رواية الضابط المستبد والخرساء الفصل الحادي وخمسون 51 - بقلم tolaalaskari95

اعذرني خاف تغيرت
تعبان من الطيبه
الما يجيبه الشوك الك
ماضن رساله تجيبه
مابين اكولن ماتفض
مابين اكولن تكظي
ساعات اعاتب بالصور
ساعات اعاتب حظي
خليني اعيش لوحدي
خليني اضوك الوحده
مابيه اشوفنك بعد
كتال شايل ورده
مر بيه ريح وي الحلم
يالماكلتلي شلونك
تلكاني واحد ملتهي
يرسم بذيج عيونك

الكاتبه تولا العسكري
حمزه: بعد مخلصت خطبة ايثار وعماد عم افراح بقت عدنا بيبيتها وعمها خلصنا العشا وجنا نحجي اني وعماد شويه ورن التلفون
رديت اجاني صوت بنيه
زهراء :عمو حمزه اني زهراء بنت عمك وائل بابا اخذ ماما حالتها خطره يكولون حصير عدها ولاده مبكره واحنه وحدنه بالبيت كال بابا خابرو على ابن عمجن يجيكم للبيت
حمزه: اهدئي بابا هسه جاي لاتخافن خمس دقائق يمجن اني
رحت لخالتي ام علي كتلها
يله خاله كومي خل نروح للمستشفى
ام علي :يمه اسم الله شصاير منو بالمستشفى
حمزه: مرت عمي وائل صاير عدها ولاده مبكره وحالتها حرجه
ام علي :يع يمه اصخام
افراح: يااا خاله بعدها بنهاية السابع
ام علي :اي يمه وهسه منو وياها
حمزه: بس عمي وائل والبنات بوحدهن
يله خل اخذج للبيت نجيب سلوى وعلي يمهن واحنه نروح للمستشفى
ام علي :اي يمه ت اوكفلي خل البس جواريبي وعبايتي
حمزه :يله خاله بسرعه منتضرج بالسياره
افراح :طلع حمزه لسياره ولحكته حبيبي خل اروح وياكم
حمزه: لايابه عندج 4 اطفال اصغار وبيبيتج وعمج هنا زحمه يضلون وحدهم
افراح :جاا اشلون هسه
روحي يمهم اكعدي زحمه واني راح اروح اطمئن على الوضع وارجع بالليل
انتبهي على جهالج افراح
افراح :ماشي ان شاء الله تكوم بالسلامه
حمزه: ان شاء الله
ام علي :يله يمه امشينه
افراح: صعدو وراحو واني دخلت يم بيبي وعمي عماد
ام عماد :لاتخافين عليها يايمه ان شاء الله تكوم بالسلامه جزه خطرها مدام بسابع الله يرزق ابو زينب الولد الصالح
افراح: امين
ضلينه نسولف والجهال كعدو رحت سويتلهم مميات واني اخذت علاجي
ورحت فرشت لبيبي بالغرفه الثانيه هي وايلاف وعمي فرشتله بالاستقبال
لان تعبان وباجر وراه عقد محكمه الله يسهل اموره ان شاء الله
اني نيمت الجهال وتمددت على الجربايه منتضره حمزه
حمزه: اخذت خالتي لبيتهم جبنه سلوى وعلي حتى يروحون يم البنات
اخذناهم ورحنا لبيت عمي وائل لكينا زينب وزهراء وعذراء بوحدهن وخايفات على امهن
كتلهن لاتخافن هاي سلوى وعلي يمجن احنه راح نشوف امجن شنو وضعها ،،زينب ماقبلت الا تروح ويانه
اخذناها وطلعنه وصلنه للمستشفى لكينه
عمي وائل بالباب مال صالة الولاده
وائل: هاا عمو شجابكم
حمزه: هاا عمي الله يساعدك بشر ام زينب شلون وضعها
زينب :بابا فدوه امي بيها شي شكالن الدكتورات
وائل :والله عسرت ولادتها لان بالسابع وهسه الدكتورات صديقاتها وياها جوه طولو والله
حمزه: كول يا الله عمي هسه تكوم بالسلامه ان شاء الله
وائل :ان شاء الله
زين البنات منو بقى يمهن عمو
حمزه :لاتخاف عمي اخذت علي وسلوى يمهم
ام علي :لاتخاف يمه هسه تطلع بالسلامه وتفرحك بالولد الصالح ان شاء الله
وائل :تسلمين ام علي الله يخليج
زينب :بابا بابا طلعن الدكتورات
وائل :هاا دكتوره بشرن
الدكتوره :لاتخاف ابو زينب الحمد الله على سلامتها وضعها طبيعي والطفل صحتها تمام وراح يبقى بالخدج لمن يستقر الوضع ان شاء الله لان تعرف هو نولد بالسابع
وائل :الله يبشركم بالخير
الدكتورات :هذا واجبنه هاي ام زينب شما نسوي منجازيها
وائل :الله يوفقجن
حمزه: الف مبروك عمي يتربى بعزك واخيرا صار عندي ابن عم حزام ضهر
وائل: تسلم بعد عمك الله يحفظكم الي العمر كله واشوفكم كدامي ايد وحده
حمزه: ان شاء الله عمي
زينب :مبروك بابا صار عدنه اخو
وائل :الله يبارك بيج باباتي يحفظكم الي
ام علي :بالمبارك يمه تشوف على وجهه الخير والحمد الله على سلامة ام زنوبه
وائل :تسلمين ام علي الله يبارك بيج مااعرف اشلون اجازيكم
ام علي :شنو السالفه يمه احنه اهل جاا غير انت مثابة ابو لحمزه
حمزه و وائل :تسلمين
شويه وطلعو ام زينب للغرفه
ضلت ساعه وصحت ودخلنه تباركنالها وتحمدنالها بالسلامه
وكال عمي ارجعو ضلت يمها بس خالتي ام علي وزينب رجعتها وياي
رحت اخذت زينب رجعتها للبيت اليوم علي وسلوى يباتون يمهن
واني رجعت للبيت زحمه هم عم افراح بقى لوحده
رجعت فتحت الباب صار بوجهي عماد
حمزه: السلام عليكم
عماد :وعليكم السلام ،،بشر اشلونه مريضكم
حمزه: الحمد الله ولدت بسلامه وصار عند عمي ولد
عماد :الف مبروك يتربى بعزهم ان شاء الله
حمزه: تسلم ياذهب يوم الالك ان شاء الله
عماد: تسلم ابو حسن ان شاء الله خير
حمزه:يابه اني خجلان منك لان عفتكم انت والحجيه
عماد: شنو السالفه يمعود هذا بيتنه واحنه اهل والمريض يتقدم على كل الضروف
حمزه: ابن اصول والله والنعم منك
دخلنه جوه اترخصت من عماد وصعدت للغرفه
لكيت فروحه نايمه ونرجس بحضنها وعلوش من هذيج الجهه حسون نايم بسريره وحسين بكاروكه
هههه شكلها يضحك ملابسها مرفوعه وطالعات رجليها وشعرها مفتوح
ونرجوسه فاتحه عيونها تلعب
هاا يروح ابوج كاعده منتضره ابوج يرجع شرفي هذوله اخوانج السرسريه نايمين بس اميرتي منتضرتني تعاي ليه
اروحلج فدوه شلتها وشميتها وهي تناغي بحضني وتضحك
هههه اسكتي باباتي لاتكعد امج شوفيها اشون مبهذلين احوالها انتي واخوانج اخذتوها مني صاير حسره عليه احضنها وانام بحضنها اخذتو مكاني وهذا اخوكم البطريق هم سد عليه رزقي
وكطع عني الماي والكهرباء
افراح :جاي انوم بجهال يمي على الجربايه شويه وغفو واني هم غفيت محسيت الا على صوت سوالف
اكيد هذا حمزه بس وي منو جاي يحجي
فتحت عيوني لكيته شايل نرجوسه
ويسولف وياها شكلهم يخبل اخر شي سمعتها يكلها اخوج گطع عليه الماي والكهرباء ،،ضحكت كلت اي والله خطيه حمزه هاملته وكل همي اشلون الحك على الجهال ان شاء الله اعوضه بسبب الجهال مكاعد اكدر الكه وقت لحمزه خطيه وهو متفهم واهم شي عنده مااتعب
كعدت وكتله
هاا هذا منو المقطوع عنه الماي والكهرباء
حمزه: هله صح النوم يحلو نوم العافيه
افراح :اروحلك فدوه ابو حسون امته اجيت
حمزه: يعمري هسه قبل شويه اجيت ولكيت بنتي منتضرتني وامها نايمه
افراح: هاا هسه صارت بتك اهم مني
حمزه: انتي الاصل ام عيون الخضر😉
افراح: كمت اخذت نرجوسه من حضنه ونطيتها مميه وخليتها بكاروكها
شويه ونامت رحت بدلت ملابس نوم
وحمزه هم بدل ورحنا لجربايه نام حمزه
وفتحلي اديه
حمزه: يله تعاي ولج مشتاقلج هواي
افراح: رحت نمت بحضنه وكتله واني هم مشتاقتلك موت
حمزه: هههه ول يابه هذا هو الحجي الزين
افراح :ضل يتحرش حمزه بيه ويبوس
حمزه حبيبي انت تعبان يله نام
حمزه: لا ماتعبان مشتاقلج والله تعاي بلا صوت لايكعدون الجهال ولج اريد حقي شنو حجر صار شهر ماطاخج
افراح :كلت يله هو هم خطيه بعد صار هواي ممنطيته حقه استسلمت اله
حمزه: كعدت الصبح لكيت فروحه كاعده ترضع ب علوش وحسون يمها يلعب وهي نايمه وهي كاعده
والله كسرت كلبي ادري بيها تعبانه
من الجهال واني سهرتها البارحه مخليتها تنام وهي حامل ومريضه
تباوعت لساعه لكيتها ب5 رحت صليت صلاة الصبح
ورجعت كعدتها فزت
حبيبتي ياروحي انتي ليش نايمه وانتي كاعده انطيني علوش اني ارضعه مميته وراح ابقى يم الجهال روحي ارتاحي ونامي يابعد اهلي يله
افراح: حبيبي خاف يشلعون كلبك
حمزه: روحي نامي مايشلعون كلبي
انتي بس نامي وارتاحي معليج بالباقي اني اهتم بيهم
افراح: اروحلك فدوه نقذتني ميته من النعاس
حمزه: تدلل عليه ام حسون
افراح :احبك
حمزه :اموت عليج
افراح :رحت ركض للفراش نمت ميته من النعاس ماكعدت الا ب 8
مالكيت احد بالغرفه
لبست ملابسي ونزلت
لكيت بيبي كاعده وحمزه هو والجهال يمها
صبحت عليهم
ورحت سويت ريوك وخدرت جاي
شويه وكعد عمو عماد صبيتلهم الريوك وتريكنا كلنه
رحت غسلت المواعين ورحت كعدت ايلاف
كعدت ايلاف تريكت واستلمت الجهال بدلتلهم ونطتهم ممياتهم ونامو
اني شربت علاجي ورحت اغسل ملابس وبيبيتي كاعده بالاستقبال
عمو عماد هو وحمزه راحو ياخذون ايثار ويعقدون محكمه حمزه راح وي عمي لان هو ضابط وعلمود يخلصوها بسرعه
لان عنده معارف هواي
خلصت غسل ملابس
رحت سويت غدا سمج لان كلت لعمي عماد يجيب ايثار وياه
شويه واتصلت سلوى كالت ام زينب طلعوها والحمد الله بخير
فرحتلها والله كتلها الحمد الله ان شاء الله احنه العصر نمرلهم اني وبيبي وعمي وحمزه وتره ايثار راح تجينه وهم نجيبها ويانه العصر
سلوى :اي خيه خل يخلص عقدهم بالمحكمه حتى محد يدخل بيها بعد بس رجلها
افراح: ان شاء الله
سديت التلفون ورحت اكمل الغدا صارت ب 1 اجو حمزه وعمي عماد وايثار
دخلو اجت سلمت ايثار على بيبي وباست ايدها واجت باوستني وايلاف
سألتها هاا بشري عقدتو
ايثار بخجل :اي الحمد الله كمل العقد
افراح :الف مبروك حبيبه الله يهنيكم
ايثار :الله يبارك بيج كله بفضلج لو ماانتي ماجنت عرفت عماد
افراح :قسمه هاي يعمري الله يسعدكم
تلوكين لعمي والله
ايثار: تسلمين ام حسن
كامت ويانه نجهز بالغدا صبينه وكلنا كعدنه على سفره وحده
ايثار كعدها عمي عماد يمه وكل شويه اتباوعلهم شحلاتهم يسويلها سمج وينطيها ،
وهي خدودها حمر مستحيه
اني كمت كعدت يم حمزه
ضل يتباوعلي
حمزه: هله بالغاليه تعاي بويه اغديج انتي ماتاكلين
ضل يسويلي لفات واني اكل
خلصنا غدا وصبيتلهم جاي شربو
جنا كاعدين نسولف وسألت حمزه على اسم ابن عمي وائل
كال
حمزه: سماه عباس لان عمي متوجه لرب العالمين وطالب هالولد بضريح الامام العباس وصار عنده ولد
ضلينه نسولف شويه وندك الباب راح حمزه فتحه شويه ودخلت علينه

يتبع……
الكاتبه تولا العسكري