وراحت تمددت على القنفه وبعدين نامت اني رحت سحلتها لغرفتي ونزعتها كل ملابسها وبعدين شمرتهن بالغرفه حتى يبين انو كل شي صار بموافقتها ورحت طلعت ملابس مال اخوي اني من رحت لأهلي جبتهن حتى تتأكدون اكو رجال جان هنا بعدين ضليت كاعده بالساعه طلعت اتباوع من الباب اشوف منو يجي حتى اضل اصيح واكول لكيت رجال نايم وي افراح وهي جايبته للبيت مرت ساعه ونص وشفت سيارتك براس الفرع
من وصلت للباب اني ضليت اصيح وصارت طبتك وطبت خالتك ام علي
والباقي انت تعرفه بعدين انت من اخذت افراح لأهلها ورجعت اخذت الجهال لخالتك اني دزيت مرتضى ونطيته مبلغ حتى يدزلك ملابس افراح الداخليه والرساله كلتزحتى ماتفكر ترجعها بعد سويت هاي الخطوه حتى ميحن گلبك عليها مرتضى دزاهن الك واجاني ياخذ الفلوس هو مجان يدري بالسالفه شنو
حمزه: هله هله صايره رئيسة عصابه ومتمكنه ليش ماتفتحين بيت دعا...
مو احسن الج على هاي خططج تستفادين بت الكلب اليوم انهيج شبعتها كتل ضلت اجر النفس كوه سحبت القسام وضربتها برجلها وفتحت هذا الوياها كتله اذا تريد تبقى عايش
وميصير عليك شي روح جيب سيد
مرتضى :اي رايح رايح
حمزه: ضلت هاي الكلبه تنزف واني منتضر السيد شويه واجه الولد جاب السيد رحت حجيت وياه وكتله اريد اطلق
كال ماشي بس طلكها بثلاث واني بس اسألها خل تنطيني موافقتها بالطلاق
حمزه: اي
شويه وسألها السيد او وافقت على الطلاق واطلكنه وخلصت منها
طلع السيد وهذا الولد هم عفته
بعدين رحت خابرت على ابوها وكتله تعال اخذ بنتك العار وربيها زين
شويه واجه ابوها سأل شنو الصاير كتله بنتك ادخل زلم لبيتي وتتهم مرتي بشرفها
اخذها ابوها وراح
بعدين ضليت محتار افراح اشلون ارجعها وابوها مراح ينطيني مجال شلون بيه ياربي خل اروح اشوف الجهال وافكر زين
اوف يافروحه اشلون اصدك انتي تسوين هيج شنو سويت بروحك ياحمزه شيقنع ابوها
رحت لبيت خالتي ام علي اشوف الجهال شحالهم بدون امهم وهمه صغار الله ينعلك ياشيطان لو مخليها ماخذتهم وياها اخ منك ياحمزه ليش تسرع ليش
دكيت الباب طلع علي سلمت عليه ودخلت جوه اجتني خالتي
ام علي :هله يمه اشلونك شو ماجيت لاتغديت لاتعشيت
حمزه: خاله مالي خلك لشربة الماي مو انوب اكل
ام علي :يمه هذوله جهالج فرفحو مايقبلون يرضعون وماتو من الجوع شلون هسه يمه شوفلك حل
حمزه: ليش خاله شبيهم ميرضعون
ام علي :خاله بعدهم صغار ويردون امهم
حمزه: خاله جا شنو اسوي الصار وياي مو سهل ماكدرت اسيطر على نفسي
ام علي :يايمه غير تفهم السالفه في العجله ندامه يايمه هسه انت متشتت وجهالك مطشرين
حمزه: خاله حضري الجهال وغراضهم خل اوديهم لأمهم خاف يموتون من الجوع لما الكالي حل
ام علي :اي يمه الله يسهلك وترد وياك مريتك
حمزه: ان شاء الله خاله
،،
اخذت الجهال وطلعت لبيت اهل افراح
والجهال ماتو من البجي
حسون اختلس الدنيا ليل والجهال هرجوني بالصياح هرج
ساعه وصلت وكفت بالباب هسه شراح يقنع عمي ابو اكرم
خليت الجهال بالسياره يبجون وشلت حسون ونزلت دكيت الباب مرتين شويه وطلع احسان اخو افراح الصغير
احسان :اهلا ابو حسن خير شنو صاير الجهال خو مابيهم شي
حمزه: الله يساعدك احسان لاتخاف الجهال هذوله بالسياره مابيهم شي بس يبجون مااعرف شبيهم فدوه عمي موجود
احسان: اي موجود ادخل خلصيحه
حمزه: لاخليني هنا بس هاك هذا حسن انطي لأمه ذبحني بس يبجي
وهذولاك اخوانه بالسياره صار من البارحه ماراضعين
احسان :اوكف خل اصيح ابوي وادخل حسن واجي اخذهم
حمزه: اي رحمه لأهلك
انتضرت شويه وطلع عمي واحسان اجه يريد ياخذ الجهال لأمهم
ابو اكرم :تفضل امر خدمه
حمزه: عمي حقكم عليه بتكم ذهب صافي اشرف من الشرف واني عرفت الحقيقه والصوج مني لان ماثقيت بمرتي بس خلي نفسك بمكاني عمي من تشوف هيج منضر غيرة الرجل تسيطر عليه ومايشوف كدامه اذا تعلق الامر بشرفه وخصوصا زوجته
ابو اكرم :شوف ابو حسن هذا الكلام لايقدم ولايأخر واني كتلك اذا عرفت الحقيقه راحت تدفع ثمن تسرعك غالي
لان طعنت بأخلاق وشرف بنتي
وهسه ترجع من وين مااجيت وتاخذ جهالك وياك ودز ورقة طلاك بنتي بأسرع وقت
حمزه: على بختك عمي شنو اطلگ شنو اخذ جهالي وين انطي وجهي انه
او وياي اربع اطفال شنو يهونون عليك جهال بنتك هذوله احفادك حتى لو اني مامرغوب بيه بس مااكدر عمي اسوي الي تريده صح غلطت سبحانه المايغلط وتصرفت واخذت حق افراح
مرتي اني مستحيل اتخلى عنها لو اريد اطلگها جان بساعتها رميت عليها يمين الطلاق
عمي الجهال من البارحه ماراضعين يردون امهم فدوه عمي لاتكسر بيه واني مكسور ضهري من الوكت
ابو اكرم :ماشي خلي الجهال عد امهم بس افراح ماترجعلك
حمزه: الله كريم عمي الله يحلها
يله من رخصتك وراي واجب
🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️
افراح :تعشينا وكاعد نشرب جاي شويه وندك الباب طلع احسان طول بالباب
شويه ودخل وبيده حسون
يمه متت عليه ياروح امك منو جابك ليش تبجي يابعد روحي اسكت اني يمك فدوه الك رحت ماما اخوانك وين
احسان :ابوهم جابهم يكول ميرضعون ماتو من الجوع من اجيتي لهسه
افراح :صخام الوجه يمه جهالي حسبي الله على الي كان السبب
احسان :بويه ابو حسن يريدك ماقبل يدخل
ابو اكرم :اي كايم
احسان :خل اروح اجيب الجهال
افراح: طلعو ابوي واحسان ابوي اشوفه
من شباك المطبخ واكف وي حمزه
اوف ياحمزه شكلك تعبان كلبي ملجوم منك معقوله اني الي ربيت على ايدك ماتثق بيه
شويه ودخل احسان جايب نرجس وعلوش ورجع يجيب حسين
ميته على ريحتهم عمت عيني يمه جوعانين فرشتلهم بالغرفه ونومتهم تلاثتهم وضليت ابوس بيهم وارضعهم
امي وزنوبه خطيه نخبصن بحسن يسوله اكل وبعدين ممه حتى ينام
نومت الجهال ونزلت
اجت ايلاف كالت ابويه يصيحلج
رحت للأستقبال
كعدت يم ابوي
وحجالي كل الي صار حمزه حاجيله
كلت الحمد الله طلعت براءتي
ابو اكرم :اي بابا اني كتله يطلگج وانتي بكيفج ضل بس اخذ موافقتج
انوب اتصرف
افراح: بابا اني قررت وهذا الحل احسن شي الي ولحمزه ولجهالي
ابو اكرم :كولي بابا اني وياج بكل قرار
شنو قررتي
افراح: ...

يتبع......
الكاتبه تولا العسكري