رواية الضابط المستبد والخرساء الفصل الثالث والعشرون 23 - بقلم tolaalaskari95

ويجيني الليل
ويفز شكو بروحي
سوالف جنت ناسيهن
واصيحن ااااخ
ماضلت اصابع
حتى اعض بيهن

الكاتبه :تولا العسكري
حمزه :صادف عندي دوام خفر ودعت افراح ورحت لدوام بس ضل بالي يمها لان خالتي ماموجوده راحت لنجف وسلوى مشغوله بيتها
ضليت قلق على افراح خاف يصير شي عليها وهي متعرف تصرف
بعدين كلت اكمل شغلي ويصير العصر اخذ اجازه واطلع للبيت اخاف اشلون تبات لوحدها
كملت شغل وصارت صلاة المغرب رحت خليت ضابط بمكاني بديل
وطلعت للبيت
وصلت للبيت فتحت الباب ودخلت السياره للبيت ونزلت دخلت للأستقبال
ونصدمت ب افراح بالگاع ومليانه دم ودشداشتها مرفوعه ورجليها كلهن طالعات وملطخات دم
خفت اريد اتحرك يمها جمدت رجليه من الارتباك والمنظر حتى شفايفي يبسن رحت ركض الها
شلتها خليت راسها بحضني وضليت اضرب بخدودها
فاقده الوعي
تباوعت يم رجليها لكيت طفل بعده على حاله كله دم وحبله السري مرتبط بي ضليت ارجف
ضليت اصيح
افرااااح اكعدي ولج اكعدي شبيج نايمه يله فروحه اكعدي اني اجيت
ضليت اصيح ومرتبك وخايف من منضرها
ركضت على التلفون خابرت على بيت خالتي
رد علي كتلها دز سلوى بسرعه افراح جايبه بالبيت لوحدها وعدها نزيف والطفل وضعه مااعرف شبي
علي :اهدء حمزه هسه نجيك(تولا العسكري )
حمزه: بسرعه لخاطر الله فاقده الوعي بسررررررعه
سديت التلفون ورحت ركض للغرفه جبت جراجف اغطيها نزلت
غطيتها ولبستها حجابها مااكدر احركها اخاف مو زين عليها
بعدين اجت عيني على الطفل رحت يمه مرتبك
مديت اديه علي شلته بين اديه مااعرف شصار بيه فرح وخوف وارتباك
محسيت الادموعي نزلن
مااعرف بي عايش او ميت بس گلبي ضل يرجف من لزمته
نزلت راسي يم اذنه وكبرت بأذنه
وسميته حسن على اسم والدي
شويه واجت سلوى دخلت وعلي بقى بره
سلوى: اصخام شنو شبيها فروحه
حمزه: اجيت لكيتها جايبه وفاقده الوعي
سلوى :بسرعه شيلها لسياره خلي نلحك عليها صاير عدها نزيف
واني راح الم الطفل بجرجف والحكك لازم تشوف وضعهم دكتوره
حمزه: شلت افراح واخذتها لسياره واجت سلوى شايله الطفل صعدت يم فروحه
وطلعنه للمستشفى وعلي كال راح الحگكم
وصلنه واخذوهم لصالة الولاده
الدكتوره: شبيها
سلوى :دكتوره جايبه بالبيت مكان يمها احد زوجها بالدوام وهي جايبه لوحدها
الدكتوره :تمام
حمزه: راحت الدكتوره ل افراح واني اروح منا واجي مناك فرفحت من الخوف
شويه وطلعت الدكتوره
حمزه: بشري دكتوره مرتي شلون صارت
الدكتوره :الحمد الله على سلامتها وقف النزف ونضفناها الحمد الله وضعها تمام والطفل ماشاء الله متعب امه ومسبب عدها نزيف
وزنه جبير يتربى بعزكم
الحمد الله صحته كولش زينه
زوجتك شويه وتكعد تكدر تبقى يمها وبس تكعد ودولها الطفل ترضعه
حمزه بأبتسامه :شكرا دكتوره
الدكتوره :لاشكر على واجب الحمد الله على سلامتهم اخذو راحتكم
سلوى: الف مبروك خويه ان شاء الله تشوفه عريس
وباعلى المراتب (تولا العسكري )
حمزه :الله يبارك بيج ام رضا رحم الله والديج
سلوى :روح شوف مرتك واني راح اشوف الطفل
حمزه: رحت لغرفة افراح دخلت لكيتها نايمه تعبانه والوجه اصفر مثل الليمونه والشعر على خدودها يلمع وعركانه من التعب
رحت يمها شميتها وبستها و وخرت شعرها
ولزمت ايدها ضليت ابوس بيها
فروحه حبيبتي اكعدي ليش لهسه نايمه
ولج شلون تحملتي تجيبين لوحدج
تعبتي وخفتي لوحدج ياغاليه ياريتني جنت يمج
ام حسن كعدي شوفي حسن يشبهج
،،،،،،
افراح :بعد منزل الطفل فقدت مادريت شصار
بعد فتره حسيت على احد لازم ايدي ويحجي يمي
فتحت عيوني لكيته حمزه
حمزه: الحمد الله على سلامتج ام حسوني
افراح :ح ححح حمممم م ز ززه
حمزه بصدمه : فروحه انتي حجيتي هااا حبيبتي حجيتي
افراح بالاشاره :اي
حمزه :فدوه يروحلج حمزه لاتعبين نفسج لاتحجين بعدين بس تصيرين زينه اخذج لدكتور يشوف صوتج
افراح بالاشاره :حمزه ابني وين
حمزه :هسه اجيبه الج ترضعينه حبيبتي هو هم تعب وياج وهسه جوعان
سلوى يمه راح اجيبهم واجي
افراح بالاشاره :اي
شويه راح حمزه ورجع شايل الطفل
يا الله شكد حمزه فرحان وشايل ابنه بيده الله يهدي علينه
اجاني وخلاه بحضني وكال
حمزه :حبيبتي ارضعي جوعان
افراح :انتبهت على حمزه كل ساع وكال حبيبتي
اني فرحانه (تولا العسكري )
سلوى باركتلي وتحمدتلي بالسلامه
بعدين طلعت صدري ورضعت ابني شعور يخبل
وحمزه يمي كاعد شويه وندك الباب
محسيت الا حمزه شمر عليه الجرجف لان صدري طالع
تغطيت بالجرجف
دخل علي زوج سلوى تحمدلي بالسلامه وبارك لحمزه على حسن وكال تسمحولنه الجهال وحدهم بالبيت
حمزه :مشكورين ابو رضا مقصرتو
علي: تدلل ابو حسن الذهب
حمزه :رحم الله والديك علاوي
افراح :راح علي وسلوى
ضل حمزه يمي كل شويه وباساني
حمزه :راح اخذ اجازه 10 ايام اضل يمج
افراح بأبتسامه :اي
حمزه :انطيني ابني خل اشبع منه
اوووف شكد عزيز البزر ماجنت اعرف
ولك حسون صارلك كم ساعه اجيت لدنيا اخذت معزتك من ابوك
افراح شفت حمزه فرحان بحسن كلت خلي احسسه بوجودي واشوفه صدك يحبني
جاي يبوس بحسن بزيته بأصبعي بخصره
التفت عليه
(تولا العسكري )
حمزه :هاا فروحه
افراح بالاشاره :بس حسن عزيز واني
حمزه :ههههه ولج فروحه تغارين من ابنج
افراح بالاشاره اي
حمزه :اني سامع الي يغار بس الي يحب 😚
افراح بخجل وخوف :ااااا ح ححببك
حمزه: اوف يابويه تحبيني
ولج من يوم الي اجيتي بحياتي وشفتج خليتيني انسان ثاني لميتيني
ضليت احسب لحياتي حساب وافكر بالعائله والمسؤوليه
ولج انتي جبتيلي احلى شي حسون
الي اني ماجنت رايده وانتي اصريتي عليه وتحملتي كولشي وجبتي وضحيتي بنفسج وصحتج علمودي ضربتج وسكتي اغتصبتج وتحملتي
صقطت ابنج وسكتي
كل هذا بجهه وحبج بجهه
فروحه :اني اموت عليج انتي راعية بيتي وام ابني واول مره المسها
الوحيده الي طلعتني من انتقامي
ام حسوني احبج
افراح :طرت من الفرح بكلامه ادنيت يمه وحضنته وهو ضل يبوس براسي وحاضني
بعدين اجت الدكتوره وكالت الصبح اطلعين وضعج تمام
حمزه: راح اجيب عشا نامي وارتاحي دربالج على حسن شويه واجي
افراح بالاشاره :اي
حمزه :هواي اشياء صارت بهذا اليوم حلوه
اولها ابني حسن وفروحه حجت واعترافها بحبي
احس ملكت الدنيا عفتها ترتاح ورحت اجيب عشا لان تعبت بالولاده وهي لا غدا ولا عشا تحتاج تغذيه علمودها وعلمود
ترضع حسون
جبت عشا وتعشينه ومر اليوم
ثاني يوم طلعت فروحه وحسون للبيت
لكينه سلوى خطيه منظفه البيت ومحضره كولشي لفروحه
خابرت على بيت ابو محمد حتى يوصل خبر لأهل افراح يكلهم افراح جابت
مر يومين اجو اهل افراح وكيفو بحسن وفرحانين لان اول حفيد الهم ومن درو افراح حجت فرحو اكثر منها
مر 3 ايام راحو اهل افراح
اجت خالتي ام علي مكيفه ب حسن
وباركتلي وباركت لأفراح
بعدين خلصت اجازتي وافراح صارت زينه
تعلقت بحسن هواي مااكدر اعوفه ولا لحظه لو مادوام جان ضليت يمه
اتفقت اني وافراح بس ارجع من الدوام اخذها لدكتور علمود يشوف وضعها ويتعدل كلامها
كاعدين اني وافراح
وندك الباب
رحت فتحت الباب وتفاجئت 😞

...........يتبع ✍️

تولا العسكري ✍️

❤️✨❤️✨❤️✨

تفاعلكم يسعدني