رواية الضابط المستبد والخرساء الفصل التاسع 9 - بقلم tolaalaskari95

الكاتبه:تولا العسكري

لتـكلي هـاك رمـوش
شـد بـيه الـظلـوع
الـرمش لـو بـي خـير
جـا كض الـدموع 💔

افراح :بعد ما اجو حمزه واهله ودخلو وخطبوني رسمي وبده الشيخ يعقدلنه

امي اجت عليه كالتلي
ام اكرم :كومي يمه البسي العبايه البيضه على ملابسج راح يجي الشيخ ياخذ موافقتج
افراح :رحت لبست على ملابسي ورحت للغرفه وي امي شويه واجه الشيخ هو وابويه
ابو اكرم: بابا فروحه هذا الشيخ يريد ياخذ موافقتج ويعقدلكم راح يردد الكلام اذا موافقه اشري براسج
الشيخ :بنتي اسمعي زين وانطيني موافقتج
افراح :ضل الشيخ يردد كلام وبعدين اشرت براسي بالموافقه
الشيخ :مبروك بالرفاه والبنين
افراح:بس كال الشيخ مبروك مااسمع بس الهلاهل مال النسوان وامي اتباوعلها مدمعه عيونها
بعدين باركولي عماتي وزوجات عمي وبيبي
والبنات
حمزه:بعد مراح الشيخ ياخذ موافقة افراح هو
وابو اكرم
شويه ودخلو كال الشيخ الف مبروك بالرفاه والبنين
ضلو الكل يباركولي
شويه وطلعو الزلم ضليت بس اني وخالد وخالتي وزوجة خالد وام رضا سلوى جوه يم النسوان
دخلت علينا خالتي كالت تعال يمه لبس البنيه الذهب
كمت وي خالتي دخلت دخيل الله النسوان صايره ملحمه واني اكثر شي اكرهه بالوجود النسوان
رحت كعدت يم افراح مغطينها كولشي مينشاف منها بصراحه ضجت شنو مغطينها عني غير اني صرت زوجها
شويه واجت وحده من اقاربها ونزعتها البركع وخلتها بس بالفستان
كنت مدنك اجت خالتي كالت هاك يمه هذا الذهب لبسها
فتحت علبة الذهب واخذت منها الحلقه
ودرت عليها اريد البسها
ونصدمت بيها دخيل الله هاي ليش هالكد حلوه
شنو هذا الجمال
سحبت ايدها واني اتباوعلها وهي ترجف تكول سعفه ضاربتها عاصفه تنكت نكت من الخجل ايدها جانت صغيره ضاعت بيدي لبستها الحلقه وسرحت بيها ماحسيت الا امها يمها تنطيها الحلقه حتى تلبسني
ضلت لازمه الحلقه وترجف
اني بسرعه كسرت خجلها وخليت ايدي على ايدها هي رفعت راسها اجت عينها بعيني ياريت مارافعتهن يكتلن كتل
هزيتلها براسي يعني يله لبسيني الحلقه
هي ضلت ترجف كوه لبستني الحلقه
بعدين اني لبستها الكلاده واصعب موقف هو من لبستها الكلاده
بحيث من لمست ركبتها حسيت بحساس اول مره احسه من اتباوع على مره
نسيت نفسي بعدين انتبهت لبستها باقي الذهب
شويه وكتلهم اترخص اني كمت وكفت وسحبت ايدها وكفتها وياي وبستها براسها كدام الكل
لان مااريد اي احجايه تجي عليها او عليه بحجة ممهتملها او او هو مراغبها
من هاي سوالف النسوان
المهم طلعت شويه كعدت وي ابو اكرم اني وخالد حجينه
بعدين صحت على خالتي والبنات وطلعنه
🥀🥀🥀🥀🥀🥀🥀🥀🥀🥀🥀🥀🥀🥀
افراح:بعد معقدنا وصرت زوجته اجاني شعور حلو انو اول مره راح يصير على عاتقي مسؤوليه واصير بنيه مزوجه وتصير عندي عايله واطفال
شويه كعدت وبعدين كالو راح يجي العريس يلبسها الذهب
متت من الخوف
ضليت بالبركع لان خفت وخجلت يتباوعلي بهذا الفستان
شويه ودخل اجه كعد
اجت عمتي فاتن نزعتني البركع
واني متت لو يضربوني طلقه متطلع مني قطرة دم اجت خالته انطته علبة الذهب سحب ايدي ولبسني الحلقه اني مدنكه ولا رفعت عيني
بعدين اجت عمتي عهود انطتني الحلقه حتى البسهياه
اخذتها بس ولا كدرت ولا عندي جرأه الزم ايده
اشو هذا ما احس الا خله ايده على ايدي وبحضني
اني رأسا رفعت عيني عليه صارت عيني بعينه
اشرلي يعني يله لبسيني الحلقه
اني كوه بالصلاوات يله دبرتها ولبستها انوب هو
لبسني الكلاده بس من اجت ايده على ركبتي حسيت متت وجسمي كزبر
لبسني باقي الذهب
وكال يله اترخص راح يطلع
كام وسحب ايدي وياه وكومني شويه وباساني بجبيني كدام الكل
وطلع
اجت خالته وياها 2 بنات هم باركلي وبوسني وكعدن
مرت فتره مو طويله وصاح عليهن حمزه حتى يروحون

🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
حمزه :طلعنه من بيت ابو اكرام
خالد وزوجته راحو بسيارتهم
واني اخذت خالتي وزوجة علي رجعنه للبيت
ام علي:اللهم صل على محمد وال محمد شفتي سلوى البنيه جنها غزاله
سلولى:اي خاله تخبل كولش حلوه الله يهني حمزه بيها
ام علي :اي يمه الله يهنيك ويسعدك واشوف خلفتك
حمزه:الله يحفضج خاله
سلوى :تتهنه خويه شايف كل الخير تشوف على وجها السعاده ان شاء الله
حمزه:تسلمين خويه ام رضاوي
ام علي:يمه شوكت نشتري الجهاز للبنيه
حمزه :خاله اني اكمل كولشي ولا يهمج
باجر اجيب الغرفه
وبعد باجر نجهزها حتى تروحين انتي وام رضا ادزن الجهاز

🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
ملاحظه قبل جان الجهاز اهل العريس يشتروه ويدزو للعروس وخصوصا بمحافظات الجنوب
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
حمزه :دزين خالتي وام رضا لبيتهم لان تعبن
ورحت للبيت لكيت الحجيه ام خالد يم امي خطيه ممقصره وياها
رحت كتلها خاله تسلمين تعبناج ويانه
ام خالد: بالمبارك عليك يمه شايف كل الخير وليدي
يا يمه تعبكم راحه ماسويت شي هاي اختي وانت بحسبة خالد الله شاهد
حمزه :الله يبارك بيج رحم الله والديج حجيه
ام خالد:يله يمه زتني (زتني يعني وصلني)
حمزه:شنو السالفه حجيه انتي اليوم عشاج هنا هسه طالع اجيب من المطعم واجي
ام خالد:لا يمه على بختك جاي اجربكم تدي دواي(علاج) هناك واريد اتمدد وانام
حمزه:ماشي خاله من عيوني
رحت دزيت ام خالد لبيتهم ورجعت جبت وياي عشى ل امي عشيتها وانطيتها علاج ونامت صعدت لغرفتي سبحت وبدلت ونمت لان تعبان
من اليوم
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
افراح :بعد مراحو كل الناس حتى عمامي وعماتي مابقى عدنا احد رحت نزعت الفستان والذهب ضميته وسبحت
بعدين نزلت اسوي عشى وي امي
كملنه وصبينه العشى
ابو اكرم :اليوم خابرت على حسنين وحسين
سألت عنهم خالهم ردتهم يجون
مقبل خالهم كال خطر عليهم بعدها السالفه مبردت
وكالي الولد جاي يشتغلون وحسين يدرس ودراسته الحمد الله زينه
ام اكرم:يابعد گلبي يايمه عمت عيني عليكم نحرمت منكم 😭
ابو اكرم: كولي يا الله احسن يجون لهنا وتصير مو خوش وتدرين بأهل الولد المقتول منو يكول ميطلع ولد طايش منهم وياخذ بالثار
خليهم يم خالهم وان شاء الله من يتحسن الوضع يرجعون
ام اكرم: هم كتلهم على خطبة افراح
ابو اكرم: اي وفرحولها هواي وكالو منلحك جااجينه بالعرس بس ماندري بي بهالسرعه
ام اكرم: المهم يكونون بخير بعدين يجون ان شاء الله
افراح:اني بس كاتلني الخجل احس نفسي حديث الساعه
ام اكرم: لازم نجهز لعرسج ماضل وقت
افراح :مر يومين على الخطبه العصر ندك الباب راحت وحده من البنات فتحته شويه ورجعت كالت هذني نسوان بديهن جنط
ام اكرم: ولج اصخام دخليهن هذني خالة حمزه وجنتها جايبات الجهاز
فروحه روحي البسي وعدلي روحج
خل استقبلهم
افراح: رحت بدلت دشداشه ام الاستيكه من يم الصدر لونها احمر وبيها شريط اسود
وضفرت شعري صفح وخليت كحل وعطر
ونزلت اخذت عصير الهن
ام علي: هله بجنتنا هله بفروحه يحرسج الله
ام اكرم: رحم الله والديج ام علي
سلوى:اليوم اجينه جبنه الجهاز مال فروحه هذا كله اختيار حمزه
افراح :😊😳
ام اكرم: الله يحفظه ميقصر ابن اصول
ام علي:بعد هي مريته
🥀🥀🥀🥀🥀🥀🥀🥀🥀🥀🥀🥀🥀🥀🥀
حمزه :بعد مجهزت الغرفه ونصبتها
رحت اشتريت الجهاز لفرح دخلت ماخليت محل يعتب عليه لان مااريد اطلع بالفشله كدام اهلها ويكولون ماجابلها جهاز عليه العتب
لهذا اشتريتلها اشكال بس الملابس الداخليه صعبت عليه لكيت مره طلبت منها وكتلها مال جهاز عروس هي خطيه هم راحت اشترتهن وجابتهن
ماردت احد يدخل بشي خاص بأفراح كولشي يخصها اني تكفلت بي
بعدين اخذيت الغراض وديتهن للبيت لكيت خالتي وسلوى بالبيت انطيتهن الغراض وكتلهن شوفن شنو ناقص حتى اروح اجيبه
ضلن يعدلن بالغراض بالجنط
سلوى :ماشاء الله كلش حلو ذوقك مامخلي شي مجايبه تستاهل فروحه
ام علي: هاي هيه يمه تلبسه بالعافيه مريتك ان شاء الله
حمزه:الله يحفظكم

ثاني يوم رحنا اني وخالتي وسلوى ندز الجهاز
دخلنه النسوان راحن جوه
واني يم ابو اكرم
ابو اكرم :اشلونك ابني
حمزه:الحمد الله عمي
... ..
المهم ضلينه نسولف اني وابو اكرم واتفقنه انو نهاية الاسبوع هذا يعني بعد يومين العرس
ابو اكرم :ان شاء الله خير
حمزه :اتفقنه وسألتهم خاف محتاجين شي وطلعنه واني ماشفت افراح نحرجت اشوفها يم ابوها
بعدين طلعنه
🥀🥀🥀🥀🥀🥀🥀🥀🥀🥀🥀🥀🥀🥀🥀🥀
افراح :بعد مجابو الجهاز وراحو البنات اكرام وزينب وإيلاف واطياف اخذن الجنط للغرفه وفتحنهن يشوفن الجهاز
اكرام :الله هذا شنو يخبل والله باعي فروحه هذا رجلج عنده ذوق ونازك بأختياره
افراح:😊
الجهاز جان كلش حلو ونازك واللوانه حلوه ومن كل حاجه تقريبا 5 اشكال
ابو اكرم :ام اكرم جهزي بتج تره مو باجر عكب باجر العرش
ام اكرم: عليمن مستعجل هو وين نلحك
ابو اكرم :يامره خل البت تمشي بفالها التأخير مامنه خير
ام اكرم :ان شاء الله مثل متريد
افراح :ثاني يوم هو يوم الحنه طبعا هيج حنه بسيطه بيناتنه بالبيت
حمزه مراح يجي للحنه لان احنه ماعدنا هلشي كل واحد يسوي حنته لوحده
اني اجن عليه بنات عمي وعماتي وزوجة عمي ابو ايوب بس زوجة عمي ابو باقر مااجت لان احسها تكرهنا لان باقر عاف بت اختها وخطب زينب
بس بتها اجت حبابه البنيه مطالعه على امها شايله دم عمي وطيبته
المهم لبسني فستان ازرق ربع ردن وعريض يخبل جابته الي عمتي فاتن
وخليت شويه مكياج خلتلي بنت عمي نورس
المهم شغلنه مسجل على اغاني (قبل مكان اكو ديجي 😊)
وضلن البنات يركصن وكومني ركصت شويه وياهن وبعدين كعدت
جابت عمتي عهود الحنه وحنني
بعدين تعبنه رحت بدلت
مااحس الا البنات فوك راسي يردن ينظفن جسمي ويحفني
نضفن جسمي واحس شتعلت نار من الالم بعدين خلصت ورحت سبحت وطلعت لكيت البنات يردن ينامن مدينه فراش ونمنه اني تعبانه رأستا غفيت
🥀🥀🥀🥀🥀🥀🥀🥀🥀🥀
حمزه :بيوم الحنه خالد جاب اصدقائنا الضباط و ابن خالتي علي وسوينه حفله بيت خالد
تونسنه وحنوني وكلمن رجع لأهله بهد الحفله
رحت رأستا نمت تعبان كولش
ثاني يوم كعدت سبحت وبدلت ونزلت لكيت خالتي مخبوصه هي وجنتها يعدلن
وينظفن
صبحت عليهن ورحت لأمي بس اديها وراسها وطلعت رحت للحلاق زينت
ورجعت
طبعا فرضت يكون العرس محدود بين العائلتين بدون هوسه
🥀🥀🥀🥀🥀🥀🥀🥀🥀🥀🥀🥀🥀🥀🥀🥀
افراح :كعدت الصبح البنات هوسه وعماتي وي امي يسون ريوك
افراح بالاشاره :صباح الخير
الكل: صباح النور ياعروستنا
ام اكرم :حبيبتي جهزي نفسج ولمي غراضج راح نتريك وتاخذج عمتج فاتن لصالون
افراح :🙂
رحت سبحت وبدلت وكعدنه تريكنه
بعدين لميت كم شغله محتاجتهن بعلاكه ورحنا اني وعمتي فاتن لصالون
طبعا البدله مال العرس اجرتها عمتي فاتن بيوم الحنه
حلوه بس مو مستوره فاضحه وكله يطلع منها ظهري وصدري
المهم رحنا وبدت بيه ام الصالون لان اني شعري بقى على لونه ماصبغته لان هو اشقر
المهم كملنه طلعنه ولكينه ابويه منتضرنا بره
صعدت واني لابسه عبايتي
ابو اكرم: الف مبروك بنيتي الله يسعدج
افراح:دمعت عيوني وردت ابجي
تلاحكتني عمتي
فاتن:شنو السالفه ولج وين رايحه انتي شوكت متشتاقين لامج وابوج واخوانج يجيبج رجلج هو انتم هنا مسافة نص ساعه
ابو اكرم: اي حبيبتي لاتبجين
افراح :رحنه للبيت جانت الساعه ب 4
كعدت واجن البنات كلهن مبدلات وخالات مكياج طالعات يخبلن
شويه كعدنا صارت ب 5 كالو اجت الزفه
اني متت بدمي من الخوف ضليت مجلبه بيد عمتي
وهي تكولي لاتخافين
🥀🥀🥀🥀🥀🥀🥀🥀🥀
حمزه:بعد مرجعت للبيت صعدت لكيتهن مرتبات الغرفه وفارشاتها وكلها افرشه مال عرس واضاءه حلوه
رحت سبحت ونمت ساعه
كعدت تغديت وبعدين اجه علي وخالد هم صارت ب 4 بدلت
وبعدين اجت السيارات وصعدنه ورحنه لبيت اهل افراح حتى اجيبها
وصلنه ودخلنه استقبلونه ابوها وعمامها
دخلت جوه انطانياها ابوها بأيدي
وبعدين طلعنه ركبتها بسيارتي واني سقت
وباقي السيارات وراي اصدقائي الضباط وعلي وخالد واخوانه
المهم اشوفها بس ترجف من جوه البركع
حجيت وياها
حمزه:شبيج خايفه رخي اعصابج ماكو شي يستوجب هالخوف
🥀🥀🥀🥀🥀🥀🥀🥀🥀🥀
افراح:بعد مدخل ولزم ايدي ابوي وانطاني اله طلعنه اني وياه بس شنو عبالك ماخذيني للاعدام
صعدني بسيارته وهو صعد يمي والباقي ورانه
اجت وياي بس امي وعمتي فاتن
الباقي مرضو اهلي يجن
ضلو يرمون اصدقائه
اني ولا يمي اصلا بالي مو يمهم
شويه وسمعته حجى وكال شبيج خايفه ميستوجب هالخوف
اني :ردت اموته بلحضتها كلت اي حقك انت مجرب الزواج عادي عندك وتبقى رجال مو مثل البنت وخصوصا اذا كانت بنت بيت والتجربه غريبه عليها
المهم وصلنه لبيتهم
جان كولش حلو طابقين
وبي حديقه جبيره
نزلني ودخلني لجوه لكيت نسوان هنه نفسهن
خالته وجنتها وزوجة صديقه تعرفت عليهن بالخطبه و وياهن مره جبيره
كالت اني ام خالد صديق حمزه
باركلي شويه
وحمزه كال
حمزه: كومي وياي
افراح :رحت وياه
اخذني لغرفه دخلنه لكيت مره على كرسي متحرك عرفتها امه كال هاي امي
اسمعه يكلها يمه هاي جنتج
اني من شفتها حسيتها مثلي هي فاقده شي واني فاقده شي
افراح: اني رأستا رحت نزلت كدامها على رجليه ولزمت اديها وبستهن وضلن دموعي ينزلن
هو تفاجئ بتصرفي وخالته هم تفاجئت
بعدين حسيت عليها ضغطت على ايدي
شويه واجت خالته
ام علي: لايمه بعد عمري لاتبجين يا ام گلب الحنين ..سلوى اخذيها لغرفتها ترتاح
سلوى: يله فروحه تعاي

الكاتبه :تولا العسكري