الغزالة في عرين الاسد الفصل الرابع وثلاثون 34 - بقلم فيّد عبدالله

صبااح الورد شلونكم ياابة مشتاقتلللكم كووومة ما مشتاقيلي،،،اعتذر ما نزلت كتلكم امتحانات بفراغي اكتب اتحملوني هالاسبوع حبايبي واعتذر،،،،،،متابعة طيبة

البارت الثاني والثلاثون
فيد عبدالله

ريم،،ما اجاني نوم يمكن لان فراشي متغير واحس التفكير اكلني ما اعرف شاريد شون اتصرف صح الجاي اسوي لو غلط كمت لبست دشداشة خفيفة طفيت الضوة قفلت الباب ما اعرف ليش بس حسيت اأمن وضليت اتكلب بفراشي اخذت اسد لحضني ونمت الصبح كعدت على هوسة اسد يكمز يمي اخذتة وابوس بي صحصت باوعت للغرفة ابتسمت مرتاحة مكيفة ببيتي كمت لبست ولبست شالي ما اعرف ليش مو البارحة نزعتة كدامة شبيج ريم اتخبلتي ،،لا استفزني وسويت هيج ما انزع شالي بعد كبالة احسن واريح،،فتحت الباب البيت فارغ ماهوة حمزة الغرفة الثانية مخربطة وحدة من الچرابي عرفتة نام عليهة وطلع،،غسلت اني واسد وشغلت الصوبة طبيت للمطبخ مسواك كامل عالميز وصفطة خبز رتبت المسواك وفتحت الكاونتر اندل بالغراض سويت ريوك اتريكنة اني واسد وبلشت ارتب بالغراض على ايدي واشوف شناقصني للمطبخ للبيت للغرفة ارتب واكتب بورقة كملت طبيت الاستقبال جان كعدة عربية مفصلة على كدة لونهة نيلي وذهبي والسجادة بيجي ونقشة نيلي والحايط مرتب بديكور وبنصة بلازمة جان ناقصة تحفيات لوحات اسجل وابتسم معقولة صارلي بيت وارتبة على البالي جنت ششوف بالتلفزيون اكول شوكت يصير عندي بيت وارتب بي ،،،اسد منطلق يفتر ويلعب اخذتة وصعدت للفوك البيتونة چبيرة كلت افرغ واصعد البوفية والفراش بيهة تصير الغرفة ارتب كملت ترتيب البيت وكتبت النواقص وهو نضيف ماعندي شي وكفت حايرة شطبخ غدة فتحت المجمدة اكو لحم ودجاج وسمج طلعت سمجة تموع وكلت وياهة تمن احمر ورحت للغرفة ارتب بهدومي من الجنط واندكت باب المطبخ ركضت والف بشالي باوعت من البردة امي وحسناء فتحتهة مشتاقتلهم كللش

ام ريم،،بالمبارك يمة بالمبارك الله يهنيكم

حسناء،،ولج وين عفتينة وحشة عليج شايلة البيت انتي وهالفصمة

ريم،،ياعيوني اشتاقيتلكم خواني شونهم

ام ريم،،بخير ما دامج مرتاحة

ريم،،دطبوا شني نكعد بالمطبخ،،طبت امي وحسناء ويصلون عالنبي ويفترون بالبيت

حسناء،،مااشاااء الله يخبل ريمة يجنن ومريح حيل بالعافية

ام ريم،،الله يمهلج بي يمة ويبعد عنكم كل عين وكل نفس

ريم،،بقوا كاعدين يمي كمت اسوي بالغدة واجوي يمي كعدوا اطبخ ونسولف،،لعد سرور ليش ما اجت

حسناء،،شمدريني كتلهة كالت غير وكت

ريم،،هلا بيهة

ام ريم،،يلا حسنة كومي الولد على جية

ريم،،شني السالفة يمة هذا كمل الغدة والله ،،اتغدوا وروحوا هذا البيت

ام ريم،،لا يمة صار هواي من عفنة سرور وحدهة مرينة لجديتج واجيناج

ريم،،لعد انتظرة يستوي واجيب للولد

ام ريم،،اسكتي واكلي بعافية انتي ورجلج وابنح الولد طبختلهم من الصبح وهسة اروح اصب كبل تدرين بيهم بس يصلون يتغدون

ريم،،براحتج يمة طلعوا ووكفوا بباب المطبخ، ،يمة اعبروا من هذا الباب اسرع عليمن تطلعون للشارع بعد دكوه علية وافتحة احسن

ام ريم،لا يمة بالجية عيب نتجاوز بيت عمج ونجي منا سكتاوي لا نمر للحجية نسلم ونجيج عود بالردة نرد منا

ريم،،براحتكم يمة كل الهلا

ام ريم،،دير بالج على رجلج وبيتج وصيري سباعية وام بيت

ريم،،ان شاء الله،،فتحت امي جزدانهة طلعت فلوس

ام ريم،،هاج يمة هاي نگوط بيتج

ريم،،يمة صدك چذب شسالفة اريد منج هدية شوفتج احلى هدية والله ما اخذ

ام ريم،،لا تاخذين غصب عنج خليهن جوة ايدج اشتري بكيفج شمحتاجة ولو ما شاء الله كامل البيت

ريم،،يمةةة

ام ريم،،وصمة كضي ارد اروح كام يوذن

حسناء،،غير هدية ههههههه

ريم،،اي والله ههههه شون عاطت بية

ام ريم،،خايبات وجعة اروح اصلي ابركلي، ،يلا يمة دير بالج على روحج وابنج طبي وقفلي بابج

حسناء،،مع السلامة ريمة

ريم،،الله وياكم مشكورة يمة الله لا يحرمني منج رحت فتحتلهم الباب وطبن لحديقة اهلي وقفلتة ورجعت للبيت طبيت وقفلت بابا المطبخ رجعت صليت ورتبت غراضي وغراض اسد سحبت باب من الكنتور الثاني ملابس لحمزة مرتبات بيهة وعطور وملابس بيت صفنت متفاجأة اتذكرت قبل اول عرسنة من جان يكول ما اطلع من بيت ابوي وانسي يصيرلج بيت سبحان الله شفترت الامور وبالاخير الله رزقني ببيت ماجنت احلم بربعة الف الحمدلله العوضني حلو هالشعور من تحس شي ملكك الك راجعلك وانتة التسوي بي اليعجبك يمكن هالشي يشغلني وما اهتم لكلشي بعد اهم شي ابني ومملكتي هااي كملت الغراض وصفطتهن وصعدت الجنط ماعندي شيي بعد،،،رحت اصب وسمعت تلفوني يدك باوعت رقم غريب استغربت اول مرة يدك عندي هالرقم ظل يدك تلث مرات ويفصل عفتة شسويلة رحت للمطبخ اصب واندكت باب المطبخ وخرت البردة باوعت حمزة فتحتة وصرت وراه طب وكال السلام عليكم بلا مايباوع رديت السلام طب بوجهة للغرفة اخذ ملابس وطب للحمام البداخل الغرفة سبح وطلع

حمزة،،دكيت عليج ليش متجاوبين

ريم،،باوعت مستغربة منيلة رقمي،،، شفتة رقم غريب وما رديت

حمزة،،ليش ما عندج رقمي

ريم،،شسوي بي

حمزة،،عبالي خالتة احتياط المهم طابخة لو اجيب من اهلي

ريم،،لا عليمن هذا خير من الله

حمزة،،عاشت ايدج ،،تصبيلنة اذا كامل وراي كعدة

ريم،،اي هسة،،رحت للمطبخ صبيت وحضرت الطرشي والخضرة خليتة بصينية اريد اشيلهن صاح وهو بالصالة ممدد

حمزة،عوفيهة جاي جاي

ريم،،اجة شالهة واخذهة للصالة، ، سحب اسد وكعدة بحضنة وهو ماخذ عالوضعية الظاهر هيج معودة اباوعلة يفلس بالسمج ويخليه فوك التمن ويوكلة بخاشوكة وحد واسد يكمل ويسوي بعدددد وهو ياكل ويحط بحلگة صدك حسيت بحبة الة مهتم بي كللش كملوا وكام اخذة غسل لاسد نزلة ورجع يغسل شلت الصينية وكمت للمطبخ طلع ينشف بالخاولي وكف بباب المطبخ

حمزة،،عاشت ايدج

ريم،،عافيات حجيتهة واني اعزل بالصينية،،تقرب شال قوري الجاي خلاه عالطباخ وشعلة متعود هو ورة كل وجبة جاي،

حمزة،،وين الاستكانات

ريم،،طلعت استكان شكرتة وخليتة يمة ورجعت اغسل بالمواعين صب الجاي واخذة وطلع للصالة، ،،هاي يمكن لو واحد من خواني او هوة گبل مستحيل جان سويت هيج بايدي وديتلة الجاي بس هسة ما اعرف ليش كلبي اسود من ناحيتة صاير كللش وما اريد كل اختلاط وياه،، ولامبالاتة تخلي القسوة تزيد كمل جاية وطب بدل وكشخ وطلع واسد ينگنگ وراه شالة بوسة وانطاه الي

حمزة،،قفلي الباب ونوميه لا تخلي يبجي هواي

ريم،،باوعتلة ساكتة رفع تك حاجب ما عاجبة سكوتي طلع ورگع الباب، ،،، متريدة يبجي لان تحبة لعد مو تكول تحبني شكد خليتني ابجي ولا رف گلبك يا قسوتك ويا گلبك الحجر،،كملت وطبيت نومت اسد سبحت ولبست تراك شتوي يدفيني وجواريب لفيت شعري بالمنشفة وعفتة مفلول ينشف ومددت تعبانة احس كلش نمت ما كعدت للعصر كللش كوة شلعت روحي عندي امتحاان ولا فاتحة الدفترر ولاقارية حرف عود كمت اقرةاووف يلا باجر عطلة هم مالي خلك كعدت اسد غسلت وكلت اسد فواكه وقفل الا يرضع جبت بطانية بالصالة شغلت التلفزيون ومددت وحطيتة بحضني رضعتة واباوعلة واحجي وياه شوكت افطمك ولك صرت رجال وترضع متستحي وهو يضحك ميدري الفلم شنوو اباوع للتلفزيون واسد بحضني رجع نام ودفو ما ادري بروحي وغفيت على واهس اسد فزيت على باب المطبخ يندك متيهة الوكت والزمان والمكان هاي من اتعب اكعد عبالك بغيبوبة كمت للباب فتحتة حتى بلا ما اكول منوو وحمزة بوجهي طب رأسا وقفل الباب بقة يباوعلي عكد حاجبة ونتر

حمزة،،شبيج

ريم،،جنت نايمة و.... انتبهت لروحي عزة بعيني شلابسة شعري مفتووح ومكفش لان نمت مفتوح ركضت للغرفة وسديت الباب خرررب بفهاوتج ريم اباوع لكفشتي بالمراية حسبالك اشعة الشمس تشرق في كل الاتجاهات،، وجمالة سحاب التراك مفتووح كوووم الملابس الجواه مبينة لان رضعت اسد ردت ابجي من الفشلة شبيج ريم ثوول طبيت للحمام غسلت بمي بارد بللت شعري ومشطتة وشلتة وبدلت بدشداشة وشال وطلعت احس محترة من الفشلة هو متمدد بالغرفة ذيج وخال ايدة على عيونة يمكن نايم همزين واسد يطب يمة ويرجع للصالة سحبت اسد طلعتة وطفيت الضوة واجاني صوتة

حمزة،،خلي الضوة مشتعل

ريم،،عزةة ما نايم شعلت الضوة وسديت الباب لان اسد عدوة النايم رحت للمطبخ حايرة شسوي عشا باوعت الساعة بالسبعة تقريب اووه حتى الصلاة فايتة توضيت وصليت وبلشت بالعشا كملت وهو نايم كلت خليه براحتة اتعشينة اني واسد وغسلت المواعين ووكعدت اقرة بالصالة اسمع صوت حمزة يسولف بالموبايل شوية وطلع من الغرفة

حمزة،،هاي شكد نمت ليش ما كعدتيني

ريم،،ماكتلي

حمزة،،الا اكوول متعرفيني

ريم،،سكتت واگلب بالدفتر واقرة

حمزة،،ظلي بهالراس اليابس بس صبري الة حد

ريم،،على شنو صبرك رفعت عيني بعيونة،، مسوية شي اني مو عالاتفاق ننجمع سوة علمود اسد وبس

حمزة،،ردودج هاي المن ورة خشمج مو وياية فااهمة

ريم،،باوعتلة ونصيت عالدفتر اقرة ما جاوبتة يستفزني اكثر ،،طب اخذ غراضة وطلع من البيت ولا نطقت وياه حرف زايدة عليمن هالاعصاب شيريد اتلگاه بالاحضان مثلا، ،، كمت قفلت الباب ورجعت اقرة بامتحاني لل11وهو ماكو طفيت الاضوية ومددت بالبداية خفت ما متعودة انام وحدي بقيت من كل صوت افزز واقرة ايات شوية واندگت الباب مال المطبخ كمت لبست شالي وصحت منو

فرحة،،انة ولج فتحي الباب متت برد

ريم،،صوت عمتي فتحت الباب خطية عمتي فرحة جاية تبات يمي،،،هلا عمة ياعيوني سلبنة راحتج

فرحة،،غير حمزة طلع لبغداد ووخابرنة اروح يمج متنامين وحدج

ريم،،هااا استغربت ليش يطلع بهالليل ،،كل الهلا عمة وين يعجبج تنامين

فرحة،،بهاي الغرفة مو بيهة چرابي

ريم،،اي براحتج،،طبيت طلعت لعمتي بطانية ولحاف وهي طبت نامت رأسا واني اتأكدت من البيبان مقفلة وطبيت للغرفة مددت وماكو نوم ضليت اتگلب وكت واحس صارت هوسة ببيت عمي وكفت يم الشباك مال المطبخ والاضوية اشتعلت وصوت سيارة اشتغلت بهالهوسة ودك تلفوني بيدي حسنين استغربت بهالوكت داك رديت مخروعة،،الوو ها حسنين

حسنين،،ها ريم شونج منو يمج

ريم،،عمتي فرحة شكو

مثحسنين،،خووش عبالي وحدج بايتة اسمعي بس لا تخافين، ،ترة حمزة مسوية حادث

ريم،،دك كلبي بسرعة، ،،شتكووول عززة

حسنين،،طالع سلامات بس مكسورة ايدة يمكن

ريم،،شلون وين متأكد بس هاي

حسنين،،بعدين هسة ردت اشوفج منو بايت يمج، ،اسمعي لاتكعدين عمتي فرحة تنهبط لباجر گليلهة

ريم،،اكيد مابي شي عليك الله

حسنين،،اي يابة نجيبه ونجي الصبح،،يلا قفلي بوبج زين

ريم،،اي بالسلامة،،،سديتة والخوفة والهبطة رجفتني شجاك طلعت بهالليل متوازي ياحمزة لو صاير بيك شي شنكول،،،،مددت وفكر شصار بي اكيد متوجع الله يشافيه يارب كمت توضيت واصلي واحس بية ناررر خوف وقلق وتأنيب ضمير وارجع واكول ما حجيت شي هو الكبرهة مثل كل مرة شسوي يعني ما نمت للصبح خابرت حسنين ميرد علي مغلق قلقت كلش لبست ورحت لبيت عمي طبيت للمطبخ جديتي كاعدة تسبح وتمسح بدموعهة،،ركضت عليهة هااا جدة شبي حمزة

الجدة صالحة،،جدة مدعوم بالليل وممرودة ايدة ومكسرة

ريم،،وهسة زين مو راح يطلع

ام حمزة،،لا هلااا بوجه البومة يالبومة من لفيتي لفانة الفگر هالاول ما رديتي دعمتي الولد وكسرتي شسوين بي ادور امشي طلعي فگرتينة ما اريد شوفتج ببيتي مو عندج بيت ولي لبيتج

ريم،،ما جاية لبيتج هذا بيت عمي من يطردني ابو البيت عود اطلع شو هاي تعاي جريني من ايدي حيل وتدفع بية

ام حمزة،،برة يالفگر ام الزلم

ريم،،مشكوورة عمة متقصرين

الجدة صالحة،،رسمييية يمصخمة عوفي البنت رديتي لخبالاتج بهاي العصة اكوملج ومحمد اكسرهة عليج

ام حمزة،،مو عندهة بيت خل تولي لبيتهة شعندهة جايتني

ريم،،جدة راح اروح هسة من يردون زلام البيت اجي واشوف الحجي نفسة

ام حمزة،،تهدديني ولج

ريم،،بكيفج، ،جدة من يجون انطيني خبرر من رخصتج وطلعت وعمتي وكفت بباب المطبخ واسمعهة تسوي بلا ادب ما مرباية،،طبيت للبيت اتلكتني عمي فرحة

فرمة،،ها ولج وين جنتي كعدت ما لكيتج

ريم،،عمة يم جديتي تعاي نتريك،،ما ردت اهبطهة اتريكنة وكملنة ما اكلت معدتي قافلة،،عمة ما ردت اكلج ترة حمزة مسوي حادث ما كملت وهي لطمت على صدرهة

فرحة،صخام بعيني وين شكد كتلة لاتطلع بهالليل وهسةة ولج

ريم،،على كيفج عمة مكسورة ايدة بس ما بي شي

فرحة،،يا مابي شي مو مكسور سودة بوجهي اروح لامي تلكيهة ناار تعاي وياي

ريم،،من يجي اروح مالي خلك مغثة

فرحة،،كيفج ياام گلب الاسود كيفج

ريم،،انووب دروحي عمة وجديتي تسولفلج شسوت عمتي

فرحة،،يبووه يا رسمية وكتج يلا اروحن

ريم،،طلعت عمتي وخابرحسنين كال راح يظل اليوم تعبان شوية،،ضجت مااعرف ليش يمكن متأذي مو كالوا زين لملمت البيت كوة مالي خلك كلبت الدفتر شون ماجان قريت حتى ما طبخت مالي كل واهس اجتي امي شوية وراحت وكلت اسد ونمت الظهر اندكت الباب مال المطبخ كمت لبست شالي وباوعت من البردة بوجهي فاطمة اتفاجأت بيهة فتحت الباب حجت وهي تلهث

فاطمة،،جابوا حمزة متجين خطية متوجع

ريم،،اي جاية جاية،،تعاي طبي

فاطمة،،لا اروح تعاي من باب الترك عفتة مفتوح زلم اذا اجيتي من باب المطبح

ريم،،اي شكررا،،ابتسمت بوجهي

فاطمة،،عفوا ريمة

ريم،،طبيت للبيت غسلت بسرعة وبدلت بدشداشة مرتبة وشالهة وبدلت لاسد وعطرتة وطلعت صدك لكيت باب الترك مفتوح طبيت وقفلتة لاكتني فاطمة

فاطمة،،تعاي ريمة بغرفة جديتي طببوه

ريم،،اتوجهت لغرفة جديتي وكلبي يدك بسرعة طبيت كلت السلام عليكم رد الكل و جان ابراهيم يعدل بالمخاد ورة ظهرحمزة وكلهة ملتمة بالغرفة وجديتي تمسح بدموعهة باوعتلة ايدة مصبوبة ولابس مسند وضربة بوجهة بخدة ازرك وراسة ملفوف بشاش عززة كل هاي ويكولون زين عدل كعدتة وباوعلنة

حمزة،،يابة حبيب ابووه جيبي جيبي

ريم،،اتقربت منة وكتلة الحمدلله عالسلامة وخليت اسد بحضنة وهو يباوعلة مستغرب شكلة وكفت بصف عمي مسحت دمعة طفرت بساع ما اريد ينتبهون شاورني عمي

ابو حمزة،،يصير زين مابي شي

ريم،،ان شاء الله،،حجة عمي بصوت كلهة انتبهت

ابو حمزة،،يابة ام اسد حضري الغرفة لابو اسد يروح يرتاح ببيتة

ام حمزة،،هنا ايظل انة اداريه مو تداوم هية شتداري منة

حمزة،،صدك هوسة هنا وانة تعبان هناك اريح

ريم،،اباع لعمي وحمزة واحد يباوع للثاني وخيط ابتسامة بالوضوع وعمتي اشتعلت ناررر واني بالنص ساكتة شكول بالله صدك عندي دوام شون

ام حمزة،،لا هسة اروح اجيب حنان تداريك عالاقل متفرغتلك مو طابة طالعة

ريم،،حجيت بتحدي بس اريد اكسر كلمتهة،،عمة مو الاختلاف منو التداري احنة نكول يا مكان الاريح واني اكول هناك اهدء الة وهو براحتة باوعلتة مبتسم ابتسامة استفزتني كلللش، ،خررب بفلتاتج ريييم متلزمين لسانج ابدد ابددد ،،،،،،يتبع