عيوني ما اكدر افتحهم بس احس اكو احد يمي قريب حاولت ارفع جسمي ماكو فايدة بين الوعي ولا وعي ايد انمتدت على راسي الى ان نمت مر يوم كامل واني على هذي الحالة وبعدهة حولو ابوي لبغداد لان حالتة مو زينة واني رحت للفاتحة بيومهة الثاني بعد الضغط علية من عماتي ما قبلت اروح بالبدية ما مستوعبة فكرت موتت حمد وامي ودمعتي ما نشفت اول ما دخلت للفتحة كلهة النسوان كامو اتلكوني وايسلمون علية الفاتحة صارت بيت عمي بالبصرة خطية ودع ماعافتني جانت اتبات يميعلى الرغم من عدم سؤالي عليهة طول التلث اسنين الفاتو اتلث اسنين فاتو؟؟؟
عجيب اشلون فاتو لا من اني مخلصتهم وية اهلي ولا وية اصدقاء الي لا وحتة اصدقائي قطعت بيهم وخليت كل الي حولي ايكرهوني ويدعون علية الى ان خسرت امي واخوي الي اقصة حد اكعد وياهم باليوم نص ساعة الله لا ايوفقك قيصر دمرت حياتي كلهة انت سبب موت اهلي وانت سبب كل عذابي ...
وتنقطع سلسلة افكاري بصوت من خالة ام علاء وهية تحجي وياي
-يمة رغد كافي بجي دمعتج مانشفت يايمة لا عاش الي ايلومج بس يا بنيتي انتي ما بقيتي وحدج احنة كلنة اهلج وانشالله ما انعوفج
-ايطول عمرج خالة بس مو بيدي الي راحو مو اشوية امي وحمد اخوي العريس الي ماشاف شي من حياتة
-بنتي اني ما اريد ازود همج بس علاء ايريد يحجي وياج بالتليفون
-ابوي خو ما بي شي
-هوة علمود الوالد علاء ايكول حالتة مو زينة وكليتة مدمرة بالحادث ولازم ايشيلوهة واشيلون هم الطحال والدكاترة ايكولون لازم ايسوي العملية اليوم قبل باجر بس علاء ايكول كل خطرة اسوايتهة بعراق وراسل دكتور بالاردن ودالة تشخيص حالة ابوج وكالة لازم ايجيبة بهل الاسبوع انتي شنو اتكولين؟
-هسة اتصل بعمو علاء وانسافر باجر لو عكبة على الحجز التجاري
ايجوز حالة ابوي صحتني من الصدمة الي اني بيهة اخذت تاليفوني من ودع وفتحتة اتصلت بالسكرتيرة خاليتهة تحجزلي على عمان اني وابوي و بعدة اتصلت بمعمو علاء كال اروح وياكم ما اعوفج وحدج هم اينعم الله علية ما قصر الرجال صورلي جوازة وحجزتلة وياي ... سافرنة لعمان وسوة بابة العملية والحمد لله نجحت وصحة بابة وطلع من العناية المركزة بس اني ما دخلت علية بس عمو علاء جان ايفوتلة لان ما كايلة امي وحمد ميتين واني بس اشوفة ما اتحمل وابجي هو بس يسال علية عمو علاء ايكلي رغد ابوج يسال عليج ايكول اشعجب رغد ماسافرت ويانة كتلة رغد بقت يم امهة لان تعبانة
-احسن عمو زين سويت لان اني ما اتحمل شوفت بابة هسة وخاف هذا الشي ايثر على صحتة
مر اسبوع كامل بابة اتحسن بي وشالو الخياطات وانطونة اذن الخروج بس ما قبلت ارجعة ردت ايفوت اسبوع ثاني علمود اطمن على حالتة بس عمو علاء كال لازم انكلة لان ضل ايلح علية ويسأل على حمد وامي ويكلة ليش ما يتصلون بية اني بس الموع اتصب ما اعرف شسوي الدكتور كال من الافضل اتكولة هسة مادامة بالمستشفى اثناء ما جاي احجي وية الدكتور وعمو علاء طلع من غرفتة وشافني واكفة بالمرر يم الدكتور وعمو علاء هم واكف يمياني ما جنت منتبهة علية الى ان اتقرب
-رغد بوية ليش لابة اسود واشبي شكلج متغير؟؟
درت علية والدمعة بطرف عيني رد علية عمو علاء تعال كمال جوة اشعندك طالع دخلنة كلنة جوة ورجع يسأل
-بوية رغد ليش حمد وامج ما يتصلون بية طاك كلبي عليهم مو من عاتة حمد ما سأل على ابوه
اني اهنا ما كدرت اتحمل كلمت ابوي طلعت من الغرفة متت بجي عمو علاء هوة الي كالة انو امي وحمد اتوفو بالحادث جنت هاي الفترة اصعب شي بحياتي جنت لازم اصبر على ابوي وعلى روحي وبنفس الوقت لازم ارجع اوكف على حيلي وراي شغل مر ت الايام بسرعة ورجعت للامارات طبعاً عفت الشغل كلش ما سالت بي والتهيت وية ابوي الى ان رجعتلة صحتة واني ويا واحد ايواسي الثاني اتصل بية العم ابو نوار كالي راح يجي لبيتنة و اجةسلم عللى بابة و بعد ما عزانة اني وبابة كال
-رغد بنتي متة تجعين للدوام يا بنيتي الانسان معرض لكلشي بالحياة والاقدار ما مفروض اتخلينة نترك كلشي ونتمسك بالحزن
-حجيك صح يا عمي بس الشغل يرادة تركيز واني بهل والوضع ما اكدر على مسؤولية منصبي
- بنيتي اني واثق انك حتوكفين على اريولج من يديد واحسن بعد انتي ما تعرفين وش صار بالشركة فترت غيابج اني بهل فترة عرفة قيمتج النة شنو وقررت احولج بالفرع الرئيسسي بابوظبي ورفع راتبج بنسبة 75 بالمية بس يبنتي رجعي .
- عم ابو نوار اذا تحولت على فرع ابو ظبي لازم الكه بيت وايجار جديد وبالاضافة مصاريفي صارت اكثر من قبل لان ابوي بعد ما
- والمطلوب يبنيتي وش!
- ايصير راتبي ضعف ما جنت اخذ انت تدري بية اني مو طماعة والدليل حصلت عقد من شركة انت تعرفهة زين براتب دبلين و ما وافقة وبقيت وياكم بس هسة الوضع اتغير مثل اتشوف .
- غالية والطلب رخيص يا بنيتي ... ومو بس راتبج ارفعة ابي اخليج مديرة فرع الحسابات بالشركة كلهة والج مكافئة هم انتي تامرين .
هية من الاساس الزيارة جانت اجتماع عمل خلص بتنفيث الي اريدة وبعد فترة رجعت حياتي الى ما كانت عليه اطلع الصبح ارجع بالليل مرات احاول ارجع على الغدة علمود بابة لا ايضوج ومرات ما اكدر اتحسنت صحت بابة بعد اشهر ورجع للدوام ابوي مهندس نفط بسبب خبراتة بالحقول العراقية مرغوب العمل بالخليج كمستشار فني ويوم من الايام واني بالشركة اتصلت بية السكرتيرة
- ست رغد عندج موعد مهم الحين .
- اجلي جاي اشتغل ما فارغة
- هل الضيف منتظر من ساعة اهنية وانتي بس اتأجلين!!
- اوكي دخليةبس هوة منو؟
- عم ابو نوار اهوة الي اموصي بي.
- واصتة قوية هذا دخلية خل انشوف تاليهة
نوار : مرحبة اني نوار عمري 32 سنة جنت عايش بكندا عشان ادراستي خلصت اني دكتورى في ادارة الاعمال ما جنت ابي ارجع لكن ابوي غصبني ورجعت كالي ابيك اتعاوني بالشركة بس قبل كلشي لبيك اتعرف على مديرة الحسابات هية اهم عضو في شركتنة استغربت اني من هاي وليش ابوي يبني اتعرف عليهة رحت للشركة وسالت على مديرة الحسابات طبعاً اني محدة يعرفني اني ولد الملاج العود ههههههه استغربت ياهو اساله عنهة يستعوذ من الشيطان واشف فيهة هل مرة ليش الكل يكرهة كدرت اجمع عنة اشوية معلومات انو هية كلش مالتمزة باشغلهة وانو هية عراقية ... اتصلت بابوي عشان ادخل لهة اشتلتني ساعة واني انتضرهة صرت مثل الباجيين بس اسب فيهة الى ان دخلت ماكان امبين منهة شي بسبت هل الابتوب الي مغطي ويهة وبس صوت ازرار الكيبورد الي تكتب فية اسمعة خمس دكايك بضبط مطنشتني صوتهة ما سمعة وش هل الاسلوب الخايس..
ياربي ابوي اشلون متحملهة افكار تاخذني واتيبني الى ان وكف صوت الكتابة وانطبك الابتوب واشوفه وايش اشوف ياربي هي كانهة ملاك جدامي حسبتهة مرة جببيرة طلعت بعدهة اصغيرة حاطة يدهة على خدهة ومايلة براسهة صوبي معكولة هيج ملاك ايسمو شيطان بالشركة ... بكندا ماني شايف مثلهة وا گردي گرداه على هل العيون على رغم الحدة الي فيهم الة الحزن واضح ...
- انت تعرف الشغل متكوم على راسي وحضرتك گاعد تصفن في وجهي!!
- العفو اعتذر كنت ...
- شنو تشرب ؟
- ما ابي شي شربت .
اتصلت بالسكرتيرة
- جيبي گهوتي .
ابد ما ارتاحيت لناضرات هذا الي اگبالي
- اتفضل شنو اتريد مني مو بالعادة احد يطلب مقابلتي.
- هههههه اكيد مافي حد يبي ايشوفك من اسلوبك الجميل.
- انت تعرفني علمود تشاقة وياي؟؟
- اسف .. نبدي بالجد اني اسمي نوار دكتور بادارة الاعمال ايت عشان اشتغل معاكم .
- واني بشنو اگدر اخدمك ؟
- اذا ما ايصير عليج زود ابيج تشوفين الي مكان اشتغل فيه.
- ماشي راح اجاريك بالخربطة ماتك بس ارد على التليفون
الة اشوي جانت طردتة بس گلت اصبر عليهة ان الارتباك واضح علية صح هوة جبير بس ما مشتغل من قبل وثناء حجية اتصل ابوي رفعت الخط
-هلة بابة اشلونك؟
- الحمد لله ابيتي تجين على الغدة؟
- أي بابة اجي بالاكثر نص ساعة اني يمك.
- همزين بوية كلش ضايج.
- اتخسة الضوجة هسة اجي وراح اطلب اجازة ونطلع اني وياك نفتر شعندي غير كمولي بالدنية اني؟
-ايطول عمرج بوية وعسى الله ما يحرمني منج.
- بابة راح اسدة عندي بس شغلة اخلصهة واجي.
سديت التليفون ودرت على هذا لگيتة يتبسم استغفرت ربي وكتلة
- اخ انور لا اتعبني هذا الشي مو اختصاصي شوف غيري.
- نوار اسمي وهذ الموضوع مو بختياري ابوي گال شوف موضفة عدنة اسمهة رغد واهية تختارلك مكانك.
- انت ولد العم ابو نوار؟
- أي.
- اها ... گولة رغد اتگول خلي يشتغل بالحسابات وياهة لشهر بس بالتدقيق وخلي السكرتيرة اتعلمك نضام الشغل وياي من هسة راح اكولك اذا صار بالشغل تقصر راح افنشك وعلمود العم ابو نوار انطيك اربع ايام للتعلم وبعدهة احاسبك حالك حال البقية هسة اني راح اطلع انت اتبلش من اليوم.
نوار: شنو هاي اكرهت الشغل مقدماً الله يستر بس المهم كل يوم اشوف هل الجمال شبي من الدنيا العجيب الوالد بس يمدح فيهة ما اتوگعتهة صغيرة منصبهة مو بالعادة احد ياخذة
مرت الايام وبدة نوار يشتغل وياي حتة لغتة من گد ما ايحجي وياي صارت قريبة على العراقي نوار كلش خوش انسان ومن الاساس بس هوة الي بالشركة يگدر يحجي وياي على الرغم من الاهانات الي حصلهم مني لا تعد ولا تحصة ايجوز اتقبلتة لان بس هوة الي يتحمل مزاجيتي
مرة من المرات عدنة سفرة فلازم ادقق الحسابات لجتماع عم ابو نوار بقيت اني ونوار و موضف واحد للساعة 5 العصر بس احنة بقينة بالشركة وكل واحد بمكتبة يشتغل همة ايخلصون وايودهم الي بيميل ادقق اني مرة ثانية واطبع الاشياءء المهمة وجان نهاية شهر وجرد طاح حضي كلش حتة غدة ما متغدين اشو هذول اتاخرو وما ودو شي فرحت لمكتب نوار ما لگيتة سمعت صوت بمكتب خالد دگيت الباب ودخلت واشوفهم فارشين وجاي يتغدون خطية جان خالد يطفر من مكانة من الخوف حسبالة راح اعاقبة
- اگعد خالد كمل اكلك وبعدهة مو تنسون الايملات ارد ارجع احضر اغراضي .
- نوار : ادري انتي ما بتتعبين ما ودج اتنامين .
- تكفيني ساعة نوم ليوم كامل .
- ايها المراة الحديدية غادري نريد ان ناكل.
عفتهم وطلعت اتوضيت فرشت امصلايتي وصليت الغروب والعشة اثناء صلاتي دخل نوار شافني وطلع من خلصت رجعت للمكتب خلصت شغلي وبقيت كاعدة على المكتب صافنة اباوع على جسمي الي الذبلان و ادية الي ترجف من فقر الدم صح رحت للدكتور بعد ادماني على ادوية المنومة بس اعراض الادوية اليهسة موجودة وهية قلت النوم وفقدان الشهية وجگاير الي ما گدرت اقطعهم تعبت من روتين الشغل الي ما يخلص واشگد ما اشتغل ما جاي ا گدر انسة اهانة قيصر الي او حتة انسى هوة بكبرة لو الفراغ الي بحياتي بعد وافاة امي و حمد ...
دخل نوار و گعد ا گبالي واني ولا منتبهة علية ابد الفشلة جانت عيني بعينة واني سارحة الى ان د گ علية ابو وحجة ويا الواضح سالة اذا خلصنة لو لا ونوار جاوبة انو خلصنة استونة وراح نطلع من الشركةو وبعدهة ظل يضحك وسد التليفون و گال ها رغد خلصنة من الصفنة في ويهي ؟
- والله عندك ثقة بنفسك من الاساس ما جنت منتبهة لوجودك ؟
- ليش كسرتي مياذيفي چي.
- ههههههههههه .
- واو طلعتي بتعرفي تضحكين يا رغد لو اعرف اهبب كان هببب.
- من الي شفتة بحياتي يا نوار انسحت الابتسامة والرحمة بنفس الوقت .
- الله يهديج ما تقبلين اتفضفضين كاتمة الهم على گلبك.
- كل الي اكدر اگولة الك قبل جانت الابسامة والضحكة ما اتفارگ وجهي .
- عسى الله ياخذ الي كان السبب.
- خالد وين ؟
- خالد طلع وانتي اتصلين.
- يعني بس اني وياك بالشركة؟
- أي.
- اذا اتريد روح اني ابقة اشوي واطلع.
- مافي شغل خلصنة ليش ما اتروحين؟
- مخنوگة ما اعلرف وين اروح .
- تعالي معاي واني ابسطك صدگيني.
- هههههه وين اروح وياك؟
- لا اتخافين ما اخذك لفندق ههههه بنروح للبحر ناخذ لنة فرة على الكورنيش اشوي ونتعشة ...انتي ما ماكلة ولا شي.
- توكلنة على الله بس العشة على احسابي ؟
- ههههه ماشي انروح بسيارتي لو بسياتج .
- كلمن بسيارتة لان ارد اصفهة بگراج قبل ما اسافر.
- ما يحتاج اني اخذة بفلتنة .
- تمام لعد بسيارتك.
********************************
البارت اليجي بعد اسبوع للاسباب المذكورة اعلاه والله طاح حضي بهل بارت قدرو تعبي بالمتابعة والتعليقات والنجمة حبايبي
En.Zahraa
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!