رواية الضابط المستبد والخرساء الفصل الثلاثون 30 - بقلم tolaalaskari95

ايكول

تِرهُ حنيتلك

تَرْه مَشْتَاكَ

تِرهُ الِرُوحِ

بَلِّيِّكَ ذبلانه

الكاتبه :تولا العسكري
حمزه :بعد مدخل عمو وائل عليه للغرفه وخبرني انو هو داز جماعه يعرفون منو الي تعرضلي والي عرفته لازمين واحد منهم وخالد ماخذه لتحقيق ومعترف
،،،
حمزه: اي عمو منو السبب بالحادث اعرفه لو لا
دكتور وائل :عمو انت قبل سنه ساجن شخص ابن جوارينكم وبسبب التعذيب صاير عنده نزيف ومستأصنليله احد الكلى مالته
وهو حاقد عليك ولام ولد عمه ومتعرضيلك
حمزه : تمام عمو اذكرته
***(تذكرون الولد الي يتباوع على افراح وهي تغسل بالطارمه وشمر عليها حجاره واجه حمزه وشافه وضرب افراح واستأصلو جزء من كبدها هو هذا الولد الي تعرضلهم ورماهم هسه اذكرتو يامتابعيني الحلوين ☺️)

دكتور وائل :وهسه شراح نسوي بعد ماعرفناه نحاسبه قانونيا لو عشائريا
حمزه :شوف عمي صح هو انتهك حرمة بيتي. ومااحترمها واني
اخذت. حقي منه بهذاك الوقت وهو خسر الكلئ فلهذا راح اتنازل عن حقي اله مقابل الكلى مالته االي راحت اما حق زوجتي وصوابها مستحيل اتنازل عنه لهذا راح اخذ حقي بالعشاير واما بالنسبه للحق القانوني
تجازيهم ويسجنوهم الحق العام ماعندي شي وياهم
دكتور وائل :مثل متريد عمو هسه ارتاح وان شاء الله باجر نخرجك انت وام حسن لبيتكم
حمزه :شكرا عمو على كولشي مااعرف شلون اجازيك
دكتور وائل :ابو حسون صدك تحجي اني عمك انت ابن الغالي
حمزه :تسلم عمو ربي يحفظك
،،، صدك عمو ام حسن اشلونها جرحها اشلونه
دكتور وائل :الحمد الله بخير وصحتها تمام وعمتك ام زينب متابعتها ومتابعه حملها والطفل صحته بخير لاتخاف ان شاء الله باجر تطلع وياك
وحسن بت عمك زنوبه مجلبه بي مترضه تنطي لبيبيته تكول لمن تطلع
امه تعلقت بيه
حمزه: ههههه الله ينطيها العافيه خاف يشلع گلبها
الدكتور وائل :لا مكيفه عليه
يله ارتاح واني امر عليك كل فتره
حمزه :تمام عمو
،،،،،،
افراح :بقينا اني وحمزه بالمستشفى يومين بعدين اجتني امي گالت
ام اكرم : يمه راح تجي الدكتوره رغد تجيك وضعج او وضع الطفل حتى تطلعون
افراح :ان شاء الله يمه
شويه واجت الدكتوره رغد فحصتني وكالت
الدكتوره رغد:وضعج تمام والطفل وضعه ممتاز
دير بالج على نفسج وطفلج لمن تتعدى الشهور الاولى على خير
افراح :ان شاء الله دكتوره
شويه واجت خالتي ام علي كالت
ام علي :يله يمه البسي عباتج ابو زينب سوه الخروج الج ولرجلج
حمزه طلعو لسياره ابوج وابو زينب وعلي وياه يله كومي
منتضرينج بره
افراح :اي خاله
،،،كمت لبست عباتي وامي شالت غراضي وخالتي ام علي لزمتني تمشي بيه طلعنه من المستشفى شفت سيارة حمزه بالباب ابويه يسوق بيها وصلها يمي وصعدت بالوره يم حمزه وامي بالصدر وخالتي راحت وي علي بسيارته اول مصعدت تباوعت لحمزه نزلن دموعي محسيت الا الا حمزه حاضني بيد وحده لان كتفه مصاوب
شماني وباس راسي
كتله حمزه ابويه عيب
رد ابويه
ابو اكرم :اخذو راحتكم بابا انتم رجال ومرته وبينكم طفل وتوكم طلعتو من الموت
حمزه :رحم الله والديك عمي بس انت تفهمني
افراح بهمس :هاا حمزه هيج يعني اني ماافهمك ومقصره وياك
حمزه :لا يبعد گلبي تفهميني ومامقصره وياي يكفي جبتيلي حسون واخو الي بطنج
افراح بخجل :تسلملي ابو حسن محسيت الا خله ايده على بطني
وگال
حمزه :فروحه تدرين بنفسج قبل حامل لولا
افراح :والله ماادري قابل ضامه عليك
حمزه: لا حبيبتي بس كلت خاف بعدج تخافين مني
افراح :لا مااخاف منك غير انت رجلي وابو اطفالي
حمزه :بعد روحي الغاليه ام حسون
افراح : شويه وصلنه ابويه وكف السياره كدام بيت لتفتت لحمزه كتله حمزه احنه وين اجينه غير نرجع لبيتنه
حمزه: اي حبيبتي هذا بيتنه الجديد هذاك قفلته روحي جزت منه
افراح بفرح :صدك حمزه
حمزه :وعيونج صدك
افراح: جاا اشلون وغراضي وغراض البيت
حمزه: حبيبتي صار يومين الناس تشتغل اهلج وخالتي ام علي وكلهم نقلو كل الغراض وماضل شي هناك
افراح :بعد عمري اروحلك فدوه الله يحفظك الي
حمزه: ويحفظج انتي وحسن والي جاي بالطريق
افراح :نزلنا فتح ابويه الباب
دخلنه لكينه بالبيت خالتي ام علي جايه قبلنه وسلوى وعلي والجهال
وخالد وامه وزوجته
شكد فرحت بالبيت الجديد هو صح مو كلش جبير بس احس ارتاحيتله
احسن من خنگة هذاك
سلمو علينه الكل
حمزه :رحنه لبيتنه الجديد بعد مطلعنه من المستشفى افراح فرحت بالبيت وسويتلها مفاجئه لان هي من ازوجتني لحد الان تحملت ه.اي اذيه مني
هي صعدت لغرفتها واني رحت بالاستقبال يم ابوها والولد
شويه واجه علي جايب ذبايح اثنين فداء لسلامتنا
ذبحوهن وسو غدا
بعدين اجه عمو وائل گال
دكتور وائل :ارتاح بغرفتك عمو احنه مو خطار
حمزه :البيت بيتكم عمو
صعدت فوك للغرفه لكيت افراح مبدله ونايمه على الجربايه
دخلت وهي فتحت عيونه
اجيت نمت يمها وحضنتها
افراح :حبيبي وين حسن مشتاقتله
حمزه :يعمري عند زينب بنت عمو وائل شويه ويجن هي وامها يجيبنه
بشريني شلون صرتي
افراح :الحمد الله انت اشلون جروحك يبعد گلبي
حمزه :اني زين اذا انتي زينه
افراح بأبتسامه :احبك ابو حسون
حمزه :افديج بروحي يابعد عمري
افراح :سالم عمرك حبيبي
حمزه وهو يخلي ايده على بطنها: ابني شلونه
افراح :هههه زين بس حمزه منو يگول ولد احتمال تطلع بنيه
حمزه :اويلي بنيه وعيونها خضر وشكره مثل امها اطلع ربحان
افراح :ههههه حبيبي انت الحلو ويطلعون عليك
حمزه :ههههههه لا بويه اني املح جاا غير حسون طالع عليج ينگرط كرط
افراح :هههه لا حسون ملامح وجهه كلها عليك بس لون عيونه عليه
حمزه: الله يحفظكم الي
افراح :ويحفظك النه
حمزه :ولج مشتاقلج
افراح :واني هم مشتاقتلك
حمزه :تعاي خل احضنج ونام
افراح :حضني ونمنه محسينه الا على دكة الباب خالتي ام علي
ام علي :يله يمه اكعدو تغدو وهذا حسون اجه متردون تشوفون ابنكم
افراح :نهضت بفرحه لأبني
كعد حمزه وكتله جابو حسن
هو كعد بفرح ونزل قبلي
نزلت اني وراه
نتبهت كدامي واني اشوف الي مااتمنى اشوفه

......... يتبع
الكاتبه : تولا العسكري
تفاعلكم يسعدني ☺️❤️