تحميل رواية «الحب المفاجئ» PDF

ازيك يا أبرار اخبارك.

رديت عليه وانا نازله علي السلم،

-بخير يا سُليمان وانت

رد وهو بيقفل باب شقتهم،

-الحمدلله بخير

(سُليمان ابن عمي واحنا وعمي ساكنين في نفس العماره ولكن فيه مشاكل خفيفه بينا وتوتر بسبب سُليمان ويزن اخويا )

وقفت تحت العماره وانا بتصل علي صحبتي اشوفها. فين علشان هنروح الكورس مع بعض

ردت عليا وقالتلي ان لسه بدري بصيت في الساعه لقيت فعلاً لسه ساعتين وانا مأخدش بالي معرفش ازاي اتنفست بضيق وكنت هركب واروحلها بدل لما اطلع البيت تاني رفعت صباعي ولسه هوقف التاكسي ولكن لفيت علي صوت سُليمان

-راحه فين؟!

-الكورس

وقف قدام عربيته السودا،

-تعالي اوصلك ولو حابه اقول لعمي .

همست ،

-ده علي اساس بتكلم عمك !!

-بتقولي حاجه

انتبهت لنفسي ورديت،

-لا شكراً انا معايا فلوس هركب بيها

ابتسم بهدوء وهو بيفتح الباب الي جمبه،

-مش هخليكي تتدفعي زياده نفس السعر.

اتوترت ومعرفتش اتحرك من مكاني

طلع الموبايل من جيبه لما لاقني لسه واقفه مكاني واتصل علي بابا واستأذنه يوصلني واظن وافق لانه ابتسم في اخر كلامه وبانت غمزته استغفر الله غضي البصر ياأبرار واجمدي

-عمي وافق يلا اركبي

ركبت وانا مكنتش عايزه اركب بس لما حد بيزن عليا مبعرفش ارد وكمان كلم بابا فامفيش مبرر يخليني ارفض

-المكان فين

-********

بعد 10m

كان بيتكلم في الموبايل بعصبيه خفيفه ،

-وانت ازاي يامجدي مروحتش الشركه لغيت دلوقتي !!!

-الطريق زحمه والله اعمل اي

اتنفس بضيق ورد،

-اقفل واتصل بالسكرتير خليه يعرفهم اني جاي في الطريق .

-طيب .

سرع سواقته وهو بيقولي ،

-معلش هنروح دلوقتي الشركه لان في ناس شغل جاين ويعتبر اتأخرت عليهم عشر دقايق

عشر دقايق وكده أتأخر ده انا بروح الكورس بعد لما يعدي نص ساعه وبحس اني راحه بدري

-طب خلاص نزلني وانا هكمل طريقي

-لا لا انا هوصلك انتي الكورس الساعه الكام ؟

بلعت ريقي هو لسه بدري بس انا عايزه انزل لاني مكسوفه اوي منه علشان مش متعوده عليه اصلاً

-يعني الساعه ٦

بص في الساعه السيلفر الي في ايده وقال،

-ده الساعه لسه ٤ عندك مشكله تيجي معايا وبعدين هوصلك

-طب انا بعرف اروح لوحدي عادي والله

-المكان مش كويس مظنش انه كويس تروحي لوحدك

هو عنده حق المنطقه هناك ولو بليل بتكون مش كويسه وفي ولاد بتعدي بماكن وحركات المراهقه الي بيفضلو يعملوها

-ماهو معايا صحبتي

-هي صحبتك راجل يعني هتعرف تحميكي !!!

قلبت عيني بملل،

-معلش بس انت بتتكلم كده لي يعني انا بعرف اتصرف لو حصل حاجه مش صغيره انا وبعدين انا ديماً بروح هتيجي علي المره وحضرتك هتعرفني وتشردني اعمل اي !!!.

معرفش كنت منفعله لي بس الطريقه دي مش بحبها

اتكلم وهو باصص علي الطريق،

-هو اخوكي يزن مش بيخاف عليكي وبيوصلك.

بليت شفايفي واتكلمت بفارغ صبر وحسيت ان الجو بقي خانقه من سخونه جسمي المفاجئ،

-لا اخويا بيخاف عليا بس والله هو مش فاضي وبيشتغل مش قاعد في البيت هو

||هو ويزن فيه بينهم شد بسبب موقف تافه حصل علشان كده بيتكلم عليه بالطريقه البارده دي والسبب من شهرين يزن شد مع اخونا الصغير سيف وسليمان اتدخل ويزن قالو ملكش دعوه وهو بقي اتعصب وشدو الاتنين في بعض || ورغم ان يزن هو الي غلط علشان قاله متدخلش الا انه متكبر ومش عايز يصالحه

وعمي ابو سُليمان مكنش عايش في العماره معانا لسه ساكنين من ٥ شهور كان بيت جدو وبابا طلب من عمي يجي علشان نبقي مع بعض وهما جددو الشقه الي تحت وسكنو فيها

بس يزن وسُليمان كانو اصحاب من وهما صغرين لانهم نفس السن ٢٦ وبصراحه الموقف تافه وانا مش حاسه انه كده خالص والزعل ده ممكن يكون بسبب موقف تاني

نزلت معاه والشركه بتاعت بابا وعمي ويزن كمان بيشتغل فيها وكنت بزن عليه ياخذني معاه بس يزن بيرفض لانه طبعه صعب شويه وغيور موت ولا اكني مراته هي مش كبيره اوي هي شركه لتصدير الحديد

كنت ماشيه ورا ورجلي وجعتني من المشي هو مفيش اسانسير هنا ولا اي وقبل لما ندخل باب لفلي وانا وقفت مكاني بسرعه من الخضه

-انا هدخل دلوقتي وانتي اقعدي علي الكنبه دي هخلص وهوصلك

هزيت راسي وقعد بملل وانا ببص حواليا علي المكان كان قدامي مكتب شكله السكرتير ومكنتش اعرف يزن فين ولا مكتبه فين بس الي اعرفه انه هنا خوفت ليشوفني ويحصل مشكله وبين الي اسمه سُليمان بسبب ان انا هنا بسببه ياربي عليا كان لازم انزل بدري

<<بعد 1h

قومت وقفت وانا بتتفس بضيق لاني مبحبش اقعد كتير كده مبعملش حاجه كنت هقولو يطلعني حتي بره الشركه لانها بتوه وانا مشوفتش هنا واحده توحد ربنا كلهم رجاله وانا بصراحه بتحرج وبكلم عمو بتاع السوبر ماركت بالعافيه قربت من الباب ولسه هخبط وقفني صوت الراجل الي علي المكتب

-حضرتك بتعملي اي!!!

رديت ببساطه ،

-هخبط علشان ادخل

قام وقف ،

-بس حضرتك مينفعش لما مستر سُليمان يخلص تقدري تدخلي

-لا ماهو انت مش فاهم هو ابن عمي انا مش بشتغل

-حتي لو هو دلوقتي في شغل اتفضلي اقعدي لو سمحت

كنت هرجع اقعد واسمع كلامه بس انا مش هقدر اقعد اكتر من كده لقتني خبط وسمعت صوته بيقول

-ادخل

والراجل ده بصلي بضيق اكيد علشان مسمعتش كلامه

فتحت الباب وانا شايفه سُليمان الي بيبصلي بضيق،

-في حاجه يااستاذه

كان فيه راجلين قاعدين وبصولي وكأنهم مستنيني اتكلم واقول عايزه اي اما هو فكان مضايق

دخلت ووقفت جمب الباب ونطقت يعتبر بهمس،

-معلش ثواني

حسيته كان بيتك علي سنانه وهو بينقل نظره علي الاشخاص الي قدامو ولقيته بيقولي،

-القهوه ساده

عقد حواجبي باستغراب،

-نعم!!!

بص للي قدامهم وسألهم،

-تشربو قهوه

ردو وقالو لا كفايه شربنا

وجه نظرو من تاني وقالي،

-هاتيلي قهوه ساده

ضغط علي ايدي بغيظ هو اي الي بيقولو ده!!!

معرفتش انطق قدام الي موجودين قدامو دول وطلعت وانا عايزه امسك وشه اخبطه في الحيطه بس للاسف مش هطول حتي كتفه الا بالعافيه

لفيت وكنت هرجع اقعد من تاني بس لقيت يزن وهو جاي عليا واول ماعينه شافتني شوفت ملامحه الي اتغيرت وقرب عليا وهو بيمسك دراعي وبيقف قدامي

-أبرار انتي كويسه جيتي لي ؟!

بلعت ريقي بصعوبه ،

-ا ايوا كويسه اهدي مفيش حاجه

عقد حواجبه باستغراب وهو بيبص حواليه وبعدين مسك ايدي ،

-طب تعالي مكتبي هو اي الي جابك الناحيه دي مش بتاعتي اصلاً

رديت بتوتر وانا خلاص قلبي عمال يدق ،

-ما ا هو معرفش هنا المكان يا يزن

كان هيرد بس الباب

اتفتح وخرج منه سُليمان والاشخاص الي كانو معاه جوا وسلم عليهم وسلمو علي يزن كمان ومشيو بسرعه

يزن بصله واتكلم بضيق بان من نبرته الي حسيت ان الجو هيبدء دلوقتي،

-هو انت بتقابل الناس بمزاجك ولا اي هو انت عرفتني؟!!

حط ايده في جيب بنطالونه واتكلم ببرود يزن بيتغاط منه،

-والله انت الي مش متابع وانا مش هاجي لغيت عندك علشان اعرفك

بسخريه ،

-وانت مفكر نفسك مين علشان متعرفنيش

اتكلم تاني وهو بيرفع صباعه ناحيته،

-سُليمان اخر مره تحصل الشغل حاجه والحياة حاجه واظن انت عارف كويس اني في الشغل حاجه تانيه

سُليمان رفع كتفه واتكلم باستفزاز،

-لا معرفكش وياريت انت بس تركز في الشغل شويه مكنتش هتضايق كده

يزن اتنفس وهو بيغمض عينه وبعدين رد،

-انا لغيت دلوقتي ماسك نفسي ومش انت الي هتعرفني اشتغل ازاي

عيني كانت بتروح علي الاتنين وانا مرعوبه لايمسكو في بعض وانا مش هقدر عليهم دول احجام بالنسبالي

سُليمان وجه كلامه ليا وحسيت بيتكلم كده علشان يزن اكيد،

-يلا علشان اوصلك

يزن رفع حاجبه،

-نعم يااخويا توصل مين ان شاء الله!!!

سُليمان ببرود ،

-أبرار

يزن لف بضهره ومسح علي وشه وبعدين بصله تاني وفي لحظه كان هيهجم عليه بس معرفش ازاي وقفت قدام يزن وكنت هقع بس قولت

-يز ن ن علشان خاطري اهدي سيبك منه انت في شغلك والناس بتتفرجننور

حسيت جسمه رخي وانا بعد عنه وبص لسُليمان الي كان واقف ببرود ومش هامه قاله ،

-والله علشان بس اختي ومش عايز اقلل منك قدامها

اتنفض بخوف علي صوت سُليمان ،

-يززززن اظبط الكلام اي تقلل مني دي

كان هيرد بس انا قعد علي الكنبه الي علي جمب وانا حاطه ايدي علي قلبي

-يزن الحقني

لقيته في ثانيه نزل بركبته في الارض قدامي وسُليمان الي قرب مني وهو بيشوفني مالي يزن مسك وشي بين ايديه وهو بيسألني بخوف

-أبرا في اي انتي كويسه؟!!!!

نفيت براسي وانا الدموع بتتجمع في عيني

-كويسه كويسه

سُليمان اتكلم وحسيت من نبرته القلق،

-انتي كويسه ياأبرار هات يابني كوبايه مايه بسرعه

يزن بصله بضيق وبعدين

اتكلم وهو بيبصلي،

-امال مالك اي الي حصل

-معرفش حسيت بقلبي بيوجعني وخوفت

مسك ايدي وقال بهمس،

-بس متخافيش انا معاكي

بصتله وانا برمش بعيني بأنه ماشي

حد جاب مايه وعطاها لسُليمان وهو مدلي ايده بيها،

-اشربي

اخدها منه ويزن بصله بقرف وانا شربتها وانا قلبي عمال يدق بخوف انهم يشدو من تاني ويحصل حاجه انا بخاف جداً من المشاكل وبكرهو كمان وبخاف علي اخواتي جداً بس مش خايفه علي سُليمان انا مليش كلام معاه اصلاً ولما كنا بنتجمع في اي مناسبه فاسلام وبس

يزن بصلي وهو بيسألني،

-احسن ؟!!

-تمام الحمدلله

مسك ايدي وهو بيقومني من علي الكنبه دي ،

-طب يلا خليني اروحك

قومت وقفت واتكلمت بصوت واطي ،

-بس انا ورايه كورس يايزن

اتكلم سُلميان وكأنه سمعني ،

-المنطقه هناك وحشه يايزن بيه خد بالك منها

بصتله وكنت عايزه اموته لان طالما قال كده فايزن استحاله يسبني بعد كده اروح لوحدي طلعلي منين ده بس ياربي

مسك ايدي وطنش كلامه وقالي ،

-يلا بينا

مشيت معاه وركبت جمبه العربيه دورها وبصلي وهو بيسألني ،

-اي الي خلاكي تيجي معا؟!

بصتله وانا متوتره ومش عارفه اتكلم

اتكلم من تاني بنبره اهدي ،

-أبرار انا بسألك عادي لي متوتره كده!!

اتكلمت وانا بفرك في ايدي ،

-علشان عارفه انك هتتعصب انا كنت نازله للكورس وقابلته قالي تعالي اوصلك وكلم ابوك واظن وافق وبس وانا من الاحراج معرفتش ارفض فاجاله مكالمه واجيت معاه لانه كان متأخر

-طيب لو سمحت ياأبرار ابعدي عن سُليمان او متكلمهوش خلاص

-هو في اي بينكم وبعدين ده ابن عمنا لي مكلمهوش ؟!!

اتنفس بضيق واتكلم ،

-ابرار لو سمحت اسمعي الكلام لمره واحده

-يزن انا مش صغيره ماتعرفني في اي للدرجه بينكم الشد ده هي حاجه كبيره يعني؟!!

مردش عليا وملامحه متوتره ومضايقه

اتنفست وبصيت قدامي وانا بقول ،

-براحتك يايزن وانا معتش هاجي احكيلك حاجه

انا بضايق جداً لما محدش بيكون عايز يقولي وخصوصاً لو يزن لاننا قريبن من بعض وانا بحكيله مواقفي وعارف عني كل حاجه اما هو فادلوقتي رافض يقولي وكأنه مش واثق فيا

وصلني لغيت الكورس وقبل لما انزل اتكلم

-هتخلصي امتي ؟!!

قولت بهدوء ،

-٨ كده

-طيب هاجي اخدك هروح الشغل وارجعلك تاني

هزيت راسي ونزلت حضرت الكورس وقعد جمب صاحبتي “شيرين ” الي لسه متعرفه عليها مبقاليش شهر بس انا بتعلق بالناس بسرعه وحبيتها كمان ويمكن مبقتش اكلم صحبت الطفوله “مريم ” علشان هي بتكلمني اكتر فابحس بالاهتمام منها

شيرين قربت مني واتكلمت بصوت واطي ،

-مالك يابنتي مش مركزه كده لي ؟!

رديت بنفس النبره بتاعتها،

-مفيش ياشيرين تمام

رغم انها بتحكيلي كل حاجه بس انا مش بحب احكي كل حاجه وخصوصاً لو عن اهلي لان انا زعلانه من يزن وممكن اقول كلام مش كويس وهي ممكن تاخد فكره وحشه عنه و علشان كده مش بحب اتكلم في تفاصيل نهائي

خلص الكورس ورنيت علي يزن اعرفه اني خلصت وقالي انه هيجي اهو

وقفت بره وشيرين معايا سألتني،

-مالك يابنتي شكلك زعلانه

-مفيش يعني مدايقه سيكه من الدراسه وكده

-متقلقيش هنعدي كله بيعدي

-فعلاً… انتي كويسه ؟!

-تقصدي في موضوع صحبتي ياسمين

-ايوا عملتي معاها اي اتأسفتلها علي الي حصل

نفت براسها بالامباله،

-قابلتها امبارح في الكورس وانا بكلمها عادي ولسه هدخل في الموضوع علشان اتأسفلها قالتلي لو سمحت ياشيرين معتيش تتكلمي معايا وانسي ان كنت صحبتك لان الي عملتي فيا مش سهل

خلصت وهي بتقلدها بسخريه

اتكلمت بهدوء وانا بتنفس،

-طب ماتقلسيش عليها علشان حرام بس اقولك كلمه حق ياشيرين؟!

اتكلمت بانفعال وكأنها مش طايقه كلمه ،

-لو سمحت ياأبرار مدافعيش عنها وكلامك ديماً الي هو بتحسسيني اني المذنبه

يصتلها واتكلمت بزعل من طريقتها،

-شيرين انا بقول كلمه حق وبعدين الغلطان غلطان مش بالعافيه هتخلي نفسك صح انتي جبتي سيرتها وطلعتي سرها الي مأمناكي عليه فااكيد حقها تزعل وجامد اوي كمان

اتأفأت بضيق،

-طيب وانا روحت علشان اقولها اسفه وهي الي عامله نفسها بنت الوزير ومتكبره عليا

-طب بصي خلاص لو هتتكلمي بالطريقه دي عنها فابلاش لان كده انتي بتجيبي في سيرتها تاني وهي لو سمعتك هتزعل

اتكلمت بصوت عالي والدموع بقت في عنيها،

-هو في اي ياأبرار اي جو الدرس ده المفروض تبقي معايا مش عليا كده

للحظه حسيت اني مش صديقه كويسه فعلاً بس انا بتكلم في الحق هو ده غلط !!!!

كنت هتكلم بس فوني رن وكان يزن

-انا قدام السنتر تعالي يلا

-طيب شوفتك خلاص

قفلت معا

ووجهتلها الكلام ،

-ماشي ياشيرين همشي انا بقي اخويا مستني

مسحت دموعها الي نزلت وسألت،

-هو فين ؟!!

شاورت عليه لانه قريب مننا،

_في العربيه اهو

بصت مكان ماشاورت ورجعت بصتلي وهي مبتسمه،

-ده اخوكي ؟!!! يهبل والله ماتظبطهولي

بصتلها بدهشه ،

-اي الكلام ده بس انا همشي باي

-ماشي باي بهكلمك

ركبت العربيه وهو كان ملامحه ثابته طول الطريق وقف قدام البيت وانا نزلت وهو كمان نزل بس نزلت قبله

ماما فتحتلي دخلت وانا مكشره بصتلي باستغراب وانا بدخل اوضي ودخل يزن البيت ورايه

ماما سألت باستغراب ،

-في اي ياولاد مكشرين كده لي اتشاكلتو!!!

سمعت رد يزن،

-مفيش ياماما لسه راجع من الشغل وجبت بنتك في.طريقي

قفلت باب الاوضه وانا ببصله ببرود وهو رايح هو كمان اوضه يغير

شويه وطلعت لقيت ماما بتحط الاكل ساعدها وكلنا قاعدنا ويزن لسه مطلعش دخلت ندهت عليه وطلع وندهت علي سيف كمان وبدئنا ناكل

بابا كان بيتكلم مع يزن في الشغل وانا وماما بنسمع لهم خلصنا اكل وعملت شاي وقاعدنا قدام التلفيزيون اتخضيت لما يزن ضبضب علي ضهري مش بحنيه ابداً

وهو بيقولي بابتسامه ونبره هدوء علشان محدش يسمعه،

-متزعليش ياست أبرار مفيش حاجه تستاهل قلبه وشك دي والله

قالها وهو بيرفع حواجبه بمشاكسه بصتله بغيظ وانا بضربه في دراعه وبهمس شبهه،

-انت متعرفش تكمل عدل للاخر

طبطب عليا بعنف من تاني ،

-خلاص ياستي ابتسمي بس بالله عليكي علشان بتخض من تكشيرتك

برقت بدهشه ورديت بعصبيه،

-وربنا انك رخم اسكت بقي واقضم الكلام

شدني من البيجامه عليه،

-اي ااقطم دي جبتيها منين !!!!!

رديت بتهته وخوف طفله في الحضانه،

-سم عتها كده مره

-طب اعدلي لسانك ياختي ومش كل حاجه تقوليها

بعد ايده من عليا وانا بتمتم بضيق،

-خلاص بقي مش كل شويه تعلق عليا وبعدين انت بتخوفني والله وبحس نفسي طفله خايفه من ابوها بابا احن منك ياجدع مش كده

رفعلي حاجبه،

-والله انك بت كذابه انا مش حنين انا ؟!!

-خلاص بقي هو انت هتصدق نفسك

اتكلم وهو بيبص قدامه وبابتسامه هاديه،

-ايوا فعلاً انا غلطان اني جبتلك شوكلاته

قربت عليه وابتسمت بفرحه وعدلت هدومه وانا بتكلم بهدوء مزيف،

-ماهو انت مش مديني فرصه اقولك انك احن راجل والله وبابا كمان يعني

ابتسم وهو بيبصلي بطرف عينه،

-طب خلاص ابعدي بقي سيبيني اتفرج

اتكلمت وانا بهرش في شعري،

-احم هو مش يعني قولت ان في شوكولاته ا احم

-لسه هجيبها لسه

بصتله بقرف وهو ضحك عليا

كنت متردده اسأله تاني اي الي بينو وبين سُليمان يمكن يقولي بس قولت بلاش دلوقتي بسأله بعدين

خلصنا قعده وماما وبابا دخلو ينامو وكمان يزن علشان عنده شغل وانا دخلت اوضي مكنتش حاسه اني عايزه انام فضلت قاعده شويه بفكر وبحاول استنتج طريقه تعامل يزن وسُليمان مع بعض واي الي ممكن يكون حصل!!! وبعد هري وافكار خياليه سمعت صوت بيقرء قرأن جاي من بيت عمي تحت