رواية الحرمان الفصل العاشر 10 - بقلم الحساب مغلق

كعدنا العصريه ً
قصي- سويلي جاي راسي مسطور مال نومه
لبنى- هسه تاكل ويا كليجه سويت اليوم
قصي- والله بعد
انتي ومروتج
لبنى-صبيتله الجاي وخليت الكليجه ولبست هدومي وحجاب
قصي- ها على خير
لبنى- نزرع كلتها بفرح
قصي-ديله كومي اخذت البذور واخذت خاشوكه وطلعت بالحديقه اشرب الجاي واباوعها شون تزوع تضحك متيمه بهالشي وره ساعه يله كملت فرحانه
لبنى- كملت الحمد لله كلها شهر وتصير جبيره و3اشهر نكوم ناكل طماطا وخيار من الحديقه بدون كيمياوي
قصي- كيمياوي شنو
لبنى- لعد شعبالك هاي البسوك كولها كيمياوي حتى تكبر وتثكل ويبيعوها غالي بس اهل الغيره ميرشون كيمياوي حته ميتاذه المحصول انه خوالي ميرشون يكولون حرام
قصي-طعما هم يتغير مو
لبنى- طبعا
قصي-هسه  عرفت ليش الطماطا والفاكهه عدكم غير شي طعمها يخبل
لبنى- شفت مو داكولك
قصي- يله وخري خلي ازكيها
لبنى- ابتسمت يله تعال زكاهن ويباوعلي مبتسم
قصي- كملت زكي تقربت منها يصير ازكيج بعد انتي هم
لبنى- دنكت ودخلت للبيت لحكني وحصرني وره الباب
قصي- ليش تنهزمين مني
لبنى- لا خاف احد يشوفنا احنا بره بالحديقه
قصي- هممم هسه محد ديشوف طيني بوسه
تقربت منها رجت راسها عالحايط مبتسمه وغمضت عينها
تريدين انتي هم موو
لبنى- اممم ابتسمت
قصي- خبلتني تقدمت بستها قوي انتي  تخبلين
لبنى-باوعتله بدلع عيونه تخوف صارت
قصي- اني هالحجي مااتحمله تعاي للغرفه شلتها عاطت تضحك
لبنى- من شالني حسيت الدنيا كلها الي شعري نزل وهو يباوع عليه وعلى عيني مو شعر عبايه وصلنا للغرفه
قصي- لبنى بلعي حبايه باوعتها بتوسل
لبنى- اخذت الشريط وبلعت ومردت اضوج خليني عايشه مرتاحه ماريد اعكر مزاجه ومزاجي تقرب مني واني قربته اكثر تخبل 
وعجبني اعيشه احساس حلو انسي المه قرب شفايفه يم اذني وهمس احبج
اني كلبي طار
قصي- كلتها وداحس بيها من كل روحي وكلبي
فتحت عينها بعيني مدمعه
لبنى- احبك انه هم  كلش
ومدااكدر على بعدك واكيف من تقربلي
قصي- كل يوم حقربلج اكثر بس لتغدرين بيه
لبنى- انه احبك ومااكدر اباوع لغيرك مثل ماباوعلك
قصي- احبج لتعوفيني
لبنى- ماعوفك بس لاتذلني انه بت شيوخ مااتحمل مذله
قصي- اعرف يله تعاي كملت   وشفت الفرق وحسيت بيه من مره تحبني عن مره متحبني
من كملت غفيت على صدرها مرتاح
معقوله اني ارتاح وره هالتعب التعبته قبل شهرين
لبنى نامت بقيت اتامل ملامحهاطفله بريئه ونفس الوقت واعيه تربايه عرب منسجمه ويايه بكل لمسه وهمسه خلتني اعشق البيت واتلهف للرجعه اله
ابتعدت شوي عن جسمها خاف تتضايق جلبت بجسمي
لبنى- ابقه نايم بحضني احاجي ومبيه حيل افتح عيني غفيت وحسيت بنفسه قريب اكيد هو هم غفه نص ساعه وكمنا الشتا بارده وواحد من يضمرحبيبه لحضنه يحس بنعس
كمنا ثنيناتنا جانت ساعه 11 غسلت وبعدني ممصليه ولا هو مصلي  صلينا وحضرت عشه لحم بعجين وكعدنا نتفرج مسرحيه بقينا للوحده وراها نمت بحضنه عالقنفه
وراها حسيت بي شالني ووداني لغرفته وغطاني وتقرب مني ونام همس احبج
لبنى- ابتسمت واني مغمضه اموت عليك
نمنا والصبح كعدت ركض حضرتله بدلته كويتها اله وخليت الريوك
قصي- حسيت بيها تركض منا ومنا
شبيج شو مستعجله
لبنى- قصي تره ساعه 5الا ربع
قصي- كمزت ليش مكعدتيني
لبنى- مكعدت من وكت كعد تريك سريع وطلع بسرعه باوعلي قبل ليطلع باسني بالهوا وراح قفل الباب وعينه بعيني وطلع
رجعت نمت جنت بعدني نعسانه
وكعدت ب10سويت الغدا ونضفت وغسلت الهدوم 
واني سبحت ولبست انتضره
قصي- جان عدي شغل كومه لل5العصر يله طلعت
وصلت البيت لكيتها تقره قران
تقربت منها بستها من خدها حبيبي جوعان والله
لبنى- الله يساعدك اي يا بعد عمري هسه اصبلك شون قيمه سويت كون امي تشوفها
قصي- بستها عيديها بعد
لبنى- بعد روحي وعمري وكل هلي وناسي
قصي- لبنى داموت عليج
لبنى- بسته من راسه تاج راسي كمت صبيت الاكل
قصي- باعي شجبتلج
لبنى- شنو
قصي- فتحت الجيس بنطرون وبدي وورده
ركضت عالورده خلتها بشعرها اني متت بحركتها
لبنى- هاي الك الي البنطرون
قصي- الج
لبنى- حلبس لبس الرياجيل انه اقلد على بت خالي
قصي- جسمج وخصرج مال هاللبس لخاطري لبسس
لبنى- لخاطرك فتت للغرفه لبستها وطلعت
شفته غطه عينه
قصي- اشتعلت محيسن على هالجسم
لبنى- لالا عليش تشعلها معود
قصي- دباعي جسمج صدقه باربي بالبيت تفتر
لبنى- باربي اللعابه ههههه اشكرك يله خل ناكل
قصي- يله صبيت وادري بيه يباوع من وره عليه وحسيت بي اجه حضني من وره ومسد بشعري لبنى اذا فد يوم ردتي تاذيني كصي شعرج
لبنى- رفعت عيني بعينه لعد دير بالك تاذيني تره راسن اكصه ههه
كعدنا تغدينا وكمنا صبيت الجاي وشغلنا تلفزيون وكعدنا نتفرج انه وياه اندكت الباب
قصي- كومي فوتي
لبنى- صار فتت
شوي وصاحني تعاي هذا اخوج يوسف يريدج
قصي- شفتها لبست مطلعت بهاللبس ارتاحيت
لبنى- طلعت ها خويه اجه وكض عليه باسني من راسي ابتعدت ادري بقصي يغار
باوعت وهو يباوعلي ينفحصني شافني مرتاحه ووجهي متفح باوع لقصي مبتسم ورجع باوعلي
قصي انت ماكو منك
لبنى-  تقربت من قصي اي والله خويه صدكت
قصي- دنكت مبتسم اختك تطلع الواحد من همه

يوسف- تدري جنت اروح كل سبوعين لمحيسن بس حتى اشوفها وتونس وياها لان لونه ورده مال الله
قصي- قطبت حاجبي لونه منو
يوسف- خوالها يدلعوها لونه متدري
قصي- شوًمكتيلي
لبنى- ماعدت صغيره كبرت عالدلع
قصي- ابتسمت كرصتها من خدها اخوها يباوعلي مبتسم وطاير بيها
يوسف- لونه ابوج يريد يشوفج ماله خلك
لبنى- شبي ابوي انخطف كلبي
قصي- وجهه صار اصفر ركضت لبست حجابها ودتروح وي يوسف
تعاي اني هسه اوديج
يوسف- والله ابن اصول لونه تعاي وي رجلج حبيبتي
لبنى- صار وبالي يم ابوي ركضت صعدت السياره ورحنا لبيت ابوي مرت ابوي شافت قصي طب سلم راحت ركض للغرفه لان بتها لمى اللي طمست راس ابوي بالوحل باوعت لابوي جان اكو يمه حكيم دكتور متقربت بقيت وره قصي وقصي احسه ضامني خاف يشوفوني غربه بقيت وراه لمحني ابوي والدكتور يفحص
صاح عليه تعاي بويه مو غريب الطبيب ابن عمج وخر قصي وركضت على ابوي بسته من ايده وراسه بويه شيوجعك حبيبي
ابوي- مبي شي يابه بس شوي تعبت رفع راسه هذا ابن عمج عرفني
بابا محمد هاي بتي من القرويه قصده على امي
محمد- اهلا بيج اول مره اشوفها عمي متشبه ولد عمي وبناته ابد
ابوي- اي هاي الكمر مالت العشيره
لبنى- ابوي باسني من راسي واباوع لقصي قاطب حاجبه
قصي- رجف جسمي كاعد يفرجها على ابن عمها شنو بضاعه هي وره شوي شافتني وجتي وكفت وراي باوعتها بغضب ودرت وجهي اجوي كومه ناس اشرتلها تفوت للغرفه مع العلم اني ماريدها تختلط وي هاي العائله تربيتها تختلف عن تربيه لبنى وامها كاعد على اعصابي ومن يطبون يضلون يباعون عليه لان يعرفون بسالفتي من الفصل الصار ضليت صافن شون حطلعها من البيت هسه كولها تشوفها وادري بيها كمر شون حتحمل حتتطلع من خشمي الراحه هسه عرفت ليش خوالها لبسوها نقاب
لبنى- تعرفت على خواته ال2الباقيات واخيرا جانو بالكوه يحاجوني ومرت ابوي ماتحجي ويايه مدنكه وكاعده
سالوني شونج مرتاحه وي قصي
كتلهم ماكو منه ورده
تعجبو وضلو يتصفنون درت وجهي عرفت شيفكرون ويتراوالهم مااعرف بسالفه اختهم اندكت الباب
يوسف- لبنى حبيبتي رجلج يريدج
لبنى- خويه ماشبعت من ابوي
يوسف - هسه البيت من يفرغ اجي اخذج تشوفيه حضنتها وخواتي يباوعن عليه باستهزاء
طلعت رحت يم رجلي بالحولي مجان اكو احد قصي- شفت خوات لمى يباوعن من الشباك علينه من داحاجيها شكد جنت عصبي كلت خلي احاجيها بعطف يمكن ديشمتون بيها مبينين من عيونهم تقربت منها شاورتها وابتسمت كتلها ها حبيبي نروح اشتاقيتلج
باوعت بعينها

لبنى- قصي فدوه بعدني مشبعانه من ابوي ميخالف بليل تجيبني يكون ماكو احد
قصي- اشرت على عيوني باوعتها من عيوني ابتسمت
يله نروح
لبنى- اي بس يوسف كال نطلع من الباب الثانيه لان كل الزلم كاعده هنا خاف يشوفوني عيب اطب بنصهم
قصي- تنهدت تدرين جنت شايل هم شون حتطلعين يله يله طلهنا واباوع خواتها يباوعون سويت نفسي مشفتهم وطلعنا واخذتها ورحت للبيت ارتاحيت احس نفسي خلصت ومحد شافها ومن اتذكر ابن عمها نار تشب بيه
اخت لبنى- هاي شنو قصي صاير ادمي ويعامل العربيه معامله ملوك والله يابه حضوظ
يوسف- اختج لو صاينته جان خلاها على راسه بس فضحتنا والعربيه الدنضحكين عليها رفعت واسنا
لبنى- وصلت للبيت وبالي عد ابوي بس صافنه
قصي- شبيج تصفنين
لبنى- خايفه على ابوي نومته تخوف
قصي- باوعتلها بداخلي خاف تفكر بابن عمها
ابن عمج هذا مو خوش ولد يبصبص
لبنى- لا استغفر الله لا تشيل غيبته ماباوع
علي
قصي- اني شفته شنو وكاعد يتغزل متشبه ولد عمي قصده احلى منهم بعد شتريدين يكولج امشي وياي للغرفه
لبنى- باوعت ودرت وجهي مالي خلك حجيه حايره وخايفه على ابوي ضليت افكر واندعي
قصي- ساعه صارلها وهي تصفن وساكته متحركت من مكانها
كومي اكويلي البدله صحت بيها
لبنى- صار كويت البدله واحترك شوي من جوه من التفكير بس مايبين لان تصير داخل البوت
هاي شوي اخذت بالاوني بس ماتبين اعذرني سجيت
قصي- بيمن دتفكرين شوي عقلج فتحي لو محروكه جان حركت اهلج وحركتج
لبنى- فدوه لاتحجي على اهلي يوجعني كلبي
قصي- ولي من وجي
لبنى- فتت للغرفه القديمه كعدت ببحيدي صافنه اتذكر نومه ابويه نومته تخوف يمه اسم الله خاف يفاركنا اوي يمه كلبي الاه لايكولها ربي اخذ من عمري وانطي لبويه مااكدر على فراكه
يوسف- اتصلت بقصي اكوله جيبها لان مبقى احد وابويه سال عليها
الو ها خويه تجيب مرتك لو مابيك حيل اجي اني اخذها
قصي- لا اني اجيبها هسه
لبنى بدلي دنروح بيت ابوج
لبنى- كمزت وبدلت وفتت للبيت ركضت لحضنه ابوي حضني قوي
بويه سامحيني نطيتج هالنطيه همس باذني
لبنى- بويه قصي عيشني ملكه ومقدرني الحمد لله هسه يموت علي وانه اموت عليه لا يضل بالك ويوميه مشتريلي شغله ورحنا لمحيسن بقينا 3اياتعرف على اهل امي وتعال شوف الحديقه تجنن كلها زرع
بويه رفعتي راسي عاشت ايد امج علىً هالتربيه
قصي- اشوفها تتبشبش وي ابوها ونايمه بحضنه الله شاهد حتى من ابوها اغار عليها
ابويه- شاورتها اني عفتلج المزرعهاللي بمحيسن الج سجلتها باسمج ادريج تموتين عالزرع وخوالج يشتغلون بيها
لبنى- بجيت وحضنته بويه فدوه ليش جاي تحجي هيج بويه شتحس لتحرمني منك ماصدكت جيت لبغداد حته اشبع منك
ابوي- بويه ها ي عمر والله مااعرف شكد كاتبلي باجر داخل عمليه الله اليعلم شراح يصير بيه
ابنى- شهكت وابجي بحركه
قصي- خفت عليها ضلت تبجي بحركه واخوتها يتفرجون مدنكين الضاهر ابوهم حالته مزينه
تقرب يوسف منها كمزت عوفها يوسف اني اجيت
قصي- حبيبتي كومي مزين حضنتها وطبطبت على ضهرها ابوها يباوعلي وعينه مدمعه كانه يتوسل بيه ادير بالي عليها اخوها محمود دنك مدمعه عينه من شافني حضنت اخته يوسف مبتسم بدمعه
عمي بتكً نستلي الهم صغيره وكمر ورحمه الله والديك على هالتربيه والنعم بيها
لبنى- رفعت راسي بعينه مبتسمه انت هم ماكو منك تاج راسي
قصي- ابتسمت الها
ابوي- انه هسه ارتاحيت من اطمنت عليها
لبنى- ضلينا يم ابوي لتالي الليل ل2 باجر الفجر عده عمليه وقصي اتصل واخذ اجازه ماعافني وحدي
جنت فرحانه بي كلش الفجر اخذو ابوي للمستشفى وقبل لايطلع لفني بعكاله وهاي عدنا بالعرب معناها رفعه راس هالبنيه  متحملت من سوه هيج مزلت على رجله بستها بس يوسف ومحمود بجو على بجايه باسني ابوي من راسي وطلع قصي-لبنى كافي موزين عليج حتموتين عيونج راحت
خواتها ومرت ابوها تراقبدبحقد فوك عارهم
سالني ليش لف راسج بعكاله جاوب محمود هاي معناها رفعت راس ابوها
خواتها ضلن يباعن باستهزاء
قصي- صدك رفعتي راسه انتي زينه البنات خلقه واخلاق يله نروح للبيت واني اروح للمستشفى ومن يطلع اجيبج لهنا والله
لبنى- اي اخذني للبيت اخذني وانه ميته خوف على ابوي وانذكر نضراته الي كعدت عالسجاده اندعي واقره قران كون تسهل ويكوم بسلامه
قصي- ابن عمها الدكتور فات وي الجراح للعمليه ومعافه مبين شاطر يباوعلي نضرات اني اعرف شديكول هذا الخاناه زوجته واخذ اختها بس اني مهتميت لخاطر يوسف خوش ولد ولخاطر لبنى وكلمن يعمل باصله وره شوي جوي خوال لبنى وجدهم من قريه محيسن ركضو هلى يوسف ومحمود وعليه ضلو ولد عمهم صافنين منين يعرفهم وضلو يحاجوني ونسولف ووكفو ويانا بالمستشفى لحد ماطلع من العمليه نقلو للعنايه اني رجعت للبيت ضل بالي يم لبنى دخلت لكيتها على كعدتها وممركبه ولا ماكله شي عفتها ورحت لابو المشويات جبت اكل وجيت
قصي- حبيبي كومي اكلي ابوج طلع من العمليه والحمد لله زين  شهكت وحضنتني
لبنى- قصي اذا بويه صار عليه شي اموت والله
قصي- والله مبي شي هذا يوسف اتصلي بي
لبنى- لا يبعد روحي مصدكتك كعدت عالميز وهو ياكل ويكولي اكلي قوي روحج حته اوديج تشوفيه  انه طيرت الاكل وبالي يم ابويه
كملت وصليت صلاه الضهر
سمعته يتصل بيوسف كاله اي العصر اجيبها انشاء الله للمستشفى
كمت تمددت بفراشه شوي واجه يمي ها هسه ارتاحيتي
لبنى- الف الحمد لله والشكر تقرب مني ىنام وحضني وكعدنا وره ساعتين على اتصال يوسف
يوسف- يله خويه جيبها ابوي صحه خليها تطمن عليه
قصي- هسه مسافه الطريق
يله لبنى تروحين
لبنى- اي قصي فدوه وديني
قصي- يله كومي بدلي
بدلت ورحنا للمستشفى بالغرفه مجان اكو احد غير محمود ويوسف واختها الجبيره ومرت الابو ارتاحيت ماكو غربه طلعت اجيب مي لان حاره نزلت الكافتريا
محمود- هاي حبيبتك جتي بويه شوف عيونها شصار بيها من البجي
لبنى/ لا بويه يتقشمر وياك الحمد لله عسلامتك
دخل ابن عمي الدكتور دنكت وابتعدت يريد يفحصه التفت عليه عمي مخلفت بس هاي ماعدها اخت عمي نريد نتزوج
ابويه- لا عمي هاي وحيدتي من القرويه
لمحمد- زين - ماكو وحده شبهج
لبنى- عدي بت خالي نسخه مني هي واختها اليشوفنا يكول توام ابتسمت
محمد- يا الله باع صحكتها تخبل
قصي- باوعت من الجام طاكه سوالف وي ابن عمها بقيت اراقب هلو هاي تتمضحك وياه
لبنى- ابتعدت وكمت مااجاوب انضايق من واحد يتغزل بيه حتى لو جان اخوي ورجلي ميرضى
قصي- دخلت شفتها واكفه وره محمود بالزويه من بعد ماجانت تتمضحك خزرتها اشرتلها تعاي بره
لبنى- يله بويه ضلت عدك العافيه الحمد لله اني تطمنت عليك بست ابوي من راسه محمد يباوعلي مبتسم
ابوي- الله وياج بويه قصي دير بالك عليها
قصي- بعيني عمي شعدي غيرها باوعت على مرت ابوها واختها الجبيره بشماته طاحظ تربيتكم بداخلي وطلعت لبنى وطلعنا
لزمت ايدها عصرتها
لبنى- باوعتله قصي عفيه تره دتاذيني والله
قصي- بعدج مشايفه شي والله لموتج بيدي
لبنى- شسويت بس كولي دمعت عيني وخفت منه
قصي- مجاوبتها وصعدت السياره شخطتها ركض للبيت مرتين ردنا نسوي حادث وهي بصفي ختمت القران وحسها ماطلع مدنكه
لبنى- خفت خوف بحياتي ممجربته 
وصلنا للطرمه وسد باب الحوش
قصي- نزلي مدام
لبنى- اباوع عليه اخاف انزل جرني من حجابي وشعري للبيت حسي مطلع وقفل باب المطبخ سحب الحزام من خصره فتحت عيني
قصي- ها شبيج خايفه لعد شو مخفتي من دتسولفين وتضحكين وي ابن عمج ضربتها بالحزام بكل قوتي جانت متصيح بس تبجي بخنيك واني اريدها تصيح حتى ارتاح بس الضاهر عدهم المره حتى لو تنكتل لازم صوتها ميطلع شفتها قرفصت ورادت تخرب واتكورت بالزويه تقربت منها شحجيتي ويااا احجييييييي
بعلو صوتي اصيح
لبنى- بلعت ريك وكوه طلع صوتي احس الدم من كل مكان من جسمي يطلع وجسمي يحركني ببروده ارجف
سالني عدي خوات
قصي- اييييي صيحت وبعد شكاااال
لبنى- كتله عدي بت خالي تشبهني
ضربني الكوا---مخيل عليج ويريد وحده تشبهج نصيت وهو يجر بشعري اني بعدت فقدت الاحساس
شوي شوي محسيت على روحي خربت
قصي- شفتها تخربطت ارتاحيت سحلتها لفراشها غطيتها باوعتها مسحت الدم من خشمها واسب بيها شعرها نصه وكع بيدي
من كد مجريته
يطبج طوب كلكم نفس الشي طلعت لعبانه نفسي
طلعت من الغرفه ورحت لغرفتي نمت
لبنى- حسيت الالام بجسمي كله كرهت قصي وكرهت امي الخلفتني وكرهت ابويه النطاني لواحد معقد لميت هدومي وخليتها بالجنطه وقفلت بابدالغرفه عليه مااطلع الا يجون خوالي انه مو ماعدي ضهر
صارلي 3اشهر يوميه مطكوكه طكه باتفه الاسباب
صارت ب8
قصي- حسيت با8راح وكت دوامي ركضت بدلت فتحت باب الخاتون مقفوله اصيح فتحي الباب متفتحها
لبنى اذا مفتحتيها اكسرها
خفت ليكون صار بيها شي تذكرت الضرب الضربته الها تندمت شون كدرت اكلني الشك والغيره دفعت الباب قوي ماكو مينكسر لان نوعيت الباب ثقيله لو اموت متنكسر حاولت هواي ومنفتح
مرحت للدوام نزعت هدومي رحت وره البيت احاول اشوفها من الشباك طلعت شفتها كاعده بالزويه لازمه المكص وتكص بشعرها تخبلت وجهه مطكع وايدها كلها اثار ضرب ارتجيت عالحايط اني شسويت بيها اشوف شعرها يوكع تخبلت مخليتها تحس اني داشوفها
لبنى- تذكرت من كالي اذا ردتي تاذيني كصي شعرج لزمت المكص وكصكصته نصه وابجي
وراها رجعت خربت
قصي- شفتها تخربطت ضليت ادك الشباك بقوه حست باوعتلي ونصت
نصيت دكيت على يوسف
قصي-ها يوسف شون صار عمي
يوسف -الحمد لله احسن رجعته للبيت الحمد لله
قصي- زين تكدر تمر لبيتي
بوسف- اي اكدر خوماكو شي
قصي- لالل ماكو بس شوي اختك تعبانه
يوسف- اي هسه جايكم
كمزت رحتلهم دخلت شفت قصي بطرك بنطرون البدله مال الشغل وفانيلا ووره البيت
قصي شبيك وينها لونه
بالغرفه حابسه روحها دنكت
ليش ياستار البارحه انتو جنكم ورود جتكم عين انحسدتو
مااعرف روح شوفها واخذها يمك احسنلك
لا قصي لا هاي المرجيه منك ركضت عالغرفه لبنى خويه فتحي
لبنى- بجيت بعلو صوتي طلعت القهر
خويه اني وره الباب افتحيلي والله ارجعج لامج
قصي- واكف على صفحه اسمعها وخايف ياخذوها مني
لبنى- كذابين وعكال ابويه كذابين ابجي واصيح
يوسف- خويه وغلاتج اطلكج بس فتحي الباب
لبنى- ماريد اريد خوالي ماافتح اله يجوني
يوسف- هسه اتصل بيهم بس فتحي الباب
لبنى- ماافتحها
يوسف جثيث وقصي ويا كمنا دفع بالباب نريدها تنفتح تنكسر ماكو االشبابيك من النوع المربعات الحدايد مشتحيل تتفلش
يوسف- قصي دك على لوي ويانا هم جثيث هاي خاف تسوي بروحها شي من الصبح ماماكله شي وشايطه وتملخ بروحها حيصير العصر وماسكتت
قصي- دنكت انصلت بلوي اسوي اي شي بس يطلعوها
لوي شوي وصار يمنا
انجمعنا 3وضربنا الباب فد ضربه انكسرت
لوي- باوعتلها مامبين من ملامحها شي وشعرها مكصكص بالكاع
باوعت لقصي الله لايوفقك على هالدكه شمسوي بالبنيه جانت شمس دفعته وركضت عليها يوسف ارتجى عالحايط يبجي عليها
لوي- كومي خويه كومي وينه حجابج
لبنى- وخر عني ودوني لاهلي
يوسف- بلعت لساني مااعرف شسوي بنفسي انعل ابو خواتي من امي وابويه شنو ذنب هالطفله طيناها لواحد معقد من وره اختي العار
قصي- اباوعها متباوعلي ومنكلله وحشيه هاي الهادئه العاقله  انهاريت وكعدت بالكع خليت واسي بحضني عرفت خسرتها اذا شافوها خوالها صدك تروح وبعد ماينطوها الي
لبنى _انه جنت بغير عالم احس روحي مذلوله والكل تريد تاذيني
لوي- خويه كومي وياي اوديج بيت ابويه يم امي انتي تعرفيها واختي هم حبابه اليوم خوالج يجون يردون يتعرفون على اهل رجلج توهم انصلو واخذو موعد من ابويه
اني مقرفص كدامها واحاجيها بعطف تباوعلي وعينها مغرغره والله متت قهر انداريت على قصي ردت اذبحه طفله مموتها بيدك سكتت ماكلتله شي اخذت نقابها شفته معلك ولبسته الها وكومتها شفت كامت قبلت تجي وياي
لبنى- خوالي اذا مااجوي اكتلها لنفسي
لوي- لا خويه بعدج متعرفيني اني حجايتي وحده ومااكدب خلف الله عليج
يوسف/ لبنى وين رايحه
لبنى/ ماريد اجاوبه ولا اريد اشوف اي واحد شارك بهالزيجه الكشره وقصي كاعد بالكاع مسوي روحه مقهور والله كذاب كارهته طلعت وي اخو وركبت بالسياره ووياي جنطتي ورحت لبيتهم
دخلت تلكتني امه رفعت نقابي لطمت على وجهه عزه بعينك قصي تعاي ماما تعاي فوتي للحمام سبحي وطلعي
لبنى - فتت سبحت وجسمي موتني من الحريك مال ضرب الحزام ضليت ابجي بالحمام مثل الطفل طلع دلال خوالي واخوتي من خشمي
طلعت وفوتتني امه بغرفه اخته بنيه صف رابع بكدي بالعمر جانت دتقره
من فتت باوعتلي
فاطمه- يمه منو هاي
ام قصي- يمه هاي مرت قصي
فاطمه - فدوه تجنن بس ليش هيج وجهه هذا قصي ضاربها انكسرت ايده
لبنى- وجعني كلبي من كالت هيج
عفيه لاندعبن على اخوج مايصير
ام قصي- والله عمي اصيله
ماما فاطمه لبنى حتبقى يمنا وتنام عالجربايه مال احتج المتزوجه ماشي
فاطمه- كل الهلا بيج ضحكتلها وحضنتها هي مادري شبيها مدنكه
تكرهينا انتي جيف هيج صارت قسمتج
لبنى- لا بس انه شوي تعبانه
فاطمه - دوتاحي وباجر اواعدج اشبعج ونسه
لبنى- ابتسمتلها خوش نمت وغطتني وركضت جابتلي كلاص حليب دافي شربته  ونمت
طفت الضوه وطلعت من الغرفه نمت مرتاحه كلش
قصي- يوسف ضل واكف باوعلي
يوسف- قصي احنا ضغطنا عليك هواي واني اكبر جلب بالدنيا انت لازم تطلك لبنى شنو ذنبك
قصي- يوسف اني اخذتها لاختك دنكت
يوسف- وشنو يعني ميخالف لاانت اول ولا اخر واحد يطلك امت ترتاح وهي ترتاح كفيت ووفيت مو ذنبك تعيش بجحيم  صارلك 3اشهر تتعذب والبنيه هم شافت الويل وياك روح شوف حياتك والبنيه ننطيها لابن عمها احنا البنيه من تتطلك ابن عمها يستر عليها
قصي- كمت على حيلي اخر يوم بعمري يكون وعفت الغرفه وطلعت
يوسف- ابتسمت عرفت حبها بس لازم يصيرله جره اذن حتى ميلزمها بعد
قصي-عرفت بيها ببيت ابوي مرت ساعه ورحت متحملت بعد امها من سمعت بحاله زوجها الشيخ اجتي ركض وخوالها هم جانو ببغداد من اجوي بالمستشفى فكلهم اجوي لبيت ابوي حتى يتعرفون على عائلتي رحت جبت لحم ذبيحتين ومسواك ودزيت على اختي وابويه جاب 4سنجات وقمنا بيهم مثل ماقامو بينا
قبل ليجون بنص ساعه
دخلت البيت ابوي
ام قصي- انت شجابك امشي ولي ماريد اشوف وجهك
قصي- يوم وخري عني لخاطر نبيج
امي- ولك والله حرام عليك تطلع رجولتك بيها لاانت ابني ولا اعرفك
لبنى- سمعت صياح ىعياط امه وصوت قصي
تتعارك ويا لان هيج سوه بيه وهو يصيح ويكول عوفوني بقهري  اخو يكوله قهرك تلزمه انت رجال تطلعها بالبنيه والله حرام عليك بعدها طفله
حبوني من اول مطبيت عدهم وانه مااعرفهم بس كلش فرحت من دافعو عني اهل اصول
قصي- هسه سدي الموضوع العشيره مالتها كلها جايه واريد ترفعون راسي مثل مارفعوا راسها سوي غده ومن يطلعون نتفاهم
امي- ماشي بسيطه قصي
قصي- حضرنا وكملنا كلشي سمعنا الجرس اندك وكفنا اني واخويه ونسيبي وابويه على حيلنا نستقبلهم وخوالها ضلو يحضنون بيه قوي
وباسو ايد ابويه يعني يخجلو للواحد وطبو منقبات 3بصاله النسوان اتوقع امها وحده منهن ادري بيها بغرفه اختي فاطمه خاف تطب عليها امها وتشوفها وتاخذها وبعد متردها اكيد هسه تروح وتخلص الكعده مال استقبال بعركه اعرف هالشي ضليت اندعي ربي فوتها سلامات
ام قصي- كل الهلا بيج ام لبنى هلا بيكم
بنت خال لبنى- خاله اكدر افوت اشوف لبنى
ام قصي- اي يمه اخذي واحتج جنت خايفه تشوفها وتصير فشله والله فشلنه قصي
بنت خال لبنى شبيهتها هي واختها
نسرين وورده صف خامس علمي والثانيه اول كليه دخلو للغرفه
لبنى- شفتهم ردت روحي
نسرين- لج لبنى شبيج وجج اصفر ومنا احمر
لبنى- وكعت خيه وكعت
نسرين - ولج عليه مو اني اخيتج خاف رجلج طاكج
لبنى- لا خيه مو ابوي وكع تمرض واني تخربطت على وكعت ووكعت على وجهي
نسرين- سلامتج عمري بستها وحضنتها مشتاقتلج كومه والحمد لله عسلامه عمي الشيخ انشاء الله صحه وعافيه
لبنى- شكرا الله يسمع منج
لوي- ردت فاطمه تنزل الثلج من المجمده الفوك دكيت الباب
لبنى- فوت
لوي- فاطمه تعاي نزلي -----
سكتت ضليت اباوع مبتسم دخلت وسديت الباب
خويه لبنى منو هاي متعرفينا صرنا اهل
لبنى- دنكت بنت خالي
نسرين هذا اخو قصي
نسرين - دنكت اهلا وسهلاونزلت نقابي
لوي- هله بيكم طلعت اركص بالحولي لمحتني فاطمه -ها تخبلت مو كافينا قصي النوبه انت

لوي-فوتي فوتي لغرفتج مكلوبه جنه الحور العين متصطرات وين امي اريد اتزوج
فاطمه- والعباس انت خبل
لوي- ها صدك تعاي نزلي الثلج من فوك العالم ميته حر وتريد خرب حضي هسه مينطوني مره
فاطمه- هسه انزلها
ام لبنى- خيه ام قصي بلكن اشوف بنيتي كلبي مفرفح عليها
ام قصي- ها اي تفضلي خيه
اخذتها لغرفه فاطمه وفشلت اطب وياها بيا وجه
ام لبنى- دخلت وشفت البنات ملتمات من شافتني كمزت حضنتني تبجي كلبي وكف حضنتها يمه وحيدتي عصرتها بحضني صاحت اي هديتها باوعت بعينها
بنات طلعن بره ماريد ولا وحده هنا اريد اشبع من بنتي
طلعن البنات باوعت بعين لبنى بغضب شبلاج لج  شبيج طاكج رجلج
لبنى- يمه ماريده تعبت طلكيني منه
ام لبنى- وشتردين يكلون عني ماربت بنتها وهذا ابوج اللي الصبح كله كدام ام يوسف يكلي رفعتي راسي بتربيتج تسوه بنات بغداد وهسه تردين توطين راسي شسويتي وطكاج قصي دره مال الله اجه يمنا وعرفناه لج تعاي شوفي اهله شون قامو بالواجب كلسا صنف مقدمين وبالغده ماخلو شي ماجابوً
لبنى- دنكت عرفت بيها مراح ترضالي يمه صيحيلي خوالي
امي- خوالج مايطبون محد دللج وطلع عينج غيرهم
فتحت الباب مال غرفتها اشرت لام قصي المره فشلانه خطيه
خيه فدوه لعيونج ماتصيحيلي قصي هاي بتي يرادلها تاديب تدريها بعدها زغيره ماتعرف امور الزواج والمسووليه صيحي خلي يشد عليها  احاجي كم حجايه
ام قصي- فتحت حلكي صافنه عليها والله عمي يربن لو احنا جان كلبناها عزه على الولد ونطلع عين البنيه سكتت وصحت قصي
قصي- يوم شكو طلعتي ذوله عدهم عيب صرت اعصاب
امي- ام لبنى تريدك بحجايه بالغرفه
قصي- انخطف كلبي وراحت لبنى من ايدي دنكت اي يوم دخلت الغرفه مدنك سلام عليكم خاله
ام لبنى- عليكم السلام هله هله بوليدي الماخلفته
قصي- قطبت حاجبي تقربت منها بستها من راسها
ام لبنى- اكعد يمه ارد احاجيك لبنى شمسويه الطاكها هالطكه ادري بيك ذهب وماتطلع منك العيبه بس بتي مدلله
قصي- نصيت خجلان واستحي اباوع على لبنى جانت لابسه الحجاب ومنصيه بالزاويه ابد منبين من وجهه شي
سكتت
ام لبنى- لبنى احجي شمسويه نزلتي راسي كدام العالم شالونا بالصلوات جدج طاير بيهم
لبنى- بقيت مذنكه راسي وماجاوب
قصي- رفعت راسي باوعتلها وجهه كله مضرب هاي امها شون تحملت ومموتتني هاي التربيه الصح حتى البنيه تعرف مالها غير زوجها
ام لبنى- والله اذا ماحجيتو ازعل عليك قصي ولبنى احلف ماارضى عنج
لبنى- لا يمه فدوه لانكولين هيج بجيتودنكت
قصي- تعجبت اني امي اصيح عليها وهاي تكولها ماارضى عنج كامت تتوسل وتبجي يوميه اشوف بيها شغله حلوه
ام لبنى- فصي احجي تره اطلع من بيتك وماافوته بعد
قصي- لا خاله العفو
ام لبنى- لعد كلي شسوت بنتي المدلله
قصي- خاله ماسوت شي اني ضلمتها وطلعت قهري بيها
لبنى- خنكتني العبره كمت اشهك بخنيك
تذكرت الضرب الضربه الي
ام لبنى- لازم سوت شي حتى تمد ايدك انت معدل وعسكري وشاربك تارس وجهك وتعرف الاصول وابن اشرف ناس والديوانيه مالتكم تشهد احجي راح اطلع زعلانه تره
قصي- خاله اني مااتحمل اغار وشفتها تحجي وي ابن عمها وتضحك متحملت
كلتها وباوعت للبني ميته بجي بس بخنيكومدنكه مترف راسها امها فتحت عينها ولطمتت على وجهه
ام لبنى- يااا عزه العزاج لبنى هاي تربايتي اهيج وضربتها راشدي بكل قوتي
قصي- لا خاله ابوس ايدج نزلت على ايدها ابوسها
ام لبنى- ولك عوفني كاعده تحجي وي الغربه هاي مو بنتي التحجي ويدالغربه شوفي لج تردين لبيت زوجج واذا ماتطيعينه اذبحج خلاص مكيفه مربه بنتي من امداي اي والله على هالتربيه
طلعت من الغرفه وكلبي ممرود على حاله بتي
وكعدت يم النسوان مابينتها واضحك بوجه ام قصي ولا كانو اكو شي
قصي- طلعت امها من الغرفه وهي ضلت تشهك وتبجي اباوعلها اريد احاجيها اخاف تبجي بخنيك مقرفصه بالزويه ومخليه راسها بحضنها
ضليت صافن عليها ومتعجب من امها شون تصرفت اني وين جنت عايش هي هاي المفروض انزوجها من اول بس من اتذكر من ضحكت وي ابن عمها تشب نار بيه
ضليت كاعد اباوع عليها ميته بجي
تقربت منها تتهزم مني ومدنكه انحشكت بالحايط شوي طلعت صوت بالبجي
فاطمه - دخلت لكيت قصي ديتقرب منها وهي تبجي قصي شجابك هنا يوم تعاي شوفي ابنج
قصي- شبيج لج اطلعي اريد احجي وياها
فاطمه- والعباس ابو فاضل هسه اسويلك فضيحه البنيه من وراك ضهرها كله دم باوع هدومها انت رجال والكاعدين بره رياجيل امشي اطلع بره
لوي- سمعت فاطمه طبيت صوتج لج الرياجيل ليسمعو
لوي-انت شعدك هنا امشي اطلع
قصي- همست بعصبيه كلش انتو معليكم اطلعو
لوي- ومحمد مااطلع وهسه اتعارك وياك اذا تبقى اطلع بره والي حساب وياك بعدين من يطلعون خوالها وابويه هم دره تره كتله كلشي
قصي- الله يطيح حضك شحيخلصني
لوي- حتى منا وهيج ايدك متمدها اله عالمجرمين يامجرم هزيتله جتف فات من يمي راد يضربني ونزل ايده وطلع امشي اطلع شعدك هنا انت هم
لوي- طالع داد
طلعت وهمستلها وبينا احنا المحد يندك بينا
لبنى- ضحكت على سوالفه وفاطمه خربت فاطمه-ضحك لج عيني هذا اخوي ملطلط مااعرف شون حيصير مستشار بس يمشي ويتمركص
لبنى- اكولج منو بالصاله شفتيهم لو مكدرتي
فاطمه / اوف ربي اوف اكو واحد لابس عكال يموووت طويل ودشداشه بيضه وشارب وعيون زرك
لبنى- ها هذا خاليدالصغير شيخ عشيرت الباوي عشيرت امي
فاطمه- فدوه زوجينيا يموووت
لبنى _وين الكه مثلج شو حسن وتربيه وحنيه والله امي تريد تزوجه بس هو يريد يكمل تعليم
فاطمه - شمكمل
لبنى- بعد سنه يصير طيار
فاطمه- اخ يمه كلبي اخ اروح ابدل بلكن تنعجب بيه امج
ابنى- الا اخطبج اله
فاطمه- تره اشاقه والنبي مو تكوليلها كوليله اله ميخالف
لبنى- ضحكت من كل كلبي شنو هالعائله تصنيف كمت سرحت شعري وابجي اباوع عليه مكطم
مشطته وشلته وكعدت عالجربايه
اباوع كتبها دخلت لحمامها توضيت وكمت صليت تذكرت اني كاطعتني صار اسبوعين وتذكرت حجي الدكتوره كلتلي اول اشهر حتخربط عليج ويجوز تتاخر ليضل بالج لان اول مره اخذ حبوب مانع صليت وقريت قران وره شوي دخلو بنات خالي وامي ونسولن خالي ودعني وراحو شاورتني امي يمه رفعي راسي كدام ابوج تره سجل المزرعه باسمج بستها من راسها وطلعت باوعت لقصي ضربته على كيفي على كتفه لزم ايدي وباسها وباسني من راسي بقه بالي يم بنيتي بس هي العايله بس مو هيج ضرب ربي وفقها وسهل امورها يارب
لبنى- راحو طبت فاطمه بيدها صينيه لج تعاي هاي من ماعون الشيخ شخصيا رفعت ايدها للسما ربي خلي قسمتي واصير مرت الشيخ
اني من يمي رفعت ايدي وصحت يااارب
قربت الصينيه وبدينا ناكل
شبعت والاكل كلش طيب بس مو مثل اكل امي
بداخلي
لوي- طبيت اسال على بت خالها
هلو لبنى
لبنى- دنكت هله بيك
لوي- اكلج لبنى عاي بت خالج ياصف شكد عمرها
لبنى- اول كليه تربيه بنات
لوي- زين ماعدها ابن عم نلهي عليها
لبنى- ضحكت بس بقيت مدنكه راسي لالا
لوي- يووووم تعاي
امي- شكو هنا شعدكم عوفو البنيه ترتاح
لوي- لج يوم فدوه اريد اتزوج
امي- يا صدقه هم شلون بنات لبنى هاي كلكم هيج حلوين
لبنى- انتو الاحلى خاله تسلمين احنا طالعين على ببيتي ام امي
امي- عيني هي امج تخبل منهاي الشيخ تزوجها
لوي- يمه خطبياي بت خالها نسرين
امي- ولكم خزيتونا
فاطمه- يمه اني اريد الشيخ
لوي- انجبي لج دبسس خلينطوني نسرين اول خرب هزيت كتف ولبنى خربت ضحك
قصي- اسمعها تضحك بهدوء بالغرفه ارتاحيت ونفس الوكت غرت عليها من لوي هذا الملطلط يضحك ويصنف خاف تنعجب بيه
صحت على امي يووم
امي- ووجع طلعتله شبلاك
قصي- يوم اريد اروح لبيتي
يوم- متولي
قصي- ولبنى اريد اخذها وانتو مسوين عليها حزام امان
امي- والله لو تموت متاخذها الا برضانها البنيه جتي ميته خليها هنا لحد ماهي تكول اروح لبيتي
قصي- مكالت شلون
امي- براحتها تجي تجبرها مو كيفك
قصي- يمه اروحلج فدوه هسه الحجي لزمني محاضره صار ساعه اني مااكدر ابقى بلحدي اريد اكل اريد هدوم شون دبريني
امي- باوع يمه بيتك قريب هياته تعال الصبح تريكً هنا ومن تتوصخ هدومك هم جيبها نغسلها وتاخذها بس ماكو بيتوته هنا لحد ماهي تكول ارجع يله نردها هاي اوامر ابوك
قصي- تنهدت صار يوم وصحت اني رايح تعال لوي
لبنى- سمعته صاح اني رايح كلت راح اخلص
لوي- ها خويه
قصي- لتطب بالغرفه لخاطر الله تره احركك
لوي- لا والله بعد مافوت بسته من راسه تغار عليها ولك لعد ليش هيج مملخها خو طلقه بواسها واخلص منها
قصي- انجب لك ملطلط يله في امان الله
فاطمه - لج لبنى ابوي يريد يشوفج
لبنى- فدوه اخجل
فاطمه -يول دكومي ابويه من يكول صيحي فدان يعني حينقد ينطي فلوس بس شتحصلين بالنص
لبنى- متت ضحك على كلامها وكمت رتبت حجابي وفتت للصاله
السلام عليكم عمي وبسته من ايده رفعت واسي باوعني مبتسم
اللهم صلي ععبى محمد وال محمد
كل الهلا بيج ماشاء الله على هالنور اللي بوجهج
لبنى- مو احسن منكم عمي ابتسمت
عمي نورتي البيت واي شي تردي احنا بضهرج تردين تطلكين احنا وياج تردين تتحملين هم وياج
بقيت مدنكه وخجلانه مجاوبته
عمي اخذي راحتج وفكري بعدين كولي لام قصي والله يوفق الجميع
من رحصتك عمي وطلعت من الغرفه
ورجعت نمت بفراش فاطمه ولكيتها هي هم نايمه
غفيت وارتاحيت من شفتهم حبوني كلش واني هم حبيتهم ردت ابقى يمهم لحد مااتطلك وارجع لمحيسن واذا امي اعترضت اكوللها كلشي ماريده بعد بكد حبي اله ماريده تعبت يوميه طاكني غفيت قصي- دخلت للبيت ورحت لغرفتها  باوعت على شعرها تلمسته كمت اصيح اه ه ه ه ه بعلو صوتي يارب تعبت رجعني مثل ماجنت اكدر اوثق بيها مو تعبت والله شفت الدم على مخدتها تمددت بفراشها تلمسته ردت اي شي مالتها اشم ريحتها بي وانام دورت ماكو رحت للحمام فتحت الغساله لكيت البدي الجانت لابسته الجبته الها اخذتها حضنته وشميت ريحته يارب انت تدري شكد صبرت عل الاذيه ومدخلت غلط وفرضك ماعايفه انت تساعدني نمت بفراشها بالكوه وكعدت ب4وقتت الموبايل وكمن صليت ورحت لبيت ابوي اني اكدر اتريك بالمركز بس ماريد اغيبها عن عيني ولوي موجود اغار عليها
فتحت الباب مصبخ اهلي وفتت لكيت القوري والبيض موجود ومحضر باوعت من ترتيب الميز هاي عي محضرته كعدت اكل ردت بس اشوفها بس متجرات لازم اخليها ترتاح