رواية الضابط المستبد والخرساء الفصل الثاني عشر 12 - بقلم tolaalaskari95

اسعد الله اوقاتكم حبايب
طبعا اني اسفه على التأخير بس صار خلل ونحذف الحساب القديم
ورجعت بها الحساب
راح اكمللكم القصه
واعتذر مره ثانيه
تابعو هذا الحساب فدوات واهم شي تفاعلكم وي القصه حتى انزللكم البارتات يوميه
وابدي بقصه جديده ان شاء الله
اعرف بيكم متحبون التأخير لهذا راح انزل يوميه بارت
بس اذا مشفت تفاعل
اكيد مراح يضل عندي واهس للكتابه
اتمنى لكم قراءه ممتعه
.
.
عيونك بس حلات الله حطبها
سواتر مستحى رموشك حطبها
جنهم روحي وفراگك حطبها
بجيتك تطلع الفردوس اليه… ❤️
الكاتبه: تولا العسكري

افراح:بعد مفقدت محسيت الا على حمزه يسبح بيه خجلانه لان يسبح بيه بلا ملابس بس مااكدر اتحرك استسلمت سبحني وطلعني وبعدين رجعت نمت محسيت بعد الا والدكتوره تفحص بيه
شويه ودخل حمزه كال
حمزه: الحمد الله على سلامتج خو مامتأذيه
كل الي سويته جان ردة فعل على تصرفج الغلط اشون اطلعين تغسلين وانتي رافعه ثوبج هالمره صارت المره الخ اتصرف غير تصرف
والطارمه بعد متنغسل الا بالليل
وهسه اريدج ترتاحين وراح يجيبولج الاكل كله تاكلينه لان نزفتي دم هواي وصارلج يومين بلا اكل
وجبتلج وي العلاج مرهم خلي منه لجروح  هسه محتاجه شي يوجعج شي
افراح بالاشاره: لا
افراح بداخلها دخيلك يا الله شنو هالانسان هذا احلف علي مريض نفسي كل الي سواه بيه وبعده يهدد ولا كال اعتذر سامحيني
طلع هو صاحب الحق واني ولاكأنو موجوده
اني شنو الورطني وياه
يله اصبر عليه بلكي يتعدل احتمال مامتعود عليه بعده
حمزه :هاا وين صفنتي
يله ارفعي ملابسج خلي اخليلج مرهم
افراح: 😯 لا
حمزه :شبيج ارفعي ملابسج
اذا متكدرين اني انزعج
افراح: هذا شبي ولا يستحي هسه هو منو العاتب عليه يسوي نفيسه خايف عليه لو خايف عليه جان اعتذر
حمزه :شبيج بويه تصفنين تعاي
افراح :نزعني دشداشتي وضليت بس بالداخليات واني ميته من الخجل
واني مجلبه بالجرجف واسحل بي على جسمي كل ساع وهو يوخره مني
حمزه: ولج شبيج خلي اخليلج مرهم شبيج سحلين بالجرجف
شنو بس لامستحيه مني تره البارحه واليوم شفت كل شي بابا اني زوجج يعني سترج وغطاج لاتخجلين يله رخي جسمج خلي اكمل حتى تتغدين
افراح :شويه حسيت نفسي مسويه جريمه وگلبي وكف
بس من حجى وياي كلت هم صدك هو زوجي وشايفني رخيت جسمي وهو كمل العلاج
حمزه: راح اغسل واجيج
افراح :بالاشاره اي

حمزه :بعد مراحت الدكتوره وحصلت رزاله من خالتي رحت ل افراح لغرفتها اشوفها
لكيتها كاعده بس تعبانه سألتها على وضعها ومحبيت ابينلها اني غلطان لهذا ضغطت عليها بالكلام حتى متعيدها بعد
اما بالنسبه لان اخذتها بالغصب فهذا حقي مااتحاسب عليه
بعدين كتلها انزعي خلي اخليلج المرهم
حسيتها خجلانه وخدودها صارن حمر وتهز براسها يعني لا
كتلها تعاي اني انزعج نزعتها بقت بس بالداخليات بقت مقلصه جسمها وتسحل بالجرجف كل ساعه وتغطي نفسها
عطت بيها كتلها تره اني شايفج كلج البارحه لاتستحين مني اني زوجج سترج وغطاج لهذا حسيتها ارتخت دهنت جسمها بس خطيه قهرتني
جسمها مشوه من الضرب
تندمت وكلت شنو ذنبها وهي عروس هيج اسوي بيها وفوك كل هذا ماتكدر تحجي وتبرر ودافع عن نفسها
اخ لو يعرف خالد هههه يعدمني
كتلها يله راح اغسل وارجعلج
طلعت رحت لءمي لكيت خالتي تغدي بيها
وسلوى زوجة علي بالمطبخ
ام علي: حمزه مو تروح للبت تره مريضه وماتعين روحها عوفها ترتاح
حمزه: خاله شنو اعوفها تره هي مرتي اشون اهج من الغرفه
ام علي :مو تهج بس تره هي زعلانه عليك ومكسور خاطرها
حمزه: لا خاله لاتخافين افراح مزعلانه عليه وبعدين اني اجبر خاطرها لاتخافين وغمزتلها 😉
ام علي :ولك حمزه البت نزفت البارحه لاتطيب خاطرها ولا الك غرض بيها الدكتوره كالت لايتقربلها 10ايام
حمزه :اي صار من عيوني 😆
سلوى: خويه هذا غدا فروحه خطيه خل تاكل مماكله ونزفت دم هواي
حمزه: تسلم ايدج خويه تعبناج ويانه
سلوى: تعبكم راحه خويه المهم فروحه تصير زينه
دزلها الغدا وتعال تغده
حمزه: لا اني راح اكل وياها
ام علي: ولك عوف البت تاكل براحتها تستحي منك
حمزه: لا راح اوكلها بيدي ادري بيها متاكل الا بالغصب
.
.
حمزه :بعدين صعدت الغدا الها لكيتها نايمه
كعدتها وكعدت يمها ضليت اسويلها لفات صغار واوكلها واكل وياها
افراح: طلع حمزه واني غفيت محسيت الا حمزه يكعد بيه وجايب الغدا
كعدت وضل يسويلي لفات صغار ويوكلني اني استحيت بس نجبرت خفت منه خاف يعيط بيه
هو ياكل ويوكلني لمن شبعت هزيت براسي الها
حمزه: هاا شبعتي
افراح بالاشاره: اي

حمزه: انطيتها العلاج ونامت
نزلت الصينيه لاكتني سلوى تريد تروح كتلها اني اوصلج وتشكرت منها على معروفها ويانا
سلوى دره من الله الكلام قليل بحقها
اخذتها للبيت ورجعت
صعدت للغرفه لكيت افراح نايمه رحت سبحت وبدلت ملابس الدوام عندي خفر اليوم
غطيت افراح بالغطا لان جان جسمها مكشوف نومها عبث
شكد حلوه ونظيفه هذا حظها الفكر جابها عليه هو اني مال هيج مره حلوه وصغيره هاي مو حمل ضرب وتعذيب
يربي شنو اسوي
بعدين نزلت بست امي وخالتي و وصيتها على امي وافراح
ام علي: لاتخاف يمه امك ومرتك بعيوني
حمزه: بعد گلبي خاله
يله اودعناكم
ام علي :الله وياك وليدي محروس بالله واهل البيت

افراح :كعدت بعد نوم طويل اتباوع على الساعه ب10 بالليل
نزلت لغرفة خالتي ام حمزه لكيت خاله ام علي تتباوع على التلفزيون وخالتي ام حمزه نايمه
ام علي:هاا يمه بعد گلبي اشلون صرتي محتاجه شي جوعانه اصبلج عشا افراح بأبتسامه :لا خاله اني اروح اتعشه
بعدين سألتها على حمزه لان ماموجود هي بالكوه يله عرفت اني اسألتها على حمزه
ام علي: يمه رجلج بالدوام يبات عنده خفر بعد گلبي وصاني عليج
باجر الصبح يرجع
افراح بأبتسامه: اي
رحت للمطبخ حميت الاكل وتعشيت ورجعت للغرفه ردت انام لكيت ملابس حمزه على القنفه مشمورات هاي يمكن من بدل وطلع
رحت شلتهن كلت خلي اغسلهن
اخذتهن بتصرف لا ارادي شميتهن
يا الله عطره شكد حلو احسه موجود مو عبالك بس ملابس
بعدين كلت شجاج افراح اثكلي نسيتي اشون كسرج وعاملاج مثل الحيوانه
استغفرت ربي وكلت هو زوجي شمايسوي اكيد لمصلحتي واني مااكدر احقد على احد لهذا نسيت شنو سوه بيه
رحت غسلت الملابس مالته
ونظفت الغرفه ورحت سبحت واخذت العلاج ونمت

حمزه :رحت لدوام شغل بشغل نخلص من قضيه تجي قضيه الخ
منا لمن نمت بالمركز بغرفتي
ردت اغمض واذكرت افراح
اااخ ياافراح شسويت بيج ياترى زعلانه عليه لو لا
اني لازم ماابقيها عندي اذا بقت تنتهي بسبب العنف مالتي
خل تمر سنه واطلكها تشوف انسان احسن مني مااريد اضلمها وياي
بس ياربي اشون اخلي احد ياخذها غيري
وهي اول مره المسها لالا شجاك. حمزه هي مرتك الك وبس
تتحملني اكيد حتى لو ضربتها
محسيت بعدين
الا الصبح العسكري يدك بالباب
كعدت فتحت الباب
العسكري :صباح الخير سيدي اجيبلك الريوك
حمزه: لا راح اطلع للبيت نقيب احمد اجه
العسكري :اي اجه البديل سيدي
حمزه: ماشي روح لواجبك
رحت غسلت وركبت سيارتي ورحت للبيت
دخلت للبيت رحت على غرفة امي لكيت خالتي كاعده تريك بأمي
بست امي وخالتي
ام علي: صباحك عافيه يبعد گلبي
حمزه: الله يحفظج خاله،،،
خاله وين افراح
ام علي :يمه مريتك بعدها نايمه خطيه يمكن العلاج ينوم وجسمها مرضرض
حمزه: يله راح اصعد اشوفها
ام علي :اي يمه روح
حمزه :صعدت للغرفه تباوعت ملكيت افراح
شنو السالفه وين راحت
تباوعت على الجربايه لكيتها محضرتلي الملابس
صحت عليها ،،افرررررراااااح ،،افرررررراااااح
ماكو صوت طلعت من الغرفه امشي بالممر
سمعت صوت كحه قويه
ركضت للحمام فتحت الباب
ونصدمت 😔

الكاتبه :تولا العسكري