الغزالة في عرين الاسد الفصل الخامس والعشرون 25 - بقلم فيّد عبدالله

لخاطر متابعيني الذوق رجعت نزلت البارت، ،بس صدكوني اي تجاوز بعد انطي حظر مية يحبوني ويشجعوني احسن من الفين كلهم طاقة سلبية واحباط،،واعتذر جدا من الي مالحكوا يقروه وانووه البارت صغييير مشهد واحددددد

البارت الثالث والعشرون
فيد عبدالله

ريم،طبيت ورة علي وكلبي يركض ركض اخاف اضعف لا ريم اتقوي اياچ تنزلين روحج وخوانج بعد ،،كلت السلام عليكم باوعلي وعيونة جدحت غضب عروگ كصتة بينت يمكن لان طبيت لابسة عبايتي هاي اول رسالة ردت اوصلهة الة انه البيناتنة انتهة واحنة غربة بعد رد السلام وهو يباوعلي من فوك لجوة

علي،،انة اترخص

حمزة،،مرخوص ابو حسين

ريم،،كام علي وطلع بس طبگ الباب التفت علية حمزة وحجة بنبرة غضب

حمزة،،شيسموهة عود جايتني بعباتج كاعدين بالشارع

ريم،،اريحلي شمضوجك عندك غيري روح اتمعن بيهة

حمزة،،شتردين ريم مو كافي خبال

ريم،،وين الخبال حمزة هو منو البدة بهالاذية كلهة

حمزة،،انتي انتي البديتي

ريم،،بشنو بديت بغلطة زغيرة هديت الدنيا وحياتنة كلهة عليهة

حمزة،،المشكلة لهساتج تشوفيهة غلطة زغيرة بس مو زغيرة مسألة ثقة وراحت واحترام وانعدم وخصوصية لحياتنة ماكو لدرجة ابوي لعمرة ما صاح بية ضربني جدامج

ريم،،غلطت واعتذرت الف مرة وانت معاند شسوي اذا ما تقتنع انتة ولهسة ما مقتنع بية ولا الك ثقة ولا بيناتنة احترام مثل متكول مع انه جنت شايلتك على راسي، ،المهم شتريد مني ترجعني

حمزة،،بيناتنة جاهل شتردين اعوفة الج وانحرم منة لو اخذة الي وتنحرمين منة

ريم،،لااا مينحرم لا مني ولا منك اخذة شكد متريد يومية وردة لحضني تالي الليل

حمزة،،شبيج انتي لخاطر محمد متخبلة

ريم،،لا بالعكس كلش عاقلة واحاجيك بحلول،،

حمزة،،طيح الله حض هالحلول

ريم،،سكتت اجمع قوتي لا تتعصبين ولا تبچين ريم، ،بقة هو مجتف اديه يباوعلي. باوعتلة وعيني بعينة اكلك الصدك بدون زعل واعصاب

حمزة،،غردي

ريم،،بعمرك ما حبيتني

حمزة،،اشش لا تمسلتين

ريم،،لا والله عمرك ما حبيتني لذاتي حبيت طاعتي الك وما اكسر حجايتك ما اردادد وما اعاند ابد هدوئي تحملي لعمتي وللبيت كلة شايلة خطارك وما اشتكي انت ما حبيت ريم حبيت فعايل ريم اليحب من گلبة يسامح حمزة شكد اذيتني وضربتني وهنتني جدام الكل بس سامحتك لان حبيتك من گلبي ،،بقة ساكت بلع ريكة يباوعلي بتمعن كانما ديكتشف ريم جديدة كدامة،،كملت كلامي تدري حتى تمسكك بية هسة والله مو لخاطر تحبني ولا لخاطر اسد حتة كل همك محد يعاندك كل همك تردني جوة ايدك بس لهنا واكلك ما اكدر يا ابن عمي لان ريم القديمة ماتت ما راح تلكة ذاك السكوت والهدوء والطاعة اني هسة يلا عرفت قيمة نفسي شكد جانت قليلة يمك من هاي رخصت بية ومحد يسويلي قيمة اذا مو اني احطهة لروحي ويمك مستحيل انت عايش تستعبدني بقة باهت يباوعلي همس

حمزة،، مستعبدج هيج تشوفين ،،اهتمامي ومداراتي ما غزرن اعاند بامي لخاطرج وازعل عليهة لخاطرج واكسر كلمتهة واصيح لو عثغلطت بحگج كلةلخاطرج ولا تكليلي مو كافي هاي امي شني اذبحهة قابل لو غلطت، ،،، اروح لشغلي ارد متلهف بس لشوفة عيونج حتى اسد ما خليتج توصلين المستشفى اخاف عليج توگعين اطلع واوصي بعمتي وجديتي عليج مو على اسد اكعد تالي الليل اغطي بيج واضمج بحضني لا تبردين ابوس بديج لو طبيتي شايلة الخبز اكول تتعب ما اريدج تتعبين نص حصتي بالكاع حطيتهة بسمج اخاف عليج لو رحت امأمنج كل هاي وتكوليلي ما حبيتني

ريم،،سكتت مقهووورة مو بيدي حبيتة ويذكرني بتفاصيل تبرد حقدي عليه وما اريد ابرد واضعف واردلك ما ارد للذل برجلي لو امووت،،،،باوعتلة وهمست لعد وين هذا حبك اذا تحبني هالكد ما سامحتني ليش، ،ليش كسرت البيناتنة كلة جنت طايرة بيك ولخاطرك متحملة كل شي وحتى قسوتك وعقابك اتحملتهة وهديت اهلي ورجعت وياك واتحملت اذيتك واكول يبرد ونرد تالي شسويت بية جبتلي مرة فوك راسي ما كافيني ضيم امك ارد لضيم الضرة والغيرة والقهر، ،حسستني بنقص بروحي من سويت هيج لان كلشي انطيت وما كفاك رحت تدور غيري نترر بغضب

حمزة،،ما دورت ولا ردت نوصل لهنا انتو الوصلتونة لهنا

ريم،،حجيت بنترة، ،،انتفضت من عمي جيف ضربك رحت اذيتني اني شذنبي،، اني ماكلت لاحد تعال تدخل جنت متحملة كلشي منك وساكتة مسحت بسرعة دمعة طفرت بقهررر،،ما تحمل والله اردلك انكسر بيناتنة شي ميجبر ابد حتى ما اتخيل تلزم غيري وارد اتقبلك عادي ترضاهة على روحك اعيش وياك وروحي تكش منك

حمزة،،لا تجفصين اوزني حجايتج لا اطيح حضج

ريم،، ابتسمت بطرف شفتي ليش لهسة ما مطيح حضي انتة

حمزة،،هسة التالي شوكت تردين

ريم،،ما ارد مو جاي اكلك ما اكدر ما اريد

حمزة،،وعنچ ما رديتي معزة بيج قابل كلة لخاطر اسد كتلج الثقة والاحترام بيناتنة انلغت منعيش هيج بس مثل ما انة راح اكمل لخاطر ابني انتي هم كملي لخاطرة

ريم،،وشجابرني اعيش بجهنم طول عمري

حمزة،،جهنم موو ماااشي ام اسد، ،،الجابرج ابنج

ريم،،ما تلزمني بي حتى المحكمة تحكملي بي،،كام من مكانة ولزمني من جتافي كومني من الكرسي حطيت عيني بعينة ورفعت راسي اطول مني بهواي هوة

حمزة،،يا محكمة ولچ تردين توصلينة محاكم ولچ شمالچ انكلبتي شيطانة اذبحج والله ان فكرتي بهالسالفة اصلا ادفنج هنا والله

ريم،،باوعت بعينة بتحدي ،،،طلگني لعد شيخ حمزة اذا انتة تخاف من الفضايح ومتتحمل حرمتك ترفع عليك دعوة طلكني بهدوء،،،دفعني حيل كعدت عالكرسي وينفس بغضب ويفرك بگصتة

حمزة،،خووش يا ريم اعلمچ شون توكفين بوجهي تحفين وما اطلگج واخليچ معلكة لا للسما ولا للگاع

ريم،،والله كلشي اتوقع منك صرت بس هم ما اخاف عندي خووان ياكلون السبع نتر وهو يحرك باصبعة على راسي

حمزة،،حطي بعگلچ البكد الخرزة هذا حجايتي اليوكف بوجه حمزة لهسة ما انخلق

ريم،،ابتسمتلة ببرود اعصابك ابو اسد نتفاهم جاي هسة مو زين احلك من وصية ابوي الكربسك بيهة،،،باوعلي متفاجأ دريت صااح بصوووت علللللي،،طب علي يركض

حمزة،،تعال اخذ اختك لا ادفنهة بمكانهة ومحمد

علي،،شبيكم ترة عيب هيج تسوون حمزة فضهة عاد تكلك ما اريد اكمل وياك هي بالغصب خلي الاحترام بينكم عاد يربة ابنكم بتفاهم مو مهم الام ولابو موجودين بنفس البيت بكدما مهم واحد محترم الثاني جدام جهالهم ياما وياما نسوان وزلم سوة وجوة سكف واحد ومشاكلهم للشارع واصلة وتلكة جهالهم عقد الدنيا كلهة تصير بيهم وانت يا ابن العم شفت نصيبك يم غيرهة خليهة ترتاح مستكثر عليهة تعيش مرتاحة لابنهة

ريم،،سكت حمزة ما جاوب بس فرك وجهة وكال اترخص

علي،،حمزة شصفيت

حمزة،،ما اطلگ علي ، ،يلا في امان الله،،،يتبع