رواية الغريبة الفصل الرابع عشر بقلم احمد محمد

الجزء التاسع عشر

حبيبي إشتقتلك
عيوني اتعبها السهر وانا إحتجتلك
قلبي بك مشغول وانا إشتقتلك
روحي لوصلك تنتظر وإشتقتلك
معقوله تقدر تبتعد ولا توصل لي اخبارك
معقوله تقدر تنام ولا تطمني على احوالك
معقوله ترتاح وتسعد وانت ماتشوفني قبالك
لية حبيبي وش الي حصل
الى متى قلبك قاسى
الى متى قلبك ناسي
والى متى عينك تحب غيري

من الي غيري يجذبك
هو عذابي مايعذبك
لو عندك عذر بسمعك
ويمكن أقدر أسامحك
ويمكن اعذرك من دون ماتعتذر بس انت تعاااال
وخليني اشوفك واسمعك
يمكن أقتنع بأي كلمه تقولها بس تعاااااااال
لأني بجد إشتقتلك وفعلا إحتجتلك
سعود بألم : معقولة نسيتينا " خذته الذكرى "
ساره : سعود .. سعود لقيتهم ياسعود لقيتهم
سعود : لقيتيهم ياساره وتركتينا معقولة ما شتقتي لنا لا كلام ولا سؤال يعني أصبحنا ذكرى بحياتك

تركي ينادي من بعيد : سعود تعال لا تحاول تبعد عنا بتشترك معنا بالتحدي بتشترك
سعود بتأفف : الله يعيني إذا البلشة معي شلون ما تبيني اشترك
تركي : يعني انا بلشة " وجا مسرع ورماه في البحر "
" سعود راح يسبح ويبعد ويبعد عنهم يحس وهو يسبح يعاند الشوق الي بقلبة ويحاول يسيطر عليه آآآهـ يا قلبي جيت الشرقية ابي اكون قريب منها أبي اشوفها لو بالصدفة لأني شفتها ورتحت ولا ني نسيتها ومدري اذا انا جيت على بالها بس نظراتها تقول شي غير تقول أنها تحبني بس شلون وهي طارت في أحظان أبوها وراحت معه كل ما أتذكر ذيك النظرات وهي تودعنا وتمشي كأن قلبي الي وسط قلبي هو الي راح راح يتبعها آآآآآآه ياقلبي تعذبت من عرفت الحب ياليت اقدر اطمس على حبها من قلبي
وصار يدندن
خذاني الشوق لعيونك وجيتك

طرالي شي ماعمره طرالي

على بالي ولالحظة نسيتك

اسولف بيك من حالي لحالي

تغيب الناس لاجيت ولقيتك

اشوفك ظحكتك واكتم مضالي

خذيت من العمر عمر وعطيتك

كفى الايام وتعود الليالي

انا وشلون اعيش ان ما لقيتك

تذكرت الغياب وفراق بالي

تعال وقلبي المشتاق بيتك

ارش الورد بقدومك ياغالي

زرعتك للوفا فل وجنيتك

تذوب الشمس وغصون الظلالي

تجول بخاطري لامن طريتك

امــــاني مــــالهــــا اول وتـــــالــــي

تركي : ابن الذينا جايبنا معه للشرقية عشان يقعد سارح طول الوقت يفكر فيها وحنا بالطقاق الي يطقنا " دق جوال سعود وكان على الفرشة حاطه مع بوكه ناظر تركي وشاف ريم الفلا فز قلبه تردد يرد او لا وسكت التلفون ورجع مره ثانية يرن ..... ارد او لا بيذبحني سعود لازم اسمع صوتها
ضغط زر الرد
ريم بصرخة : سعوووووووووووود حبيب قلبي
تركي بصدمة : احم احم انا تركي
ريم اختلعت ومادرت وش تسوي وقفلت على طول التلفون
ريم : والله انه سخيف يرد اكيد شاف اسمي وشوله يرد اخاف سعود فيه شي .... لالا مستحيل ارجع اكلم مره ثانيه احسن حل اروح لأمي تكلمه
وفعلا راحت ريم لأمها وقالت انها تصلت على جوال سعود ورد عليها تركي وعلى طول امها اتصلت على جوال ولدها تبي تشوف وش قصته
ورجعت تتصل من جوالها وهنا شاف تركي الغالية تتصل بك عرف انها خالته ام سعود على طول رد : هلا وغلا هلاا وغلاا باحلى خاله بالوجود
ام سعود : هههههههههههههه هلابك اكثر يابعد روحي .. مساء الخير
تركي : مساء النور
ام سعود :وشلونكم... وين سعود ما يرد على جواله
تركي : حنا بخير ماننشد الا عنكم وسعود قاعد يسبح بعيد عنا ومخلي جواله على الفرشة
ام سعود : الحمدلله روعتني المطيوره ريم
تركي فز قلبه : بسم الله عليك وليه ارتعتي
ام سعود : تقول اتصلت على جوال سعود ورد تركي اكيد ان سعود فيه شي
تركي بقهر : مافيه شي شوفيه مخلينا على جنب ويسبح بلحاله ومطنشنا وهو مزعجنا وماخذنا معه
ام سعود : الله لا يغير عليكم يمه وانتبهو على انفسكم والله الله من السرعة وانتبهو من البحر ولا يغركم انكم تعرفون تسبحون
تركي : ابشري ياخاله " وبتردد شوي " خاله
ام سعود : سم يمه
تركي : تعذريلي من ريم رديت عليها قلت اكيد تبي شي ضروري من سعود
ام سعود : عادي يمه انت وسعود واحد واذا رديت عليها وش فيها المهم يمه انتبهو على نفسكم
تركي : ان شاءلله
ام سعود : فمان الله
تركي : فمان الكريم
ريم من ورى امها: يعني سعود مافيه شي
ام سعود : بسم الله عليه مافيه الا العافيه وهو يسبح في البحر
ريم حست بخوها واكيد مراح للشرقية إلا لانه اشتاق لساره يؤؤه قصدي مشاعل مدري ليش احب اسم ساره اكثر من مشاعل <<"" اخترت اسم مشاعل من ازعاج صديقتي الا تبي اسمها اذا رجعت لها الذاكره يكون عليها ولاني اموت في ميشو سميت ساره مشاعل ""
نرجع لريم 
يارب تكون مشاعل من نصيبك يا سعود وتمددت على الكنب الي بالصاله وجلست تتذكر ايام الشرقية

ريم : روان والله انك بايخه لا ترمين الكوره بعيد من زين سباحتنا تبينا نغرق
روان : وبما انك ماتعرفين تسبحين وشوله تطمسين معنا بالبحر
ريم : اقول روانوه فارقي والله من زين السباحه انتي على بالك يومك جالسه بهالاستك انك صرتي سباحه اقول وربي لو يدخل الماء بعيونك ما نشوف الا اسمك بالجرايد بكره غرق فتاه ببشاطي هاف مون بالخبر
ساره : ههههههههههههههههههههههه تفاولتي على البنت
روان : بسم الله علي
مها : وربي ماعندكم ذرة رومنسيه خلونا نتمتع بجو البحر
البنات : هههههههههههههههههههههههههههههههههه
روان بضحك : أي ذرة رومنسيه بها السواد يالله نقدر نشوف عيون بعض والبحر حتى مو شايفينه
ساره : هههههههههههههههههههههههههه تكفين ياروان لا تكملين راسي عورني من الضحك
روان : هههههههههههههههه أي والله ربي بلاني بنات عمه مجنن واحده ذابحه نفسها بالرومنسية والثانية على بالها مافيه اذكى منها
ريم : اقول خلونا من تنكيت روان انا عندي لكم موضوع حلووو
مها : ابدعي يا مبدعتنا
ريم : موضوعي عن الحب
روان : ههههههههههههههههههههههههههه ويلموني اذا قلت هالبنت خبله
ريم : روان ترى رفعتي ضغطي خلينا نتكلم في موضوع مهم
مها : اقول ريمو غريبة تسئلين عن الحب وانتي اكثر وحده ضده
ريم : ابد يا مها ماعمري كنت ضد الحب بس انا كنت ضد طريقة الناس في الحب
ساره : الحب شي حلو يخليك بعالم ثاني بعالم مافيه الا انتي تنسين الي حولك وتبحرين في سماه تروحين للافق فوووووووووووق مثل الطير تحسين روحك هايمه فوق الحب عذاب والحب هم والحب جرح كلها حرفين لكنها تتحكم بك وتصيرين لهل حرفين مقيدة
روان تصفق : ياهوووووووووووووووووه ايوى على التعبير ياعيني على الحب اعترفي سارونه منو تحبين
هنا خذت ساره مويه من البحر ورشتها على روان
مها : هههههههههههههههههههه تعجبيني
ريم : وانتي يا مها وش رايك في الحب
مها تتنهد : الحب آآآهـ من الحب مثل ماقالت ساره الحب عذاب وخاصة اذا حسيتي ان هالشخص يمكن تفقدينه وبنفس الوقت خوف من ضياعه وفرحة بشوفته يعني احاسيس ملخبطه تحسين انك في كل وقت بشعور وبحساس
ريم : اوكي وانتي وش رايك يا روانوه
روان : اسمعو راح اقولكم شنو رأيي بالحب صح مثل ماقالو البنات انه شي حلو لكن انا اعتقد انه اذا كان بعد الزواج بيكون قمة الروعة افضل من الواحد يتعايش معه قبل الزواج لنه تهور شوي مثلا البنت اذا حبت تهورت ويمكن تسلم عواطفها لإنسان ما يستحق تكون هالمشاعر له ويمكن تسوي شي يخالف المبادئ الي عاشت عليها ويمكن تخون ربها قبل كل شي خاصة اذا كانت صغيرة ومراهقة صدقوني بلا حب بلا هم

ماجد : بلاك ما حبيتي ولا ماقلتي حب وخرابيط
" شهقو البنات كيف سمعهم "
روان : وانت يالبايخ من سمح لك تتجسس علينا لا وتسبح قريب منا ما تستحي
ماجد : وش اسوي لازم اكون قريب منك انتي مثل الهواء لي
" هنا انحرجت روان وما قدرت تنطق بحرف واحد "
ريم : ماجدوه ما يبرر لك تسبح قريب منا
ماجد : انا لي ساعه اسبح عندكم ولا ابي احد يقرب منكم لكن شدني موضوعكم
ريم : طيب يا ماجد بما انك سمعتنا وش رايك بالحب انت
ماجد : شوفي ياريم ...
ام سعود : ريم .. ريم
"قطع عليها تفكيرها صوت امها تبيها تسوي شاهي لماجد وعبد الله بالمجلس "
.................................................. ....................................
نوف : هاه فوز وش رايك بطلعتنا هذاك اليوم
فوز ببتسامه حالمه : استانست فيها
نوف : اكيد بتستانسين اذا مع حمد اخوي شلون ما تستانسين
فوز بخاطرها اكيد يا نوف : اقول نوفوه لا تفرحين بخوك مره
نوف : يحقلي يا حبيبتي
فوز : يارب يجيك هذاك الولد ويخطبك ونفتك منك
نوف حست برعشة خوف ماتدري وش سببها : فوز حرام عليك
فوز : حرام علي وانا اشوفك بغيتي تموتين علينا يوم شفتيه وعيونك تتبعه
نوف : مو تفسرين كل شي على كيفك انا يوم شفته خفت لا اكثر ولا اقل
فوز : يعني ما حبيتيه
نوف : يماما الحب مو كلمه سهله من ابتسم لي من ضحك لي حبيته وبعدين كيف احب شخص ما اعرف اخلاقة ومدري عنه شي امرك عجيب يافوز
فوز : لا تزعلين بس شفتك كيف تناظرينه
نوف : لو قلتي معجبة بشكله بقولك ممكن بس حب لا يماما لسى ما بعد جا الي يخلني اموت فيه
فوز : اوكي الأيام بينا
.................................................. ..............................
طلال يكلم امه وما يدري من وين يبتدي وخاصة روان جنبها يعني بتفضحه يعرفها ملسنة
طلال وهو متردد ويتلعثم : يمه
ام طلال : سم يمه
طلال : يمه تعرفين حمد الي خطب مها بنت عمتي
ام طلال : أي قصرانا في البر وش فيه يمه
طلال : هو خطب بعد مها " سؤال غبي  "
ام طلال : أي الظاهر خطب فوز بنت خالته
طلال فرح ما يدري وش هالشعور الي جاه : أي اسمها فوز
روان بلقافتها المعتادة : وش تبي بسمها
طلال : الحين انا كلمتك انتي او جيت يمك
روان : من زين سوالفك عشان تهمني بس شفتك مهتم بسمها
طلال : مالك شغل انا مهتم ليش "وقف يبي يطلع وهو يحس بشعور غريب من الراحه على الفرحة شعور جديد على طلال"
روان بزهق : وربي اني ملانه يمه احملي وجيبي لي اخت
ام طلال : ههههههههههههههههه تبيني بعد ذا العمر احمل عشان تجيلك اخت طيب فرضا يمكن يجي ولد
روان : لالا تكفين لا تحملين اذا بتجبين ولد وبيصير مثل طلول
ام طلال وهي تضحك وتشيل صينية القهوه والشاهي وتروح : الله يهديك يابنيتي

روان حست بكلام امها انها تعتب عليها عشان موضوع ماجد : اف مدري وش اسوي ياليت كل الي يتمناه الانسان يحققه " تذكرت موضوع سفر ماجد ودمعت عينها وصارت تفكر في مواقفه الي دايم تصير معها وشوي تضحك وشوي تبكي "
شلون هنت عليه ويبي يسافر .. بس انا ما احبه ... تلعبين على نفسك ياروان انتي تحبينه ... بس راح يروح ويتركنا مراح نشوفه لازم اسوي شي خلني اتصل على مها وشوف هو صدق بيسافر ما يقدرون يمنعونه
اتصلت على تلفون البيت وردت عليها مها مثل العادة لأنها كانت بالصاله وكان ماجد جالس بجنبها يلعب في مسبحته يعدها ويرجع يعدها من جديد
مها بصرخه : رووووووووووان هلاااااااااااااا وغلاااااااااااا يالقاطعه
هنا فز قلب ماجد وجا واقف يم مها الي ناظرته بعيونها وفيها ضحكة وحست بقوة حب ماجد لروان وصار يأشر لها تخلي التلفون على السبيكر
وفعلاً حطته مها على السبيكر
روان : هلابك اكثر ياقلبي شلونك
ماجد ياشر على قلبه آآه ياقلبي انا
مها : هههههههههههه الحمدلله بخير شلونك انتي
روان ستغربت ضحك مها : انا بخير بس وش يضحكك
مها : ابد سلامتك بس تذكرت نكته وضحكت
روان : ليه بزر تلعبين علي اعترفي ليش تضحكين
ماجد بصوت واطي : اكبر بزر في السعودية
هنا مها خلاص ما قدرت تمسك نفسها : هههههههههههههههههههههه
روان : قسم بالله لا ازعل عليك يا مها اذا نكته قوليها الحين
مها صارت تتذكر وطرى عليها نكته : شوفي فيه فريق نمل يلعبون كوره قدم ومعاهم صرصور ليش ؟؟؟؟؟؟؟؟
روان : ليييييييييش
مها : لانه لاعب اجنبي
هنا مو مها الي ضحكت ماجد مات ضحك اول مره يسمع النكته : ههههههههههههههههههههههههههههههههههه

وسمعت صوته روان ما اهتمت للنكته بس سئلت سؤال خلت ماجد يحس بغضب على فرح على مشاعر متلخبطه : مها ماجد عندك ما سافر
مها بحزن وتناظر في ماجد : لا بكره بيسافر تسع بالليل
هنا روان ما قدرت تتكلم وغصتها العبره وستغربت مها سكوتها حتى ماجد الي يبي يشوف موقعه وين بقلبها
مها : روان وينك
روان ودموعها تنزل : معك يا مها .. مها لا تخلونه يسافر تكفين
ماجد بسرعة خطف التلفون من يد مها ورد عليها : بسافر ياروان خلاص ارتاحي مراح تشوفين وجهي مره ثانية بتفتكين مني ومن ثقل دمي
هنا سكرت التلفون روان وجلست تبكي في الوقت الي ماجد ركض باقوى سرعته لغرفته وطاح على سريره وقعد يبتسم حس من نبرة صوتها ومن كلامها انها تحبه بس تكابر يبي يعطيها درس ويكون درس قوي وقعد يبتسم يوم تذكر موقفه عن الحب بالشرقية
ماجد : شوفي ياريم الحب يجي فجأة غصب عنك حتى احيانا يحب الانسان شخص ويمكن تكون فيه تصرفات مو زينه
روان بتهورها وتسرعها مثل العادة : وش قصدك
هنا الكل انفجر ضحك واولهم ماجد
حست روان بتسرعها ودها لو تغطس راسها بالمويه ولا تسمع حسهم وضحكهم
مها : والله انك خبله
ماجد : تتوقع انها المقصودة لا انتي بتزوجك بس الي احبها غير مو انتي وخشتك
روان : لا من زين خشتك انت
ريم : اقول انتو بتخربون موضوعي كمل يا ماجد
ماجد : الي يحب يقدر يبني قصور من احلام وبنفس الوقت يهدم صروح
ريم : طيب ما احد أقنعني مره بالحب وعذابه ولذته ابد ابد
روان : شوفي يا ريم بقولك شي اتوقع الانسان الي يحب يكون حريص على محبوبته ويخاف عليها من النسمة ما يبي احد يقرب لها مو حب الخرابيط الي طايحين فيه الشباب يجي ولد يسجل بمنتدى ويلاحق بنات خلق الله ويلعب بمشاعرهم ويقول احبهم وهدفه معروف الحب غير الحب سامي ما يشوبه خوف يحرص على محبوبته من كلام الناس اكثر من حرصها اهي يتمنى يقفل عليها بعيونه عشان محد يقدر يناظرها يبيها ما تمشي في درب الخطا يانااااااااااااااااااااااااس خلاص ما عاد فيه شي اسمه حب
الكل قعد يصفق لروان الا ماجد الي حذف عليها الكوره هو ما يشوفها بس عارف مكانها من صوتها : انتي اخر وحده تتكلم عن الحب وش عرف البزران
رجع ماجد للواقع وقعد يضحك ويتذكر حركاتها الي يموت فيها يموت في الطهر بعيونها والعفوية وتمنى لو تكون ملكه له بس
.................................................. ........................
" نبذة قصيرة عن العرسان وكيف قضو شهر العسل "
بعيد عن اهل الرياض دانه وخالد بعد ما اعتمرو بعد ما أصرت تستفتح حياتها دانه بعمره باطهر بقعه في العالم وقررو يقضون شهر عسلهم بين مكه وجده والطائف وابها رحله في مناطق مملكتنا الحبيبة وصلو لجده في تمام الساعه وحده بالليل وكانو محرمين بالطياره وعلى طول اتجهو لمكه واعتمرو ودعو أن الله يوفقهم بحيااتهم ويكتب الله لهم كل خير راحو للشقة بجده عشان يتمون فيها يومين بس ويتجهون لطائف بعدها اول ما دخلو الشقة كان التعب مسيطر عليهم على طول من قاعة الفرح للفندق ريحو ساعه بس وجو للجده ومن جده لمكه ابد مافيه فرصة عشان يرتاحون كان خالد مقرر ياخذ دانه ويبتعد ما يبي يحضر الغداء الي راح يسونه اهله يبي ينفرد بدانه وشكلها بالفستان الأبيض ما راح ابد عن باله عشان كذا استعجل وراحو بدون ما احد يدري عنهم ............دخلو الشقة والتعب طاغي عليهم حاول خالد يقاوم التعب الي يحس فيه ضحكت دانه وهي تشوفه كيف هو مرهق راحت تتروش بعد العمره وترتب شعرها لأنها قصرت فيه وشكله مبهذل شوي لقاها خالد فرصة عشان يتمدد يرتاح شوي على بال ما تطلع دانه لكن ما درى انه نعس وراح في نومه في الوقت إلي طلعت دانه من الحمام " الله يكرمكم " وجلست تجفف شعرها وضحكت يوم شافت خالد كيف نايم شكله يضحك رجلينه كلها برى السرير لأنه كان أول جالس بس اسند ظهره على السرير ونام بدون ما يحس ما حبت تخرب عليه نومته وبالأصح استحت تجي يمه وتقومه حست انها ارتاحت شوي وراحت للصاله ولقت كنبه طويله تمددت عليها ونامت على طوول
قام خالد وهو يحس بتعب وراسه شوي وينفجر على طول طالع ساعته لقاها ثمان استغفر وصلى الفجر وعرف انه نام تفشل اول ليله له ونام فيها وما جلس يسولف مع زوجته على طول قام يدور دانه لقاها نايمه على الكنبة ومتكورة على نفسها عشان ما تطيح ابتسم وهو يشوفها ويدقق في ملامحها وهي مو داريه عنه قال في نفسه خلها ترتاح وتشبع نوم وأنا بروح اجيب الفطور نزل خالد وقفل الباب ورآه وسمعت دانه صوت الباب وفزت قايمه وشمت ريح عطر رجالي قوي عرفت ان خالد قام من النوم استحت اكيد شافها نايمه هنا فزت وراحت تصلي وتستغفر بعد لأنها ما صلت وراحت تتروش وتتزين قبل ما يجي
دخل خالد وفي يدينه الفطور وحطه على الطاوله الي بالصاله ودخل على دانه الي كانت ترسم عيونها و ما نتبهت على خالد الي قاعد يراقبها
دانه : ووووه من هالكحل مدري ليش اليوم مو راضي يضبط معاي
خالد بضحكة : وربي قمر بدون كحل
طاح قلم الكحل من يد دانه وهي تشوف خالد جاي يمها مسك يدها وبصوت واطي : ليش ما صحيتيني البارح
دانه تغير الموضوع : وين رحت من شووي
خالد : ههههههههههههههههههههه رحت اجيب فطور
دانه صار وجها احمر وعرفت انه كشفها وهي تغير الموضوع
خالد حس بإحراجها وما بغى يحرجها مره : تعالي افطري
جلست دانه وبدى خالد يهتم بفتح الفطور قدامها ويغصبها عشان تاكل لو شوي وهي ما تحس بطعم الأكل من الحياء الي شوي وبتموت منه وما رفعت عيونها فيه يمكن حفظت ألوان السراميك الي بالصاله من كثر ماهي مدنقه
خالد وهو مبتسم: شوفي ترا اذا ما افطرتى ماراح اكل يلا
دانه :هذاني اكل " وهي تقطع الخبز صغار صغار "
مسك خالد ذقن دانه وبصوت هامس: وش فيك ..مستحيه مني ها.. قطع على كلام خالد رنة الجوال .. شاف الاسم وابتسم بلشه من يووم خبرتها
دانه ضحكت من كلمته وعرفت انه يقصد مها
خالد: هلا والله بمهاااااوي
مها: هلااابك اكثر .. وش اخباااااااااار دانوووه
خالد: انشدي عني على طول تسئلين عن دانووه افا والله
مها:انت رجال ماعليك ولا هي اعرفها تستحي
خالد يضحك : ابد ما عليها شر تستحي مني ليه "و يغمز بعينه لدانه الي تناظره وصار وجهها احمر

مها : طيب عطني اياها بكلمها
بعد ماحطه على السبيكر عطاه دانه
دانه بصوت قصير : هلا مها
مها:هههههههههههههههه وين رااااااح صووتك هههههه
هاه علمينا من الاخر العرس زين ولا لا
دانه وهي ماااااتت من الاحراااااج من ابتسامة خالد قطعت التلفون بوجه مها ومشت بسرعة للغرفة تبي تروح الإحراج الي تحس فيه بعيد عن خالد الي مسكها من طرف يدها :وين وين
دانه بعبره :بعد ايدك
وقف خالد وهو مبتسم مسكها بقوه من ايدها : دانه حبيتي انا الحين زوجك المفروض ماتستحين مني وتسوولفين معي هذا الي يهمني وانا مابي الا سواالفك ..اتفقنا ؟
دانه تهز راسها بنعم
ابتسم خالد: هاه وش رايك نطلع ولا نشوف التلفزيوون
دانه:كيفك
خالد : لا مو كيفي انتي وش تبين ..
دانه: نشوف تلفزيون " واتفقو العصر يتمشون ويرحون البحر "
كان خالد يسوولف على دانه قصة حياته ومغامراته وهي مندمجه معه ويطالعون التلفزيون .... وننتقل للطائف
وفي حديقة الملك فهد في الطائف دانه وخالد ينتظرو دورهم في لعبة اختر واربح 00 ايو ياسعدت البيه دلوئتي دورك في العبه والعبه كانت عباره عن صناديق من واحد الي خمسين اختر رقم صندوق وتشوف حظك ومن بين الجوائز .........
دانه : وش رايك نشوف كل واحد وحظه في الهدايا انا اختار رقم 4
خالد : وانا اختار سبعه
دانه : وش معنى سبعه
خالد بضحكة: لأنه اليوم ألي تزوجتك فيه
انحرجت دانه في الوقت الي فتح الرجال صندوق دانه وطلع دبدوب ابيض وبالوسط قلب احمر طالع جنان ضحكت دانه بعفويه وهي تشوفه : يالله خالد ابي اشوف وش بتكون جائزتك
وفتح صندوق خالد وجلست دانه على الأرض هي وخالد من الضحك كل ما اتذكرو هديه خالد
خالد : المشكلة ماعندنا بزارين بس تبين الحق وربي راح احنفظ فيها لعيالنا
استحت دانه وحست بفرحه بمجرد ما يكون لها ولد من خالد ألي بدت ترتاح جنبه " كانت هدية خالد عبارة عن رضاعة أطفال "

خالد : وش رايك بالطائف
دانه : روعه
ناظرها خالد وابتسم يكفي تكون روعه لأنك فيها لو عاد تشوفين ابها شلون وسئل مره ثانية قد زرتيها قبل
دانه : يوم كنت صغيره ما اتذكرها مره
خالد : انا ما ارتاح نفسياً إلا فيها احس براحه جو خيال ضباب ورش مطر وغيوم وخضرة جبال الله لا يغير على اهلها
دانه : شوقتني اشوفها
خالد : راح تقولين لازم كل سنه نجي يمها
"" اتمنى تعذروني لأني ما جسدت حياة خالد الزوجيه ودانه بتفاصيلها يكفي حبهم لبعض هذا اهم شي واحيانا الانسان ما يقدر يعبر عن شي ما بعد تعايش معه ""
.................................................. ....................................
""ام محمد كانت تتقهوى مع ابو محمد وتسئله عن ابو عبد المجيد ابو مشاعل او بطلتنا ساره مثل ما سمتها ام محمد""

ام محمد : ابوها وش يشتغل يا عبد العزيز
ابو محمد وهو ياخذ منها فنجال القهوه ويمد يده للرطب وياخذ حبه : لا هو ما يشتغل هو له شركة يديرها بنفسه هو و اعيال اخوانه وماله الا الله ثم بنيته مشاعل توفت امها وتو عمرها 12 سنه وكان يحب امها ورفض يتزوج ويجيب زوجة اب لمشاعل ورباها بنفسه ويحبها اكثر من نفسه
ام محمد : طيب وش قصة الحادث
ابو محمد : مشاعل كانت ناجحة واتفق ابوها معها يجون للرياض عشان تروح للمملكه والفيصلية وتشتري فستان ملكتها من ولد عمها وهدية بمناسبة نجاحها وقدر الله يصير عليهم حادث وتقلبت فيهم السياره والبنت طاحت من السيارة وتمت السيارة تتقلب في ابوها لحد ما اسعفو ابوها ومادرو ان معه احد وساره انتي عارفه كيف وصلت للمستشفى
ام محمد : لو تدري يا عبد العزيز يوم رجعت للساره ذاكرتها يوم كنا بالشرقية وصارت تصرخ ......................

ساره : تكفين يا خالتي ابي ابوووي وينه ابيه تكفون ليكون ابوي مات تكفون

حدث حدث في الشرقية كان سبب في رجوع الذاكرة لساره ترقبوا الحدث في الأجزاء الجايه انتظر تعليقاتكم اختكم غيوم
نظرة الحب
01-31-2011, 08:46 PM
الجزء العشرون

لو تفرق بيننا سود الليالي لو يحول الدهر وصروف السنينا
لا حشا منساك لو طال المطالي ف الحشا مطبوع رسمك يالضنينا

انته عمري يالغلى من كل غالي وانت شوقي يامنا قلبي الحزينا
العمر يفداك مع حالي ومالي في هواك يهون كل صعب مهينا

لو جفوني الناس واقرب الاهالي ماستمع قول الحسود الواشينا
حيث قصرك فالحشا شامخ وعالي ساكن ودك بقلبي مستكينا

عالوفا باقي وعنك هوبسالي لك عهد والعهد عندي مايشينا
لاتظن انساك يالغالي محالي لين روحي والعمر عندي يحينا

مشاعل بضيقة : اووووووف انا ناقصة "وقامت تطفي التلفزيون فعلا كلمات الأغنية جات على الوتر الحساس تصف احساسها " سمعت صوت جوالها وبتردد ما تبي تسمع صوت أي احد لكن التلفووون يرن ويرن وما وقف رن جت تمشي بزهق وشالته لكن هالزهق والزعل راح يوم شافت رقم ريم تتصل بك على طول قبل ما تقفل

مشاعل ببعبره تخنقها : ريم
ريم : مشاااااااااااااااااعل يالشينه نسيتينا
مشاعل : جعله ماينساني الموت اذا نسيتكم انتو لكم غلا يعلم به الله
ريم : بسم الله عليك شلونك حبيبة قلبي
مشاعل وبدت تبكي : تعبانه تعبانه ياريم
ريم بخوف : وش فيك يا مشاعل سلامتك
مشاعل : مشاعل ابوي ملزم اني اتزوج مشاري ولد عمي
ريم بضيق واضح : هذا الي تحلمتي فيه ايام ما كنا في البر وش قصته يا ساره يؤؤه دايم انسى قصدي مشاعل
مشاعل تضحك بين دموعها : أي انا وافقت عليه قبل عشان خاطر عيون ابوي وانا اكرهه كره العمى وما ادانيه وهو عارف بس مدري ليش مصر يتزوجني كنت ابين له اني اكرهه بس ما عنده ذرة عزة نفس
ريم : يمكن يحبك
مشاعل : مدري مدري ياريم
ريم : طيب ليش وافقتي قبل والحين غيرتي رأيك " ريم عارفه انها تحب سعود بس حبت تسمعها منها "
مشاعل : مدري يا ريم اول كنت عادي صح كنت اكره مشاري بس كنت متقبلة يكون زوجي بس الحين لااااااااا ما بيه مابيه وصارت تبكي بكى يقطع القلب
ريم : طيب مشاعل هدي اذا ماتبينه لا تعبين نفسك
مشاعل تحاول تحكم بنفسها : وربي ياريم عيوني ما تجف من الدموع ابي ارتاح
ريم : مشاعل تعرفين منو زاركم بالشرقية
مشاعل ما هتمت : لا.... قصدك ابو متعب
ريم : ههههههههههههههههههههههه لا ياخبله وبعدين زيارة ابو متعب شوي يوم تقولينها من غير نفسه
مشاعل : لا مالت عليك ابو متعب على العين والراس بس لأنه توه جاي الشرقية توقعت تقصدينه
ريم : لا أنا اقصد سعود اخوي
مشاعل دقات قلبها بدت تزيد وما عاد سمعت صوت ريم صار كلمة سعود تتردد في ذهنها تبتسم شوي وتبكي شوي عرفت انه جاي للشرقية عشانها وبدت تبكي من جديد
ريم : لاحول ليش رجعتي تبكين
مشاعل بتلعثم وبصوت باكي : ريم سعود هنا
ريم : أي له ثلاث ايام
مشاعل : ليش ما جانا اكيد ابوي بيستانس
ريم : هههههههههههه مو ابوك بس الي بيفرح حتى ناس بتفرح
مشاعل بين ضحك وبكي : اكيد بفرح
ريم : تذكرين موقفة هو ولد عمك مشاري اتوقع ما يبي يشوفه
مشاعل : مشاري ماله شغل
ريم : الحين مشاري ماله شغل ويمكن يصير زوجك
مشاعل : لا تذكريني تكفين " مشاعل بتردد ريم اتصلي على سعود وقولي له يزورنا "
ريم ما صدقت خبر : ابشري من عيوني

قفلت ريم من مشاعل وكل شوي تطالع جوالها ودها تتصل على سعود وخايفه تركي يرد
ريم : ياربي من ذا البلشه معقولة يرد علي الحين بتصل وامري على الله اذا رد وربي اقفل في وجهه على طول ريم مخصصه رقم 2 اتصال سريع لسعود وبدا يرن ويدها على قلبها في الوقت الي كان سعود على كورنيش الخبر جالس هو والشباب يتقهون مد يده لجيبه وطلع جواله ابتسم يوم شاف رقم اخته وقف وابتعد عن الشباب الباقين ورد عليها بهدوه المعتاد
سعود : هلا وغلا بريمي
ريم بضحكة : هلاااااااااااابك اكثر يا بعد قلب قلب قلب ريم
سعود : هههههههههههه شوي شوي علي ترى ما اتحمل
ريم : يا عمري انت تستاهل كل ذرة حب في العالم ... سعود
سعود : لبيه
ريم : لبيت في منى اتصلت على ساره قبل شوي

كلمه ساره بس قدرت تقلب حال سعود غيرت مزاجه خلته عايش بحلم غريب بس يبتسم و البسمة ما فارقت شفايفه وجلس على الكرسي سرح في عيونها وراح تفكيره للبعييييييييييييد ايام اول ما شافها يوم كان مغمى عليها في البر لكل موقف جمعهم في المستشفى كيف كان عنادها كيف قوتها..

ريم : سعود .. سعوووووووود
سعود : صحى من احلى حلم بحياته على صووت ريم ... هلا
ريم : من الصبح اكلمك اقولك ساره تقول يوم انت في الشرقيه ليش ما تجيهم
سعود بس مجرد يكون في معها البيت فكرة اربكته وما عرف وش يقول او وش يرد : طيب ما قلتي وش تبي
ريم : سعود وش فيك تقول سير علينا تقول وش تبي
سعود : ريم بكلمك بعد شوي

قفلت ريم منه وهي تحاول تستوعب كلامه معقولة سعود ماعاد تهمه ساره او مشاعل معقولة قدر ينساها شلون ينساها وهو رايح للشرقيه عشانها طيب وش صار له او عشانه بيروح لهم صار فيه كذا اوووووف والله مدري وش افكر فيه

بينما سعود شوي يضحك شوي يتجهم وجهه وما يعرف بالضبط امسك نفسك يا سعود حاول تسيطر على مشاعرك خلاص الكل عرف انك مغرم ومتيم حاول تكون عادي.... كيف اصير عادي وانا كل يوم احلم اشوفها واحلم بس المحها وتحقق الي ابيه.....طيب ليش ما ادخل البيت من ابوابه واطلبها بما اني عرفت هي بنت من ومركز ابوها الحين بسير عليهم وان شاءلله بجيب خوالي ونروح لهم رسمي يعني قعدت يا سعود تخطط وما تدري وش شعور البنت اوف ما يهمني شعورها اهم شي اني احبها واذا خذيتها خليتها تحبني غصب انا وين عايش يعني ابي اروح اعترف بحبي لها وين حنا عايشين فيه وين الدين وين العادات اخذ الجوال وهو شوي متردد واتصل على محمد او ابو عبد المجيد عشان يروح يسير عليهم

%%%%%%%%%%%%

وقف سعود على السياج الي تفصل بين البحر وقعد يشوف الأمواج تتلاطم وتذكر الموقف الي ما راح ينساها بحياته

" بعد ما البنات قاعدين يسبحون طلعوا عشان يغيرون وبعد ما خلصو تقدمتهم ساره وجت تمشي بسرعة ولأنها شافت سعود متكي على سيارته ويطالعها ارتبكت ودنقت وما نتبهت للسيارة إلي جايه تمشي مع انها مو مسرعة بس صدمتها وطاحت على الأرض على صرخة سعود
سعود : سااااااااااااااااااااااره "جا مسرع يمشي نسى القيود نسى الحدود الي المفروض ما يسويها بس حب ساره تعداها خاف يفقدها مسك يدها حاول يقومها ساره .. تسمعيني ساره ردي علي صار ينادي بعلى صوت عنده عبدالله مااااااااااااجد والشخص واقف ومبتعد شوي لكن ما قدر يبتعد أكثر وخاف تموت ويروح فيها تقدم شوي وبصرخه منه نطق مشاااااااااعل دف سعود على جنب إلي فاجأه وصارت هوشه كبيره بين دفاع عن الحب وبين شخص ما ينعرف وش يبي وصاير يتهجم عليهم
فاقت ساره على الهوشه الكبيره خشم سعود كله دم قاعد ينزف والشخص إلي واقف معاهم شفته الفوقية منتفخة ويطلع من فمه دم جا ماجد و عبد الله وفرقوهم عن بعض
وقفت ساره بينهم وصارت تطالع الشخص ونطقت : مشااااااااااااااااااري
تقدم مشاري ومسك يدها فيك شي مشاعل تحسين بشي
سعود حس بركان يغلي في صدره دفه: احترم نفسك هذي ساره ولا تمد يدك عليها
مشاري : أنت وش تبي هذي بنت عمي انت شل يدك جعلها الكسر او تبي نبدي من جديد
سعود ما سك خشمه وقاعد يحاول يوقف النزيف ويتنفس بقوة يحاول يسيطر على مشاعره مايبي يصدق انها استرجعت الذاكره مع انه الوحيد الي يتمنى يعرف من هي ساره لكن وجود هالشخص قلب كيانه قلب عالمه مو كيانه وبس خلاه انسان تايه يطالع ساره يبيها تنهي المهزله يبيها تقول انا ساره وهذولي اهلي انت ابتعد روح عني انا لهم انا لسعود بس ما يحق لك تمد يدك لي ما يحق لك تقرب مني لكن ساره تصرفها غير الي توقعه سعود
صارت تبكي وتمسك راسها بألم بخوف صارت تمشي وتدور على نفسها وتتكلم بأشياء ماعرفو وش تقصد لكن صارت تدور وتدور لحد ما أغمى عليها جت ام محمد وباين عليها الخوف وقعدت تزهم الشباب ياخذونها للمستشفى ليكون فيها نزيف داخلي
ام محمد : طلال سعود ماجد تكفون ياعيالي بنتي بنتي لا تروح عني
وراحو بساره او مشاعل للمستشفى راسها بحضن ام محمد الي بللتها بدموعها وساره ما تتحرك ولا يرمش لها رمش كأنها صارت من الأموات تغير لون وجها صار اقرب للسواد وانين يقطع القلب يصدر منها
ام محمد خلاص ما صارت تتوقع رجوع ساره لها حست انها بتفقدها : سعود ياولدي اسرع ساره بتموت
سعود التفت عليها يشوف ساره بين يديها خاف يفقدها اسرع بكل قوته وكل شوي يضرب الدريكسون كأنه السبب في تأخيرهم
اخيرا وصلو للمستشفى جوالممرضين بسرعة شالو ساره بين يدين ام محمد وحطوها على السرير الأبيض وصارو يركضون بها في الممرات ويدخلون بها اللفت ويصعدون والباقين يتبعونهم ما يدرون وين يرحون بها لكن الي يعرفونه ان هذي ساره ويبون يكونون معاها عطوها ابره مهديه على حسب الكلام الي خذوه من الشباب انها فاقدة الذاكرة والبوادر الي طلعت عليها توضح أنها بدت تسترجع ذكرياتها وتعرف هي من ومن يكون اهلها وكل الأشياء الي تمنتها ساره تمنت تعرف من ابوها تعرف من امها هل لها اخوان الحين خلاص بتكون قريبة من الحقيقة لكن الي ما حسبو حسابه أنها بدت ترجع لها الأحداث وتصارخ وتنادي باعلى صوتها يبببببببببببه هاتو ابوي يبه
ساره : تكفين يا خالتي ابي ابوووي وينه ابيه تكفون ليكون ابوي مات تكفون
ام محمد : ارتاحي يمه ارتاحي وان شاءلله بنعرف وش حال ابوك ام محمد تبي تهديها

ونامت ساره بسبب تاثير الأبره وطلعت ام محمد على الشباب والبنات الي واقفين برى
تقدمت ريم ومها لام محمد : بشري يمه وش اخبار ساره
ام محمد : ماعليها خلاف يمه وكأنها رجعت لها الذاكره
خوف على فرحه خوف من فقدان ساره وفرحه برجوع الذاكره لها كل هذا خليط من المشاعر للناس الي حبوها وحتوها بينهم بدون ما يهتمون وش صار عليها لولا حب ساره و معرفة من تكون واصرار سعود لمعرفة وش نسبها ولا كان ماهتمو يعرفون من ساره وش تكون لكن خوف فقدانها دخل قلب كل شخص يحب ساره معقولة ساره تتركنا بعد ما صارت منا بعد ماجمعتنا معها أحلى الذكريات

الكل صار يردد : الحمدلله الحمدلله يالله لك الحمد والشكر
حطو ثلج على راس سعود وكان ثوبه كله دم وما اهتم لدم ولا اهتم للآلم كثر ما اهتم لنظرات الشخص الي بغى ياكل ساره فيها وكيف كانت لهفته لشوفتها حاول يكبح نفسه وما يتهور ويرجع يضربه مره ثانية وهو يشوفه كيف يسولف مع الشباب الباقين
طلال بعقلانيه : انت تعرف ساره
مشاري وهو ما سك نفسه وبعصبية : قصدك مشاعل
ماجد : مشاعل ساره المهم وش صلة قرابتك فيها ومن وين تعرفها
مشاري بقهر اكبر : الحين انتو تسئلوني عن بنت عمي وش صلتي بها وانا المفروض اسئلكم وليش مغيرين اسمها
طلال : يابن الحلال اصبر وحنا بنعلمك بالسالفه كلها
وفعلا قص طلال قصة ساره من يوم مالقوها العائلة المصرية لحد ما خذتها ام محمد لحد ما راحو للشرقيه عشان تسترجع الذاكرة
مشاري بخوف : طيب عمي محمد وينه
عبد الله : عمك محمد من ؟
مشاري : ابو مشاعل هم رايحيين للرياض عشان يتقضون للملكة
كلمة ملكة دمرت سعود سعود الي قدر يتحمل مسئولية اهله قدر يتغلب على موت ابوه الي قدر يصرف ويكد على عائله كامله بس مجرد ما عرف ان ساره متملكة او يمكن متزوجه خلاص انهار واغمى عليه الكل فزع خافو على ابوهم على حاميهم سعود له مكانه عندهم تعرفون كيف الشخص الي يعتمد عليه الشخص الي الواحد يلتجي له وقت الضيق الشخص الي اذا اهتم مايعرف الا اهو الابو الاخ الصديق ما تسعفني الكلمات للوصف سعود اعتقد كلمة ابوهم تكفي مع انه صغير إلا تحمله المسئوليات هذي خلته شايب اسعفو سعود وهنا فاق سعود من ذكرياته ومن الهم الي عايش فيه كل ما تذكر انها متملكة هو ماهو متاكد هي متملكه او ببتملك لكن الي يعرفه وجود احد ينتظرها عشان تتزوجه

سعود : ياااااااارب ارحمني وساعدني

جا تركي يمشي لخوي دربه صديقه المقرب : سلااااااامات جعل الي فيك في ابو مهنا "" ابو مهنا رئيس تركي وما يدانيه "
سعود : هههههههههههههههههههههه يابن الحلال ابو مهنا خذا حسناتك كلها
تركي : الله يقلعه ماخذ حسناتي على علواتي
سعود : ههههههههههههههههههههههههههه الله يسعدك يا تركي
تركي ويرفع يدينه للسما : امييييييييييين
سعود : تركي انا اتصلت على ابو عبد المجيد وبنمره بكره نتقهوى عنده وبعدها نمشي للرياض يعني مراح نعطيه فرصه يسوي عشا قهوه على السريع ونطلع
تركي : أي قلت لي او عبد المجيد اها الله يطول في عمره وش ذا الوصل المفاجأة
سعود عرف تلميح تركي : هههههههههههه من يوم ما عرفتني وانا واصل
تركي : أي الله يخليهم الي تسببو على ذا الوصل
سعود بتنهيده: اميييييين
تركي بتهور : سعود انا بعرس
سعود متفاجأة : عسى ماشر خابرك ماتبي طاري العرس
تركي : وش اسوي مليت من مقابل وجهك ابي اقابل وجه يمكن يكون سعد علي منها اترقى والا انت من عرفتك وانا مكاني سر لا ترقيت وما غير هواش مع رئيسي
سعود ببتسامه تشع منها النور : ومن سعيدة الحظ
تركي صار يحك راسه ومتردد ومنحرج اول مره يصير له مثل هالموقف : بما اني اموت فيك يا سعود فانا ابي يكون خال عيالي انت
سعود سحب يد تركي وضمه كان فعلا يتمنى تركي لريم ومستحي هو الي يفرض اخته عليه
سعود : ابشر بعزك ولك ما طلبت
تركي : اصبر البنت ما تعرف وش رايها
سعود : وين تلقى احسن منك
تركي : خلاص بكلم الوالد الليلة وبلغه
سعود : هههههههههههههههههه اصبر لحد ما نرجع من الشرقية واجه الراس بالراس
تركي وهو متفشل على تسرعه طق سعود وانحاش
ابتسم سعود وهو يشوف الضحكه والفرحه بعيون تركي
" علاقة سعود وتركي على انهم شباب خلاص بيدخلون الثلاثينات إلا انهم مع بعض كأنهم مراهقين ما دخلو العشرينات علاقة اخوة على صداقة يشوبها الحب والإخاء والتضحية والتفاني كل واحد مستعد يقدم تنازلات عشان الثاني يشوفه مبسوط ومرتاح
.................................................. ...............................
عبد الله : بسرررعه يا ماجد هات اغراضك
ماجد : زين زين لحظة باقي اغراض الي جبتها من المغسلة بحطها وجيك
قعد عبد الله يقلب مفتاحه وشوي يطلعه من الميدالية وشوي يدخله وسرحان في الوقت الي دخلت مها البيت وما شافته وتعرفون البنت من تدش البيت وهي شايله النقاب وتدندن بصوت هادي ما سمع وش تقول لكن شاف في يدينها كتب او دفاتر وتسوي حركات بشعرها الي نزلته لأنها كانت رافعته عشان الحر وتعرفون الشعر مع الحر وش يسوي المهم صارت تحرك شعرها يمين ويسار وتدندن ومبسوطه الأخت ومانتبهت للعيون الي تراقبها وتبتسم لحد ما نتبهت للشنط الي في الأرض رفعت عيونها ونصعقت بالعيون الي مانزلت وطالعها بقواة عين صارت تبلع ريقها وتبي تروح من قدامه لكن رجولها ما تساعدها تحسها ثقيله مررره وتبيه يروح يبعد عيونه لكن الأخ مبسوط ومستانس لكن قطع عليهم اندماجهم ماجد
ماجد : اقووووووووووول يا الأخو احترم نفسك اذا تملكت عليها بحلق عيونك على كيفك
مها تفشلت مره وسحبت نفسها وراحت مسرعه
وعبد الله : هههههههههههههههههههههههههه الله ياخذك دايم تجي في المواقف الحلوووه
ماجد : اقول اسكت قبل وربي البيت لا انهي زواجهكم وارفض يتم
عبد الله : جرب عشان تعرف ان لله حق وانا الي بساعدك عشان خاطر تاخذ روان
ماجد مجرد مرور اسم روان قلب حاله صارت عيونه تلمع اول مره نشوفه بعيون ماجد شووووووق لشوفتها وهو ابد توه ما بعد سافر يحس انه خلاص مراح يشوفها كل ما بغى
تذكر حركاتها ضحكتها لقافتها تهورها طولة السانها كل الأشياء الي يموت فيها ماجد
عبد الله حس فيه وعرف بحزنه ولأنه مر عليه مثل هالموقف ما حب يكون ماجد بلحاله : ماجد هونها وتهون وان شاءلله كل شي بيصير تمام
ماجد : ان شاءلله ان شاءلله يا عبد الله وحب يغير الحزن الي مر عليهم اقول شوف لا تملكون الا اذا جيت
عبد الله : احلف ياشيخ بعد ما شفتها اليوم خلاص اسمحلي مقدر استحمل
ماجد : أي يا بابا هذي اختي طيحت خشتك
عبد الله بهيام : طيحت خشتي على راسي على كلي كلي طحت
ماجد : اقول امش بتأخر على الطيارة
"" يمكن تتفاجأون ليش الأهل ما راحو مع ماجد وين ابوه وين امه وليش مها ما بكت ليش ما ودعوه قد يكون لسبب تابعو البارت لتكتشفو السبب او قد يكون بالبارت القادم ""

.................................................. .......................................
مها : روان اقول خلاص ليش تبكين الحين
روان : اخف سافر عشاني رفضت
مها : صح هو سافر عشانك رفضتيه ويبي ينسى بس هذا ما يمنع انه راح يكمل حياته ويكمل دراسته وهو امي دورت له عن بنت من قرايبنا اذا تعرفين نجلا بنت خالد هذيك الكيوت حلوه مره ونعومه مره تصلح لماجد وهو من زمان شافها عند غالية اختي واعجبته يوم قالت امي له عنها
روان خلاص حست انها فقدت ماجد للأبد بسفرة على زواجه خلاص خسرته على طول يبي ينساها خطب ما نزلت ولا دمعه من عينها صار قلبها يدق بجنون تتنفس بقوه تغمض عيونها وترجع تفتحها تحاول تتحكم بنفسها على طول بهدوء : مها مع السلامه
مسكت طرف مفرشها بيدها وقبضت عليه بقوه ويدها الثانية تمسك حلقها فيها عبره مو راضيه لا تنزل ولا تطلع صارت تشهق تشهق تبي الهواء وقفت تحس انها خلاص تحتضر ما عرفت وش صار عليها طلعت برى غرفتها وجهها صاير اسود اختنقت شافت فهد في وجهها وهو يبتسم بس شاف وجه اخته صاير اسود شالها على طول وحطها على سريرها وحط يده على راسها وقرا بصوت عالي القران وحست برجفه بكل جسدها وبدت الدموع تنزل من عيونها وتبعتها صرخات وصياح بصوت عالي
فهد : روان بسم الله عليك وش فيك روان علميني وش فيك
روان : فهد تكفى انا تعبانه لا تروح وتخليني لا تروح
فهد : بسم الله عليك الرحمن الرحيم من قال بروح وخليك احد قايل لك شي طلال قايل لك شي
روان ببكي يقطع القلب ويالله ينفهم وش تقول : لا محد قالي شي بس انا خايفه خايفه مره
فهد : بسم الله عليك " وجلس يقرا عليها قران بصوت عذب خلاها تهدا وهي متمسكه بيدينه وبطرف ثوبه وماتبيه يروح قرب منها وحاول يقربها منه وحط راسها على صدره وجلس يكمل قرايته ويسمي عليها لحد ما نامت بعد ما دموعها ملت كل صدره

غطاها فهد بعد ما شغل المسجل على القران بصوت واطي وسكر عليها الباب وما يدري وش صار لأخته وش الي قلب حالها اكيد احد قايل لها شي وش الي يغير حالها في ساعه وهي كانت مزعجتهم قبل شوي وفرحانه يوم سمعت بخطوبة فهد وطلال وجلست تضحك تقول : فهد بيوافقون على طول اكيد اخوي وملتزم واخلاق من الخبله الي بترفضه لكن طلول حظها ردي الي بتاخذه
طلال : الا امها داعية لها في لليلة القدر
روان : هههههههههههههههههههههههه ضحكتني

"" فهد ملتزم أشار عليه واحد من أخوياه لسمعته ولدينه بأن يزوجه احد بناته بنت توها بالعشرينات حافظة للقران كامل وملتزمة وتحب الأشراف على الحلقات في جمعية البر الخيرية بالرياض وتحب تكون عون لهداية خواتها المسلمات وحريصة على نشر الخير وبذر الصلاح بالنفوس بنت تحرص على ان تكون قدوة صالحه مثل يحتذى به لا في اللبس ولا في الشكل مثال للفتاة الإسلامية من سلالة الصحابيات تكون شرف لمن يعرفها
حنان زوجة فهد ألي فرحت أم طلال وهي تسمع المدح من ولدها فيها مع انه ما شافها ورفض يشوفها الشوفه الشرعية يوم طلب ابوها لكن يكفي السمعه الطيبة الي سمع عنها خلته يتمسك فيها ويروح لمه عشان تخطبها وتكون رفيقة دربة تساعده وتشد أزره تكون له العون والسند للنشر الخير وتربية عياله مثل ما يطمح مثل ما يتمنى يكونون عياله يبي ولده مثل الأمام عبد الرحمن السديس يكون أمام للحرم الكل يتمنى يسمع صوته الله يحفظه يارب ذخر للمسلمين ويديم عليه الصحة والعافية مايبيه يكون مطرب ماله حرام وقوته حرام أمنيات فهد يفخر الواحد إذا كان فيه واحد مثل تفكير فهد لبناء مجتمع إسلامي يخاف على أمته من الضياع مو يكون أسلام بالاسم فقط المظهر ابعد من يكون مسلم طفل يحمل قلائد ويحمل شعارات ورقص وقصة شعر يمكن أشوفه غربي أكثر من أن يكون عربي لهدرجة فقدت الافتخار بالعروبة وصدق حديث النبي صلى الله عليه والسلم : ( لتتبعن سنن من كان قبلكم ، شبرا بشبر، وذراعا بذراع، حتى لو دخلوا جحر ضب تبعتموهم) قالوا: يا رسول الله: اليهود والنصارى؟؟!! قال: ( فمن؟)...أخرجه البخاري
أصبح أعداء الإسلام للأسف قدوتنا تركنا الصحابة والصحابيات أصبح هيئة شبابنا تقرب العالم الغربي خلعوا الزي الشرقي بكل قوتهم وتبعوا الزي الغربي بكل بهجة وعلو نفس للأسف ولا يعلمون أنهم في انحدار

" نرجع للموقف طلال وكيف طلب من أمه تخطب له "

لأيام وطلال يهوجس بالزواج ويتمنى تكون نوف من نصيبه مع انه سبحان الله ما لمح منها شي وما شاف وجهها لكن حشمتها وإنها ما عطته وجه خلاها يتمنى تكون زوجته مرت أيام وهو يهوجس ويطلع مع حمد اما يروح له او يعزمه يجيه يبي يقوي العلاقة بينهم يبي تكون نوف من نصيبه وتكون الموافقة من حمد بطيب نفس ما يبي يأثر عليه على طول طلب من امه تكلمهم وتشوف رأيهم وقال لها بالأسم انها نوف وستغربت امه كيف اعرف اسمها قال انه سمع عنها بين اخوياه من ربعهم ويمدحون في شكلها وأخلاقها وانقهر كيف تتطنز روان به وانه انسان مغرور وشككته بنفسه هل فعلا انه ما ينطاق هل هو عصبي على أخته لدرجة خلتها تحكم عليه بها الحكم القاسي بنظره افكار تروح وتجيب طلال خوف من رد اهل نوف ويمكن يرفضون ومايبونها تطلع للغريب في نظرهم لكن بنفس الوقت هم جيرانهم في البر ويعرفونهم من زمان
ام طلال : طلال يمه فكرت زين ليش تبي تطلع من جماعتك
طلال : يمه بنت الكل يمدح فيها وحمد مشاءلله افتخر انه خال عيالي وناس طيبين ما فيها شي اذا بغيت اناسبهم
ام طلال : بس يمه انا ابي لك ريم
روان : أي والله ياليت تجي ريم في بيتنا
طلال يناظرها : وهذا الي هامك وبعدين يمه ريم ماعليها قصور بس انا ابي نوف
ام طلال : الي تشوفه يمه انا اعرفها زين وصدق الكلام الي سمعته عنها بنت حشيم زين واخلاق وتربية لكن ودي يمه انك تاخذ من ربعك
طلال : طيب واذا كان هوا نفسي من ذيك العائله
ام طلال : الله يكتب الي فيه خير وخيره ويدبرنا على احسن تدبيره بكلمهم واشوف
طلال : الله يكتب الي في خير

"" قرار يمكن متسرع يمكن مفاجئ للكل لكن قرار ينم عن صدق فعلا هذا تصرف الشاب المسلم شاف بنت أعجبته وش إلي راح يسويه يروح لهم من الباب مو يحاول يرقم يحاول يتقرب منها ويعرف سلوكها وتصرفاتها أول الشاب ياخذ له وحده ويربيها على إلي يبيه يحاول يمشيها على الي يبي مو خرابيط التلفون وانه يستخدمه على قولته وسيلة عشان يعرفهااكثر
اكبر غلطة تصدقها البنت وتنجرف ورآها اذا اهو شاريك يدل الباب اذا ما يبي وهدفه التلفون التسلية الله يستر علينا وعليه وخليه يروح في دربه """

.................................................. ..........................................
حمد : اسمعيني زين طيب
فوز : يا حمد مستحيل انا قلت بعد سنه وبعدين ما راح إلا ثمان شهور
حمد : طيب شوفي أنا مقدر استغني عنك ولازم كل يوم أشوفك صرتي لي مثل الماء للعطشان
انحرجت فوز هو يطلب منها يقدم الزواج وهي تحاول تغيره عن رأييه هو واثق انه بيتزوجه وهي منقهره من وثوقه وكيف نسى الي سواه فيها
فوز بأصرار : يعني واثق اني سامحتك وابي اكمل معك باقي حياتي
حمد بصدمة على خوف : شلون
فوز بقهر : يعني الحين تبي تقدم الزواج وانسيت ليش انا خليته بعد سنة
حمد : فوز يعني الحين انتي شاكة بغلاتك في قلبي
فوز : حمد الي سويته فيني مو شوي وصعب علي نسيانه بسهوله
حمد : الي يحب يغفر وينسى الا اذا انتي ما حبيتيني يا فوز وخليتيني ابني قصور من رمال
فوز وتبتسم بينها وبين نفسها والحين حست بقيمتها وكيف حمد متلهف على الزواج حست انها ردت كرامتها الي داس عليها يوم زف لها خبر حبه لمها الحين شافت الحب في كلامه حست انها اقوى منه
فوز : طيب خلي فترة افكر
حمد بتردد : فوز
فوز : هلاا
حمد : فوز ترى انتي الحين دنيتي مقدر استغني عنك لتخلين قراري المتهور في يوم يفرقنا انتي لك غلا بقلبي محد قدر يوصل له
فوز : خلاص يا حمد انا قلت لك خل لي فرصة افكر واعطي نفسي مجال واسترجع كل لحظة عشتها معك
سكرت فوز التلفون من حمد وهي تحس انها ملكت الدنيا صارت تدور وتضحك اول مره تضحك بصوت عالي الحين بس انتصرت الحين حست با اهميتها وقيمتها الحين فوز بس هي الأقوى وحمد الضعيف الي يتمنى رضاها دفنت وجها بين خدادياتها وكل شوي ترمي مخدها وهي تضحك وترجع تطيح على وجها شكل شعرها الحرير وهو على السرير وضحكتها الحلوه الي تفتح النفس زادت جمالها حتى لو كانت سمرا بس هالسمار معطيها جمال فتان

سمعت دق على باب غرفتها فتحت الباب بسرعة لقتها الشغالة تقول ان لها أشياء تحت مرسلينها لها استغربت فوز ونزلت بسرعة تبي تشوف الاغراض انصدمت وهي تشوف باقة ورد كبيرة حمرا شكلها رووعه ومميزة فيها ورق اخضر ومرشوش عليه شوي زري اصفر والورد الأحمر مرشوش عليه زري احمر باقة خيال شافت كرت فيها وعلبه ثانية فتحت الكرت لقت كلمة وحده بس

أحبـــــــــــــــــــــــك

حبيبك حمد

رتعشت ايدينها وفتحت العلبة الثانية لقت فيها ورقة مكتوب فيها

إلا خسارتك هذي مقدر أتحملها

وتحتها خاتم كلمة روعه شوي عليه

ما همها الخاتم كلمات حمد وهو يحاول يثنيها عن قرارها وخوف انه يخسرها هي الي خلت دموعها تنزل بين ضحك بين دموع فرح حست بقيمتها : غبي غبي يا حمد لو فكرت اني راح اخليك انا بس ابي اعطيك درس ابي تعرف من فوز وش قيمتها بحياتك مو نزوة بحياتك ذوق الي ذوقتني اياه خلك تحس بطعم القهر شوي بعذبك شوي و أوافق في الأخير عشان تعرف قيمتي أكثر

.................................................. ................................
ابو عبد المجيد : مشاعل
مشاعل كانت تتفرج على مجله وبالها مو معها بس كانت تطالع الصور وفكرها يروح ويجيبها على ذكريات اهل الرياض
ابو عبد المجيد مره ثانية : مشااااااااعل
مشاعل كأنها صحت من حلم : لبيه
ابو عبد المجيد ببتسامه : وش تفكرين فيه يبه
مشاعل ببتسامة جذابة : فيك طبعا
ابو عبد المجيد : أي العبي علي ترى سعود بيتقهون عندي العصر
مسكت المجله با قوى قوة عندها عشان تخفي رعشة يدينها ورمشت بعيونها اكثر من مره شكل وجهها يفضحها حراره بوجها وتغير لونه يدل على شي فيها ابوها مو غبي ما لاحظ التغير يوم سمعت اسم سعود شك بشي وخاف يكون شكه بمحله
ابو عبد المجيد : سمعتي يا مشاعل
مشاعل وهي تحاول يطلع صوت : احم أي يبه امر وش تبي
أبو عبد المجيد : مابي شي محدد بس أبيك تشرفين على الشغالات انا قايل لهم من الصبح وكل شي جاهز بس شوفي القهوه زينه او لا
راح ابو عبد المجيد للمجلس الخارجي في الوقت الي مشاعل تبتسم ان سعود راح يكون ببيتهم وشوي توقف وشوي تجلس واخر شي راحت للشغالات وهي تبتسم وتغير مزاجها وصارت تضحك استغربو الشغالات تصرفها كانت طول الوقت محزنه والحين تضحك وتذوق الحلا يعني وجود سعود بس حولها حتى وهي ما شافته يقلب حالها يخليها مبسوطة

دخل سعود وتركي على ابو عبد المجيد إلي أصلن يعرف سعود في الرياض أيام ما جاه في المستشفى وكان قصة طويلة "" سوف تتعرفون عليها ترقبو الحدث بين البارتات ""

دخل سعود وسلم على ابو عبد المجيد وهو يحس بسعادة بمجرد انها قريبة منه ما يفصل بينهم شي
ابو عبد المجيد : هلا وغلا بعيالي تو مانورت الشرقيه
سعود : منوره بهلها طال عمرك
ابو عبد المجيد : من متى وانتو بالشرقية
سعود : لنا تقريبا سبوع
ابو عبد المجيد : افا ولا جيتوني الا اليوم
تركي : نبي نسلم عليك طال عمرك ونمشي للرياض الشباب يحترونا بنمشي سوى
ابو عبد المجيد : لا بالله مراح تمشون وكرامتكم بتذبح الليله
سعود : لا الله يحييك حنا مستعجلين ولازم نمشي بكره بباشر دوامي ولا نبي نتاخر
ابو عبد المجيد : لا مايصير تسيرون علي ولا تعشون عندي
سعود : في مقبلة الليالي ان شاءلله لك وعد مني نسير كلنا والأهل الحين صرنا بمثابة الأهل
ابو عبد المجيد : اكيد الله يحييك موقفكم مع بنتي مشاعل ماراح انساه طول عمري لو لا الله ثم انتو مدري وش كان مصيرها
سعود : ما سوينا الا الواجب وهذا اقل من الواجب

تقهوو وتجهو للرياض حتى ولو انه ما شاف مشاعل بس يكفي انها عرفت بوجوده يكفي انه حس بها وانها قريبة منه

:::::::::::::::::::::::::::::::::::::::::::::::::: ::::::::::::::::::
نظرة الحب
01-31-2011, 08:47 PM
الجزء الواحد والعشرون

لحظة لحظة ... اصبري لحد ما أدخل معك ...طيب أنت متأكد أن مها الحين في الصالة .. شي أكيد البنت اربعه وعشرين ساعه مسنتره قدام التلفزيون

دانه : خالد يالله وش فيك بطيء
خالد وهو يضحك : إلا انتي عجله
دانه تناظره وتقلب عيونها : بالله عليك
ويجي بسرعه ويلف يدينها عليها ويدخلون بسرعة للبيت وفعلا لقوا مها مندمجة الأخت مع الفلم وتعابير وجهها تحكي شلون شاده على واحجبها وجتها دانه وهي تتسحب وحطيت يدها على عيونها مها رتاعت وشهقت ما توقعت احد يدخل عليهم هالحزه تقريبا الساعة عشر بالليل محد راح يجيهم بهالوقت وصارت تلمس يدين دانه

مها :هذي يد ناعمة وفي الأخير شهقت وجرت يدها عرفتك داااااااااااانه
دانه بقهر وهي تلمها : شلون عرفتيني
مها : غيري عطرك عشان ما اعرفك

خالد : لحظة الحين صارت دانه الغالية وانا ما سلمتي علي قبلها
مها وهي مستحيه من اخوها : من قال غلاها من غلاك
خالد : ام في ذي مافيه شك دانه قلبت موازيني
دانه خلاص صارت خدودها حمر لدرجه ان خالد ومها ماتو عليها من الضحك
دانه : والله انكم بايخين
جا خالد وحط يدينه على خصرها وقربها منه وانا صادق وانتي جنبي انسى العالم ما اصير افكر الا فيك وش تبيني اكذب يعني انتي صرتي لي الهوا الي اتنفسه
مها: اقول راعو ان فيه ناس لسى صغيره يعني لا تخربونا
خالد وهو يضحك : انتو يالبنات الحين خلاص تخربون بلد
دانه وهي تحط يديينها على خصرها : وش قصدك
خالد صار يطالع مها ويطالع دانه: خلاص خلاص ما قصدي شي انا الحين بين رقيه وسكينه
اشرت دانه لمها عشان ياخذون خداديات الكنب وصارو يطقونه بها
دانه : الحين سكينه من جد وجديد
خالد مسكها وسحبها له وكتفها أي يا سكينه وش تبين الحين تبين تبينين انك اقوى مني
دانه : مها الحقي علي
خالد وهو ياشر لأخته أنها ما تتدخل
مها : اسمحيلي يا دانه مقدر ادخل
دانه : كش عليك ادري بصف اخوك
ورجع يضمها اكثر خالد ويرص على يدينها: وش قلت انا
دانه تناظره بترجي : خلاص فك يديني
خالد وهو ياشر على خده بوسيني قبل وافك
دانه وخلاص صار وجهها طماطه : لو تموت
خالد : ههههههههههههههههههههههههههه
وفكها وعلى طول دانه وقفت ومها ميته ضحك
دانه تناظر مها : مالت عليك وانا من الصبح وافكر شلون أفاجأك وفي الأخير توقفين مع خلويلد علي
خالد : دانه ارحميييييييييني لا دلعيني
دانه وطفشت من الأحراج : اوووف وبروح لغرفتي
خالد : وانا والله مره رايح فيها احس جسمي كله مكسر يلا تصبحين على خير مهاوي
مها : وانتو من اهله

.................................................. .........................................
ريم : اووووف يا خاله الحين الي معرس دانه وخالد وشوله انتي تسوين لهم العزيمة
ام محمد وهي مستانسه : اعيالي ما تبيني افرح بهم وبعدين فيه مفاجأة
ريم نطت وجت جنب خالتها : وش وش وشهي المفاجأة
ام محمد : لا مراح اقولها ولا شلون تصير مفاجأة
ريم : ولا تعبين عمرك خالتي عرفت وش المفاجأة مشاعل بتجي
ام محمد وهي طالعها بصدمة : وش دراك
ريم : اشوفك مبسوطه وما زعلتي علي وانا اخبص في ذا المطبخ ولا حلا من الي سويته طلع حلو قلت ابد فيه شي مفرحك وما فيه شي يفرحك كثر شوفت مشاعل
ام محمد : لا تعلمين احد الحين بتجي

مشاعل من وراهم : سربراااااااااااايز
ريم وهي طالعها وتجي بسرعه وتضمها : لا ياحبيبتي مو مفاجأة انا داريه انك راح تجين
مشاعل تناظر ام محمد وبعيونها تعتب عليها خربت مفاجأتها لكن ما منعها تجي وتضمها
ام محمد : والله يابنتي ما خربت عليك المفاجأة بس ريم صقره وعرفت على طول
مشاعل : عادي فديتك بشريني عنك شلونك
ام محمد : والله يا بنتي من فارقتينا والبيت على الي فيه كأنه بيت موحش مافيه سكان فقدتك يابنتي
ومشاعل ما زالت ماسكه يدينها وتمشي وهي للصاله : ورب البيت اني فقدتك انا صح ما عشت مع امي كثير لكن معك حسيت بمعنى الأمومة
ام محمد تأثرت من كلامها : وانتي بعد بحسبت بنتي إلا وين ابوك يمه
مشاعل : ابوي راح يجي في الليل راح لواحد من اخوياه عازمة على القهوه العصر
ام محمد : خلاص انا بروح اتصل والزم على معارفنا يجون جيت مشاعل مهيب شويه
مشاعل تناظرها وتبتسم : الله يخليك لي يارب ولا يحرمني منك
ريم وتمسك يدين مشاعل : تعالي تعالي بما انك يا حبيبتي شاطره بتزيين الحلا يلا انا الحين خربت المقادير وحست الدنيا تعالي ساعدينا انا من زود الفلاحه قايلة لامي منيرة لا تجيب حلا من برى ابي انا الي اسويه
مشاعل : هههههههههههههههههههههههههه عزالله محد ذاق الحلا اليوم
ريم وهي تدفها : يالله بس من زين حلاك
مشاعل : لا والله اجل مراح ازين
ريم : تكفين يا مشاعل انقذيني
مشاعل : بما انك ترجيتيني اوكي
ريم : لا والله اقول يالله بس عطيتك وجه انا
مشاعل صارت تسوي حلا القهوه وحلا بارد مع العشا : ريم هاتي نستله من الثلاجة
ريم وهي تحك راسها : قضت
مشاعل : روحي شوفي في شنطتي فلوس نادي السواق وخليه يجيب بسرعه ويجيب أناناس بسرعة
ريم : الله يعيني صرت شغالتك
مشاعل : ههههههههههههههههههههههههههههه
جت ريم بعد ما طلبت الطلبات : اقول مشاعل حرام خربت كشختك
مشاعل رافعه شعرها فوق وكان عليها فستان احمر كت وعقد فضي على شكل قلبين داخلين في بعض وحلق دائري كرستال وفيه كرستالة حمراء بالوسط طالع شكله حلو
مشاعل : ولا يهمك اصلن انا جيبة معي اغراض لاني راح اجلس عند امي منيرة يومين
ريم : بالله اجل احسبي حسابي معك
مشاعل : الله يعيني نشبه
ريم : نشبه نشبة ولا يهمك على قلبك
مشاعل : هههههههههههههه الا اقولك وين البنات غريبة ما جو
ريم : دانه صاحبة العزيمة مراح تجي الحين تبي تتكشخ قبل ومها تقول بتجي معها تعرفين صارت زوجة اخوها وروان بكلمها الحين وخليها تجيني مو عاجبتني الأيام هذي كله سرحانه والحزن مبين في عيونها
مشاعل : ياقلبي روان عاد ما اتخيل شكلها الا وهي تبتسم وتضحك بس غريبة ليش وش صاير
ريم : والله مدري عجزت وأنا اسألها بروح اكلمها عشان تجينا تساعدنا وتغير مزاجها شوي
مشاعل : اوكي في انتظارك

جا يمشي بسرعه وشاف السواق برى ومعه طلبات الي طالبتها ريم عرف ان اخته جالسه بالمطبخ تسوي حلا حب يدخل عليها ويسولف معها شوي قبل ما ياخذ الملف الي جاي عشانه دخل المطبخ ومشاعل كانت منزلة راسها للصينيه وتزينها بالفستق والأخت مندمجة وتغني

ارجوك يكفي غياب ورد لي حالا.. تعبان محتاجلك يالله متى ترد لي
لا تقول مدري ولا يمكن ولا لكن.. الحين ترجع لي يعني الحين ترجع لي
يا عمري معقوله قلبك للقى ماحن ..والشوق ما جننك في بعدنا مثلي

وقف سعود من الصدمة الي ماخذه قلبه وعقله قدام عيونه سعود راعي المبادئ ما تحرك صار يطالعها ويبتسم وهي تدندن وما حست فيه والله انا الي محتاج لك شكلها طالع خيال وهي محيوسه مع الحلا وماهي يمه رفعت عيونها
مشاعل : ريم اقول ليش السواق تأخر "" فتحت فمها وقعدت تطالعه لها فوق سبع شهور ما شافته وتحققت امنيتها صارت ترمش اكثر من مره هو ما نزل عيونه وهي من الصدمة ما عرفت وش تسوي يمكن تقريبا قعدو على هالحاله خمس دقايق لحد ما جت ريم ونصدمت وهي تشوف اخوها ما نزل عيونه من على مشاعل ومشاعل صاير وجهها احمر وباين عليها انها ترتجف
ريم بصوت عالي : يابو الشباب
سعود يوم سمع صوت ريم ارتبك ودنق وحط الأغراض على طاولة المطبخ وطلع
لحقته ريم : سعود .. سعود
التفت عليها سعود جا يمها وهو يضحك وجلس يدور بها وهو يضحك وريم تضحك وفي الأخير ضمها : اليوم اسعد يوم بحياتي
ريم وهي كان ناويه تهاوشه ما توقعت ابد سعود يكون قلبه قلب طفل يعني الحب يغير
طلع في الشاعر يشوف الأشجار والشوارع كيف هاديه ونسمة الهوا تغيرت صار يشوفها بعين ثانيه لها مهجه غير خلااااااااااص مقدر استحمل لازم لازم اطلبها من أبوها الليلة اليوم بس تأكدت أني اعني لها شي نظراتها تقول ههههههههه الحين صرت خبير نظرات يا خوفي انصدم بس لالا حتى ولو ما تحبني يكفي احبها وخليها غصب عنها تموت فيني
" والي ما يعرفه سعود أن مشاري ولد عمها بيتملك عليها الأسبوع الجاي"
%%%%%%%%
ساره : لالا تكفون مقدر أهدى ابوي ابوي اشوفه يوم صارت تتقلب فيه السياره وبعدها ماعاد حسيت بنفسي وصارت تصارخ مره ثانية
ام محمد : لا حول ولا قوة إلا بالله
مها : ساره استغفري وذكري ربك ان شاءلله الشباب مراح يقصرون انتي ما تدرين كلهم مع عيال عمك بين مستشفيات خاصة وبين حكومية ومراكز شرطة وان شاءلله بأذن الله راح يلقونه
ساره : مقدر مقدر يا مها فيه نار شابه في قلبي شوفي متى انا جيتكم وكم لي صرت فاقدة الذاكره عندكم وابوي من يهتم فيه اذا كان حي او هل هو ميت يارب ارحمني بس عيال عمي ليش ما بحثو عنا ليش مانتبهو لغياب ابوي ذولي مافي قلبهم ذرة رحمة
ريم وهي تصيح : ما تدرين يا ساره وش الظروف يمكن هم دوروا او توقعوا انكم بتتأخرون
ساره : مدري مدري
روان اول مره تنطق في جلستهم : وكلي امرك على الله وما ضاع من التجئ له
ساره : الله يستر ولا يخيب رجاي

%%%%%%%%%%%%
"" الشباب كانوا متفرقين في الرياض بعد رجوعهم من الشرقية كل اثنين في مكان تركي وسعود تكفلوا با اقسام الشرطة في منطقة الرياض طلال وماجد بالمستشفيات الخاصة مشاري واخوانه المستشفيات الحكومية وعيال عمهم راحوا يسألون أمن الطرق ""

سعود : اصبر يا تركي لا تستعجل
تركي : لنا عندهم نص ساعه وهم يبحثون في الكمبيوتر
سعود : يابن الحلال الحوادث كثيرة وش يخلون وش يبقون الله يعينهم

جا الشرطي المسئول شوفو فيه 15 حاله مسوين حادث وبالمستشفى 7 حالات توفوا 8 حالات اربع في العناية المشددة والأربع الباقين في التنويم العادي محد سئل عنهم الي ميتين نبي نبلغ اهلهم عشان نقدر ندفنهم وإلى الآن وحنا نبحث عنهم تبون تجون معي للمستشفى الي اهم فيه عشان تتعرفون عليه
سعود حس ببرودة بكل جسمه يحس بعرق بجبينه ومع ذلك برودة مو طبيعية : والله يا خوي ما نعرف شكله حنا
الشرطي : كيف ما تعرفون شكله وانتو جايين تدورون عنه
تركي : حنا جايين فزعه مع اهلة
الشرطي : طيب اتصلوا على احد من الي يعرفونه وخله يجينا هناك بالعسكري
سعود يناظر تركي : اتصل على مشاري انت وبلغه
تركي يناظره مستغرب : عطني رقمه
"ونقل سعود تركي الرقم واتصل عليه وبلغه يجيهم بالمستشفى "

%%%%%%%%%
كانوا في حالة خوف وترقب
الشرطي : تبون نبدا بالثلاجات
سعود بسرعة : لااا قسم التنويم
راحو لقسم التنويم لكن كان المصابين بين مراهقين وحرمه وجا دور العناية المشددة كانت الأجهزة على المرضى مو مبينة اشكالهم
الدكتور المسئول و الممرضة عن حالات العناية المشددة كانوا واقفين وهم يشوفون شرطي وعه مجموعه شباب والخوف مبين في عيونهم ومسوووده مره
الدكتور كان سعود : هلا والله وش اخدمكم فيه
الشرطي : نبي نشوف الحالات إلي ماسئلو عنها أهلها
الممرضه بتعاطف مره : شوف حدرتك هو فيه شخص مره صعبان عليا دايم يئن ويبكي ياعيني << وش رايكم بلهجتي المصرية 
راحو للشخص الي قالت عنه الممرضة كانوا تقريبا شايلين منه بعض الأجهزه وما باقي غير أنبوب موصل للأنف كلهم وقفوا وجلسو يطالعون مشاري لي تقدم خطوتين وقف وهو شاد على يده بقوة وقرب من الشخص حمر وجهه وحارت دمعه في عينه وما نزلت التفت عليهم هذا عمي محمد
كلهم : الحمد لله الحمد لله

%%%%%%%%%%%

جت ريم مسرررررررررعه : سااااااااااااااااااااااااااره ابشرك ابوك طيب وبخير
وقفت ساره وهي تبكي وتضحك بنفس الوقت وتمسكها مع كتوفها وتهزها صادقه يا ريم صادقة
ريم : قسم بالله اني صادقة توني مسكره من سعود وقالي ابشرك وبيجون الحين

فرحت ساره يمكن ما تقاس برجعة ابوها لها وبرجعة الذاكرة :: لازم اروح اشوفه
ريم : اصبري لحد ما يجي سعود والباقين
ساره : وش يصبرني ابي اشوف ابوي ابي اطمن عليه بنفسي

الآن عرفنا سر الغريبة وكيف فقدت الذاكرة وكيف عرفت مكان ابوها استقرت حياتها لكن الغريبة لم تعد الآن غريبة اصبحت جزء من العائلة التي احتوتها بكل حب لم تهتم لنسبها لكن أخلاقها هي الدافع الأساسي لمحبتهم لها هل سوف تستمر ساره مع هالعائلة وتكون جزء منهم وزوجة لسعود او سوف تتزوج من مشاري وتكتفي بمكالمتهم او زيارات من فترة لفترة تابعو البارت لتتعرفوا ماذا سوف يكون مصير ساره وباقي ابطال قصتنا

:::::::::::::::::::::::::::::::::::::::::::::::::: :::::::::::

شكلي حلو تكفين هيا وش رأيك
هيا : يا بنت الناس وربي شكلك موت الله يعين اخوي اليوم
ناظرتها فوز : يعني صدق شكلي حلو
نوف بعصبية : لاحول كم مره قلنا يهبل
فوز وهيا يناظرون بعض ويناظرون نوف هيا تكلمت : من يوم ما خطبك طلال وانتي معصبة
نوف : اوف مدري حمد متقطع عنده ويمدحه كنت متوقعه انه يرفضه لكن استغربت يوم يقنع اموي وامي كان ماتبي واحد غريب لكن حمد قاعد يقنعها ويمدح فيه

فوز : طيب وش مخوفك
نوف : بس هو مغازلجي
هيا وفوز : هههههههههههههههههههههههههههههه
فوز : وعشان كذا تبين ترفضينه يا حبيبتي مافيه ولد ما يكلم بس فيه فرق فيه عيال ما خذينها لعبة بس تسلية كلام لكن فيه شباب يطلعون وخرابيط هذي خافي منهم وابتعدي عنهم لكن لو حمد شايف شي على طلال ما قبل فيه ويعرف اهله وهو رجال يصلي والي يصلي ويحافظ على الصلاه لا تخافين منه واعرفي انه بيصونك
نوف : ياربي ابي اقول لحد ويقولي لا توافقين
فوز : الولد متشقق ويبيك وحالته حاله وانتي رافضة
نوف : وهذا الي مخوفني هو ماشافني الا بالعباية يمكن ما اعجبه
هيا : وربي انك خبله انتي ما تعجبينه يحمد ربه انا نوف بس تقبل فيه لا طول ولا جسم ولا شكل كلك على بعض جنان وربي لو لفلاح اخو ما اخليك تروحين برى عايلتنا
نوف : أي أنا ما أتخيل نفسي اطلع برى عائلتنا
فوز : أي أي جابت اسباب عشان ترفض
هيا: فوز وين الحلق ليش ما لبستيه
فوز وتطق راسها ياربي نسيته بالسيارة
هيا : نوف روحي بسرعة هاتيه
نوف : الله يعيني عشانك اليوم عروس راح اجيبها لك
فوز : ههههههههههههههه يابنت روحي بدال ها المحاضرة كلها وتجملي ازين لك
نوف وهي تضحك : الساني متبري مني
وجت تمشي بسرعه وتنادي سواق فوز عشان يفتح السيارة وما نتبهت لطلال كان جاي يساعد حمد بس طلع برى عشان يكلم برى وشاف نوف كيف تكلم الهندي ابتسم وفكر في فكرة وجا وراها وهي جالسه تدور الكيسة الي فيها حلق فوز وتسبها
ضحك طلال في نفسه دايم وهي تسب وقف على طول وراها وهي طلعت بسرعة من السيارة وصدمت فيه لدرجة انه طاح على ورى
نوف شهقت بقوة وهي تشوفه وطاحت الكيسه الي بيدها وحطت يدينها على فمها من الصدمة في الوقت الي طاح اعقال وشماغ طلال في الأرض وما بقى غير الطاقية
طلال وهو يوقف : اووووف شوي شوي ليش انتي عنيفة
نوف استحت مره : من قالك تعال وراي
طلال وهو يكذب: وش دراني انه انتي انا جاي ادور الهندي ارسلناه يجيب لنا ماء من برى وشفت الباب مفتوح جيت
نوف وهي تتكلم بسرعة وتتلعثم : مو مبررر لك يوم شفت عباية بنت ليش ما رحت او عشانك مغازلجي صار عادي
طلال انصدم من تفكيرها اذا هذا تفكيرها عني عز الله ما وافقت
رد طلال بعصبية ويحاول يسيطر على نفسه : مو انا الي يناظر خوات صديقة او يتعرض لهن واكبر مثال اني طقيت الباب ما لعبت عليك
نوف خلاص انفشلت شالت الكيسة وراحت تمشي بسرعة ودخلت على البنات وجهها صاير احمر وعيونه فيها دموع على طول رمت الكيسة وراحت للحمام تبكي فيه
نوف وهيا يطالعون بعض : وش فيها
فوز : لا حول إذا مو مرتاحة للزواج ترفض
هيا : الله يقدم الي فيه خير وبعدين انتي لا تحرقين اعصابك بتجي الحين تضحك ويكفي انها توها ما سوت المكياج

:::::::::::::::::::::::::::::::::::::::::::::::::: :::::

روان وهي معصبة : مالي خلق اروح
مها : حرام عليك بتشوفين خطيبة اخوك ونتعرف عليهم اكثر
مشاعل : تغير جو روان وش فيك ما خبرتك كذا وش غيرك
روان بدت تدمع عيونها : والله مالي خلق
ريم : شوفي بنروح واذا معجبك الوضع نطلع ونكمل السهره في بيتنا
ردت مشاعل : واخوانك
مها :أي حبيبتي اخوانك في البيت
ريم : وش فيها نروح لغرفتي
دانه : وش تبون في السهر مضر للصحة
روان اول مره تتكلم : ههههههههه عشانك تزوجتي صار مضر للصحة
البنات بصرخة : اخيرا ضحكتي
ريم : ياشينك ما يليق عليك دور الحزينه
مشاعل : أي والله صادقة ريم
مها : ايوى خلونا نروح لزواج ونفلها
روان : انا مراح اروح للمشغل قصة شعري ما يحتاج لها ستشوار كثير ولا تسريحة ومكياجي حبيبة قلبي ميشو بتسويها لي
مشاعل تاشر على عيونها : من عيوني

"" في الزواج ""

ريم : وهي تأشر على مها شوفي البنات شلون يشوفونك
مها : وربي نظراتهم عادي واخلاق بعد
مشاعل : أي والله شوفي كيف ستقبلونا مشاءلله عليك ياروان راح تجيك بنت جنان
روان وهي منبهره بنوف : أي والله تهبل صح ان طلول مزيون بس حرام ياخذ هذي
ريم : ههههههههههه مالت عليك هذا اخوك
روان وهي تناظر ريم : تبين الصراحه انا كنت اتمناه ياخذك انتي
البنات انصدمو وريم على طول جا على بالها تركي مدري ليش وعلى طول ريم تبي تروح الأحراج الي بين على البنات : الله يوفقة وربي البنت هذي تدخل القلب وحمد الله انها بتصير زوجة اخوك
مها وهي تكلمهم : بنات خلاص جت اختها الكبيرة لنا اسكتوا او خلونا نجلس مع امهاتنا على طاولتهم
روان وهي تستخف بحركتها : لا يا ماما اذا جلست جنب امي كل شوي بتقول اثقلي لا ترقصين حنا بعرس اغراب وانا من اسمع الطق خلاص افقد شعوري ارقص وانا قاعده
البنات : ههههههههههههههههههههههههههههه

هيا وهي تبتسم لهم : السلااااام عليكم
البنات : وعليكم السلام حياك تفضلي
هيا : زاد فضلكم انا اخت المعرس والكبيرة مقدر اجلس لازم اشرف على كل شي
ريم : الله يوفقهم يارب
مها : ليش ما جت نوف ودنا نسولف وياها
هيا : ههههههههههه مستحيه البنت
ريم : لالا قوليلها ما تستحي لو تجي عندنا شوي راح ترمي الحيا وتشوفينها تزعجنا بسوالفها
روان وهي تناظر ريم وتناظر هيا : هيا لا تشرهين على بنت خالتي ما تعرف تعبر
هيا والبنات : ههههههههههههههههههههههههههه
وقالت هيا: عندنا وعندكم خير
جا وقت زفت العروس ودخلت فوز وكان شكلها خيال البنات ما غير يقولن مشاءلله الله يستر عليها وفعلا الله يستر عليها من كل عين حاسد كانت تبتسم خوف على رجفه لحد ما وصلت للكوشة وجلست وكل شوي ترفع يدها للخصل توخرها عن عيونها من الأرتباك
نوف : حرام عليك بتخربين التسريح وانتي تمطين خصلك
فوز : تكفين يا نوف لا تحرجيني زيادة
هيا : يالله الحين بندخل حمد
شهقت فوز : تو بدري حرام عليكم
هيا : فوز مزعجني له ساعه

اعلنوا الحريم يتغطون بيدخل المعرس

الكل مستغرب شلون يدخل بدري والي يضحك ويقول ما يقدر يصبر وتعليقات الحريم الي ماتخلص

دخل حمد وهو يبتسم وطالع مشاءلله كأنه شيخ شكله مره رهيب له هيبة وكان بس يطالع جهة الكوشة ويمشي بسرعة شوي
وفوز ترجف ومنزله راسها يوم صار قريب وقفت وباسها على راسها وكانوا يصورونهم وجابو التورته وكانت من خمس طبقات وخلوهم يقصونها ويد فوز ترجف وحمد ما نطق ولا بكلمة حتى كلمة مبروك ما قالها لفوز إلا يوم مسك يدها عشان يقصون الكيكه

%%%%%%%%%%

طلع حمد وفوز وتوجهوا للفندق الي حاجز فيه حمد
يا الله قدرت فوز تمشي من فستانها الي يحاول يخفي حمد ضحكته عليها وكيف متوتره وكيف ترفع الفستان بهد عناء كبير وصلوا لجناحهم جلست فوز على اقرب كرسي قدامها وهي تحس بربكه شوي على احراج حياء عروس وما سكه بقوة بمسكتها وقف حمد يطالعها شوي وضحك : شوي شوي على المسكه بتنكسر بين يديك
فوز رجفت شفتها السفلى الي يشوفها بيقول خلاص بتبكي الحين
عرف حمد انها منحرجه وجا يمشي وجلس جنها وحط يده على راسها وجلس يدعي عن عمرو بن شعيب عن أبيه عن جده- رضى الله عنهم - عن رسول الله - صلى الله عليه وسلم - قال: إذا تزوج أحدكم امرأة أو اشترى خادماً فليقل "اللهم إني أسألك خيرها وخير ما جبلتها عليه وأعوذ بك من شرها وشر ما جبلتها عليه"

هدت فوز شوي وطلع حمد منها عشان تغير وترتاح شوي وتخف من توترها

يوم طلع حمد راحت على طول وبدلت على السريع وارحت الله يكرمكم للحمام وتوضت وجلست تصلي ركعتين وتدعي الله فيهم ان يبعد عنهم كل شر حاسد ويوفقهم في الوقت الي حمد يتلهف يدخل عليها يبي يملي عيونه منها وفي نفس الوقت يعاتبها على حرقة الاعصاب الي سوتها فيه

""حب انتهى باستقرار نتمنى ان يدوم ""

:::::::::::::::::::::::::::::::::::::::::::::::::: ::::::::::::::::::