رواية الضابط المستبد والخرساء الفصل السابع وأربعون 47 - بقلم tolaalaskari95

من ياهي اعذرك ....وانت ما معذور سيفك هد علي........ بساعه الشده حسبتك تحبني ...وجبت بيدي الروح بعدها ابنص ......اديه وكمت تتعده ردت مره اجربك.... وانتخيك بيوم على كلبي انتخيتك ......بلكن اترده وكح كتلك وكح ....ويريد احب بذات شجعته ع الي........ وتوكف بسده مرات التحبه تشوف..... منه اشكال وتخلقله الاعذار ....دكول مو قصده وتصد كل الحجي... والنصح من الناس وتتحمل ذنوبه......... وكل خطأ عنده لبس يفاجئك يلبس....... جلد ثعبان ومفصل عليه......... وجايبه بكده مانادم عليك ......الراح خلي يروح ولك صارت قديمه .....الماي وتبده بس نادم علي... شلونه اصدك بيك ونادم ما اخذت.... العبره من وحده

الكاتبه تولا العسكري
افراح :بعد مرحنا لبيت ابو زينب الزلم دخلو للاستقبال واحنه استقبلتنه ام زينب وخالات زينب وبيبيتها
ودخلنه لكينه زنوبه كاعده طالعه تخبل جنها لعابه لابسه فستان قصير ودلعه
جان قبل داخل مديل فستان سعاد حسني يصير قصير ودلع وبدون اكتاف
جان لونه بنفسجي فاتح وساحبه شعرها شسوار طالع يجنن ومخليته مفتوح ومخليه مكياج يجنن كلت بيني وبين نفسي الله يهني حسنين بيج وتتهنين بي ويرزقكم الذريه الصالحه
دخلنه ضلينه نركص شويه وصاح ابو زينب گال خل تجي يم الباب خل يعقدلهم السيد
راحت زنوبه هي وامي وامها وعقدلهم السيد ضلينه نهلهل ونطش جكليت
شويه ودخل حسنيت فدوه لطوله طالع يخبل لابس قاط كحلي اجه كعد يم زينب حتى يلبسها الذهب اهلي مشترين لزنوبه ذهب ممقصرين ادري بيهم ميردون احد يكول اهل العريس جابو ذهب مو زين
امي راوتني الذهب البارحه
جان كلاده وتراجي ومحابس 4 وحلقه وبتوت 6 وسلسله قصيره وحجل كلش حلوات
المهم امي انطت ل حسنين الذهب
حسنين بضحك: انتن منين اجيبن هاي السوالف يمعودات مريتي مستحيه
افراح: كل النسوان ضحكت على حجيه
اتباوع لزنوبه ترجف وتعصر بأديها خطيه متوتره وحسنين يسولف وياها بعدين لبسها الذهب بعدين اجت زينب اخذتلهم صور بكامرة باقر جايبينها اله اصدقائه من الخارج وحسنين راح ياخذها يسحب الصور
صورنه هواي صور بعدين حسنين باس زينب وطلع شويه وكالو يله راح نرجع
رجعنا اهلي راحو وعمامي هم راحو وكلها رجعت لبيوتها رجعنا بس اني وحمزه والجهال للبيت صعد حمزه بدل
ونام لان تعبان وباجر عنده خفر كلت خلي يشبع نوم من تصير الصلاه مال المغرب اكعده
رحت بدلت لجهال ورضعتهم ونامو حسين ونرجوسه اما علوش منام وحسون هم ميقبل ينام خالتي ام علي لاكيه بزونه صغيره بالشارع تبجي ضايعه من امها مااعرف شنو وجابتها رادت تاخذها تربيها وجلب بيها حسون وانطتهياه
سوالها حمزه بيت ونطيناها حليب واكل
تحسن وضعها اول مااجت خطيه منكعه
بالمجاري وبيها طين سبحتها ونظفتها
وهسه صارلها اسبوع تعودت وضل حسون مگابلها بس يخاف يجيسها على الرغم من هي اليفه
ضليت ارتب بالبيت لان صاير هوسه بعدين رحت سويت عشا
وغسلت ملابسنا النزعناهن الظهر
صار الاذان رحت كعدت حمزه صله
ومن خلص صلاه خليته يم الجهال ورحت صليت وتعشينه بدلت ونمت
مر اسبوع عادي ماكو اي تطور
يوم الجمعه جنت كاعده الساعه ب 10 الصبح انظف ندك الباب رحت بدون ماافتح كلت منو
سلوى :اني ام رضا دادا افتحي الباب
افراح: فتحت الباب دخلت ودخلت وياها بنيه سبحان الله شحلاتها وطويله
وعيونها ماخذات نص وجها
سلمت على سلوى وعلى البنيه ودخلتهن جوه سويتلهن عصير وكعدت يمهن
سلوى: شلونج ام حسن
افراح: الحمد الله بعد كلبي
سلوى :حمزه بالدوام
افراح: اي والله
ام رضا ولاقصورا بيها بس منو هاي البنيه
سلوى: ياا خيه هاي اختي إيثار
افراح: كل الهلا بيها
إيثار :تسلمين دادا
افراح: انتي مزوجه اثوره
إيثار: لا بعدني
افراح: شكد عمرج
إيثار: 25
سلوى :اسكتي خيه ماعدها حظ ابوي ضالمها خطيه وخواني شابعينها ضيم همه ونسوانهم بطلوها من المدرسه 3سنين وتالي بالتواسيل رجعناها ومن اخذت شهادة السادس علمي بطلوها كلولها ماكو كليه يختي ابوي شكوكي ويتعقد من البنات احنه ازوجنه ورتاحينه
بس ضلت هالمسكينه البارحه رحت الهم زياره جاا غير جابت طاري كليتها كام ابوي عليها كطعها تكطع كوه خلصناها تالي عاط بيهم علي وكالهم اخذها وياي شهر ترتاح واني اجيبها
ماادري شلون سكتو جبتها واجيت
وهسه كتلها خل نروح ل ام حسون نتونس
افراح: الله اكبر هاي الورده هيج يعاملونها ليش مادام الها واهس بالدراسه ليش يمنعونها حرام عليهم
سلوى :جاا شنو نسوي خيه ابوي يكول بس يجيني واحد ازوجها اله وهي خطيه طلعت معدل 91 شاطره كلش حرموها حتى من التقديم وصار سنتين كاعده
افراح:خيه كسرتي كلبي والله هسه اني عمي دكتور بالجامعه اختصاصه فيزياء
لو يمي جان خليته يساعدج تقدمين
سلوى :ياا خيه غير يذبحوها انوب تعمين على عمج خطيه بركبته عائله
افراح: لا يختي لازم نساعدها ولاتخافين عمي ارمل وماعنده لاطفل ولاشي
سلوى :ياا خيه ليش مايزوج
افراح: على اساس كلت لبيبيتي تحاجي وكالت خابريني اردلج الخبر ودوريله على مره
سلوى: الله يسعده
افراح: ان شاء الله ويسعد اثوره همين
افراح :فكرت بيني وبين نفسي اذا عمو عماد وافق يزوج اخطبله إيثار هم حلوه وهم يساعدها وتدخل كليه وهم عمرها حلو وناضجه تلائمه
خل اخابر بيبي ام عماد اليوم واشوف شنو رد عمو
ضلت سلوى واختها عدنه شويه وراحن
كتلهم امر عليجن ان شاء الله باجر
سلوى: هله بيج ام حسون اي والله نتونس
راحن واني رحت جهزت الغدا صارت ب 2 اجه حمزه
بدل وتغدينه
افراح :حبيبي ابو حسون
حمزه: ا أمري ام حسون اطلبي التردينه
افراح: ميأمر عليك عدو بعد كلبي
بس ردتك تتصل على بيت جدو ابو عماد اريد احاجي بيبي ام عماد
حمزه :هاا خير خو ماكو شي صاير عدهم شي
افراح :لايروحي بس قررنا اني وبيبي نزوج عمو عماد ونشوفله بنية حلال الى متى يبقى بلا مره ولا اطفال وهو مناقصه شي واني ماانسه وكفته وياي يوم العقد عليه ونقذني حتى مياخذوني فصليه
واعتبرني مثل بابا
حمزه'اي والله والنعم منه رجال مثقف
واني من سمعت بيه عاقد عليج اطمنت لان سألت عليه هواي وكل الناس تحمد بي بس خاف ميقبل يزوج
افراح :گول ان شاء الله بيبي كالت راح
اضغط عليه واضل ابجي وهو بس يشوف بيبي تبجي يتخبل متعلق بيها
حمزه بأبتسامه: فدوه اروح لمريتي التشتغل خطابه هالايام
افراح: هههه حمزه همه اخوي وعمي جاا اذا اني مااخطبلهم منو يخطبلهم
يله حبيبي خابر على بيت جدي اذا وافق عمو عماد باجر اروح احاجي البنيه محضرتله مره تلوكله
حمزه: هاا هاا منين هاي عاد زينه اخلاقها شلونها
افراح: اي اخت سلوى مرت علي تخبل وعمرها مناسب ومثقفه
حمزه: والنعم منها جاا خوش توكلو على الله يله تعاي خل نخابر
افراح:راح حمزه اتصل على بيت جدي ابو عماد طلع طفل كاله حمزه روح صيح بيبيتك ام عماد
شويه وردت بيبي ام عماد سلم عليها حمزه وكالها هاي حفيدتج تريدج
اخذت التلفون سلمت عليها وبعدين كتلها هاا بيبي بشري شنو عمو عماد مااقتنع
ام عما: لايمه من رجعنا من خطبة حسنين حاجيناه انه وابوه وخوانه واني زودتها بجم دميعه كوه رضى كتله حاط عينك على بنية حلال لو اضل السالفه يمنا
كالي لايمه انتي شوفي التعجبج
اني هم كتله فروحه حاجتني وتكول اني اريد اخطبله ضل يضحك يكول ادري بيها هاي سوالفها والله انتي ماتفتحين هيج مواضيع
افراح:هههه بيبي اليوم لكيتله مره تخبل
ومثقفه وحبابه وعمرها 25مناسب
ام عماد: ياا يمه الله وايدج بنيتمن هي
افراح: تقير اخت جنة خالتي ام علي بت عم علي ،،،واني باجر مسيره يمهن وافاتحهن بالموضوع لان البنيه بس هذا الاسبوع وتروح لهلها واذا اتفقت وياهن خل يمر عليه عمو عماد ويجيبج النه ونروح حتى يشوفها
ام عماد: اي يمه عفيه جاا اني متانيتج رديلي خبر باجر بس تكليلهن
افراح: ان شاء الله بيبي
ام عماد'يله يبعد كلبي سلمي على وادمج الي يمج رجلج وخالتج الله وياج بعد روحي
افراح: الله وياج بيبي سلميلي على جدو وعمامي
ام عماد: يوصل يمه
افراح: سديت التلفون
مر اليوم ثاني يوم الصبح اخذاني حمزه لبيت خالتي ام علي هم لكيتهم كلهم طبينه وسلمنه وشربنه جاي وتالي كمنه اني وسلوى رحنا يم إيثار بالغرفه
حجيت وفتحت الموضوع وياهن
شفت إيثار علامات فرح وخجل على وجها بس الي فاجئني سلوه ضاجت
كتله سلوى شبيج تره عمي هو الي راح يخلص اختج وراح يخليها تكمل كليه والله عمو عماد ماكو منه وانتي شفتي
بخطبة حسنين ولا مبين عليه 45 سنه عمره
سلوى: والله مو قصور بعمج بالعكس اتمنى اختي تحصل هيج قسمه بس

يتبع………
الكاتبه تولا العسكري