رواية الضابط المستبد والخرساء الفصل الثامن والعشرون 28 - بقلم tolaalaskari95

أحيانا نمر بضرف لانحتاج ان

نبوح بمشاعرنه وحدها هيه تضهر امامنا
                            
كنت ومازلت حتى الان لااعرف

هل احببتها  أم مجرد تعويد لانها كتبت باسمي

 واصبحت لي وحدي فقط

 نفس سؤال يتكرر علي كل ثانيه وليس دقيقه

لكن عندما رايتها بتلك الحاله ادركت فعلا اني لست

احبها فقط  وانما اعشقها واعشق  كل شي فيها

فحبيبتي رقيقه وهادئ كورده بيضاء 

الكاتبه :تولا العسكري
حمزه :بعد مرحت لبيت خالتي ام علي وحجيت وي افراح صراحه صدمتني من شرطت عليه تريد تنتقبل بغير بيت صح عندي بيت من ورث ابويه وبيت اني اشتريته بس ليش متريد ذاك البيت
المهم بعدين فكرت بكلامها لكيت وياها حق لان ذاك البيت شفت بي المصايب
احسن شي ننتقل فكرت انتقل للبيت الي بصف بيت خالتي ام علي
كلت لأفراح تحضر نفسها حتى نرجع للبيت وان شاء الله هذا الاسبوع ننتقل
اخذت افراح وحسن وطلعنه بعد مودعت خالتي ام علي
صعدنا بالسياره وصلنا لباب البيت محسيت الا الرصاص مثل المطر والرمي على السياره كل همي افراح وحسن
تباوعت لكيت افراح مغمضه وحاضنه حسن وضامته بصدرها
ومدنكه عليه شويه وحسيت بألم بصدري خليت ايدي شفت الدم مكدرت استوعب الصار يعني شنو مرتي ماتت واني راح اموت ابني وين يبقى واني نهاريت من اسمعه بحضن امه يبجي بعد ماحسيت صار ضلام ،،،،،،
الكاتبه :تولا العسكري
سلوى :بعد مطلعو حمزه وافراح لبيتهم مرت ساعه تقريبا جنت كاعده اني وعلي والجهال نامو همه وخالتي تعشت ونامت
حسينه على الباب تفلش عبالك هجوم
ركض علي للباب مرعوب اني ضليت ارجف وخالتي كعدت تصيح
ام علي :هاا يمه شصار علي وين راح شنو هذا الصوت
سعاد :خاله ماادري منو فلش الباب بهذا الوقت 
ام علي :دخيلك يربي احضر ياعلي
سلوى :ان شاء الله خير خاله
شويه واجه علي يركض
الكاتبه :تولا العسكري
علي :سلوى طلعيلي ملابس بسرعه
ام علي :يمه شبيك شكو منو الدك الباب بهذا الوقت
علي :يمه علي ومرته من طلعو من عدنا متعرضيلهم اشخاص باب البيت مالهم ورامين عليهم ومشخلين السياره بالرصاص وهسه حمزه وافراح حالتهم خطره نقلوهم الجيران للمستشفى
ام علي :يبووووو يمه حمزه فلك فلكني ولك يمه كتلوك انت ومريتك يبووووو حمزه يايمه
سلوى: خالتي تخبلت وضلت ادك وتصلخ بوجها
وعلي يلبس (الكاتبه :تولا العسكري )
سلوى :علي وحسن وين هم متصوب لو مات
علي :لا مابي شي جانت امه حاضنته ونايمه علي هسه هو عند جيرانهم بيت دكتور وائل هسه خل نروح نشوف حمزه وزوجته وبعدين نجيب حسن
سلوى :شويه وطلعو خالتي وعلي اني مقبلو ياخذوني وياهم لان الجهال نايمين
ام علي: يمه علي فدوه اسأل وين نلكاهم
علي:انتضري يمه هسه نسأل الاستعلامات
بلا زحمه خويه اكو حادث اطلاق نار ضابط هو وزوجته هسه تعرضو لهجوم
السكرتيره: اي اخي موجودين بغرفة العمليات تلكاهم جاباهم دكتور وائل وزوجته
علي: شكرا
ام علي :اصخام بوجهي يمه حمزه هديت حيلي يبعد گلبي منو الي غدر بيك شيردون منك يابعد روحي يايمه
علي: السلام عليكم دكتوره
دكتوره رغد:(زوجة الدكتور وائل):اهلا وسهلا هله بيكم شلونج خاله ام علي الله يكون بعونكم ويطلعون بالسلامه
ام علي :يايمه ياام زينب( دكتوره رغد) ينطيكم العافيه من لحكتو عليهم سولفيلي يمه شنو الصار حالتهم شلونها
دكتوره رغد :خاله ام علي احنه دزو علينه الجيران لكيناهم غاركين بدمهم حمزه جايته رصاصه بصدره وحده بكتفه وافراح خطيه الرصاصه صايره بظهرها بس حالتها خطره احتمال تطلع متضرر العمود الفقري منها ولاسامح الله اذا كانت صايبه العمود الفقري تنشل ادعو يكون الاحتمال
خاطئ
ام علي :يبو فروحه يايمه بعدج ماصرتي بالعشرين تنشلين ولج ابنج منو اله
دكتوره رغد: خاله هذا مجرد احتمال ادعي يكون خاطئ ولاتخافين على الطفل دزيته لبيتنه هو هسه عند بنتي زينب تعتني بي
ام علي :رحم الله والديكم يمه مااعرف شلون اجازيكم على المعروف
الدكتوره :شنو السالفه خاله هذا واجبنه شنو نسيتي دكتور وائل يصير ابن عم والد حمزه اكو واحد يتخلى عن ابن اخو بهذا الضرف
والله وائل تخبل من شافه بهذا الوضع دز جماعه يستفسرون عن هذوله الي تعرضو لحمزه اكيد مراح يسكت عنهم
هسه هو جوه بالعمليات وي حمزه وافراح وياها صديق وائل دكتور شاطر لاتخافون (الكاتبه :تولا العسكري )
الممرضه :دكتوره طالبينج بغرفة العمليات للمريضه افراح دكتور انور يكول المريضه حامل
ام علي : ياربي دخيلك كومها بالسلامه علمود فريخاتها (اطفالها)
دكتوره :يله من رخصتكم
ام علي :بعد گلبي يمه مرخوصه
دكتور وائل :الحمد الله سبع نجحت عمليته ماعلي خطر ان شاء الله
الرصاصه مامخترقه الاعضاء الداخليه بس الرصاصه الي بكتفه الايسر ممزقه الاربطه يحتاج بعد العمليه بفتره علاج طبيعي وتمارين حتى ترجع طبيعيه
يله انقلو للعنايه
علي :يمه طلع الدكتور وائل تعاي
ام علي :دخيلك ياربي كون مابيه شي
علي :السلام عليكم دكتور بشر حمزه شلون وضعه
دكتور وائل :وعليكم السلام ابو رضا لا الحمد الله نجحت العمليه ومابي الا العافيه هسه ينقلو بغرفه ويبقى تحت المراقبه وباجر تكدرون تشوفو
ام علي :ينطيك العافيه يمه ابو زينب( دكتور وائل) مقصرت يبعد گلبي
دكتور وائل :هذا واجبي وثانيا هذا ابن اخوي وان شاء الله يكوم بالسلامه
وناخذ ثاره وزوجته دزيت للعمليه مالتها صديقي دكتور انور ميقصر بواجبه ان شاء الله
علي :مشكور دكتور
ام علي :يمه علي خابر على بيت ابو محمد جيران اهل افراح كلهم خل يخبرون اهلها بالصار ميصير نظم عليهم خاف يصير بالبت شي
علي :اي يمه هسه اتصل من الاستعلامات هذا دفتر التلفونات جايبه وياي
ام علي :يله يمه روح
علي :الو السلام عليكم عمي اني علي ابن خالة حمزه زوج افراح
ابو محمد: اهلا وسهلا بيك بويه 
علي: بلا زحمه عليك حجي تكدر ادزلهم خبر تكلهم حمزه وافراح بالمستشفى تعرضو لرمي على سيارتهم وثنينهم تصوبو
ابو محمد :لاحول ولاقوه الا بالله ان شاء الله  ابني هسه اروحلهم
علي :رحم الله والديك عمي
ابو محمد :تسلم بويه هسه اخبرهم يجونكم
علي :مع السلامه
ابو محمد: مع السلامه بويه

يتبع………
الكاتبه تولا العسكري

بنات اعذروني ادري البارت قصير بس مريضه والله ومالي خلگ
اكتب
ان شاء الله باجر انزل بارت همات
❤️❤️❤️