الفصل الخامس عشر

رواية الحب المفاجئ الجزء الخامس عشر 15 بقلم أمل بكر الحب المفاجئرواية الحب المفاجئ الحلقة الخامسة عشر -علشان خايفه مثلاً؟؟ لفيت علي الصوت وكان سُليمان الي بيقرب وهو حاطط ايديه في البنطلون شكله لسه جاي من الشغل رديت وانا ببص علي الورق واتكلمت واما صدقت ، -الورق كتير اوي وانا دماغي خلاص مش قادره تستحمل والله العظيم خلصت كلامي وانا بحط ايدي علي وشي وبنهار من العياط حسيت بيه قعد قدامي وريحته الي بقت قريبه مني وترتني

اتكلم بهدوء ، -استهدي بالله كله هيعدي انتي لسالك كتير؟! رفعت وشي وانا بمسح دموعي في كمي ورديت بخنقه ، -ايوا انا مش هلحق احفظ كل ده -احفظي الي تقدري عليه والباقي برشمي ضحكت علي اخر كلمه ، -لا ماهو انا بخاف اعمل كده مش بعرف -خلاص اسقطي وريحي عقلك عيط من الفكره ، -انا شكلي هسقط فعلاً -بس بس انا بهزر كفايه عياط طب بصي احفظي وسمعيلي رفعت وشي وانا بعيط ، -اسمعلك انت!!! -ايوا انا هروح اعمل مكالمه علي ما تخلصي

قلبي فضل يدق من ارتباكي ومن اهتمامه بصيت عليه وهو واقف بعيد وبيتكلم فعلاً وعلي الورق الي قدامي ده!! بدأت احفظ مفيش وقت للفهم ابداً وهو خلص المكالمه من وقت بس كان واقف بعيد وماسك موبايله بعد ساعه خلصت شويه حلوين بصيت عليه لقيته باصصلي اصلاً -خلصتي ؟! هزيت راسي بأه قرب ومسك الورق وبدء يسألني كنت بجاوب لغيت لما سألني سؤال فضلت افكر رفع عينه من علي الورق وهو بيبصلي بعد تفكير رديت بزهق ، -مش فاكره خالص

-ماشي علمتلك عليه علشان تراجعي عليه تاني بتوتر، -استني السؤال ده انا حاسه انه هيجي لا لا انا كده هسقط خلاص مش هعرفه انا عارفه ولسه كنت هدخل في نوبه عياط اتكلم هو بسرعه، -مش هيجي ان شاء الله مش هيجي ممكن تهدي -وافرض اجي اعمل اي وقتها -عيطي لما يجي وقتها عيطي علشان يسيبو اللجنه -دول مش بيسيبو اللجنه قبل كده عيط راحت الدكتوره اتعصبت وفكرتني مش بذاكر وشدتها اكتر ضحك وهو بيسيب الورق وبيقول ،

-انا قبل كده كنت مخبي برشام في كمي في اخر سنه كليه وكنت وقتها متوتر شويه علشان مش عايز اتقفش واخلص بقي فا الدكتور شافني وانا قلبي وقع في رجليا قالي بقي معاك ورق وساكت وزع يابني لصحابك خليهم يخلصو ضحكت جامد وانا مش قادره اتنفس -عمري ماحد وقف عليا طيب بالشكل ده -لا ماهو متفكريش في كده ذاكري وبس بصيت علي الورق بتعب ، -لا خلاص انا معتش قادره دماغي قفلت -هتسقطي وخلاص يعني!!! -اعوذ بالله عليك

-ماهو انتي مش مذاكره كويس فا بسألك يعني -هنام وبعدين بذاكر قبل لما انزل الامتحان -طيب انا نازل هزيت راسي بماشي نزل وانا لميت الورق وحاجتي ونزلت نمت وصحيت قبل الامتحان بعيط -يارتني ذاكرت امبارح اااه قومت لبست علشان معتش وقت نزلت ووصلت الكليه والورق بدء يتوزع قفلت عيني ودعيت يارب يكون من الي ذاكرته وبعد ساعه سلمت الورقه وطلعت استغربت لمًا لقيت سُليمان بلعت ريقي وعملت نفسي مشفتهوش بس اظنه شافني ومشا جمبي بثبات ،

-احم اي ده انتي هنا ! رديت وانا ببصله، -دي صدفه ! -عملتي اي في الامتحان ؟! -الحمدلله بس في سؤال سيبته -كويس انك حليتي كنتي عماله تعيطي امبارح -انت هتزلني وبعدين انت اي التغير الي حصل ده ؟! -تغيير اي !! انا غلطان اني بطمن -بتطمن!!! -اقصد بسأل -لا متشغلش بالك شكراً علي مساعدتك امبارح وكده خلاص خلصنا شيرين ندهت عليا وكان جمبها هشام واحد من الي بتقعد معاهم قربت عليا وحضنتني وبصت علي سُيلمان الي كان بعد خطوتين ، -مين ده

-ابن عمي -عملتي اي في الامتحان -الحمدلله وانتي -كويس كملت كلام بنبره مضايقه، -أبرار انا مش مرتاحه و مكملتش كلام وهشام ده وقف جمبها ، -شيري احنا ماشين يلا بينا بعدين بصلي ومدلي ايده لتاني مره، -اخبارك بصيت جمبي بملل هو مش بيفهم ولا اي!! بس المره دي شيرين اتكلمت وهي بتنزل ايديه ، -أبرار مش بتسلم ياهشام يلا احنا نمشي بصتلي ، -عايزه حاجه بصتلها بتوهان وانا حاسها متغيره عن كل مره وكأنها مش مرتاحه في المكان الي هي فيه ،

-لا شكراً ابتسمتلي ومشو وانا مشيت خطوة سُليمان الي كان واقف قدامي بخطوتين قرب واتكلم باستفهام، -انتي بتقفي مع شباب عادي يعني !! -اكيد لاء يعني باستغراب ، -امال ده يبقي مين؟!! -زميل صاحبتي.. ثواني وانت مالك ؟ بتجاهل اخر كلمتين ، -زميل صاحبتك بتقوليها عادي كده!! باستفزاز من طريقته . -وانت مالك بص ابعد عن طريقي عايزه اروح اتكلم بأمر وبتجاهل كلامي من تاني ، -البت دي معتيش تتكلمي معاها اتكلمت بغيظ ،

-يوووه بقي خليك في حالك -انت سامعه والا والله هروح اقول لابوكي انك مصاحبه بنت بتمشي مع ولاد بصتله وانا برفع حاجبي اتكلم بتأكيد ، -اي اقوله عادي ؟!! -متقولش عليها كده وطالما متعرفش حاجه يبقي متتكلمش تمام ؟ -لا مش تمام انا عارف النوعيه دي وصدقيني هتلاقي نفسك في يوم مشدوده معها اتكلمت بانفعال ، -وانت متعرفش انا بجاهد ازاي علشان مدخلش في الطريق ده وبعدين هي مش وحشه الفرق انها مش عايزه تساعد نفسها مش اكتر

-وانا مش هستني لما تقعي زيها عايزه تنصحيها يبقي بعيد عن الي معها دول غير كده لاء معرفش لي حسيت بشويه فرحه من طريقته انه خايف عليا مثلاً ولا انا الي بتهيقلي!!! ولكني رديت ببرود ، -ايوا واي الي يفيدك في كده ؟! -اكيد مش مستفاد حاجه انتي زي اختي بس -ويزن برده لما كان بيكلم اختك كان لحمايتها يعني دي زي دي خلصت كلامي بنظرات انتصار الي هو الكلام في الجون اتنفس بضيق وبصلي وهو بيضيق عيونه ،

-وانتي اي الي عرفك بالكلام ده مين قالك ؟! -يزن قالي ..وبعدين اي التسرع ده بتاخد موقف من مخك ولا سمعته ولا سمعتها اي ده بجد !!! هز راسه بدهشه ، -انتي ازاي تتكلمي معايا كده -ولي متكلمش هخاف يعني مش بقول الحق رد بس عليا وقول لي مسمعتش ولا حد فيهم !! -اخوكي كلم اختي من ورايا المفروض تصرفي معاه يبقي ازاي معلش -ايوا وفي النقطه دي بالذات عرفت لي كلمها عرفت السبب ؟؟ الهدف ؟؟ مسألتش نفسك -هيكون علشان اي معروفه حب وكلام فارغ

-كلام فارغ؟! لا ثواني هو مين قال ان الحب كلام فارغ -انا في مانع بنرفزه منه ، -في انك مش بتفهم بصلي بعصبيه كملت كلامي -انت بجد انسان لاتطاق وتعرف بقي هما هيتخطبو وحبهم هو الي هيمشي علشان حبو بعض وعافرو علشان ميقعوش في الحرام حتي لو جزء بسيط بس 1 2الصفحة التالية مدونة كامومنذ يومين 0 7 دقائق