الغزالة في عرين الاسد الفصل العشرون 20 - بقلم فيّد عبدالله

باارت هدية لعيونكم مو تنسون التصووويت،،متابعة طيبة

البارت التاسع عشر
فيد عبدالله

ريم،،بس خل افهمك

حمزة،،شتفهميني موبايل مضموم بنص هدومج ومقفول ومتروس رسايل واحد يتغزل بيج وبصوتج شفهم

رين،،والله والله صارت بالغلط

حمزة،،انجبببي ما اسمع صوتج

ريم،،اسد نط بجي اتوجهت اشيلة

حمزة،،انتي تنجبين وتوكفين مكانج

ريم،،اخذة لجديتي ورجع قفل الباب واني دموعي تصب عمرة ما محاجيني هيج،،كافي حباب

حمزة،، انجبي طايحة الحظ انطيتج ثقة ما منطيهة لبشر تالي تخونيني بس التفت ادير ظهري

ريم،،اسمع بس اسمع والله جبتة ما استعملتة يومين وقفلتة وذبيتة والله كعد عالجرباية يهز رجلة بتوتر

حمزة،،من شوكت جبتيه

ريم،،من، ،من اول سفرة للاردن اني كلت هيج وهو كمز لزمني من شعري اتملخ وحجة صاك سنونة

حمزة،،ادب سزز كل هالمدة وضامتة كل هالوكت يا صلفة انتي مطلعتني زوج اطلع تفتحيه اطب تضميه

ريم،،والله قفلتة والله وذبيتة جوة الهدوم ما فتحتة بعد والله

حمزة،،لا تخبليني وهذا منين سمع صوتج داز كوم رسايل كووم ولج شوفيهن انة زلمة اخجل اقراهن شوداج عليه انتي هالساقط

ريم،،بالغلط والله دكيت على علي وغلطت بالرقم،،ما حسيت الا راشدي اشتعل خدي نااار

حمزة،،شون بعد اثق بيج تدرين جاي تلعب نفسي منج من تسولفين احس روحي فد عاررر وانتي بكيفج وانة مخليج كدامي ملااك كبرتج زايد وخليتج تحطيني جواج وتتصرفين،،الله اعلم شمضموم بعد

ريم،،اوكف والله ماكو غيرة مضموم والله بس افتهمني والله ما سويت غلط والله ومن...
...

حمزة،،اششش اصلا الحجي وياج ضايع حرامات جنت حاطج بغير خانة ،،ولج حتى من لكيت الموبايل اجذب بروحي اكول مو الهة

ريم،،لا حمزة والله مو هيج اني ريم ريمتك

حمزة،،قندرة انتي (هالكلمة نصاً)ولج حتى من ضامتة ولافتة بنص الهدوم مو ضمت وحدة نيتهة صافية ابد ابد راح اتخبل من وراج لو صدك تندمتي جان كتيلي جان انطيتي لخوانج شتسوين دافنتة بنص هدومج

ريم،،بس هدي روحك والله غلطت والله ادري بروحي ثولة وعوبة وغلطت بس سامحني ماعندي شي وية هذا بس كلت الو والله وسديتة منة شفتة غريب الصوت اتشك بية

حمزة،،انجبي لو اشك بهالشي اذبحج والله بس انتي من الاساس غلطج مينغفر

ريث،،والله ما اعيدهة

حمزة،،لعبت روحي من جذبج والتكتلني سالتيني وكتلج لااااا مو كلت لو غبية انتي

ريم،،احس كلش هان كرامتي وغلط هواي وضربني واني اعصابي متتحمل صايرة وانهاريت صرخت، كافي كافي شمسوية كاضني وية واحد جان يرجع يضربني حيلل على حلكي كام يجري دم

حمزة،،ادب سزز شون تكولين هيج

ريم،،ليش شبية حمزة اشهك وابجي وامسح بحلكي،،شبية وهيج تسوي وياي غلطت اي اعترف بس مو هيج شفتني تماديت شفتني تجاوزت جاي اكلك ذبيت الموبايل والله ما فتحتة بعد وجنت ناوية هاي بالعيد انطي لامي ما اريدة هاي تاليهة باقل موقف تضرب وتغلط شخليت للايام الجاية ،،اتقرب وعيونة حمر

حمزة،،ومنو كلج اكو ايام جاية بعد

ريم،،بلعت ريك بصعوبة،،،شتقصد تت ت تطلكني

حمزة،،حشااا اخلي ابني يتعذب لخاطرة اتحملج بس اشوفج حمزة لو انكلب شيسوي والله اخلي ايامج سوود

ريم،،عوفني اذا ما رايدني اروح لاهلي ولا تذلني وتاذيني

حمزة،،ششايفة من الاذية ،،متعرفيني من اتچز روحي من بشر شسوي بي

ريم،، اتخبلت،، انت شبيك حمزة شبيك، سحبني من شعري حيل ودفعني عالجرباية انركع راسي بالخشبة اتلمست راسي طالع منة دم،،،،كمت ابجي بحرگة هاي تالية حمزة هيج ياذيني،،،،انت لو تحبني من صدك متأذيني هالكد كمت الف بشالي اريد اطلع

حمزة،،وين مولية بهالليل

ريم،، احس اتخبلت من حالتي كمت اعيط بخبال حتى بلعومي اتجرح ما اكعد وياك والله بعد دقيقة اروح لخواني واكوللهم،، واذا انت رجال صدك تعال لخواني مو كادر على مرة ،،ما اعرف والله ليش حجيت هيج مرات الانسان بانفعالاتة يحجي كلام ما موزون وهاي حجايتي جانت القشة القسمت البيناتنة لزمني وضربني ما خلة مكان بية صاحي اسمع عمي يعيط وجديتي وكلهة تدك بالباب اخر شي فقدت بايدة ما حسيت على روحي الا واني بالمستشفى وعمتي فرحة بصفي تمسح براسي فتحت كوة وجسمي كلة يوجعني اتذكرت كل الصار راسا نزلت دموعي ترة والله ما سويت جريمة لكل هذا ليش هيج اذاني لو رادة عالرسائل يمكن الة الحق كلة بس اصلا ما رادة ولا فاتحة نصهن لان من غلقتة وداعت ابني ما فتحتة،،بقيت بس دموعي تصب اجت الدكتورة وكالت هاي اثار ضرب احد ضاربج هزيت راسي بنفي ما اريد اجيب حجاية عيب والله عيب عالرجال يضرب مرتة يمكن حجايتي صعبة بس مو هيج يضربني طلعنة على ماسؤليتنة واني حرف ما نطقت وصلنة للبيت باوعت لعمي الجان وجهة دم ضاايج كلش وهمستلة عمي بداعت ابوي اذا تعزة صدك نزلني يم اهلي وجيبولي ابني

ابو حمزة،،عمي شون انزلج هيج فشلان من اخوي كللش

ريم،،عمي بداعت ابوي اذا تعزني صدك،،صدك نزلوني ابراهيم وعمتي فرحة وعمي طب للبيت دكينة الباب الوكت متأخر راح يطلع الفجر صوت الاقفال تتفتح وصوت كاظم

كاظم،،ياهوو

ابراهيم،انة ابراهيم

ريم،،فتح الباب كاظم وتفاجأ بينة انتبهلي وركز بشكلي

كاظم،،ريمة شمالج يخوي منو مسوي هيج بوجهج شصاير

ريم،،كاظم اخذني لامي وشمرت روحي بحضنة اشهك

كاظم،،تعاي يبعد اخووج،،ابراهيم الصبح النةحجي زلم

ريم،،عمة ابني عليج الله

فرحة،،ميخالف عمة الوكت بارد عليه الصبح اجيبة يرويحة عمتج

ريم،،طبيت وكاظم ساندني وباس راسي، ،اعظم نعمة جانت حنية خواني،كعدني عالتخم بالصالة كوة اتنفس حتى ضلوعي يوجعني راح جابلي مي وبهالاثناء اجة حسنين

حسنين،،هاي شبيج ريمة منو طاگج شبي وجهج احجي

كاظم،اتهدة وعوفهة تجر نفس

حسنين،،حمزة مووو والله لاشوفة الامهات شتجيب

كاظم،،مو وكتهة انتظر خل نفتهم شمالك

حسنين،،شتفتهم اختك وجهة ما ينعرف وتكلي نفتهم

ريم،،كافي كافي تعبانة والله ما اريد عياط كاافي كافي كافي،،احس بردت حيل و كمت ارجف وبس كلمة كافي جلبت بحلكي حضني كاظم ويردد كافي يبعد اخوج كافي وبهالاثناء طلع علي من غرفتة

علي،شصاير شكو شكو ريم ريم شبيج ريمة شو باعيني ريمتي ريمتي انتي انة هنا محد يأذيج يبعد اخووج محد

ريم،،حضني علي بكل قوتة ويقرالي قران احس بديت اهدء شوية شوية ما اعرف شلون غفيت بحضنة ونا كعدت بعد ولا حسيت بروحي لل 11يلا فتحت عيوني كوة ما اتذكرت شي غير اسد فزيت مخروعة باوعت امي يمي، ،يمة وين اسد

ام ريم،،اسم الله بنيتي استهدي بالرحمن

ريم،،يمة وين ابني اريد ابني كمت بساع جني مخبلة ركض للصالة كاعدين الولد كلهم شافني علي كام وفتحلي حضنة ركضت لحضنة اتنفس حيلل بخوف،،همست اريد ابني اموت بدونة والله

علي،،اجيبة الج بس اكعدي اكلي وتقوي واجيبة الج

ريم،،هسة اريدة اصلا هو ميريد غيري ويرضع تلكاه مفرفح هسة

علي،،هسة اجيبة الج بس اكلي بين ما اجيبة

ريم،،اي اي انتظرك،،راح علي وحسنين وكاظم وامي كعدت توكل بية غصب وحسناء مكابلتني ودموعهة تصب نص ساعة وساعة وهمة ماكو كمت الووب ،،اخر شي طبوا ركضت واباوع اسد ما وياهم وحسنين يعد ويخرط

حسنين،،حرامات هذا حمزة حرامات ابن عمنة يوكف بوجوهنة هيج

علي،،حسنين عيييب اكبر منك وابن عمك

حسنين،،ما عندي ابن عم بهالاسم

علي،،رررريم تعااي كعدي نحجي

ريم،،كعدت يم علي الجان كلش ضايج، ،احجججحي بساع شصار

ريم،بلعت ريك بخوف ،،،دنكت افرك بايدي، ،،والله متسوة وهو كبرهة والله

علي،،هي شني الماتسوة صدك لاكي تلفون ضامتة بملابسج

ريم،،قديم والله

علي،،احجيي ريم لا بالگطارة اجرجر بالحجي

ريم،،خل اسولفلك بلا اعصاااب.هو من جان مسافر اول سفرة اتاخر كلش وجنة متزاعلين وووو....سولفتلة الصار وليش اشتريتة وشلون ذبيتة وما استعملتة ،،والله يخوي جنت ناوية انطي لامي عالعيد هذا الجاي

علي،،ليش ما ذبيتيه ليش ما اجيتي وجبتي الي كتيلي انة اعذزج وافهمج ليش خليتي نقطة عليج كدام رجلج شون يوثق بيج بعد انة هاي مرتي الاعرفهة من جاهل لو تضم علية شغلة هيج تخليني اشوغ للسما وما اشوف جدامي

ريم،،هوما انطاني مجال افهمة المفروض يعرفني اني شنو

علي،،هو ما جان يشكك باخلاقج هو كالج شون تسوين شي من ورة ضهري

ريم،،يكدر يحجيهة بدون غلط واهاين وضرب خلاني اتخبل واحجي هالحجي

علي،،يا حجي

ريم،،بلعت ريك، ،ليش هو ما شكاللكم

علي،،احجي جاي اسمع منج،،

ريم،،كتلة اذا انت صدك رجال تعال لخواني مو كادر على مرة

ام ريم،،،يمعزاية يمصخمة

علي،،صدك هيج كلتيلة

ريم،،والله فقدت ومااعرف شون طلعت من حلكي ضربني واذاني حيل واتخبلت والله ما احجي هيج اني

علي،،استغفر الله استغفر الله شمالج ريم هيج ربيتج

ريم،،مو بيدي والله فلت لساني،،هسة بس كلي وين اسد

كاظم،،رجلج ما قبل ينطيه يكول تريدة تجي تكعد يمة طلعة من بيت ابوه ماكو

علي،،عوفوا الشغلة تبرد يومين وانة اروح احاجي محد يعرف حمزة بكدي

ريم،،وابني يمووت بلاية

علي،،ررريم كافي خل افكر عدل

ريم،،طبيت للغرفة ابجي وامي استلمتني ملامة كرهتني روحي فوك الضيم ليش محد جاي يفهم الصار رد فعل للاذى الاتأذيتة كلهة تلومني على ساعة غضب ومحد لامة على ضربة الي وكلهة كالت غضب من حجايتج لعد ربي وحد اني ،هو ينغفرلة غلطة واني ابقى بالملامة والقهر،،لليل واجتي عمتي فرحة شايلة اسد وعيونة منططة من البجي وهي تبجي وياه، ،سودة علية وجهة مصوفر وعيونة منفخة من البجي

فرحة،،متت قهر ميسكت يلوج عليج وكلهة مترضى يطلع ما اتحملت جبتة الج وادري راح تنكلب الدنيا علية بس شيردون يسون يسون انمرد هالجاهل بنص عنادهم

ريم،،اخذتة لحضني ارضع بي سودة علية اخذة بلهفة ويناشغ ويرضع ورأسا نام واني دموعي تجري ساعة هيج وهو بحضني غافي رد علي والولد

علي،،منو جابلج اسد

ريم،،عمتي فرحة

علي،،ابوه يدري

ريم،،لا بس مفرفح بجي علية شوفة منتهية عيونة بعدنة نسولف واندكت الباب تكسرت تكسرر طلع حسنين يركض

علي،،هذا حمزة متأكد

ريم،،واكف بالحوش وصوتة عالي

حمزة،،عليي انطيني ابني وانت حرر باختك

ريم،،حضنت اسد حيل ،،ما انطيه علي ما انطيه

علي،،خليه يمج هسة اجي

رين،،طلع علي للحوش واني لحكتة للمطبخ اسمع الحجي

حمزة،،اريد اسد علي لخاطر الخوة طب جيبة

علي،،اذا للخوة مثل متكول خاطر خليه بحضن امة انت شفت حالة

حمزة،،ابني وحر بي ويربة ببيتي وامة محد كاللهة اطلعي من بيتج هي الركبت راسهة وطلعت خليهة تشبع

علي،،تريد كل هذاك الضرب والاهاين وترد يمك چن كلشي ماكو شني مكطوعة من شجرة وراهة حزمة زلم وتنهان هيج

حمزة،،من ايدهة من ايدهة متدري شصاار انتة

علي،،ادري

ريم،،اباوع لحمزة بهت وسكت من كالة علي ادري

حمزة،،جيبلي ابني لا اطب احركهة ومحمد

علي،،شنيي تايهتلك كافي خبااال

حمزة،،بعدك ما شايف الخبال

ريم،،اباوعلهم واحد كض الثاني وزنگة من ياختة احس باد حيلي وحمزة يصيح اريد ابني وعلي يرد ماكو ميطلع بيناتنة المحاكم اني سمعت هيج اتخبلت هاي تالي خوتهم تخرب وتوصل للمحاكم ،،لبست شالي وعباتي وطلعت للحوش

علي،،طبي جوة شطلعج امشييي

ريم،،كافي علي ما صار شي رجلي وصارت مشكلة بيناتنة وتنحل اريد ارد وياه

علي،،رررريممم

ريم،،لا علي ما اريد ابني يربى بعيد عن واحد منة اني غلطت وان شاء الله اصلح الغلط

علي،،شبيج اتخبلتي انتي فوووتي جوة

حمزة،،اتوقع سمعتهة وهي مو جاهلة خلي اختك ترد لبيتهة ونلمهة عيب احنة ولد عم

علي،،انة لا عندي ابن عم

ريم،،باوعلي واني بصف حمزة

علي،،ولا عندي اخت،،،،يتبع