الضابط المستبد والخرساء الفصل الرابع وخمسون 54 - بقلم Tolaalaskari

مو من مرض ونيت
من كثر الفراگـ
صدگني گلبي اعليك
كل لحظة يشتاگـ

الكاتبه تولا العسكري
حمزه :تونه خلصنا غدا بعد مرجعنه من المحكمه وعقدنا ل عماد وايثار وكاعدين نسولف شويه وندك الباب رحت شفت يوسف بالباب
يوسف :السلام عليكم اشلونك ابو حسن
حمزه: وعليكم السلام هله وكل الهلا حياك الله تفضل تفضل
سعاد :شلونك ابو حسن شخبارك
حمزه: هله بيج بت عمي اشلونج صحتج احوالج
سعاد :الحمد الله بخير
حمزه: تفضلو ليش واكفين
افراح :دخل حمزه ودخلت وراه سعاد
محسيت روحي الاكايمه على حيلي
شفت سعاد بيدها ولد وبطنها جبيره حامل
حمزه :ام حسن جاي وماي بسرعه
افراح :صار
تفضلي سعاد تفضلي
سعاد :زاد فضلج حبيبه
افراح: راحت سعاد سلمت على بيبي ام عماد وعلى البنات ايلاف وايثار وكعدت
رحت سويت جاي وماي واجه حمزه اخذاه الهم قبل ليروح سألته
حبيبي شنو الصاير شبيها سعاد ليش اجتنه
حمزه: شبيج افراح بت عمي واجت لبيتي اطردها هي وزوجها جايين لبيت عمي وائل يباركوله ومرو بينه
مشفتيها مره عدها طفلين وحامل
افراح :منين طفلين هو واحد وحامل
حمزه: هذاك واحد بحضن ابوه ابن زوجته الي ازوجها على سعاد خطيه
اتوفت صار 3 اشهر مشغله الماطور ومنتوله ،رحت بفاتحتها خطيه

افراح: يااا خطيه جاا شو ماكتلي رحت للفاتحه خطيه وابنها بقى بحسرة الام
اكول ليش لابسه اسود خطيه الله يرحمها
حمزه :يمعوده فجأه رحنا اني وخالد علمود يوسف ،،الله يرحمها
افراح :راح حمزه واني رحت اخذت عصير ومي ورحت يمها كعدت
سألتها بيبيتي ام عماد
ام عماد: اشلونج يمه شكد الج
سعاد :الحمد الله خاله بخير ،،
والله هسه اني بشهر السابع
ام عماد: تكومين بالسلامه يمه
سعاد :رحم الله والديج خاله
ام عماد: بنيج بعده صغير حبلتي عليه بالاربعين
سعاد: اي والله خاله حبلت بالاربعين ماجنت ادري اني تأخرت يله حبلت بأبني الاول بعدين جبته ومحسيت الا واني حامل بالثاني تعبت والله ياخاله
وهم خطيه شريجتي ماتت صار 3 اشهر وعافت ابنها يكسر الكلب
ام عماد :يا عماد يبني شلون ماتت يمه
سعاد :خاله جنت بشهر الرابع حامل والدكتوره كالت لاتتحركين ونامي على ضهرج لان الطفل مهدد بالاسقاط وجنت نايمه هي خطيه تغسل هدوم
بالحمام ورايحه تشغل الماطور واديها بيها ماي وملابسها مبلله ونتلت كوه
نزلت اركض من سمعت صوتها لكيتها
طاك خشمها دم
اجه يوسف طفى الكهرباء وشالاها للمستشفى
مالحكنا عليها توفت ،،
اني صار عندي نزيف بساعتها وضليت 3 ايام بالمستشفى والله يخاله محد وياي مثل الغريبه بس الممرضات يفترن عليه بس بالليل يجيني يوسف يضل يمي لصبح ويروح لان فاتحه وهوسه
افراح: البقيه بحياتج والله ماادري لو ادري جان جبت خالتي وسلوى واجيت
بس شو حمزه مكالي
سعاد: خيه اجه ابو حسن للفاتحه كافي صادفت انتي جايبه بعدج ماطالعه من الاربعين حتى انه بالمستشفى مالحكت على الفاتحه يوسف كالي اجه ابو حسن من الدوام هو وصديقه ابو عباس ،،خيه هي الفاتحه سووها يم اهلها
افراح و ام عماد وايثار: الله يرحمها
افراح :شنو اسمه ابنج
سعاد: علي ابني وابن المرحومه اسمه مسلم وهذا الي بالطريق يريد يسمي ابوه حيدر
افراح :الله يحفظهم الج وتفرحين بيهم
سعاد :بعد كلبي الله يخليج ويحفضلج جهالج
ام عماد: يمه دير بالج على هذا اليتيم
احسني معاملته حتى الله يبارك بيج وبفريخاتج لاتفرقين بينه وبين فريخاتج
سعاد: لا والله وعافية ضناي ماافرق بينه وبينهم واصلا هو متعود عليه وينام بحضني امه جانت فقيره وما اذتني بشي
الله يرحمها
افراح :بقو شويه وراحو
صارت الساعه ب 3 رحنا كلنه لبيت عمي وائل
انه وحمزه والجهال وبيبي وايلاف وعمو عماد هو وايثار لان سلوى بيت عمي وائل هي وعلي وخالتي
رحنا استقبلنه عمو وائل والبنات وهم لكينه خوات ام زينب واخوانها
تباركنالهم بالمولود الجديد
شويه وبيبي وعمو عماد كالو احنه هم يله نرجع كامو
طلعو وياهم الكل واشوف ايثار تفتر وره عمو عماد وتستحي خاف احد يشوفها
شفته سحبها من ايدها وراح بيها على جهه
عماد: هاا باباتي محتاجه شي
ايوار :لا سلامتك بس
عماد: بس شنو احجي ميردج الا السانج ،
ايثار: ع عماد
عماد: عيوني الج گولي
ايثار :تسلم عيونك يعني بس ردت اسألك يعني بعد مراح تجي 🥺
عماد: لا اجيج اشون مااجيج بس اصبريلي هذا الاسبوع اكمل كل شي واشتري الغرفه واكمل النواقص والاسبوع الجاي نجيبلج النيشان اني والحجيه وبعدها بأسبوع نزوج شكلتي بابا
ايثار:بخجل: بكيفك
عماد: يله دير بالج على نفسج واي واحد يتعرضلج بس خابريني ماشي
ايثار: ماشي ،الله وياك دير بالك على نفسك ولاتسوق بسرعه
عماد: ههه صار من عيوني يله يابه ادخلي جوه
ايثار: ودعته ودخلت بس متت من طلع
كأنو اخذ گلبي وياه
بعدين گال علي يله احنه هم لازم نروح نرفع الزحمه
تشكر منه ابو زينب لان ماعاف البنات وحدهن
سلمنه على الكل وطلعنه
افراح :راح عمو عماد وبيبي وسلوى وعلي وايثار وخالتي هم طلعو بعدهم
ضلينه بس احنه شويه ورجعنه للبيت
مر يومين واجو اهلي كلهم تباركو لعمي وائل وزوجته وحسنين مكيف يكول ماضل شي بس شهرين وازوج
واحنه نضحك عليه
بعدين راحو اهلي واخذو ايلاف وياهم
وضليت ابجي تعودت عليها وجانت مهتمه بالجهال ومساعدتني بيهم
بس هم خطيه ملت وتريد تروح ترتاح بيت اهلها
مر اسبوع واجه عمو عماد وعمتي وبيبيتي ام عماد وامي وخواتي جايبين النيشان ل ايثار لان بعد اسبوع ويزوجون عمي جهز كل شي
الحمد الله الامور عدت على خير
وفعلا بعد اسبوع صادف يوم الاثنين ازوج عمو عماد
احنه كلنه رحنا قبل يومين لبيت عمامي مكيفين بعمو عماد
رحنا اني وحمزه والجهال وخالتي ام علي وزينب بنت عمو وائل واخواتها وعمو وائل ،،الزلم بقو بالمضيف مال جدو ابو عماد
وايثار خطيه كسرت گلبي مقبل ابوها واخوانها يزفوها من بيتهم يكولون كسرت حجايتنه خل ابن عمها يحير بيها
علي سوه فلك وگال من بيتي ازفها بس ابوي مقبل گال الطريق بعيد واعتبر نفسي ابوها وازفها من بيتي
والكل ايد فكرة ابوي وفعلا زفيناه من بيتنه ياسبحان الله طلعت تخبل نيال عمي بيها حبابه ومؤدبه ومثقفه وحلوه تلوك لعمي
اخذنا لبيت جدو ابو عماد والكل فرحانين بيهم وبيبي تبجي من الفرح
مرت ساعه واجو الزلم زفو عمو عماد
لغرفته بعد نص ساعه دزينالهم العشا شويه ورجعو الصينيه مماكلين قليل
اكيد بس عمو ماكل ايثار تستحي ههه
مرت ساعتين وسمعنه عمو عماد يرمي بره والزلم خبصو اجو بالرمي من شافو رمى يعني كل شي تمام وعمو اخذ ايثار وصارت زوجته شرعا وقانونا
صعدنه كلنه اني وخواتي زينب واكرام وعمتي وسلوى ل ايثار نطمن عليها
لكيناها متكرفصه ومبين عليها الالم والفراش مليان دم راحت سلوى دخلتها للحمام سبحتها ولبستها ملابس
اني وزينب غيرنه الفراش والاغطيه
فاتن عمة افراح :هاا حبيبه بشري خو مابعدج تنزفين متأذيه
سلوى :خاله بعده النزيف
زينب :عمه خل ياخذونها لدكتوره
فاتن :اسكتي ولج تريدين عماد يتفشل بين اهله وناسه شكلك ماشايف مره
ايثار: لاخاله مااريد اروح لدكتوره عماد ماسوالي شي
فاتن والبنات طكنها ضحكه
سلوى: فلك طرج بعده مااخذج تخافين على مشاعره جاا منو الي قبل ساعه فايض دمها
ايثار بخجل: سلوى اسكتي لاتحجين عليه
سلوى وهي كاتمه ضحكتها :سكتنا سكتنا على كيفج نيالك ي عماد خوش لكيتلك محامي
فاتن :بعد كلبي المعدله الماترضه ولاتنطي برجلها الله يسعدكم يمه
خلنها ترتاح يله راح انزل اسويلها شي دافي واكل واكلهم يجيبولها من الصيدليه مسكن
افراح :شويه واجه ابن عمو حسين كال عمو عماد يريد ملابس يريد يسبح اخذ الملابس وراح
فاتن :خويه عماد
عماد :ا أمريني خويه
فاتن :خويه مريتك متأذيه وصار عدها نزيف بلكي تجيبلها مسكن من الصيدليه
عماد بتوتر :خو مابيها شي اخذها لدكتوره
فاتن :لاخويه ماكو شي بس جيبلها مسكن
عماد :ان شاء الله خويه طالع راح اجيبلها بس ابقن يمها خاف يصير بيها شي
فاتن :لاتخاف خويه اختها والبنات كلهن يمها
عماد :يله رايح اني
فاتن :الله وياك خويه
ايثار :بعد مزفو عماد متت من الخوف
اجه كعد يمي وضل يحجي وياي او وصاني ب امه وابوه بعدين كام صله ودعا دكو الباب جابو العشا
رحت بدلت وره الكنتور لان ماكو حمام بالغرفه بس الحمام صاير بالممر خطوتين عن الغرفه بس مااكدر اطلع
بدلت ولبست سيت نوم ابيض
رحت كعدت على الجربايه ارجف مستحيه اجه عماد يمي لزم ايدي وكومني كعدني يم الصينيه بالكاع
عماد: يله سمي بسم الله ومدي ايدج
ايثار: استحيت منه مديت ايدي اخذت خبزه وضليت اكل
وهو هم كام ياكل بس مااكل هواي اني جلبت بالخبزه اكل بيها
عماد: عوفيها للخبزه لخاطر الله ههه
ليش مستحيه يا بابا
ايثار :سوالي لفات وجبرني اكلهن بعدين كمت كعدت على الجربايه
وهو صاح عليهم اخذو الصينيه
وغسل واجه
عماد: شوفي ياعيوني انتي ادري بيج خايفه ومستحيه مني بس هذا الشي لابد منه بين المزوجين انتي بعدج بنيه واني صار سنين ماطاخ مره
ايثار سلميني نفسج ولاتخافين انتي صرتي مرتي حبيبتي لاتخافين بس استرخي ولاتمنعيني
ايثار: هو يحجي واني ميته خجل وخوف احسه جريء غير عن كل مره
احجي وياه بيها
محسيت الا لزمني من شعري وباساني
استسلمت اله بس جان مو نفسه عماد الحنون الهادئ حسيته ينتقم مني شكد
بجيت وترجيته بساعتها ولااهتملي وخر وباسني بگصتي وباركلي ولبس دشداشته ونزل سمعت صوت رمي
شويه ودخلن البنات وعمتي فاتن عليه
اهتمن بيه مرن ساعتين جابتلي خالتي فاتن شراب حار ماادري شنو
وانطتني حبوب كالت اشربي منهن
شربت ونمت شويه غفيت حسيت على عماد يبوس بيه شواربه تتحرك على خدي
فتحت عيوني بنعاس
عماد :ها يابه هديتي حيلي شبيج
ايثار :عماد بطني توجعني
عماد:اروحلج فدوه كومي خل اخذج لدكتوره
ايثار:لامابيه شي هسه اطيب عمتي تكول شي طبيعي
عماد :يله تعاي بحضني
ايثار :رحت لحضنه ونمت على عطره وهو يبوس بشعري وحضني حيل ونمنا
لصبح كعدنه بدلنه ونزلنه اني وياه
اشتغلت الهلاهل
والحجي ابو عماد مسوي غدا بالمضيف مالتهم
باركولي كلهم زلم ونسوان
والحجي ابو عماد مكيف بعماد والحجيه مكعدتني يمها وكل ساعه وحده جايه تبارك
بعدين تغدينه وبدت الاقارب تروح
ابو زينب والبنات راحو وافراح وحمزه اخذو سلوى وخالتي وياهم وراحو
بقو بس اهل افراح يمنه لان قريبين علينه
من راحت سلوى متت من البجي
حسيت بروحي غريبه صعدت ابجي بالغرفه
عماد: ها يابه عليش هالبجي هذا شنو قابل بعد متشوفينهم شوكت ماتردين اوديج الهم
لو مليتي مني
ايثار :لاتكول هيج امل من كل الناس ومنك ماامل بس هاي اختي الوحيده عماد بس هي الي وكفتلي
عماد :حبيبتي خطيه ام رضا زوجها بوحده هناك ويحتاجها يمه مثل مااني
محتاجج بحضني
لو ماترديني
ايثار بدموع: اريدك بس انت صاير جريء
عماد: ههههه اني هذا طبعي قبل بس من ماتت المرحومه تغيرت 180 درجه
وهسه انتي رجعتيني لطبعي
ايثار: عماد بعدك تحبها
عماد: هي منو
ايثار:زوجتك المرحومه
عماد: تردين الصدك اني ازوجتها زواج تقليدي ماجنت اهتم بهيج امور بس من اخذتها حبيتها لان اني جنت بوقتها عمري 18 مراهق ومن ازوجت كأنو واحد وانطو شي حلو اله تعلقت بيها وهي جانت صغيره عمرها 15 تفكيرها مراهق مثلي شنو جنت افكر بي هي تفكر نفسي تعلقت بيها وحبيتها وجانت شنو اطلب تنفذلي بس ماطولت وياي وتوفت من يومها كلت بعد ماازوج وخلي اهتم بدراستي احسن ومثل متشوفين كملت وصرت دكتور وشائت الاقدار اخذج وتصيرين حلالي ومن اشوفج گلبي يدك الج لو ما عيب من الزلم جان ماطلعت من الغرفه
ايثار: هههه ياا عماد عيب
عماد:شنو العيب انتي زوجة منو
ايثار: زوجة دكتور عماد
عماد :اخ يابه شسويتي بحال دكتور عماد محروم من هالنعمه هواي
ايثار :هههه عماد لحضه بطني توجعني
عماد: لا اطوليها ولج راح يجوني الاساتذه يباركولي واني ماماخذ شي
ايثار :ماانطاني مجال ابد اخذ الي يريده وحضني ونمنا فزيت على دكة الباب خالتي فاتن
خويه عماد اكعد صحبانك اجو
ايثار :عماد عماد اكعد حبيبي اصدقائك اجو جوه
عماد: هاا شوكت اجو منو كلج
خالتي فاتن هسه اجت
عماد:يله يابه حضريلي ملابسي خل انزللهم زحمه
ايثار: صار
سبح عماد وبدل ونزل اني هم سبحت وبدلت ونزلت وراه
،،،،
تأقلمت وي الوضع وصار الي سبع ايام وي عماد حمدت الله لان رزقني بهيج زوج يحبني واني ميته بيه والحجي ابو عماد والحجيه ام عماد يموتون عليه لان مداريتهم همه اهلي الي نحرمت منهم
اهلي الي ولا قدروني وحتى ميقبلون يستقبلوني
كل بنيه بعد فترة زواجها تروح لأهلها
بس اهلي رفضوني وعلي ابن عمي متعارك وياهم يكلهم خطيه هاي بتكم ليش تفشلونها بين عيالها
من سمعت بالخبر متت من البجي كعدت بالغرفه لااكل ولاشرب
وعماد يكلي خل يولون فدوه يرحولج اخذج لبيت علي ولبيت حمزه ونروح لزياره يجي يوم ويتندمون لان عاملوج بهالطريقه
بساعتها حضنته وضليت ابجي صعبه اهلك ميستقبلوك ليش اني شنو سويتلهم ازوجت حالي حال اي بنت
مر كم يوم واخذني عماد لبيت علي ورحنا لبيت حمزه وبعدين ثاني يوم طلعنه لنجف وكربلاء وبغداد زرت وتونست وارتاحت نفسيتي 🦋🦋
مرت شهرين وبدو بيت عمو ابو اكرم يجهزون لزواج حسنين لان حسنين مستعجل ومرت على ولادة ام زينب شهرين او وضعها تمام فقرر ابو زينب انو زينب تزوج لان زحمه من بيت عيالها وزوجها يريدها
🦋🦋🦋🦋🦋
افراح :بعد مخلص زواج عمو عماد وايثار رجعنا لبيتنا اني وحمزه
مرت اسبوعين وخطيه عمو عماد جاب ايثار واجه لبيت خالتي ام علي واجو باتو عدنه يوم لان اهل ايثار رافضين يستقبلوها الله اكبر عليهم
بعدها عمو عماد گال اريد اخذها لزياره خل تتحسن نفسيتها
ثاني يوم راحو ومناك يرجعون لبيتهم
خابروني اهلي كال ابويه جاي نجهز لزواج حسنين لان عمو وائل كايللهم ام زينب صارت زينه ومرتكم اخذوها زحمه من زوجها ومنك انتضرتو هواي
اني ماكدرت اروح لأهلي من عرس عمو عماد لهسه مااكدر بطني كبرت والجهال متعبيني خطيه خالتي ام علي تجيني يوميه من الصبح للعصر تساعدني بالجهال وتونسني ومرات تبات يمي بين يوم ويوم لان حمزه صار دوامه خفر بين يوم ويوم
مرت الايام عاديه
فد يوم رن التلفون رد حمزه
حمزه :تعاي افراح هاي ايثار تريدج
رحت رديت واجاني احلى خبر وهو حمل ايثار طرت من الفرح لان عمو عماد راح يصير اب بعد هاي المعاناة

يتبع......
الكاتبه تولا العسكري