رواية الدموع المرة الفصل الخامس والعشرون 25الاخير بقلم يارا محمد
حذيفه بغضب
انت عايز مني ايه تاني اللي طلبته نفذته و عاملتها بقسوة وحسستها أنها عاجزة و مش ليها حد سيبها ف حالها يا وليد .
وليد ببساطه
هسيبها و هديك ترياق السم اللي بيجري ف عروقك ده ميلا مراتي بتعرف تعمل السم و مضاده لكن مش هديه ليك غير بعد ما كل أملاك عيله الزيني تبقي تحت تصرفي فاهم .
حذيفه
انتي عايز مننا ايه بالظبط ليه كميه الغل و السواد ده
وليد
باخد حقي حق الذل و التفضيل اللي شفته من بنت عمك تاليا لما فضلت اخوك عليا كل ده ليه علشان كنت أقل منكم بصراحه مش تعبت شغلي مع المافيا سهل عليا كل حاجه وبقيت وليد بيه زي مانت شايف و مش هسكت وغير وانتوا مرميين ف الشارع أو بتشتغلوا خدامين عندي تعرف بس تاليا الغبيه كانت طعم سهل اوي عرفت ارجعها ليا واقنعت اخوك الغبي يشغلنا الغير قانوني وهي كمان كانت بتاخد حصتها من الشغل كوك لغايه ما قتلتها بيه الغبيه فكرت راجع وانا لسه بحبها مع اني اتجوزت الاحسن منها بس كنت بتسلي بيها وبنتقم منها عن كل حاجه سببتها ليا.
حذيفه
تاليا طول عمرها رخيصه ومش بتروح غير للي زيها ومش فارق ليا موتها ما حدش يفرق ليا غير اواب وبس و بعدين ده ف احلامك انت فاهم عمرنا انا و لا اواب هنكون تحت سلطتك انت سامع اطلع برة مش همضي ع حاجه غير و انا مطلع اواب من السجن .
أما ف السجن اواب مش قدر يستحمل الحقيقه و حس أن الدنيا وقفت بيه وضاقت عليه فجاه وقع ع الأرض والمساجين راحوا ليه وطلبوا الدكتور من السجان اتحول لمستشفي السجن و بلغوا ضياء لانه صديق اخوه بعد فحوصات الدكتور بلغ ضياء بأن دي بوادر جلطه بس لحقوها.
ضياء
استحمل يا اواب مش تستسلم دلوقتي ارجوك خليك واقف لغايه ما نخلص من المشاكل دي.
اواب مش قدر يتكلم معندوش طاقه للكلام هو اطعن ف قلبه كان مغفل بقاله سنين الحاجه الوحيدة اللي حلوة ف حياته كانت ملك بس حتي دي ضيعها .
اواب بدموع
ضياء انا عايز ملك عايز اعتذر ليها عن كل حاجه والظلم اللي سببته ليها .
ضياء
للاسف يا اواب حتي احنا مش عارفين هي فين حذيفه قلها كلام صعب وهي طلعت من المستشفي وبعدين ما اعرفش عنها حاجه .
اواب لأول مرة ف حياته يبكي بكي ع حاله و الظلم اللي سببه لبنت بريئه و ع بنت عمه اللي غفلته سنين ودخلته ف مواضيع كبيره وحاليا مش مسامح نفسه ابدا .
عند ملك فضلت فترة طويله نايمه الباب خبط وهي قامت ع الصوت قامت براحه لأنها لسه بتحس بتعب مكان الإجهاض فتحت الباب ولقيت ست كبيرة وجنبها آيم و الدكتورة وجدها قبل منهم .
ملك بخوف بسيط
ف ايه يا جدي مين دي .
سليمان بحنيه
اهدي يا بنتي دي دكتورة سهي دكتورة العزبه هنا جايبها تطمن عليكي وزوجه عمك مروة هتكون معاكي احنا برة الدكتورة لما تخلص هتبلغنا .
الدكتورة بهدوء
ممكن تنامي علشان هكشف عليكي حدك موصي اني اكون حريصه ف الكشف الظاهر بيحبك اوي .
طلعت ادوات الكشف و سونار صغير بيتاخد اي مكان شغلته وكشفت يجي ساعتين كانت مستغربه من حاجه بس حبت تتأكد وبعدين استغرابها اتحول لبسمه صغيرة و بصت ليها .
انا خلصت هنده الحج سليمان .
ندهت ليهم و بصوا ليها بتوتر .
سليمان
خير يا دكتورة طمنيني انا طلبتك علشان تكشفي عليها وتكون كل حاجه كويسه .
سهي بابتسامه
كل حاجه كويسه بس سؤالي لحفيدتك مين قلك أنه اتشال منك الرحم .
ملك باستغراب
اخو الشخص اللي كنت متجوزاه وده الدكتور اللي قاله ليكي لي السؤال ده .
سهي
لانه ببساطه رحمك موجود هو اه طريقه اجهاضك كانت صعبه وقاسيه زي ماقالي جدك بس مش وصل لدرجه استئصال رحم هو في مشاكل ف رحمك ايوة و هنعالجها متخافيش بس انتي سليمه .
ملك بدموع مش مصدقه نفسها وتبتسم وهي مش مصدقه راحت لسهي و حضنتها .
ملك بدموع
شكرا ليكي انتي رجعتيلي حياتي من تاني بعد ما كنت فاقدة الامل شكرا ليكي اوي .
سهي
عايزة تشكريني بجد نبقي اصدقاء موافقه .
ملك
طبعا موافقه بشكرك مرة تانيه.
سليمان بابتسامه
كنت واثق انك كويسه علشان كده طلبت سهي لاني واثق ف شطارتها بالمناسبه سهي اخت آيم بس قلتلك كده علشان مش ترفضي .
ملك
جدي انا عايزة اعيش هنا ع طول مش عايزة ارجع القاهرة تاني وكمان ابيع البيت ممكن تساعدني .
آيم
مش محتاجه تطلبي ده البيت اتباع خلاص من تاني يوم وجودك و فلوسه بقت ف حساب بالبنك .
سليمان
وكمان هتشتغلي محاسبه ع حسب دراستك ف شركه آيم هتكوني تحت تدريبه ف اي وقت تكوني فيه جاهزة .
ملك حضنته بقوة .
كنت فاكرة أن كل حاجه انهارت من حواليا وانا مش هعيش مبسوطه ابدا لكن حضرتك رجعتلي حياتي من تاني شكرا يا جدي .
سليمان
مش تشكريني هنسيبك دلوقتي.
الكل سابها وهي قعدت ومش مصدقه أنه هي سليمه ولو حصل و اتجوزت هتكون ام تاني .
تاني يوم كانت قاعدة قدام الشباك سرحانه للاسف لسه سرحانه فيه وهيطلع من محنته ازاي باب الاوضه اتفتح و دخلت مروة بهدوء ملك حست بحد معاها ف الاوضه لفت لقتها .
ملك
حضرتك اتفضلي .
مروة بابتسامه
اي حضرتك دي انتي تناديني ماما بعد كده اصلي انا حبيتك اوي جدك حكي لينا كل حاجه وبصراحه مش عايزة حد يكون ضاغط عليكي تاني وانا ههتم بيكي هتبقي بنتي التالته تعالي هسرح ليكي شعرك .
قعدتها وسرحت شعرها بهدوء واللي كان طويل خلصت ولفت ليها
مالك ساكته ليه وليه بتبصلي كده.
ملك
كنت فاكرة انك مش حنينه وانك هتقعدي تقوليلي ليه ظهرتي وكنا عايشين كويس بعيد عن بلاوي ابوكي انا اسفه لكن ده اللي كنت متوقعاه .
مروة
لاننا عيله كل واحد بيحب التاني جدك عادل ف كل حاجه وعمر ما حد بص لشئ زيادة والدتك اتعاملنا معاها وهي كانت بنت خال ابوكي كمان وكانت كويسه وحنينه بس لان ابوكي كان عايز يروح القاهرة حصل اللي حصل اللي انتي عارفاه انتي من النهاردة بنتي تعالي ف حضني .
ملك شافت ف حضنها حنيه اتحرمت منها بعد موت ابوها و امها فجاه بكت بحرقه .
ابكي طلعي اللي جزاكي لو ده هيهديكي .
بعد مرور شهر حاله ملك اتحسنت وظهرت تطورات جديدة ف قضيه اواب و حذيفه مسك دليل براءته وللاسف الكل عرف أن تاليا ع علاقه ب وليد حذيفه جمع الادله بمساعدة ضياء وكمان دليل يثبت أن وليد قتلها
قدم كل حاجه للمحكمة بعد ما قدموا طلب إعادة محاكمه ووليد وقع ف شر أعماله وميلا ضحت بيه واواب طلع براءة أما حذيفه مسك ميلا بغضب وقالها تجيب المضاد السم اللي محقون بيه .
ميلا ببرود
لو كنت طلبته بهدوء كنت هديه ليك من غير تهديد كده انا اصلا مش مهتمه بيكم اتفضل بالمناسبه اللي بتدوروا عليها ف الفيوم عند جدها اسمه سليمان الصاوي اعتقد عن اذنك عندي طيارة
بعد ساعتين إجراءات الإفراج عن اواب خلصت و روح بيته ارتاح وحذيفه اخد المضاد وبقي كويس وقال ل اواب ع مكان ملك .
اواب قرر يروح ليها بعد يومين .
ف فترة الشهر ملك اتعافت بشكل كلي وبقت تنزل من غرفتها واتعرفت ع العيله كلها و حاسه بأمان وعرفت بخروج اواب لأنها لسه متابعه أخباره .
سليمان شاف الخبر و اتكلم .
سليمان
حذيفه كان قدها وطلع اخوه براءة .
ملك
انت تعرفهم ياجدي .
سليمان
ابوهم كان شريكنا وتجمعنا صداقه وحصلت مشاحنات كده أدت لقطع علاقتنا بيهم ملك لو اواب رجع وطلب المسامحه هتسامحي .
ملك
انا مش عارفه الاجابه يا جدي دلوقتي مش هقدر اجاوبك صدقني لو كان عندي كنت هرد عن اذنك.
ملك دخلت اوضتها وفضلت تبكي لي السؤال ده و ليه خرج كنت عايزة يعيش ف السجن طول عمره مش كنت عايزة اشوفه.
ف خلال يومين اواب وصل عزبه الصاوي وسليمان عرف أنهم جايين و اضطر يستقبلهم .
سليمان
خير يا اولاد الزيني جايين ليه انتوا ليكم حاجه تخصكم هنا .
اواب
ليا مراتي يا سليمان بيه عايز اشوفها .
سليمان
حفيدتي مش مراتك ولا عايزة تشوفك انت دمرت حياتها و انا ما صدقت أنها اتعافت جيتوا هنا ع الفاضي .
ملك
جدي اسمحلي اتكلم ممكن .
اواب انا رميتك من حياتي من لما طلقتني منك ف المستشفي و اجهضتني و اوهمتوني انت و مراتك ان الدكتور عمل استئصال الرحم و الحقيقه انا سليمه انت اتخليت عني و سبتني و اخوك قالي كلام ما كنتش حابه اسمعه منه .
حذيفه
صدقيني كنت مضطر اقولك كده وليد هددني
بقتلك وانا خفت عليكي .
ملك
حتي لو كان لازم تتبعني بس انت اخترت اوحش طريقه ابعد بيها عنكم .
اواب
انا مستعد اعمل اي حاجه علشان تسامحيني ارجوكي هتجوزك واعملك فرح يليق بيكي.
ملك
و انا مش عايزة اعيش التجربه دي تاني انا بكرهك يا اواب ومش هأمن ع نفسي معاك امشي من هنا ومش عايزة اشوف وشك مرة تانيه و انسوا اني دخلت حياتكم .
سليمان
اظن انكم سمعتوا الرد حفيدتي مش عايزاكم هنا وبعدين هي اتخطبت دلوقتي ل آيم اتفضلوا .
اواب اتاكد أن خسرها و مشيوا وندم أشد ندم ع اللي حصل رجع فيلته وهو مدمر ع الاخر .
ملك
جدي ليه قاتلهم اني مخطوبه لحفيدك .
آيم
لاني طلبتك من جدي و وافق و امي كمان .
ملك
وانت موافق تتجوز مطلقه تبدأ حياتك معايا ازاي .
آيم
و انا موافق عايزة اعوضك عن كل حاجه .
مروة
و انا موافقه مش عايزة غيرك يكون زوجه لابني .
ملك حضنتها و ف خلال اسبوعين كان فرحهم هادي وملك عاشت مبسوطه لأول مرة و بعد سنتين ربنا عوضها ب ولدين توام أما اواب صفي شركاته و راح يعيش ف اسبانيا مع حذيفه وندمان لانه خسرها و انهار لأنها اتجوزت أما منال اتحكم عليها بالمؤبد لأنها حاولت تقتل ملك و وليد بالاعدام
🌹🌹🌹🌹🌹🌹🌹🌹🌹🌹🌹🌹🌹🌹
💚