رواية ألضابط و المنقبه الفصل الخامس والعشرون 25 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

( ألظابط و المنقبه )

أتمنالكم قراءة ممتعه حبايبي ❤

............................................

(( سحررر ))
لا أاه ... ماتنسى وتهدي الجراح .... ألاليلي
ماينتهي ويطلع ..... صباح
أه... من ظلم البشر ......أه من حكم القدر
أه من قسوة حبيب لما بحبيبه غدرر 💔💔

اهداء من احدى المتابعات لسحر 💔 khadeejabasam

............................................................

رهف.نزلنه كلنه اول ماوصلنه للهول وجان اشوف سوزان وامهه موجودات سوزان لازمه بت قتيبه جابتهه واجت تقدمت على اثير اول ماشافته جان تكله

سوزان.حبيبي شوف تخبل يوم الالنه وجيبلك بنوته جنن هيج

رهف.فتحت عيوني بصدمه من جرئتهه سحر واكفه يمي لزمت ايدي وضغطت عليهه دنكت للكاع جان نسمع صوت جدو كلنه باوعناله بصدمه اربعتنه

جد.انشاء الله عن قريب نفرح بيكم وترسون للبيت جهال

عفتهم ورحت للمطبخ اجت وراي سحر بقينه نشتغل هيه تحظر جاي واني ارتب بلمطبخ اجت سحر حطت ايدهه على كتفي وفرتني عليهه

سحر.رهف بيج شي

رهف. چو

سحر.ياااا هاي ليش دموع شبيج

رهف.مااتحمل والله شلون اتحمل اشوفه مزوجهه اكيد جدو مايعوفه اله لمن يزوجهم

سحر.اوووف سوده عليه الله يكون بعونج جدي حاطكم براسه كلش اني اشك بي كاشفكم وجاي يلعب باعصابكم

رهف. بس تبقى هيه موقفهه اقوى سحر مشفتي شلون تكدر تحجي وياه كدام الكل بدون ماتحسب حساب انو احد ياخذ عليهه نظره بس اني اخاف اخاف حتى اباوع بوجهه خاف يشوفوني وتطلع عليه سالفه

سحر.زين انتي حجيتي وياه بهذا الموصوغ لو لا

رهف.اي واكثر من مره بس بلفتره الاخيره كام يسكت مايرد عليه

سحر.مااضن اثير يزوجهه لاتخافين مامعقوله يسويهه

مرح.رهف شبيج ليش تبجبن شصاير

سحر.تغار عيني على حبيب الكلب وناصبتهه مناحه

مرح.اني رايحه جوه

رهف.مرح شبيج اكو شي

سحر.مرح صاير شي ليش انكلب وجهج فجاءة

مرح.رهف اني اسفه بس لازم تعرفين

رهف.شكو مرح خوفتيني

مرح. اليوم بليل راح يتم عقد قرءان اثير وسوزان

سحر ورهف. شنوووو

رهف.واثير شكال

مرح.اثير ماعترض على الموضوع لان همه مخطوبين ولازم يتقدمون للخطوه الوراهه

سحر.شنو الخطوه الوراهه مرح شبيج ورهف شنو دورهه بحياته اذا راح يعقد على سوزان واكيد وراهه زواج ويأسس حياته ورهف

مرح.سحر واني شبيدي مااكدر احجي وياه بهيج موضوع

سحر.اني رايحه لعمر خل يحجي وياه مايصير هيج ضلم هذا والله ظلم

رهف.سحر لاترحين عوفي هوه اذا رايد هذا شي محد يكدر يمنعه واذا لا فهو راح يصرف اكيد

سحر.رهف انتي ليش ترجفين هيج

مرح.رهف تعاي ارتاحي بلغرفه انتي بعدج تعبانه

رهف.لا تخافن اني مابيه شي اني راح اسبح لان حاره

عفتهن ورحت دخلت للحمام فتحت الدوش وشبعت بجي احس كلبي يوجعني وينعصر حييل ليش اثير بنفس اليوم الاعترفلي بحبه يغدر بيه هيج اوووف يالله وخر هاي نار من صدري ضليت ماادري شكد طولت كلش طلعت نمت حتى بدون ماانشف شعري احس جسمي خدران ومالي حييل اوكف بعد .

................................

مرح.سحر شفتيهه شلون نايمه تكسر الكلب

سحر. الله يكون بعونهه ترى يبقى رجلهه وحقهه تنقهر علي

مرح.اي والله مو سهله انتي حجيتي وي عمر

سحر.لاوالله مصطفى بعده يمهم ماطلع لسه

مرح.هلمره تاخر شعنده

سحر . والله ماادري

مرح.انتي شبيج

سحر.موعدهه اليوم وضهري احسه نكسم بنص من الاالم اول مره هيج يأذيني حتي بطني جاي تكطع من الوجع

مرح.طبيعي يجوز لان اول مره تجيج وره زواج

سحر.يمكن بس كون تجي حتى ارتاح

مرح.ههههههههههه انتي دائما تعبين منهه

سحر.اي والله شسوي اكلج شفتي سمر شو اختفت فجاءة

مرح.اي نامت تكول تعبانه

اثير. مررررح

طلعتله بسرعه جان واكف على درج

مرح.هاا

اثير.تعاي اكوي هدومي اريد اطلع مستعجل

مرح . اي جايه وراك

اثير.امشي كدامي لجج مستعجل بعد ساعه ماتجين

مرح.هههههههههه لاجايه .

صعدت وياه للغرفه نظيفه وريحتهه جنن خرب يومج رهف مخليتهه تلمع لمع بس هوه ليش ماصاح عليهه اليوم شعجب معقوله لان سوزان هنا

اثير.وين صفنتي يمعوده

مرح.صافنه عليك المن جبتني شو غرفتك تلمع وهدومك مكويه كلهه وريحتهه تخبل بعد شكو صايحني

اثير.شو وخري وينهن منو كواهن

مرح.رهف اكيد اثير ترى رهف هيه المسؤله عن ملابسك وغرفتك مو اني ولاسمر

اثير.ادري واني كلفتهه بيهه بس ماردتهه هيه تجي وخالتي كاعده اكيد سويلهه سالفه وهيه تتخبل من سوزان

مرح.ياتتخبل يجوز نجلطت هسه

أثير. شنووو شبيهه احد حجه وياهه

مرح.لا محد حجه وياهه بس سمعت بيك اليوم تعقد على سوزان وكلبتهه مناحه

اثير.ومنوووو كاله هذا الحجي اني جم مره كتلهه مراح اعقد ولا راح ازوج هيج ماعدهه ثقه بكلامي

مرح. لا والله موهيج سحر كالتلهه تخلي عمر يحجي وياك وهيه رفضت كالت خليهه وراه هوه يحلهه لحد يدخل

اثير.استغفر الله اني مااخلص يعني والله الف سالفه براسي وموفارغ لهاي السوالف كلهه

مرح.طيب خاطرهه بكلمه خطيه نامت ودمعتهه بعينهه

اثير.خليهه من ارجع لان هيه بلا كلشي مفوله من هاي طلعه خل ارجع واشوفهه بعدين

مرح.ليش يعني انته وين رايح

اثير.ومن شوكت اكلج وين اروح وين اجي ست مرح

مرح. لاعمي ماتكلي بس ست رهف تدري بيك وين تروح وين تجي

اثير.ههههههههههههههههههه والله لوتدري وين اروح ومنين اجي تنجلط لامحال

مرح.اثير خطيه لانكسر خاطرهه الله عليك ودير بالك عليهه رهف فقيره ومحرومه من كلشي حاول تعوضهه انته

اثير.انشاء الله الله يقدرني يلا هسه اريد اطلع مستعجل خل ابدل بعد شكو صايحج اذا مرتي محظرتلي كلشي

مرح.هههههههههههههههههه وكله بنظام تعال شوف

اثير.هههههههههههههههه

عفته وطلعت سمعت صوت تكسير بغرفة عمر ردت اشوفهم وبطلت مااريد اتعرض للإحراج وياهم عفتهم ونزلت جوه اجت عمه كعدة يمنه تلفوني بيدي مكنكه بي وصلتني رساله من وسام

وسام.مرحبا

ممكن احجي وياج شويه

مرح.مرحبا

وسام.شلونج

مرح.الحمد الله انته شلونك

وسام.تمام الحمد الله

مرح.خير ردة شي

وسام.اي

مرح.شنو

وسام.اشتاقيتلج واريد احجي وياج ❤

مرح.بس احنه ماكو شي رسمي بينه واني مااكدر احجي وياك اعذرني

وسام.اكيد عاذرج حبيبتي عموما مابقى شي ويصير كلشي رسمي وساعتهه نحجي براحتنه

مرح.ماشي من يصير كلشي رسمي نتراسل عود هسه بس حاليا لا

وسام.ماشي يدلل حبيبي مثل ماتردين .

مارديت علي بعد عفته وضليت كاعده على جهه نزل اثير مبدل وكاشخ على اخر حبايه اباوع لسوزان اكلته بعيونهه والله حقهه رهف تغار علي منهه شلون تباوعله

ماما.هايمه طالع

اثير.اي عندي شغل واحتمال اتاخر اليوم لايضل بالكم

خاله.ياشون تتاخر غير اليوم المهر مالتكم

اثير.واني بصفتي العروس جايين تبلغوني هيج ماكو مهر لحد مااني احدد الموعد وابلغكم تمام

حجه هيج وعافنه وطلع خلاهن وحده تركع بثانيه سوزان حسيتهه راح تنفجر جان تكول بعصبيه وكدام الكل

سوزان.وين رررهف

مرح.شتردين منهه

سوزان.هاي الحقيره اذا ماتبعد عن طريقي ماراح نزوج اني واثير بعمرنه كله

عمه نوال.ورهف شعليهه بزواجكم

سوزان.سهله عمه لان هيه على علاقه بي واكيد تريده الهه

ماما.شنوووو اثير ورهف لاااااا مستحيل يصير هذا شي

عمه.هذا كلام فارغ لو عنده شي وياهه صدك جان خطبهه الهه ليش خطبج انتي هو اختارج لذلك عوفي رهف بحالهه البنيه مو بحال زواج نفسيتهه زفت

سوزان.ياريت تفهميهه هذا الحجي مو انتي عمتهه كليلهه لاترسم لبعيد لان اثير مستحيل يزوج وحده مثلهه جانت خدامه بلبيوت

مرح.سوززززان كلمه ثانيه عن رهف والله اخليج تحلمين دخلين لهذا البيت بعد وبعدين تعاي انتي تعاركين رهف ليش اكو شي رسمي بينج وبينه لاحب ولاخطبه رسميه كولشي ماكو انتي المفروض تستحين وماتحجين وياه كدام الكل ولعلمج اثير ماعاجبته تصرفاتج كلهه

سوزان.وهاي من شوكت حللتي هيج عيني من قبل لو من خطبتج عمتج طلع لسانج

ماما . سوزان كافي عاد واحترمي نفسج بعدج ماصرتي جنتنه وانتي لسانج شطوله ويانه

سوزان.اعتذر خاله والله بس من حركت كلبي انتي ماتعرفين اني شفت حتى هيج محروك دمي

ماما.شفتي يعني

سوزان.مااكدر احجي اعذروني صعب عليه انطقهه والله

سوت فلم وكامت تبجي امي وامهه حاطاتهه بنصهن ويسكتن بيهه اني عفتهه وكمت حقيره هاي اذا صدك دخلت بحياة اثير دمره والله مو مره غضب حيه مسمومه يارب ابعدهه عن طريق اثير وخلي يلتفت لبيته وايأسس عائله بعيد عنهه دخيلك يارررب .

..................................

سحر.عفتهم كلهه ملتمه جوه وصعدت الغرفه مرتبه دخلت سبحت ونسيت هدومي على الميز البره سبحت وكملت طلعت بلمنشفه نشفت شعري واريد البس باوعت على روحي بلمرايه طافيه ماكو اي علامه دل على انو اني عروس وهاي احلى ايام بعمري باوعت مكان الاثر كله مختفي راجع جسمي مثل ماكان اخذت ملابسي اريد ابدل انفتح الباب دخل وسده راسا ضل صافن عليه عفته اريد اروح ابدل ركض وسحبني من ايده وحظني

سحر.وخر عمر شسوي

ولاكانو احجي وياه تقرب وحط شفايفه على شفايفي جان هادء مد ايده على شعري ودخل اصابعه بشعري وصار ينثر بي نسيت نفسي واتفاعلت وياه ماادري شكد طول بيهه لحد مانكطع نفسنه وخر عني وهمس بهدوء ونفسه يصعد وينزل يلهث

عمر. سحر اريدج بعد مااتحمل

سحر.مااكدر والله

عمر.حبيبتي اعتذرت منج الف مره كافي سحر ترى ذليتيني هواي وصدكي هلمره اذا رفضتي بعمري ماراح اتقرب عليج اله لمن انتي تجين بنفسج

سحر. بس انته تركت ذكرى مؤلمه اليه شلون تريد انسي بسهوله هذا شي

عمر.اطيني فرصه انسيج السويته بيج ولا ديرين وجهج اليه

سحر.راح تكدر عمر راح تكدر تخليني انسي سويته بيه مااضن

عمر.حبيبتي كافي بجي

مسح دموعي على كيف ورجع مره ثانيه اخذني لجربايه تمددة وهوه بصفي ومستمر راسه بركبتي وادي ماثبتت مكان واحد بس اول ماراد يرفع المنشفه انتفضت صار كلشي سواه بيه كدام عيني طفرت مخروعه ودفعته من صدره هوه خزرني خزره نشف دمي من وراهه وكعن دموعي غصب عني

عمر. ليش سويتي هيج سحر

سحر.مااكدر عمرر مااكدر انته خليت بيه خوفه من هذا شي انته عيشتني بحالة رعب صعب اجاوزهه صعب والله انته تدري لحد الان اني من انام ينعاد عليه كلشي مثل الكابوس والله

عمر.هذا هو سحر وعد مااتقرب منج بعد لحدما انتي تردين هذا شي

سحر. ماعندي غير دموع هوه كام ركع الاكلاص مال المي بلكاع وراح لحمام كمت لبست هدومي ولميت الكزاز هوه طلع لابس برموده والمنشفه على ركبته شمرهه على الكرسي وراح نام بدون ماينطق بحرف واحد توقفت حركتي بعد رحت طفيت ضوه ونمت يمه بس بدون مااتقرب منه .

...........................................

سمر. كعدة المغرب كلش كمت غسلت وطلعت لكيت خالتي بعدهه وهدى رايحه لااهلهه رحت لكيت ندى هم رايحه لهلهه ورهف ومرح واكفات يسون عشا

مرح.ها صح نوم

سمر. عوفني مالي مزاج احجي شي

مرح.شبيج شو ذبلانه

سمر . بس تعبانه اليوم والله مدري شبيه

مرح.روحي اكعدي هناك هسه نكمل ماعدنه شي

سمر.لا خليني يمجن فوفه شبيج

رهف. ماكو شي هسه اجي

سمر.شبيهه هاي

مرح.هيه واثير مدري شبيهم

سمر.هاا الله يهديهم

كملنه العشا سحر جانت كاعده يم عمر بس مبينه كوه مسيطره على روحهه ورهف مدنكه على الاكل بس تخوط بي ذني شبيهن اليوم شويه وكمنه لمينه الاكل اجت ماما وراي وصاحتني لغرفتهه رحت وراهه

ماما.دخلي وسدي الباب وراج

سمر.خير ماما صاير شي

ماما. لاحبيبتي تعاي كعدي يمي

سمر.اي ماما اسمعج شكو صاير شي

ماما. حبيبتي انتي كبرتي وماشاء الله صرتي عروس حبيبتي

سمر.. عروس شقصدج ماما

ماما.قصدي الملازم مصطفى اجه خطبج من اخوتج وعمر حجه وي ابوج وجدج وقتيبه كالو نسأل علي بس مارفضوا يعني مبدئيا موافقين علي

انصدمت وجعني كلبي بنفس لحظه

سمر . بس ماما اني اريد اكمل دراسه مااريد ازوج هسه

ماما.بلغه عمر بهذا شي وكال ماعنده مانع تكملين يمه هوه منتظر منه خبر حتى يجيب اهله ويجي

سمر.ماما اشوفه عاحبج كلش

ماما.اي والله ماما الولد حلو وشخصيه وعائلته متمكنه وضابط برتبه يعني راح ترتاحين ويا ياماما

سمر.يعني اخوتي موافقين علي

ماما. ابوج وجدج يعرفونه اهله ويمدحون بيهم يكولون عائله مثقفه ومعروفين والهم سمعتهم وقتيبه وعمر هم مدحو بلولد

سمر.واثير غير لازم نعرف رئيه هوه يريدني اكمل دراسه

ماما.اثير الولد صاحبه اكثر من عمر واخوج كايله اسألهه يلا بس عمر يكول الولد مايتفوت خوش قسمه ياماما

سمر.سكتت شكلهه مااعرف والله ماادري ليش اجة بالي اذا اياد عرف راح يصرف لو مايهمه الموضوع خاصه هوه اليوم سافر رغم اذيته اليه ولا مره اجه حجه وياي او أعتذر لو حاول يصلح الموقف عرفت بلحظتهه انو اني مجرد نزوه عنده ولاماكو واحد حبيبته زعلانه علي وهوه مامهتم هيج جاوبت ماما راسا ماادري ساعتهه وين جان عقلي وليش مافكرت عدل اني حتى ماسالت عنه ولا شفت صورة او اي شي اله

ماما. ها سموره شكلتي حبيبتي ابوج يريد يعرف رئيج

سمر.ماما اذا تشوفوا مناسب انتو واخواني اني ماعندي مانع

ماما.يعني موافقه

سمر.اي ماما موافقه علي

ماما.الف مبروك حبيبتي الله يتمم الكم على خير انشاءالله

سمر.عفت ماما وطلعت رحت للغرفه كعدت وحدي اني شبيه شورطت روحي معقوله ارتبط بشخص بدون مااعرفه او اشوفه حتى بس اني مجانت احلامي هيج الله لايوفقك اياد دمرت حياتي وخليتني مااعرف شريد جنت صافنه وي روحي فجاءة ذكرت الولد شفته اليوم طفرت بفزع بس لاهوه هذا مصطفى لاياللله طلعت اركض ادور على سحر لكيتهه جاي سوي جاي لعمر شافتني الهث وحالتي حاله

سحر.سمررر شبيج

سمر.سحر الولد جان عدنه اليوم صاحب الولد شسمه

سحر.ههههههههه ها ولج حطيتي عينج علي

سمر.سحر جاوبي الله يخليج

مرح.هاي شكو شبيجن

سحر.اسمه مصطفى

مرح.منو هذا مصطفى

سحر.صديق اثير وعمر

سمر.تعرفين شنو يشتغل

سحر.لامااعرف كتلج هوه اكثر شي صديق اثير شوفي رهف

سمر.وينهه رهف

رهف. سمعت اسمي شكو

سمر.تعرفين مصطفى صديق اثير الاجه اليوم شنو شغله

جنت متاكده من جواب بس اغالط بروحي بلكي يطلع مو هوه

رهف.اي ملازم اول وي اثير بنفس المركز بس ليش

سمر . لايالله مستحيييل هذا وحد حييوان

مرح.تعالن خل نكعد بلحديقه امشي ولج انتي شنو سالفتج اليوم

سحر.انتظرني راح اودي جاي لعمر واجي على سريع

طلعنه كلنه كعدنه بره وسحر اجت تركض يمكن شمرت جاي بحظنه واجت

رهف.سمر انتي من ضهر لسه وضعج مو طبيعي شنو سالفه

سمر.اني نخطبت وانطيت الموافقه على العريس

مرح ورهف وسمر.شلون ويمتتتتتى

سحر.وليش البجي اسكتي خل نفهم

رهف. بس لا نفسه الكلتي علي حييوان هسه

سمر.اي طلع نفسه اني مستحيل ارتبط بهيج شخص هذا واحد ماعنده احترام لحرمة البيت

مرح.شسوالج الولد

سمر.من طلعت ادخل الغراض مالات هدى هوه جان بلباب .............

مرح. عزززه بعينه كبر كون

سحر ورهف.ههههههههههههههههههههههههههه

سمر.وحمس عليمن ضحكن

رهف.سموره لاتزعلين موعليج والله بس ذكرت موقف شبيه بي وماكدرت الزم نفسي هههههههههههه هههههههههههه

سمر.طبعا شبيه بي غير صديق رجلج يعني نفس اخلاقه

رهف.ونعم من أخلاق زوجي اصلا راح يحطونه امام جامع على الاخلاق شايلهه يمشي ويوزع اخلاق سوده عليه هههههههههههههههههههه

البنات. ههههههههههههههههههه

مرح.اليوم رهف مفوله منه شكوو

رهف.خليهه وره الله ناويتله خوش نيه اليوم بس خل يجي

سحر. يعني راح يزوركج اليوم ههههههههههه

رهف.اهم شي افرغ البكلبي ولااضل ساكت لان راح انفجر بس خل يرجع ويصير خير

سحر.ماادري ليش حاسه ضوجتج على المكان الموجود بي حاليا

رهف.سحر سكتي كوه لازمه نفسي ترى

سمر.هسه عوفن هذا الحجي كللي شسوي مااريده

سحر.بس والله سريع اول ماشاف صدرج خطبج لو شايف غير شي شسوه ههههههههههههههههههه

رهف.جا لكفهه من الباب وراح ههههههههههههههههه

مرح.نسوان اخوتي صايرات كلش وعلي ههههههههههههه

سمر.بنات تتوقعن اياد يسوي شي اذا عرف

سحر.سمررر اياد انسي مهما صار وياج لاتفكرين ارجعين لهيج واحد لان اليخون مره صير بدمه الخيانه بعد

رهف.الله يبشرج بلخير ياسحر ريحتي كلبي والله ههههههههههههههه

سحر.انتي اسكتي اليوم شبيج

رهف، خلص سكتت

مرح.سمر انتي شوفي الولد واكعدي ويا بلكي يطلع خوش ولد وترتاحين ويا

سحر.مدام انطيتي لموافقه لعمه بعد ماكو تراجع سمر لان اكيد هسه بلغتهم بموافقتج ونصيحه مني الج شوفي حياتج لان اياد عمره ماراح يكون شخص اليستاهلج

رهف.اني مؤيده لكلام سحر فعلا سمر هوه جذب عليج مرتين ومااضن يهمه اذا نخطبني او لا

سمر.ماادري خلنهه وره الله اني بعد انطيت موافقتي بس لازم احجي وي اثير شرطي الاساسي اكمل دراسه غيرهه مااريد منه اي شي

سحر.احسن شي سوينه والله لاضيعين حلمج على الاقل وحده بينه توصل اني عن نفسي من يوم يومي فاشله بيهه يعني مااتحسف عليهه

مرح.واني راح استقر بحياتي بعيد عن هنا يعني صير متعبه اليه دراسه وي زواج والبيت

رهف.اني اختلف عنجن بنات تدرن اني مطلعه قانون وماكملت

البنات.صدددددك

سحرر.ولج حرامات ليش ماكملتي

مرح.اي والله انتي واصله يعني يمعوده على الاقل شهاده تفيدج صير سلاحج

سمر.تحجين انتي لو اني

رهف.هههههههههههههههه لاانتي احجي

سمر.اني ورهف راح نداوم سوه قدم اثير اوراقنه

سحر.صدك والله الف مبروك الجن ثنينجن والله يوفقجن

مرح. والله فرحتني الله يوفقجن انشاء الله

سحر.هههههههههههههه يعني انتن داومن بجامعه وازواجن بلمركز سوه

مرح.هههههههه حلوه هاي والله

سمر.الله كريم

بعدهه اجه عمر صاح على سحر وصعدو رغم شفتهه نعقج وجهه بس كامت ماحجت اي شي ويا ومرح بيبي ودت عليهه ضلينه اني ورهف كاعدين كل وحده صافنه على حياتهه شلون راح تكون سمعنه صوت سيارة اثير طفرت رهف اني عفتهم وانسحبت اكيد عدهم شي خاص بيناتهم مااريد ابقى يمهم دخلت جوه حطيت الهتفون بأذني وكعدت اتابع المسلسل مالتي حاليا هذا افضل حل اليه .

...........................................

رهف. كعدت احس جسمي متكسر باوعت لساعه دنيا المغرب طفرت راسا اكيد اثير راحلهه كال العصر يروح غسلت وطلعت على سريع طلعت لكيت ام رتوش بعدهه مارايحه رحت يم البنات التهينه بلعشا واني بالي كله يمي اتاخر وين اخذهه هسه وين راحو دكيت علي اطاه رفض ماجاوب لو شطت جاي يسوي ليش يرفض الاتصال خلص العشا وطلعت بلحديقه اجن البنات تفاجاءنه بخبر خطوبة سمر بس كون يطلع بي خير ومايشلع كلبهه ظلينه ناصبين عليهه تالي كلهه تفرقت سمعت صوت سيارته طفرت اريد اعرف وين جان طبعا خالتهم راحت وره العشا وسمعت من سحر هوه لاغي العقد اليوم مقابل دخل يفر بسويج وتلفوناته بيده وذيج الكشخه طبعا لازم تنعجب بي غير وريحت عطره وصلت لخشمي وهو بعده بلباب شافني متخوصره واكفتله اجه تقرب عليه وضحك

أثير.شنو هاي الوكفه ياستار عركه جديده مو هههههههههههه

رهف.وين جنت لسه

اثير . موتدرين وين جنت ليش سألين بعد

رهف.شسويتوا

اثير.شسوينا اني ومنو ؟؟؟

رهف. اثير لاتضحك عليه انته من العصر طالع هذا الوكت كله وياهه جنت اسوي لاتكلي هديتهه لرب العالمين

اثير.ههههههههههههههههههههه ولج انتي وين تحجين ليش سحر ماسولفتلج يعني

رهف.لا شسولف يعني تحجي عاد اثير

اثير.ولج ماطولت وياهه عشر دقايق بعدنه بفرعهم اصلا بس سلمتني دليل مال اختهه تاكدة منه شمرتهه من سياره

رهف.وين جنت هذا الوكت كله انته مالابس هدوم الدوام يعني مو بلمركز

اثير.يعني المركز ماادخله اله بهدوم دوام عموما حتى اريحج جنت طالع وي مصطفى اليوم واتعشينا بره

رهف. الف عافيه

أثير.رهف الجاي سوينه غيره لو عدم ثقه شنو نوع تصرفاتج هاي

رهف.اكيد غيره اني كتلك اغار وبخبال هم مو بس هيج

اثير.واني اموت على غيرتج هاي ياروحي

رهف.يعني هسه متعشي ماتريد مني شي اروح انام اني تصبح على خير

اثير.ليش ماتكعدين وياي شويه هنا

رهف.وذا واحد شافنه شلون

أثير. شلون حاله هاي شوفي الأحد نعقد ونبلغهم ونخلص من هاي سالفه احسن شي

رهف.حبيبي ليش تريد نعقد محكمه اول شي

اثير.ممنوع تكولين حبيبي وانتي واكفه كبالي بعد منا لمن نعلن زواجنه مفهوم

رهف.ليش يعني

اثير.بدون ليش بعدين تعرفين وهسه اجاوبج على سؤالج لان ادري راح تقوم عليه القيامه من يدرون وخاصه هاي الفتره كلهه ضام عليهم فأريد يكون كلشي على حسب الاصول قانونيا وشرعا شتكولين

رهف.مثل ماتريد بس خليهه وره سنوية ماما يلا تكلهم

اثير. بس بعد تلث شهور على سنويتهه واني بالي غير تخطيط

رهف.شنو يا تخطيط

اثير.اخليج حامل بعيد زواجنه ولج راح يصير النه سنه سوه

رهف. عفيه لاتحجي هيج والله استحي

اثير.فديت اليستحي أني

مرح.اثير جدو وبابا يردوك

اثير. صاير شي

مرح.علمود شغلة سوزان يردون تنهيهه اليوم

اثير.يسون فضل عليه و الله لان لعبت نفسي

رهف.شراح سوي

اثير.يجيج الحجي حبيبي اصبري واشوفي

عافنه دخل جوه اجت مرح وكفت يمي بعدين دخلنه وراه نريد نعرف شراح يسوي اليوم وشلون راح يتصرف معقوله يجبرونه يزوجهه لان صار هواي خاطبهه لايربي مستحيل اتحمل هذا شي صح دنيا كسرتني هواي بس هاي راح تكون القاضيه والله .
.
.
.
.
.
.
.
.
.
.
.
يتبععععع❤

هلو كليباتي شلونكم

بنات شنو رئيكم بلبارت اليوم حبيباتي اتمنى يكون عجبكم وياريت تكثفون تصويت وتعليقات حتى اعرف رئيكم بلبارت لان رئيكم كولش مهم بلنسبه الي فديتكم متابعيني 😘😘😘😘😘😘😘😘

بنات شنو رئيكم بتصرف مرح تجاهه سوزان

طريقة صد مرح لوسام صح لو غلطانه

ام اثير ليش تخبلت هيج هل لان ماتوقعت رهف ممكن تكون على علاقه بأبنهه لو ماتريدهه اله اصلا لان جانت خدامه

تتوقعون مخاوف سمر من مصطفى راح تكون صحيحه لو يطلع غير شي

رئيكم بطريقة سحر صح نفورهه منه لو هوه لازم ينطيهه مجال حتى تنسى الصار بيهه

شنو تتوقعون راح يسوي اثير وي جده وابوه ؟

واخيرا اتمنى تكونون استمتعتوا بلقراءة احبببكم هواي ❤❤

بنات تعليقات فديتكم صعدوا البارت بتعليقات والتصويت فديتكم وهاي بوساتي الكم 💋💋💋

UMtota.....