رواية الضابط المستبد والخرساء الفصل السابع 7 - بقلم tolaalaskari95

الكاتبه : تولا العسكري
🌺🌺🌺🌺🌺🌺🌺

أحبگ فوٰق الحب
الفاً وٰآتنفسگ صمت
وٰشـوٰق وٰجنٰوٰن وٰلـآ أگتفي❤️

قراءه ممتعه
،
،
باقر :بعد مطلع عمو ابو اكرم حتى يشوف رأي
زينب
شويه ودخل
ابو اكرم :الف مبروك عمو باقر زنوبه وافقت
الكل : الف مبروك
باقر :الله يبارك بيكم

افراح : بعد مطلكني عمو عماد
والبنات بقن لان ولد عمي رادوهن
اكرام جانت فرحانه ب ايوب
بس زينب حبست نفسها وضلت تبجي
راحت امي عليها تحجي وياها
ام اكرم :شبيج ماما شنو متريدين تزوجين
زينب :يمه اني مااريد باقر مااريده واصلا بعدني صغيره اريد اكمل دراستي
ام اكرم: اي يمه ميخالف كملي بيت عمج وابوج تره كلهم ع الدراسه وباقر معنده اشكال بالموضوع
زينب :يمه فدوه مااريده
ام اكرم: شنو ماتردينه جا ليش وافقتي من سألج ابوج
زينب :هو هددني اذا موافقت ينهى عليه ويبطلني من المدرسه
ام اكرم:بأبتسامه لاتخافين ميبطلج كال هالشكل بس حتى يخليج تخافين
شوفي يمه هذا ابن عمج احسن الج من الغريب
ومدام رايدج وغصبج ادللي عليه
صدكيني يمه ماراح تندمين
ادري بزوجة عمج ام باقر تريد ازوج ابنها على مزاجها بس مدام هو رايدج وفضلج على بت خاله اكيد يحبج ومراح تخسرين
زينب : 😔
ام اكرم: يله حبيبتي كومي امسحي دموعج وغسلي
زينب :ماشي يمه

في جانب اخر ✔✔
حمزه :كنت كاعد بالمكتب وندك الباب عليه
كلت ادخل ،،،
العسكري :سيدي اجيت اكولك على المعلومات الي طلبتها
حمزه :اي كول شنو شفت سمعت
العسكري :سيدي صار فتره اراقب لاحظت اليوم اجو عمامهم وبعد نص ساعه طلع ولد عمره بالاربعين تقريبا
جاب شيخ ودخلو للبيت
حمزه بفرح :تمام روح انت
العسكري :حاضر سيدي
حمزه بداخله وهو مبتسم 😀 :اكيد اجو عمامهن طلكو البنات بس اني لازم اتأكد انو افراح اطلكت احتمال مطلكوها بس اخواتها
لازم اصرف
واتأكد
،،،،
صارت الساعه ب 2 خلص الدوام ورجعت للبيت رحت بست امي وسلمت على خالتي
وصعدت ابدل
شويه وصاحت خالتي يمه حمزه تعال تغده
نزلت تغديت وضلينه نسولف اني وخالتي
ام علي :حمزاوي يمه انت تبقى هيج
حمزه بعدم انتباه :ليش خاله شبيه
ام علي : يمه ليش متشوفلك بنية حلال
تزوجها هم الك وهم لامك وهم تسكت الناس
حمزه بغضب وانفعال 😡:شنوو خاله ليش الناس شعليها وليش حتى اسكتهم
انتي سامعه شي يخصني ليش حتى اسكت الناس احجي خااااله
ام علي بخوف وارتباك:لا يمه ماقصدي والله هيج بس علمود امك
حمزه بصياح :احجي خاله
ام علي :بس استهدي بالرحمن راح اكلك
حمزه :اسمعج خاله
ام علي :يمه انت من طلكت بت عمك وماجزت عليها ولاصارت مرتك بالفعل لهذا من ازوجت ابن خالتها وابن خالتها يصير جوارين ام عمر حماتي لهذا البارحه اني عدهم وسالفه منا وسالفه منا
كالت انو بت عمك جايتهم مسيره عليها سائلتها عليك كالتلها ماازوج
كالتلها لا
راده عليها وكايلتلها مراح يكدر يزوج لان هو مو رجال وميكدر على المره
حمزه بهستيريه :ياكلبه ياسافله اني مو رجال اني اعلمهم اذا ماكسرت خشومهم
مااطلع اني اذا مااخليها تتمنى الموت هي وامها مااتسمى ابن ابوي
ام علي: يمه فدوه هدي اعصابك خل تولي حجت هيج لان مقهوره منك ولان شمرتها شمرة الكلب وعفتهم
حمزه بعصبيه :يصير خير خاله يصير خير
ام علي: يمه فدوه اروحلك لاتتهور
حمزه :خاله انتي مو ردتي الي مره
اني راح اجيب مره
ام علي: يمه هي مو بالعناد لااجيب وحده وتكسرها وياك لمن تقتنع وازوج اني صوجي افتح موضوع الزواج وياك
شنو ذنب بنت الاوادم وياك
حمزه :ديري بالج على امي خاله لاتهتمين لامري اني اعرف اصرف
يله اني راح اصعد ابدل واطلع
ام علي: براحتك يمه بس لا اضوج
حمزه :صعدت حتى ابدل واطلع لان دمي فار واختنكت
اني هاي المنحطه الحقيره تكول عليه هذا الحجي
بهذيج اللحظه تخبلت وحقدت حقد على جنس حواء
اجت كبال عيني افراح كلت مالازم اتأخر اكثر
لازم افراح تصير الي
اولاا اثبت رجولتي واكسر خشم هاي الحقيره
ثانيا امي محتاجه وحده تعتني بيها
وخالتي تلح عليه
بدلت وطلعت رحت لخالد
وحجيتله الحجي لان هو مو بس صديقي هو اخوي من ايام المدرسه
خالد:حمزاوي فدوه لاتسرع خلي تولي تحجي بوحدها محد يصدكها
حمزه:خالد تدري اشون يحس الرجال من تتهمه مره برجولته محد يحس بلي احس بي
خالد :حمزه بس افراح ماالها ذنب وراح تدمر وياك وهي انسانه ماتنطق والله راح تتندم
حمزه:خالد شبيك تره اني مراح اذبحها راح ازوجها واخليها تهتم بامي
خالد:حمزه انت ماتحب النسوان وحاقد عليهن
اعرف بيك راح تزوجها حتى تحاسبها على غلط غيرها
ليش متروح تحاسب بنت عمك وامها على الي سونه بأمك
عوف افراح حمزه خطيه
حمزه:خالد ماااكدر اول مره اقتنع ارتبط بمره واخليها ابالي وافكر بيها بعزلتي
لهذا مااكدر اعوفها
خالد:ماشي شراح تسوي هسه
حمزه :راح اروح اخطبها من ابوها
خالد:اني اروح وياك حتى ماتصرف بغضب وانفعال
حمزه :وليش الغضب راح اروح اخطب لازم افرح
خالد:حمزه خلي اكون واقعي وياك افرض ابوها مقبل افرض هي مقبلت شراح تسوي
حمزه بغضب:شنو ميقبلون اني محد يرفضني
خالد:حمزه بس هاي بتهم وتعرف بيها خرسه ويخافون عليها وبعدين بعدها صغيره 16 سنه وانت 36 تره هواي فرق
حمزه :لاتخاف اني اصرف
خالد:حمزه الناس البيها مكفيها هسه طلعو من مصيبه وابنهم غايب عنهم ومعدوم غيابي
لاازيدها عليهم وتره البت عدها اخوان وعمام و ولد عم معايفينهم وميرضون بالخطأ
حمزه :كل هذا ميهمني كتلك اخذها وراح تشزف وبدون مشاكل هم
خالد:بكيفك الي تشوفه سوي بس هلله هلله بالبنيه
حمزه :ان شاء الله خير

افراح :بعد منخطبن البنات وامي ضلت اجهز علمود الخطبه تصير رسميه
ابويه راح لدوام
وامي طلعت لسوك حتى اجهز للبنات والبنات راحن للمدرسه اكرام وزينب صباحي
بقيت لوحدي بالبيت بس اني والبنات الاصغار
ايلاف واطياف يلعبن بالغرفه
رحت انظف الطارمه واغسلها رفعت دشداشتي وشغلت الماطور مال المي وضليت ارش
بالطارمه وضليت اكنس بالمي وانظف مااحس الا اندك الباب
رحت للبنات تفتح وحده منهن تفتح الباب
راحت اطياف تفتح الباب
راحت اطياف تفتح الباب
اني رحت وراها شفت الصونده تجري
رحت دنكت عليها حتى اشيلها
ماسمعت غير اطياف تصيح افراح
اني رفعت راسي مااشوف الا اطياف مشرعه الباب
وكبالي 2 زلم
واحد اذكرته هو نفسه الضابط الي اجانه بالمداهمه الاولى و واحد وياه مااعرفه
اني ضليت ارجف بمكاني
خجلت من مكاني
رافعه الدشداشه وكلها ماي ورجليه طالعات
وكنت مدنكه الله اعلم شنو اشون شافوني
شويه ماحسيت لان هذا الضابط صاح بعلو صوته
ادخلي جوه بزمخه
متت من الخجل والخوف
دخلت للمطبخ شويه واجت اطياف
ضربتها على راسها واشرتلها
ليش تفتحين الباب
اطياف :اوي افراح لااضربين شبيج غير همه سألو على بابا
خفت عبالي يعتقلون بابا لان لابسين مثل الشرطه وصحت عليج من خوفي
ومانتبهت للباب مفتوح
افراح:روحي كليلهم بابا ماموجود بالدوام يجي ب 3
،،،
راحت اطياف تخبرهم
واجت كالت كتلهم كالو نرجع العصر
افراح :حسيت بخوف كلت بس لا ياخذون ابويه لسجن مره ثانيه
بعدين رحت سويت غدى على ماتجي امي

🥰🥰🥰🥰🥰🥰🥰🥰🥰🥰🥰🥰
حمزه :بعد محجيت ل خالد قررت اروح اخطب
افراح وخالد كال اروح وياك
ثاني يوم الصبح رحت لخالد حتى نروح لأبوها
مردت ادز نسوان ردتها تصير شغلة زلم وجها لوجه بلكي يخجل مني ابوها وينطيها لان اني مقصرت وياه من رادو يعتدون على افراح بالسجن
اني ساعدت افراح شغلة غيره وضمير لان اصلا مكنت مفكر اخطب افراح
بس هسه تغير الوضع
كعدت الصبح بدلت ورحت على خالد حتى نروح لأهل افراح
ركبنا بسيارتي ورحنا
وصلنه
دكيت الباب مره ماكو بس جاي اسمع
صوت جوه اكيد موجودين
شويه وفتحت الباب بنيه صغيره
كتلها عمو وين بابا
اشو البنيه نرعبت وخافت انوب شرعت الباب على كبره
ودارت صاحت افراح
مااشوف الا افراح كلها مي وملابسها لاطشه عليها بلا حجاب ورافعه الدشداشه ورجليها طالعات انوب مدنكه على الصونده لو مدنكه اكثر جان بينت ملابسها الداخليه
اني فار دمي ودي اطيح حظها على هاي السالفه لان خالد وياي
زمخت عليها وصحت بيها ادخلي جوه
بسرعه دخلت جوه
ضلينه شويه ورجعت البنيه كالت بابا بالدوام وب 3 يرجع
ركبنا السياره ورحنا
خالد:هي هاي افراح
حمزه بغضب :اي
خالد :حقك يابه تتخبل
حمزه :خالد لا اجيب طاريها
خالد : ههههه ماشي اعتبرني مشفت شي ولا اجيت وياك بس هدي اعصابك روميو
حمزه :خالد لا تصنف عليه فورت دمي
خال:يمعود البنيه ممنتبه وبعدين الصوج بالصغيره هي فتحت الباب على كبره وهي لو تريد جان فتحت الباب بنفسها مدزت اختها
حمزه:تمام بس لو واحد غيرنا جاي عليهم شنو صار
جان ذبحتها
خالد:ههههه على كيفك حمزاوي هاي بعد ممزوجها وهيج لو ازوجتها وحبيتها شنو تسوي
حمزه: خااالد كافي
خالد بأبتسامه :صار ياعريس سكتت 😂

افراح : بعد مراحو هذولاك الزلم
شويه واجت امي
كتلها عليهم
ام اكرم: خير ان شاء الله مانخلص من هالمصيبه خايفه على الرجال لا ياخذونه ويضيعون اثره
افراح :خفت كولش
صارت ب3 رجع ابويه من الدوام
خلينه الغدى وتغدينه
وامي خبرته على الزلم الي اجو عليه
ابو اكرم :ان شاء الله خير
بس لا عدهم خبر على اكرم دخيلك ياربي
ام اكرم: لا ان شاء الله ماكو شي
افراح :رحت سويت جاي
شرب ابويه وامي وراحو ينامون شويه
اني رحت سبحت ومشطت شعري وخليت شويه كحل
ورحت اسوي داطلي لان البنات طلبن مني

صارت الساعه ب 5
اندك الباب
راح ابويه يفتح الباب
ضليت اتباوع من شباك المطبخ لان برده عليه محد يشوفني
فتح ابويه الباب ودخل نفسهم الزلم الي اجو الصبح
كلبي نقبض من الخوف
دخلهم ابويه واجه كال بابا حضري المي والجاي
وراح كعد يمهم
حضرت الجاي والمي اجه ابويه اخذاه
وراح
ابو اكرم :حياكم الله سيادة الرائد
حمزه :حي الله من كال ابو اكرم
ابو اكرم :حياك الله وليدي
خالد :حياك الله ابو اكرم
حمزه :ابو اكرم هذا خالد اخوي قبل ميكون صديقي جبته واجيت رايدك بموضوع
ابو اكرم بخوف:خير ابني سمعتوشي على اكرم شنو لزموه
حمزه :لا ابو اكرم اكرم مامنه اخبار ولا لزموه اصلا بعد ميرجع لان بس يرجع يعدمو
ابو اكرم :ان شاء الله خير
خير وليدي شنو الموضوع انت تأمر اني ماانسه فضلك عليه
حمزه:لا ابو اكرم هذا واجبي
بس اني اجيت اطلب منك واتمنى ماتردني
ابو اكرم: انت تأمر سيادة الرائد عيوني الك
حمزه :اني جاي طالب بنتك فرح زوجه الي على سنة الله ورسوله
خالد:عمي حمزه انسان ملتزم وخلوق ومناقصه شي
ابو اكرم :والنعم والله بدون متكولي اعرفه
حمزه :عمي اني اريد اكولك على شغلتين
لازم تعرفهن وهي ،،،
اني كنت مزوج بنت عمي قبل بس مصار بيناتنه شي عشنا مثل الاخ واخته وطلكتها وراحت ازوجت يعني ماكو داعي لأي خوف على فرح منها
الشغله الثانيه ،
عندي امي مره معوقه وتحتاج مداراه واهتمام
لهذا خلي الامور واضحه كدامكم
ابو اكرم:وليدي انت لا اول واحد ولا اخر واحد يزوج وينفصل
وبعدين امك تخليها تاج على راسك و راس زوجتك ومن واجب زوجتك اداريها بماي عيونها لان هذا قليل بحق الام
ابو اكرم :شوف ابني اني صح افراح عزيزه من عز الهوا ومامفكر ازوجها لان انت تدري بيها خرسه واحس الزواج راح يضلمها وانت رجال
تريدلك مره تحجي وياك تناقشك تكولك كلمه حلوه تخبرك بالصغيره والجبيره لهذا افراح متلائمك انت تعرف هذا الشي احنه اهلها ونعرف نصرف وياها لان تعودنا عليها بس انت صعبه تتعود عليها وتالي مااريد بنتي ينكسر خاطرها وتالي انت تمل منها
حمزه:عمي اني اعرف بكولشي واعرف افراح خرسه ماعليك عمي اني قابل بكولشي مراح اخليها تحتاج شي ولا راح امل صدكني
اني قابل
ابو اكرم :مااعرف شنو اكلك بس لازم اخذ رأيها
حمزه:اي من حقك عمي اخذ راحتك
يله احنه نترخص بعد 3 ايام ارجع اخذ الرد
ابو اكرم : حياكم الله نورتونا زارتنه البركه
خالد وحمزه:تسلم يله مع السلامه
ابو اكرم :الله وياكم ولدي

افراح :بعد مراحو الزلم
اجه ابويه تلكته امي
ام اكرم:خير ابو اكرم شنو صار ابني خو ماعليه شي
ابو اكرم: لاتخافين ماعليه شي

افراح بابا تعاي اكعدي عندي موضوع وياج
ام اكرم:خير شتريد من افراح شبيها
ابو اكرم: اصبري يامره
شوفي بابا فروحه هذوله الزلم اجو عليه واحد منهم ضابط هو نفسه الي نقذج وسوالج عمليه وحماج من هذولاك الشرطه السفله
هذا رائد حمزه اجاني طلبج لزواج
ام اكرم: اشون يطلبها هو مايعرف شنو وضعها
ابو اكرم :اي يعرف وهو كال اني قابل بكولشي
ام اكرم: والله هو زلمه معدل وماعلي تعيوب بس خاف تالي يمل
ابو اكرم :اني كتله بهذا الحجي وكالي لاتخاف كولشي الي تريده افراح اسوي
بس هو كلي انو هو جان مزوج ونفصل وزوجته ازوجت بعده
وكال عنده امه معوقه ومحد الها وانتي بكيفج بابا
افراح: يحجون واني بس صافنه اصلا اخاف منه اشلون ازوجه 😩
ابو اكرم :بابا هو كال 3 ايام واجي اخذ الجواب
فكري انتي وتره محد يجبرج خليها ابالج واني موجود
افراح : هزيت راسي ب اي

حمزه :مرت 3 ايام بين دوام وبين البيت وخالد
ومجبت خبر الخطوبه كدام احد حتى امي وخالتي بس خالد يعرف
اليوم لازم اروح اخذ الجواب
خالد كال اروح وياك
صار الوقت العصر بدل ورحت لخالد حتى نروح لبيت اهل اراح
ركبنا السياره
ورحنا لبيتهم
استقبلنه ابوها ودخلنه ضيفنه الضيافه
حمزه :الله بالخير عمي
ابو اكرم: الله بالخير والعافيه ابني
حمزه :عمي تدوي انت سبب جيتي
ابو اكرم: اي ابني ادري جاي تاخذ الجواب
حمزه :اي عمي
ابو اكرم :شوف ابني ،،،

الكاتبه : تولا العسكري

تنزيل البارت صار كل يومين
تحياتي